ព័ត៌មានអន្ដរជាតិ
ស្ថានការណ៍កូវីដកាន់តែធ្ងន់ធ្ងរ! ទីក្រុង ហូជីមិញ ដាក់បម្រាម មិនឲ្យប្រជាជនចេញពីផ្ទះដាច់ខាត
ទីក្រុងហូជីមិញ នឹងរឹតបន្តឹងវិធានការទប់ស្កាត់ជំងឺកូវីដ-១៩ របស់ខ្លួនក្នុងរយៈពេលពីរសប្តាហ៍ទៀត ដោយហាមឃាត់មនុស្ស មិនឲ្យចាកចេញពីផ្ទះរបស់ពួកគេឡើយ។
សេចក្តីសម្រេច ដែលចេញដោយគណៈកម្មាធិការអចិន្រ្តៃយ៍ នៃគណៈកម្មាធិការបក្សទីក្រុង ហូជីមិញ បានកើតឡើង ចំពេលដែលទីក្រុងនេះ បានកត់ត្រាករណីឆ្លងជំងឺកូវីដ-១៩ក្នុងសហគមន៍ ចំនួន ៤៣,៧០០ ករណី នៅក្នុងរលកទី៤ ខណៈករណីឆ្លងប្រចាំថ្ងៃ កាន់តែខ្ពស់ទៅៗ ហាក់គ្មានសញ្ញាថមថយសោះឡើយ។
វិធានការគម្លាតសង្គមរយៈពេលពីរសប្តាហ៍ ដែលត្រូវបានណែនាំដោយសារាចរលេខ ១៦ ដែល តម្រូវឲ្យប្រជាជនស្នាក់នៅក្នុងផ្ទះលើកលែងតែទិញអាហារ ថ្នាំពេទ្យនិងហេតុផលបន្ទាន់ផ្សេងៗនៅក្នុងទីក្រុង នៅតែមិនអាចទប់ទល់បាន ជាពិសេសនៅក្នុងតំបន់ចត្តាឡីស័កនិងតំបន់បិទខ្ទប់។
ដើម្បីទប់ស្កាត់ការរីករាលដាលនៃវីរុស ឥឡូវ ទីក្រុងនេះតម្រូវឲ្យប្រជាពលរដ្ឋ នៅក្នុងតំបន់បិទខ្ទប់ ដាច់ខាតកុំមានទំនាក់ទំនងដោយផ្ទាល់ ជាមួយអ្នកដែលនៅជុំវិញពួកគេ។ ប្រជាជននៅតំបន់ទាំងនោះ ត្រូវបានអនុញ្ញាតឲ្យចាកចេញពីផ្ទះ តែក្នុងករណីមានភាពអាសន្នផ្នែកវេជ្ជសាស្ត្រ ហើយត្រូវបានកំណត់ឲ្យចាកចេញពីផ្ទះ ដើម្បីទិញផលិតផលអាហារចាំបាច់ តែពីរដងប៉ុណ្ណោះក្នុងមួយសប្តាហ៍។
នៅតំបន់ដែលមានហានិភ័យខ្ពស់ ប្រជាពលរដ្ឋ ត្រូវបានហាមឃាត់មិនឲ្យចាកចេញពីផ្ទះដាច់ខាត ហើយអាជ្ញាធរមូលដ្ឋាន នឹងចែកចាយស្បៀងអាហារ ព្រមទាំងរបស់ចាំបាច់ផ្សេងៗដល់ពួកគេ។
ទីក្រុងនេះ ក៏នឹងបញ្ឈប់រាល់អាជីវកម្មនិងផលិតកម្ម ក៏ដូចជាការដ្ឋានសំណង់ដែលមិនបន្ទាន់ផងដែរ។ ធនាគារនិងទីតាំងផ្សារភាគហ៊ុន ត្រូវបានអនុញ្ញាតឲ្យធ្វើប្រតិបត្តិការ ក្នុងកម្រិតសមរម្យមួយ ដើម្បីឆ្លើយតបនឹងតម្រូវការចាំបាច់។ ស្ថាប័នរដ្ឋាភិបាល ក៏អាចបែងចែកការផ្លាស់ប្តូរវេនធ្វើការ ក្នុងចំណោមក្រុមការងាររបស់ពួកគេដែរ។
ប៉ុស្តិ៍ត្រួតពិនិត្យកូវីដ នៅជុំវិញទីក្រុង នឹងអនុញ្ញាតចំពោះតែយានយន្តជាក់លាក់មួយចំនួនប៉ុណ្ណោះ រួមមានដូចជាយានជំនិះផ្លូវការ ដែលត្រូវបានអនុញ្ញាតឲ្យដឹកជញ្ជូនទំនិញឬសម្ភារៈយោធា។ អាជីវកម្មនៅក្នុងវិស័យចាំបាច់ដូចជាឱសថ អាហារឬហ្គាសនៅតែត្រូវបានអនុញ្ញាត៕
ប្រែសម្រួល៖ Vann Vann
ប្រភព៖ VN Express
ចុចអាន៖ បំបែកកំណត់ត្រាឆ្លងថ្មី! វៀតណាម ប្រកាសរកឃើញ អ្នកវិជ្ជមានកូវីដ ជាង ៦ពាន់ករណីទៀត
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ