តុលាការបានរកឃើញថា លោកស្រី Áñez ដែលកាន់តំណែងចាប់ពីឆ្នាំ ២០១៩ ដល់ ២០២០ មានពិរុទ្ធពីបទ​​ ធ្វើការសម្រេចចិត្តផ្ទុយនឹងរដ្ឋធម្មនុញ្ញ។

យ៉ាងណាក្តី លោកស្រី Áñez អាយុ៥៤ឆ្នាំ បាននិយាយម្តងហើយម្តងទៀតថា លោកស្រីគឺជាជនរងគ្រោះនៃការសងសឹកខាងនយោបាយប៉ុណ្ណោះ។

បន្ទាប់​ពី​សាលក្រម​កាលពី​ថ្ងៃ​សុក្រ មេធាវី​ការពារ​ក្តី​របស់លោកស្រី Áñez បាន​និយាយ​ថា លោកស្រី​នឹង​អំពាវនាវ​ដល់​អង្គការ​អន្តរជាតិ​ សុំរក​យុត្តិធម៌។

លោក Morales បានលាលែងតំណែង ហើយរត់ភៀសខ្លួនចេញពីប្រទេសបូលីវី បន្ទាប់ពីមេទ័ព ជំរុញឲ្យគាត់ចុះចេញពីតំណែង ចំពេលមានបាតុកម្មជុំវិញការចោទប្រកាន់ ពីបទក្លែងបន្លំសន្លឹកឆ្នោត។

ស្របពេលជាមួយគ្នានោះ អតីត​ប្រធានាធិបតីលោកស្រី Áñez ​បានរិះគន់នូវ​អ្វី​ដែល​លោកស្រី​ពណ៌នា​ថា ​ជា​ការ​ធ្វើទុក្ខបុកម្នេញ​ផ្នែក​នយោបាយ​ដោយ​គណបក្សសង្គមនិយម Mas របស់​លោក Morales។

គួរបញ្ជាក់ថា គណបក្ស Mas បានឈ្នះឆ្នោតភ្លូកទឹកភ្លូកដី នៅក្នុងការបោះឆ្នោតប្រធានាធិបតី និងសភាឆ្នាំ ២០២០ ដោយបើកផ្លូវឲ្យលោក Morales វិលត្រឡប់ពីប្រទេសអាហ្សង់ទីន ចូលប្រទេស បូលីវី វិញ ហើយចូលកាន់តំណែងជាមេដឹកនាំបក្សសាជាថ្មី៕

ប្រែសម្រួល៖ Vann Vann

ប្រភព៖ BBC

ចុចអាន៖ តំណាងរាស្រ្ត បូលីវី ឈ្លោះគ្នាវាយបោចសក់ ផ្អើលពេញសភា (មានវីដេអូ)

The post អតីតប្រធានាធិបតីបូលីវី ជាប់ពន្ធនាគារ ១០ឆ្នាំ ពាក់ព័ន្ធការធ្វើរដ្ឋប្រហារ appeared first on Kampuchea Thmey Daily.

ការវាយតប់គ្នា បានផ្ទុះឡើងរវាងអ្នកនយោបាយគណបក្សប្រឆាំងលោក Henry Montero និងសមាជិកនៃគណបក្សសង្គមនិយម MAS ដែលកំពុងកាន់អំណាចលោក Antonio Colque ក្នុងទីក្រុង La Paz កាលពីថ្ងៃអង្គារ។

គណបក្សទាំងពីរមិនយល់ស្របគ្នាទៅលើរឿងដែលថា លោក Áñez ដឹកនាំរដ្ឋាភិបាលអន្តរកាលស្របច្បាប់ បន្ទាប់ពីការលួចបន្លំសន្លឹកឆ្នោត ឬការធ្វើរដ្ឋប្រហារដើម្បីផ្តួលរំលំអតីតប្រធានាធិបតីលោក Evo Morales។

ខ្សែវីដេអូនៃការប្រយុទ្ធនេះ បានបង្ហាញលោក Colque វាយលោក Montero ខណៈអ្នកឈរមើលកំពុងព្យាយាមបំបែកអ្នកទាំងពីរ។

ស្របពេលជាមួយគ្នានោះដែរ ការប្រយុទ្ធមួយទៀតក៏បានផ្ទុះឡើងផងដែរ រវាងតំណាងរាស្រ្តស្រ្តី២នាក់ឈ្មោះ Tatiana Áñez de Creemos និង María Alanoca នៅក្បែរនោះ។

ស្រ្តីម្នាក់បានចាប់បោចសក់ ម្នាក់ទៀត ហើយភ្លាមៗនោះ ក៏មានការចូលអន្តរាគមន៍បំបែក៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ មើលហើយរន្ធត់! ថតជាប់ស្ដែងៗ និស្សិតបូលីវីប្រមូលផ្តុំគ្នាលើបង្កាន់ដៃជាន់ទី ៤ បាក់ធ្លាក់ស្លាប់ ៧ នាក់

The post តំណាងរាស្រ្ត បូលីវី ឈ្លោះគ្នាវាយបោចសក់ ផ្អើលពេញសភា (មានវីដេអូ) appeared first on Kampuchea Thmey Daily.

រឿងនេះបានកើតឡើងនៅក្នុងតំបន់ Alto K’ara K’ara នៃទីក្រុង Cochabamba កណ្តាលប្រទេសបូលីវីបន្ទាប់ពីជនរងគ្រោះវ័យក្មេងនិងប្អូនស្រីអាយុ៤ឆ្នាំរបស់នាងបានលួចស្ករគ្រាប់ពីហាងក្នុងតំបន់។

តាមសេចក្តីរាយការណ៍បានឲ្យដឹងថា ស្ត្រីជាម្តាយក៏ចង់ដុតដៃកូនស្រីពៅរបស់នាងដែរប៉ុន្តែនាងបានរត់គេចនៅពេលឃើញបងស្រីរបស់នាងទទួលរងនូវការដាក់ទណ្ឌកម្មដ៏រន្ធត់នេះ។

ម្តាយបង្កើតនិងឪពុកចុងរបស់ក្មេងដែលរងរបួសត្រូវបានចាប់ខ្លួនបើទោះបីជាក្រោយមក ស្រ្តីជាម្តាយត្រូវបានដោះលែងវិញដោយសារតែនាងមានផ្ទៃពោះ៦ខែក៏ដោយ។ ចៅក្រមបានបញ្ជាឲ្យស្រ្តីជាម្តាយដែលមានផ្ទៃពោះ៦ខែត្រូវរង់ចាំរហូតដល់នាងសម្រាលកូនសិនទើបអាចមកជំនុំជម្រះក្តីបាន។

ការធ្វើទារុណកម្មនេះបានកើតឡើងបន្ទាប់ពីម្ចាស់ហាងបានមើលវីដេអូកាមេរ៉ាសុវត្ថិភាពឃើញក្មេងទាំងពីរលួចស្ករគ្រាប់ហើយបានប្រាប់ទៅឪពុកម្តាយរបស់ក្មេង។

ក្មេងស្រីអាយុ៦ឆ្នាំបានរងរបួសដៃធ្ងន់ធ្ងរកម្រិត២ប៉ុន្តែនាងមិនមានគ្រោះថ្នាក់ដល់អាយុជីវិតទេហើយកំពុងសម្រាកព្យាបាលនៅក្នុងមន្ទីរពេទ្យ។

នាងចាំបាច់ត្រូវធ្វើការវះកាត់ដៃយ៉ាងហោចណាស់បួនដងក៏ដូចជាការព្យាបាលដទៃទៀតដែលទាក់ទងនឹងការប៉ះទង្គិចខាងផ្លូវចិត្តដែលបង្កឡើងដោយឧប្បត្តិហេតុដ៏រន្ធត់នេះផងដែរ។

ប្អូនស្រីរបស់នាងកំពុងស្ថិតក្រោមការមើលថែរបស់អ្នកធ្វើការផ្នែកសង្គមនៅមជ្ឈមណ្ឌលការពារកុមារនិងយុវវ័យ។

ស្ត្រីជាម្តាយបាននិយាយថា នាងមានការសោកស្តាយហើយនាងគ្រាន់តែចង់បង្រៀនមេរៀនដល់កូនស្រីកុំឲ្យលួចរបស់អ្នកដទៃប៉ុណ្ណោះ៕

ប្រែសម្រួលដោយ៖ Vann Vann

ប្រភព៖ Daily Star

ចុចអាន៖ ប្តីប្រពន្ធមួយគូ ជាប់គុកម្នាក់១៩៤ឆ្នាំដោយសារធ្វើទារុណកម្មកុមារ

ចុចអាន៖ ឪពុក ម្ដាយ ចិញ្ចឹម ធ្វើ​ទារុណកម្ម​​កូន​រហូត​ដល់​ស្លាប់

The post ម្តាយ ចងហើយដុតដៃកូនស្រីបង្កើតអាយុ៦ឆ្នាំដោយសារលួចស្ករគ្រាប់ appeared first on Kampuchea Thmey Daily.

ករណីវាយធ្វើបាបលើក្មេងតូចរូបនេះកំពុងស្ថិតក្រោមការស៊ើបអង្កេតបន្ទាប់ពីរូបថតនៃស្នាមរបួសរបស់ក្មេងត្រូវបានគេផ្សព្វផ្សាយនៅលើបណ្តាញសង្គម។

ហេតុការណ៍នេះបានកើតឡើងនៅទីប្រជុំជន Warnes ក្បែរទីក្រុង Santa Cruz នៃប្រទេស បូលីវី នៅពេលជនរងគ្រោះត្រូវបានទុកឲ្យបងស្រីមើលថែក្នុងផ្ទះជួល។

របាយការណ៍ក្នុងតំបន់និយាយថា ជនសង្ស័យនៅក្នុងបទឧក្រិដ្ឋនេះត្រូវបានគេស្គាល់ថាជាក្មួយស្រីរបស់ម្ចាស់ផ្ទះជួល។

យោងតាមបងស្រីរបស់ក្មេងប្រុសម្នាក់នេះបានឲ្យដឹងថា ក្មួយស្រីម្ចាស់ផ្ទះបានចោទក្មេងប្រុសថាបានធ្វើឲ្យខូចកាតឥណទាននិងស្រោមទូរស័ព្ទហើយបានវាយក្មេងជាមួយនឹងខ្សែដែកឬដំបងដែក។

រូបភាពនៃរបួសដ៏គួរឲ្យតក់ស្លុតនេះត្រូវបានគេចែកចាយពាសពេញប្រព័ន្ធផ្សព្វផ្សាយសង្គមដែលជាហេតុជំរុញឲ្យរដ្ឋមន្រ្តីក្រសួងមហាផ្ទៃលោក Eduardo del Castillo អំពាវនាវឲ្យមានការស៊ើបអង្កេត។

មន្ត្រីសន្តិសុខសង្គមឈ្មោះ Glen Antelo បានអះអាងថា ធ្លាប់មានការទាស់ទែងគ្នារវាងក្មួយស្រីម្ចាស់ផ្ទះជួលនិងក្មេងៗទាំងនេះកាលពីមុន។

លោក Del Castillo និយាយថា ជនសង្ស័យត្រូវបានចាប់ខ្លួន។

ស្ត្រីម្នាក់ទៀតដែលគេមិនបង្ហាញអត្តសញ្ញាណក៏ត្រូវបានឃុំខ្លួនផងដែរពាក់ព័ន្ធនឹងការរំលោភបំពាននេះ៕

ប្រែសម្រួលដោយ៖ Vann Vann

ប្រភព៖ Daily Star

The post ត្រឹមរឿងប៉ុណ្ណឹងសោះ ក្មួយស្រីម្ចាស់ផ្ទះជួល វាយក្មេងអាយុ២ឆ្នាំស្ទើរស្លាប់ appeared first on Kampuchea Thmey Daily.