KPT+

Mary Ann Bevan ពីស្ត្រីស្រស់ស្អាតបំផុត ក្លាយជានារីសាច់ដុំមុខអាក្រក់

បានផុស

៤ years មុន

នៅ

ថ្ងៃពុធ ៣១ សីហា ២០២២

ដោយ

ម៉ារីកើតនៅខែធ្នូ ឆ្នាំ១៨៧៤ មានបងប្អូន៨នាក់ រស់នៅក្នុងទីក្រុងឡុងដ៍ភាគខាងកើត គ្រួសាររបស់នាង មានជីវភាពក្រីក្រមែនពិត តែវាមិនមែនជា ឧបសគ្គសម្រាប់មនុស្សពូកែតស៊ូដូចនាងឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ម៉ារីមានការងារជាគិលានុបដ្ឋាយិកាមួយរូប ដល់ពេលមានអាយុ ២៩ឆ្នាំ នាងបានរៀបការជាមួយនឹងបុរសម្នាក់ឈ្មោះថា ថូម៉ាស បេវ៉ាន (Thomas Bevan) រហូតដល់មានកូន ៤នាក់។ ម៉ារីមានសម្រស់ស្រស់ស្អាតណាស់ជាមួយនឹងសក់ពណ៌ត្នោតរបស់នាងជាអកុសលសម្រស់របស់នារីអភ័ព្វរូបនេះមិនឋិតឋេរយូរអង្វែងឡើយ រូបរាងរបស់នាងត្រូវបានផ្លាស់ប្ដូរទាំងស្រុងដោយសារតែជំងឺអាក្រូមេហ្គាលី (acromegaly) ដែលជាជំងឺម្យ៉ាងធ្វើឲ្យរាងកាយ និងអវៈយវៈលូតលាស់ធំខុសប្រក្រតី។

ស្ថានភាពជំងឺនេះអាចធ្វើឲ្យដៃជើងនិងមុខរីកធំដូចយក្ស ចំណែកមុខមាត់របស់ម៉ារីរីកធំមើលទៅដូចមនុស្សប្រុសមានសាច់ដុំជំងឺនេះមិនត្រឹមតែធ្វើឲ្យមុខមាត់អាក្រក់ប៉ុណ្ណោះទេ ថែមផ្ដល់នូវការឈឺចាប់នៅពេលឆ្អឹងរីកធំទៀតផង បញ្ហាសម្រស់ធ្វើឲ្យគេចាប់ផ្ដើមមើលលើមើលក្រោម រាល់ពេលនាងដើរទៅទីសាធារណៈផ្សេងៗ។ ជីវិតម៉ារីកាន់តែដុនដាបទៅបន្ទាប់ពីរៀបការបាន១១ឆ្នាំប្ដីរបស់នាងក៏ស្លាប់បាត់ទៅ នាងត្រូវរកប្រាក់ចិញ្ចឹមជីវិត ហើយរូបរាងរបស់នាងជាហេតុផលធ្វើឲ្យនាងពិបាករកការងារធ្វើណាស់។ ថ្ងៃមួយឱកាសការងារក៏បានមកដល់ មានកាសែតមួយគេផ្សព្វផ្សាយថាត្រូវការស្ត្រីអាក្រក់ជាងគេបំផុត នាងផ្ញើររូបថតទៅដាក់ពាក្យភ្លាមៗដោយមិនគិតយូរឡើយ។ ទោះជាម៉ារីមិនចូលចិត្តការតាំងពិពណ៌ខ្លួនឲ្យគេមើល និងមិនចង់ឃ្លាតឆ្ងាយកូនក្ដី ប៉ុន្តែស្ថានភាពគ្រួសាររបស់នាងត្រូវការប្រាក់ចាំបាច់ណាស់ ណាមួយគេផ្ដល់ប្រាក់ឱ្យនាងច្រើនគួរសមដែរ ដូច្នេះនាងអាចឲ្យកូនៗរបស់នាងចូលរៀនបាន ទើបនាងយល់ព្រម។ ការធ្វើដំណើរទៅកាន់សហរដ្ឋអាមេរិក ក្នុងឆ្នាំ១៩២០ ធ្វើឲ្យម៉ារីល្បីពេញលើក្របកាសែតដែលបានប្រកាសនាងថាជា “ស្ត្រីដែលអាក្រក់បំផុតនៅលើផែនដី” ។

ក្រោយមក មានពាក្យចចាមអារ៉ាមថា ម៉ារីផឹកស្រាដល់ថ្នាក់ឈឺយ៉ាងធ្ងន់ធ្ងរក្នុងអំឡុងជីវិតចុងក្រោយរបស់នាង ហើយបាត់បង់ទ្រព្យសម្បត្តិជាច្រើន ចំពោះការវិនិយោគខុស។ នាងទទួលមរណភាពនៅឆ្នាំ១៩៣៣ ហើយគេបានទុកសពនៅវាលកប់ខ្មោច Ladywell និង Brockley ក្នុងទីក្រុងឡុងដ៍ភាគខាងត្បូង តាមបំណងចុងក្រោយរបស់នាង៕

ប្រែសម្រួលដោយ៖ វារី

ចុចអាន៖គូស្នេហ៍កម្សត់ទាំង ៦ នេះ ក្លាយជារឿងសោកសៅបំផុត ក្នុងប្រវត្តិសាស្ត្រ

ចុចអាន៖ការសិក្សារកឃើញថា សុនខសម្រក់ទឹកភ្នែកពេលជួបនឹងម្ចាស់ជាទីស្រលាញ់វិញ

Related Topics:រឿងរ៉ាវប្លែកៗ