Connect with us

ព័ត៌មានអន្ដរជាតិ

ចក្រភពអង់គ្លេស ដាក់ទណ្ឌកម្មថ្នាក់ដឹកនាំពន្ធនាគាររុស្ស៊ី ៦រូប ក្រោយការស្លាប់របស់មេបក្សប្រឆាំង Alexei Navalny

បានផុស

នៅ

ចក្រភពអង់គ្លេសបានបង្កកទ្រព្យសម្បត្តិអ្នកគ្រប់គ្រងពន្ធនាគាររុស្ស៊ីចំនួន៦នាក់ដែលទទួលបន្ទុកលើអាណានិគមព្រហ្មទណ្ឌនៅតំបន់អាក់ទិក បន្ទាប់ពីប្រធានបក្សប្រឆាំង លោក Alexei Navalny បានទទួលមរណភាព កាលពីថ្ងៃទីថ្ងៃទី១៦ ខែកុម្ភៈ ។

លោក Alexei Navalny កាលពីឆ្នាំ ២០២០ (រូបថត÷ BBC)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន BBC ចុះផ្សាយនៅថ្ងៃទី២១ ខែកុម្ភៈ នេះ បានឱ្យដឹងថា មេដឹកនាំលោកខាងលិចបានស្តីបន្ទោសចំពោះការស្លាប់របស់លោក Navalny ថា ជាការទទួលខុសត្រូវរបស់អាជ្ញាធររុស្ស៊ី រួមទាំងប្រធានាធិបតីពូទីនផងដែរ។

រដ្ឋមន្ត្រីការបរទេសអង់គ្លេស លោក Lord Cameron បាននិយាយថា អ្នកដែលទទួលខុសត្រូវចំពោះការស្លាប់របស់លោក Navalny មិនគួរធ្វើសកម្មភាពបំភាន់នោះទេ ។ លោកសង្កត់ធ្ងន់ថា “យើងនឹងធ្វើឱ្យពួកគេទទួលខុសត្រូវ” ហើយជំហ៊ានដំបូងគឺត្រូវតែដាក់ទណ្ឌកម្មទៅលើពួកអ្នកទាំងនោះ ។

ទន្ទឹមគ្នានោះ រដ្ឋាភិបាលអង់គ្លេសបានអំពាវនាវឱ្យប្រគល់សាកសពរបស់លោក Navalny ឱ្យទៅក្រុមគ្រួសាររបស់គាត់ជាបន្ទាន់ និងឱ្យមានការស៊ើបអង្កេតពេញលេញ ប្រកបដោយតម្លាភាព ។ ការអំពាវនាវពីចក្រភពអង់គ្លេសនេះ ក្រោយពេលម្តាយរបស់ Navalny និយាយថា នាងបានព្យាយាមចង់ឃើញសាកសពរបស់កូនប្រុស អស់រយៈពេល៥ថ្ងៃហើយ ប៉ុន្តែមិនដឹងថា គេយកសាកសពទៅទុកនៅឯណានោះទេ ។

ទាក់ទងទៅនឹងបុគ្គលទាំង ៦រូបដែលចក្រភពអង់គ្លេសដាក់ទណ្ឌកម្មនោះមានដូចជា៖

១. លោក Col Vadim Konstantinovich Kalinin – ប្រធានអាណានិគមព្រហ្មទណ្ឌ

២. វរសេនីយ៍ទោ Sergey Nikolaevich Korzhov – អនុប្រធាន

៣. វរសេនីយ៍ទោ Vasily Alexandrovich Vydrin – អនុប្រធាន

៤. វរសេនីយ៍ទោ Vladimir Ivanovich Pilipchik – អនុប្រធាន

៥. វរសេនីយ៍ទោ Aleksandr Vladimirovich Golyakov – អនុប្រធាន

៦. លោក Col Aleksandr Valerievich Obraztsov – អនុប្រធាន ។

ពួកគេទាំង ៦ នាក់ក្រៅពីបង្កកទ្រព្យសម្បត្តិ ក៏ហាមមិនឱ្យធ្វើដំណើរទៅចក្រភពអង់គ្លេសដែរ។

ជាមួយគ្នានេះ ក្រៅពីចក្រភពអង់គ្លេស សហរដ្ឋអាមេរិកក៏បានប្រកាសថា ខ្លួននឹងបង្ហាញកញ្ចប់ទណ្ឌកម្មផ្ទាល់ខ្លួនប្រឆាំងនឹងរុស្ស៊ីជុំវិញការស្លាប់របស់ Navalny បួករួមទាំងសង្គ្រាមដែលរុស្ស៊ីកំពុងបន្តនៅក្នុងប្រទេសអ៊ុយក្រែន ៕

ប្រែសម្រួលដោយ÷ ប៉ោ កុសល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម