ប្រទេស បារ៉ែន ក៏បាននិយាយដែរថា ខ្លួននឹងចាក់វ៉ាក់សាំងដូសទី៣ ក្នុងរយៈពេលយ៉ាងហោចណាស់ប្រាំមួយខែ បន្ទាប់ពីការចាក់ដូសទី២ ដោយចាប់ផ្តើមជាមួយក្រុមមនុស្សងាយរងគ្រោះមុនគេ។

អាជ្ញាធរគ្រប់គ្រងវិបត្តិនិងគ្រោះមហន្តរាយជាតិ (NCEMA) បាននិយាយថា ការចាក់របស់អារ៉ាប់រួម គឺជាផ្នែកមួយនៃ “យុទ្ធសាស្ត្រសកម្មរបស់ខ្លួន ក្នុងការផ្តល់ការការពារអតិបរិមាសម្រាប់សង្គម” ដោយផ្តល់អាទិភាពដល់អ្នកដែលមានអាយុលើស៦០ឆ្នាំ ឬកំពុងមានជំងឺរ៉ាំរ៉ៃ។

អង្គការសុខភាពពិភពលោក (WHO) ដែលកាលពីសប្តាហ៍មុនបានអនុម័តវ៉ាក់សាំង Sinopharm សម្រាប់ការប្រើប្រាស់ជាបន្ទាន់ បាននិយាយថា ការសាកល្បងទ្រង់ទ្រាយធំដំណាក់កាលទី៣ បានបង្ហាញថា វ៉ាក់សាំងទាំង២ដូសដែលចាក់ចន្លោះពេល២១ថ្ងៃ គឺមានប្រសិទ្ធភាព៧៩ភាគរយប្រឆាំងនឹងការឆ្លងជំងឺកូវីដ-១៩។

គួរបញ្ជាក់ថា ប្រទេសអារ៉ាប់រួម ដែលជាមជ្ឈមណ្ឌលជំនួញនិងទេសចរណ៍ក្នុងតំបន់មានប្រជាជនប្រមាណ ៩លាននាក់ បានចាក់វ៉ាក់សាំងប្រហែល៧៣ភាគរយទៅហើយ លើប្រជាជនមានសិទ្ធិទទួលបានរបស់ខ្លួន៕

ប្រែសម្រួល៖ Vann Vann

ប្រភព៖ Reuters

ចុចអាន៖ អ្នកណាខ្លះបានចាក់វ៉ាក់សាំង Sinopharm? នេះជាអ្វីគួរដឹងពីវ៉ាក់សាំងដែល WHO ទើបទទួលស្គាល់នេះ

The post ខ្លាចការពារមិនជាប់! មានប្រទេស២ហើយ សម្រេចចាក់វ៉ាក់សាំង Sinopharm បន្ថែមដូសទី៣ appeared first on Kampuchea Thmey Daily.

សេចក្តីថ្លែងការណ៍របស់អាជ្ញាធរគ្រប់គ្រងសុខភាពជាតិកាលពីថ្ងៃអាទិត្យមិនបានបញ្ជាក់ទេថាតើវ៉ាក់សាំងមួយណាក្នុងចំណោមវ៉ាក់សាំងពីរដែលត្រូវបានបង្កើតឡើងដោយក្រុមហ៊ុន Sinopharm បានទទួលការយល់ព្រមប៉ុន្តែបានដកស្រង់ទិន្នន័យពីការសាកល្បងដំណាក់កាលទី៣ដែលបង្ហាញពីអត្រាប្រសិទ្ធភាព៨៦ភាគរយនិងបាននិយាយថា ប្រទេសបារ៉ែនបានចូលរួម។

ក្រសួងសុខាភិបាលបារ៉ែនបាននិយាយនៅក្នុងសេចក្តីថ្លែងការណ៍មួយថា ប្រជាជនដែលមានអាយុលើសពី១៨ឆ្នាំអាចចុះឈ្មោះដើម្បីទទួលបានវ៉ាក់សាំងនេះដោយឥតគិតថ្លៃ។

ទិន្នន័យដែលបានដកស្រង់គឺដូចគ្នាទៅនឹងការប្រកាសកាលពីដើមខែនេះដោយប្រទេសអារ៉ាប់រួមពីការវិភាគបណ្តោះអាសន្ននៃការសាកល្បងដំណាក់កាលចុងក្រោយសម្រាប់វ៉ាក់សាំងដែលត្រូវបានបង្កើតឡើងដោយវិទ្យាស្ថានផលិតផលជីវសាស្ត្រទីក្រុងប៉េកាំង។ វិទ្យាស្ថាននេះជាអង្គភាពមួយនៃក្រុម China National Biotec Group (CNBG) របស់ក្រុមហ៊ុន Sinopharm។

សេចក្តីថ្លែងការណ៍របស់បារ៉ែនបាននិយាយថា ប្រទេសនេះបានចូលរួមក្នុងការសាកល្បងវ៉ាក់សាំងដំណាក់កាលទី៣ហើយបានអនុញ្ញាតឲ្យប្រើប្រាស់ជាបន្ទាន់សម្រាប់អ្នកជំនាញជួរមុខ។

រឿងនេះបានកើតឡើងបន្ទាប់ពីប្រទេសប៉េរូ ផ្អាកការសាកល្បងវ៉ាក់សាំងរបស់ក្រុមហ៊ុន Sinopharm ដោយសារតែមានបញ្ហាសរសៃប្រសាទកើតឡើងជាមួយអ្នកស្ម័គ្រចិត្តម្នាក់។

ក្រសួងសុខាភិបាលបាននិយាយថា ព្រឹត្តិការណ៍នេះកំពុងស្ថិតក្រោមការស៊ើបអង្កេតដើម្បីកំណត់ថាតើវាទាក់ទងនឹងវ៉ាក់សាំងឬមានការពន្យល់ផ្សេងទៀតដែរឬក៏អត់។

គួរបញ្ជាក់ថា ក្រុមហ៊ុន Sinopharm កំពុងធ្វើការសាកល្បងនៅប្រទេសប៉េរូជាមួយអ្នកស្ម័គ្រចិត្តប្រហែល១២,០០០នាក់ហើយពួកគេត្រៀមនឹងបញ្ចប់ការសាកល្បងដំណាក់កាលដំបូង៕

ប្រែសម្រួលដោយ៖ Vann Vann

ប្រភព៖ CNN

ចុចអាន៖ អាមេរិកចាប់ផ្តើមប្រតិបត្តិការចែកចាយវ៉ាក់សាំងក្រុមហ៊ុន Pfizer-BioNTech ទ្រង់ទ្រាយធំ (មានវីដេអូ)

ចុចអាន៖ អ្នកស្ម័គ្រចិត្តធ្វើតេស្តមានបញ្ហាសរសៃប្រសាទក្រោយសាកល្បងវ៉ាក់សាំងរបស់​ចិន

The post ប្រទេសអាស៊ីមួយអនុញ្ញាតឲ្យប្រើប្រាស់វ៉ាក់សាំងចិន ទោះអ្នកធ្វើតេស្តមានបញ្ហាសរសៃប្រសាទ appeared first on Kampuchea Thmey Daily.

ទីភ្នាក់ងារសារព័ត៌មានជាតិបារ៉ែន BNA បានរាយការណ៍ថា ការអនុម័តកាលពីថ្ងៃសុក្របានធ្វើឲ្យបារ៉ែនក្លាយជាប្រទេសទី២នៅលើពិភពលោកដែលអនុញ្ញាតឲ្យប្រើប្រាស់ជាបន្ទាន់សម្រាប់វ៉ាក់សាំងនេះបន្ទាប់ពីចក្រភពអង់គ្លេសបានក្លាយជាប្រទេសទីមួយកាលពីថ្ងៃពុធ។

អាជ្ញាធរគ្រប់គ្រងសុខភាពជាតិបារ៉ែនបាននិយាយថា “បារ៉ែនបានយល់ព្រមលើវ៉ាក់សាំងកូវីដរបស់ Pfizer / BioNTech ដែលនឹងត្រូវប្រើលើក្រុមដែលមានហានិភ័យខ្ពស់”។

ទោះបីជាយ៉ាងណាក៏ដោយ បារ៉ែនមិនបាននិយាយថាតើខ្លួនបានទិញវ៉ាក់សាំងនេះចំនួនប៉ុន្មានឬពេលណាទើបចាក់វ៉ាក់សាំងនេះនឹងត្រូវចាប់ផ្តើមចាក់នោះទេ។ ភ្លាមៗនេះ ខ្លួនក៏មិនបានឆ្លើយតបទៅនឹងសំណួររបស់ទីភ្នាក់ងារសារព័ត៌មាន The Associated Press ដែរ។

បញ្ហាប្រឈមសម្រាប់ប្រទេសបារ៉ែនគឺលក្ខខណ្ឌដែលត្រូវចាក់វ៉ាក់សាំង។ វ៉ាក់សាំងត្រូវតែដឹកជញ្ជូននិងរក្សាទុកនៅសីតុណ្ហភាពត្រជាក់ខ្លាំងដល់ដក៧០អង្សាសេឯណោះ។

បារ៉ែនជាប្រទេសមជ្ឈិមបូព៌ាដែលតែងតែមានសីតុណ្ហភាពជាប្រចាំនៅរដូវក្តៅប្រហែល៤០ជាមួយនឹងសំណើមខ្ពស់៕

ប្រែសម្រួលដោយ៖ Vann Vann

ប្រភព៖ Al Jazeera

ចុចអាន៖ ក្រុមហ៊ុន Moderna មានទំនុកចិត្តផលិតវ៉ាក់សាំងកូវីដចំនួន៥០០លានដូសក្នុងឆ្នាំ២០២១

ចុចអាន៖ អង់គ្លេស ហ៊ានផ្តល់សំណងខ្ទង់សែនដុល្លារបើអ្នកចាក់វ៉ាក់សាំងហើយ រងផលប៉ះពាល់ធ្ងន់ធ្ងរ

The post ប្រទេសមួយទៀតអនុញ្ញាតឲ្យប្រើប្រាស់វ៉ាក់សាំងរបស់ក្រុមហ៊ុន Pfizer បន្ទាប់ពីអង់គ្លេស appeared first on Kampuchea Thmey Daily.