Medusa ជាបិសាចមួយក្នុងចំណោមបិសាចពស់ស្រីបីក្បាល ពួកគេជាពពួកបិសាចដែលអាចធ្វើឲ្យភាវរស់ក្លាយជាថ្មបានដោយគ្រាន់តែសម្លឹងភ្នែកប៉ុណ្ណោះ ។ កាលពីមិនទាន់ជាប់បណ្ដាសា Medusa គឺជានារីដ៏ស្រស់ស្អាតខ្លាំងដាច់គេ ជាពិសេសនាងជាស្ត្រីបរិសុទ្ធដែលគោរពបូជាដល់អាទិទេព អាធីណា (Athena) ផងដែរ ។ 

ដោយសារសម្រស់នាង Medusa ស្អាតទាក់ទាញពេកធ្វើឲ្យអាទិទេព ផូសៃដិន (Poseidon ដែលជាអាទិទេពនៃសមុទ្រ ព្យុះ គ្រោះរញ្ជួយដី និងសត្វសេះ) ចាប់ចិត្តស្រឡាញ់នាងដកចិត្តមិនរួច ប៉ុន្តែ Medusa បានបដិសេធ ព្រោះនាងចង់រក្សាភាពបរិសុទ្ធទុកជាការគោរពដល់អាទិទេព អាធីណា រឿងនេះធ្វើឲ្យអាទិទេព ផូសៃដិន ទ្រាំមិនបានក៏ចាប់រំលោភ Medusa នៅកន្លែងទីសក្ការបូជាតែម្ដងទៅ ។

បន្ទាប់ពី Medusa អស់ព្រហ្មចារីអាទិទេព អាធីណា ខឹងនាងជាខ្លាំងទើបដាក់បណ្ដាសាអោយ Medusa ក្លាយជាបិសាចពស់ដែលគ្មាននរណាមកស្រលាញ់បន្តទៀតឡើយ ។ 

គេជឿថាការដាក់បណ្ដាសានេះជាការការពាររបស់អាទិទេព អាធីណា ចំពោះ Medusa ព្រោះទ្រង់មិនអាចដាក់ទោសអាទិទេព ផូសៃដិន បានទេអ្នកខ្លះទៀតថាមកពី Athena ខឹងនឹងនាងទៅវិញ ។

ជាចុងក្រោយ Medusa ត្រូវ ភឺហ្សូស (Perseus) កាត់ក្បាល ហើយនាងបានផ្ដល់កំណើតដល់ Chrysaor និង Pegasus ដែលជាកូនរបស់ ផូសៃដិន ក្នុងគ្រានោះឯង ៕

ប្រែសម្រួល ៖ វារី

ចុចអាន ៖ មកស្គាល់កំពូលអាទិទេព ១០ អង្គ នៅក្នុងទេវកថា ក្រិក

The post មកដឹងពី Medusa នារីដ៏ស្រស់ស្អាត ប្រែក្លាយជាបិសាចពស់ក្នុងរឿងទេវកថាប្រទេសក្រិក appeared first on Kampuchea Thmey Daily.

១. ព្រះនាងគីណារី (កិន្នរី)-ប្រទេសថៃ

ព្រះនាងជាទេវតាថែរក្សាសុខុមាលភាពរបស់ប្រជានុរាស្ត្រដែលជួបគ្រាលំបាក ឬគ្រោះថ្នាក់ណាមួយនៃប្រទេសថៃ ប៉ុន្តែក៏មានក្នុងប្រវត្តិសាស្ត្រក្នុងអាស៉ីទូទៅដូចជា ប្រទេសកម្ពុជាផងដែរ ។ រឿងព្រះនាងគីណារី មនោរាហ៍ ត្រូវនិទានតៗគ្នាជាច្រើនជំនាន់តាំងពីសម័យអយុធ្យាមកម្ល៉េះមានតំណាលថា ៖ ព្រះបាទព្រហ្មទត្ត និងម្ចាស់ក្សត្រីចន្ថាគីណារីមានបុត្រីចំនួនប្រាំពីរអង្គ ។ មនោរាហ៍ គឺជាកូនពៅក្នុងចំណោមបុត្រីទាំងប្រាំពីរអង្គដែលមានព្រះកាយពាក់កណ្តាលមនុស្សពាក់កណ្ដាលហង្ស ហើយអាចហើរ ឬជម្រុះស្លាបតាមចិត្តចង់ ។ រៀងរាល់ព្រះច័ន្ទពេញវង្ស ព្រះនាងគីណារីទាំងអស់តែងតែមកលេងទឹកស្រៈកណ្ដាលព្រៃហេមពាន្តមិនដែរខាន ។ ថ្ងៃមួយមានបុរសម្នាក់ឈ្មោះ ប្រាហន កំពុងដើរកាត់ព្រៃហេមពាន្ត ស្រាប់តែប្រទះឃើញព្រះនាងគីណារីទាំងប្រាំពីរអង្គកំពុងលេងនៅមាត់បឹង ក្នុងចំណោមព្រះនាងទាំង ៧អង្គ ព្រះនាងមនោរាហ៍ មានសម្រស់ស្អាតដាច់គេទើបគាត់សម្រេចចិត្តចាប់ព្រះនាងថ្វាយព្រះអង្គម្ចាស់សុធន ។

២. បិសាចលីយ៉ាក-ប្រទេសឥណ្ឌូនេស៉ី

នៅក្នុងទេវកថាបាលីបានឲ្យដឹងថា “លីយ៉ាក” ជាសត្វក្បាលហោះមានប្រដាប់បន្តោងជាប់ ជាធម្មតាគេឃើញវានៅជុំវិញផ្នូរ ។ បិសាចលីយ៉ាក មានអណ្តាតវែង និងចង្កូមធំចូលចិត្តបឺតឈាមទារកទើបនឹងកើត ឬស្ត្រីទម្ងន់ជាដើម ។ រ៉េងដា (ជាពាក្យសម័យបុរាណមានន័យថាស្ត្រីមេម៉ាយ) ដែលជាម្ចាស់ក្សត្រីបិសាចលីយ៉ាក មានសត្រូវស៉ីសាច់ហុតឈាមជាមួយនឹង “បារ៉ុង” ស្តេចនៃវិញ្ញាណល្អ ។

៣. ឡាកឡុងក្វាន-ប្រទេសវៀតណាម

យោងទៅតាមរឿងព្រេង ព្រះអង្គ​ម្ចាស់នាគឡាកឡុងក្វាន ជា​​ស្តេច​ហុង​ទីពីរ​នៃ​រាជវង្សហុង-បាងនៃ​ប្រទេស​វៀតណាម​បុរាណ ។ ដើម្បីការពារទឹកដីឲ្យមានសុវត្ថិភាព ព្រះអង្គម្ចាស់នាគតែងតែសម្លាប់សត្វចម្លែកៗដែលព្យាបាទទឹកដីរបស់ទ្រង់ ដោយគ្មានការលើកលែង ។ ក្រោយមកព្រះអង្គបានរៀបអភិសេកជាមួយ​ទេពអប្សរ​ភ្នំ​អមតៈ​អោវករ និងបង្កើតពង ១០០គ្រាប់ ដោយកូននីមួយៗជាដើមកំណើតត្រកូលប្រជាជនវៀតណាមទាំង ១០០ត្រកូល។ មិនយូរប៉ុន្មាន ព្រះអង្គម្ចាស់ឡាកឡុងក្វានមានគំនិតចង់ទៅគង់នៅក្បែរទឹកជុំគ្នា ប៉ុន្តែទេពអប្សរ​ភ្នំ​អមតៈ​អោវករមានគំនិតចង់គង់នៅភ្នំវិញ ដូច្នេះទ្រង់ទាំងពីរអង្គក៏ចែកកូនម្នាក់ ៥០ យកទៅចិញ្ចឹមរៀងខ្លួនទៅ ។ សូមបញ្ជាក់ដែរថា ចំណងស្នេហ៍អ្នកទាំងពីរនៅដដែលទោះបីជារស់នៅបែកគ្នាក៏ដោយ ។ និយាយពីកូនៗ ៥០នាក់ដែលនៅជាមួយឪពុកត្រូវរៀនស្ទូចត្រី សាក់ស្បែក ដើម្បីបន្លាចសត្វចម្លែកនៅសមុទ្រ រីឯ ៥០ទៀតត្រូវចិញ្ចឹមសត្វ និងដាំផ្លែឈើដើម្បីរស់នៅរហូតក្លាយជាប្រជាជនវៀតណាមសព្វថ្ងៃនេះ ។

៤. ភ្នំក្រហម និងតំបន់ប្រវត្តិសាស្ត្រ Tanjong Pagar-ប្រទេសសិង្ហបុរី

រឿងមានដំណាលថា ៖ ឆ្នេរសមុទ្រកំពុងរងការវាយប្រហារឥតឈប់ឈរពីត្រីដាវដ៏កាចសាហាវបង្កឲ្យអ្នកនេសាទមិនអាចចេញរកស៉ីបាន ហើយស្វែងរកជំនួយពីស្តេចស៊ុលតង់ តែមិនទទួលជោគជ័យនោះទេ ។ ថ្ងៃមួយ មានក្មេងប្រុសម្នាក់ផ្ដល់គំនិតបង្គាប់ឲ្យប្រជារាស្ត្រប្រើដើមចេកមកតទល់ជាមួយនឹងត្រីដាវ ដើម្បីពេលត្រីចាក់ទៅជាប់ដើមចេក ។ គំនិតដ៏វៃឆ្លាតរបស់ក្មេងប្រុសនេះធ្វើឲ្យស្ដេចស៊ុលតង់កើតចិត្តច្រណែន រួចបញ្ជូនកងទ័ពទៅសម្លាប់ក្មេងនោះចោលដោយបង្ហូរឈាមក្រហមឆ្អៅនៅលើភ្នំក្លាយជាប្រវត្តិ “ភ្នំក្រហម-Redhill” ក្នុងប្រទេសសិង្ហបុរីសព្វថ្ងៃនេះ ។ ចំណែកឯតំបន់ដាក់ដើមចេកក៏ក្លាយជា តំបន់ប្រវត្តិសាស្ត្រ Tanjong Pagar ជាមួយគ្នាដែរ ៕

ប្រែសម្រួលដោយ ៖ វារី

ចុចអាន ៖ ភ្ញាក់ផ្អើលមែនទែន ចំពោះរូបភាពកាយវិភាគសាស្ត្រនៃសត្វទេវកថាទាំង ១៣ ប្រភេទ

The post មកស្គាល់រឿងទេវកថាទាំង ៤ ស្ថិតនៅ អាស៊ីអាគ្នេយ៍  appeared first on Kampuchea Thmey Daily.

១. មេលូស៊ីណា

Mélusine ឬ Melusina គឺជាសត្វក្នុងរឿងព្រេងនិទានអ៊ឺរ៉ុប ដែលជាវិញ្ញាណស្ត្រីទឹកសាបនៅក្នុងអណ្តូងបរិសុទ្ធ ឬទន្លេ។ ជាធម្មតានាងត្រូវបានគេពិពណ៌នាថាជាស្ត្រីដែលជាសត្វពស់ ឬត្រីពីចង្កេះចុះក្រោម។ ពេលខ្លះនាងក៏ត្រូវបានបង្ហាញដោយស្លាបផង កន្ទុយពីរផង ឬទាំងពីរ។

២. នាគ

សូម្បីតែក្នុងប្រទេសយើងក៏ល្បីដែរពីររឿងនាគនោះ។

៣. ក្រាកខិន

ក្រាកខិន គឺជាសត្វចម្លែកសមុទ្រដែលមានទំហំដ៏ធំសម្បើម គេនិយាយថាវាបង្ហាញខ្លួននៅឆ្នេរសមុទ្រនៃប្រទេសន័រវេស។ សត្វពួកនេះជាប្រធានបទនៃអបិយជំនឿ និងទេវកថារបស់នាវិក ហើយត្រូវបានពិពណ៌នាជាលើកដំបូងនៅក្នុងយុគសម័យទំនើបនៅសតវត្សទី១៨ នៅក្នុងសៀវភៅធ្វើដំណើររបស់ Francesco Negri ក្នុងឆ្នាំ១៧០០ ។

៤. សាយរ៉ិន

យើងធ្លាប់អានអត្ថបទពីវារួចមកហើយ សរុបមកពួកវាជាប្រភេទមច្ឆាកាចសាហាវ។

៥. មនុស្សចចក

នៅក្នុងរឿងព្រេងនិទាន មនុស្សចចកគឺជាមនុស្សដែលមានសមត្ថភាពក្នុងការផ្លាស់ប្តូររូបរាងទៅជាចចក បន្ទាប់ពីត្រូវគេដាក់បណ្តាសា ហើយការផ្លាស់ប្តូរនោះកើតឡើងនៅយប់នៃព្រះច័ន្ទពេញវង់។

៦. សត្វជញ្ជក់ឈាម

ឈូប៉ាកាប្រាគឺជាសត្វរឿងព្រេងនិទាននៃទ្វីបអាមេរិក គេប្រទះឃើញវាដំបូងនៅក្នុងព័រតូរីកូក្នុងឆ្នាំ១៩៩៥ ។ សត្វនេះវាយប្រហារនិងផឹកឈាមរបស់សត្វមានឈាមដូចជាពពែ។

៧. កាបប៉ា

វាគឺជាសត្វល្មូនក្នុងទឹកដែលរស់នៅតាមដងទន្លេ និងទន្លេនានាក្នុងប្រទេសជប៉ុន។

៨. យេតទី

យេតទីគឺ​ជា​សត្វ​​មាន​រាង​ដូច​សត្វ​ស្វា ​ដែល​ត្រូវ​​គេ​អះអាង​ថា វា​រស់នៅ​ជួរ​ភ្នំ​ហិមាល័យ​នៅ​អាស៊ី។ នៅក្នុងវប្បធម៌ដ៏ពេញនិយមលោកខាងលិច គេតែងនិយមហៅជាទូទៅថាជា មនុស្សទឹកកកដ៏គួរឲ្យស្អប់ខ្ពើម (Abominable Snowman) ។

៩. សត្វបក្សីភ្លើង

គេជឿថាវាជាសត្វ​ស្លាបប្រទេស​អារ៉ាប់ ​បក្សីនេះ​នឹង​ដុត​ខ្លួន​ឯង ហើយ​ងើប​ឡើង​ពី​ផេះយ៉ាងមានអំណាចរឿង​រាល់ ៥០០ឆ្នាំ​ម្ដង។

១០. សេះដុះស្នែង

យើងស្គាល់ស្រាប់ទៀតហើយថាវាជាសត្វក្នុងក្ដីស្រមៃក្មេងជាច្រើនទូទាំងពិភពលោក។

១១. នាគស្លាប

នាគប្រភេទខាងក្រោមគេជឿថាវាចេះព្រួសភ្លើង យើងក៏ធ្លាប់ឃើញវានៅក្នុងភាពយន្តដែរ។

១២. មនុស្សក្បាលរុយ

គាត់គឺជាតួអង្គក្នុងរឿងត្លុកមួយ។

១៣. មនុស្សប្រចៀវ

វាគឺជាសត្វដែលជញ្ជក់ឈាមទាំងមនុស្សទាំងសត្វ ណាមួយមានរូបរាងស្រដៀងតែប្រចៀវ ដែរគ្រាន់តែធំប៉ុនមនុស្ស៕

អត្ថបទ៖ វារី

ចុចអាន៖Mary Ann Bevan ពីស្ត្រីស្រស់ស្អាតបំផុត ក្លាយជានារីសាច់ដុំមុខអាក្រក់

ចុចអាន៖គូស្នេហ៍កម្សត់ទាំង ៦ នេះ ក្លាយជារឿងសោកសៅបំផុត ក្នុងប្រវត្តិសាស្ត្រ

The post ភ្ញាក់ផ្អើលមែនទែន ចំពោះរូបភាពកាយវិភាគសាស្ត្រនៃសត្វទេវកថាទាំង ១៣ ប្រភេទ appeared first on Kampuchea Thmey Daily.

១. មេរ៉ូ (Merrow)

មេរ៉ូ មានប្រភពមកពីរឿងព្រេងអៀរឡង់ យោងទៅតាមរឿងព្រេងពួកគេមានសក់វែងពណ៌បៃតង និងមួកពណ៌ក្រហមមួយ។ កាលណានាងធ្វើឲ្យបាត់មួកនោះ នាងនឹងក្លាយទៅជាមនុស្សវិញ ព្រោះមានមួកទើបនាងអាចប្រែកាយជាមច្ឆាបាន។

២. មច្ឆាសមុទ្រទឹកជ្រៅ

មច្ឆាប្រភេទនេះមានព្រុយធំៗដែលងាយស្រួលក្នុងការហែលបានឆ្ងាយ និងមានកន្ទុយវែងៗពណ៌ខៀវ បៃតង ឬស្វាយស្រាលជាដើ​ម។​​​​​​​​​​​​​​​​​​​​​​​​​​​​ លើសពីនេះ ពួកគេមានសន្តានចិត្តល្អមិនធ្វើបាបមនុស្សនោះទេ គ្រាន់តែរៀងភ័យខ្លាចមនុស្សតិចតួចប៉ុណ្ណោះ។​​ ចំណែកឯភាសារបស់មច្ឆាប្រភេទនេះ គឺជាភាសាបុរាណ ​ហើយចាប់តាំងពីពួកគេធ្វើចំណាកស្រុក ពួកគេត្រូវបានគេស្គាល់ថាជា មច្ឆាខាងធ្វើដំណើរ ។

៣. សាយរ៉ិន

សាយរ៉ិនមានចិត្តកាចសាហាវ ស៊ីសាច់ជាអាហារ ជាពិសេសស្អប់មនុស្សប្រុសខ្លាំងណាស់។ ពួកនាង​តែង​បោកបញ្ឆោតមនុស្ស ដោយប្រើសម្លេងច្រៀង ឬតន្ត្រីដើម្បីអោយមករកនាង មនុស្ស​ដែល​ជាជនរងគ្រោះច្រើនជា អ្នកនេសាទ អ្នកជិះទូក ក្មេងប្រុស។ នៅ​ពេល​យប់​ ជា​ពេល​ដែល​ពួកសាយរ៉ិន​ចេញរកស៊ី ជួនកាល​មនុស្សខ្លះ ត្រូវបាន​នាង​យក​ទៅ​ដាក់​នៅ​លើ​កោះ​ ដើម្បី​ទុក​ជា​អាហារ​នៅ​ពេល​ថ្ងៃ។

៤. មច្ឆាទឹកសាប

សំបុកមច្ឆាពូជនេះមាននៅក្នុង​​ ស្រះ អូរ ទន្លេ ជាពិសេសទឹកបឹង ចំណែកឯកន្ទុយវិញមានទំហំទៅតាមទឹកដែលវារស់នៅ។ ពពួកមច្ឆាទឹកសាបនេះ មានភាពរួសរាយដាក់មនុស្សដូចមិត្តភក្តិ ហើយសម្រាប់ចំណីគឺស៊ីទៅតាមជម្រើសអ្នកខ្លះស៊ីសាច់ អ្នកខ្លះស៊ីរុក្ខជាតិ។

៥. ណៃអាឌីស (Naiades)

ណៃអាឌីសជាមច្ឆារស់នៅតំបន់ទឹកសាប ដែលគ្មានកន្ទុយមានរូបសម្បត្តិស្អាតសក់វែង ប៉ុន្តែនាងតែងស្រាតននលគោក ហើយពួកនាងមានចិត្តល្អចេះស្រលាញ់ការពារទឹក និងមនុស្សជាទីស្រលាញ់របស់ខ្លួន។ ទឹកដែលនាងរស់នៅមានថាមពលវេទមន្តសាកសិទ្ធិអាចជួយឲ្យអ្នកហែលមានសុខភាពល្អ ស្ត្រីងាយមានគត៌ និងដំណាំលូតលាស់ល្អ។ ម៉្យាងទៀតនាងក៏អាចបំពុលទឹក ឬធ្វើឲ្យលិចទឹកនិងគ្រោះរាំងស្ងួតដើម្បីសម្លាប់សត្រូវទៀតផង។

៦. គីអាស (Ceasg)

នាងជាមច្ឆាបង្កគ្រោះថ្នាក់ផង សំណាងល្អផង ព្រោះបើអ្នកចាប់នាងបានអ្នកនឹងត្រូវផ្ដល់ឲ្យនូវបំណងប្រាថ្នា៣ដង។ ប៉ុន្តែនៅពេលនាងរកឃើញស្នេហាពិត នឹងមនុស្សវិញ​ នាងនឹងប្រែកាយជាមនុស្សហើយរស់នៅជាប្រពន្ធបុរសនោះអស់មួយជីវិត។

៧. មច្ឆាមហាសមុទ្រ

ពូជមច្ឆានេះមានចំនួនច្រើនជាងពូជមច្ឆាផ្សេងៗ ពួកគេមាននាទីការពារទឹកជ្រៅៗ និងដើរតួជាគូស្នេហ៍របស់ព្រះ។ ក្រៅពីជាប្រពន្ធនិងម្ដាយរបស់ព្រះ ពួកនាងក៏រាប់ជាអាទិទេពស្រីដែលគ្រប់គ្រងប្រភពទឹកសាបរបស់ផែនដីផងដែរ។

៨.សលគី (Selkies)

សលគីរស់នៅកោះអង់គ្លេស និងអ៊ីស្លង់ ពួកវាមានសមត្ថភាពអាចប្រែកាយពីសត្វភេទៅជាមនុស្សបាន ក្នុងករណីនរណាម្នាក់រកឃើញស្រោមសត្វរបស់នាងនោះ នាងនឹងដាក់ខ្លួនជាប្រពន្ធដ៏ស្មោះត្រង់ម្នាក់សម្រាប់បុរសនោះ ប៉ុន្តែបើសលគីរកស្រោមសត្វឃើញវិញនាងប្រាកដជាពាក់រួចរត់ចូលសមុទ្រវិញដោយមិនងាកក្រោយតែម្ដង។

៩. អាតាហ្គាទីស (Atargatis)

រឿងព្រេងនិទាននាងមច្ឆាចាស់ជាងគេគឺ អាតាហ្គាទីសនេះហើយ នាងគឺជាទេពធីតានៃព្រះច័ន្ទ ទឹក និងភាពជាស្ត្រីនៅអាស្សីរី។ នាងត្រូវគេគោរពទុកជាទេពធីតាកាលពី ៣០០០-៤០០០ឆ្នាំមុន រឿងរ៉ាវរបស់នាងបានរៀបរាប់ថាការស្លាប់របស់គូស្នេហ៍របស់នាងធ្វើឲ្យនាងលង់ទឹកសមុទ្រដោយទុក្ខសោក បន្ទាប់ពីសម្រាលបានកូននៅលើឆ្នេរខ្សាច់ ដោយក្ដីអាណិតព្រះក៏សម្រេចចិត្តជួយសង្គ្រោះនាងឲ្យក្លាយជាមច្ឆាទៅ។

១០. ម៉ាមីវ៉ាតា (Mami Wata)

ម៉ាមីវ៉ាតា គឺជាភាសាជប៉ុនមានន័យថា “មាតានៃទឹក” នាងគឺជាទេពធីតានៃទឹករបស់អាហ្វ្រិកដែលមានទម្រង់ជាមច្ឆាកន្ទុយត្រី ជួនកាលជាកន្ទុយពស់ ហើយក៏អាចជាមនុស្សពេលខ្លះដែរ។

១១. យេម៉ាយ៉ា (Yemaya)

ឈ្មោះមួយទៀតរបស់យេម៉ាយ៉ាគឺ យេម៉ូចា នាងគឺជាទេពធីតាសមុទ្រនៃប្រទេសអាហ្វ្រិក។ នៅក្នុងសាន់តេរ៉ាដែលជាសាសនារបស់អាហ្វ្រូ-ការាបៀន នាងជាទេពធីតាមាតាមហាសមុទ្រ និងព្រះជាទីគោរពពីមនុស្សទូទាំងពិភពលោក។

១២. សាប្រ៊ីណា (Sabrina)

យោងតាមរឿងព្រេង សាប្រ៊ីណា គឺជាកូនរបស់ព្រះអង្គ ឡូគ្រីនុស (Locrinus) ជាមួយប្រពន្ធចុង ដោយសារតែបែបនេះហើយទើបអតីតភរិយាព្រះអង្គឈ្មោះ ខ្វេនដូឡេន ចង់សម្លាប់សាប្រ៊ីណានិងម្ដាយនៅក្នុងទន្លេសេវឺន ជាលទ្ធផលល្អនាងក៏ក្លាយទៅជាទេពធីតាទន្លេ និងជាអាទិទេពផងដែរ៕

ប្រែសម្រួល៖វារី់

ចុចអាន៖ការពិតដ៏គួរឲ្យភ្ញាក់ផ្អើលទាំង ៩ ពីសត្វឃ្មុំ គ្រប់គ្នាអាចមិនដឹងសោះ

ចុចអាន៖កំពូលសត្វមហាគគ្រិចបំផុតទាំង ៩ ប្រភេទ លើពិភពលោក

The post មកស្គាល់នាងមច្ឆាទាំង ១២ ប្រភេទ ខុសៗគ្នា ក្នុងទេវកថាចម្រុះ appeared first on Kampuchea Thmey Daily.