Connect with us

ព័ត៌មានអន្ដរជាតិ

អេ​ស្ប៉ាញ និង​តួ​ក​គី​អំពាវនាវ​ឱ្យ​សហគមន៍​អន្តរជាតិ​ចាត់វិធានការ​បញ្ឈប់​សង្គ្រាម​នៅ​ហ្គា​ហ្សាជាបន្ទាន់

បានផុស

នៅ

អេស្ប៉ាញ និងតួកគី បានអំពាវនាវដល់សហគមន៍អន្តរជាតិឲ្យសម្លឹងមើលដំណោះស្រាយ​បន្ថែម​ទៀត និងជំរុញឱ្យបញ្ចប់ការវាយប្រហាររបស់អ៊ីស្រាអែលលើតំបន់ហ្គាហ្សា បន្ទាប់ពីកិច្ចប្រជុំកំពូលទ្វេភាគីដែលផ្តោតលើការពង្រឹងកិច្ចសហប្រតិបត្តិការសេដ្ឋកិច្ចរវាង​ប្រទេសមេឌីទែរ៉ាណេ​ទាំង​ពីរ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន AP នៅថ្ងៃទី​១៤ ខែ មិថុនា​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែង​​នៅ​ក្នុង​សន្និសីទ​សារព័ត៌មាន​បន្ទាប់​ពី​កិច្ច​ប្រជុំ​កម្រិត​ខ្ពស់​លើក​ទី​ប្រាំបី​រវាង​រដ្ឋាភិបាល​ក្រុង​ម៉ាឌ្រីដ និង​ទីក្រុង​អង់ការ៉ា, នាយក​រដ្ឋមន្ត្រី​អេស្ប៉ាញ​លោក Pedro Sanchez បាន​និយាយ​ថា សហគមន៍អន្តរជាតិ គួរតែសម្លឹងមើលផ្លូវផ្សេងដើម្បីដោះស្រាយជម្លោះនេះដើម្បីទទួលបានសន្តិភាព និងស្ថិរភាព ខណៈរយៈពេល៨ខែមកនេះពិភពលោកគួរតែបានមើលឃើញហើយថាមានអ្វីបានកើតឡើងខ្លះ ។

ចំណែកប្រធានាធិបតីតួកគី លោក Recep Tayyip Erdogan បានជំរុញឱ្យសហរដ្ឋអាមេរិក និងសមាជិកក្រុមប្រឹក្សាសន្តិសុខផ្សេងទៀត ធ្វើការបញ្ចុះបញ្ចូលអ៊ីស្រាអែលជាពិសេសសហរដ្ឋអាមេរិក គួរតែឈរនៅពីក្រោយការសម្រេចចិត្តនេះ ហើយដាក់សម្ពាធចាំបាច់លើអ៊ីស្រាអែល ដើម្បីធានាឱ្យមានបទឈប់បាញ់ជាបន្ទាន់។

ប្រទេសទាំងពីរដែលជាសមាជិកណាតូ បានរំលឹកឡើងវិញនូវការអំពាវនាវរបស់ពួកគេឱ្យបញ្ឈប់ការប្រយុទ្ធគ្នានៅតំបន់ហ្គាហ្សា និងបានអំពាវនាវឱ្យមានជំនួយមនុស្សធម៌បន្ថែមទៀតសម្រាប់ប៉ាឡេស្ទីន។ ខណៈលោក Sánchez ក៏បានទាមទារឱ្យមានការដោះលែងចំណាប់ខ្មាំងផងដែរ។ ប្រទេសអេស្ប៉ាញកាលពីសប្តាហ៍មុន ក៏បានស្នើសុំឱ្យតុលាការអង្គការសហប្រជាជាតិចូលរួមក្នុងសំណុំរឿងរបស់អាហ្វ្រិកខាងត្បូង ដែលចោទប្រកាន់អ៊ីស្រាអែលពីបទប្រល័យពូជសាសន៍នៅក្នុងតំបន់ហ្គាហ្សា។

គួរបញ្ជាក់ថា អេស្ប៉ាញ អៀរឡង់ និងន័រវេស បានទទួលស្គាល់រដ្ឋប៉ាឡេស្ទីនជាផ្លូវការនៅថ្ងៃទី ២៨ ឧសភា ក្នុងកិច្ចខិតខំប្រឹងប្រែងសម្របសម្រួលមួយ ខណៈពេលដែលតួកគីបានទទួលស្គាល់រដ្ឋប៉ាឡេស្ទីនជាលើកដំបូងក្នុងឆ្នាំ ១៩៨៨។ មកដល់ពេលនេះមានប្រទេសជាង ១៤០ បានទទួលស្គាល់រដ្ឋប៉ាឡេស្ទីន ប៉ុន្តែបញ្ជីនេះមិនរាប់បញ្ចូលមហាអំណាចលោកខាងលិចណាមួយ រួមទាំងសហរដ្ឋអាមេរិក ដែលជាសម្ព័ន្ធមិត្តដ៏សំខាន់របស់អ៊ីស្រាអែលនោះទេ៕

អត្ថបទ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ នាទី មុន

នាយិកាអង្គការអុកស្វាម ថា រដ្ឋាភិបាលកម្ពុជាបានធានាយ៉ាងពេញលេញកម្មវិធីគាំពារសង្គមដល់កម្មករនិយោជិត

ព័ត៌មានអន្ដរជាតិ៧ នាទី មុន

អ៊ីស្រាអែល​ បង្កើនការវាយលុក​កាន់តែជ្រៅចូលទីក្រុង Rafah

សេដ្ឋកិច្ច១១ នាទី មុន

ធនាគារជាតិ ចាប់ដៃគូជាមូយមន្ទីរពេទ្យឯកជន លើកកម្ពស់សុខភាពបុគ្គលិក និងក្រុមគ្រួសារ

ព័ត៌មានជាតិ១៨ នាទី មុន

អតីតនាយករដ្ឋមន្រ្តីកម្ពុជា បង្ហាញ​កម្មវិធី​បណ្តាញ​សង្គមថ្មី ​អភិវឌ្ឍ​ដោយអ្នកជំនាញខ្មែរ មាន​មុខងារ និង​សុវត្ថិភាពខ្ពស់

ព័ត៌មានអន្ដរជាតិ២២ នាទី មុន

ប្រជាជន​កេនយ៉ា​រាប់​ពាន់​នាក់​ ធ្វើ​បាតុកម្ម​ប្រឆាំង​នឹង​ការ​ដំឡើង​ពន្ធ​ថ្មី

ព័ត៌មានជាតិ៤ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

សន្តិសុខសង្គម២៣ ម៉ោង មុន

ក្រុមក្មេងទំនើង៦នាក់ នឹងត្រូវកសាងសំណុំរឿងបញ្ជូនទៅតុលាការ ពាក់ព័ន្ធករណីហិង្សានៅមុខអាកាសយានដ្ឋានអន្តរជាតិភ្នំពេញ

ព័ត៌មានជាតិ៥ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ២ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

សេចក្ដីជូនដំណឹង៦ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម