ហេតុការណ៍នេះកើតឡើងនៅម៉ោង១១យប់ថ្ងៃពុធទី១៨ខែធ្នូឆ្នាំ២០២៤ លើផ្លូវ Pham Van Dong សង្កាត់ Bac Tu Liem។

បុរសដែលត្រូវប៉ូលិសចាប់ខ្លួន បានសារភាពថា គាត់ជាអ្នកយកសាំងចាក់ដុតបារ៍នេះ ព្រោះតែគាត់មកផឹកស្រាហើយមានជម្លោះជាមួយបុគ្គលិកហាង។ គាត់បានយកសាំងចាក់ដុតនៅជាន់ទីមួយ ហើយក៏បិទច្រកចេញធ្វើឲ្យមនុស្សជាច្រើននាក់ជាប់នៅខាងក្នុង។ អគ្គិភ័យក៏ឆាបឆេះ រួចក៏រាលដាលទៅកាន់សំណង់នៅជាប់ៗនោះ។

ក្រៅពីមនុស្សស្លាប់ ប៉ូលិសបានជួយសង្គ្រោះមនុស្សចំនួន៧នាក់ផ្សេងទៀត ដោយក្នុងនោះមាន២នាក់ ត្រូវបញ្ជូនទៅកាន់មន្ទីរពេទ្យ។

យ៉ាងណាក្តី ប៉ូលិសវៀតណាម កំពុងបើកការស៊ើបអង្កេតជាបន្តទៀតលើករណីនេះ៕

អត្ថបទ៖ សុខ សុវណ្ណ

ចុចអាន៖ ឆេះសាលារៀន ស្លាប់សិស្ស ១៧នាក់ ក្នុងប្រទេសកេនយ៉ា

The post បុរសវៀតណាម ចាក់សាំងដុតបារ៍ក្នុងទីក្រុងហាណូយ សម្លាប់មនុស្ស ១១នាក់ appeared first on Kampuchea Thmey Daily.

ក្នុងរបាយការណ៍ IQ Air, រាជធានីបាងកក បានជាប់ចំណាត់ថ្នាក់ទី១២លើពិភពលោកជាទីក្រុងមានខ្យល់ពុលធ្ងន់ធ្ងរបំផុត ពោលគឺតំបន់ចំនួន៦៣ មានកំហាប់ភាគល្អិត PM2.5 ឈានដល់កម្រិតគ្រោះថ្នាក់។

យោងតាមមជ្ឈមណ្ឌលព័ត៌មានគុណភាពខ្យល់នៃរដ្ឋបាលក្រុងបាងកក, កំហាប់ PM2.5 ក្នុងរាជធានី នៅថ្ងៃពុធទី៤ គឺមានចន្លោះពី៣៤.៤មីក្រូក្រាមក្នុងមួយម៉ែត្រគូបនៃខ្យល់ដល់ ៧៤.៣មីក្រូក្រាមក្នុងមួយម៉ែត្រគូបនៃខ្យល់។

ដោយឡែកនៅទីក្រុងហាណូយ នៃប្រទេសវៀតណាមវិញ កំហាប់ PM2.5 បានឈានដល់ ៨៥មីក្រូក្រាមក្នុងមួយម៉ែត្រគូបនៃខ្យល់ នៅថ្ងៃពុធទី៤ខែធ្នូ ហើយស្ថានភាពត្រូវបានក្រុមអ្នកជំនាញព្រមានថា នឹងមិនធូរស្រាលឡើយ រហូតដល់ឆ្នាំក្រោយឯណោះ។

សូមបញ្ជាក់ថា ទីក្រុងដែលមានខ្យល់ពុលធ្ងន់ធ្ងរជាងគេលើពិភពលោកនៅថ្ងៃពុធ គឺបាកដាដ នៃប្រទេសអ៊ីរ៉ាក, ទី២គឺ គែរ ប្រទេសអេហ្ស៊ីប និងទី៣ គឺដាកា នៃប្រទេសបង់ក្លាដែស៕

អត្ថបទ៖ សុខ សុវណ្ណ

ចុចអាន៖ ខេត្តថៃ ចំនួន៥០ នៅតែគ្របដណ្តប់ដោយខ្យល់ពុលដ៏គ្រោះថ្នាក់

The post ទីក្រុង២នៅអាស៊ីអាគ្នេយ៍ ស្ថិតក្នុងចំណោមទីក្រុង មានខ្យល់ពុលគ្រោះថ្នាក់បំផុត លើពិភពលោក appeared first on Kampuchea Thmey Daily.

កន្លែងដែលរងគ្រោះខ្លាំងជាងគេគឺសង្កាត់ Bac Tu Liem ដែល AQI បានឈានដល់កម្រិត២០០ចាប់តាំងពីពាក់កណ្តាលអធ្រាត្ររហូតដល់ពេលថ្ងៃត្រង់។ បន្ទាប់មកពីគឺ Cau Giay (១៥៩), Thanh Xuan (១៥២) និង Hoan Kiem (១៣២)។

ទោះបីជាយ៉ាងណាក៏ដោយ ពេលនេះទីក្រុងហាណូយបានធ្លាក់មកលេខ២វិញហើយ ក្នុងបញ្ជីទីក្រុងមានខ្យល់ពុលអាក្រក់បំផុតលើពិភពលោក ដោយតំណែងលេខ១ បានទៅលើទីក្រុង ​ញូវដែលី នៃប្រទេសឥណ្ឌា ដែលសន្ទទស្សន៍ AQI បានឈានដល់កម្រិត៤៧០ឯណោះ។

កាលពីកន្លះខែមុន ក្រុមអ្នកជំនាញវៀតណាម ក៏ព្រមានដែរថា គុណភាពខ្យល់ក្នុងទីក្រុងហាណូយ អាចនឹងបន្តស្ថានភាពដ៏អាក្រក់ រហូតដល់ខែមីនាឆ្នាំក្រោយ។

យោងតាមអ្នកជំនាញ ហេតុតែបណ្តាលឲ្យទីក្រុងហាណូយ មានផ្សែងអ័ព្ទក្រាស់និងខ្យល់ពុលដ៏គ្រោះថ្នាក់ គឺបណ្តាលពីបម្រែបម្រួលអាកាសធាតុ និងការហប់ខ្យល់ ធ្វើឲ្យកំហាប់ភាគល្អិតនិងធូលី មិនបែកខ្ញែក។

មិនត្រឹមប៉ុណ្ណឹង កត្តានេះក៏បណ្តាលមកពីផ្សែងយានយន្ត រោងចក្រ ការដុតកាកសំណល់ ចំបើង និងផលកសិកម្មនៅតាមវាលស្រែចម្ការ ដែលកាន់តែរីករាលដាលនិងញឹកញាប់ដោយគ្មានវិធានការទប់ស្កាត់ប្រកបដោយប្រសិទ្ធភាពផងដែរ។

សូមបញ្ជាក់ថា មិនមែនតែហាណូយឡើត សូម្បីទីក្រុងបាងកកនិងឈៀងម៉ៃ នៃប្រទេសថៃ ក៏បានជាប់ឈ្មោះក្នុងបញ្ជីទីក្រុងកំពូលទាំង៥០ទូទាំងពិភពលោក ដែលមានខ្យល់ពុលអាក្រក់បំផុតផងដែរ៕

អត្ថបទ៖ សុខ សុវណ្ណ

ចុចអាន៖ បាងកកនិងឈៀងម៉ៃ ជាប់ឈ្មោះក្នុងបញ្ជីទីក្រុងមានខ្យល់ពុល អាក្រក់បំផុតលើលោក

The post គុណភាពខ្យល់នៅហាណូយ ធ្លាក់ចុះដល់កម្រិតគ្រោះថ្នាក់បំផុត appeared first on Kampuchea Thmey Daily.

ប្រព័ន្ធតាមដានគុណភាពខ្យល់វៀតណាមបានបង្ហាញថា, គុណភាពខ្តល់ក្នុងទីក្រុងហាណូយ បានធ្លាក់ចុះដល់កម្រិតទាបបំផុត ជាហេតុបង្កហានិភ័យធ្ងន់ធ្ងរដល់សុខភាពមនុស្សចាស់ កុមារ និងអ្នកដែលមានជំងឺផ្លូវដង្ហើម។

ប៉ុន្មានថ្ងៃមកនេះ តំបន់ភាគច្រើននៃទីក្រុងហាណូយ ត្រូវគ្របដណ្តប់ដោយផ្សែងអ័ព្ទក្រាស់និងខ្យល់ពុលដ៏គ្រោះថ្នាក់ ខណៈសន្ទស្សន៍គុណភាពខ្យល់ មានចាប់ពី ១៥៣ដល់២២២ ដែលជាកម្រិតគ្រោះថ្នាក់ធ្ងន់។

យោងតាមអ្នកជំនាញ ហេតុតែបណ្តាលឲ្យទីក្រុងហាណូយ មានផ្សែងអ័ព្ទក្រាស់និងខ្យល់ពុលដ៏គ្រោះថ្នាក់បែបនេះ គឺបណ្តាលពីបម្រែបម្រួលអាកាសធាតុ និងការហប់ខ្យល់ ធ្វើឲ្យកំហាប់ភាគល្អិតនិងធូលី មិនបែកខ្ញែក។

មិនត្រឹមប៉ុណ្ណឹង កត្តានេះក៏បណ្តាលមកពីផ្សែងយានយន្ត រោងចក្រ ការដុតកាកសំណល់ ចំបើង និងផលកសិកម្មនៅតាមវាលស្រែចម្ការ ដែលកាន់តែរីករាលដាលនិងញឹកញាប់ដោយគ្មានវិធានការទប់ស្កាត់ប្រកបដោយប្រសិទ្ធភាពផងដែរ។

ពាក់ព័ន្ធខ្យល់បំណុលនេះដែរ អាជ្ញាធរ បានចេញសេចក្តីជូនដំណឹងដល់អ្នកក្រុងទាំងអស់ ត្រូវមានការប្រុងប្រយ័ត្ន ហើយកុំចេញទៅណាបើគ្មានការចាំបាច់ ប៉ុន្តែបើចេញទៅក្រៅ ត្រូវពាក់ម៉ាស និងមានរបស់ការពារត្រឹមត្រូវ៕

អត្ថបទ៖ សុខ សុវណ្ណ

ចុចអាន៖ អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ

The post ទីក្រុងហាណូយ នឹងបន្តគ្របដណ្តប់ដោយខ្យល់ពុលគ្រោះថ្នាក់ធ្ងន់ធ្ងរ ដល់ឆ្នាំក្រោយ appeared first on Kampuchea Thmey Daily.

ទីក្រុង ហាណូយ បានបិទសេវាកម្មកាត់សក់ទាំងអស់ នៅពាក់កណ្តាលខែកក្កដា ដែលជាផ្នែកមួយនៃកិច្ចខិតខំប្រឹងប្រែងរបស់ខ្លួន ក្នុងការទប់ស្កាត់រលកទី ៤ នៃជំងឺកូវីដ-១៩។

ជិតពីរខែបន្ទាប់ពីដាក់ចេញនូវវិធានការគម្លាតសង្គមយ៉ាងតឹងរ៉ឹង មន្រ្តីក្រុងនិយាយថា ពួកគេអាចគ្រប់គ្រងការរីករាលដាលបាន ហើយអាជីវកម្មដែលមិនចាំបាច់ រួមទាំងហាងកាត់សក់ផងដែរអាចបន្តដំណើរការឡើងវិញបាន។

នៅទូទាំងទីក្រុង អាជីវកម្មកាត់សក់បានស្វាគមន៍អតិថិជនយ៉ាងច្រើនកកកុញនៅថ្ងៃដំបូងនៃប្រតិបត្តិការរបស់ខ្លួន ក្នុងរយៈពេលពីរខែ។

ជាងកាត់សក់តាមផ្លូវម្នាក់ឈ្មោះ Quang Huy បាននិយាយថា “ខ្ញុំរីករាយពេលឮដំណឹងថា ខ្ញុំអាចបើករកស៊ីបានវិញ។ ខ្ញុំគ្មានការងារធ្វើរយៈពេល២ខែមកហើយ ខ្ញុំរកលុយមិនបានទេ”។

គួរបញ្ជាក់ថា រាល់ការកាត់សក់នៅតាមចិញ្ចើមផ្លូវ ត្រូវចំណាយពេលពី ២០ ទៅ ៣០ នាទី ហើយកាត់ម្នាក់ថ្លៃ ៥០,០០០ ទៅ ៦០,០០០ ដុង ស្មើនឹង ២.២ដុល្លារ ទៅ ២.៦ ដុល្លារ៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ លោកយាយ វៀតណាម ម្នាក់ ពុលថ្នាំ ប៉ារ៉ាសេតាម៉ុល

The post ជាងកាត់សក់នៅ ហាណូយ កំពុងសប្បាយកើបលុយ appeared first on Kampuchea Thmey Daily.