តំណាងរាស្រ្ត បូលីវី ឈ្លោះគ្នាវាយបោចសក់ ផ្អើលពេញសភា (មានវីដេអូ)

វីដេអូឃ្លីបដ៏ភ្ញាក់ផ្អើលមួយ​ បានបង្ហាញពីភាពវឹកវរនៅក្នុងសភាប្រទេសបូលីវី ខណៈពេលដែលអ្នកនយោបាយប្រឆាំងគ្នា បានវាយតប់គ្នា អំឡុងពេលជជែកវែកញែកជុំវិញការឃុំខ្លួនអតីតប្រធានាធិបតី Jeanine Áñez។

ការវាយតប់គ្នា បានផ្ទុះឡើងរវាងអ្នកនយោបាយគណបក្សប្រឆាំងលោក Henry Montero និងសមាជិកនៃគណបក្សសង្គមនិយម MAS ដែលកំពុងកាន់អំណាចលោក Antonio Colque ក្នុងទីក្រុង La Paz កាលពីថ្ងៃអង្គារ។

គណបក្សទាំងពីរមិនយល់ស្របគ្នាទៅលើរឿងដែលថា លោក Áñez ដឹកនាំរដ្ឋាភិបាលអន្តរកាលស្របច្បាប់ បន្ទាប់ពីការលួចបន្លំសន្លឹកឆ្នោត ឬការធ្វើរដ្ឋប្រហារដើម្បីផ្តួលរំលំអតីតប្រធានាធិបតីលោក Evo Morales។

ខ្សែវីដេអូនៃការប្រយុទ្ធនេះ បានបង្ហាញលោក Colque វាយលោក Montero ខណៈអ្នកឈរមើលកំពុងព្យាយាមបំបែកអ្នកទាំងពីរ។

ស្របពេលជាមួយគ្នានោះដែរ ការប្រយុទ្ធមួយទៀតក៏បានផ្ទុះឡើងផងដែរ រវាងតំណាងរាស្រ្តស្រ្តី២នាក់ឈ្មោះ Tatiana Áñez de Creemos និង María Alanoca នៅក្បែរនោះ។

ស្រ្តីម្នាក់បានចាប់បោចសក់ ម្នាក់ទៀត ហើយភ្លាមៗនោះ ក៏មានការចូលអន្តរាគមន៍បំបែក៕

វីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ មើលហើយរន្ធត់! ថតជាប់ស្ដែងៗ និស្សិតបូលីវីប្រមូលផ្តុំគ្នាលើបង្កាន់ដៃជាន់ទី ៤ បាក់ធ្លាក់ស្លាប់ ៧ នាក់