ព័ត៌មានអន្ដរជាតិ
រថយន្តដឹកប្រេងកំពុងឆេះ បែរនាំគ្នាទៅប្រមូលប្រេងធ្លាយ ស្រាប់តែផ្ទុះស្លាប់ជាង៦០នាក់ នៅហៃទី
មនុស្សជាង៦០នាក់បានស្លាប់ បន្ទាប់ពីរថយន្តដឹកប្រេងមួយគ្រឿង បានផ្ទុះឆេះនៅភាគខាងជើងប្រទេស ហៃទី។
សេចក្តីរាយការណ៍បានឲ្យដឹងថា រថយន្តនេះបង្កគ្រោះថ្នាក់ចរាចរណ៍នៅទីក្រុង Cap-Haïtien ហើយជនរងគ្រោះ បានព្យាយាមទៅប្រមូលប្រេងដែលលេចធ្លាយ នៅពេលរថយន្តឆេះ។
មន្ទីរពេទ្យក្នុងស្រុក គឺពោរពេញទៅដោយអ្នករងរបួសនៅក្នុងការផ្ទុះនេះ។
រូបភាពដែលគេបង្ហោះនៅលើប្រព័ន្ធផ្សព្វផ្សាយសង្គម បានបង្ហាញពីការឆាបឆេះយ៉ាងសន្ធោសន្ធៅនៅកន្លែងកើតហេតុក្នុងទីក្រុងធំលំដាប់ទីពីររបស់ប្រទេសហៃទី។ សាក្សីម្នាក់បានពណ៌នាកន្លែងផ្ទុះនោះថា ដូចជា “ឋាននរក”។
មនុស្សរាប់សិបនាក់ បានរងរបួសនៅក្នុងការផ្ទុះនេះ ហើយក្រុមគ្រូពេទ្យក្នុងតំបន់និយាយថា ចំនួនអ្នកស្លាប់នឹងកើនឡើង។
ឧបទ្ទវហេតុនេះបានកើតឡើង ចំពេលដែលប្រទេសហៃទី កំពុងជួបប្រទះនឹងការខ្វះខាតប្រេងឥន្ធនៈយ៉ាងធ្ងន់ធ្ងរ ខណៈក្រុមក្មេងទំនើងដ៏មានអំណាច បានដណ្តើមគ្រប់គ្រងការចែកចាយប្រេងឥន្ធនៈភាគច្រើននៅទូទាំងប្រទេស។
ប្រទេសហៃទី ក៏ស្ថិតក្នុងវិបត្តិសេដ្ឋកិច្ច និងនយោបាយដ៏ធំមួយផងដែរ បន្ទាប់ពីការធ្វើឃាតប្រធានាធិបតី Jovenel Moise កាលពីដើមឆ្នាំនេះ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ BBC
ចុចអាន៖ នាំគ្នាទៅប្រមូលប្រេង ពេលរថយន្តជួបគ្រោះថ្នាក់ ស្រាប់តែផ្ទុះឆេះស្លាប់និងរបួសជិត ២០០ នាក់ (មានវីដេអូ)
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង