ទីក្រុង ហូជីមិញ Archives - Kampuchea Thmey Daily

ទីក្រុងហូជីមិញគ្រោងបញ្ឈប់ការប្រើប្រាស់សាំង និងម៉ាស៊ូតទាំងស្រុង នៅទីប្រជុំជនឆ្នាំ២០២៨

Minea Neu — Thu, 25 Dec 2025 07:50:24 +0000

ក្រុងហូជីមិញគ្រោងនឹងកាត់បន្ថយការបញ្ចេញឧស្ម័នទាបបំផុតនៅដើមឆ្នាំ២០២៧ ជាមួយនឹងការហាមប្រាមទាំងស្រុងលើម៉ូតូដែលប្រើប្រាស់សាំង និងម៉ាសូតនៅតាមទីប្រជុំជនដែលគ្រោងនឹងចូលជាធរមាននៅឆ្នាំ២០២៨ ដែលជាផ្នែកនៃការផ្លាស់ប្តូរថាមពលបៃតងរបស់ប្រទេសវៀតណាម។ បើតាមសារព័ត៌មាន VN Express។

រថយន្តម៉ាក Vinfast Auto របស់វៀតណាម។ Reuters

ទិន្នន័យមួយរបស់ក្រុងវៀតណាម បានបង្ហាញថា ក្នុងតំបន់នេះផ្ទះដែលមានប្រជាជនរស់នៅជាង ៣.២លាននាក់ ហើយពួកគេធ្វើដំណើរប្រហែល ៩.២លានដងក្នុងមួយថ្ងៃ។

ការត្រួតពិនិត្យគុណភាពខ្យល់ បានបង្ហាញថា មានកំហាប់ខ្ពស់នៃភាគល្អិតគីមី PM២.៥ អាសូតឌីអុកស៊ីត (NO២) និងស្ពាន់ធ័រឌីអុកស៊ីត (SO២) បើប្រៀបធៀបជាមួយកន្លែងផ្សេងទៀតនៃទីក្រុងហូជីមិញ។

ប្រសិនបើត្រូវបានអនុវត្តមែននោះ រថយន្តដែលមិនបានបំពេញតាមស្តង់ដារការនៃការបំភាយឧស្ម័នអឺរ៉ូ៤ (កម្រិតស្តង់ដារនៃការបំភាយឧស្ម័នរបស់វៀតណាម) ដែលត្រូវបានអនុវត្តនឹងត្រូវផាកពិន័យពេលបើកបរចូលកណ្តាលទីក្រុង។ តែមានការលើកលែងចំពោះរថយន្តសង្គ្រោះបន្ទាន់ រថយន្តពន្លត់អគ្គីភ័យ រថយន្តរបស់ក្រសួងការពារជាតិ រថយន្តប៉ូលិស និងការដឹកជញ្ជូនដែលគោលបំណងបន្ទាន់ផ្សេងទៀតប៉ុណ្ណោះ។

ចំណែកម៉ូតូនឹងត្រូវបានកាត់ចេញជាបណ្តើរៗ។ ការត្រួតពិនិត្យការនៃការបំភាយឧស្ម័នត្រូវបានរំពឹងថានឹងចាប់ផ្តើមនៅថ្ងៃទី១ ខែកក្កដា ឆ្នាំ២០២៧ បន្ទាប់មកនឹងមានការរឹតបន្តឹងលើម៉ូតូដែលមិនបានបំពេញតាមស្តង់ដារអឺរ៉ូ២ ចាប់ពីខែកញ្ញា ឆ្នាំ២០២៧ ក្នុងអំឡុងម៉ោង ៦ដល់៩ព្រឹក និង ៤ដល់៧ល្ងាច។

នៅឆ្នាំ២០២៨ ទីក្រុងហូជីមិញនឹងហាមឃាត់ម៉ូតូទាំងអស់ដែលប្រើសាំង និងម៉ាស៊ូតចេញពីតំបន់ដែលមានការបំភាយឧស្ម័ន លើកលែងតែជនដែលមានពិការភាពប្រើប្រាស់ប៉ុណ្ណោះ។ រថយន្តដែលមិនបំពេញតាមស្តង់ដារអឺរ៉ូ៤ ក៏នឹងត្រូវបានហាមឃាត់មិនឱ្យចូលទៅក្នុងទីប្រជុំជនអំឡុងពេលម៉ោងហាមឃាត់ដែរ ដោយមានការលើកលែងតាមហេតុផលជាក់ស្តែង។

បច្ចុប្បន្នទីក្រុងហូជីមិញមានប្រជាជនជាង ១៤លាននាក់ មានរថយន្តជាង ១លានគ្រឿង និងម៉ូតូជាង ១០លានគ្រឿង ជាមួយការធ្វើចរាចរណ៍ដ៏ច្រើនលើសលុប។ ការដឹកជញ្ជូនតាមផ្លូវគោកមានជិត៩០ភាគរយជាការបំភាយភាគឧស្ម័នដ៏ខ្លាំង។

អាជ្ញាធរក្រុងបាននិយាយថា ផែនការនេះមិនត្រឹមតែមានគោលបំណងកាត់បន្ថយការបំពុលបរិយាកាសប៉ុណ្ណោះទេ ប៉ុន្តែថែមទាំងកាត់បន្ថយការកកស្ទះនៅកណ្តាលទីក្រុងផងដែរ។ ការទប់ស្កាត់នូវការប្រើប្រាស់យានយន្តឯកជនបណ្តើរៗ អាចជាជម្រើសល្អ ជួយទីក្រុងកាន់ឱ្យកាន់តែមានភាពបៃតងជាងមុន៕

ប្រែសម្រួល៖ ណឺ មិនា

The post ទីក្រុងហូជីមិញគ្រោងបញ្ឈប់ការប្រើប្រាស់សាំង និងម៉ាស៊ូតទាំងស្រុង នៅទីប្រជុំជនឆ្នាំ២០២៨ appeared first on Kampuchea Thmey Daily.

ក្រុងហូជីមិញចេញផែនការកំណត់គោលដៅក្លាយជាមជ្ឈមណ្ឌលដឹកជញ្ជូនលំដាប់ពិភពលោក

Huon Dina — Thu, 12 Sep 2024 02:31:14 +0000

រដ្ឋបាលក្រុងហូជីមិញនៃប្រទេសវៀតណាម បានឱ្យដឹងថា ក្រុងហូជីមិញនឹងអនុវត្តភារកិច្ច និងដំណោះស្រាយសំខាន់ៗ ដើម្បីបង្កើនការវិនិយោគក្នុងការអភិវឌ្ឍហេដ្ឋារចនាសម្ព័ន្ធដឹកជញ្ជូន ការពង្រីកសមត្ថភាពផ្ទុកទំនិញ និងដឹកជញ្ជូន និងការកសាងឃ្លាំងកំពង់ផែសមុទ្រ។ នេះបើតាមការចុះផ្សាយរបស់កាសែត The Investor កាលពីថ្ងៃពុធ។

សកម្មភាពទាំងនេះ នឹងត្រូវបានអនុវត្តក្រោមផែនការដែលរដ្ឋបាលបានចេញនាពេលថ្មីៗនេះ ក្នុងគោលដៅអភិវឌ្ឍន៍វិស័យភស្តុភារឱ្យក្លាយទៅជាឧស្សាហកម្មដ៏សំខាន់របស់ក្រុងនៅឆ្នាំ ២០៣០ ដោយផ្អែកលើការបង្កើនឱកាសដើម្បីឈានមុខគេក្នុងខ្សែសង្វាក់ផ្គត់ផ្គង់ពិភពលោក។

បើតាម The Investor ផែនការដដែលអំពាវនាវឱ្យគម្រោងវិនិយោគ ទទួលបានការអនុវត្តក្នុងលក្ខណៈស្រប ប្រសិទ្ធភាព តម្លាភាព យុត្តិធម៌ និងផ្លូវច្បាប់។ វាក៏កំណត់គោលដៅអតិបរមាផងដែរនៃធនធានសង្គមក្នុងការអនុវត្ត ដោយលើកទឹកចិត្តការវិនិយោគពីសហគ្រាសឯកជនដោយបង្កើតលក្ខខណ្ឌអំណោយផលតាមរយៈគោលនយោបាយទាក់ទងនឹងពន្ធ ដីធ្លី និងនីតិវិធីរដ្ឋបាល។

ជាមួយគ្នានោះ ផែនការក៏ផ្តោតយ៉ាងច្បាស់លាស់លើការអនុវត្ត «ភស្តុភារបៃតង» ក្នុងខ្សែសង្វាក់ផ្គត់ផ្គង់ ដើម្បីសម្រួលដល់ការដឹកជញ្ជូនទំនិញប្រកបដោយប្រសិទ្ធភាព ខណៈកាត់បន្ថយការបំពុល និងល្អសម្រាប់បរិស្ថាន។ ចំណុចនេះត្រូវបានចាត់ទុកថាជាតម្រូវការចម្បងសម្រាប់ការអភិវឌ្ឍ និងសមាហរណកម្មអន្តរជាតិ ដែលនឹងជួយឱ្យអាជីវកម្មវៀតណាមបង្កើនសមត្ថភាពប្រកួតប្រជែង និងសម្រេចបាននូវកំណើនប្រកបដោយចីរភាព។

យោងតាមសេចក្ដីរាយការណ៍ដដែល ដើម្បីក្លាយជាមជ្ឈមណ្ឌលភស្តុភារនៅអាស៊ីអាគ្នេយ៍ ក្រុងហូជីមិញនឹងផ្តោតលើការវិនិយោគក្នុងការអភិវឌ្ឍប្រព័ន្ធហេដ្ឋារចនាសម្ព័ន្ធដឹកជញ្ជូនទំនើប និងបង្កើនការតភ្ជាប់រវាងសេដ្ឋកិច្ច ឧស្សាហកម្ម សេវាកម្មពាណិជ្ជកម្ម និងមជ្ឈមណ្ឌលចែកចាយនៃតំបន់ភាគអាគ្នេយ៍ និងតំបន់សេដ្ឋកិច្ចគន្លឹះភាគខាងត្បូងរបស់វៀតណាម។ ត្រឹមឆ្នាំ ២០៤៥ ក្រុងហូជីមិញនឹងមានការអភិវឌ្ឍន៍ផ្នែកភស្តុភារទៅជាវិស័យសេដ្ឋកិច្ចប្រកបដោយនិរន្តរភាព ប្រសិទ្ធភាព គុណភាពខ្ពស់ និងតម្លៃបន្ថែម ដែលមានសមត្ថភាពប្រកួតប្រជែងទាំងក្នុងតំបន់ និងទូទាំងពិភពលោក៕

The post ក្រុងហូជីមិញចេញផែនការកំណត់គោលដៅក្លាយជាមជ្ឈមណ្ឌលដឹកជញ្ជូនលំដាប់ពិភពលោក appeared first on Kampuchea Thmey Daily.

ក្រុងហូជីមិញត្រូវការប្រាក់ជាង ២៥០ ប៊ីលានដុល្លារ សម្រាប់ការវិនិយោគឆ្នាំ ២០២១-២០៣០

Huon Dina — Thu, 13 Jun 2024 04:22:27 +0000

សេចក្តីព្រាងរបាយការណ៍ស្តីពីការរៀបចំផែនការមជ្ឈមណ្ឌលសេដ្ឋកិច្ចក្រុងហូជីមិញរបស់ប្រទេសវៀតណាម បានបង្ហាញថា ទីក្រុងភាគខាងត្បូងមួយនេះ ត្រូវការទុនវិនិយោគប្រមាណ ៦,៤ ពាន់ទ្រីលានដុង (២៥១,៥ ប៊ីលានដុល្លារអាមេរិក) នៅចន្លោះឆ្នាំ ២០២១-២០៣០។ នេះបើតាមការចុះផ្សាយរបស់កាសែត Việt Nam News។

ក្នុងចំណោមនោះ ទឹកប្រាក់ចំនួន ២,២៣ ពាន់ទ្រីលានដុង ត្រូវចំណាយសម្រាប់ឆ្នាំ ២០២១-២០២៥ ហើយប្រាក់ដែលនៅសេសសល់ ទុកសម្រាប់ឆ្នាំ ២០២៦-២០៣០។

ប្រធានគណៈកម្មាធិការប្រជាជនក្រុង លោក Phan Văn Mãi មានថ្លែងក្នុងកិច្ចប្រជុំស្ដីពីផែនការកាលពីថ្ងៃទី១២ ថា សេចក្តីព្រាងរបាយការណ៍កំណត់ទិសដៅសម្រាប់សេដ្ឋកិច្ចបៃតង តំបន់ទីក្រុងប្រកបដោយភាពច្នៃប្រឌិត ហេដ្ឋារចនាសម្ព័ន្ធឆ្លាតវៃ សង្គមស៊ីវិល័យ និងបរិស្ថានប្រកបដោយនិរន្តរភាព។

បើតាម Việt Nam News ទីក្រុងហូជីមិញនឹងយកដើមទុនដែលបានមកពីរដ្ឋ ទៅផ្ដល់អទិភាពលើគម្រោងដែលមានវឌ្ឍនភាពយឺត ដោយផ្តោតលើការទាក់ទាញវិនិយោគិនជាយុទ្ធសាស្រ្ត និងការគ្រប់គ្រងប្រកបដោយបច្ចេកវិទ្យាខ្ពស់ និងទំនើប បង្កើនធនធានពីវិស័យឯកជន និងជំរុញភាពជាដៃគូសាធារណៈ និងឯកជន។

គួរកត់សម្គាល់ថា ក្រុងហូជីមិញបានដាក់គោលដៅក្លាយទៅជាទីក្រុងពិភពលោកដ៏ទាក់ទាញ និងមាននិរន្តរភាព និងជាមជ្ឈមណ្ឌលសេដ្ឋកិច្ច ហិរញ្ញវត្ថុ និងសេវាកម្មនៅអាស៊ីនៅឆ្នាំ ២០៥០ ពេលដែលប្រជាជនក្រុងនេះរស់នៅក្នុងកម្រិតជីវភាពខ្ពស់។

សសរស្តម្ភសេដ្ឋកិច្ចចម្បងរបស់ក្រុង គឺផ្អែកលើពាណិជ្ជកម្ម និងសេវាកម្មដែលមានគុណភាពខ្ពស់ ឧស្សាហកម្មបច្ចេកវិទ្យាខ្ពស់ សំណង់ទំនើប និងសេដ្ឋកិច្ចសមុទ្រប្រកបដោយនិរន្តរភាពដែលភ្ជាប់ជាមួយនឹងគំរូសេដ្ឋកិច្ចបៃតង សេដ្ឋកិច្ចឌីជីថល សេដ្ឋកិច្ចចែករំលែក និងសេដ្ឋកិច្ចរាងជារង្វង់ ជាមួយនឹងអត្រាកំណើនផលិតផលក្នុងស្រុកសរុបក្នុងតំបន់ (GRDP) ប្រចាំឆ្នាំប្រហែល ៩ ភាគរយ ចន្លោះឆ្នាំ ២០២១-២០៣០។ នៅឆ្នាំ ២០៣០ GRDP សម្រាប់មនុស្សម្នាក់ ត្រូវបានគេព្យាករណ៍ថានឹងឈានដល់ប្រហែល ១៤ ៧០០-១៥ ៤០០ ដុល្លារអាមេរិក៕

The post ក្រុងហូជីមិញត្រូវការប្រាក់ជាង ២៥០ ប៊ីលានដុល្លារ សម្រាប់ការវិនិយោគឆ្នាំ ២០២១-២០៣០ appeared first on Kampuchea Thmey Daily.

កើតបាតុភូតចម្លែក លើផ្ទៃមេឃទីក្រុង ហូជីមិញ

Sok Sovann — Mon, 13 May 2024 01:55:31 +0000

អ្នកក្រុងហូជីមិញ នាំគ្នាចេញក្រៅផ្ទះមកទស្សនា និងអ្នកខ្លះទាញទូរស័ព្ទថតទិដ្ឋភាពពពកពណ៌ដូចឥន្ទធនូដ៏ចម្លែក ដែលបង្ហាញខ្លួនលើផ្ទៃមេឃ កាលពីរសៀលថ្ងៃអាទិត្យទី១២ខែឧសភា។

(រូបថត៖ VN Express)

តាមការចុះផ្សាយរបស់ VN Express, បាតុភូតនេះកើតឡើងនៅប្រហែលម៉ោង ៤រសៀល លើផ្ទៃមេឃភាគខាងលិចទីក្រុងហូជីមិញ ហើយវាបង្ហាញខ្លួនរយៈពេលជាង ១ម៉ោង មុនពេលព្រះអាទិត្យអស្ដង្គត។

យោងតាមលោក Le Dinh Quyet ប្រធាននាយកដ្ឋានព្យាករឧតុនិយម នៃស្ថានីយជលសាស្ត្រភាគខាងត្បូង បានឲ្យដឹងថា ពពកមានប្រាំពណ៌នេះ បើតាមបាតុភូតឧតុនិយមគេហៅថា Halos។ វាកើតឡើង នៅពេលចលនាភាគល្អិតពពកឬគ្រីស្តាល់ទឹកកក បុកគ្នាបំបែកចេញជាពន្លឺ។

(រូបថត៖ VN Express)

លើសពីនេះទៀត មនុស្សអាចឃើញពពកបែបនេះនៅតាមទីតាំងជាច្រើន មិនដូចឥន្ទធនូដែលជាធម្មតាលេចឡើងតែនៅពេលឈប់ភ្លៀងនោះទេ។

ទោះបីជាយ៉ាងណាក៏ដោយ លោក Quyet បញ្ជាក់ថា “នេះគ្រាន់តែជាបាតុភូតឧតុនិយមធម្មតាប៉ុណ្ណោះ មិនមែនជាសញ្ញាឲ្យហេតុ ឬបម្រែបម្រួលអាកាសធាតុនាពេលខាងមុខអ្វីទេ”។

(រូបថត៖ VN Express)

ស្របពេលជាមួយគ្នានោះដែរ លោកបានប្រាប់ទៅប្រជាជន កុំឲ្យមានក្តីបារម្ភ ទាក់ទិននឹងបាតុភូតដ៏ចម្លែកនេះអី។

សូមបញ្ជាក់ថា នេះមិនមែនទើបលើកដំបូងឡើយដែលទីក្រុងហូជីមិញ ជួបពពកពណ៌ដូចឥន្ទធនូ ពោលកាលពីខែកក្កដាឆ្នាំ២០២៣ បាតុភូតដ៏ចម្លែកបែបនេះក៏ធ្លាប់កើតឡើងដែរ៕

អត្ថបទ៖ សុខ សុវណ្ណ

ចុចអាន៖ ទីក្រុងហូជីមិញ កំពុងរងការវាយប្រហារដោយកាំរស្មី UV ខ្លាំងក្លា

The post កើតបាតុភូតចម្លែក លើផ្ទៃមេឃទីក្រុង ហូជីមិញ appeared first on Kampuchea Thmey Daily.

ទីក្រុងហូជីមិញ កំពុងរងការវាយប្រហារដោយកាំរស្មី UV ខ្លាំងក្លា (មានវីដេអូ)

Sok Sovann — Tue, 21 Dec 2021 01:27:23 +0000

សន្ទស្សន៍កាំរស្មីអ៊ុលត្រាវីយូឡេ (UV) នៅទីក្រុងហូជីមិញ បានឈានដល់កម្រិតខ្ពស់បំផុតកាលពីថ្ងៃចន្ទ ហើយត្រូវបានគេរំពឹងថា នឹងនៅតែខ្ពស់ក្នុងរយៈពេលប៉ុន្មានថ្ងៃខាងមុខ។ នេះបើយោងតាមមជ្ឈមណ្ឌលជាតិ សម្រាប់ការព្យាករណ៍ធារាសាស្ត្រ-ឧតុនិយមវៀតណាម។

សន្ទស្សន៍កាំរស្មី UV នៅក្នុងទីក្រុងភាគខាងត្បូងមួយនេះ គឺខ្ពស់ជាងកម្រិត ៧ នៅចន្លោះម៉ោង១១:០០ ព្រឹកដល់ម៉ោង ២:០០ រសៀល ដោយឡើងដល់កម្រិត ៧.៦ នៅពេលថ្ងៃត្រង់ ថ្ងៃចន្ទ។

ទីក្រុង Can Tho នៃតំបន់ដីសណ្តទន្លេមេគង្គ បានកត់ត្រាកម្រិតកាំរស្មី UV ខ្ពស់បំផុតលំដាប់ទីពីរនៅក្នុងប្រទេស ពោលគឺមានកម្រិត ៧.៣ បន្ទាប់មកគឺទីក្រុង Nha Trang ភាគខាងត្បូង ដែលមានកម្រិត ៧.១។

ចាប់ពីថ្ងៃទី ២១ ដល់ថ្ងៃទី ២៣ ខែធ្នូ កម្រិតកាំរស្មី UV នៅទីក្រុងហូជីមិញ និងតំបន់ភាគខាងត្បូងមួយចំនួន នឹងមានចន្លោះពីកម្រិត៦ទៅ៧។ ចំណែកនៅទីក្រុងហាណូយ វិញ កម្រិតមានប្រហែល ៦ ក្នុងអំឡុងពេលនេះ។

យោងតាមសន្ទស្សន៍កាំរស្មី UV សកលរបស់អង្គការសុខភាពពិភពលោក កម្រិតកាំរស្មី UV ត្រូវបានវាស់លើមាត្រដ្ឋានពី 0 (ទាប) ដល់ ១១+ (ខ្ពស់បំផុត)។

សន្ទស្សន៍កាំរស្មី UV ៦និង៧ត្រូវបានចាត់ទុកថា “ខ្ពស់” ហើយពី ៨ទៅ១០គឺ “ខ្ពស់ខ្លាំង” ដែលអាចធ្វើឲ្យស្បែករបស់មនុស្ស រលាកក្នុងរយៈពេលតិចជាង២៥នាទី។

ទន្ទឹមនឹងនេះ កម្រិត ១១ និងលើសនេះ ត្រូវបានចាត់ទុកថា “ខ្លាំងបំផុត” ហើយអាចបណ្តាលឲ្យរលាកដល់ភ្នែក និងស្បែក ក្នុងរយៈពេលត្រឹមតែ១៥នាទីប៉ុណ្ណោះ។

ការប៉ះពាល់យូរទៅនឹងកាំរស្មី UV អាចនាំឲ្យកើតមហារីកស្បែក ឬខូចប្រព័ន្ធភាពស៊ាំ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ ខណៈកម្ពុជានឹងទទួលរងកាំរស្មី UV កម្រិតខ្ពស់នៅថ្ងៃនេះ មកមើលវិធីការពារខ្លួនដោយសុវត្ថិភាព

The post ទីក្រុងហូជីមិញ កំពុងរងការវាយប្រហារដោយកាំរស្មី UV ខ្លាំងក្លា (មានវីដេអូ) appeared first on Kampuchea Thmey Daily.

កម្មកររាប់ម៉ឺននាក់ សម្រុកចាកចេញពីទីក្រុង ហូជីមិញ ធ្វើឲ្យខ្វះខាតកម្លាំងពលកម្ម

Sok Sovann — Mon, 04 Oct 2021 08:58:42 +0000

មនុស្សរាប់ម៉ឺននាក់ ដែលភាគច្រើនជាពលករចំណាកស្រុក បានចាកចេញពីទីក្រុងហូជីមិញកាលពីចុងសប្តាហ៍ នៅពេលទីក្រុងធំបំផុតរបស់វៀតណាមមួយនេះ បន្ធូរបន្ថយវិធានការរឹតត្បិតកូវីដ-១៩ចាប់ពីល្ងាចថ្ងៃព្រហស្បតិ៍ ដែលជាហេតុបង្កឲ្យមានការភ័យខ្លាចពីកង្វះកម្លាំងពលកម្ម និងការរំខានដល់ផលិតកម្ម។

ការសម្រុកចាកចេញដ៏ធំធេងនេះ បានកើតឡើងនៅពេលទីក្រុងនិងខេត្តឧស្សាហកម្មដែលនៅក្បែរនោះ តស៊ូដើម្បីធានាឲ្យមានកម្មករគ្រប់គ្រាន់ ដើម្បីជួយស្តារសេដ្ឋកិច្ចរបស់ប្រទេសឡើងវិញ បន្ទាប់ពីមានរបាយការណ៍អំពីការធ្លាក់ចុះ GDP ក្នុងកម្រិតកំណត់ត្រានៅត្រីមាសទី ៣ ដោយសារការទប់ស្កាត់កូវីដ-១៩។

ប្រព័ន្ធផ្សព្វផ្សាយរដ្ឋបានបង្ហាញថា មនុស្សជិត៩ម៉ឺននាក់ បានចាកចេញពីទីក្រុងហូជីមិញ ចាប់តាំងពីថ្ងៃសុក្រមក ដោយព្រួយបារម្ភថា ពួកគេនឹងជាប់គាំងម្តងទៀតប្រសិនបើមានរលកនៃការឆ្លងថ្មី។

ស្របពេលជាមួយគ្នានោះ អនុប្រធានគណៈកម្មាធិការប្រជាជនទីក្រុង លោក Le Hoa Binh បាននិយាយថា “សូមកុំចាកចេញហើយបន្តធ្វើការ។ ទីក្រុងនេះកំពុងប្រឈមនឹងកង្វះកម្លាំងពលកម្មធ្ងន់ធ្ងរ”។

កង្វះខាតបែបនេះ នឹងបន្ថែមបញ្ហាដល់អាជីវកម្មដែលពឹងផ្អែកលើកម្លាំងពលកម្ម ខណៈពួកគេកំពុងជួបការលំបាករួចទៅហើយ ដោយសារតែការបិទខ្ទប់។

វៀតណាម ស្ថិតក្នុងចំណោមប្រទេសមានអត្រាចាក់វ៉ាក់សាំងទាបបំផុត នៅអាស៊ីអាគ្នេយ៍ ដោយចាក់២ដូស បានតិចជាង ១១ភាគរយ ក្នុងចំណោមប្រជាជន ៩៨ លាននាក់របស់ខ្លួន។

វៀតណាមមានករណីឆ្លង ៨០៨,០០០ ករណីនិងការស្លាប់ជាង ១៩,៧០០ នាក់ ហើយគ្រាន់តែទីក្រុងហូជីមិញ បានរួមចំណែកជិតពាក់កណ្តាលទៅហើយនៃករណីឆ្លង និង ៧៧ភាគរយ នៃករណីស្លាប់៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ វៀតណាម ទទួលជោគជ័យ ផលិតវ៉ាក់សាំងកូវីដ មានប្រសិទ្ធភាពជាង ៩០ភាគរយ

The post កម្មកររាប់ម៉ឺននាក់ សម្រុកចាកចេញពីទីក្រុង ហូជីមិញ ធ្វើឲ្យខ្វះខាតកម្លាំងពលកម្ម appeared first on Kampuchea Thmey Daily.

ទីក្រុង ហូជីមិញ ផ្អាកចាក់វ៉ាក់សាំង Pfizer ក្រោយមានអ្នកស្លាប់

Sok Sovann — Wed, 29 Sep 2021 01:59:18 +0000

សង្កាត់មួយចំនួននៅទីក្រុងហូជីមិញ បានផ្អាកការចាក់វ៉ាក់សាំង Pfizer ជាបណ្តោះអាសន្ន កាលពីថ្ងៃអង្គារ បន្ទាប់ពីមានមនុស្សម្នាក់ស្លាប់ ក្រោយចាក់វ៉ាក់សាំងនេះ។

ទោះបីជាយ៉ាងណាក៏ដោយ ការចាក់វ៉ាក់សាំងបានចាប់ផ្តើមវិញ នៅពីរបីម៉ោងក្រោយ បន្ទាប់ពីវាត្រូវបានគេចាត់ទុកថា ការស្លាប់នេះមិនទាក់ទងនឹងវ៉ាក់សាំងទេ។

នាយកដ្ឋានសុខាភិបាលក្រុងកាលពីរសៀលថ្ងៃអង្គារ បានបញ្ជាឲ្យសង្កាត់មួយចំនួនបញ្ឈប់ការប្រើវ៉ាក់សាំង Pfizer ដែលយកចេញពីកេសលេខ FK0112។

អនុប្រធាននាយកដ្ឋានលោក Nguyen Huu Hung បាននិយាយថា ការផ្អាកនេះត្រូវបានបញ្ជា បន្ទាប់ពីទីក្រុងកត់ត្រាការស្លាប់មនុស្សម្នាក់ ក្រោយពេលទទួលបានវ៉ាក់សាំង Pfizer ដែលយកចេញពីកេសនេះ។

យ៉ាងណាក្តី ក្រុមប្រឹក្សាវិជ្ជាជីវៈបានបញ្ជាក់ថា ការស្លាប់នេះមិនពាក់ព័ន្ធនឹងវ៉ាក់សាំងទេ។

លោក Hung និយាយថា “ការសន្និដ្ឋានដំបូងរបស់ក្រុមប្រឹក្សាគឺថា គ្មានភស្តុតាងនៃការស្លាប់ទាក់ទងនឹងគុណភាពរបស់វ៉ាក់សាំងនោះទេ។ ចំពោះមូលហេតុពិតប្រាកដនៃការស្លាប់ យើងនឹងត្រូវរង់ចាំលទ្ធផលពិនិត្យកោសល្យវិច្ច័យសិន”។

អាជ្ញាធរក្រុង ក៏មិនបង្ហាញព័ត៌មានបន្ថែម អំពីការស្លាប់រួមទាំងពេលវេលាផងដែរ៕

ប្រែសម្រួល៖ Vann Vann

ប្រភព៖ VN Express

ចុចអាន៖ អ្នកមិនចាក់វ៉ាក់សាំងនៅស៊ីដនី ប្រឈមមុខនឹងភាពឯកោ

The post ទីក្រុង ហូជីមិញ ផ្អាកចាក់វ៉ាក់សាំង Pfizer ក្រោយមានអ្នកស្លាប់ appeared first on Kampuchea Thmey Daily.

ហូជីមិញ ដាក់បម្រាមគោចរចាប់ពីម៉ោង៦ ល្ងាចដល់ម៉ោង ៦ ព្រឹក

Sok Sovann — Mon, 26 Jul 2021 01:48:54 +0000

ទីក្រុង ហូជីមិញ នឹងហាមឃាត់ប្រជាជនមិនឲ្យចេញទៅក្រៅ នៅចន្លោះម៉ោង ៦ ល្ងាចដល់ម៉ោង ៦ ព្រឹក ចាប់ពីថ្ងៃចន្ទនេះទៅ។ នេះបើយោងតាមប្រធានគណកម្មការប្រជាជនក្រុង លោក Nguyen Thanh Phong។

លោក Phong និយាយថា “ចាប់ពីល្ងាចថ្ងៃនេះទៅ ប្រជាជនមិនអាចចេញទៅក្រៅបានទេ ចាប់ពីម៉ោង ៦ ល្ងាច។ សកម្មភាពទាំងអស់ នឹងត្រូវផ្អាក លើកលែងតែការព្យាបាលបន្ទាន់ឬប្រតិបត្តិការប្រយុទ្ធប្រឆាំងនឹងរោគរាតត្បាតប៉ុណ្ណោះ”។

សេចក្តីសម្រេចនេះ ត្រូវបានធ្វើឡើងខណៈទីក្រុងហូជីមិញ បានកត់ត្រាអ្នកជំងឺកូវីដ-១៩ ថ្មីរាប់ពាន់នាក់ ក្នុងមួយថ្ងៃៗ បើទោះបីជាឆ្លងកាត់វិធានការគម្លាតសង្គមរយៈពេល ១៧ ថ្ងៃក៏ដោយ។

លោក Phong និយាយថា នៅជុំវិញទីក្រុងនេះ នៅតែមានមនុស្សជាច្រើនធ្វើដំណើរតាមដងផ្លូវ។ នោះគឺគ្រោះថ្នាក់ណាស់ ហើយនោះជាមូលហេតុដែលការរាតត្បាត នៅតែបន្តកើនឡើង។ បើគ្មានការគ្រប់គ្រងទេនោះ ស្ថានភាពនឹងកាន់តែធ្ងន់ធ្ងរ ហើយបង្ខំឲ្យយើងដាក់ចេញនូវវិធានការណ៍រឹតតែតឹងរ៉ឹង ដែលអាចបណ្តាលឲ្យមានផលប៉ះពាល់ដល់ទិដ្ឋភាពជាច្រើន”។

ស្របពេលជាមួយគ្នានោះ លោក Phan Van Mai អនុលេខាធិការគណៈកម្មាធិការអចិន្ត្រៃយ៍បក្ស ទីក្រុងហូជីមិញ បានលើកឡើងថា ក្នុងរយៈពេល ២ សប្តាហ៍ខាងមុខនេះ ទីក្រុងនឹងដាក់ពង្រាយកម្លាំងល្បាតដើម្បីធ្វើឲ្យប្រាកដថា សណ្តាប់ធ្នាប់សង្គមត្រូវបានអនុវត្តយ៉ាងតឹងរ៉ឹង ហើយអ្នកដែលរំលោភបទបញ្ជាអាចត្រូវបានឃុំខ្លួន៕

ប្រែសម្រួល៖ Vann Vann

ប្រភព៖ VN Express

ចុចអាន៖ ស្ថានការណ៍កូវីដកាន់តែធ្ងន់ធ្ងរ! ទីក្រុង ហូជីមិញ ដាក់បម្រាម មិនឲ្យប្រជាជនចេញពីផ្ទះដាច់ខាត

The post ហូជីមិញ ដាក់បម្រាមគោចរចាប់ពីម៉ោង៦ ល្ងាចដល់ម៉ោង ៦ ព្រឹក appeared first on Kampuchea Thmey Daily.

ទីក្រុង ហូជីមិញ Archives - Kampuchea Thmey Daily

ទីក្រុង​ហូ​ជី​មិញគ្រោង​បញ្ឈប់​ការ​​ប្រើប្រាស់សាំង និងម៉ាស៊ូតទាំងស្រុង នៅទីប្រជុំជនឆ្នាំ២០២៨

ក្រុងហូជីមិញ​ចេញ​ផែនការកំណត់គោលដៅក្លាយជាមជ្ឈមណ្ឌលដឹកជញ្ជូនលំដាប់ពិភពលោក

ក្រុង​ហូជីមិញ​ត្រូវ​ការ​ប្រាក់​ជាង​ ២៥០ ប៊ីលាន​ដុល្លារ​ សម្រាប់​ការ​​វិនិយោគ​ឆ្នាំ​ ២០២១-២០៣០

កើតបាតុភូតចម្លែក លើផ្ទៃមេឃទីក្រុង ហូជីមិញ

ទីក្រុងហូជីមិញ កំពុងរងការវាយប្រហារដោយកាំរស្មី UV ខ្លាំងក្លា (មានវីដេអូ)

កម្មកររាប់ម៉ឺននាក់ សម្រុកចាកចេញពីទីក្រុង ហូជីមិញ ធ្វើឲ្យខ្វះខាតកម្លាំងពលកម្ម

ទីក្រុង ហូជីមិញ ផ្អាកចាក់វ៉ាក់សាំង Pfizer ក្រោយមានអ្នកស្លាប់

ហូជីមិញ ដាក់បម្រាមគោចរចាប់ពីម៉ោង៦ ល្ងាចដល់ម៉ោង ៦ ព្រឹក

ទីក្រុងហូជីមិញគ្រោងបញ្ឈប់ការប្រើប្រាស់សាំង និងម៉ាស៊ូតទាំងស្រុង នៅទីប្រជុំជនឆ្នាំ២០២៨

ក្រុងហូជីមិញចេញផែនការកំណត់គោលដៅក្លាយជាមជ្ឈមណ្ឌលដឹកជញ្ជូនលំដាប់ពិភពលោក

ក្រុងហូជីមិញត្រូវការប្រាក់ជាង ២៥០ ប៊ីលានដុល្លារ សម្រាប់ការវិនិយោគឆ្នាំ ២០២១-២០៣០