ព័ត៌មានជាតិ
អភិបាលខេត្តស្ទឹងត្រែង អំពាវនាវដល់ពលរដ្ឋ ប្រើប្រាស់ប្រាក់រៀលឱ្យបានកាន់តែទូលំទូលាយ
លោក សរ សុពុត្រា អភិបាល នៃគណៈអភិបាលខេត្តស្ទឹងត្រែង បានអំពាវនាវដល់ប្រជាពលរដ្ឋក្នុងខេត្តឱ្យចូលរួមប្រើប្រាស់ប្រាក់រៀលខ្មែរឱ្យបានកាន់តែទូលំទូលាយបន្ថែមទៀត។
នៅក្នុងពិធីអបអរសាទរខួបអនុស្សាវរីយ៍ខួប ៤៥ ឆ្នាំ ទិវាប្រាក់រៀល នៅព្រឹកថ្ងៃទី១៩ ខែឧសភា លោក សរ សុពុត្រា បានមានប្រសាសន៍ថា តាមរយៈកម្មវិធីដ៏មានសារសំខាន់នាថ្ងៃនេះ ក្នុងនាមអភិបាលខេត្តស្ទឹងត្រែង លោកសូមអំពាវនាវដល់គ្រប់ផ្នែកពាក់ព័ន្ធទាំងអស់ និងប្រជាពលរដ្ឋ ក៏ដូចជាយុវជននៅទូទាំងខេត្ត មេត្រាចូលរួមប្រើប្រាស់ប្រាក់រៀលឱ្យបានទូលំទូលាយ ទាំងការទូទាត់ជាប្រាក់រៀល ការបិតស្លាកថ្លៃទំនិញជាប្រាក់រៀល និងការសន្សំជាប្រាក់រៀល ព្រមទាំងផ្តល់ការអនុគ្រោះឱ្យបានច្រើនចំពោះការប្រើប្រាស់ប្រាក់រៀល។
លោកបានបន្តថា៖« បច្ចុប្បន្ននេះ យើងសង្កេតឃើញថា ប្រតិបត្តិការទូទាត់តាមប្រព័ន្ធអេឡិចត្រូនិកដូចជាការទូទាត់ផ្ទេរប្រាក់ ដាក់ប្រាក់ និងដកប្រាក់ទាំងក្នុងស្រុកជាមួយបណ្តាប្រទេស និងក្នុងតំបន់ ដំណើរការទៅបានឆាប់រហ័ស និងមានភាពងាយស្រួល កាត់បន្ថយថ្លៃចំណាយលើប្រតិបត្តិការ និងមានសុវត្ថិភាពខ្ពស់ផងដែរ»។
យោងតាមលទ្ធផលសង្កេតរបស់ធនាគារជាតិនៃកម្ពុជា និងJICA បានបង្ហាញថា មានការប្រើប្រាស់ប្រាក់រៀលយ៉ាងទូលំទូលាយ ជាពិសេសនៅតាមទីជនបទ ក្នុងនោះប្រមាណ ៩៣% នៃការចំណាយរបស់ប្រជាពលរដ្ឋនៅក្នុងខេត្តស្ទឹងត្រែងជាប្រាក់រៀល។
ជាមួយគ្នានោះ លទ្ធផលសិក្សាស្រាវជ្រាវរបស់ធនាគារជាតិនៃកម្ពុជា សហការជាមួយ អង្គការ UNDP ក្នុងឆ្នាំ២០២៣ ក៏បានបង្ហាញដែរថា កម្មករនិយោជិតរោងចក្រដែលរស់នៅតាមបណ្តាខេត្តចាយវាយ ប្រចាំថ្ងៃរហូតដល់ទៅ ៩២% នៃចំណាយសរុប ជាប្រាក់រៀល ជាពិសេសទៅលើ ការស្នាក់នៅ ថ្លៃទឹកភ្លើង ការធ្វើដំណើរជិតឆ្ងាយ អាហារ សំលៀកបំពាក់ និងថ្នាំសង្កូវ។ ចំណែកឯកម្មករនិយោជិតអ្នកដែលរស់នៅទីក្រុងចាយវាយជាប្រាក់រៀលរហូតដល់ ៨២% នៃចំណាយសរុប។ ដូចនេះ ប្រសិនទាំងអ្នកលក់ និងអ្នកទិញប្រើប្រាស់ប្រាក់រៀល តែមួយនោះ គឺនឹងអាចជួយដល់ការលក់ដូរ ឱ្យមានភាពឆាប់រហ័ស ងាយស្រួល និងមិនចាំបាច់ពិបាកគិតគូរដល់អត្រាប្តូរប្រាក់នោះទេ៕
អភិបាលខេត្តស្ទឹងត្រែង អំពាវនាវដល់ពលរដ្ឋ ប្រើប្រាស់ប្រាក់រៀលឱ្យបានកាន់តែទូលំទូលាយ
រដ្ឋមន្ត្រីអប់រំ ផ្តាំនិស្សិតកម្ពុជាដែលកំពុងរៀននៅប្រទេសចិន ឱ្យខិតខំរៀនសូត្រ មានសីលធម៌ និងទំនាក់ទំនងល្អ
ពលរដ្ឋថៃម្នាក់ចូលព្រៃបេះផ្សិត ត្រូវដំរីព្រៃវាយប្រហារដល់បាត់បង់ជីវិត
ម៉ូតូបំពាក់ស៊ីមាំងកែច្នៃជាច្រើនគ្រឿង ត្រូវអាវុធហត្ថឃាត់ទុករយៈពេល ៣ ខែ
អាជ្ញាធរចិនប្រកាសអាសន្នគ្រោះមហន្តរាយ ក្រោយភ្លៀងធ្លាក់ខ្លាំងឆក់យកជីវិតមនុស្ស៥នាក់
មន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
ស្ត្រីអាយុជាង ៣០ ឆ្នាំ ម្នាក់ សង្ស័យត្រូវគេដឹកទៅទម្លាក់ចោលក្នុងដីឡូត៍មួយកន្លែង ដោយសភាពនៅមានដង្ហើម
តំបន់ទឹកធ្លាក់ ៥ លើខ្នងភ្នំត្បែង ក្លាយជាគោលដៅទេសចរណ៍ទាក់ទាញបំផុត របស់ខេត្តព្រះវិហារ
ព័ត៌មានបឋម ៖ នារីវ័យក្មេងម្នាក់ ធ្លាក់ពីលើអគារមួយកន្លែង នៅខណ្ឌចំការមន មិនទាន់ដឹងមូលហេតុ
Update ៖ ករណីនារីម្នាក់ ធ្លាក់ពីលើអគារនៅខណ្ឌចំការមន
-
ចរាចរណ៍២ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
ជីវិតកម្សាន្ដ១ សប្តាហ៍ agoមាស សុខសោភា ស្នើមហាជនទុកផ្លូវឱ្យខ្លួននិងតាសក់ស ក្រោយដឹងរឿងអតីតស្វាមីប្តឹង និងនៅតែមានការវែកញែក
-
ចរាចរណ៍៤ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៤ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម៥ ថ្ងៃ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ៧ ថ្ងៃ agoរតនគិរី៖ ជនជាតិដើមភាគតិច ស្នើរដ្ឋាភិបាលសាងសង់ស្ពានឆ្លងកាត់ទន្លេសម្រួលដល់ការធ្វើដំណើរ
-
កីឡា៣ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក
-
ព័ត៌មានជាតិ២២ ម៉ោង agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1