Connect with us

KPT+

អាណាព្យាបាល​យល់​ដូចម្ដេច​ ចំពោះ​ការ​ប្រើប្រាស់​ទូរសព្ទ​របស់​កូនបច្ចុប្បន្ន?

បានផុស

នៅ

បច្ចុប្បន្ន គ្រួសារនីមួយៗ​មាន​ទូរសព្ទដៃ​ប្រើប្រាស់​ស្ទើ​រគ្រប់គ្នា រួម​តាំង​ក្មេង​តូច​ៗ​ផង​ដែរ។ ស្រប​ជា​មួយ​គ្នា​នេះ នៅ​ក្នុង​បរិបទ​បង្ការ​ជំងឺ​កូវីដ-១៩ ការ​ប្រើប្រាស់​ទូរសព្ទ​រឹតតែ​មាន​ការ​កើន​ឡើង​ជា​លំដាប់ ដែលសូម្បីសិស្សថ្នាក់មតេយ្យសិក្សានៃសាលារៀនឯកជនខ្លះ ក៏តម្រូវការរៀនពីចម្ងាយតាមទូរសព្ទ ឬអាយផេត ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កែវ អាយុ ៤១ឆ្នាំ មុខរបរ​ជា​ជាង​ជួសជុល​ម៉ាស៊ីនត្រជាក់ រស់​នៅ​ចំការ​ដូង លោក​មាន​កូន ​២នាក់ ​រៀនថ្នាក់ទី៩ និងទី៤។ លោក​បាន​ប្រាប់ “កម្ពុជាថ្មី” ​ថា កូនៗរបស់​លោក​ចាប់ផ្ដើម​ប្រើ​ទូរសព្ទ​ក្នុង​ពេល​ចាប់ផ្ដើម​កូវីដ-១៩ ផ្ទុះខ្លាំង។ លោក​​មាន​ការ​ព្រួយ​បារម្ភ​ខ្លះ​ដែរ​ ចំពោះ​ការ​ប្រើប្រាស់​ទូរសព្ទ​របស់​កូន ប៉ុន្តែ​ហាម​ក៏​មិន​កើត​ព្រោះ​កូន​ត្រូវការ​ទូរសព្ទ​ដើម្បី​រៀន។

លោក កែវ លើកឡើងថា៖ “ក្រោយពេល​សាលា​បើក​ដំណើរការ​ឱ្យ​រៀន​នៅ​សាលាឡើង​វិញ ខ្ញុំ​ក៏​មិន​បាន​អនុញ្ញាត​ឱ្យ​កូន​យក​ទូរសព្ទ​ទៅ​សាលា​ដែរ ទាល់​តែ​ពួក​គេ​ចេញ​ពី​សាលា​ទៅ​ផ្ទះ ​ហើយ​ធ្វើ​កិច្ចការ​សាលា​រួចរាល់​ទើប​អនុញ្ញាត​ឱ្យ​លេង​ទូរសព្ទ។ ប៉ុន្តែ​ខ្ញុំ​ឱ្យ​លេង​ក្នុង​មួយថ្ងៃ​ត្រឹមតែ ​៣០នាទី​តែ​ប៉ុណ្ណោះ។ ក្រៅ​ពី​កម្មវិធី​សិក្សា​ ពួក​គេ​លេង ហ្វេសប៊ុក និង​ហ្គេម​ខ្លះ​ដែរ។ ក្នុង​នាម​ជា​ឪពុកម្ដាយ ​ក៏​មិន​អាច​ហាម​មិន​ឱ្យ​លេង​កើត​បានទេ ប៉ុន្តែ​យើង​ត្រូវ​ចេះ​គ្រប់គ្រង​ការ​លេង​ពួក​គេ និង​កុំ​ឱ្យ​លេង​ច្រើន​ហួស​ហេតុ​ពេក ព្រោះ​សម័យ​នេះ​ហើយ ​វា​ចាំ​បាច់​ណាស់​ដែល​កូន​ត្រូវ​ចេះ​ប្រើ​ទូរសព្ទ និង​ទាន់​សម័យ​បច្ចេកវិទ្យា”។

លោកស្រី ឡៅ ផារី អាយុ ៦៣ឆ្នាំ មុខរបរ​មេផ្ទះ មាន​ទីលំនៅ​ក្បែរ​វិមានឯករាជ្យ ​មាន​កូន២នាក់ អាយុ១៣ឆ្នាំ ទាំង២នាក់ (ភ្លោះ) ស្រី​មួយ ប្រុស​មួយ រៀនថ្នាក់ទី៨ទាំងពីនាក់ នៅ​វិទ្យាល័យ​ស៊ីសុវត្ថិ។ លោកស្រីបាន​លើក​ឡើងថា លោកស្រី​បានឱ្យ​កូនៗ​ប្រើប្រាស់​ទូរសព្ទ​ចាប់ពី​ពេល​សាលា​រៀបចំ​ឱ្យ​មាន​ការ​បង្រៀន​តាម​ប្រព័ន្ធ​អនឡាញ។ ជា​ធម្មតា​ការ​រៀន​តាម​អនឡាញ​ត្រូវ​តែ​មាន​ទូរសព្ទ​ដើម្បី​រៀន តែ​សម្រាប់​កូន​គាត់​ផ្ទាល់ ​ការ​ប្រើប្រាស់​ទូរសព្ទ​សម្រាប់​តែ​ការ​រៀន និង​ទុក​ពេល​ឱ្យ​កូន​លេង​ខ្លះ​ដែរ។

លោកស្រី ឡៅ ផារី លើកឡើងថា៖ “ចំពោះ​ទូរសព្ទ​ គឺ​ខ្ញុំ​ផ្ទាល់​ជា​អ្នក​ជ្រើសរើស​ឱ្យ​កូន​ប្រើ មិន​មែន​ជា​ការ​កំណត់​របស់​កូន​ឡើយ។ រៀងរាល់​ល្ងាច​ពេល​ចន្លោះ​ពី​ម៉ោង៨ ទៅ ៨​កន្លះ​យប់ ក្រោយ​ពេល​រៀន​ចប់​ កូន​សុំ​លេង​ទូរសព្ទ ប៉ុន្តែ​ខ្ញុំ​​មិន​បាន​កំណត់​ទៅ​លើ​​ប្រភេទ​កម្មវិធី​ដែល​កូន​លេង​ឡើយ ប៉ុន្តែ​ខ្ញុំ​ឱ្យ​លេង​ក្នុង​មួយថ្ងៃ​ត្រឹមតែ ​១៥-៣០នាទី​ប៉ុណ្ណោះ។ ​ឪពុកម្ដាយ​មិន​គួរ​អនុញ្ញាត​ឱ្យ​កូន​លេង​ទូរសព្ទ​យូរពេក​ទេ ព្រោះ​ទូរសព្ទ​​អាច​ប៉ះ​ពាល់សុខភាព​ក្មេង”​។

ផ្ទុយ​ពី​នេះ ប្រភព​ពី​អាណាព្យាបាល​សុំ​មិន​បញ្ចេញ​អត្តសញ្ញាណ មានវ័យ ៤៥ឆ្នាំ ដែលមាន​កូន២នាក់ ជាសិស្សដែល​រៀន​បានពូកែ​ នៅ​ក្នុង​វិទ្យាល័យ បាក់​ទូក យល់​ឃើញ​ថា សម្រាប់​កូនៗ​ដែល​កំពុង​សិក្សា​ថ្នាក់​ក្រោម​បរិញ្ញាបត្រ​ មិន​គួរ​ឱ្យ​គេ​ប្រើប្រាស់​ទូរសព្ទ​ទេ គួរ​ជំនួស​មកវិញ​ដោយ​ការ​ប្រើប្រាស់​កុំព្យូទ័រ ព្រោះ​មាន​កូន​ខ្លះ​នៅ​តែ​អាច​លួច​លេង​អ្វី​ក្រៅ​ពី​កម្មវិធី​សិក្សា ដែល​អាច​ធ្វើ​ឱ្យ​ប៉ះពាល់​ដល់​ការ​សិក្សា និង​អាច​ជះឥទ្ធិពល​អាក្រក់​ដល់​កូន​នា​ពេល​អនាគត​។

លោកលើកឡើងថា៖ “បើ​ទោះបី​ជា​កុំព្យូទ័រ​មាន​លក្ខណៈ​ស្មុគស្មាញ​ក្នុង​ការ​ប្រើប្រាស់​ជាង​ទូរសព្ទ​ពិតមែន ប៉ុន្តែ​មនុស្ស​ជា​អ្នក​បង្កើត​ គ្មាន​អ្វី​ត្រូវ​បារម្ភ​ខ្លាច​កូន​មិន​ចេះ​ប្រើប្រាស់​នោះ​ទេ។ ការ​រៀន​អនឡាន​ត្រូវការ​អ៊ីនធឺណិត​ក៏​ពិតមែន ​ប៉ុន្តែ​យើង​អាច​តភ្ជាប់​បាន​ដូច​ទូរសព្ទ​ដែរ ហើយ​ការ​រៀន​របស់​កូន​ខ្ញុំ​ក៏​មាន​ការ​យកចិត្ត​ទុកដាក់”។

គួរបញ្ជាក់ថា ចាប់តាំង​ពី​បច្ចេកវិទ្យា​មាន​ការ​រីកចម្រើន​ ទាំង​ឧបករណ៍​អេឡិចត្រូនិក និង​ប្រព័ន្ធ​អេឡិចត្រូនិក​បាន​រីក​ដុះដាល​ជា​ខ្លាំង រហូត​ដល់​មាន​ការ​ប្រកួតប្រជែង​ទាំង​ស៊េរី កម្មវិធី និង​តម្លៃ ជា​ពិសេស​គឺ​ទូរសព្ទ​ដៃ៕

អត្ថបទ៖ សេម វាសនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ នាទី មុន

រដ្ឋមន្រ្តីក្រសួងឧស្សាហកម្ម​អះអាង ឆ្នាំ ២០២៤ គ្រប់​ការ​ផ្តល់​សេវា​កម្ម​នឹង​ប្រើប្រាស់​តាម​អនឡាញ​

ព័ត៌មានជាតិ៤ នាទី មុន

គណៈកម្មាធិការសម្ព័ន្ធយុវជនស្រឡាញ់សន្តិភាព ខេត្តសៀមរាប ប្រកាសទទួលស្គាល់ការកែសម្រួលរចនាសម្ព័ន្ធដឹកនាំ

ព័ត៌មានអន្ដរជាតិ១៤ នាទី មុន

ក្មេងស្រី អាមេរិក វ័យទើប ១០ ឆ្នាំគំរាមបាញ់សម្លាប់មិត្តរួមថ្នាក់

សន្តិសុខសង្គម២៤ នាទី មុន

នគរបាលស្រុកបាទីចាប់ខ្លួនក្រុមកាប់ប្លន់ពីរនាក់ ក្រោយដេញកាប់ប្លន់ម៉ូតូពីជនរងគ្រោះម្នាក់បានសម្រេច

ព័ត៌មានជាតិ៤៣ នាទី មុន

អ្នកធ្វើដំណើរ សម្ដែងការអរគុណចំពោះ រដ្ឋាករទឹក ដែលជួសជុលផ្លូវឱ្យល្អឡើងវិញ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម