ជាមួយគ្នានោះ ធនាគារជាតិនៃកម្ពុជាសូមក្រើនរំឭកដល់អ្នកប្រើប្រាស់ បណ្តាញសង្គម ក៏ដូចជាសាធារណជនទូទៅមេត្តាជ្រាបថា សកម្មភាពបែបនេះបង្កផលប៉ះពាល់ អវិជ្ជមានយ៉ាងខ្លាំងដល់តម្លៃជាតិ។ តាមរយៈនិមិត្តសញ្ញា និងរូបភាពនានានៅលើក្រដាសប្រាក់ រូបិយវត្ថុជាតិឆ្លុះបញ្ចាំងអំពីឯកភាពជាតិ កេរ្ដិ៍ដំណែលប្រវត្តិសាស្ត្រ វប្បធម៌ និងមោទនភាពជាតិ។ យ៉ាងណាមិញ ការបំប្លែងរូបភាពលើក្រដាសប្រាក់រៀល ការសរសេរ ផាត់ពណ៌ ឬទុកដាក់ក្រដាសប្រាក់រៀលមិនត្រឹមត្រូវ ជាការប្រមាថដល់ប្រទេស និងប្រជាជាតិកម្ពុជាទាំងមូលផងដែរ។

យោងតាមមាត្រា៥៣ នៃច្បាប់ស្តីពីការរៀបចំនិងការប្រព្រឹត្តិទៅនៃធនាគារជាតិនៃកម្ពុជា ក្រដាសប្រាក់គឺជាទម្រង់មួយនៃ ទ្រព្យសម្បត្តិ ហើយបុគ្គលដែលកាន់មានកាតព្វកិច្ចក្នុងការថែរក្សាឱ្យបានល្អ ដើម្បីប្រើប្រាស់ក្នុងប្រតិបត្តិការ។ ការខូចខាតទ្រង់ទ្រាយ ឬបាត់លក្ខណៈដើមនៃក្រដាសអាចធ្វើឱ្យក្រដាសប្រាក់នេះ បាត់តម្លៃ ឬត្រូវបានដកហូតចេញពីចរាចរណ៍។ ម្យ៉ាងទៀត មាត្រា៦៥ ចែងថា អ្នកក្លែងក្រដាសប្រាក់ ឬកាសដែលជារូបិយវត្ថុមានតម្លៃនីត្យានុកូលនៅលើដែនដីនៃព្រះរាជាណាចក្រកម្ពុជា ឬនៅលើដែនដី នៃរដ្ឋដទៃទៀតនឹងត្រូវបានផ្តន្ទាទោសដាក់ពន្ធនាគារពី២០ឆ្នាំដល់អស់មួយជីវិត៕

The post ធនាគារជាតិអំពាវនាវអ្នកប្រើប្រាស់បណ្ដេញសង្គមបញ្ឈប់ការយកប្រាក់រៀលបំប្លែងរូបភាពផ្សេងៗប៉ះពាល់ដល់តម្លៃជាតិ appeared first on Kampuchea Thmey Daily.

ពិធី​ដាក់​សម្ពោធ​នេះ​ ត្រូវ​បាន​ធ្វើ​ឡើង​ក្រោមវត្តមានលោក​ លី ស៊ីដេត ឧបការីទេសាភិបាល និងជាអគ្គបេឡា ធនាគារជាតិនៃកម្ពុជា ព្រម​ទាំង​លោក Adam Nezval ប្រធានប្រតិបត្តិការសាច់ប្រាក់ និងក្រដាសប្រាក់លក់ដុំ ប្រចាំប្រទេសអូស្រ្តាលី និងប្រទេសនូវែលសេឡង់នៃក្រុមហ៊ុន Travelex ផង​ដែរ​។

កិច្ចសហការ​រវាង​ធនាគារជាតិ​នៃកម្ពុជា និងក្រុមហ៊ុន Travelex ក្នុង​ការដាក់​ឱ្យមាន​ការជួញ​ដូរប្រាក់រៀល​នៅ​ប្រទេស​អូស្រ្តាលី​នេះ នឹង​ជួយ​សម្រួល​ឱ្យភ្ញៀវ​ទេសចរ​អូស្រ្តាលីដែល​ធ្វើ​ដំណើរ​​មក​​ទស្សនា​ប្រទេស​កម្ពុជា និង​ភ្ញៀវ​ទេសចរ​កម្ពុជា​ដែល​ធ្វើ​​ដំណើរ​ទៅ​ប្រទេសអូស្រ្តាលី​អាចប្តូរ​ប្រាក់​រៀល​យក​ប្រាក់ដុល្លារអូស្ត្រាលី ឬប្តូរ​ប្រាក់​ដុល្លារអូស្រ្តាលី​យក​ប្រាក់​រៀល​​បាន​ដោយ​ងាយស្រួល ដែល​នឹងរួម​ចំណែក​ជួយ​ជំរុញ​ភ្ញៀវទេសចរ​អូស្រ្តាលីឱ្យ​​មកទស្សនាប្រទេសកម្ពុជាកាន់តែច្រើន។

ទន្ទឹមនេះ វត្តមានប្រាក់រៀលនៅលើតារាងជួញដូរ​ក្នុងប្រទេសអូស្រ្តាលី ជាសក្ខីភាពបញ្ជាក់ថា ប្រាក់​រៀល​អាច​ជួញ​ដូរ​លើ​ទីផ្សារ​​អន្តរជាតិ និង​ឆ្លុះ​បញ្ចាំង​អំពី​កំណើន​នៃ​ជំនឿទុកចិត្ត ក៏ដូច​ជា​ការ​ទទួល​ស្គាល់​កាន់​តែ​ទូលំទូលាយ​លើប្រាក់រៀល។ នេះជា​​លទ្ធផល​​នៃកិច្ចខិតខំប្រឹងប្រែងរបស់ធនាគារជាតិនៃកម្ពុជា ក្នុង​ការ​រក្សាស្ថិរភាព​ប្រាក់​រៀល​​អស់​​រយៈ​ពេលជាង ២ ទសវត្សកន្លងមក។

នេះជាលើកទី៤ ហើយដែលក្រុមហ៊ុន Travelex បាន​សហការ​ជាមួយធនាគារជាតិនៃកម្ពុជា ដាក់​បញ្ចូល​​ប្រាក់​រៀល​ក្នុងតារាង​ជួញដូរ​នៅ​មជ្ឈមណ្ឌលហិរញ្ញវត្ថុអន្តរជាតិ បន្ទាប់​ពី​នៅ​អាកាសយានដ្ឋានឆុងជីង ទីក្រុង​ឆុងជីង ប្រទេស​ចិន, អាកាសយានដ្ឋានអន្តរជាតិ Haneda ទីក្រុងតូក្យូ ប្រទេសជប៉ុន និង​អាកាស​យានដ្ឋានអន្តរជាតិ Changi ប្រទេសសិង្ហបុរី។

ធនាគារជាតិ​នៃកម្ពុជា​នឹង​បន្តសិក្សាពី​លទ្ធភាពដាក់​ប្រាក់រៀល​ក្នុង​តារាង​ជួញ​ដូរ​នៅ​មជ្ឈមណ្ឌល​ហិរញ្ញវត្ថុ​អន្តរជាតិ​ផ្សេង​ៗ​​ទៀតនៅលើពិភពលោក៕

ដោយ៖ ឌិន ថារី

The post ប្រាក់រៀល ត្រូវបានដាក់បញ្ចូលក្នុងតារាងជួញដូររូបិយប័ណ្ណ នៅអូស្រ្តាលី appeared first on Kampuchea Thmey Daily.

ថ្លែង​ក្នុង​ពិធី​​អបអរ​សាទរ​ខួប​អនុស្សាវរីយ៍​ខួប​ ៤៥​ ឆ្នាំ​ ទិវា​ប្រាក់រៀល​ នៅ​ថ្ងៃ​ទី​១៩ ខែ​ឧសភា លោក សរ សុពុត្រា បាន​មាន​ប្រសាសន៍​ថា តាម​រយៈ​ការ​អនុវត្ត​តាម​អាទិភាព​គន្លឹះ​ទាំង ៥ នៃ​យុទ្ធសាស្រ្ត​បញ្ចកោណ​ដំណាក់​កាល​ទី​១ បាន​ធ្វើ​ឱ្យ​ខេត្ត​រីក​ចម្រើន​គួរ​ឱ្យ​កត់សម្គាល់។ ជា​លទ្ធផល​នៃ​គោល​នយោបាយ​អភិវឌ្ឍន៍​ដែលត្រូវបាន​ដាក់ចេញ​នា​ពេល​កន្លងមក ការ​អភិវឌ្ឍ​ខេត្ត​ស្ទឹងត្រែង មាន​វឌ្ឍនភាព​ជា​លំដាប់ ដែល​ក្នុង​នោះ​វិស័យ​ធនាគារ និង​ហិរញ្ញវត្ថុ​​ក៏​​មាន​ការរីក​ចម្រើន​គួរឱ្យកត់​សម្គាល់​ផង​ដែរ​។

បើ​តាម​លោក អភិបាល​ខេត្ត​ បច្ចុប្បន្ន មាន​គ្រឹះស្ថានធនាគារនិងហិរញ្ញវត្ថុ ដែលកំពុង​ប្រតិបត្តិការ​នៅក្នុង​ខេត្ត​សរុប​ចំនួន ១៦ គ្រឹះស្ថាន ដែល​បានរួមចំណែកគាំទ្រដល់ការអភិវឌ្ឍប្រកបដោយបរិយាបន្ន តាមរយៈ​ការផ្តល់​សេវាហិរញ្ញវត្ថុ​នានា​ដល់​ប្រជាពលរដ្ឋ និងក្រុមហ៊ុន-សហគ្រាស។

«ការអភិវឌ្ឍសេដ្ឋកិច្ច និងសង្គមជាតិ​ជារួម​អាច​ប្រព្រឹត្តទៅបាន​ប្រកប​ដោយវឌ្ឍនភាពនិងចីរភាព ទាមទារ​ឱ្យ​មាននូវវត្តមានរូបិយវត្ថុជាតិ ដែលបានដើរតួនាទីយ៉ាងសំខាន់ ក្នុង​ការ​សម្រួល​ដល់​សកម្មភាព​វិនិយោគ ផលិតកម្ម និង​ពាណិជ្ជកម្ម​ឱ្យមានភាពរស់រវើក»។ លោក សរ សុពុត្រា បន្ថែម​បែប​នេះ​។

ជា​មួយ​គ្នា​នេះ​ លោក អភិបាល​ខេត្ត បាន​បន្ថែម​ថា ប្រទេសនីមួយៗជុំវិញពិភពលោកតែងតែ​មានរូបិយវត្ថុជាតិ​របស់ខ្លួន​ដែលតំណាងឱ្យអត្តសញ្ញាណជាតិផងដែរ។ ដូច្នេះ ការប្រើប្រាស់ប្រាក់រៀល​ឱ្យបានទូលំទូលាយ​គឺ​ជាការចូលរួម​ចំណែកជំរុញសេដ្ឋកិច្ចជាតិ ថែរក្សាអត្តសញ្ញាណជាតិ ដែលពង្រឹងស្មារតី​បង្រួបបង្រួមជាតិ​ក្នុងនាម​ជា​ប្រជាជន​នៅក្នុងសង្គមជាតិតែមួយ។

យោង​តាម​លទ្ធផល​សង្កេត​របស់​ធនាគារ​ជាតិ​នៃ​កម្ពុជា និង​JICA បាន​បង្ហាញ​ថា មាន​ការ​ប្រើប្រាស់​ប្រាក់​រៀល​យ៉ាង​ទូលំទូលាយ ជា​ពិសេស​នៅ​តាម​ទី​ជនបទ​ ក្នុង​នោះ​ប្រមាណ ៩៣% នៃការ​ចំណាយ​របស់​ប្រជាពលរដ្ឋ​នៅ​ក្នុង​ខេត្ត​ស្ទឹង​ត្រែង​ជា​ប្រាក់​រៀល៕

The post លោក សរ សុពុត្រា៖ រូបិយវត្ថុជាតិ ដើរតួនាទីសំខាន់ក្នុងការសម្រួលសកម្មភាពវិនិយោគ ផលិតកម្ម និងពាណិជ្ជកម្មឱ្យរស់រវើក appeared first on Kampuchea Thmey Daily.

នៅ​ក្នុង​ពិធី​អបអរ​សាទរ​ខួប​អនុស្សាវរីយ៍​ខួប​ ៤៥​ ឆ្នាំ​ ទិវា​ប្រាក់រៀល​ នៅ​ព្រឹក​ថ្ងៃ​ទី​១៩ ខែ​ឧសភា លោក សរ សុពុត្រា បាន​មាន​ប្រសាសន៍​ថា តាម​រយៈ​កម្ម​វិធី​ដ៏​មាន​សារសំខាន់​នា​ថ្ងៃ​នេះ ក្នុង​នាម​អភិបាល​ខេត្ត​ស្ទឹង​ត្រែង លោក​សូម​អំពាវនាវ​ដល់​គ្រប់​ផ្នែក​ពាក់ព័ន្ធ​ទាំង​អស់​ និង​ប្រជាពលរដ្ឋ ក៏​ដូចជា​យុវជន​នៅ​ទូទាំង​ខេត្ត មេត្រា​ចូល​រួម​ប្រើប្រាស់​ប្រាក់​រៀល​​ឱ្យ​បាន​ទូលំទូលាយ ទាំង​ការ​ទូទាត់​ជា​ប្រាក់​រៀល ការ​បិត​ស្លាក​ថ្លៃ​ទំនិញ​ជា​ប្រាក់​រៀល និង​ការ​សន្សំ​ជា​ប្រាក់​រៀល ព្រម​ទាំង​ផ្តល់​ការ​អនុគ្រោះ​ឱ្យ​បាន​ច្រើន​ចំពោះ​ការ​ប្រើប្រាស់​ប្រាក់​រៀល។

លោក​បាន​បន្ត​ថា៖« បច្ចុប្បន្ន​នេះ​ យើង​សង្កេត​ឃើញ​ថា ប្រតិបត្តិការ​ទូទាត់​តាម​ប្រព័ន្ធ​អេឡិចត្រូនិក​ដូច​ជា​ការ​ទូទាត់​ផ្ទេរ​ប្រាក់ ដាក់​ប្រាក់ និង​ដក​ប្រាក់​ទាំង​ក្នុង​ស្រុក​ជា​មួយ​បណ្តា​ប្រទេស​ និង​ក្នុង​តំបន់ ដំណើរ​ការ​ទៅ​បាន​ឆាប់​រហ័ស​ និង​មាន​ភាព​ងាយ​ស្រួល កាត់​បន្ថយ​ថ្លៃ​ចំណាយ​លើ​ប្រតិបត្តិការ​ និង​មាន​សុវត្ថិភាព​ខ្ពស់​ផង​ដែរ»។

យោង​តាម​លទ្ធផល​សង្កេត​របស់​ធនាគារ​ជាតិ​នៃ​កម្ពុជា និង​JICA បាន​បង្ហាញ​ថា មាន​ការ​ប្រើប្រាស់​ប្រាក់​រៀល​យ៉ាង​ទូលំទូលាយ ជា​ពិសេស​នៅ​តាម​ទី​ជនបទ​ ក្នុង​នោះ​ប្រមាណ ៩៣% នៃការ​ចំណាយ​របស់​ប្រជាពលរដ្ឋ​នៅ​ក្នុង​ខេត្ត​ស្ទឹង​ត្រែង​ជា​ប្រាក់​រៀល។

ជា​មួយ​គ្នា​នោះ លទ្ធផលសិក្សាស្រាវជ្រាវរបស់ធនាគារជាតិនៃកម្ពុជា សហការជាមួយ អង្គការ UNDP ក្នុងឆ្នាំ២០២៣ ក៏បានបង្ហាញដែរថា កម្មករនិយោជិតរោងចក្រដែលរស់នៅតាមបណ្តាខេត្តចាយវាយ ប្រចាំថ្ងៃរហូតដល់ទៅ ៩២% នៃចំណាយសរុប ជាប្រាក់រៀល  ជាពិសេសទៅលើ ការស្នាក់នៅ ថ្លៃទឹកភ្លើង ការធ្វើដំណើរជិតឆ្ងាយ អាហារ សំលៀកបំពាក់ និងថ្នាំសង្កូវ។ ចំណែកឯកម្មករ​និយោជិតអ្នកដែលរស់​នៅទីក្រុង​ចាយវាយ​ជាប្រាក់រៀល​រហូតដល់ ៨២% នៃចំណាយសរុប។ ដូចនេះ ប្រសិនទាំងអ្នកលក់ និងអ្នកទិញ​ប្រើប្រាស់​ប្រាក់រៀល តែមួយនោះ គឺនឹងអាចជួយដល់ការលក់ដូរ ឱ្យមានភាពឆាប់រហ័ស ងាយស្រួល និងមិនចាំបាច់​ពិបាក​គិតគូរ​ដល់​អត្រាប្តូរប្រាក់នោះទេ៕

The post អភិបាលខេត្តស្ទឹងត្រែង អំពាវនាវដល់ពលរដ្ឋ ប្រើប្រាស់ប្រាក់រៀលឱ្យបានកាន់តែទូលំទូលាយ appeared first on Kampuchea Thmey Daily.

ការប្រកួតផលិតវិឌីអូ ក្រោមប្រធានបទ ១ ម៉ឺនរៀល ដែលរៀបចំឡើងដោយធនាគារជាតិនៃកម្ពុជា នៅក្នុងកម្មវិធីផ្សព្វផ្សាយស្តីពី ប្រាក់រៀល ប្រព័ន្ធបាគង និងខេអេចឃ្យូអរ (KHQR) ក្នុងឱកាសអបអរខួបលើកទី៤៥ ទិវាប្រាក់រៀល នៅថ្ងៃទី១៦ ខែឧសភា ឆ្នាំ២០២៥ នៅទីរួមខេត្តក្រចេះ។

យុវជនទទួលបាន​ជយលាភីលេខ ១ មានឈ្មោះ យ៉ែម ស៊ីម៉ា រស់នៅទីរួមស្រុកសំបូរ ខេត្តក្រចេះ បានសម្ដែងភាពសប្បាយរីករាយយ៉ាងខ្លាំង ដែល​បានមកចូលរួមកម្មវិធីមួយនេះ និងបានរៀបរាប់ប្រាប់ថា ការថតវិឌីអូគឺជាចំណង់ចំណូលចិត្ត ជាការស្រឡាញ់ចូលចិត្តរបស់ខ្លួនផ្ទាល់ ហើយឆ្លៀតឱកាសដែល​ធនាគារជាតិនៃកម្ពុជាចុះមកខេត្តក្រចេះ ហើយ​ចាប់អារម្មណ៍ចូលរួមប្រកួតប្រជែង ធ្វើយ៉ាងម៉េចកុំឲ្យឱកាសនេះរំលងផុត។

យុវជនរូបនេះ បានរៀបរាប់បន្តថា តាមរយះការបង្កើតមាតិកា តើប្រាក់ ១ ម៉ឺនរៀលអាចទិញអ្វី បានខ្លះនៅខេត្តក្រចេះ? គឺជាផ្នែកមួយជម្រុញឲ្យប្រជាជនខ្មែរចាប់ផ្ដើមចាយប្រាក់រៀលឡើងវិញ ដើម្បី​ជួយគាំទ្រសេដ្ឋកិច្ចជាតិ។

លោក យ៉ែម ស៊ីម៉ា ក៏បានលើកទឹកចិត្តឲ្យ​យុវជន​ងាកមកគាំទ្រប្រាក់រៀលខ្មែរ ដើម្បីគាំទ្រសេដ្ឋកិច្ចជាតិ និងដើម្បីភាពងាយស្រួលក្នុងប្រទេសផងដែរ។ មួយទៀត ការចាយប្រាក់រៀល គឺពិតជាសំខាន់នៅក្នុងការជួយលើកស្ទួយ សេដ្ឋកិច្ចជាតិ ក៏ដូចជាការលើកស្ទួយអត្តសញ្ញាណជាតិរបស់យើងផងដែរ។

កម្មវិធីផ្សព្វផ្សាយស្តីពី ប្រាក់រៀល ប្រព័ន្ធបាគង និងខេអេចឃ្យូអរ (KHQR) នេះដែរ គឺរៀបចំឡើងក្រោមអធិបតីភាព លោក យឹម លាត ទេសាភិបាលរងធនាគាំជាតិនៃកម្ពុជា និងវត្តមានការចូលរួមពី លោក ទុយ ប៊ុនសេរីរ័ត្នមុនី អភិបាលរងនៃគណៈអភិបាលខេត្តក្រចេះ ឯកឧត្តម លោកជំទាវ លោក លោកស្រីតំណាងមន្ទីរគ្រឹះស្ថានធនាគារ និងហិរញ្ញវត្ថុ លោកគ្រូ អ្នកគ្រូ និងសិស្សានុសិស្សជាច្រើននាក់៕

អត្ថបទ៖ ប្រុញ វិធិន

The post ចូលរួ​មប្រកួត ១ ម៉ឺន​រៀល ចាយអ្វី​បានខ្លះ? យុវជនម្នាក់ឈ្នះ​ ទទួល​បានប្រាក់​រង្វាន់ ២ លាន​រៀល appeared first on Kampuchea Thmey Daily.

ពិធីនេះ រៀបចំឡើងក្រោមអធីបតីភាពលោក យឹម លាត ទេសាភិបាលរង ធនាគារជាតិនៃកម្ពុជា និងលោក ទុយ ប៊ុនសេរីរ័ត្នមុនី អភិបាលរងខេត្តក្រចេះ។

ក្នុង​ឱកាស​នោះ លោក យឹម លាត ទេសាភិបាលរងធនាគារជាតិនៃកម្ពុជា បានបង្ហាញ​បច្ចេកទេសមួយ​ចំនួន​ក្នុង​ការ​បោះផ្សាយ​ក្រដាសប្រាក់រៀល​ថា ការបោះផ្សាយក្រដាសប្រាក់ដែលមានតម្លៃចារឹកខុសគ្នា ក្នុងទំហំខុសគ្នា គឺដើម្បីផ្តល់ភាពងាយស្រួលក្នុងការបែងចែកប្រភេទក្រដាសប្រាក់ ក្នុងគោលបំណងផ្តល់ភាពងាយស្រួលក្នុងការចំណាំ និងបញ្ចៀសការភាន់ច្រឡំពេលចាយវាយ។

បន្ថែមពីនេះ លោកបានលើកពី​សញ្ញាសម្គាល់លើក្រដាសប្រាក់រៀលដែល​មាន​ទំហំផ្សេងគ្នា ដើម្បី​ផ្តល់ភាពងាយស្រួលដល់អ្នកពិការភ្នែក អាចសម្គាល់ក្រដាសប្រាក់នីមួយៗតាមរយៈការស្ទាប។

បន្ថែមពីនេះ ការជ្រើសរើសយកពណ៌ដើម្បីរចនាក្រដាសប្រាក់ ក៏​ត្រូវបានគិតគូរយ៉ាងយកចិត្តទុកដាក់អំពីធាតុផ្សំនៃសុវត្ថិភាព និងផ្តោតលើទឹកថ្នាំដែលមានគុណភាព ដើម្បីបង្ការការថតចម្លង។ លោក យឹម លាត បញ្ជាក់បន្ថែម។

លោក យឹម លាត បានគូស​បញ្ជាក់ថា បច្ចុប្បន្នដោយសារបច្ចេកវិទ្យាទំនើប ក្រដាសប្រាក់នីមួយៗត្រូវមានពណ៌​ស្នូល​គោល​មួយ ហើយលាយជាមួយពណ៌ផ្សេងៗទៀត (មានតែ ៥ ពណ៌) ហើយការលាយហ្នឹងទៀតសោត ត្រូវធ្វើឱ្យមាន​ពណ៌លាយគ្នាច្រើន ដែលមើលទៅមិនច្បាស់និងមិនមានតែមួយពណ៌។

បន្ថែមពីនេះ មន្រ្តី​ទេសាភិបាលរងធនាគារ​ជាតិ​បានពន្យល់ពី​ការចេញផ្សាយក្រដាសប្រាក់ប្រភេទថ្មី ដែល​ធ្វើឡើងគឺស្របទៅតាមស្ថានភាពតម្រូវការ និងការពង្រឹងសុវត្ថិភាព។ ការបោះផ្សាយក្រដាសប្រាក់ថ្មីធ្វើឡើងដោយផ្អែកលើការរីកចម្រើននៃទំហំសេដ្ឋកិច្ច ឬដើម្បីប្តូរជំនួសក្រដាសប្រាក់ចាស់ ទក់ និងរហែកនៅលើទីផ្សារ ដែលត្រូវប្រមូលយកទៅកំទេចចោលដោយមិនបញ្ចេញឱ្យចរាចរវិញនោះទេ។ តាមរយៈការប្តូរក្រដាស ថ្មីនេះ ក៏ដើម្បីលើកទឹកចិត្តដល់ការប្រើប្រាស់ប្រាក់រៀលក្នុងការទូទាត់ និងការរក្សាទុកប្រាក់រៀលសម្រាប់សន្សំជាដើម។

ធនគារ​ជាតិ បានដាក់​ឲ្យដំណើរការ​ប្រព័ន្ធទូទាត់តា​មបាគងដែលអាចឱ្យអ្នកប្រើប្រាស់ធ្វើប្រតិបត្តិការតាមប្រព័ន្ធអេឡិចត្រូនិក​ដូចជា៖ ការទូទាត់ ផ្ទេរប្រាក់ ដាក់ប្រាក់ និងដកប្រាក់ទាំងក្នុងស្រុក និងជាមួយបណ្តាប្រទេសក្នុងតំបន់ បានយ៉ាងឆាប់រហ័ស និងមាន ភាពងាយស្រួល កាត់បន្ថយចំណាយថ្លៃប្រតិបត្តិការ និងមានសុវត្ថិភាពខ្ពស់។

ជាមួយគ្នានេះ ការដាក់ឱ្យប្រើប្រាស់ស្តង់ដា KHQR កាលពីខែកក្កដា ឆ្នាំ២០២២ ក៏​បានសម្រួលដល់ការស្កេនទូទាត់ឆ្លង គ្រឹះស្ថានធនាគារនិងហិរញ្ញវត្ថុបានយ៉ាងពិលាស ព្រមទាំងបានពង្រឹងការតភ្ជាប់ការទូទាត់ឆ្លងដែន នៅក្នុងតំបន់ផងដែរ ។

បច្ចុប្បន្ន ប្រព័ន្ធ​បាគង​អាចធ្វើការទូទាត់ប្រាក់ឆ្លងដែនជាមួយ ប្រទេស ថៃ វៀតណាម ឡាវ និងម៉ាឡេស៊ី តាមរយៈការស្កេន QR Code ជាប្រាក់រៀលតែម្តង ដោយមិនចាំបាច់ដូរទៅ ជាដុល្លារអាមេរិកសិននោះទេ។

ធនាគាជាតិនៃកម្ពុជារៀបចំកម្មវិធីផ្សព្វផ្សាយស្តីពី ប្រាក់រៀល និងប្រព័ន្ធបាគង នៅខេត្តក្រចេះនេះឡើង ក្នុងគោលបំណងដើម្បីជាការលើកកម្ពស់ និងផ្សព្វផ្សាយព័ត៌មានទៅកាន់សាធារណៈជន អោយមានការយល់ដឹងបន្ថែមពី អត្ថប្រយោជន៍ នៃប្រើប្រាស់ប្រាក់រៀលនៅលើប្រព័ន្ធបាគងដែលមានស្រាប់នៅស្រុក និងបន្តចលនាប្រើប្រាស់ប្រាក់រៀលក្នុងការទូទាត់នៅលើប្រព័ន្ធឌីជិថល។ លើសពីនេះ វាជាការសម្រួលដល់សាធារណៈជន ក្នុងការប្រើប្រាស់ប្រព័ន្ធឌីជីថលក្នុងការទូទាត់ទំនិញ និង​ប្រើប្រាស់ប្រាក់រៀលជាតិអោយបានកាន់តែច្រើនបន្ថែមទៀត តាមរយៈកម្មវិធីខាងលើនេះ៕

អត្ថបទ៖ ប្រុញ វិធិន

The post មន្រ្តី​ធនាគារ​ប្រាប់​បច្ចេកទេស​មួយចំនួន​​ ពីការ​បោះពុម្ពក្រដាស​ប្រាក់​រៀលចរាចរលើទីផ្សារ​ appeared first on Kampuchea Thmey Daily.

លោក យឹម លាត ទេសាភិបាលរង ធនាគារជាតិនៃកម្ពុជា បានលើកឡើងនៅក្នុងពិធី ផ្សព្វផ្សាយប្រាក់រៀលប្រព័ន្ធបាគង និងប្រព័ន្ធ​ខេអេចឃ្យូអរ (KHQR) ក្នុងឱកាសអបអរសាទរខួបលើកទី៤៥ នៃការដាក់ឱ្យចរាចរប្រាក់រៀលឡើងវិញ នៅខេត្តក្រចេះនៅថ្ងៃទី ១៦ ខែឧសភា ឆ្នាំ ២០២៥។

លោក យឹម លាត មានប្រសាសន៍ថា ការបោះផ្សាយក្រដាសប្រាក់ដែលមានតម្លៃចារឹកខុសគ្នា ក្នុងទំហំខុសគ្នា ដើម្បីផ្តល់ភាពងាយស្រួលក្នុងការបែងចែកប្រភេទក្រដាសប្រាក់ ផ្តល់ភាពងាយស្រួលក្នុងការចំណាំ និងបញ្ចៀសការភាន់ច្រឡំពេលចាយវាយ។

លោក លោក យឹម លាត បន្តថា ការចេញផ្សាយក្រដាសប្រាក់ប្រភេទថ្មី ធ្វើឡើងស្របតាមស្ថានភាពតម្រូវ​ការ និងការពង្រឹងសុវត្ថិភាព។ ការបោះផ្សាយក្រដាសប្រាក់ថ្មីធ្វើឡើងដោយផ្អែកលើការរីកចម្រើននៃទំហំសេដ្ឋកិច្ច ឬដើម្បីប្តូរជំនួសក្រដាសប្រាក់ចាស់ ទក់ និងរហែកនៅលើទីផ្សារ ដែលត្រូវប្រមូលយកទៅកំទេចចោលដោយមិនបញ្ចេញឱ្យចរា​ចរ​វិញនោះទេ។

តាមរយៈការប្តូរក្រដាសថ្មីនេះ ក៏ដើម្បីលើកទឹកចិត្តដល់ការប្រើប្រាស់ប្រាក់រៀលក្នុងការទូទាត់ និងការរក្សាទុកប្រាក់រៀលសម្រាប់សន្សំ ជាដើម។

លោក លោក យឹម លាត បានបន្ថែមថា ប្រព័ន្ធបាគង អាចឱ្យអ្នកប្រើប្រាស់ធ្វើប្រតិបត្តិការតាមប្រព័ន្ធអេឡិចត្រូនិក ដូច​ជា៖ ការទូទាត់ ផ្ទេរប្រាក់ ដាក់ប្រាក់ និងដកប្រាក់ទាំងក្នុងស្រុក និងជាមួយបណ្តាប្រទេសក្នុងតំបន់បានយ៉ាងឆាប់រហ័ស និងមាន ភាពងាយស្រួល កាត់បន្ថយចំណាយថ្លៃប្រតិបត្តិការ និងមានសុវត្ថិភាពខ្ពស់។

លើសពីនេះ ការដាក់ ឱ្យប្រើប្រាស់ស្តង់ដា KHQR កាលពីខែកក្កដា ឆ្នាំ២០២២ បានសម្រួលដល់ការស្កេនទូទាត់ឆ្លង គ្រឹះស្ថានធនាគារនិងហិរញ្ញវត្ថុបានយ៉ាងពិលាស ព្រមទាំងបានពង្រឹងការតភ្ជាប់ការទូទាត់ឆ្លងដែន នៅក្នុងតំបន់ផងដែរ។

លោក លោក យឹម លាតបញ្ជាក់ថា៖ «បច្ចុប្បន្ន យើងអាចធ្វើការទូទាត់ប្រាក់ឆ្លងដែនជាមួយ ប្រទេស ថៃ វៀតណាម ឡាវ និងម៉ាឡេស៊ី តាមរយៈការស្កេន QR Code ជាប្រាក់រៀលតែម្តង ដោយមិនចាំបាច់ដូរទៅ ជាដុល្លារអាមេរិកសិននោះទេ»។

ធនាគាជាតិនៃកម្ពុជានៅថ្ងៃទី ១៦ ខែឧសភា ឆ្នាំ ២០២៥ បានរៀបចំកម្មវិធីផ្សព្វផ្សាយស្តីពីប្រាក់រៀល និងប្រព័ន្ធបាគង នៅខេត្តក្រចេះ ក្នុងគោលបំណងលើកកម្ពស់ និងផ្សព្វផ្សាយព័ត៌មានទៅកាន់សាធារណៈជនឱ្យមានការយល់ដឹងបន្ថែមពីអត្ថប្រយោជន៍ នៃប្រើប្រាស់ប្រាក់រៀលនៅលើប្រព័ន្ធបាគងដែលមានស្រាប់នៅស្រុក និងបន្តចលនាប្រើប្រាស់ប្រាក់រៀលក្នុងការទូទាត់នៅលើប្រព័ន្ធឌីជីថល។

លើសពីនេះ វាជាការសម្រួលដល់សាធារណៈជន ក្នុងការប្រើប្រាស់ប្រព័ន្ធឌីជីថលក្នុងការទូទាត់ទំនិញ និង​ប្រើប្រាស់ប្រាក់រៀលជាតិឱ្យបានកាន់តែច្រើនបន្ថែមទៀត តាមរយៈកម្មវិធីខាងលើនេះ៕

អត្ថបទ៖ ប្រុញ វិធិន

The post កម្ពុជាអាចទូរទាត់ប្រាក់រៀលឆ្លងដែន ជាមួយប្រទេសចំនួន ៤ appeared first on Kampuchea Thmey Daily.

សេចក្តីណែនាំរួមស្តីពីការលើកកម្ពស់ការប្រើប្រាស់ប្រាក់រៀល សម្រាប់សេវាទូទាត់នៅតាមគ្រឹះស្ថានសិក្សារវាងធនាគារជាតិ នៃកម្ពុជា និងក្រសួងអប់រំចុះថ្ងៃទី ០៩ ខែឧសភាបានឱ្យដឹងថា៖ «ក្នុងគោលបំណងលើកកម្ពស់ការប្រើប្រាស់ប្រាក់រៀលសម្រាប់សេវាទូទាត់សងប្រាក់ ឱ្យកាន់តែមានប្រសិទ្ធភាព និងប្រកបដោយបរិយាបន្នគ្រប់គ្រឹះស្ថានសិក្សា​សាធារណៈ និងឯកជន ដែលស្ថិតនៅក្រោមចំណុះក្រសួងអប់រំ ត្រូវពិនិត្យលទ្ធភាពបើកគណនីប្រាក់បញ្ញើ គណនីទូទាត់សងប្រាក់ជាប្រាក់រៀល និងបើកប្រាក់បៀវត្ស តាមប្រព័ន្ធធនាគារជូនដល់គ្រប់បុគ្គលិកអប់រំទាំងអស់រួមមាន បុគ្គ​លិក​ពេញម៉ោង បុគ្គលិកកិច្ចសន្យា និងបុគ្គលិកវេលាកាល ទាំងជនជាតិកម្ពុជា និងបរទេស»។

បង្ហាញតម្លៃសិក្សា និងសេវានានាជាប្រាក់រៀល តម្លៃជា រូបិយប័ណ្ណបរទេស អាចគណនាដោយផ្អែកលើអត្រាប្តូរប្រាក់ផ្លូវការ។ រៀបចំយន្តការសម្របសម្រួល និងលើកទឹកចិត្តដល់បុគ្គលិកអប់រំ សិស្សា​នុសិស្ស មាតាបិតា ឬអ្នកអាណាព្យា​បាល​របស់សិស្ស និងអ្នកពាក់ព័ន្ធ ក្នុងការធ្វើប្រតិបត្តិការទូទាត់ទៅគណនីធនាគារ ជាប្រាក់រៀលក្នុងសកម្មភាពដូចជាការបង់ថ្លៃសិក្សា និងសេវាទូទាត់ផ្សេងៗ។

គ្រប់មន្ទីរអប់រំ យុវជន និងកីឡារាជធានី ខេត្ត រដ្ឋបាលក្រុង ស្រុក ខណ្ឌ គ្រឹះស្ថានសិក្សា សាធារណៈ និងឯកជន និងអ្នកពាក់ព័ន្ធទាំងអស់ ត្រូវផ្តល់កិច្ចសហការ ចូលរួមផ្សព្វផ្សាយ និងអនុវត្តឱ្យមានប្រសិទ្ធភាពខ្ពស់៕

អត្ថបទ៖សំអឿន

The post ធនាគារជាតិ និងក្រសួងអប់រំ លើកកម្ពស់ការទូទាត់ប្រាក់រៀលតាមគ្រឹះស្ថានអប់រំ appeared first on Kampuchea Thmey Daily.