​ពិធីនេះ ក៏មានការយាង និងអញ្ជើញចូលរួមពីថ្នាក់ដឹកនាំស្ថាប័នកំពូលៗរបស់កម្ពុជា មានសមាជិក​ព្រឹទ្ធសភា រដ្ឋសភា រាជរដ្ឋាភិបាល ភ្ញៀវជាតិ អន្តរជាតិ មន្ត្រីទូតនានា មន្រ្តីរាជការ កងកម្លាំងប្រដាប់​អាវុធ យុវជន យុវតី សិស្សានុសិស្ស និងមហាជនយ៉ាងច្រើនកុះករ។​

​ទិវាបុណ្យឯករាជ្យជាតិ ៩ វិច្ឆិកា បានរំលឹកឱ្យឃើញពីព្រះរាជបេសកកម្មដើម្បីជាតិមាតុភូមិ និង​ប្រជារាស្ត្រខ្មែរ របស់ ព្រះករុណា ព្រះបាទ សម្តេច នរោត្តម សីហនុ ព្រះបិតាឯករាជ្យជាតិ ព្រះ​បរមរតនកោដ្ឋ ដែលព្រះអង្គបានលះបង់ព្រះកាយ​ពល និងព្រះបញ្ញាញាណយ៉ាងក្លៀវក្លាបំផុត ធ្វើ​ការ​តស៊ូ ក្នុងក្របខ័ណ្ឌនៃព្រះរាជបូជនីយកិច្ច ដើម្បីទាមទារឯករាជ្យដ៏ពិតប្រាកដសម្រាប់កម្ពុជា៕

The post ​ថ្នាក់​ដឹក​នាំ​ក្រសួង​ការ​ងារ​ ចូលរួម​អបអរ​ខួប ៧២ ឆ្នាំ ​កម្ពុជា ​ទទួល​បាន​ឯករាជ្យ​ពី​បារាំង​ appeared first on Kampuchea Thmey Daily.

លោក​ ខ្លូត​ ផន​ ប្រធានក្រុម​ប្រឹក្សា​ខេត្ត​កំពង់ចាម​ និង​ លោក​ អ៊ុន​ ចាន់ដា​ អភិបាល នៃគណៈអភិបាលខេត្តកំពង់ចាម​ នៅថ្ងៃទី ០៩ ខែវិច្ឆិកា បានប្រារព្ធខួបអនុស្សាវរីយ៍លើកទី ៧២ នៃទិវាបុណ្យឯករាជ្យជាតិ។

ពិធីបុណ្យឯករាជ្យជាតិ​ខួបលើកទី ៧២​ ដែលប្រារព្ធធ្វើឡើង​ជារៀងរាល់ឆ្នាំ ជាថ្ងៃមួយដែលប្រជាពលរដ្ឋខ្មែរទូទៅចង់ចាំមិនភ្លេចទេនូវ​ ព្រះរាជបូជនីយកិច្ច និងស្នាព្រះហស្តរបស់ព្រះករុណាមហាវីរក្សត្រព្រះបាទ សម្ដេច នរោត្ដម សីហនុ ព្រះវរាជបីតា ឯករាជ្យ បូរណភាពដែនដី និងឯកភាពជាតិខ្មែរ ព្រះបរមរតនកោដ្ឋ​ ទាមទារ​ឯករាជ្យ​ពីអាណានិគមបារាំងក្នុងឆ្នាំ១៩៥៣​។

លោក​ អ៊ុន​ ចាន់ដា​ អភិបាលខេត្តកំពង់ចាម​ មានប្រសាសន៍ថា​ យេីងរួមគ្នាថែរក្សាសុខសន្តិភាព​ និងចង់ចាំនូវគុណតម្លៃនៃថ្ងៃទី ០៩ វិច្ឆិកា​ ដែលព្រះបាទ នរោត្ដម សីហនុ ទ្រង់ខិតខំលះបង់អាយុជីវិត​ និងកម្លាំង​កាយចិត្ត ដើម្បីទាមទារឯករាជ្យជូនកម្ពុជាវិញ​ និងបានដឹកនាំកម្ពុជាឆ្ពោះទៅរកការរីចម្រើនបន្តទៀត។

ប្រទេសមួយមានរីកចម្រើន​ មានសិទ្ធិសេរីភាព​ ដើរហើរដូច្នេះ​ គឺមានមោនទភាពណាស់ចំពោះពលរដ្ឋកម្ពុជាទូទាំងដែលមានសិទ្ធិសព្វបែបយ៉ាង​ ក្នុងវិស័យពុទ្ធិចក្រ​ និងអាណាចក្រ​ ហើយរួមគ្នាថែរក្សានូវអ្វីដែលមានស្រាប់កុំឱ្យបាត់បង់​ ជាពិសេសរក្សានូវសមិទ្ធផលជាច្រើនដែលមាន​ និងកំពុងបន្តបង្កើតថ្មីៗបន្ថែមទៀត​ ក្រោមដំបូងសុខសន្តិភាព​។

ក្នុងនាមជាពលរដ្ឋកម្ពុជា​ ត្រូវព្យាយាម​ និងពង្រឹងសមត្ថភាពខ្លួនឯង​ ដោយមិនត្រូវពឹងលើកម្លាំងចំណេះដឹងរបស់ប្រទេសណាមួយឡើយ៕

អត្ថបទ​៖​ ឡេក​ ចាន់ពេជ្រ

The post រដ្ឋបាល​សាលាខេត្តកំពង់ចាម​ ប្រារព្ធខួបអនុស្សាវរីយ៍លើកទី ៧២ នៃទិវាបុណ្យឯករាជ្យជាតិ appeared first on Kampuchea Thmey Daily.

​ព្រះករុណា ព្រះបាទ នរោត្ដម សីហមុនី ទ្រង់យាងអុជទៀនជ័យនៅវិមានឯករាជ្យ ក្នុង​រាជធានីភ្នំពេញ ជាមួយនឹងការដង្ហែអមដោយថ្នាក់ដឹកនាំជាន់ខ្ពស់នៃស្ថាប័នជាតិជាអាទិ៍ ព្រឹទ្ធសភា រដ្ឋសភា រាជរដ្ឋាភិបាល ឧត្តមប្រឹក្សាផ្ទាល់ព្រះ​មហាក្សត្រ មន្ត្រីរាជការគ្រប់ជាន់ថ្នាក់ ប្រជាពលរដ្ឋ ព្រម​ទាំងសិស្សានុសិស្សជាច្រើន។​

​ទិវាបុណ្យឯករាជ្យជាតិ៩ វិច្ឆិកា ​គឺជាខួប​អនុស្សាវរីយ៍លើកទី ៧២ ​ឆ្នាំ ​(១៩៥៣-២០២៥) ​ដែល​ប្រជា​ជាតិកម្ពុជា​ទាំងមូល​បាន​រំដោះខ្លួនចេញពីនឹមអាណានិគមបារាំង​ក្រោម​ព្រះរាជបូជនីយកិច្ច​របស់​ព្រះបាទ នរោត្តម សីហនុ៕

The post ​កម្ពុជា​ប្រារព្ធខួបលើកទី​ ៧២ ​នៃ​ទិវាបុណ្យ​ឯករាជ្យជាតិ ​៩ វិច្ឆិកា​ ក្រោមរាជាធិបតីភាពព្រះមហាក្សត្រ និងថ្នាក់ដឹកនាំជាន់ខ្ពស់ជាច្រើនរូប appeared first on Kampuchea Thmey Daily.

តាមការគ្រោងទុក នៅថ្ងៃទី៩ ខែវិច្ឆិកា ព្រះករុណា ព្រះបាទ សម្ដេចព្រះបរមនាថ នរោត្ដម សីហមុនី ទ្រង់នឹងយាងអុជទៀនជ័យនៅវិមានឯករាជ្យ ក្នុងរាជធានីភ្នំពេញ ជាមួយនឹងការដង្ហែអមដោយថ្នាក់ដឹកនាំជាន់ខ្ពស់នៃស្ថាប័នជាតិជាអាទិ៍ ព្រឹទ្ធសភា រដ្ឋសភា រាជរដ្ឋាភិបាល ឧត្តមប្រឹក្សាផ្ទាល់ព្រះមហាក្សត្រ មន្ត្រីរាជការគ្រប់ជាន់ថ្នាក់ ប្រជាពលរដ្ឋ ព្រមទាំងសិស្សានុសិស្ស ខណៈថ្ងៃទី១១ ខែវិច្ឆិកា នឹងរៀបចំពិធីពន្លត់ទៀនជ័យវិញនៅវិមានឯករាជ្យ។

ទិវាបុណ្យឯករាជ្យជាតិ ៩ វិច្ឆិកា ដែលប្រារព្ធឡើងដើម្បីរម្លឹកដល់ថ្ងៃដែលប្រទេសកម្ពុជាទទួលបានឯករាជ្យពេញលេញពីអាណានិគមនិយមបារាំង ​(៩ វិច្ឆិកា ១៩៥៣) ហើយស្របជាមួយនឹងខួបនៃការបង្កើតកងយោធពលខេមរភូមិន្ទផងដែរ។

ទិវាបុណ្យឯករាជ្យជាតិ ៩ វិច្ឆិកា បានរំលឹកឱ្យឃើញពីព្រះរាជបេសកកម្មដើម្បីជាតិមាតុភូមិ និងប្រជារាស្ត្រខ្មែរ របស់ព្រះករុណា ព្រះបាទ សម្តេចព្រះ នរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុតតស៊ូ ក្នុងក្របខ័ណ្ឌនៃព្រះរាជបូជនីកិច្ច ដើម្បីទាមទារឯករាជ្យដ៏ពិតប្រាកដនៅកម្ពុជា។

ការណ៍នេះ ដែលកម្ពុជាតែងតែប្រារព្ធពិធីបុណ្យឯករាជ្យនេះ គឺក្រោមគោលបំណងដើម្បីរំលឹកដល់ថ្ងៃជាប្រវត្តិសាស្ត្រនៃការដណ្តើមបានមកវិញនូវសិទ្ធិសេរីភាព និងភាពជាម្ចាស់ទឹកដីនៃប្រទេសកម្ពុជា ក្រោយប្រទេសបារាំងដាក់អាណានិគមលើប្រទេសកម្ពុជា រយៈពេល​ ៩០ឆ្នាំ (១១ សីហា ១៨៦៣ – ៩ វិច្ឆិកា ១៩៥៣)៕

The post ខួប៧១ឆ្នាំនៃបុណ្យឯករាជ្យជាតិ ៩ វិច្ឆិកា​​ កម្ពុជា​ នឹងប្រារព្ធឡើងយ៉ាងអធិកអធមក្រោមរាជាធិបតីភាពព្រះមហាក្សត្រកម្ពុជា appeared first on Kampuchea Thmey Daily.

រាប់ចាប់ពីថ្ងៃទី៩ ខែវិច្ឆិកា ឆ្នាំ១៩៥៣ ដល់ថ្ងៃទី៩ ខែវិច្ឆិកា ឆ្នាំ២០២៤នេះ គឺជាខួបលើកទី៧១ឆ្នាំហើយ នៃការកំណើតកងយោធពលខេមរភូមិន្ទ និងទិវាបុណ្យឯករាជ្យជាតិ​​ ដែលកម្ពុជា ទាមទារជាផ្លូវការពីអាណានិគមនិយមបារាំង ដែលមានរយៈពេលជាង៩០ឆ្នាំ។ ក្នុងឱកាសរម្លឹកខួបនេះ នាយឧត្តមសេនីយ៍ វង្ស ពិសេន អគ្គមេបញ្ជាការនៃកងយោធពលខេមរភូមិន្ទ បានលើកសរសើរចំពោះនាយទាហាន នាយទាហានរង និងពលទាហានទាំងអស់នៃកងយោធពលខេមរភូមិន្ទ ដែលក្នុងឆ្នាំកន្លងទៅបានខិតខំពុះពារជម្នះរាល់ការលំបាក ធ្វើពលិកម្មគ្រប់បែបយ៉ាង ដើម្បីថែរក្សាសុខសន្តិភាព ស្ថេរភាពសង្គម ការពារបូរណភាពទឹកដី និងអធិបតេយ្យជាតិ។

ទន្ទឹមនឹងនេះ បានចូលរួមអនុវត្តយ៉ាងសកម្មនូវគោលនយោបាយរបស់រាជរដ្ឋាភិបាល ក្រសួងការពារជាតិ អគ្គបញ្ជាការ សំដៅកសាងកងយោធពលខេមរភូមិន្ទឱ្យបានរឹងមាំរៀបរយ មានសមត្ថភាពគ្រប់គ្រាន់ក្នុងការបំពេញតួនាទីភារកិច្ចក្នុងកិច្ចការពារជាតិ។

តាមរយៈសារផ្ញើជូននាយទាហាន នាយទាហានរង និងពលទាហានកងយោធពលខេមរភូមិន្ទ នាយឧត្តមសេនីយ៍ វង្ស ពិសេន បានគូសរំលេចថា កន្លងទៅនេះ កងយោធពលខេមរភូមិន្ទ បានរួមចំណែកយ៉ាងសកម្មការបង្ក្រាបសកម្មភាពខុសច្បាប់នានា ជាពិសេសការចូលរួមសហការទប់ស្កាត់រាល់ការប៉ុនប៉ងធ្វើបដិវត្តន៍ពណ៌ក្នុងគោលបំណងផ្តួលរំលំរាជរដ្ឋាភិបាលស្របច្បាប់ ទប់ស្កាត់ការញុះញង់បំផុសបំផុលបង្កចលាចលតាមគ្រប់រូបភាព ព្រមទាំងបង្ក្រាបអំពើឃាតកម្ម ចោរកម្ម ឆក់ ប្លន់ ការប្រើប្រាស់ ជួញដូរគ្រឿងញៀន ការជួញដូរ មនុស្ស ការជួញដូរអាវុធ បទល្មើសធនធានធម្មជាតិនានា និងអំពើគេចពន្ធ ជាដើម។

ក្នុងអាណត្តិរាជរដ្ឋាភិបាល នីតិកាលទី៧នេះ កងយោធពលខេមរភូមិន្ទ ក៏បានអនុវត្តយ៉ាងម៉ឺងម៉ាត់នូវបទបញ្ជារបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្នុងការការពារព្រៃឈើ និងបង្ក្រាបក្រុមអនាធិបតេយ្យដែលទន្ទ្រានដីព្រៃកាន់កាប់ខុសច្បាប់ ដោយដកហូតដី បានរាប់ម៉ឺនហិកតាប្រគល់ជូនរាជរដ្ឋាភិបាល ព្រមទាំងបានពង្រាយកម្លាំងនៅតាមព្រំដែនកម្ពុជា-ឡាវ ដើម្បីទប់ស្កាត់ ការជួញដូរគ្រឿងញៀន និងបទល្មើសនានា។ នេះជាការលើកឡើងរបស់នាយឧត្តមសេនីយ៍ អគ្គមេបញ្ជាការ ដដែល។

លោកអគ្គមេបញ្ជាការ បន្តថា​ កងយោធពលខេមរភូមិន្ទ ចូលរួមការពារសន្តិសុខ សុវត្ថិភាពថ្វាយព្រះមហាក្សត្រ ជូនថ្នាក់ដឹកនាំជាតិ អន្តរជាតិ ព្រមទាំងសហការការពារសន្តិសុខក្នុងដំណើរការបោះឆ្នោត ទាំងសកល និងអសកលនៅកម្ពុជាឱ្យដំណើរការបានដោយជោគជ័យ ព្រមទាំងបានរួមចំណែកកសាងហេដ្ឋារចនាសម្ព័ន្ធ ប្រព័ន្ធធារាសាស្ត្រ ការពារព្រៃឈើ បរិស្ថាន សត្វព្រៃ ដោះបំផ្លាញគ្រាប់មីន និងយុទ្ធភណ្ឌមិនទាន់ផ្ទុះ ជួយសង្គ្រោះប្រជាជនពីគ្រោះធម្មជាតិ និងគ្រោះមហន្តរាយនានា។

មិនត្រឹមតែកិច្ចការពារជាតិខ្លួនឯង កងយោធពលខេមរភូមិន្ទ ថែមទាំងបានចូលរួមអនុវត្តភារកិច្ចជាអន្តរជាតិលើវិស័យមនុស្សធម៌ និងការរក្សាសន្តិភាពក្នុងក្របខ័ណ្ឌរបស់អង្គការសហប្រជាជាតិ ដែលជាមោទនភាពរបស់កងយោធពលខេមរភូមិន្ទ ក៏ដូចជាប្រទេសជាតិ ធ្វើឱ្យកិត្យានុភាពជាតិ កាន់តែល្បីរន្ទឺលើឆាកអន្តរជាតិ។

តាមរយៈសមិទ្ធផលដ៏ធំធេងដែលសម្រេចបានកន្លងមក នាយឧត្តមសេនីយ៍ វង្ស​ ពិសេន អះអាងថា គឺអាស្រ័យដោយការខិតខំប្រឹងប្រែងពុំខ្លាចនឿយហត់ និងការធ្វើពលិកម្មដ៏ថ្លៃថ្លារបស់នាយទាហាន នាយទាហានរង និងពលទាហានទាំងអស់នៃកងយោធពលខេមរភូមិន្ទ ក្រោមការដឹកនាំដ៏ត្រឹមត្រូវរបស់សម្តេចនាយករដ្ឋមន្ត្រីកម្ពុជា និងមានការណែនាំចង្អុល បង្ហាញពីថ្នាក់ដឹកនាំក្រសួងការពារជាតិ ថ្នាក់ដឹកនាំអគ្គបញ្ជាការ ព្រមទាំងស្មារតីទទួលខុសត្រូវខ្ពស់ពីមេបញ្ជាការ គ្រប់លំដាប់ថ្នាក់ ក្នុងការចាត់តាំងអនុវត្តការងារជាក់ស្តែងនៅតាមបណ្តាកងឯកភាព៕​​

The post ឱកាសបុណ្យឯករាជ្យជាតិ អគ្គមេបញ្ជាការទ័ព រម្លឹកពីពលិកម្មដ៏មានតម្លៃរបស់កងទ័ពក្នុងបុព្វហេតុរក្សាសុខសន្តិភាព appeared first on Kampuchea Thmey Daily.

ពិធីនេះ អាជ្ញាធរនឹងធ្វើការបញ្ចៀសចរាចរជាបណ្តោះអាសន្នជុំវិញទីតាំងប្រារព្វពិធីនេះ ចាប់ពីម៉ោង ០៥:០០នាទីព្រឹក រហូតដល់បញ្ចប់ពិធី។

តាមសេចក្តីជូនដំណឹង ស្តីពីការបញ្ចៀសចរាចរក្នុងអំឡុងពេលប្រារព្ធខួបអនុស្សាវរីយ៍លើកទី៧១ នៃទិវាបុណ្យឯករាជ្យជាតិ ៩វិច្ឆិកា និងទិវាកំណើត នៃកងយោធពលខេមរភូមិន្ទ បាន​ឱ្យ​ដឹង​ថារដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់ ឱ្យបានជ្រាបថា គណៈកម្មាធិការជាតិរៀបចំបុណ្យជាតិ-អន្តរជាតិ នឹងរៀបចំប្រារព្ធខួបអនុស្សាវរីយ៍លើកទី៧១ នៃទិវាបុណ្យ ឯករាជ្យជាតិ ៩វិច្ឆិកា និងទិវាកំណើត នៃកងយោធពលខេមរភូមិន្ទ ដែលនឹងប្រព្រឹត្តទៅនៅថ្ងៃទី០៩ និងថ្ងៃទី១១ ខែវិច្ឆិកា ឆ្នាំ២០២៤ នៅវិមានឯករាជ្យ ស្ថិតក្នុងភូមិសាស្ត្រខណ្ឌដូនពេញ និងខណ្ឌចំការមន រាជធានីភ្នំពេញ។

ដើម្បី​ឱ្យការប្រារព្ធពិធីខាងលើប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ អាជ្ញាធរ​មាន​សមត្ថកិច្ច​នឹង​ធ្វើ​ការ​បញ្ចៀសចរាចរជាបណ្តោះអាសន្ន ចំពោះ យានយន្ត​គ្រប់​ប្រភេទ នៅតាមកំណាត់មហាវិថីព្រះសុរាម្រឹត កំណាត់មហាវិថីព្រះសីហនុ (ពីស្តុបវត្តលង្កា រហូត ដល់ស្តុបនាគបាញ់ទឹក) និង​កំណាត់​មហាវិថីព្រះនរោត្តម (ពីផ្លូវលេខ២៤០ រហូតដល់រង្វង់មូលវិមានឯករាជ្យ និង​ពី​រង្វង់​មូលវិមាន​ឯករាជ្យ រហូតដល់ផ្លូវលេខ២៩៤) ចាប់ពីម៉ោង ០៥:០០នាទីព្រឹក រហូតដល់បញ្ចប់ពិធី ប្រារព្ធទិវាបុណ្យឯករាជ្យជាតិ។

អាស្រ័យហេតុនេះ សូមបងប្អូនប្រជាពលរដ្ឋទាំងអស់មេត្តាជ្រាប យោគយល់ អធ្យាស្រ័យ និង​បញ្ចៀស ការ​ធ្វើដំណើរឆ្លងកាត់​កំណាត់ផ្លូវ​ខាងលើ​តាម​កាល​បរិច្ឆេទ​ដូច​បាន​ជម្រាប​ជូន​ដោយ​អនុគ្រោះ។ ផុត​រយៈពេល ហាម​ឃាត់​បណ្តោះអាសន្ននេះ រដ្ឋបាល​រាជធានីភ្នំពេញ នឹង​បើក​ឱ្យធ្វើចរាចរជាធម្មតាវិញ៕

ដោយ ៖ ស្រីរ័ត្ន

The post បុណ្យឯករាជ្យជាតិ ៩វិច្ឆិកា និង​ទិវា​កំណើត​កងយោធពលខេមរភូមិន្ទ នឹងប្រព្រឹត្តទៅនៅថ្ងៃ០៩ និងថ្ងៃ១១វិច្ឆិកានៅវិមានឯករាជ្យ អាជ្ញាធរ​សម្រេច​បិទ​ផ្លូវ​មួយចំនួន appeared first on Kampuchea Thmey Daily.

​សម្ដេច ហ៊ុន ម៉ាណែត លើកឡើងក្នុងពិធីខួបអនុស្សាវរីយ៍លើកទី៧០ នៃទិវាបុណ្យឯករាជ្យជាតិ នៅថ្ងៃទី ៩ វិច្ឆិកា ឆ្នាំ ២០២៣។

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា​មានប្រសាសន៍ថា៖​ «ទួលព្រះបង្គំខ្ញុំជាកូន ចៅ ចៅទូតទូទាំងប្រទេស ចងចាំជានិច្ចនូវព្រះគុណូបការ និងគំរូវិរៈភាពដ៍អង់អាចក្លាហានរបស់ព្រះករុណាព្រះបាទសម្ដេចព្រះ នរោត្តម សីហនុ ព្រះមរមរតនកោដ្ឋ ​ដែលព្រះអង្គបានបូជាព្រះកាយពលនិងព្រះបញ្ញាញាណដ៏ឈ្លាសវៃ តស៊ូផ្ដូផ្ដាច់ដណ្ដើមឯករាជ្យជូនជាតិទាំងមូល និងបានធ្វើឱ្យពិភពលោកស្គាល់កម្ពុជាឡើងវិញនៅក្នុងឋានជាប្រជាជាតិឯករាជ្យដែលឈរស្មើមុខ ស្មើសិទ្ធិជាមួយជាតិសាសន៍ដ៍ទៃ»។

​សម្ដេចធិបតី ហ៊ុន ម៉ាណែត បន្តថា ព្រះអង្គក៏ជាតួអង្គដ៍សំខាន់ក្នុងការជំរុញសាមគ្គីភាពអន្តរជាតិរវាងប្រទេសទើបទទួលបានឯករាជ្យថ្មីៗ ក្នុងនាមជាបិតាស្ថាបនិកមួយរូប និងចលនាមិនចូលបក្សសម្ព័ន្ធដើម្បីលើកស្ទួយសិទ្ធស្វ័យសម្រេចរបស់ប្រជាជាតិលើពិភពលោកក្នុងការកំណត់នូវជោគវាសនា អនាគត មាគារដឹកនាំរបស់ប្រជាជាតិនីមួយៗ។

សម្ដេច ហ៊ុន ម៉ាណែត មានប្រសាសន៍ថា ឯករាជ្យ និងសន្តិភាពពុំមែនកើតឡើងដោយឯកឯងនោះទេ ទាំងការទទួលបានឯករាជ្យ និងសន្តិភាពសុទ្ធតែកើតចេញពីការផ្ចុងផ្ដើមដោយខ្មែរគ្នាឯង។ «ក្នុងនាមជាកុលបុត្រខ្មែរ អ្នកដឹកនាំជំនាន់ក្រោយ និងប្រជាជនខ្មែរទាំងមូល ទូលព្រះបង្គំយើងខ្ញុំទាំងអស់គ្នា ប្ដេជ្ញាយកអស់កម្លាំងកាយចិត្តដង្ហែរតាមស្នាមព្រះហស្ដប្រវត្តិសាស្ត្រ និងគំរូវិរៈភាពរបស់ព្រះមហាវិរៈក្សត្រ និងរួមគ្នាជាធ្លុងមួយក្រោមព្រះរាជកិច្ចដឹកនាំរបស់ព្រះករុណា ព្រះបាទ នរោត្តម សីហមុនី ព្រះមហាក្សត្រកម្ពុជា» សម្ដេចធិបតីបន្ថែម។

ថ្ងៃ៩ ខែវិច្ឆិកា ឆ្នាំ២០២៣នេះ ជាខួបអនុស្សាវរីយ៍លើកទី៧០ នៃទិវាបុណ្យឯករាជ្យជាតិ(៩ វិច្ឆិកា ១៩៥៣ – ៩ វិច្ឆិកា ២០២៣) ដែលកម្ពុជាទទួលបានឯករាជ្យ ពីអាណានិគមនិយមបារាំង ស្របជាមួយនឹងខួប៧០ឆ្នាំ នៃការបង្កើតកងយោធពលខេមរភូមិន្ទ។

ទិវាបុណ្យឯករាជ្យជាតិ ៩ វិច្ឆិកា បានប្រារព្ធធ្វើឡើង ជារៀងរាល់ឆ្នាំ ដើម្បីរំលឹកពីព្រះរាជបេសកកម្ម ដើម្បីជាតិមាតុភូមិ និងប្រជារាស្ត្រខ្មែររបស់ព្រះករុណា ព្រះបាទសម្តេចព្រះនរោត្តម សីហនុ ព្រះបិតាឯករាជ្យជាតិ ព្រះបរមរតនកោដ្ឋ ដែលព្រះអង្គបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុត ធ្វើការតស៊ូក្នុងក្របខ័ណ្ឌនៃព្រះរាជបូជនីយកិច្ច ដើម្បីទាមទារឯករាជ្យដ៏ពិតប្រាកដជូនជាតិមាតុភូមិ។

The post នាយករដ្ឋមន្ត្រីលើកឡើងថា ឯករាជ្យ និងសន្តិភាពទទួលបានពីការផ្ដួចផ្ដើមដោយខ្មែរខ្លួនឯង appeared first on Kampuchea Thmey Daily.

លោកយឿន យឿត ទីប្រឹក្សារាជរដ្ឋាភិបាល និងជាទីប្រឹក្សារបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានលើកឡើងថា ៩វិច្ឆិកានេះ ជាថ្ងៃបុណ្យឯករាជ្យរបស់ប្រជាជនខ្មែរគ្រប់រូប ហើយក្នុងនាមកូនខ្មែរមួយរូបលោកចងចាំជានិច្ចព្រះរាជបូជនីយកិច្ចដ៏ឧត្តុងឧត្តមនៃព្រះករុណា ព្រះបិតាឯករាជ្យជាតិ ព្រះបរមរតនកោដ្ឋ ជាទីគោរពសក្ការៈដ៏ខ្ពង់ខ្ពស់បំផុត រួមដង្ហែដោយយុទ្ធជន យុទ្ធនារី ខ្មែរអ្នកស្នេហាជាតិ និងប្រជារាស្រ្តទូទាំងព្រះរាជាណាចក្រកម្ពុជា ដើម្បីបុព្វហេតុឯករាជ្យជាតិ។

ជាមួយគ្នានេះ លោក យឿន វឿត ក៏បានអំពាវនាវឱ្យពលរដ្ឋកម្ពុជា ចូលរួមអបអរសាទរនៃបុណ្យឯករាជ្យជាតិខ្មែរ៩វិច្ឆិកានេះ  ដោយទិវាបុណ្យឯករាជ្យជាតិ៩វិច្ឆិកានេះ បានរំឮកឱ្យឃើញពីព្រះរាជបេសកកម្ម ដើម្បីជាតិមាតុភូមិ និងប្រជារាស្ត្រខ្មែររបស់សម្តេច ព្រះនរោត្តម សីហនុ ព្រះបរមរតនកោដ្ឋ ដែលបានលះបង់ព្រះកាយពល និងព្រះបញ្ញាញាណយ៉ាងក្លៀវក្លាបំផុតធ្វើការតស៊ូក្នុងក្របខណ្ឌនៃព្រះរាជបូជនីកិច្ច ដើម្បីទាមទារឯករាជ្យដ៏ពិតប្រាកដនៅកម្ពុជា ចេញពីនឹមអណានិគមបារាំងនោះ។

លោកបានបន្តថា ជារៀងរាល់ឆ្នាំពិធីអបអរសាទររំលឹកខួបនៃការដណ្តើមបានឯករាជ្យ ត្រូវបានប្រារព្ធឡើងយ៉ាងកងរំពងក្រោមរាជាធិបតីភាពព្រះមហាក្សត្រខ្មែរព្រះករុណាព្រះបាទ សម្តេចព្រះបរមនាថ នរោត្តម សីហមុនី ។ពិធីនេះក៏មានការអញ្ជើញចូលរួមអបអរសាទរពីថ្នាក់ដឹកនាំជាន់ខ្ពស់នៃរាជរដ្ឋាភិបាល មន្ត្រីរាជការ សិស្សានុសិស្ស យុវជន និងប្រជាពលរដ្ឋជាច្រើនរូបទៀតផងដែរ។

ការប្រារព្ធពិធីបុណ្យឯករាជ្យជាតិ ៩ វិច្ឆិកា ក្រៅតែពីក្នុងរាជធានីភ្នំពេញ នៅតាមបណ្តាខេត្តនានាក៏មានការរៀបចំពិធីអបអរសាទរដល់ថ្ងៃជាប្រវត្តិសាស្ត្រ នៃការដណ្តើមបានមកវិញនូវសិទ្ធិសេរីភាព និងភាពជាម្ចាស់ទឹកដីរបស់ប្រជាជាតិកម្ពុជានេះផងដែរ ។

ប្រទេសកម្ពុជាតែងតែប្រារព្ធទិវាបុណ្យឯករាជ្យជាតិនេះ ដែលមានពិធីប្រទានភ្លើងទៀនជ័យ រំឭកគុណអ្នកស្នេហាជាតិ ដែលបានពលីជីវិត ដើម្បីឯករាជ្យពីពួកអាណានិគមបារាំង ហើយពិធីបុណ្យត្រូវបានធ្វើឡើងជារៀងរាល់ឆ្នាំ នៅថ្ងៃទី៩ ខែវិច្ឆិកា និងបញ្ចប់នៅថ្ងៃទី១១ វិច្ឆិកា ជាកំណត់។ ថ្ងៃ៩ វិច្ឆិកានេះ រាជរដ្ឋាភិបាលកម្ពុជា បានអនុញ្ញាតឲ្យ សិស្សានុសិស្ស និស្សិត កម្មករ និយោជិត និងមន្ត្រីរាជការ បានឈប់សម្រាកផងដែរ ដើម្បីចូលរួមអបអរសាទរ៕

The post លោក យឿន យឿត៖ ៩វិច្ឆិកាជាថ្ងៃប្រវត្តិសាស្រ្តដ៏សំខាន់របស់កម្ពុជា និងចងចាំជានិច្ចនូវព្រះរាជបូជនីយកិច្ចព្រះបរមរតនកោដ្ឋ appeared first on Kampuchea Thmey Daily.