ព័ត៌មានអន្ដរជាតិ
ខេត្តថៃ ចំនួន៥០ នៅតែគ្របដណ្តប់ដោយខ្យល់ពុលដ៏គ្រោះថ្នាក់
តាមការចុះផ្សាយរបស់ Bangkok Post នៅថ្ងៃអង្គារទី១៩ខែមីនា ខេត្តចំនួន៥០របស់ប្រទេសថៃ ត្រូវបានគ្របដណ្តប់ដោយកំហាប់ភាគល្អិត PM2.5 ក្នុងកម្រិតដ៏គ្រោះថ្នាក់ ហើយក្នុងនោះមាន១៣ខេត្ត ភាគច្រើននៅប៉ែកខាងជើង ដែលរងគ្រោះដោយកម្រិតនៃការបំពុលធ្ងន់ធ្ងរបំផុត។

ខេត្តដែលរងការបំពុលអាក្រក់បំផុតគឺ Mae Hong Son ប៉ុន្តែនៅ Phuket ឯណោះវិញ ត្រូវបានគេដឹងថា ជាកន្លែងមានខ្យល់បរិសុទ្ធជាងគេ។
ទីភ្នាក់ងារអភិវឌ្ឍន៍បច្ចេកវិទ្យាអវកាសនិងព័ត៌មានវិទ្យា បានរាយការណ៍នៅម៉ោង៩ព្រឹក ថ្ងៃអង្គារថា កម្រិតកំហាប់ភាគល្អិត PM2.5 ខ្ពស់បំផុត ត្រូវបានរកឃើញនៅខេត្តភាគខាងជើង Mae Hong Son ដោយឈានដល់ ១៥៩.១ មីក្រូក្រាមក្នុងមួយម៉ែត្រគូបនៃខ្យល់ក្នុងរយៈពេល២៤ម៉ោងចុងក្រោយ ខណៈកម្រិតសុវត្ថិភាពដែលរដ្ឋាភិបាលកំណត់ គឺឈរត្រឹម៣៧.៥មីក្រូក្រាមក្នុងមួយម៉ែត្រគូបប៉ុណ្ណោះ។

ខេត្តផ្សេងទៀតដែលឈានដល់កម្រិត PM2.5 ពណ៌ក្រហម (គ្រោះថ្នាក់ធ្ងន់ធ្ងរ) គឺមាន Chiang Rai, Chiang Mai, Lamphun, Phayao, Nan, Lampang, Phrae, Tak, Uttaradit, Loei, Sukhothai និង Ubon Ratchathani។
ស្របពេលជាមួយគ្នានោះ កម្រិត PM2.5 ពណ៌ទឹកក្រូច ត្រូវបានរកឃើញក្នុងខេត្តចំនួន ៣៧ នៅភាគខាងជើង ឦសាន និងតំបន់ទំនាបកណ្តាល។

មិនមែនត្រឹមតែខ្យល់ពុលទេ ប្រទេសថៃ ក៏កំពុងរងគ្រោះដោយអាកាសធាតុខែប្រាំងផងដែរ ខណៈសីតុណ្ហភាព បានហក់ឡើងដល់កម្រិតខ្ពស់បំផុតមិនធ្លាប់ជួបប្រទះសោះ ក្នុងប្រវត្តិសាស្រ្តរយៈពេល៧៣ឆ្នាំ។
នាយកដ្ឋានឧតុនិយមថៃ (TMD) បានឲ្យដឹងកាលពីចុងសប្តាហ៍ថា Mae Hong Son, Uttaradit, Sukhothai, Tak និង Udon Thani នឹងក្លាយជាខេត្តក្តៅបំផុតទាំង៥ក្នុងឆ្នាំ២០២៤នេះ ពោលគឺសីតុណ្ហភាពនឹងឡើងដល់ ៤៤អង្សាសេឬខ្ពស់ជាងនេះទៅទៀត៕
អត្ថបទ៖ សុខ សុវណ្ណ
ចុចអាន៖ ថៃ ព្រមានក្រុមមនុស្ស៤ប្រភេទ ប្រឈមហានិភ័យ ស្លាប់ដោយសារកម្តៅក្តៅខ្លាំង

-
សន្តិសុខសង្គម២៤ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២៣ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៧ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?