យោងតាមការបញ្ជាក់ពីនគរបាលជំនាញបានអោយដឹងថា កាលពីថ្ងៃទី១២ និងថ្ងៃទី១៣ ខែកក្កដា ឆ្នាំ២០២៦ ការិយាល័យនគរបាលព្រហ្មទណ្ឌកំរិតស្រាល បានឃាត់ខ្លួនជនសង្ស័យសរុបចំនួន២៤នាក់ ពាក់ព័ន្ធនិងបទល្មើស ០២ ករណី រួមមានករណីទី០១ ហិង្សាដោយចេតនាមានស្ថានទម្ងន់ទោស (ព្រួតគ្នាយកដុំថ្ម គប់ គ្នាទៅវិញទៅមក បណ្តាលឲ្យរងការខូច ខាតម៉ូតូចំនួន ០១គ្រឿង) ប្រព្រឹត្តនៅចំណុចមុខសំណង់មិនរៀបរយ ផ្លូវ៦០ម៉ែត្រ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ កាលពីថ្ងៃទី១២ ខែកក្កដា ឆ្នាំ២០២៦ វេលាម៉ោង០១ និង៥៧ នាទី (ជាក្រុមក្មេងទំនើង) ,

ករណីទី០២ ហិង្សាដោយចេតនា (យកមួកសុវត្ថិភាព ពណ៌ខៀវ គប់ ទៅលើជនរងគ្រោះត្រូវចំខ្នង) ប្រព្រឹត្តនៅចំណុច ហាងស៊ុបខ្យង ផ្លូវបេតុង ភូមិឫស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ កាលពីថ្ងៃទី១៣ ខែក ក្កដា ឆ្នាំ២០២៦ វេលាម៉ោង ២៣ និង ៥២ នាទី (ក្រុមក្មេងទំនើងឈ្មោះកោះប្រាក់(KB) ។

នគរបាលបន្តថា ក្រុមក្មេងទំនើងទាំង ២ក្រុមខាងលើនេះ ជាមុខសញ្ញាវាយប្លន់ និងជាក្មេងទំនើងបង្កហិង្សា អុកឡុក ភូមិសាស្រ្តរាជធានីភ្នំពេញផងដែរ ។

បច្ចុប្បន្ន សមត្ថកិច្ចបានកសាងសំណុំរឿង ដើម្បីបញ្ជូនជនសង្ស័យទាំង ២៤នាក់ ទៅកាន់សាលាដំបូងរាជធានីភ្នំពេញ ចាត់ការតាមនីតិវិធីច្បាប់ ៕ អត្ថបទ ៖ រដ្ឋា

The post នគរបាលព្រហ្មទណ្ឌកម្រិតស្រាល នាំខ្លួនជនសង្ស័យ២៤នាក់ មកបង្ហាញមុខ ពាក់ព័ន្ធករណី វាយប្លន់ និង ហិង្សាដោយចេតនា appeared first on Kampuchea Thmey Daily.

ជនសង្ស័យឈ្មោះ លន់ ចិត្រា ភេទប្រុស ជនជាតិខ្មែរ អាយុ២៤ឆ្នាំ មុខរបរកម្មករ ស្នាក់នៅភូមិក្រោលគោ សង្គាត់គីទ្បូម៉ែត្រលរខ៦ ខណ្ឌឬស្សីកែវ  រាជធានីភ្នំពេញ ។

តាមការបញ្ជាក់ពីលោកវរសេនីយ៍ឯក ហ៊ាង ថារ៉េត អធិការខណ្ឌឫស្សីកែវ បានអោយដឹងថា ដោយអនុវត្តតាមបទបញ្ជារបស់ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និង តាមការណែនាំពី លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានបញ្ជាអោយលោក ដឹកនាំកម្លាំងនៃអធិការដ្ឋាននគរបាលខណ្ឌឫស្សីកែវ ចុះស្រាវជ្រាវជាបន្ទាន់ជុំវិញទីតាំងកើតហេតុ ដើម្បីកំណត់មុខសញ្ញាយក ផ្តន្ទាទោស។

ប្រភពដដែលបន្តថា រហូតមកដល់វេលាម៉ោង ០២រំលងអាធ្រាត្រឈានចូលថ្ងៃទី ១២ ខែកក្កដា ឆ្នាំ២០២៦ សមត្ថកិច្ចបានរកឃើញនៅទីតាំងលាក់ខ្លួនរបស់ជនសង្ស័យ នៅចំណុចភូមិក្រោលគោ សង្គាត់គីទ្បូម៉ែត្រលេខ៦ ខណ្ឌឫស្សីកែវ រាជធានីភ្នំពេញ និងឃាត់ខ្លួនរួមវត្ថុតាងយកមកកាន់អធិការដ្ឋាននគរបាលខណ្ឌឫស្សីកែវ ដើម្បីសាកសួរ។

បច្ចុប្បន្ន ជនសង្ស័យខាងលើ ត្រូវនគរបាលខណ្ឌឫស្សីកែវ ឃុំខ្លួនជាបណ្តោះអាសន្ន ដើម្បីកសាងសំណុំរឿង តាមនីតិវិធីច្បាប់។

គួរបញ្ជាក់ផងដែរថា កាលពីវេលាម៉ោង ១០ និង២០នាទីយប់ ថ្ងៃទី១១ ខែកក្កដា ឆ្នាំ២០២៦ ស្ថិតតាមបណ្ដោយ ផ្លូវលំជាប់ច្រាំងទន្លេ ភូមិក្រោលគោ ក្រុម៣ សង្កាត់គីឡូម៉ែត្រលេខ៦ ខណ្ឌឫស្សីកែវ មានជនសង្ស័យម្នាក់ បានធ្វើសកម្មភាពចាប់ជនរងគ្រោះពីក្រោយ រួចយកកាំបិតចិតបន្លែ ចាក់ជាច្រើនកន្លែង បណ្តាលអោយជនរងគ្រោះស្លាប់បាត់បង់ជីវិត។ ភ្លាមៗជនសង្ស័យបានរត់គេចខ្លួនបាត់ស្រមោល។ បន្ទាប់ពីសមត្ថកិច្ចមូលដ្ឋានបានចុះ ដល់ទីតាំងកើតហេតុរួចធ្វើការ ស៊ើបសួរពលរដ្ឋ និង ទាក់ទងទៅជំនាញ កោលស្យវិច័យមកត្រួតពិនិត្យ សាកសព រួចប្រគល់ជូនក្រុមគ្រួសារធ្វើបុណ្យតាមប្រពៃណី៕ អត្ថបទ ៖ រដ្ឋា

The post ប្រើពេលតែជាង ៤ម៉ោងប៉ុណ្ណោះ! សមត្ថកិច្ចខណ្ឌឫស្សីកែវ ចាប់ខ្លួនជនសង្ស័យបំបែករឿងក្តីឃាតកម្ម appeared first on Kampuchea Thmey Daily.

ជនសង្ស័យ ឈ្មោះ អ៊ឹង ឃាង អាយុ៣៧ឆ្នាំ ជនជាតិខ្មែរ មុខរបរនៅផ្ទះ និងមានទីលំនៅក្បែរកន្លែងកើតហេតុ។

តាមការបញ្ជាក់នគរបាលបានអោយដឹងថា ប្រតិបត្តិការបង្រ្កាបនេះបានធ្វើឡើងក្រោមការបញ្ជាផ្ទាល់របស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នគរបាលព្រហ្មទណ្ឌកម្រិតធ្ងន់ និងកម្រិតស្រាល បានសហការជាមួយកម្លាំងព្រហ្មទណ្ឌ នៃអធិការដ្ឋាននគរបាលខណ្ឌដង្កោ បើកការស៉ើបអង្កេត ជុំវិញទីតាំងកើតហេតុ ដើម្បីកំណត់មុខសញ្ញាអោយបានច្បាស់។

ប្រភពដដែលបន្តថា បន្ទាប់ពីស្រាវជ្រាវអស់រយៈពេលជាច្រើនម៉ោង នគរបាលជំនាញ បានដឹងពីទីតាំងលាក់ខ្លួនរបស់ ជនសង្ស័យ ។ ភ្លាមៗ កម្លាំងក៏ចុះទៅកាន់ទីតាំងរបស់ជនសង្ស័យ ឃាត់យកមកអធិការដ្ឋាននគរបាលខណ្ឌដង្កោ ដើម្បីសាកសួរផងដែរ ។

បច្ចុប្បន្ន ជនសង្ស័យខាងលើត្រូវបានឃាត់ខ្លួន នៅអធិការដ្ឋាននគរបាលដង្កោ ដើម្បីអនុវត្តតាមនីតិវិធីច្បាប់។

គួររំលឹកផងដែរថា នាវេលាម៉ោង ១២ថ្ងៃត្រង់ថ្ងៃទី ១២ ខែកក្កដា ឆ្នាំ២០២៦ នៅចំណុចបន្ទប់ពិនិត្យពិគ្រោះព្យាបាលជំងឺ ផ្ទះលេខ១៤ ផ្លូវជាតិលេខ២ បុរីពិភពថ្មីកួរស្រូវ២ ស្ថិតនៅភូមិស្រីស្នំ សង្កាត់ព្រែកកំពឹស ខណ្ឌដង្កោ រាជធានីភ្នំពេញ មានករណីដ៏រន្ធត់មួយ កើតឡើងភ្ញាក់ផ្អើលពលរដ្ឋ នៅជិតខាង ពាក់ព័ន្ធករណីឃាតកម្ម សម្លាប់ស្រ្តីជនជាតិចិន និងជាគ្រូពេទ្យ ត្រូវបានជនសង្ស័យ ធ្វើសកម្មភាពចាក់សម្លាប់ យ៉ាងឃោរឃៅ ហើយរំលោភតាមក្រោយ៕ អត្ថបទ ៖ រដ្ឋា

The post នគរបាលព្រហ្មទណ្ឌរាជធានី ស្រាវជ្រាវឃាត់ជនសង្ស័យម្នាក់ ពាក់ព័ន្ធករណី ឃាតកម្មលើគ្រូពេទ្យស្រីជាជនជាតិចិន appeared first on Kampuchea Thmey Daily.

យោងតាមការបញ្ជាក់ពីនគរបាក បានអោយដឹងថា កាលពីថ្ងៃទី៤ ខែមិថុនា ឆ្នាំ២០២៦ វេលាម៉ោង ១០និង៣០នាទីព្រឹក កម្លាំងការិយាល័យនគរបាលព្រហ្មទណ្ឌកម្រិតធ្ងន់ និងស្រាល បានធ្វើការសហការជាមួយនគរបាលខណ្ឌសែនសុខ, នគរបាលខណ្ឌដង្កោ និងនគរបាលខណ្ឌច្បារអំពៅ ដឹកនាំដោយលោកឧត្តសេនីយ៍ត្រី ប៊ុន សត្យា ស្នងការរង ទទួលផែនការងារនគរបាលព្រហ្មទណ្ឌ និងលោកឧត្តសេនីយ៍ទោ ញ៉ុង រស់មេត្តា ស្នងការរង ទទួលការិយាល័យនគរបាលព្រហ្មទណ្ឌកម្រិតធ្ងន់ និងលោកវរសេនីយ៍ឯក អេង សោភា នាយការិយាល័យនគរបាលព្រហ្មទណ្ឌកម្រិតធ្ងន់ និងលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានបើកការស្រាវជ្រាវ និងបង្ក្រាបជនសង្ស័យ០៤នាក់ ពាក់ព័ន្ធករណី ឃាតកម្មគិតទុកជាមុន (សម្លាប់ជនរងគ្រោះយកសាកសពដាក់ក្នុងរថយន្តយកទៅប្លុងចោល) ស្ថិតនៅចំណុចដីឡូតិ៍គ្មានលេខ ផ្លូវលេខ២១៧ ភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។

ជនសង្ស័យចំនួន០៤នាក់ឈ្មោះ ZHOU JIAN HONG ភេទប្រុស អាយុ៥២ ឆ្នាំ មុខរបរ ចុងភៅ ជនជាតិចិន, ឈ្មោះ ZHAO FENG QUAN ភេទប្រុស អាយុ ៣៦ ឆ្នាំមុខរបរ មិនពិតប្រាកដ ជនជាតិចិន, ឈ្មោះ HAN DE DONG ភេទប្រុស អាយុ៤៣ ឆ្នាំ មុខរបរ ចុងភៅ ជនជាតិចិន និង ឈ្មោះ MA RONG GUI ភេទប្រុស អាយុ ៥១ឆ្នាំមុខរបរម្ចាស់កការ៉ាសរថយន្ត ជនជាតិចិន។

ក្នុងនោះ សមត្ថកិច្ចដកហូតវត្ថុតាងរួមមាន ទូរសព្ទIPHONE ចំនួន០៤គ្រឿង, រថយន្ត ចំនួន០២គ្រឿង (រថយន្តម៉ាក TOYOTA LAND CRUISER សេរីឆ្នាំ២០០៨ ពណ៌ខ្មៅ ពាក់ផ្លាកលេខ 2AI-3068 និងរថយន្តម៉ាក TOYOTA RRIUS សេរីឆ្នាំ២០១២ ពណ៌ ស ពាក់ផ្លាកលេខ 2BH-1311 (ជារថយន្តដឹកសាកសពយកទៅប្លុងចោល),  ម៉ូតូម៉ាកស្មាក  ពណ៌ក្រហមខ្មៅ ពាក់ផ្លាកលេខ 1CE-0447, លិខិតឆ្លងដែន ចំនួន០២។

បច្ចុប្បន្នជនសង្ស័យខាងលើរួមវត្ថុតាង ត្រូវបានកម្លាំងការិយាល័យកសាងសំណុំបញ្ជូនទៅតុលាការចាត់ការតាមនីតិវិធី៕ អត្ថបទ ៖ រដ្ឋា

The post នគរបាលព្រហ្មទណ្ឌធ្ងន់-ស្រាលរាជធានីភ្នំពេញ យកជនសង្ស័យ ៤នាក់ មកបង្ហាញមុខជាសាធារណៈពាក់ព័ន្ធករណីឃាតកម្ម appeared first on Kampuchea Thmey Daily.

ក្រោយមានការផ្សព្វផ្សាយតាមបណ្តាញសង្គម ករណីក្មេងទំនើង៤នាក់ជិះម៉ូតូ២គ្រឿងបង្កភាពអនាធិបតេយ្យតាមផ្លូវសាធារណៈ។ ដោយអនុវត្តតាមបទបញ្ជារបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានបញ្ជារអោយកម្លាំងជំនាញបើកការស្រាវជ្រាប កាលពីយប់ថ្ងៃទី៧ ខែឧសភា ឆ្នាំ២០២៦ វេលាម៉ោង០៣:៣០នាទីយប់អធ្រាត្រ កម្លាំងការិយាល័យនគរបាលព្រហ្មទណ្ឌកម្រិតស្រាល បានស្រាវជ្រាវឃាត់ខ្លួនក្មេងទំនើងចំនួន០៤នាក់ នៅចំណុចស្ពានជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ពាក់ព័ន្ធករណីក្មេងទំនើងបើកបរម៉ូតូបង្កភាពអនាធិបតេយ្យ នៅតាមផ្លូវសារធារណៈ ប្រព្រឹត្តនៅចំណុចស្ពានអាកាសផ្សារដីហុយ សង្កាត់ទឹកថ្លា ខណ្ឌសែនសុខ រាជធានីភ្នំពេញ កាលពីយប់អធ្រាត្រថ្ងៃទី០៥ ខែឧសភា ឆ្នាំ២០២៦។

ប្រតិបត្តិការនេះកម្លាំងជំនាញ ការិយាល័យនគរបាលព្រហ្មទណ្ឌកម្រិតស្រាល បានស្រាវជ្រាវរហូតឈានដល់ឃាត់ខ្លួនក្មេងទំនើងចំនួន៤នាក់ ក្នុងចំណោមនោះ៣នាក់ជាប្រុសក្លែងជាស្រី ៖ ឈ្មោះ សឹម ច័ន្ទរតន៍ ភេទប្រុស កើតឆ្នាំ២០០៨, ឈ្មោះ ថន ច័ន្ទដារ៉ា ភេទប្រុស កើតឆ្នាំ២០០៨, ឈ្មោះ កឹម គន្ធី ភេទ ស្រី កើតឆ្នាំ២០០៨ និងឈ្មោះ ជា មករា ភេទ ប្រុស កើតឆ្នាំ២០០៨ ជនជាតិខ្មែរ។

បច្ចុប្បន្នកម្លាំងការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ កំពុងធ្វើការសាកសួរតាមនីតិវិធី៕

The post សមត្ថកិច្ចព្រហ្មទណ្ឌរាជធានី ឃាត់ខ្លួនក្មេងទំនើង៤នាក់ជិះម៉ូតូបង្កភាពអនាធិបតេយ្យតាមផ្លូវសាធារណៈ appeared first on Kampuchea Thmey Daily.

ដោយអនុវត្តតាមបទបញ្ជារបស់លោកនាយឧត្តមសេនីយ៍ ស ថេត អគ្គស្នងការនគរបាលជាតិ, អគ្គស្នងការរងទទួលផែន, ប្រធាននាយកដ្ឋានកណ្ដាលនគរបាលយុត្តិធម៌ និងលោកឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ នៅថ្ងៃទី៣ ខែមីនា ឆ្នាំ២០២៦ វេលាម៉ោង២១:៣៥នាទី លោកឧត្តមសេនីយ៍ត្រី ប៊ុត វណ្ណារដ្ឋ និងលោកឧត្តមសេនីយ៍ត្រី ខេង ម៉េងឈាង អនុប្រធាននាយកដ្ឋាន ចូលរួមដោយលោកវរសេនីយ៍ឯក ញ៉ែម វ៉ន នាយការិយាល័យ និងលោកវរសេនីយ៍ទោ ប៊ុត ស៊ីម៉េង នាយការិយាល័យ បានដឹកនាំកម្លាំងជំនាញធ្វើការឃាត់ខ្លួនជនសង្ស័យចំនួន២នាក់ ស្ថិតនៅត្រង់ចំណុចក្រោមស្ពានស្ទឹងមានជ័យ សង្កាត់ផ្សារស្ទឹងមានជ័យទី២ ខណ្ឌមានជ័យ រាជធានីភ្នំពេញ។

ជនសង្ស័យទាំងពីរនាក់ ពាក់ព័ន្ធនឹងករណីប្រើប្រាស់ដោយខុសច្បាប់នូវសារធាតុញៀន និងលួច (ម៉ូតូ) ដែលបានប្រព្រឹត្តនៅថ្ងៃទី២ ខែមីនា ឆ្នាំ២០២៥ វេលាម៉ោង១៤៖៤៨នាទី នៅត្រង់ចំណុចផ្លូវលេខ១៣២ សង្កាត់ទឹកល្អក់១ ខណ្ឌទួលគោក រាជធានីភ្នំពេញ។ ជនសង្ស័យខាងលើមានឈ្មោះ តឿ សុវណ្ណ ហៅទី អាយុ២១ឆ្នាំ ឈ្មោះ កង សំណាង ហៅណាង អាយុ៣៣ឆ្នាំ (ជាអ្នកប្រតាយប្រតប់ជាមួយសមត្ថកិច្ច ដើម្បីរំដោះឈ្មោះ តឿ សុវណ្ណ ហៅទី)។

ក្នុងនោះកម្លាំងសមត្ថកិច្ចរកឃើញនិង ដកហូតសម្ភារៈមួយចំនួនរួមមាន ម៉ូតូម៉ាក ហុងដា សង់សេ១២៥ ពណ៌ខ្មៅ (បានប្រគល់ជូនជនរងគ្រោះ), ឧបករណ៍ឆក់ (ពិលឆក់) ចំនួន១ដើម និងស្លាកលេខចំនួន១សន្លឹក (ភ្នំពេញ 1HY-0800)។

បច្ចុប្បន្នកម្លាំងជំនាញនាំជនសង្ស័យខាងលើយកមកនាយកដ្ឋាន ដើម្បីធ្វើការសាកសួរ និងកសាងសំណុំរឿងតាមនីតិវិធី៕ ដោយ ៖ អុឹងម៉េង

The post នគរបាលព្រហ្មទណ្ឌស្រាវជ្រាវ ឃាត់ជនសង្ស័យ២នាក់ ជាមុខសញ្ញាលួចម៉ូតូយ៉ាងសកម្ម បានប្រតាយប្រតប់ជាមួយសមត្ថកិច្ចដើម្បីរំដោះបក្សពួក appeared first on Kampuchea Thmey Daily.

ដោយមានការចង្អុលបង្ហាញពី លោក នាយឧត្តមសេនីយ៍ ស ថេត អគ្គស្នងការនគរបាលជាតិ និង បញ្ជាដឹកនាំ លោក ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ អោយលោកឧត្តមសេនីយ៍ត្រី ប៊ុន សត្យា ស្នងការរងទទួលផែនព្រហ្មទណ្ឌ និង លោកឧត្តមសេនីយ៍ទោ ញ៉ុង រស់មេត្តា ស្នងការងទទួលការងារការិយាល័យកំរិតធ្ងន់ បានអោយលោកនាយការិយាល័យព្រហ្មទណ្ឌកំរិតធ្ងន់ អេង សោភា ដឹកនាំកម្លាំងនគរបាល សហការជាមួយ កម្លាំងអធិការដ្ឋាននគរបាលខណ្ឌជ្រោយចង្វា និងដោយមានការសម្របសម្រួល ពីលោក ឆាយ ហុង ព្រះរាជ្ញារងនៃអយ្យការអមសាលាដំបូងរាជធានីភ្នំពេញ។ លោកឧត្តមសេនីយ៍ទោ លី ប៊ុនអេង ស្នងការរង ទទួលដឹកនាំការិយាល័យនគរបាលព្រហ្មទណ្ឌកំរិតស្រាល ដឹកនាំបញ្ហាដោយផ្ទាល់ពីលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ សហការជាមួយអធិការនគរបាលខណ្ឌមានជ័យ និងស្នងការដ្ឋាននគរបាលខេត្តកំពត។

ករណីទី១ ៖កាលពីថ្ងៃទី១០ ខែកុម្ភៈ ឆ្នាំ២០២៦. ការិយាល័យនគរបាលព្រហ្មទណ្ឌកំរិតស្រាល ធ្វើការស្រាវជ្រាវបង្ក្រាបបាន ០៤ ករណី និងឃាត់ខ្លួនមនុស្សបានចំនួន ១៩ នាក់ ពាក់ព័ន្ធបទល្មើសៈ ហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថាន ទម្ងន់ទោស (យកដាវកែច្នៃ កាប់,វាយ និងគប់ទៅលើជនរងគ្រោះបណ្តាលឲ្យរងរបួសបែកក្បាលហូរឈាមផ្នែកខាង ក្រោយ និងកាប់ម៉ូតូជនរងគ្រោះបណ្តាលឲ្យខូចខាតបែកក្បាលម៉ូតូចំនួន០១គ្រឿង) ប្រព្រឹត្តនៅចំណុច មុខខារ៉ាអូខេ ផ្លូវបេតុង ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ កាលពីថ្ងៃទី ០៨ ខែកុម្ភៈ ឆ្នាំ២០២៦ វេលាម៉ោង ០០ និង ១០ នាទី ជាក្រុមក្មេងទំនើងឈ្មោះក្រុមត្រពាំងឈូក(TPC) ,ក្រុមក្មេងទំនើងឈ្មោះ វត្តសាមគ្គីរង្សី និងក្រុមក្មេងទំនើងចំនួន០២ក្រុមផ្សេងទៀត។

ករណីទី២ ៖កាលពីថ្ងៃទី១០ ខែកុម្ភៈ ឆ្នាំ២០២៦ វេលាម៉ោង១៩ និង ៤៨នាទី មានករណី ប៉ុនប៉ងឃាតកម្ម និងកាន់ កាប់អាវុធដោយគ្មានការអនុញ្ញាត ប្រព្រឹត្តនៅចំណុច មុខអគារដឺភីក ក្នុងរថយន្តព្រុស ផ្លូវក្រសួងការ បរទេស ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

ករណីទី៣៖ ករណី អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់ទូរស័ព្ទ ម៉ាកIphone ១៧ Pro Max ពណ៌ទឹកប្រាក់) កាលពីថ្ងៃទី ០៧ ខែកុម្ភៈ ឆ្នាំ២០២៦វេលា ម៉ោង០៨និង១០នាទី នៅចំណុច ផ្លូវបេតុង ស្ថិតក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

ករណីទី៤ ៖ កាលពីថ្ងៃទី០៩ ខែកុម្ភះ ឆ្នាំ២០២៦ វេលាម៉ោង ១២ និង០០ នាទី កម្លាំងការិយាល័យព្រហ្មទណ្ឌកម្រិត ស្រាល បានស្រាវជ្រាវបង្ក្រាបករណី អំពើលួចម៉ូតូ ម៉ាកហុងដា Scoopyពណ៌ ទឹកប្រាក់ ស៊េរីឆ្នាំ២០១៨ ពាក់ស្លាក លេខ ភ្នំពេញ 1HH-៣៨០៧។

ករណីទី៥៖ កាលពីថ្ងៃទី០៩-០២-២០២៦ វេលាម៉ោងប្រហែល១៥ និង ៣០នាទី មានករណី ហិង្សា ដោយចេតនា និង បង្ខាំងមនុស្សដោយខុសច្បាប់ (វាយដោយកណ្តាប់ដៃ ចាប់បង្ខំមនុស្សចូលក្នុងរថ យន្ត បង្ខាំងបង្ខំឲ្យផ្តិតមេដៃលើឯកសារ) នៅចំណុចបុរីវិមានភ្នំពេញ សង្កាត់ព្រែកលៀប ខណ្ឌជ្រោយ ចង្វារ រាជធានីភ្នំពេញ។

បច្ចុប្បន្នជនសង្ស័យទាំង២៤នាក់ រួមជាមួយនិងវត្ថុ ត្រូវបានកម្លាំងសមត្ថកិច្ចព្រហ្មទណ្ឌរាជធានីបញ្ជូនទៅកាន់តុលាការ ដើម្បីអនុវត្តតាមនីតិវិធីច្បាប់៕

The post នរគបាលព្រហ្មទណ្ឌរាជធានី បង្ហាញមុខក្រុមជនសង្ស័យ ២៤នាក់ ពាក់ព័ន្ធ០៥ករណី មុនបញ្ជូនទៅតុលាការ appeared first on Kampuchea Thmey Daily.

កាលពីថ្ងៃទី២ ខែកុម្ភ: ឆ្នាំ២០២៦ ជនរងគ្រោះបានមកដាក់ពាក្យបណ្ដឹង នៅការិយាល័យព្រហ្មទណ្ឌកម្រិតស្រាល នៃនាយកដ្ឋាននគរបាលព្រហ្មទណ្ឌ បន្ទាប់ពីទទួលបណ្ដឹងលោកវរសេនីយ៍ឯក ចាន់ សុភាព អនុប្រធាននាយកដ្ឋាន និងលោកវរសេនីយ៍ឯក ឡេង ប៊ុនហួរ នាយការិយាល័យព្រហ្មទណ្ឌកម្រិតស្រាល បានបញ្ជាកម្លាំងជំនាញស៊ើបអង្កេតស្រាវជ្រាវ នៅវេលាម៉ោង១៧៖១៥នាទី ត្រង់ចំណុច ក្រោយវត្ដស្ទឹងមានជ័យ ភូមិមានជ័យ សង្កាត់ស្ទឹងមានជ័យ១ ខណ្ឌមានជ័យ បានឃាត់ខ្លួនជនសង្ស័យម្នាក់ ដោយមានការសម្របសម្រួលពីលោកព្រះរាជអាជ្ញារង លឹម ប៊ុនហេង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ។

ក្នុងរង្វង់ប្រតិបត្តិការនេះកម្លាំងជំនាញឃាត់ជនសង្ស័យម្នាក់ឈ្មោះ មុន ម៉េងហ័រ ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ភូមិមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ពាក់ព័ន្ធករណីលួចម៉ូតូ និងប្រើប្រាស់សារធាតុញៀន។ ដកហូតបានវត្ថុតាងម៉ូតូ១គ្រឿង ម៉ាក HONDA PCX 125CC ពណ៌ខ្មៅ ផលិតឆ្នាំ២០២២ ពាក់ស្លាកលេខភ្នំពេញ1KV-1957 ជារបស់ជនរងគ្រោះ។

បច្ចុប្បន្នជនសង្ស័យខាងលើ ត្រូវបានសមត្ថកិច្ចព្រហ្មទណ្ឌបញ្ជូនទៅកាន់តុលាការដើម្បីអនុវត្តតាមនីតិវិធីច្បាប់៕

The post នគរបាលព្រហ្មទណ្ឌ ស្រាវជ្រាវឃាត់ខ្លួនជនសង្ស័យម្នាក់បញ្ជូនទៅកាន់តុលាការ ពាក់ព័ន្ធករណីលួចយ៉ាងសកម្ម appeared first on Kampuchea Thmey Daily.