យោងតាមរបាយការណ៍របស់មន្ទីរទេសចរណ៍ខេត្តក្រចេះ​បានឱ្យដឹងថា ក្នុងរយៈពេល ៣ ថ្ងៃ ចាប់ពីថ្ងៃទី២៧ ដល់ថ្ងៃទី២៩ ខែមីនា ឆ្នាំ២០២៦ ព្រឹត្តិការណ៍បុណ្យទន្លេទទួលបានភ្ញៀវទេសចរសរុបចំនួន ៣១៧.៦៨៥នាក់ ក្នុងនោះ ទេសចរជាតិ​ចំនួន ៣១១.២៣៧ នាក់ និងភ្ញៀវទេសចរបរទេសចំនួន ៦.៤៤៨នាក់។

ថ្លែងក្នុងពិធីបិទព្រឹត្តិការណ៍បុណ្យទន្លេ​ខេត្តក្រចេះ លោក ហួត ហាក់ រដ្ឋមន្រ្តីក្រសួងទេសចរណ៍​បានសម្តែងការកោតសរសើរនិងវាយតម្លៃខ្ពស់ចំពោះកិច្ចខិតខំរបស់គណៈកម្មការអន្តរក្រសួងរៀបចំបុណ្យទន្លេលើកទី ១០ ដែលបានរួមសហការគ្នាអស់ពីកម្លាំងកាយចិត្តបំពេញតួនាទីភារកិច្ចដោយការទទួលខុសត្រូវខ្ពស់ និងសម្រេចបានលទ្ធផលគួរជាទីមោទនៈ ទាំងការរៀបចំ ទាំងការពង្រឹងសន្តិសុខ សុវត្ថិភាព និងសណ្តាប់ធ្នាប់សាធារណៈ ដែលផ្ដល់ឱកាសឱ្យប្រជាពលរដ្ឋ និងភ្ញៀវទេសចរបានចូលរួមទស្សនាកម្សាន្តយ៉ាងសប្បាយរីករាយ។

លោករដ្ឋមន្ត្រីបានបញ្ជាក់ថា ការរៀបចំព្រឹត្តិការណ៍បុណ្យទន្លេលើកទី ១០ រយៈពេល ៣ ថ្ងៃ ចាប់ពីថ្ងៃទី២៧-២៩ ខែមីនា នៅខេត្តក្រចេះ បានប្រព្រឹត្តទៅដោយរលូន និងជោគជ័យយ៉ាងត្រចះត្រចង់។ ជោគជ័យនេះ អាស្រ័យដោយការចូលរួមពីគ្រប់តួអង្គពាក់ព័ន្ធទាំងអស់ដែលជាសហថាមពលដ៏ខ្លាំងក្លា ជាពិសេសជំនឿទុកចិត្តរបស់ប្រជាពលរដ្ឋ និងភ្ញៀវទេសចរមកលើរាជរដ្ឋាភិបាលនិងអាជ្ញាធរ ដែលធ្វើឱ្យបងប្អូនមានភាពកក់ក្តៅក្នុងការចេញដើរកម្សាន្ត។

លោក វ៉ា ថន អភិបាលខេត្តក្រចេះមានប្រសាសន៍ថា ព្រឹត្តិការណ៍បុណ្យទន្លេឆ្នាំនេះ​ជាឱកាសដ៏ប្រសើរដើម្បីផ្សព្វផ្សាយ និង​បង្ហាញនូវសក្តានុពលទេសចរណ៍កម្ពុជា និងខេត្តក្រចេះទៅកាន់សាធារណជនទូទាំងប្រទេសកម្ពុជា ដ៏ដូចជាពិភពលោក ដែលធ្វើឱ្យប្រជាពលរដ្ឋកាន់តែយល់ច្បាស់អំពីតម្លៃសម្បត្តិធម្មជាតិដ៏មហាសាលនៃទន្លេមេគង្គ ដែលបានផ្តល់​នូវគុណសម្បត្តិច្រើនឥតគណនា។

នៅក្នុងពិធីបិទនេះក៏មានការប្រគល់ទទួលទង់ ខេត្តជាម្ចាស់ផ្ទះរៀបចំបន្តព្រឹត្តិការណ៍បុណ្យទន្លេ លើកទី១១ គឺខេត្តស្វាយរៀង៕

អត្ថបទ៖ ប្រុញ វិធិន

The post ៣ ថ្ងៃព្រឹត្តិការណ៍បុណ្យទន្លេខេត្តក្រចេះ ទទួលបាន​ទេសចរ​មក​កម្សាន្ត​ជិត ៣២ ម៉ឺននាក់ appeared first on Kampuchea Thmey Daily.

ជាមួយគ្នានេះ ​ពលរដ្ឋ​និង​សិស្សានុសិស្ស​រស់នៅក្នុងក្រុងក្រចេះយល់ឃើញ​ថា ការដាំដើឈើគឺមានអត្ថប្រយោជន៍ដើម្បីបង្កើតជាតំបន់អេកូទេសរចណ៍នៅក្នុងខេត្តក្រចេះ។

យុវជន យុវនារី សិស្សានុសិស្សបានបង្ហាញការយល់ដឹងអំពីសារៈប្រយោជន៍នៃការដាំដើមឈើយ៉ាងដូច្នេះថា ដោយសារផែនដីសព្វថ្ងៃមានបញ្ហាកង្វះព្រៃឈើ បង្កជាបញ្ហាកើនឡើងកម្ដៅ ការប្រែប្រួល​អាកាសធាតុ កម្តៅ​ស្ងួត​ នៅពេលដាំដើមឈើឡើងវិញនៅតាមទីសាធារណៈ តាម​ដងផ្លូវក្នុងសហគមន៍ និងនៅតាមលំនៅដ្ឋានធ្វើ​​ឲ្យ​​បរិយាកាសសំបូរដោយឧស្ម័នអុកស៊ីសែន ងាយស្រួលដកដង្ហើម ផ្ដល់ជាម្លប់ត្រជាក់ បង្កើនសោភណ្ឌ័ភាពតាមដងផ្លូវពោរពេញដោយពណ៏បៃតង។

ពាក់ព័ន្ធ​ការរៀបចំឲ្យមានព្រឹត្តិការណ៍បុណ្យទន្លេលើកទី ១០ នៅខេត្តក្រចេះ ធ្វើឲ្យពលរដ្ឋក្នុងខេត្តក្រចេះក៏ដូចជានៅបណ្តាខេត្តនានាក្នុងប្រទេសកម្ពុជាបានចូលរួម​សប្បាយរីករាយ ពីព្រោះខេត្តក្រចេះជាខេត្តមួយដ៏តូចនិងពុំសូវមានប្រជាប្រិយភាពដូចខេត្តមួយ​ចំនួនទៀតនោះទេ នៅពេលខេត្តក្រចេះមានព្រឹត្តិការណ៍បុណ្យទន្លេនេះឡើង បានស្រូបយកនឹងទាក់ទាញភ្ញៀវទេសចរណ៍​ជាតិ និងអន្តរជាតិមកទស្សនា​កម្សាន្ត​ដោយភាពសប្បាយរីករាយយ៉ាងច្រើន។

ទន្ទឹមនឹងនេះ តាម​រយៈការ​រៀបចំ​ព្រឹត្តិការណ៍​នេះ​ក៏​បាន​ចូលរួមផ្សព្វផ្សាយពីវប្បធម៌ ធនធាន ម្ហូបអាហារប្រពៃណី របាំប្រពៃណី និងកន្លែងទេសចរណ៍ប្រចាំខេត្តក្រចេះ​កាន់​ផុលផុសថែមទៀត៕

អត្ថបទ៖ ប្រុញ វិធិន

The post បុណ្យទន្លេ​ខេត្ត​ក្រចេះ មានពិធីដាំ​ដើមធ្នង់​ជា​ផ្នែក​គាំទ្រ​បរិស្ថាន និងអេកូឡូស៊ីក្នុងវិស័យទេសចរណ៍ appeared first on Kampuchea Thmey Daily.

ការឃាត់ខ្លួនក្រុមសង្ឃក្លែងក្លាយខាងលើនេះ ធ្វើឡើងនាព្រឹកថ្ងៃទី២៨ ខែមិនា ឆ្នាំ២០២៦ នៅមុខសាលាខេត្តក្រចេះ ក្នុងពិធីរាប់បាតឧទ្ទិសកុសលជូនដល់បុព្វបុរសនិងវីរកងទ័ព។

តាមការឱ្យដឹងពីលោក ស៊ូ ស៊ែ ប្រធានមន្ទីរធម្មការ និងសាសនាខេត្តក្រចេះ បានឱ្យដឹងថា ករណីនេះមិនមែនជាករណីព្រះសង្ឃបន្លំខ្លួនចូលក្នុងកម្មពិធីទេ តែជាសង្ឃក្លែងក្លាយ​តែ​ម្តង កោរសក់ស្លៀកស្បង់ចីពរ។

លោកបានបញ្ជាក់ថា សង្ឃក្លែងក្លាយទាំងអស់នេះបម្រុងចូលក្នុងពិធីរាប់បាត ប៉ុន្តែដោយមានការសង្ស័យ លោកក៏បានធ្វើការសួរនាំជាលទ្ធផលមានភាពមិនប្រក្រតី។

ក្នុងនាមន្ទីរជំនាញក៏បានសហការណ៍ជាមួយសមត្ថកិច្ចយកមកធ្វើការសួរនាំ។ ក្រោយធ្វើការសាកសួររួច ក្រុមបន្លំធ្វើជាសង្ឃបានឆ្លើយសារភាពថា ពិតជាបានក្លែងជាសង្ឃពិតមែនដើម្បីរកស៊ី។ បច្ចុប្បន្ន ក្រុមក្លែងជាសង្ឃទាំងនោះ ត្រូវបានសមត្ថកិច្ចអប់រំណែនាំ និងធ្វើកិច្ចសន្យាឱ្យបញ្ឈប់ប្រព្រឹត្តិបែបនេះតទៅទៀត៕

អត្ថបទ៖ ប្រុញ វិធិន

The post ឃាត់ខ្លួន​សង្ឃក្លែងក្លាយមួយក្រុម បន្លំខ្លួន​ចូល​ពិធី​រាប់បាតបុណ្យទន្លេក្នុងខេត្តក្រចេះ appeared first on Kampuchea Thmey Daily.

ក្នុង​រយៈ​ពេល ៣ ថ្ងៃ​នេះ​មាន​ព្រឹត្តិការណ៍ និង​កម្មវិធី​កម្សាន្ត​ជា​ច្រើន មាន​ដូច​ជា​សិក្ខាសាលា​ស្តីពី«ការ​អភិវឌ្ឍ និង​គ្រប់​គ្រង​ទេសចរណ៍» ពិធី​បណ្តែត​ប្រទីប​បួង​សួង​សុំ​សេចក្តី​សុខ និង​ដឹង​គុណទន្លេ ពិធី​រាប់​បាត្រ​ឧទ្ទិស​កុសល​ជូន​ដល់ បុព្វបុរស និង​វិរកងទ័ព ពិធីព្រលែង​ត្រី ការ​សម្តែង​សិល្បៈ និង​ព្រឹត្តិការណ៍​កីឡា​កម្សាន្ត​ជា​ច្រើន​ទៀត។

សម្រាប់​កម្មវិធី​កីឡា​កម្សាន្ត​វិញ​មាន​ទាំង ៣ ថ្ងៃ​ពេញ​គិត​ចាប់​ពី ៨ ព្រឹក រហូត​ដល់​ម៉ោង ៥ ល្ងាច។ ខាង​ក្រោម​ជា​ប្រភេទ​កីឡា​កម្សាន្ត​ផ្សេង​ៗ​ទាំង ៣ ថ្ងៃ។

ថ្ងៃទី​២៧ ខែ​មីនា ឆ្នាំ ២០២៦

• រត់កម្សាន្ត​មហាជន​ចម្ងាយ ៥ គីឡូម៉ែត្រ (ខ្លោងទ្វារ​ព្រឹត្តិការណ៍ ជិតវិមានឯករាជ្យ​ខេត្ត)
• កីឡា​ប៉ារ៉ាម៉ូទ័រ (នៅត្រើយ​ម្ខាង​ទន្លេ ទល់​មុខ​សាលា​ខេត្ត)
• កីឡា​ប្រជា​ប្រិយ (បោះអង្គុញ) (មុខសាលា​ខេត្ត​ តាម​មាត់​ទន្លេ)
• កីឡាអុកចត្រង្គ (​នៅ​មុខសាលា​ខេត្ត តាម​មាត់​ទន្លេ)
• កីឡា​វាយសីមហាជន (នៅ​មុខ​សាលា​ខេត្ត តាម​មាត់ទន្លេ)
• កីឡារែក និង​លោត​ម៉ឹក (នៅ​មុខសាលា​ខេត្ត​ តាម​មាត់​ទន្លេ)

ថ្ងៃ​ទី​២៨ ខែ​មីនា ឆ្នាំ ២០២៦

• កីឡាប៉ារ៉ាម៉ូទ័រ (នៅត្រើយ​ម្ខាង​ទន្លេ ទល់​មុខ​សាលា​ខេត្ត)
• កីឡា​ប្រជា​ប្រិយ (បោះអង្គុញ) (មុខសាលា​ខេត្ត​ តាម​មាត់​ទន្លេ)
• កីឡា​អុកចត្រង្គ (នៅ​មុខសាលា​ខេត្ត តាម​មាត់​ទន្លេ)
• កីឡា​វាយ​សីមហាជន (នៅ​មុខសាលា​ខេត្ត តាម​មាត់ទន្លេ)
• កីឡា​រែក និង​លោតម៉ឹក (នៅ​មុខ​សាលា​ខេត្ត តាម​មាត់​ទន្លេ)

ថ្ងៃ​ទី​២៩ ខែ​មីនា ឆ្នាំ ២០២៦

• កីឡា​ប្រជា​ប្រិយ (បោះអង្គុញ) (មុខសាលា​ខេត្ត​ តាម​មាត់​ទន្លេ)
• កីឡា​អុកចត្រង្គ (នៅមុខ​សាលា​ខេត្ត តាម​មាត់​ទន្លេ)
• កីឡា​វាយ​សីមហាជន (នៅ​មុខសាលា​ខេត្ត តាម​មាត់ទន្លេ)
• កីឡា​រែក និង​លោតម៉ឹក (នៅ​មុខ​សាលា​ខេត្ត តាម​មាត់​ទន្លេ)

អត្ថបទ៖ វិរបុត្រ

The post កីឡា​កម្សាន្ត ៥ ប្រភេទ ក្នុង​ព្រឹត្តិការណ៍​បុណ្យ​ទន្លេ​ទាំង ៣ ថ្ងៃ​នៅ​ក្រចេះ appeared first on Kampuchea Thmey Daily.

កម្មវិធីបានចាប់ផ្ដើមនាវេលាម៉ោង ៦:០០ នាទីព្រឹកថ្ងៃទី២៧ ខែមិនា ឆ្នាំ២០២៦ ក្រោមអធិបតីភាពលោក ហួត ហាក់ រដ្ឋមន្ត្រីក្រសួងទេសចរណ៍ និងលោក វ៉ា ថន អភិបាលខេត្តក្រចេះ។

រដ្ឋបាលខេត្តបានរៀបចំទីតាំងចាប់ផ្ដើមនិងបញ្ចប់នៅមុខសាលាខេត្តផ្ទាល់តែម្តង និងមានការរៀបចំកន្លែងផ្តល់ទឹក បន្ទប់ទឹក រថយន្តសង្គ្រោះបឋម និងកន្លែងក្រុមគ្រូពេទ្យប្រចាំការ កន្លែងផ្ដល់អាហារសម្រន់​ ចែកជូនក្រម៉ាជាវត្ថុអនុស្សាវរីយ៍ ផងដែរ។

នៅក្នុងកម្មវិធីរត់កម្សាន្តមហាជនចម្ងាយ ៥ គីឡូម៉ែត្រ នាព្រឹកនេះ បើតាម​គណៈកម្មការ​រៀបចំ​បានឲ្យ​ដឹង​ថា ពុំមានអ្នកចូលរួមណាម្នាក់មានបញ្ហាសុខភាព និងគ្រោះថ្នាក់ណាមួយដែលបង្កឡើងជាយថាហេតុនោះដែរ ពោលគឺកម្មវីធីរត់ប្រណាំងបញ្ចប់ទៅដោយជោគជ័យ។

នៅថ្ងៃទី១ ត្រូវនឹងថ្ងៃទី ២៧ ខែមិនា ឆ្នាំ២០២៦ នៃព្រឹត្តិការណ៍បុណ្យទន្លេលើកទី ១០ នេះ មានកម្មវិធីសំខាន់ៗចំនួន ៨ កម្មវិធី រួមមាន៖ ១- រត់កម្សាន្តមហាជនចម្ងាយ៥គីឡូម៉ែត្រ ២- សកម្មភាពកីឡាប៉ារ៉ាម៉ូទ័រ ៣- កីឡាប្រជាប្រិយ (បោះអង្គុញ​) និងអុកចត្រង្គ ៤- កីឡាវាយសីមហាជន ៥- កីឡារ៉ែក និងលោតម៉ឹក ៦- ពិធីក្រុងពាលី ៧- បណ្តែតប្រទីបបួងសួងសុំសេចក្តីសុខ និងដឹងគុណទន្លេ ៨- ការសម្ដែងទស្សនីយភាពសិល្បៈ។

កម្មវិធីនៅក្នុងថ្ងៃទី១ នៃព្រឹត្តិការណ៍បុណ្យទន្លេលើកទី១០ ជុំទី២ នាថ្ងៃទី២៧ ខែមិនា ឆ្នា២០២៦ បន្ទាប់ពីខេត្តក្រចេះត្រូវបានរៀបចំព្រឹត្តិការណ៍បុណ្យទន្លេលើកដំបូង មុនគេបង្អស់នាកំឡុងឆ្នាំ២០២១៥ កន្លងទៅ៕

អត្ថបទ៖ ប្រុញ វិធិន

The post ​ផ្តើម​បើកកម្មវិធី​​បុណ្យទន្លេខេត្តក្រចេះ​ព្រឹកនេះ មាន​ការ​​រត់​ចម្ងាយ ៥ គីឡូម៉ែត្រ​ពីមហាជន​ប្រមាណ ២ ពាន់នាក់ appeared first on Kampuchea Thmey Daily.

ដើម្បីឱ្យកម្មវិធីប្រព្រឹត្តទៅរក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ព្រមទាំងបញ្ចៀស​បាននូវការកកស្ទះចរាចរណ៍ក្នុងទីរួមខេត្ត អាជ្ញាធរ​ខេត្ត​បាន​ណែនាំ​ដល់​ម្ចាស់​យានយន្ត​ធុនធំ​គ្រប់ប្រភេទ​ត្រូវ​បង្វែរការធ្វើចរាចរណ៍ទៅតាមកំណាត់ផ្លូវជាតិលេខ ៦០បេ ចាប់ពីចំណុច​គល់ស្ពានឆ្លងកាត់ទន្លេមេគង្គ ត្រើយខាងកើតឆ្ពោះទៅតាមផ្លូវក្រវ៉ាត់ក្រុងថ្មីទៅរង្វង់មូលខ្លាស្ទុះ

ព្រឹត្តិការណ៍បុណ្យទន្លេលើកទី ១០ ឆ្នាំ២០២៦ នឹងប្រព្រឹត្តទៅនៅថ្ងៃទី២៧ ខែមីនា ឆ្នាំ២០២៦ ដល់ថ្ងៃទី២៩ ខែមីនា ឆ្នាំ២០២៦ នៅក្នុងទីរួមខេត្តក្រចេះ ក្រោមប្រធានបទ “ទន្លេបៃតង បេតិកភណ្ឌវប្បធម៌ និងធម្មជាតិមហាសាល”៕

អត្ថបទ៖ ប្រុញ វិធិន

The post យានយន្តធុនធំ​បញ្ចៀសធ្វើ​ចរាចរណ៍​កាត់​ក្រុង​ក្រចេះ​​​រយៈពេល ៣ ថ្ងៃ ឱកាស​រៀបចំ​ពិធី​បុណ្យទន្លេ appeared first on Kampuchea Thmey Daily.

តំបន់រមណីយដ្ឋានសំខាន់ៗទាំងនោះរួមមាន សួនសុបិន្តកោះច្រែង សហគមន៍ទេសចរណ៍​កោះទ្រង់ អន្លង់ផ្សោត ភ្នំសំបុក រមណីយដ្ឋានព្រែកកាំពី វិហារវត្តសសរ ១០០ និង​រមណីយដ្ឋានបឹងកោះសុក្រម។ នេះបើ​តាមការឱ្យដឹងពីលោក ប្រាក់ វិកុល មន្រ្តីនៃមន្ទីរទេសចរខេត្តក្រចេះ នាព្រឹកថ្ងៃទី២៤ ខែមិនា ឆ្នាំ២០២៦។

ព្រឹត្តិការណ៍បុណ្យទន្លេលើកទី១០ ក្នុង​ខេត្តក្រចេះ​នៅសល់ ៣ ថ្ងៃទៀតប៉ុណ្ណោះ ដែល​គ្រោង​ប្រារព្ធធ្វើឡើង​ពី​ថ្ងៃទី ២៧ ដល់ ២៩ ខែមិនា ខាងមុខនេះ ក្រោមប្រធានបទ”ទន្លេបៃតង បេតិកភណ្ឌ វប្បធម៌ និង ធម្មជាតិ”៕

អត្ថបទ៖ប្រុញ វិធិន

The post តំបន់ទេសចរណ៍​សំខាន់ចំនួន​ ៧ ​ជាគោល​ដៅ​ទេស​ចរ​មកកម្សាន្ត​ព្រឹត្តិកាណ៍​បុណ្យទន្លេ​ខេត្តក្រចេះ appeared first on Kampuchea Thmey Daily.

ស្របនឹងពេលវេលាកាន់តែខិតជិតមកដល់នោះ សណ្ឋាគារ ផ្ទះសំណាក់ ក្នុងទីរួមខេត្ត ទទួលបាន​សន្ទុះភ្ញៀវកក់កើនឡើងខ្លាំងរហូតដល់ ៩៥%។ ក្នុងនោះរួមមាន សណ្ឋាគារមេគង្គដលហ្វីន សណ្ឋាគារសន្តិភាព និងសណ្ឋាគារឧត្តមសម្បត្តិ៍ ជាដើមដែលជាសណ្ឋាគារដ៏ល្បីប្រចាំខេត្ត។

អាជ្ញាធរ​ខេត្ត​បាន​ឲ្យ​ដឹង​ថា ក្នុង​ខេត្តក្រចេះមានសណ្ឋាគារសរុបចំនួន ១៥ កន្លែង។ គិតត្រឹមដើមខែមិនា​មកដល់ថ្ងៃទី ២៤ នេះ អត្រាការកក់បន្ទប់សណ្ឋាគារសម្រេច​បាន​ប្រមាណ ៩៥% នៃបន្ទប់សណ្ឋាគារទូទាំងខេត្តទាំងមូល។

មន្ទីរទេសចរណ៍ខេត្តក្រចេះ​បាន​បង្ហាញពី​បញ្ជីសណ្ឋាគារ សម្រាប់ផ្ដល់សេវាស្នាក់នៅដល់ភ្ញៀវទេសចរជាតិ និងអន្តរជាតិ នាកំឡុងព្រឹត្តិការណ៍បុណ្យទន្លេលើកទី១០ ឆាប់ៗខាងមុខនេះរួមមាន៖

១. សណ្ឋាគារ លីជឺ មានបន្ទប់ស្នាក់នៅ ភោជនីយដ្ឋាន និងសាលប្រជុំ ស្ថិតនៅសង្កាត់អូរឬស្សី ក្រុងក្រចេះ។
២. សណ្ឋាគារ ហ៊រ ប៊ុន្នី មានបន្ទប់ស្នាក់នៅ ភោជនីយដ្ឋាន និងសាលប្រជុំ ស្ថិតនៅសង្កាត់អូរឬស្សី ក្រុងក្រចេះ។
៣. សណ្ឋាគារ មេគង្គដលហ្វីន មានបន្ទប់ស្នាក់នៅ ភោជនីយដ្ឋាន និងសាលប្រជុំ ស្ថិតនៅសង្កាត់ក្រចេះ ក្រុងក្រចេះ ជាប់មាត់ទន្លេ។
៤. សណ្ឋាគារ ឧត្តមសម្បត្តិ៍ មានបន្ទប់ស្នាក់នៅ និងភោជនីយដ្ឋាន ស្ថិតនៅសង្កាត់ក្រចេះ ក្រុងក្រចេះ ជាប់មាត់ទន្លេ។
៥. សណ្ឋាគារ ឡាក់ឡាយវើល៍ មានបន្ទប់ស្នាក់នៅ និងសាលប្រជុំ ស្ថិតនៅសង្កាត់ក្រចេះ ក្រុងក្រចេះ។
៦. សណ្ឋាគារ ឆ្នេរទន្លេ មានបន្ទប់ស្នាក់នៅ និងភោជនីយដ្ឋាន ស្ថិតនៅសង្កាត់ក្រចេះ ក្រុងក្រចេះ ជាប់មាត់ទន្លេ។
៧. សណ្ឋាគារ មហាឧត្តម មានបន្ទប់ស្នាក់នៅ និងភោជនីយដ្ឋាន ស្ថិតនៅសង្កាត់ក្រចេះ ក្រុងក្រចេះ ជាប់មាត់ទន្លេ។
៨. សណ្ឋាគារ រីវើល៍ដូហ្វីន មានបន្ទប់ស្នាក់នៅ និងភោជនីយដ្ឋាន ស្ថិតនៅសង្កាត់អូរឬស្សី ក្រុងក្រចេះ។ ៩. សណ្ឋាគារ មុំប្រជាប្រិយ មានបន្ទប់ស្នាក់នៅ និងភោជនីយដ្ឋាន ស្ថិតនៅសង្កាត់ក្រចេះ ក្រុងក្រចេះ ជាប់បេនឡានខេត្ត។
១០. សណ្ឋាគារ ផ្សោតមាស មានបន្ទប់ស្នាក់នៅ និងម៉ាស្សា ស្ថិតនៅសង្កាត់អូរឬស្សី ក្រុងក្រចេះ។
១១. សណ្ឋាគារ សន្តិភាព មានបន្ទប់ស្នាក់នៅ ស្ថិតនៅសង្កាត់ក្រចេះ ក្រុងក្រចេះ ជាប់មាត់ទន្លេ និងកំពង់ផែ។
១២. សណ្ឋាគារ ជ័យសម្បត្តិ៍ មានបន្ទប់ស្នាក់នៅ ស្ថិតនៅសង្កាត់អូរឬស្សី ក្រុងក្រចេះ៕

អត្ថបទ៖ ប្រុញ វិធិន

The post សណ្ឋាគារ ផ្ទះសំណាក់ធំ​ៗក្នុងខេត្តក្រចេះ ភ្ញៀវ​កក់​កើនឡើងជាង ៩០% ក្នុងព្រឹត្តិការណ៍បុណ្យទន្លេឆ្នាំនេះ appeared first on Kampuchea Thmey Daily.