ការផ្ទុះបានកើតឡើងនៅក្រុង Apiate ចន្លោះទីប្រជុំជន Bogoso និង Bawdie ក្នុងតំបន់ភាគខាងលិចប្រទេស ខណៈរថយន្តដឹកគ្រឿងផ្ទុះកំពុងធ្វើដំណើរទៅកាន់អណ្តូងរ៉ែមាស Chirano ដែលដំណើរការដោយក្រុមហ៊ុន Kinross មានមូលដ្ឋាននៅប្រទេសកាណាដា។

វីដេអូពីកន្លែងកើតហេតុដែលបង្ហោះលើប្រព័ន្ធផ្សព្វផ្សាយសង្គមកាលពីថ្ងៃព្រហស្បតិ៍ទី២០ខែមករា បានបង្ហាញពីតំបន់ផ្ទុះ ដោយអគារជាច្រើនត្រូវកម្ទេច បាក់រលំក្លាយជាសំណល់។

ប៉ូលិសបានចេញសេចក្តីថ្លែងការណ៍មួយដោយនិយាយថា “ការស៊ើបអង្កេតបឋមបានរកឃើញថា រថយន្តដឹកមីន បានបុកជាមួយម៉ូតូដែលបណ្តាលឲ្យមានការផ្ទុះនេះ”។

សាធារណជន​ត្រូវ​បាន​ណែនាំឲ្យ​ចាក​ចេញពី​តំបន់កើតហេតុ ​ទៅកាន់​ទីប្រជុំជន​នានានៅក្បែរ​នោះ​ដើម្បី​សុវត្ថិភាព​របស់​ពួកគេ ខណៈ​កិច្ចប្រឹងប្រែង​សង្គ្រោះ​កំពុង​ដំណើរការ​។

លោក Seji Saji Amedonu អគ្គនាយករងនៃអង្គការគ្រប់គ្រងគ្រោះមហន្តរាយជាតិ (NADMO) បាននិយាយថា អគារចំនួន ៥០០ ត្រូវបានបំផ្លាញ។

ស្របពេលជាមួយគ្នានោះ មន្ត្រី​គ្រាអាសន្ន​ប្រចាំ​តំបន់ក៏​បាន​ប្រាប់​ប្រព័ន្ធ​ផ្សព្វផ្សាយ​ក្នុងស្រុក​ផងដែរថា លោក​បាន​ឃើញ​សាកសព​មនុស្សចំនួន​១០​នាក់​៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Al Jazeera

ចុចអាន៖ រថយន្តដឹកប្រេងកំពុងឆេះ បែរនាំគ្នាទៅប្រមូលប្រេងធ្លាយ ស្រាប់តែផ្ទុះស្លាប់ជាង៦០នាក់ នៅហៃទី

The post រថយន្តដឹកមីន ជួបគ្រោះថ្នាក់ចរាចរណ៍នៅ ហ្គាណា បង្កជាការផ្ទុះដ៏អន្តរាយ appeared first on Kampuchea Thmey Daily.

វ៉ាក់សាំង AstraZeneca ចំនួន៦០០,០០០ដូស បានទៅដល់ទីក្រុង Accra កាលពីថ្ងៃពុធម្សិលមិញនេះ។ អ្នកចាក់វ៉ាក់សាំងដំបូងគេគឺ បុគ្គលិកសុខាភិបាល។

កម្មវិធី Covax មានគោលបំណងកាត់បន្ថយការបែងចែក រវាងប្រទេសអ្នកមាននិងប្រទេសអ្នកក្រដែលមិនអាចទិញវ៉ាក់សាំងបាន។

កម្មវិធីនេះ គ្រោងនឹងចែកចាយវ៉ាក់សាំងប្រហែល២ពាន់លានដូស នៅទូទាំងពិភពលោកត្រឹមចុងឆ្នាំនេះ។

ហ្គាណា ដែលមានប្រជាជនជាង៣០លាននាក់ ត្រូវបានជ្រើសរើសជាប្រទេសទទួលវ៉ាក់សាំងឥតគិតថ្លៃដំបូងគេ បន្ទាប់ពីសន្យាថានឹងចែកចាយយ៉ាងឆាប់រហ័សនិងបំពេញតាមលក្ខណៈវិនិច្ឆ័យដែលកំណត់ដោយ Covax។

សម្ព័ន្ធភាព Covax និយាយថា ការចែកចាយបន្តទៀតត្រូវបានគេរំពឹងថា នឹងទៅដល់ប្រទេសជិតខាង កូតឌីវ័រ នៅចុងសប្តាហ៍នេះ។

វ៉ាក់សាំងដែលប្រគល់ទៅទីក្រុង Accra គឺត្រូវបានផលិតដោយវិទ្យាស្ថាន Serum នៃប្រទេសឥណ្ឌា ហើយត្រូវបានអភិវឌ្ឍដោយក្រុមហ៊ុន AstraZeneca និងសកលវិទ្យាល័យ Oxford។

វ៉ាក់សាំងនេះត្រូវបានយល់ព្រមដោយអង្គការសុខភាពពិភពលោក (WHO) ហើយការចាក់វ៉ាក់សាំងនៅប្រទេសហ្គាណា មិនមែនជាផ្នែកនៃការសាកល្បងនោះទេ៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ មាន​ខ្មែរ ០៥ នាក់ រស់នៅ​រាជធានី​ភ្នំពេញ បាន​ឆ្លង​ក្នុង​ចំណោម ៥៨ នាក់

ចុចអាន៖ វ៉ាក់សាំងកូវីដចាក់តែមួយដូស មានសុវត្ថិភាពនិងប្រសិទ្ធភាព

The post ប្រទេសដំបូងបំផុត ទទួលបានវ៉ាក់សាំងកូវីដពីកម្មវិធី Covax appeared first on Kampuchea Thmey Daily.