​របាយការណ៍ UN បង្ហាញថា​ ចំនួនប្រជាជនក្រុងតូក្យូ បានកើនឡើងយឺតជាងចំនួនប្រជាជននៃប្រទេសឥណ្ឌូណេស៊ី និងបង់ក្លាដែស ហើយជាលទ្ធផល ក្រុងតូក្យូបាន​ធ្លាក់ចំណាត់ថ្នាក់ «ទីក្រុងដែល​មាន​ប្រជាជនរស់នៅច្រើនជាងគេបំផុតទូទាំងពិភព​លោក​​» ពីលេខ១នៅឆ្នាំ ២០០០ មកលេខ ៣ នៅឆ្នាំ ២០២៥​។

គិតត្រឹមថ្ងៃទី ១ កក្កដា ឆ្នាំ ២០២៥ ក្រុងហ្សាការតាមាន​ប្រជាជនរស់នៅ ៤១,៩ លាន​នាក់ បន្ទាប់មកទីក្រុងដាកា (៣៦,៥ លាននាក់) តូក្យូ (៣៣,៤ លាននាក់) ញូវដេលីរបស់ឥណ្ឌា (៣០,២ លាននាក់) សៀងហៃរបស់ចិន (២៩,៥ លាននាក់) និងក្វាងចូវ (២៧,៥ លាននាក់)។

​របាយការណ៍ដដែល​បាន​ព្យាករថា នៅឆ្នាំ ២០៥០ ទីក្រុងដាកា នឹង​ក្លាយជាទីក្រុងមាន​ប្រជាជនច្រើនជាងគេបំផុតលើពិភព​លោក បន្ទាប់មកគឺហ្សាការតា សៀងហៃ ញូវដេលី ការ៉ាឈី (ប៉ាគីស្ថាន) ខណៈទីក្រុងតូក្យូនឹង​ធ្លាក់ចំណាត់ថ្នាក់ទៅលេខ ៧។

របាយការណ៍ UN បាន​និយាយថា ប្រជាជនរស់នៅទីក្រុងកាន់តែច្រើន ដោយឥឡូវនេះ ៤៥% នៃប្រជាជនសរុប ៨,២ ប៊ីលាន​នាក់លើពិភព​លោក​ រស់នៅទីក្រុង​ ដែលភាគរយនេះគឺខ្ពស់ជាងទ្វេដងធៀបនឹង​សមាមាត្រនៅឆ្នាំ ១៩៥០។ ២/៣ ​នៃកំណើនប្រជាជនពិភពលោកចាប់ពីឆ្នាំ ២០២៥ ដល់ ២០៥០ ត្រូវបានព្យាករថានឹងកើតឡើងនៅក្នុងទីក្រុង ​ខណៈភាគច្រើនដែលនៅសល់ គឺកើតឡើងនៅទីប្រជុំជនផ្សេងៗ។

របាយការណ៍​បន្តថា ទីក្រុងតូក្យូ និងសេអ៊ូល(កូរ៉េខាងត្បូង) គឺជាទីក្រុងតែ២គត់ក្នុងចំណោមទីក្រុងធំៗទាំង ១០ ក្នុងឆ្នាំ ២០២៥ ​ដែលឃើញពី​ការធ្លាក់ចុះនៃចំនួនប្រជាជននៅឆ្នាំ ២០៥០​ ដោយសារតែអត្រាមានកូនទាប និងការធ្លាក់ចុះចំនួនប្រជាជនសរុប៕

​

​

The post ហ្សាការតារបស់ឥណ្ឌូណេស៊ី វ៉ាដាច់​តូក្យូ ក្លាយជាទីក្រុងធំជាងគេបំផុតរបស់ពិភពលោក appeared first on Kampuchea Thmey Daily.

តាមការផ្សាយរបស់ BBC នៅថ្ងៃពុធទី១០ខែធ្នូឆ្នាំ២០២៥, មូលហេតុបង្កជាអគ្គិភ័យឆេះអគារកម្ពស់៧ជាន់មួយនេះ គឺបណ្តាលមកពីផ្ទុះថ្មនៅជាន់ទីមួយ រួចក៏រាលដាលទៅជាន់លើៗ។

ដ្បិតមានការអះអាងពីមូលហេតុនេះ ប៉ុន្តែប៉ូលិសនៅតែបន្តស៊ើបអង្កេតបន្ថែមទៀត ដើម្បីកំណត់ឲ្យកាន់តែច្បាស់។

យោងតាមនាយកដ្ឋានេះពន្លត់អគ្គិភ័យក្រុងហ្សាការតា, អ្នកពន្លត់អគ្គិភ័យចំនួន១០០នាក់ និងរថយន្ត២៩គ្រឿង ត្រូវបានបញ្ជូនទៅដើម្បីពន្លត់ភ្លើង។

សូមបញ្ជាក់ថា ក្នុងចំណោមអ្នកស្លាប់ទាំង២២នាក់ គឺមាន១៥នាក់ជាស្រ្តី ហើយក្នុងនោះមានម្នាក់ គឺជាស្រ្តីមានផ្ទៃពោះ៕

អត្ថបទ៖ សុខ សុវណ្ណ

The post ឆេះអគារការិយាល័យក្នុងទីក្រុងហ្សាការតា ស្លាប់មនុស្ស២២នាក់ appeared first on Kampuchea Thmey Daily.

អាជ្ញាធរឥណ្ឌូណេស៊ីបានបង្កើតប៉ុស្តិ៍ត្រួតពិនិត្យ ដោយបានដាក់ពង្រាយរថពាសដែក និងល្បាតតំបន់សំខាន់ៗ បន្ទាប់ពីមានភាពចលាចលទូទាំងប្រទេសរយៈពេលមួយសប្តាហ៍ជុំវិញការតំឡើងប្រាក់ខែរបស់សមាជិកសភា ដែលបានបណ្តាលឲ្យមនុស្សយ៉ាងតិចប្រាំបីនាក់ស្លាប់។

ក្រុមបាតុករបានលើកឡើងពីលក្ខខណ្ឌមិនអាចទៅរួចនិងការភ័យខ្លាចនៃការកើនឡើងនៃអំពើហិង្សាដែលជាហេតុផលសម្រាប់ការបញ្ឈប់ការតវ៉ា។ ទោះយ៉ាងណាក៏ដោយ ការប្រមូលផ្តុំនៅតែត្រូវបានគ្រោងទុកនៅក្នុងទីក្រុងផ្សេងទៀត រួមទាំងទីក្រុង Purwakarta និង Yogyakarta នៅតែធ្វើឡើងធម្មតា ។

ភាពចលាចលដ៏ធ្ងន់ធ្ងរនេះបានបង្ខំឱ្យប្រធានាធិបតីឥណ្ឌូណេស៊ីលោក Prabowo Subianto ដកចេញវិញនូវគម្រោងតម្លើងប្រាក់ខែដល់សមាជិកសភា ខណៈពេលដែលកំពុងបញ្ជាឱ្យកងកម្លាំងសន្តិសុខចាត់វិធានការយ៉ាងម៉ឺងម៉ាត់ប្រឆាំងនឹងបាតុកម្ម បន្ទាប់ពីអគាររដ្ឋ និងផ្ទះរបស់មន្ត្រីត្រូវបានវាយប្រហារ។

គួរបញ្ជាក់ថាវិបត្តិ​នេះ​បាន​រំខាន​ដល់​ការងាររបស់​រដ្ឋាភិបាល ដោយ​លោក Prabowo បាន​លុប​ចោល​ការ​ធ្វើ​ដំណើរ​ទៅ​កាន់​ប្រទេស​ចិន។ អំពើហិង្សាក្នុងបាតុកម្មបានកើតមានយ៉ាងធ្ងន់ធ្ងរបំផុតនៅក្នុងទីក្រុង Makassar និង Yogyakarta ដែលមានមនុស្សស្លាប់ជាច្រើននាក់ រួមទាំងនិស្សិតសាកលវិទ្យាល័យម្នាក់ផងដែរ។ លើសពីនេះនៅក្នុងការផ្លាស់ប្តូរមិនធម្មតា TikTok បានផ្អាកមុខងារផ្សាយផ្ទាល់របស់ខ្លួននៅក្នុងប្រទេសឥណ្ឌូណេស៊ី ដើម្បីទប់ស្កាត់ការរីករាលដាលនៃមាតិកាដែលទាក់ទងនឹងការតវ៉ា៕

អត្ថបទ៖ ប៊ុន សុភាព

The post បាតុកម្មនៅ​ហ្សាការតា​ ត្រូវ​​ពន្យារ​ពេល​ដោយសារ​ការ​បង្ក្រាប​សន្តិសុខ​​ខ្លាំងពេក ​ appeared first on Kampuchea Thmey Daily.

ទន្ទឹមនោះ ឈ្មោះរដ្ឋធានីថ្មីនេះត្រូវបានស្នើឡើងដោយលោក Widodo ខ្លួនឯងផ្ទាល់តែម្ដង ។ រដ្ឋធានីថ្មីនេះមានចម្ងាយប្រហែល ២,០០០ គីឡូម៉ែត្រភាគឦសាននៃទីក្រុងហ្សាការតា ហើយនឹងមានរដ្ឋាភិបាលខេត្តមួយស្រដៀងនឹងខេត្តចំនួន ៣៤ ផ្សេងទៀតរបស់ប្រទេសឥណ្ឌូនេស៊ី ។

ស្របពេលជាមួយគ្នានេះ រដ្ឋាភិបាលក៏នឹងផ្តល់ដីសម្រាប់ស្ថានទូតបរទេស និងតំណាងអង្គការអន្តរជាតិដើម្បីផ្លាស់ប្តូរទីតាំងការិយាល័យរបស់ពួកគេទៅកាន់រាជធានីថ្មីក្នុងរយៈពេល ១០ ឆ្នាំនៃការចាប់ផ្តើមផ្លាស់ប្តូរទីតាំងថ្មីនេះ ។

យោងទៅតាមលោក Joko Widodo បានឲ្យដឹងទៀតថា ហ្សាកាតានឹងនៅតែជាមជ្ឈមណ្ឌលហិរញ្ញវត្ថុ និងពាណិជ្ជកម្មរបស់ប្រទេស បើទោះបីជាមានការកកស្ទះចរាចរណ៍រ៉ាំរ៉ៃ ការបំពុល ប្រជាជនច្រើនហួស និងបញ្ហាទឹកជំនន់នៅតាមឆ្នេរសមុទ្រជាដើម ។

លោក Widodo បានប្រកាសផែនការផ្លាស់ប្តូររដ្ឋធានីភ្លាមៗនេះ បន្ទាប់ពីចូលកាន់តំណែងជាលើកទី ២ នៅចុងឆ្នាំ ២០១៩ បើទោះបីជាលោកនឹងត្រូវបានរារាំងមិនឲ្យឈរឈ្មោះជាលើកទី ៣ នាពេលអនាគតក៏ដោយ ។

បន្ថែមពីនេះសមាជិកសភាក៏បានសម្រេចចិត្តប្រើប្រាស់មូលនិធិរបស់រដ្ឋដើម្បីជួយឧបត្ថម្ភធនដល់ការផ្លាស់ប្តូរនេះ ដោយពង្រីកការចំណាយក្នុងរយៈពេល ១០ ឆ្នាំ ខណៈរដ្ឋាភិបាលបានព្យាករណ៍ថា គម្រោងនេះនឹងចំណាយអស់ ៤៦៦ ពាន់ពាន់លានរូពៀ (៣២.៥ ពាន់លានដុល្លារអាមេរិក) ៕

ប្រែសម្រួលដោយ ៖ ជីវ័ន្ត

ប្រភព ៖ Thaiger

ចុចអាន ៖ មកដឹងតម្លៃសាច់ជ្រូក និងសាច់ក្រពើដែលកំពុងត្រូវប៉ាន់នៅ ថៃ

The post ឥណ្ឌូណេស៊ី សាងសង់រដ្ឋធានីថ្មី ជំនួសទីក្រុងហ្សាការតា appeared first on Kampuchea Thmey Daily.

BMKG បាននិយាយថា ទីក្រុងហ្សាការតានឹងមានការប្រុងប្រយ័ត្នសម្រាប់រយៈពេល ៤ ថ្ងៃខាងមុខ ក្រោយទិន្នន័យពីទីភ្នាក់ងារឧតុនិយមបង្ហាញពីភ្លៀងធ្លាក់ខ្លាំងក្នុងរយៈពេល ២៤ ម៉ោងចុងក្រោយជាមួយតំបន់ Pasar Minggu នៅភាគខាងត្បូងទីក្រុងហ្សាការតាដោយបានកត់ត្រាកម្រិតទឹកភ្លៀងចំនួន ២២៦ មីល្លីម៉ែត្រចាប់តាំងពីថ្ងៃសុក្រ ។

ទន្ទឹមនោះរូបភាពដែលបង្ហោះនៅលើបណ្តាញសង្គមបង្ហាញពីប្រជាជនដើរកាត់ទឹកភក់ជ្រៅៗ រថយន្តស្ទើរតែលិចទាំងស្រុង ហើយក្រុមរុករកបានជម្លៀសប្រជាជនវ័យចំណាស់តាមទូកពោងចេញពីតំបន់រងគ្រោះ ។

លោក Sabdo Kurnianto អ្នកតំណាងនៃទីភ្នាក់ងារកាត់បន្ថយគ្រោះមហន្តរាយនៅទីក្រុងហ្សាការតាបាននិយាយថា ប្រជាជនក្រុងហ្សាការតាចំនួន ១,៣៨០ នាក់ត្រូវបានជម្លៀសចេញពីតំបន់ភាគខាងត្បូង និងខាងកើតនៃទីក្រុងដែលមានប្រជាជនចំនួន ១០ លាននាក់ បន្ទាប់ពីទឹកជំនន់ឡើងដល់កម្ពស់ ១.៨ ម៉ែត្រនៅក្នុងតំបន់មួយចំនួន ។ លោកបាននិយាយថាពេលនេះមិនមានសេចក្តីរាយការណ៍អំពីគ្រោះថ្នាក់ដល់អាយុជីវិតនោះទេ ។

អភិបាលក្រុងហ្សាការតាលោក Anies Baswedan បានប្រាប់ទូរទស្សន៍ក្នុងស្រុកនៅព្រឹកថ្ងៃសៅរ៍នេះថា “តំបន់ចំនួន ២០០ ត្រូវបានរងផលប៉ះពាល់ ។ ភ្លៀងបានរាំង ប៉ុន្តែទឹកមកពីតំបន់ផ្សេងទៀតនៅតែជះឥទ្ធិពលដល់ក្រុងហ្សាការតា ។ សង្ឃឹមថាវានឹងមិនប៉ះពាល់ដល់កណ្តាលទីក្រុងទេ ហើយនៅពេលទឹកស្រកប្រជាជនអាចធ្វើសកម្មភាពរបស់ពួកគេឡើងវិញបាន” ។

ទីក្រុងហ្សាការតា និងតំបន់ជុំវិញទីក្រុងនៅតែស្ថិតក្នុងរដូវវស្សាដែលត្រូវបានគេប៉ាន់ស្មានថានឹងបន្តរហូតដល់ចុងខែកុម្ភៈ ឬដើមខែមីនា ។

ទឹកជំនន់បានបន្តកើតឡើងនៅពេលដែលប្រទេសឥណ្ឌូនេស៊ីកំពុងដោះស្រាយជាមួយនឹងចំនួនអ្នកឆ្លង  និងការស្លាប់ពីជំងឺកូវីដ ១៩ ខ្ពស់បំផុតនៅអាស៊ីអាគ្នេយ៍ ខណៈសេដ្ឋកិច្ចក៏កំពុងធ្លាក់ចុះផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ REUTERS

ចុចអាន ៖ ដឹងមូលហេតុខ្លះហើយ! ឥណ្ឌូនេស៊ីបញ្ចេញរបាយការណ៍បឋមការធ្លាក់យន្ដហោះ Sriwijaya Air

ចុចអាន ៖ ក្រោយរួមភេទជាមួយបុរសដូចគ្នា គូស្នេហ៍ឥណ្ឌូនេស៊ីត្រូវវាយជិត ៨០ រំពាត់

The post ទឹកជំនន់កំពុងវាយប្រហារខ្លាំងនៅទូទាំងទីក្រុងហ្សាការតា appeared first on Kampuchea Thmey Daily.