ដឹងមូលហេតុខ្លះហើយ! ឥណ្ឌូនេស៊ីបញ្ចេញរបាយការណ៍បឋមការធ្លាក់យន្ដហោះ Sriwijaya Air
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ដឹងមូលហេតុខ្លះហើយ! ឥណ្ឌូនេស៊ីបញ្ចេញរបាយការណ៍បឋមការធ្លាក់យន្ដហោះ Sriwijaya Air

បានផុស

នៅ

របាយការណ៍បឋមរបស់ក្រុមអ្នកស៊ើបអង្កេតបាននិយាយកាលពីថ្ងៃពុធថា យន្តហោះដឹកអ្នកដំណើរឥណ្ឌូនេស៊ីដែលធ្លាក់កាលពីខែមុន និងបានសម្លាប់មនុស្ស ៦២ នាក់គឺដោយសារមិនមានភាពស្មើគ្នានៃកម្លាំងម៉ាស៊ីនដែលនៅទីបំផុតបាននាំយន្តហោះផ្អៀងយ៉ាងខ្លាំង ហើយបន្ទាប់មកបានដាំក្បាលធ្លាក់ចូលសមុទ្រ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើយោងតាមគណៈកម្មាធិការសុវត្ថិភាពដឹកជញ្ជូនជាតិឥណ្ឌូណេស៊ី (KNKT) បានឲ្យដឹងថា នៅពេលដែលយន្តហោះ Boeing Co 737-500 ដែលមានអាយុកាល ២៦ ឆ្នាំរបស់ក្រុមហ៊ុនអាកាសចរណ៍ Sriwijaya Air ហោះឡើងដល់កម្ពស់ ២,៤៨៤ ម៉ែត្រ ឧបករណ៍បញ្ជាសន្ទះបិទបើកម៉ាស៊ីនខាងឆ្វេងបានរំកិលថយក្រោយវិញ ខណៈដែលឧបករណ៍បញ្ជាសន្ទះបិទបើកម៉ាស៊ីនខាងស្តាំស្ថិតនៅក្នុងទីតាំងដើម ។

អ្នកស៊ើបអង្កេតរបស់ KNKT លោក Nurcayho Utomo បានប្រាប់ក្រុមអ្នកយកព័ត៌មានថា “យើងមិនដឹងថា វាខូច ឬអត់នោះទេ ប៉ុន្តែវាគឺជារឿងមិនត្រឹមត្រូវ ព្រោះឧបករណ៍ផ្នែកខាងឆ្វេងបានរំកិលថយក្រោយ ហើយខាងស្តាំហាក់ដូចជាគាំង” ។

យោងតាមរបាយការណ៍បានឲ្យដឹងថា នៅចម្ងាយប្រហែល ៣,០០០ ម៉ែត្រ យន្តហោះបានផ្អៀងទៅខាងឆ្វេងជាង ៤៥ ដឺក្រេ ហើយបានចាប់ផ្តើមដាំក្បាលចុះ ។

ហេតុការណ៍ធ្លាក់យន្តហោះ Sriwijaya គឺជាការធ្លាក់យន្ដហោះដ៏ធំទីបីរបស់ប្រទេសឥណ្ឌូនេស៊ីក្នុងរយៈពេលតែជាង ៦ ឆ្នាំប៉ុណ្ណោះ ហើយបានបង្ហាញពីកំណត់ត្រាសុវត្ថិភាពដែនអាកាសមិនល្អរបស់ប្រទេសនេះ ។

ក្រុមអ្នកស៊ើបអង្កេតបានកំណត់ទីតាំង និងពិនិត្យមើលឧបករណ៍ថតទិន្នន័យហោះហើររបស់យន្តហោះ ឬប្រអប់ខ្មៅភ្លាមៗ ហើយបញ្ជូនផ្នែកខ្លះនៃយន្តហោះរួមទាំងប្រព័ន្ធស្វ័យបើកបរដែលគ្រប់គ្រងថាមពលម៉ាស៊ីនដោយស្វ័យប្រវត្តិទៅកាន់សហរដ្ឋអាមេរិក និងអង់គ្លេសដើម្បីធ្វើការពិនិត្យ ។

ទន្ទឹមនោះអ្នកមុជទឹកនៅតែមិនទាន់រកឃើញឧបករណ៍ថតសម្លេងនៅកាប៊ីនយន្ដហោះនៅឡើយទេដែលនឹងជួយអ្នកស៊ើបអង្កេតឲ្យយល់កាន់តែច្បាស់អំពីកត្តាមនុស្សដែលទាក់ទងនឹងការធ្លាក់នេះ ៕

ប្រែសម្រួលដោយ ៖ ជីវ័ន្ត

ប្រភព ៖ CNN

ចុចអាន ៖ តាមពិតយន្តហោះ Boeing ដែលធ្លាក់ក្នុងឥណ្ឌូនេស៊ីអាក់ខានហោះហើរជិតមួយឆ្នាំមកហើយ

ចុចអាន ៖ បណ្ដុំរូបភាពកំសត់ៗក្រុមគ្រួសារជនរងគ្រោះនៃការធ្លាក់យន្តហោះឥណ្ឌូនេស៊ីធ្វើពិធីរំឭកវិញ្ញាណក្ខន្ធនៅសមុទ្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

កម្ពុជាអាចនាំចេញជលផល ៤ប្រភេទទៅកាន់ទីផ្សារប្រទេសចិន

ព័ត៌មានជាតិ៨ នាទី មុន

សមាគមចិញ្ចឹមត្រី ប្រតិកម្មសម្ដីលោក ខាន់ សុវណ្ណ មើលងាយពលរដ្ឋខ្មែរថាមិន​ចេះ​ចិញ្ចឹម​ត្រី

ព័ត៌មានជាតិ១០ នាទី មុន

អគ្គស្នងការនគរបាលជាតិផ្តល់រថយន្តពន្លត់អគ្គិភ័យទំនើប២គ្រឿងដល់មន្ត្រីជំនាញដើម្បីបង្កើនអន្តរាគមន៍គ្រោះអគ្គិភ័យ

ព័ត៌មានជាតិ១១ នាទី មុន

ប្រើល្បិច​ហៅ​ក្មេងស្រី៤នាក់​​មក​លេង​ផ្ទះ ទិញ​ទូរសព្ទ​ឲ្យ​ម្នាក់​មួយ​គ្រឿង ដើម្បីបំរើតណ្ហា​ ត្រូវ​សមត្ថកិច្ច​​​បញ្ជូន​ទៅ​តុលាការ

ព័ត៌មានអន្ដរជាតិ១៦ នាទី មុន

វៀតណាម ពិភាក្សាជាមួយ អាមេរិក ផលិតវ៉ាក់សាំងកូវីដ ចាក់តែមួយដូស មានប្រសិទ្ធភាពខ្ពស់

Sokha Hotels

ព័ត៌មានពេញនិយម

Helistar Cambodia - Helicopter Charter Services