វាលខ្សាច់​មួយនេះ​លាតសន្ធឹងប្រហែល១ពាន់គីឡូម៉ែត្រ​ នៅតាម​បណ្ដោយ​ឆ្នេរ​ប៉ាស៊ីហ្វិក លាតសន្ធឹងពីភាគខាងត្បូងប្រទេសប៉េរូ ទៅភាគខាងជើង​ប្រទេសឈីលី។

ទេសភាពដាច់ស្រយាលនេះត្រូវបានកំណត់​លក្ខណៈដោយសណ្ឋានដីមិនធម្មតារបស់វា ដោយ​រួម​បញ្ចូល​ទាំងបឹង​អំបិល វាល​ខ្សាច់ និង​ភ្នំ​រដុប។ វាលខ្សាច់ Atacama ក៏ជាកន្លែងសម្រាប់​លក្ខណៈ​ពិសេស​ភូមិសាស្ត្រ​ប្លែកៗ​មួយចំនួនផងដែរ ដូចជា Valle de la Luna (Valley of the Moon) និង Salar de Atacama ដែលជាបឹង​អំបិល​ដ៏ធំបំផុតមួយ​របស់ពិភពលោក។

Atacama វាត្រូវបានគេចាត់ទុកថាជាវាលខ្សាច់និងតំបន់ស្ងួត​បំផុតនៃពិភពលោក នៅពេលវាស់តាមបរិមាណទឹកភ្លៀងជាមួយនឹងទឹកភ្លៀង​ជាមធ្យមតិចជាង ១ មិល្លីម៉ែត្រ​ក្នុង​មួយឆ្នាំ​ ឬតំបន់ខ្លះនៃ​វាលខ្សាច់ មិនមានភ្លៀងធ្លាក់ក្នុងរយៈពេល ៥០០ ឆ្នាំក៏មាន។

ទោះបីជាមានលក្ខខណ្ឌមិនអំណោយផលក៏ដោយ។ ប៉ុន្តែវាលខ្សាច់ Atacama គឺពោរពេញទៅ​ដោយជីវិត​មាន​ទាំង​រុក្ខជាតិ និងសត្វជា​ច្រើនប្រភេទ ដែលសម្របខ្លួនទៅនឹងតំបន់នេះ។ ក្នុងនោះ​រួមបញ្ចូលទាំងរុក្ខជាតិដំបងយក្យ​ c​acti, ប្រទាល succulents និងថនិកសត្វតូចៗសត្វល្មូន និង​ប្រភេទសត្វស្លាបផ្សេងៗ។

លើសពីនេះ​ទៅ​ទៀត វាលខ្សាច់ Atacama បានក្លាយជា កន្លែងដ៏សំខាន់ សម្រាប់​ការ​ស្រាវជ្រាវវិទ្យាសាស្ត្រ ដោយសារ​តែ​បរិស្ថានអាក្រក់​វាលខ្សាច់ Atacama ក៏មានសារៈសំខាន់ខាងវប្បធម៌ផងដែរ។ ដោយជនជាតិដើមភាគតិចបុរាណ​បាន​បន្សល់​ទុក​នៅ​ពី​ក្រោយ​កន្លែង​បុរាណ និង​អក្សរសាស្ត្រ petroglyphs ដែល​បង្ហាញ​ពី​ប្រវត្តិ​ដ៏​យូរ​អង្វែង​នៃតំបន់នេះនៅខាងក្រោយ។

សព្វថ្ងៃនេះ ភាពស្រស់ស្អាតនៃវាលខ្សាច់និងលក្ខណៈអេកូឡូស៊ី​តែមួយគត់របស់វា ទាក់ទាញ​ភ្ញៀវទេសចរ។ តារាវិទូ ហើយអ្នក​វិទ្យាសាស្ត្រ​បង្កើតជា​ទិសដៅ​ដ៏​គួរ​ឲ្យ​ចាប់​អារម្មណ៍​សម្រាប់​អ្នក​ដែល​ចង់​ជួប​ប្រទះ​នឹង​ទេសភាព​ដ៏​អស្ចារ្យ​បំផុត​មួយ​របស់​ពិភពលោក៕

ប្រែសម្រួល៖ សាង ស្រីល័ក្ខ

ចុចអាន៖រូបសំណាកទេវតាតម្លៃជាង១ម៉ឺនដុល្លារនៅ ចិន រងការចំអកពីមហាជនថាមុខអាក្រក់

The post វាលខ្សាច់អាតាកាម៉ា ជាតំបន់ហួតហែងដ៏ធំ ខណៈមួយឆ្នាំភ្លៀងធ្លាក់តែ ១មិល្លីម៉ែត្រប៉ុណ្ណោះ appeared first on Kampuchea Thmey Daily.

លោក Sergio Wehinger នៅសាកលវិទ្យាល័យឈីលី បានប្រាប់ស៊ីនហួថា “ប្រទេសឈីលី កំពុងស្ថិតក្នុងស្ថានភាពប្រកាសអាសន្នដូចបណ្តាប្រទេសដទៃទៀត ដែលមានវីរុសបំប្លែងខ្លួនច្រើនប្រភេទដែរ”។

លោក Wehinger បានផ្តល់អនុសាសន៍ថា ប្រទេសឈីលី គួរសិក្សាបទពិសោធន៍អន្តរជាតិ និងកុំបន្ធូរបន្ថយការរឹតត្បិត បើទោះបីជាមានការថយចុះនៃអត្រាឆ្លងកាលពីខែមុន ដោយសារតែការអនុវត្តវិធានការបិទខ្ទប់និង គម្លាតសង្គមក៏ដោយ។

ស្របពេលករណីមានការថយចុះ ការរឹតត្បិតត្រូវបានបន្ធូរបន្ថយនៅក្នុងទីក្រុងមួយចំនួន ដោ​យអាជីវកម្មនិងសាលារៀន បានបើកដំណើរការឡើងវិញ។ រដ្ឋាភិបាល ក៏បានប្រកាសផងដែរ ពីការរឹតត្បិតតិចតួចលើប្រជាជនជាង១១លាននាក់ ដែលទទួលបានវ៉ាក់សាំង គ្រប់ដូស។

ក្រសួងសុខាភិបាល ឈីលី កាលពីខែមុន បានចេញរបាយការណ៍មួយ ដែលកំណត់អត្តសញ្ញាណវីរុសបំប្លែងខ្លួនចំនួន ១១ ប្រភេទនៅក្នុងប្រទេស ដោយផ្អែកលើការសិក្សាហ្សែននៃសំណាកពីករណីដែលត្រូវបានបញ្ជាក់ ចាប់ពីថ្ងៃទី ២២ ខែធ្នូឆ្នាំ ២០២០ ដល់ថ្ងៃទី ២៥ ខែមិថុនាឆ្នាំ ២០២១។

យោងតាមលោក Wehinger បានឲ្យដឹងថា វីរុសបំប្លែងខ្លួន បានលេចឡើងដោយសារតែកង្វះវិធានការរឹតត្បិតគ្រប់គ្រាន់សម្រាប់អ្នកចូលឬចាកចេញពីប្រទេស។

គួរបញ្ជាក់ថា រហូតមកដល់ពេលនេះ ប្រទេសឈីលី បានកត់ត្រាករណីឆ្លងកូវីដចំនួន ១,៥៩៤,៤៩៦ករណី និងមានអ្នកស្លាប់ចំនួន ៣៤,២០៧នាក់៕

ប្រែសម្រួល៖ Vann Vann

ប្រភព៖ Xinhua

ចុចអាន៖ ទីបំផុត WHO ព្រមានខ្លាំងៗ អំពីការលេចចេញ វីរុសបំប្លែងខ្លួនថ្មីៗ ដែលកាន់តែបង្កគ្រោះថ្នាក់

The post គ្រាន់តែប្រទេសមួយនៅអាមេរិកខាងត្បូង រកឃើញវីរុសបំប្លែងខ្លួនដល់ទៅ ១១ប្រភេទ appeared first on Kampuchea Thmey Daily.

វេជ្ជបណ្ឌិត Rafael Araos បាននិយាយថា “ជាមួយនឹងការតាមដានយ៉ាងហោចណាស់៤ខែ យើងមានតួលេខវិជ្ជមាននិងអាចទុកចិត្តបាន”។

ព័ត៌មានចុងក្រោយនេះ គឺជាការ Update លទ្ធផលនៃការសិក្សាមុនដែលមានចំណងជើងថា “ប្រសិទ្ធភាពនៃវ៉ាក់សាំង CoronaVac ប្រឆាំងវីរុស SARS-CoV-2 នៅប្រទេសឈីលី” ដែលលោក Araos បានបង្ហាញនៅថ្ងៃទី១៦ខែមេសា និងបន្ទាប់ពីការតាមដានលើមនុស្សចំនួន១០.២លាននាក់ទៀត រហូតដល់ថ្ងៃទី១ខែឧសភា។

លោក Araos បានឲ្យដឹងថា ប្រសិទ្ធភាពរបស់វ៉ាក់សាំងនេះ ក្នុងទប់ស្កាត់ការបញ្ជូនចូលព្យា​បាលនៅមន្ទីរពេទ្យ បានកើនឡើងដល់៨៧ភាគរយ, ទប់ស្កាត់ការបញ្ជូនទៅបន្ទប់ ICU ដល់ទៅ៩០,៣ភាគរយ និងការពារការស្លាប់ដែលបណ្តាលមកពីជំងឺកូវីដ-១៩ ដល់ទៅ៨៦ភាគរយ។

គួរបញ្ជាក់ថា គិតត្រឹមថ្ងៃអាទិត្យទី១៦ខែឧសភា មនុស្សសរុបចំនួន៩,០៧៤,១៥៨នាក់ បានទទួលវ៉ាក់សាំងការពារជំងឺកូវីដ-១៩ នៅក្នុងប្រទេសឈីលី ដោយក្នុងនោះមានចំនួន៧,៤៩១,៤៨៤នាក់ បានទទួលវ៉ាក់សាំងគ្រប់ទាំងពីរដូស៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ វេជ្ជបណ្ឌិតថៃក៏សរសើរពីប្រសិទ្ធភាពវ៉ាក់សាំង Sinovac របស់ចិន ដូចឥណ្ឌូនេស៊ីដែរ

The post ឈីលី សរសើរវ៉ាក់សាំង Sinovac របស់ចិន ថា មានប្រសិទ្ធភាពអស្ចារ្យ! appeared first on Kampuchea Thmey Daily.

វ៉ាក់សាំងនេះ ត្រូវបានគេប្រើប្រាស់ជាទូទៅនៅក្នុងបណ្តាប្រទេសកំពុងអភិវឌ្ឍ ហើយក៏កំពុងប្រើប្រាស់នៅក្នុងប្រទេសកម្ពុជាផងដែរ។

ការសិក្សាលើមនុស្សចំនួន១០.៥លាននាក់បានបង្ហាញថា វ៉ាក់សាំងនេះ មានប្រសិទ្ធភាពត្រឹមតែ១៦ភាគរយប៉ុណ្ណោះ ក្នុងការការពារប្រឆាំងនឹងជំងឺកូវីដ-១៩ បន្ទាប់ពីចាក់មួយដូស ប៉ុន្តែកើនឡើងប្រសិទ្ធភាពដល់ទៅ៦៧ភាគរយបន្ទាប់ពីការចាក់ដូសទី២។

ការព្រមាននេះបានធ្វើឡើង បន្ទាប់ពីការសិក្សានៅប្រទេសឈីលីនាពេលថ្មីៗបានបង្ហាញថា វ៉ាក់សាំងនេះ មានប្រសិទ្ធភាព៨០ភាគរយ ប្រឆាំងនឹងការស្លាប់ដោយសារជំងឺកូវីដ-១៩។

យោងតាមការសិក្សាដែលចេញផ្សាយដោយរដ្ឋាភិបាលឈីលីបានបង្ហាញថា វ៉ាក់សាំង Sinovac ក៏មានប្រសិទ្ធភាព៦៧ភាគរយផងដែរ ក្នុងការការពារការចេញរោគសញ្ញា, ៨៩ភាគរយមានប្រសិទ្ធភាពក្នុងការបញ្ជូនទៅព្យាបាលនៅមន្ទីរពេទ្យនិង ៨៩ភាគរយក្នុងការការពារអ្នកជំងឺពីការបញ្ជូនចូលទៅក្នុងបន្ទប់សង្គ្រោះបន្ទាន់៕

ប្រែសម្រួលដោយ៖ Vann Vann

ប្រភព៖ The Time

ចុចអាន៖ វ៉ាក់សាំង Sinovac មានប្រសិទ្ធភាពដល់ទៅ ៨០ភាគរយ ទប់ស្កាត់ការស្លាប់ដោយសារជំងឺកូវីដ-១៩

The post មូលហេតុដែលអ្នកចាំបាច់ត្រូវតែចាក់វ៉ាក់សាំង Sinovac ឲ្យគ្រប់ ២ដូស appeared first on Kampuchea Thmey Daily.

យោងតាមការសិក្សាដែលចេញផ្សាយដោយរដ្ឋាភិបាលឈីលីកាលពីថ្ងៃសុក្រ បានបង្ហាញថា វ៉ាក់សាំង Sinovac ក៏មានប្រសិទ្ធភាព៦៧ភាគរយផងដែរក្នុងការការពារការចេញរោគសញ្ញា, ៨៩ភាគរយមានប្រសិទ្ធភាពក្នុងការបញ្ជូនទៅព្យាបាលនៅមន្ទីរពេទ្យនិង ៨៩ភាគរយក្នុងការការពារអ្នកជំងឺពីការបញ្ជូនចូលទៅក្នុងបន្ទប់សង្គ្រោះបន្ទាន់។

លោក Rodrigo Yanez អនុរដ្ឋមន្រ្តីក្រសួងពាណិជ្ជកម្មរបស់ប្រទេសឈីលី ដែលបង្កើតកិច្ចព្រមព្រៀងមួយជាមួយក្រុមហ៊ុន Sinovac ដើម្បីយកប្រទេសធ្វើជាកន្លែងសាកល្បងវ៉ាក់សាំងនេះ បានប្រាប់ប្រព័ន្ធផ្សព្វផ្សាយថា ទិន្នន័យបានបង្ហាញថា ប្រទេសឈីលីបានធ្វើការសម្រេចយ៉ាងត្រឹមត្រូវ។

ប្រទេសឈីលី បានចាប់ផ្តើមកម្មវិធីចាក់វ៉ាក់សាំងទ្រង់ទ្រាយធំក្នុងខែកុម្ភៈ បន្ទាប់ពីចាក់ជូនបុគ្គលិកសុខាភិបាលកាលពីខែធ្នូឆ្នាំ២០២០ និងខែមករា២០២១។

យោងតាមទិន្នន័យចុងក្រោយពីក្រសួងសុខាភិបាលឈីលីបានឲ្យដឹងថា ប្រជាជនជាង៧.៦ លាននាក់ បានទទួលការចាក់វ៉ាក់សាំងប្រឆាំងវីរុសកូវីដ-១៩នៅក្នុងប្រទេស ខណៈ៥.២លាននាក់បានទទួលដូសទាំងពីរ៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ វ៉ាក់សាំង Sinovac របស់ចិន ទទួលបានការសរសើរថា មានប្រសិទ្ធភាពខ្ពស់ ពីប្រទេសនៅ អាមេរិកឡាទីន

The post វ៉ាក់សាំង Sinovac មានប្រសិទ្ធភាពដល់ទៅ ៨០ភាគរយ ទប់ស្កាត់ការស្លាប់ដោយសារជំងឺកូវីដ-១៩ appeared first on Kampuchea Thmey Daily.

រដ្ឋមន្រ្តីក្រសួងវិទ្យាសាស្ត្រ បច្ចេកវិទ្យា ចំណេះដឹងនិងការច្នៃប្រឌិតលោក Andres Couve បានធ្វើអត្ថាធិប្បាយបែបនេះ ខណៈពេលឈីលី ទទួលបានវ៉ាក់សាំងនេះជាលើកទី៨ មកកាន់ប្រទេស។

មន្ត្រីរូបនេះបានដកស្រង់ការសិក្សាមួយ ដែលរដ្ឋាភិបាលឈីលីបង្ហាញកាលពីថ្ងៃសុក្រ ដែលកត់សម្គាល់ថា វ៉ាក់សាំង CoronaVac មានប្រសិទ្ធភាព៦៧ភាគរយ ក្នុងការការពាររោគសញ្ញានៃជំងឺកូវីដ-១៩។

ការសិក្សាក៏បានបង្ហាញផងដែរថា វ៉ាក់សាំងនេះមានប្រសិទ្ធិភាពរហូតដល់ទៅ៨៥ភាគរយ ក្នុងការទប់ស្កាត់ការចូលទៅព្យាបាលក្នុងមន្ទីរពេទ្យ, ៨៩ភាគរយក្នុងការទប់ស្កាត់ការបញ្ជូនទៅកាន់បន្ទប់សង្គ្រោះបន្ទាន់និង ៨០ភាគរយទប់ស្កាត់ការស្លាប់ដែលបង្កឡើងដោយវីរុស។

ប្រទេសឈីលី បានចាប់ផ្តើមកម្មវិធីចាក់វ៉ាក់សាំងទ្រង់ទ្រាយធំក្នុងខែកុម្ភៈ បន្ទាប់ពីចាក់ជូនបុគ្គលិកសុខាភិបាលកាលពីខែធ្នូឆ្នាំ២០២០ និងខែមករា២០២១។

យោងតាមទិន្នន័យចុងក្រោយពីក្រសួងសុខាភិបាលឈីលីបានឲ្យដឹងថា ប្រជាជនជាង៧.៦ លាននាក់ បានទទួលការចាក់វ៉ាក់សាំងប្រឆាំងវីរុសកូវីដ-១៩នៅក្នុងប្រទេស ខណៈ៥.២លាននាក់បានទទួលដូសទាំងពីរ។

គិតត្រឹមម៉ោង៣រសៀលថ្ងៃចន្ទនេះ ប្រទេសឈីលីបានកត់ត្រាការឆ្លងជំងឺកូវីដ-១៩សរុប១,១២៤,៧១៨ករណី ស្លាប់ ២៥,១៧៧នាក់និងជាសះស្បើយ ១,០៥៣,៦៣៥នាក់៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ កុំព្រួយ! វ៉ាក់សាំងកូវីដ-១៩ មិនប៉ះពាល់ដល់វដ្តរដូវស្ត្រីទេ

The post វ៉ាក់សាំង Sinovac របស់ចិន ទទួលបានការសរសើរថា មានប្រសិទ្ធភាពខ្ពស់ ពីប្រទេសនៅ អាមេរិកឡាទីន appeared first on Kampuchea Thmey Daily.