ការស្លាប់របស់ Efecan Kultur ត្រូវបានទាយទុកដោយ Instagrammer ដ៏ល្បីល្បាញ Yasin Oyanik ។បន្ទាប់ពីឡើងទម្ងន់ច្រើន និងមានអ្នក Follow រាប់ពាន់នាក់នៅលើ TikTok រូបគេ ត្រូវបង្ខំចិត្តបញ្ឈប់ការផ្សាយដោយសារបញ្ហាសុខភាពដូចជា ស្នាមជាំ និងពិបាកដកដង្ហើម ដែលធ្វើឲ្យគាត់មិនអាចឈរ និងបង្ខំគាត់ឲ្យដេកលើគ្រែ។

នៅក្នុងការបង្ហោះចុងក្រោយរបស់នាង មុនពេលការប្រកាសពីការស្លាប់ Kultur បានចែករំលែករូបថតរបស់នាងជាមួយអ្នកថែទាំ រួមទាំងម្តាយរបស់នាង ហើយបានសរសេរថា ការថ្វាយបង្គំគ្រួសារ នៅក្នុងចំណងជើងមួយនោះ។

តាមពិតទៅ Mukbang មានដើមកំណើតនៅប្រទេសកូរ៉េខាងត្បូង ហើយបានរីករាលដាលពាសពេញពិភពលោក។ និន្នាការនេះពាក់ព័ន្ធនឹងអ្នកមានឥទ្ធិពលក្នុងការថតសំឡេងខ្លួនពួកគេ ទទួលទានអាហារច្រើនពេកនៅពីមុខកាមេរ៉ា ខណៈពេលដែលមានទំនាក់ទំនងជាមួយអ្នកដើរតាមរបស់ពួកគេ។ និន្នាការ​នេះ​បង្ក​ហានិភ័យ​ដល់​សុខភាព​យ៉ាង​ខ្លាំង ជាពិសេស​សម្រាប់​មនុស្ស​វ័យក្មេង។

ក្មេងជំទង់ជាច្រើនដែលមានអាយុចន្លោះពី១១ទៅ ២៥ ឆ្នាំបានចូលរួមក្នុងវីដេអូ Mukbang ដើម្បីទាក់ទាញការចាប់អារម្មណ៍នៅលើប្រព័ន្ធផ្សព្វផ្សាយសង្គម ដែលអាចបង្ហាញពួកគេអំពីបញ្ហាសុខភាពធ្ងន់ធ្ងរទាក់ទងនឹងការញ៉ាំច្រើនពេក។

ទោះជាយ៉ាងណា បន្ទាប់ពីការស្លាប់តារា Mukbang ជាច្រើនទាក់ទិននឹងការទទួលទានអាហារ ក្នុងនោះដែរក៏មានការជជែកដេញដោលដែលកំពុងបន្តអំពីបទប្បញ្ញត្តិប្រព័ន្ធផ្សព្វផ្សាយសង្គម ជាពិសេសដែនកំណត់អាយុសម្រាប់វេទិកាដូចជា Instagram, YouTube និង TikTok បង្ហាញពីតម្រូវការសម្រាប់ការយល់ដឹងកាន់តែច្រើនអំពីគ្រោះថ្នាក់ដែលនិន្នាការទាំងនេះបង្កឡើងនាសព្វថ្ងៃ៕

អត្ថបទ៖ សាង ស្រីល័ក្ខ

ចុចអាន៖ដោយសារពិបាកចិត្តពេក ស្រ្តីចិនម្នាក់ ក្លូនសត្វឆ្កែដែលស្លាប់ឲ្យមានរូបរាងឡើងវិញ

The post មូលហេតុការស្លាប់តារា Mukbang ទួរគី ក្នុងអាយុ២៤ ឆ្នាំ ជានិន្នាការញ៉ាំអាហារច្រើនហួសប្រមាណ appeared first on Kampuchea Thmey Daily.

ការចាប់ខ្លួននេះត្រូវបានប្រកាសដោយរដ្ឋមន្ត្រីមហាផ្ទៃ លោក Ali Yerlikaya នៅ​ថ្ងៃពុធ ដោយ​រួមមានម្ចាស់សណ្ឋាគារផងដែរ ខណៈមានសំណួរកើនឡើងជុំវិញវិធានការសុវត្ថិភាពនៅនឹងកន្លែងកើតហេតុ។ មកដល់ពេលនេះសាកសពជនរងគ្រោះ​៤៥នាក់ត្រូវបានប្រគល់ទៅឱ្យក្រុមគ្រួសារ ខណៈសាសពនៅសល់កំពុងធ្វើតេស្ត DNA ដើម្បីកំណត់អត្តសញ្ញាណ។

រដ្ឋាភិបាលបានតែងតាំងព្រះរាជអាជ្ញាចំនួន៦​រូប ដើម្បីដឹកនាំការស៊ើបអង្កេតលើការឆាបឆេះនេះ ដែលត្រូវបានគេជឿថាបាន​ចាប់ផ្តើមនៅក្នុងផ្នែកភោជនីយដ្ឋាននៃសណ្ឋាគារ Grand Kartal កម្ពស់១២ជាន់ ស្ថិតនៅក្នុងរមណីយដ្ឋានជិះស្គី Kartalkaya នៅតំបន់ភ្នំ Bolu។ តំបន់នេះមានចម្ងាយ ២៩៥គីឡូម៉ែត្រ ភាគខាងកើតនៃទីក្រុង Istanbul គឺជាទិសដៅ​កំពូលមួយរបស់ទួរគី ដែលទាក់ទាញភ្ញៀវទេសចររាប់ពាន់នាក់ក្នុងរដូវជិះស្គី។

អាជ្ញាធរកំពុងប្រឈមមុខនឹងការរិះគន់កាន់តែខ្លាំងឡើង ខណៈសាក្សី និង​របាយការណ៍​​ ឲ្យដឹងថា ប្រព័ន្ធ​ជូនដំណឹង​របស់​សណ្ឋាគារ​បាន​បរាជ័យក្នុងការជូនដំណឹងដល់ភ្ញៀវ។ អ្នកនៅរស់រានមានជីវិតក្នុងចំណោមភ្ញៀវដែលបានចុះឈ្មោះចំនួន​២៣៨​នាក់បានរាយការណ៍ថា មិនមានការជូនដំណឹងអំពីអគ្គីភ័យក្នុងអំឡុងពេលនៃឧបទ្ទវហេតុនោះទេហើយថាពួកគេត្រូវ​ដើរតាមច្រករបៀងដែលពោរពេញដោយផ្សែងនៅក្នុងភាពងងឹតទាំងស្រុង។ ភ្ញៀវ​ក្នុង​សណ្ឋាគារខ្លះ​បាន​រត់​គេច​ខ្លួនពីភ្លើងតាមរយៈ​បង្អួច​ដើម្បី​គេច​ខ្លួន។

​​ភាគី​​សណ្ឋាគារ​បាន​សម្តែង​ការ​សោកស្ដាយ​យ៉ាង​ខ្លាំង ហើយ​បាន​សន្យា​សហការ​ពេញ​លេញ​ជាមួយ​នឹង​ការ​ស៊ើបអង្កេត។ ទន្ទឹមនឹងនេះ ប្រធានាធិបតី Recep Tayyip Erdogan ក៏បានប្រកាសថ្ងៃកាន់ទុក្ខជាតិមួយនៅថ្ងៃពុធនេះផងដែរ៕

អត្ថបទ៖ ប៊ុន សុភាព

The post តួកគីចាប់ខ្លួន​ម្ចាស់​សណ្ឋាគារ​ ​និងអ្នក​ពាក់​ព័ន្ធ​ ខណៈ​កំហឹងសាធារណៈ​ផ្ទុះ​ឡើង​​​​ខ្លាំង​ appeared first on Kampuchea Thmey Daily.

តួលេខនេះបានបង្កើនចំនួនអ្នកស្លាប់ដែលបានផ្តល់ឱ្យកាលពីល្ងាចថ្ងៃអង្គារ ដែលមានអ្នកស្លាប់ចំនួន​១១​នាក់ក្នុងរយៈពេល​២៤​ម៉ោង។ មនុស្ស​សរុប​ចំនួន​៦៥​នាក់​បាន​រង​ផលប៉ះពាល់ ដោយ​មនុស្ស ៤៣ នាក់​កំពុង​សម្រាក​ព្យាបាល​នៅ​មន្ទីរពេទ្យ និង​បី​នាក់​ទៀត​បាន​ចេញពី​មន្ទីរពេទ្យ​ ​ក្នុង​ចំណោម​ពួកគេ​មាន​ជនបរទេស​ចំនួន​២៦​នាក់​។

ទោះយ៉ាងណាមិន​មាន​ការ​អត្ថាធិប្បាយ​ភ្លាមៗ​ពី​ក្រសួង​សុខាភិបាល​ទេ។

អភិបាលក្រុងអ៊ីស្តង់ប៊ុល លោក Davut Gul បានសរសេរកាលពីល្ងាចថ្ងៃអង្គារថា៖«ចំនួនអ្នកស្លាប់កំពុងកើនឡើងអាជ្ញាប័ណ្ណអាជីវកម្មចំនួន​៦៣ ដែលលក់គ្រឿងស្រវឹងក្លែងក្លាយត្រូវបាន​​​ដកហូត​​ និងបិទអាជីវកម្ម»​។ បើតាមអភិបាលក្រុង ក្នុងឆ្នាំ​២០២៤នេះមានមនុស្សចំនួន ១១០ នាក់បានធ្លាក់ខ្លួនឈឺបន្ទាប់ពីផឹកស្រាដែលមានជាតិអាល់កុល​ខ្ពស់​នៅក្នុងទីក្រុងអ៊ីស្តង់ប៊ុល​ដែលក្នុងនោះ​៤៨​នាក់បានស្លាប់។

​ជាតិអាល់កុលដែលមានជាតិមេតាណុល ត្រូវបានគេគិតថាជាដើមហេតុ​នាំ​ឲ្យ​មាន​សារធាតុពុលដែលអាចបន្ថែមទៅក្នុងស្រា​ដើម្បី​បង្កើនថាមពលរបស់វា ប៉ុន្តែអាចបណ្តាលឱ្យងងឹតភ្នែក ខូចថ្លើម និងស្លាប់បាន។

ការពុលពីគ្រឿងស្រវឹងក្លែងក្លាយគឺជារឿងធម្មតាទៅហើយនៅក្នុងទីក្រុងរបស់ប្រទេសទួរគី សម្បូរផលិតកម្មឯកជន ខណៈដែលអាជ្ញាធរបង្កើនពន្ធលើភេសជ្ជៈមានជាតិអាល់កុល។ ទោះយ៉ាងំានផលិតផលដែលក្លែងបន្លំជាទូទៅបំផុតគឺស្រា Raki ពេញនិយមរបស់ទួរគី មានតម្លៃប្រហែល ៣៧.២០ ដុល្លារអាមេរិក ក្នុងមួយលីត្រនៅក្នុងផ្សារទំនើប៕

អត្ថបទ៖ ប៊ុន​ សុភាព

The post អ្នក​ផឹកស្រាស្លាប់​នៅ​ក្រុង​អ៊ីស្តង់ប៊ុលប្រទេស​តួកគី​កើន​ដល់១៩​នាក់ត្រឹម​៤៨​ម៉ោង appeared first on Kampuchea Thmey Daily.

ទីភ្នាក់ងារព័ត៌មាន Anadolu របស់​​ប្រទេសតួកគី បានរាយការណ៍​ថា ជនជាប់ចោទដែលរាប់បញ្ចូលទាំងមន្ត្រីបច្ចុប្បន្ន និង​អតីតពីសាលាក្រុង Besiktas និងមន្ត្រី​នៃ​អង្គភាព​ពន្លត់អគ្គីភ័យ ប្រឈមមុខនឹងការជាប់ពន្ធនាគាររហូតដល់​១៧ ឆ្នាំ ពីបទរំលោភបំពានច្បាប់ និងបណ្តាលឱ្យមានមនុស្សស្លាប់ដោយសារការធ្វេសប្រហែស។

ការចោទប្រកាន់ដែលរៀបចំឡើងដោយការិយាល័យអគ្គរដ្ឋ​អាជ្ញាក្រុងអ៊ីស្តង់ប៊ុល បានកំណត់ភាពមិនស្របគ្នាក្នុងការត្រួតពិនិត្យសុវត្ថិភាព និងអាជ្ញាប័ណ្ណប្រតិបត្តិការដែលផ្តល់ដល់ការគ្រប់គ្រងរបស់ក្លឹបរាត្រីចាប់តាំងពីឆ្នាំ២០០៦។ លើសពីនេះតុលាការ​ឧក្រិដ្ឋកម្ម​​ជាន់ខ្ពស់​​អ៊ីស្តង់ប៊ុល (Istanbul 33rd High Criminal Court) រួមបញ្ចូលគ្នានូវសំណុំរឿងនេះជាមួយនឹងការកាត់ទោសជនជាប់ចោទប្រាំបួននាក់ផ្សេងទៀត រួមទាំងម្ចាស់អាជីវកម្មផងដែរ ដែលពីមុនត្រូវបានចោទប្រកាន់ពីបទល្មើសស្រដៀងគ្នានេះ។

គួរបញ្ជាក់ថា ហេតុការណ៍អគ្គិសភ័យនេះបានកើតឡើងកាលពីខែមេសាបានសម្លាប់កម្មករដែលជាប់គាំង និងនិយោជិតនៅខាងក្នុងក្លឹបរាត្រី Masquerade ខណៈពេលដែលវាត្រូវបានបិទសម្រាប់ការជួសជុល។ កន្លែង​នេះ​មាន​ទីតាំង​នៅ​ជាន់​ផ្ទាល់​ដី និង​ជាន់​ក្រោម​នៃ​អគារ​លំនៅឋាន​កម្ពស់ ១៦ ជាន់​ក្នុង​សង្កាត់ Besiktas ​នៃ​ទីក្រុង Istanbul។ ហេតុការណ៍នេះបានបណ្ដាលឲ្យមានមនុស្សស្លាប់២៩នាក់និង របួសរាប់សិបនាក់៕

អត្ថបទ៖ ប៊ុន សុភាព

The post រដ្ឋអាជ្ញាតួក​គីចោទប្រកាន់​មន្ត្រី​គ្រាក់ៗ​១៣នាក់ជុំវិញភ្លើង​ឆេះក្លឹបរាត្រីសម្លាប់មនុស្ស២៩នាក់ appeared first on Kampuchea Thmey Daily.

មនុស្ស ១១នាក់ត្រូវស្លាប់ និងរាប់សិបនាក់ទៀតរងរបួស ខណៈភ្លើងឆេះព្រៃបានលេបត្របាក់ភូមិជាច្រើននៅភាគអាគ្នេយ៍ប្រទេសតួកគី។ នេះបើយោងតាមការចេញផ្សាយរបស់សារពត៌មាន Al Jazeera នៅថ្ងៃទី ២២ ខែ មិថុនា។

ភ្លើងឆេះពេញមួយយប់ចាប់ពីទីក្រុង Diyarbakir ដល់ Mardin កាលពីថ្ងៃសុក្រ ក៏បានបណ្ដាលឲ្យមនុស្ស ៧៨ នាក់រងរបួសផងដែរ ខណៈ៥នាក់ស្ថិតនៅក្នុងស្ថានភាពធ្ងន់ធ្ងរ។ អគ្គិភ័យបានផ្តើមចេញពី​ការ​ឆេះ​ដំណាំ បូករួមនឹងមាន​ខ្យល់​បក់​ខ្លាំង បានរីករាលដាលយ៉ាងឆាប់រហ័សដែលប៉ះពាល់ដល់ភូមិចំនួន ៥។ ក្រុមអ្នកជួយសង្គ្រោះបានបញ្ជូនរថយន្តសង្គ្រោះនិងឡានទឹករាប់សិបគ្រឿង ដើម្បីជួយសង្គ្រោះផងដែរ។

ទន្ទឹមនឹងនេះ នៅទូទាំងប្រទេសភាគពាយព្យនៃប្រទេសតួកគី ក្រុមអ្នកពន្លត់អគ្គិភ័យកំពុងទប់ស្កាត់ភ្លើងឆេះព្រៃនៅជិតទីក្រុង Ayvacik ក្នុងខេត្ត Canakkale ។នៅទីនោះមិនមាននរណាម្នាក់រងរបួសនោះទេ ប៉ុន្តែអាជ្ញាធរបានជម្លៀសមនុស្សចេញពីភូមិដើម្បីជាការប្រុងប្រយ័ត្នជាមុន។

គួរបញ្ជាក់ថា នេះគឺជាភ្លើងឆេះព្រៃមួយក្នុងចំណោមភ្លើងឆេះព្រៃជាច្រើនដែលផ្ទុះឡើងនៅខេត្ត Canakkale កាលពីសប្តាហ៍មុន ចំពេលមានខ្យល់បក់ខ្លាំង និងសីតុណ្ហភាពរដូវក្តៅក្តៅខ្លាំង។ យោងតាមប្រព័ន្ធព័ត៌មានភ្លើងឆេះព្រៃអឺរ៉ុប (EFFIS) បានឱ្យដឹងថា ប្រទេសតួកគី ជួបប្រទះភ្លើងឆេះព្រៃចំនួន ៧៤ ដងក្នុងឆ្នាំនេះ ដែលបានបំផ្លាញផ្ទៃដីចំនួន ១២៩១០ ហិចតា៕

អត្ថបទ៖ ប៊ុន សុភាព

The post ភ្លើងឆេះព្រៃនៅតួកគី ឆក់យកជីវិតមនុស្ស ១១ នាក់ appeared first on Kampuchea Thmey Daily.

អេស្ប៉ាញ និងតួកគី បានអំពាវនាវដល់សហគមន៍អន្តរជាតិឲ្យសម្លឹងមើលដំណោះស្រាយ​បន្ថែម​ទៀត និងជំរុញឱ្យបញ្ចប់ការវាយប្រហាររបស់អ៊ីស្រាអែលលើតំបន់ហ្គាហ្សា បន្ទាប់ពីកិច្ចប្រជុំកំពូលទ្វេភាគីដែលផ្តោតលើការពង្រឹងកិច្ចសហប្រតិបត្តិការសេដ្ឋកិច្ចរវាង​ប្រទេសមេឌីទែរ៉ាណេ​ទាំង​ពីរ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី​១៤ ខែ មិថុនា​នេះ។

ថ្លែង​​នៅ​ក្នុង​សន្និសីទ​សារព័ត៌មាន​បន្ទាប់​ពី​កិច្ច​ប្រជុំ​កម្រិត​ខ្ពស់​លើក​ទី​ប្រាំបី​រវាង​រដ្ឋាភិបាល​ក្រុង​ម៉ាឌ្រីដ និង​ទីក្រុង​អង់ការ៉ា, នាយក​រដ្ឋមន្ត្រី​អេស្ប៉ាញ​លោក Pedro Sanchez បាន​និយាយ​ថា សហគមន៍អន្តរជាតិ គួរតែសម្លឹងមើលផ្លូវផ្សេងដើម្បីដោះស្រាយជម្លោះនេះដើម្បីទទួលបានសន្តិភាព និងស្ថិរភាព ខណៈរយៈពេល៨ខែមកនេះពិភពលោកគួរតែបានមើលឃើញហើយថាមានអ្វីបានកើតឡើងខ្លះ ។

ចំណែកប្រធានាធិបតីតួកគី លោក Recep Tayyip Erdogan បានជំរុញឱ្យសហរដ្ឋអាមេរិក និងសមាជិកក្រុមប្រឹក្សាសន្តិសុខផ្សេងទៀត ធ្វើការបញ្ចុះបញ្ចូលអ៊ីស្រាអែលជាពិសេសសហរដ្ឋអាមេរិក គួរតែឈរនៅពីក្រោយការសម្រេចចិត្តនេះ ហើយដាក់សម្ពាធចាំបាច់លើអ៊ីស្រាអែល ដើម្បីធានាឱ្យមានបទឈប់បាញ់ជាបន្ទាន់។

ប្រទេសទាំងពីរដែលជាសមាជិកណាតូ បានរំលឹកឡើងវិញនូវការអំពាវនាវរបស់ពួកគេឱ្យបញ្ឈប់ការប្រយុទ្ធគ្នានៅតំបន់ហ្គាហ្សា និងបានអំពាវនាវឱ្យមានជំនួយមនុស្សធម៌បន្ថែមទៀតសម្រាប់ប៉ាឡេស្ទីន។ ខណៈលោក Sánchez ក៏បានទាមទារឱ្យមានការដោះលែងចំណាប់ខ្មាំងផងដែរ។ ប្រទេសអេស្ប៉ាញកាលពីសប្តាហ៍មុន ក៏បានស្នើសុំឱ្យតុលាការអង្គការសហប្រជាជាតិចូលរួមក្នុងសំណុំរឿងរបស់អាហ្វ្រិកខាងត្បូង ដែលចោទប្រកាន់អ៊ីស្រាអែលពីបទប្រល័យពូជសាសន៍នៅក្នុងតំបន់ហ្គាហ្សា។

គួរបញ្ជាក់ថា អេស្ប៉ាញ អៀរឡង់ និងន័រវេស បានទទួលស្គាល់រដ្ឋប៉ាឡេស្ទីនជាផ្លូវការនៅថ្ងៃទី ២៨ ឧសភា ក្នុងកិច្ចខិតខំប្រឹងប្រែងសម្របសម្រួលមួយ ខណៈពេលដែលតួកគីបានទទួលស្គាល់រដ្ឋប៉ាឡេស្ទីនជាលើកដំបូងក្នុងឆ្នាំ ១៩៨៨។ មកដល់ពេលនេះមានប្រទេសជាង ១៤០ បានទទួលស្គាល់រដ្ឋប៉ាឡេស្ទីន ប៉ុន្តែបញ្ជីនេះមិនរាប់បញ្ចូលមហាអំណាចលោកខាងលិចណាមួយ រួមទាំងសហរដ្ឋអាមេរិក ដែលជាសម្ព័ន្ធមិត្តដ៏សំខាន់របស់អ៊ីស្រាអែលនោះទេ៕

អត្ថបទ៖ ប៊ុន សុភាព

The post អេ​ស្ប៉ាញ និង​តួ​ក​គី​អំពាវនាវ​ឱ្យ​សហគមន៍​អន្តរជាតិ​ចាត់វិធានការ​បញ្ឈប់​សង្គ្រាម​នៅ​ហ្គា​ហ្សាជាបន្ទាន់ appeared first on Kampuchea Thmey Daily.

យោងតាមសារព័ត៌មាន BBC ចុះផ្សាយនៅថ្ងៃទី២១ ខែកុម្ភៈ នេះ បានឱ្យដឹងថា មេដឹកនាំលោកខាងលិចបានស្តីបន្ទោសចំពោះការស្លាប់របស់លោក Navalny ថា ជាការទទួលខុសត្រូវរបស់អាជ្ញាធររុស្ស៊ី រួមទាំងប្រធានាធិបតីពូទីនផងដែរ។

រដ្ឋមន្ត្រីការបរទេសអង់គ្លេស លោក Lord Cameron បាននិយាយថា អ្នកដែលទទួលខុសត្រូវចំពោះការស្លាប់របស់លោក Navalny មិនគួរធ្វើសកម្មភាពបំភាន់នោះទេ ។ លោកសង្កត់ធ្ងន់ថា “យើងនឹងធ្វើឱ្យពួកគេទទួលខុសត្រូវ” ហើយជំហ៊ានដំបូងគឺត្រូវតែដាក់ទណ្ឌកម្មទៅលើពួកអ្នកទាំងនោះ ។

ទន្ទឹមគ្នានោះ រដ្ឋាភិបាលអង់គ្លេសបានអំពាវនាវឱ្យប្រគល់សាកសពរបស់លោក Navalny ឱ្យទៅក្រុមគ្រួសាររបស់គាត់ជាបន្ទាន់ និងឱ្យមានការស៊ើបអង្កេតពេញលេញ ប្រកបដោយតម្លាភាព ។ ការអំពាវនាវពីចក្រភពអង់គ្លេសនេះ ក្រោយពេលម្តាយរបស់ Navalny និយាយថា នាងបានព្យាយាមចង់ឃើញសាកសពរបស់កូនប្រុស អស់រយៈពេល៥ថ្ងៃហើយ ប៉ុន្តែមិនដឹងថា គេយកសាកសពទៅទុកនៅឯណានោះទេ ។

ទាក់ទងទៅនឹងបុគ្គលទាំង ៦រូបដែលចក្រភពអង់គ្លេសដាក់ទណ្ឌកម្មនោះមានដូចជា៖

១. លោក Col Vadim Konstantinovich Kalinin – ប្រធានអាណានិគមព្រហ្មទណ្ឌ

២. វរសេនីយ៍ទោ Sergey Nikolaevich Korzhov – អនុប្រធាន

៣. វរសេនីយ៍ទោ Vasily Alexandrovich Vydrin – អនុប្រធាន

៤. វរសេនីយ៍ទោ Vladimir Ivanovich Pilipchik – អនុប្រធាន

៥. វរសេនីយ៍ទោ Aleksandr Vladimirovich Golyakov – អនុប្រធាន

៦. លោក Col Aleksandr Valerievich Obraztsov – អនុប្រធាន ។

ពួកគេទាំង ៦ នាក់ក្រៅពីបង្កកទ្រព្យសម្បត្តិ ក៏ហាមមិនឱ្យធ្វើដំណើរទៅចក្រភពអង់គ្លេសដែរ។

ជាមួយគ្នានេះ ក្រៅពីចក្រភពអង់គ្លេស សហរដ្ឋអាមេរិកក៏បានប្រកាសថា ខ្លួននឹងបង្ហាញកញ្ចប់ទណ្ឌកម្មផ្ទាល់ខ្លួនប្រឆាំងនឹងរុស្ស៊ីជុំវិញការស្លាប់របស់ Navalny បួករួមទាំងសង្គ្រាមដែលរុស្ស៊ីកំពុងបន្តនៅក្នុងប្រទេសអ៊ុយក្រែន ៕

ប្រែសម្រួលដោយ÷ ប៉ោ កុសល

The post ចក្រភពអង់គ្លេស ដាក់ទណ្ឌកម្មថ្នាក់ដឹកនាំពន្ធនាគាររុស្ស៊ី ៦រូប ក្រោយការស្លាប់របស់មេបក្សប្រឆាំង Alexei Navalny appeared first on Kampuchea Thmey Daily.

Sabiha Gökçen គឺជាកូនស្រីចិញ្ចឹមម្នាក់របស់លោក Mustafa Kemal Atatürk (អតីតប្រធានាធិបតីតួកគី) នាងត្រូវបានគេយក​ទៅចិញ្ចឹម ​និង​បានទទួល​ការអប់រំនៅក្នុងស្ថាប័នដែលទើបបង្កើតថ្មី ។ Gökçen ត្រូវបានបំផុសគំនិតដោយចក្ខុវិស័យរបស់លោក Atatürk ដែលធ្លាប់សាងភាពរីកចម្រើន និងផ្តោតលើអាជីព​អាកាសចរណ៍។

នៅឆ្នាំ១៩៣៦ Gökçen បានក្លាយជាស្ត្រីទួកគីដំបូងគេ ដែលរៀនពីរបៀបហោះហើរ។ នាង​បាន​ការបណ្ដុះបណ្ដាល​នៅ​សាលា​សមាគមអាកាសចរណ៍ទួកគី។ នៅ​ឆ្នាំ ១៩៣៧ នាងបានទទួល​អាជ្ញាប័ណ្ណ​ពី​ឡុត​ដែលបានមកពីការលះបង់ និង​ទេពកោសល្យរបស់នាង ឆក់យកការទាក់ទាញ​ និងយកចិត្តទុកដាក់​របស់​រដ្ឋាភិបាល​ ​រហូត​ត្រូវ​បាន​ជ្រើសរើស​ឲ្យ​ធ្វើ​ជា​អ្នក​បើក​យន្តហោះ​ចម្បាំង​ស្ត្រី​ដំបូង​គេ​របស់​ពិភពលោក។

ក្នុងកំឡុងសង្គ្រាមលោកលើកទី២ Sabiha Gökçen បានហោះហើរយន្តហោះយោធាជាច្រើន ដោយចូលរួមក្នុងបេសកកម្មឈ្លបយកការណ៍ និង​បណ្តុះបណ្តាល។ នាងបានក្លាយជានិមិត្តរូប, ការពង្រឹងសិទ្ធិអំណាចរបស់ស្ត្រីនៅទួកគី​និងលើសពីនេះ​ តាមរយៈការបំបែករបាំង​យេនឌ័រ​នៅក្នុងវិស័យដែលគ្រប់គ្រងដោយបុរសៗកាលសម័យនោះផងដែរ។

បន្ទាប់ពី​ការបម្រើយោធា នាងនៅតែជាប់​ពាក់ព័ន្ធ​ជាមួយ​អាកាសចរណ៍ និង​បន្ត​ជំរុញ​ទឹកចិត្តអ្នក​បើកយន្តហោះ​ជំនាន់ក្រោយ។ ក្នុងនោះ នាងកាន់​មុខ​តំណែង​ផ្សេងៗគ្នាជាច្រើន រួមទាំង​គ្រូបង្រៀនជើងហោះហើរ ហើយទីបំផុតបានក្លាយជាប្រធានក្រុមរបស់ក្រុមហ៊ុនអាកាសចរណ៍ទួកគី។ កេរដំណែលរបស់នាង នៅតែបន្តលើកទឹកចិត្តសម្រាប់ស្ត្រីនៅក្នុងឧស្សាហកម្មអាកាសចរណ៍ និងជាភស្តុតាងនៃអំណាចនៃការតាំងចិត្ត និងភាពក្លាហាន។

យ៉ាងណាមិញដំណើរជីវិតមិនគួរឲ្យជឿ និងសមិទ្ធិផលរបស់ Sabiha Gökçen ​បាន​បន្សល់​ទុក​នូវ​និមិត្តសញ្ញា​មិន​អាច​លុប​បាន​លើ​ប្រវត្តិ​អាកាសចរណ៍, សិទ្ធិ​ស្ត្រីនៅក្នុងប្រទេសទួកគី និងជុំវិញពិភពលោក។ ជាពិសេសនោះទៀតសោត អាកាសយានដ្ឋាន Sabiha Gökçen ដែលជាអាកាសយានដ្ឋានទីពីរនៅអ៊ីស្តង់ប៊ុល ត្រូវបានដាក់ឈ្មោះតាមនាងរហូតមកមកទល់សព្វថ្ងៃនេះ៕

ប្រែសម្រួល៖ សាង ស្រីល័ក្ខ

ចុចអាន៖៥ ប្រទេសក្នុងអាស៊ាន ទទួលបានប្រាក់ឈ្នួលខ្ពស់បំផុត

The post ណែនាំឲ្យស្គាល់ ស្ត្រីទីមួយក្នុងប្រវត្តិសាស្ត្រពិភពលោក ដែលក្លាយជាអ្នកបើកយន្តហោះចម្បាំង appeared first on Kampuchea Thmey Daily.