ព័ត៌មានអន្ដរជាតិ
រថយន្តដឹកមីន ជួបគ្រោះថ្នាក់ចរាចរណ៍នៅ ហ្គាណា បង្កជាការផ្ទុះដ៏អន្តរាយ
រថយន្តដឹកគ្រឿងផ្ទុះដែលប្រើក្នុងការរុករករ៉ែ បានបុកជាមួយម៉ូតូមួយគ្រឿង ហើយផ្ទុះឡើងនៅភាគខាងលិចប្រទេសហ្គាណា ដោយបណ្តាលឲ្យមនុស្សច្រើននាក់ស្លាប់ និងច្រើននាក់ទៀតរងរបួស។

ការផ្ទុះបានកើតឡើងនៅក្រុង Apiate ចន្លោះទីប្រជុំជន Bogoso និង Bawdie ក្នុងតំបន់ភាគខាងលិចប្រទេស ខណៈរថយន្តដឹកគ្រឿងផ្ទុះកំពុងធ្វើដំណើរទៅកាន់អណ្តូងរ៉ែមាស Chirano ដែលដំណើរការដោយក្រុមហ៊ុន Kinross មានមូលដ្ឋាននៅប្រទេសកាណាដា។
វីដេអូពីកន្លែងកើតហេតុដែលបង្ហោះលើប្រព័ន្ធផ្សព្វផ្សាយសង្គមកាលពីថ្ងៃព្រហស្បតិ៍ទី២០ខែមករា បានបង្ហាញពីតំបន់ផ្ទុះ ដោយអគារជាច្រើនត្រូវកម្ទេច បាក់រលំក្លាយជាសំណល់។

ប៉ូលិសបានចេញសេចក្តីថ្លែងការណ៍មួយដោយនិយាយថា “ការស៊ើបអង្កេតបឋមបានរកឃើញថា រថយន្តដឹកមីន បានបុកជាមួយម៉ូតូដែលបណ្តាលឲ្យមានការផ្ទុះនេះ”។
សាធារណជនត្រូវបានណែនាំឲ្យចាកចេញពីតំបន់កើតហេតុ ទៅកាន់ទីប្រជុំជននានានៅក្បែរនោះដើម្បីសុវត្ថិភាពរបស់ពួកគេ ខណៈកិច្ចប្រឹងប្រែងសង្គ្រោះកំពុងដំណើរការ។

លោក Seji Saji Amedonu អគ្គនាយករងនៃអង្គការគ្រប់គ្រងគ្រោះមហន្តរាយជាតិ (NADMO) បាននិយាយថា អគារចំនួន ៥០០ ត្រូវបានបំផ្លាញ។
ស្របពេលជាមួយគ្នានោះ មន្ត្រីគ្រាអាសន្នប្រចាំតំបន់ក៏បានប្រាប់ប្រព័ន្ធផ្សព្វផ្សាយក្នុងស្រុកផងដែរថា លោកបានឃើញសាកសពមនុស្សចំនួន១០នាក់៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Al Jazeera
ចុចអាន៖ រថយន្តដឹកប្រេងកំពុងឆេះ បែរនាំគ្នាទៅប្រមូលប្រេងធ្លាយ ស្រាប់តែផ្ទុះស្លាប់ជាង៦០នាក់ នៅហៃទី

-
ព័ត៌មានអន្ដរជាតិ៤ ថ្ងៃ ago
ពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
ព័ត៌មានអន្ដរជាតិ១ ថ្ងៃ ago
ផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
សន្តិសុខសង្គម២ ថ្ងៃ ago
អាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ៦ ថ្ងៃ ago
រុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៥ ថ្ងៃ ago
កម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៦ ថ្ងៃ ago
ជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៦ ថ្ងៃ ago
ក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ៦ ថ្ងៃ ago
PTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ