លោក យូ ស៊ុនឡុង រដ្ឋមន្ដ្រីប្រតិភូអមនាយករដ្ឋមន្ដ្រី និងជានាយករងខុទ្ទកាល័យសម្ដេចមហាបវរធិបតីនាយករដ្ឋមន្ដ្រី និង​មន្រ្តីក្រសួង​សាធាណការ​និង​ដឹកជញ្ជូន កាលពីថ្ងៃ ១៦ កក្កដា​ បាន​ដឹកនាំ​ប្រតិភូ​ចុះពិនិត្យទីតាំងត្រៀមរៀបចំពិធីសម្ពោធ​បើកឱ្យប្រើប្រាស់ជាផ្លូវការផ្លូវជាតិលេខ ១០ ក្នុងគោលបំណងធានាឱ្យដំណើរការកម្មវិធីប្រព្រឹត្តទៅបានយ៉ាងរលូនតាមផែនការដែលបានគ្រោងទុក។

ផ្លូវជាតិលេខ ១០ មានប្រវែងសរុប ១៩៨,៧១ គីឡូម៉ែត្រ សាងសង់ឡើង​ក្រោមហិរញ្ញប្បទានសម្បទានសហប្រតិបត្តិការពី​រដ្ឋាភិបាលនៃសាធារណរដ្ឋប្រជាមានិតចិន និងក្របខណ្ឌថវិកាជាតិ ដែលគ្រោងនឹងសម្ពោធដាក់​ឲ្យ​ប្រើប្រាស់ជា​ផ្លូវការ​នៅថ្ងៃទី៧ ខែសីហា ឆ្នាំ២០២៥ ក្រោមវត្តមាន​សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា​។

ផ្លូវ​ជាតិ​លេខ ១០ ជា​​ផ្លូវ​ជាតិ​ថ្មី​សាងសង់​កាត់ខេត្តចំនួន ៣ គឺ​ពី​​ស្រុក​សំឡូត (ខេត្ត​បាត់ដំបង) កាត់វាលវែង (ពោធិ៍សាត់) ដល់​ក្រុង​ខេមរភូមិន្ទ (​ខេត្ត​កោះកុង)​។

ផ្លូវនេះបានចាប់ផ្ដើមបើក​ការដ្ឋាន​សាងសង់កាលពីថ្ងៃទី ១៨ ខែធ្នូ ឆ្នាំ២០១៩ ចេញ​ពី​ចំណុចផ្លូវជាតិលេខ 57-7 ត្រង់ PK35+900 ស្ថិតក្នុងភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង ឆ្លងកាត់ឃុំប្រម៉ោយ ស្រុកវាលវែង ខេត្តពោធិ៍សាត់ បន្ត​បញ្ចប់​រហូតដល់ផ្លូវជាតិលេខ ៤៨ (ចាស់) ត្រង់ PK1+700 ស្ថិតក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។

ផ្លូវជាតិលេខ ១០ សាងសង់​ជាប្រភេទផ្លូវ Grade III ក្រាលកៅស៊ូពីរស្រទាប់ (DBST)។ នៅ​លើ​កំណាត់​​​ផ្លូវ​ជាតិ​មួយ​ខ្សែនេះ ក៏​មានការ​សាងសង់​ស្ពាន​កម្ពស់​​ជាង ៩០ ម៉ែត្រ។ គម្រោង​សាងសង់មានរយៈពេល ៦៦ ខែ និងបានចាប់ផ្ដើមសាងសង់កាល​ពីថ្ងៃទី ១៨ ខែធ្នូ ឆ្នាំ២០១៩ និង​បាន​បញ្ចប់នាអំឡុង​ខែមិថុនា ឆ្នាំ២០២៥។

តាម​រយៈ​ផ្លូវជាតិ​លេខ ១០ ​ប្រជាពលរដ្ឋ​នៅ​ខេត្ត​បាត់ដំបង ​និង​ពោធិ៍សាត់ អាច​ធ្វើ​ដំណើរ​មក​លេងតំបន់​​សមុទ្រ​ក្នុង​ខេត្ត​កោះកុង​​​កាន់​តែ​ងាយស្រួល ខណៈ​ផ្លូវ​ជាតិថ្មីមួយខ្សែ​នេះ​ក៏​​នឹង​ក្លាយ​ជា​ផ្លូវ​សេដ្ឋកិច្ច​ដ៏​មាន​សក្តានុពល​របស់​កម្ពុជា ក្នុង​ការ​​​បង្ក​លក្ខណៈ​ងាយស្រួល​ដល់​ការដោះដូរ​ពាណិជ្ជកម្ម ការ​វិនិយោគ និង​ការ​ធ្វើ​ដំណើរ​បាន​ឆាប់រហ័សនិង​ចំណាយ​​តិច​៕

The post ថ្ងៃ ៧ សីហា នេះ ​​ផ្លូវជាតិ​លេខ ១០ ​សម្ពោធ​ដាក់​​ឲ្យប្រើប្រាស់​ជា​ផ្លូវការ ក្រោម​វត្តមាន​នាយករដ្ឋមន្រ្តីកម្ពុជា​ appeared first on Kampuchea Thmey Daily.

លោក ខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោងសាងសង់ផ្លូវជាតិលេខ ១០ កាលពីថ្ងៃ​ទី៨ ខែកក្កដា ឆ្នាំ២០២៥ នេះ បានដឹកនាំគណៈប្រតិភូចុះពិនិត្យជ្រើសរើសទីតាំងសម្រាប់ដាក់ជូនថ្នាក់លើសម្រេច សម្រាប់ពិធីសម្ពោធដាក់ឱ្យប្រើប្រាស់ផ្លូវការផ្លូវជាតិលេខ ១០ ដែលនឹង​ធ្វើឡើង​ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា។

ផ្លូវជាតិលេខ ១០ តភ្ជាប់ខេត្តចំនួន ៣ រួមមាន ខេត្តកោះកុង ពោធិ៍សាត់ និងខេត្តបាត់ដំបង មាន​ប្រវែងសរុប ១៩៨,៥១៨ គីឡូម៉ែត្រ។ ផ្លូវនេះបានចាប់ផ្ដើមបើក​ការដ្ឋាន​សាងសង់កាលពីថ្ងៃទី១៨ ខែធ្នូ ឆ្នាំ២០១៩ ចេញ​ពី​ចំណុចផ្លូវជាតិលេខ 57-7 ត្រង់ PK35+900 ស្ថិតក្នុងភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង ឆ្លងកាត់ឃុំប្រម៉ោយ ស្រុកវាលវែង ខេត្តពោធិ៍សាត់ រហូតដល់ផ្លូវជាតិលេខ ៤៨ (ចាស់) ត្រង់ PK1+700 ស្ថិតក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។

តាម​រយៈ​ផ្លូវជាតិ​លេខ ១០ ​ប្រជាពលរដ្ឋ​នៅ​ខេត្ត​បាត់ដំបង ពោធិ៍សាត់ អាច​ធ្វើ​ដំណើរ​មក​លេងតំបន់​​សមុទ្រ​ក្នុង​ខេត្ត​កោះកុង​​​កាន់​តែ​ងាយស្រួល ខណៈ​ផ្លូវ​ជាតិថ្មីមួយខ្សែ​នេះ​ក៏​​នឹង​ក្លាយ​ជា​ផ្លូវ​សេដ្ឋកិច្ច​ដ៏​មាន​សក្តានុពល​របស់​កម្ពុជា ក្នុង​ការ​​​បង្ក​លក្ខណៈ​ងាយស្រួល​ដល់​ការដោះដូរ​ពាណិជ្ជកម្ម ការ​វិនិយោគ និង​ការ​ធ្វើ​ដំណើរ​បាន​ឆាប់រហ័សនិង​ចំណាយ​​តិច​៕

The post ផ្លូវជាតិលេខ ១០ ត្រៀម​ដាក់​សម្ពោធជា​ផ្លូវការ ខណៈ​មន្រ្តី​ជំនាញ​ចុះ​ពិនិត្យទីតាំង​រៀបចំពិធី appeared first on Kampuchea Thmey Daily.

ដំណើរ​បេសកកម្មនេះ​ ដឹកនាំ​ដោយ​ លោក ​ខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោងសាងសង់ផ្លូវជាតិលេខ ១០។

ក្នុង​ដំណើរ​ចុះ​ទៅ​ពិនិត្យ​នេះ​ មន្រ្តី​ជំនាញ​ក្រសួង​សាធារណការ​និងដឹកជញ្ជូន បាន​ពិនិត្យមើល​ការងារដែលនៅ​សេស​សល់​​មួយ​ចំនួន​រួមមាន៖ ការធ្វើតេស្តស្ពានវែង និងខ្ពស់បំផុត ដើម្បីពិនិត្យសមត្ថភាពទទួលបន្ទុករបស់ស្ពាន​(Loading Test) ដោយធ្វើតេស្តបន្ទុកអចលនា (Static Loading Test) និងបន្ទុកចលនា (Dynamic Loading Test) ដោយប្រើប្រាស់រថយន្ត ៦ គ្រឿង (ក្នុង ១ គ្រឿងផ្ទុកទម្ងន់ ៣៥ តោន)។

បើតាម​មន្រ្តីក្រសួងសាធារណគារនិងដឹកជញ្ជូណ បន្ទាប់ពីទទួលបានលទ្ធផលវិជ្ជមានក្រោយធ្វើ​តេស្តហើយ ស្ពាននេះនឹងបើកឱ្យប្រើប្រាស់យ៉ាងពេញលេញតែម្តង។

គម្រោងស្ថាបនាផ្លូវជាតិលេខ១០ តភ្ជាប់ពី សំឡូត -វាលវែង -កោះកុង សម្រេចបានលទ្ធផលជារួម ៩៨,១៦% គិតត្រឹមដំណាច់ខែមីនា ឆ្នាំ២០២៥។

ផ្លូវជាតិលេខ១០នេះ ជាប្រភេទផ្លូវ Grade III ក្រាលកៅស៊ូពីរស្រទាប់ (DBST) មានប្រវែងផ្លូវសរុប១៩៧,៣៦ គីឡូម៉ែត្រ និងទទឹង ៩ម៉ែត្រ។ គម្រោងសាងសង់ផ្លូវនេះមានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ មកហើយគ្រោងនឹងបញ្ចប់នាខែមិថុនា ឆ្នាំ២០២៥ ខាងមុខនេះ៕

The post មន្រ្តី​ក្រសួង​សាធារណការ​​​ ចុះពិនិត្យគុណភាពផ្លូវជាតិ​លេខ ១០ និងស្ពានខ្ពស់ជាងគេ មុនពេល​បើក​ឱ្យប្រើប្រាស់ជា​ផ្លូវការ appeared first on Kampuchea Thmey Daily.

ការបើកឲ្យប្រជាពលរដ្ឋឆ្លងកាត់បណ្តោះអាសន្ននេះ មានរយៈពេល ៧ ថ្ងៃ ចាប់ពីថ្ងៃទី១១-១៧ ខែមេសា ឆ្នាំ២០២៥ គឺមុន និងអំឡុងពេលពិធីបុណ្យចូលឆ្នាំថ្មី ប្រពៃណីជាតិខ្មែរ។

លោក ផន រឹម មន្រ្តីអ្នកនាំពាក្យក្រសួងសាធារណការនិងដឹកជញ្ជូន​បាន​ឲ្យ​ដឹង​ថា ការអនុញ្ញតិនេះគឺសម្រាប់រថយន្តគ្រួសារ និងម៉ូតូប៉ុណ្ណោះ​ចាប់ពីម៉ោង ៦:០០ព្រឹក ដល់ម៉ោង ១៨:០០ល្ងាច និងមិនអនុញ្ញាត្តិឲ្យឈប់យានយន្តលេីស្ពានជាដាច់​ខាត ដើម្បីធានាសុវត្ថិភាព។ ដោយឡែក ចំពោះរថយន្តដឹកអីវ៉ាន់ និងរថយន្តធំៗត្រូវបន្តប្រេីប្រាស់ផ្លូវវាងដដែល។

ស្ពានលេខ២៨នេះ មានកម្ពស់ ៩០ ម៉ែត្រ ប្រវែងសរុប ៥៣៧ ម៉ែត្រ ទទឹង ១០ម៉ែត្រ សណ្តូកខ្លួនឆ្លងកាត់ស្ទឹងឫស្សីជ្រុំ ស្ថិតនៅភូមិឆាយលូក ឃុំអូសោម ស្រុកវាលវែង ខេត្តពោធិ៍សាត់ សម្រេចការសាងសង់ស្ទើរ ១០០%។

ក្រោយពេលបញ្ចប់ការបើកឱ្យប្រជាពលរដ្ឋឆ្លងកាត់បណ្តោះអាសន្នរយៈពេល ៧ ថ្ងៃ ស្ពាននេះ​នឹងបិទចរាចរណ៍មួយរយៈទៀត (បន្តប្រើផ្លូវវាង) ដើម្បីឱ្យការដ្ឋានបង្ហើយកិច្ចការ​មួយ​ចំនួ​ដូចជា៖ ដាក់បង្កាន់ដៃ, អ៊ុតAC, គូសគំនូសចរាចរណ៍, បំពាក់​ផ្លាកសញ្ញាចរាចរណ៍ និងកិច្ចការការបន្ទាប់មន្សំមួយចំនួនទៀត។

The post ស្ពានខ្ពស់ជាងគេនៅកម្ពុជា នឹងបើក​​ឲ្យ​យានយន្ត​ឆ្លងកាត់បណ្តោះអាសន្ននៅថ្ងៃស្អែកនេះ appeared first on Kampuchea Thmey Daily.

លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានអញ្ជើញជាអធិបតីក្នុងពិធីចាក់បេតុងតភ្ជាប់មុខតំណក្បាលស្ពានខ្ពស់ជាងគេនៅកម្ពុជា នៃគម្រោងសាងសង់ផ្លូវជាតិលេខ១០ និងបើកឱ្យប្រើប្រាស់បណ្តោះអាសន្នសម្រាប់ទោចក្រយានយន្ត រថយន្តធុនតូច (ប្រភេទទេសចរណ៍/គ្រួសារ) ចាប់ពីថ្ងៃទី១១ ដល់ថ្ងៃទី១៧ ខែមេសា ឆ្នាំ២០២៥ ពីម៉ោង ៦:០០នាទីព្រឹក ដល់ម៉ោង ១៨:០០នាទីល្ងាច ដើម្បីសម្រួលចរាចរណ៍ដល់បងប្អូនប្រជាពលរដ្ឋ អ្នកដំណើរ អ្នកទេសចរ ក្នុងឱកាសបុណ្យចូលឆ្នាំថ្មីប្រពៃណីជាតិខាងមុខនេះ។

ស្ពានខ្ពស់ជាងគេនៅកម្ពុជា នៃគម្រោងខ្សែផ្លូវជាតិលេខ ១០ នេះ គឺជាស្ពានលេខ ២៨ ស្ថិតក្នុងភូមិសាស្រ្តភូមិឆាយលូក ឃុំ​អូរសោម ស្រុកវាលវែង ខេត្តពោធិ៍សាត់ ដែលសាងសង់ដោយប្រើប្រាស់ថវិកាជាតិសរុបប្រមាណ ២៥ លានដុល្លារអាម៉េរិក សាងសង់ដោយក្រុមហ៊ុន CRBC និងត្រួតពិនិត្យបច្ចេកទេសដោយក្រុមហ៊ុនក្វាងចូវវ៉ាងអាន។

ចំណុចកណ្តាលស្ពានស្ថិតត្រង់គីឡូម៉ែត្រលេខ ១២៨+៩០៥ មានកម្ពស់៩០ម៉ែត្រ (គិតពីបាតស្ទឹងដល់បាតធ្នឹមក្រោមស្ពាន) ទទឹង១០ម៉ែត្រ និងប្រវែងសរុប៥៣៧ម៉ែត្រ។ ដោយសារស្ពាននេះស្ថិតក្នុងភូមិសាស្រ្តដែលមានទេសភាពធម្មជាតិអំណោយផលដ៏ស្រស់ត្រកាល ក្រសួងសាធារណការ និងដឹកជញ្ជូន បានរៀបចំឱ្យមាននូវទីលានសម្រាប់សំចតថតរូបអនុស្សាវរីយ៍ នៅចំណុចកណ្តាលស្ពាន ដែលមានទទឹងសរុប១៥ម៉ែត្រ។ ជាមួយគ្នានេះ ក្រសួងក៏បានរៀបចំទីធ្លាសម្រាប់​ចតយានយន្តនៅទាំងសងខាងក្បាលស្ពាន ដែលម្ខាងៗអាចចតរថយន្តប្រភេទទេសចរណ៍/គ្រួសារ បានប្រមាណពី ៦០-៧០ គ្រឿងផងដែរ។

ចំពោះផ្លូវជាតិលេខ១០ គឺជាប្រទេសផ្លូវក្រាលកៅស៊ូពីរស្រទាប់ DBST ស្ថិតក្នុងកម្រិតផ្លូវ Highway Grade III មានប្រវែងសរុប ១៩៧,៣៦៣ គីឡូម៉ែត្រ ចាប់ពីផ្លូវជាតិលេខ៥៧-៧ ត្រង់បង្គោលគីឡូម៉ែត្រលេខ ៣៥+៩០០ ក្នុងភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង ឆ្លងកាត់ឃុំប្រម៉ោយ ស្រុកវាលវែង ខេត្តពោធិ៍សាត់ ចំណុចបញ្ចប់ត្រង់ប្រសព្វផ្លូវជាតិលេខ៤៨ ត្រង់បង្គោលគីឡូម៉ែត្រលេខ ១+៧០០ ក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ គម្រោងស្ថាបនាផ្លូវនេះ បានបើកការដ្ឋានសាងសង់នៅថ្ងៃទី៩ មីនា ២០២០ ក្រោមអធិបតីភាព សម្តេចតេជោ អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រនៃព្រះរាជាណាចក្រកម្ពុជា សម្រេចវឌ្ឍនភាពការងារបាន ជាង ៩៦% គិតត្រឹមបំណាច់ខែមីនា។

លោកឧបនាយករដ្ឋមន្ត្រី ស៊ុន ចាន់ថុល បានរំលេចអំពីសារៈប្រយោជន៍ និងគុណសម្បត្តិនៃខ្សែផ្លូវជាតិលេខ១០ និងស្ពានខ្ពស់ជាងគេនៅកម្ពុជានេះ សម្រាប់បងប្អូនប្រជាពលរដ្ឋក្នុងការធ្វើដំណើរ ទេសចរណ៍ និងការដឹកជញ្ជូនផ្សេងៗ។

លើសពីការធ្វើដំណើរ និងការដឹកជញ្ជូនរបស់បងប្អូនប្រជាពលរដ្ឋ ផ្លូវមួយខ្សែនេះនឹងផ្តល់ផលចំណេញផ្នែកសេដ្ឋកិច្ចជាច្រើនសន្ធឹក តាមរយៈការកាត់បន្ថយពេលវេលា កាត់បន្ថយថ្លៃដើមក្នុងការដឹកជញ្ជូន និងសេវាភស្តុភារកម្ម ពិសេស ក្នុងការដឹកជញ្ជូនកសិផល និងផលិតផលផ្សេងទៀតពីបណ្តាខេត្តជុំវិញទៅកាន់ច្រកទ្វារព្រំដែនអន្តរជាតិនានា ព្រមទាំងទៅកាន់កំពង់ផែទំនិញ កំពង់ផែទឹកជ្រៅ និងមជ្ឈមណ្ឌលភស្តុភារកម្ម ដោយមិនចាំបាច់ឆ្លងកាត់រាជធានីដែលនាំឱ្យមានការកកស្ទះចរាចរណ៍៕

The post ស្ពានខ្ពស់ជាងគេតម្លៃ ២៥ លានដុល្លារ មានរៀបចំទីតាំងឲ្យអ្នកដំណើរអាចឈប់ថតរូបបាន appeared first on Kampuchea Thmey Daily.

លោក ខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគម្រោងសាងសង់ផ្លូវជាតិលេខ ១០ ខណៈ​ដឹកនាំគណៈប្រតិភូចុះត្រួតពិនិត្យវឌ្ឍនភាពការងារការសាងសង់ផ្លូវជាតិ​លេខ ១០ បាន​បញ្ជាក់ថា ស្ពានលេខ ២៨ ដែល​ជា​ស្ពានខ្ពស់​ជាងគេ​នៅលើ​កំណាត់ផ្លូវជាតិលេខ ១០ នឹងគ្រោង​​​ធ្វើ​ពិធីចាក់បេតុងតភ្ជាប់នៅថ្ងៃទី៨ ខែមេសា ឆ្នាំ​២០២៥ ក្រោមវត្តមាន លោក ស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និង លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន។

ដើម្បីជាអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ លោក ខាន់ ម៉ាណេរ បាន​អះអាង​ថា ស្ពាននេះនឹងបើកឱ្យឆ្លងកាត់បណ្តោះអាសន្នរយៈពេល ៧ថ្ងៃ គឺចាប់ពីថ្ងៃទី ១១-១៧ ខែមេសា ឆ្នាំ២០២៥ ហើយអនុញ្ញាតឱ្យឆ្លងកាត់តែរថយន្តធុនតូច និងនៅពេលថ្ងៃតែប៉ុណ្ណោះ។

គម្រោងស្ថាបនាផ្លូវជាតិលេខ១០ តភ្ជាប់ពី សំឡូត -វាលវែង -កោះកុង សម្រេចបានលទ្ធផលជារួម ៩៨,១៦% គិតត្រឹមដំណាច់ខែមីនា ឆ្នាំ២០២៥។ គម្រោងនេះក៏មានស្ថាបនាលូគ្រប់ប្រភេទសរុបចំនួន ៤៧៨ កន្លែង និងស្ពានចំនួន ៣២ ស្ពាន ហើយស្ពានលេខ២៨ ដែលជាស្ពានខ្ពស់ជាគេមានកម្ពស់ ៩០ម៉ែត្រ ប្រវែង ៥៣៨ម៉ែត្រសម្រេចការសាងសង់បានប្រមាណ ៩៨,២% ផងដែរ។

ផ្លូវជាតិលេខ១០នេះ ជាប្រភេទផ្លូវ Grade III ក្រាលកៅស៊ូពីរស្រទាប់ (DBST) មានប្រវែងផ្លូវសរុប១៩៧,៣៦ គីឡូម៉ែត្រ និងទទឹង ៩ម៉ែត្រ។ គម្រោងសាងសង់ផ្លូវនេះមានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ មកហើយគ្រោងនឹងបញ្ចប់នាខែមិថុនា ឆ្នាំ២០២៥ ខាងមុខនេះ៕

The post ថ្ងៃ ៨ មេសា ​​តភ្ជាប់​ស្ពានខ្ពស់ជាងគេលើផ្លូវជាតិ​​លេខ​ ១០ រួច​បើក​ឲ្យពលរដ្ឋ​ធ្វើដំណើរបណ្តោះអាសន្ន appeared first on Kampuchea Thmey Daily.

ផ្លូវ​ជាតិ​លេខ ១០

ដំណើរការ​ស្ថាបនាផ្លូវជាតិលេខ១០ តភ្ជាប់​ខេត្ត ៣ គឺ​ខេត្តកោះកុង ពោធិ៍សាត់ និងបាត់ដំបង (កោះកុង-​វាលវែង-សំឡូត) ប្រវែង​សរុប ១៩៨ គីឡូម៉ែត្រ សម្រេច​ការសាងសង់ជិត ១០០%។

ផ្លូវជាតិលេខ ១០ ជាប្រភេទផ្លូវ Grade III ក្រាលកៅស៊ូពីរស្រទាប់ DBST ប្រើប្រាស់​រយៈពេល​​សាងសង់​ចំនួន ៦៦ ខែ ដោយចាប់ផ្ដើម​បើក​ការដ្ឋាន​​កាល​ពី​ថ្ងៃទី១៨ ខែធ្នូ ឆ្នាំ២០១៩ និង​គ្រោង​បញ្ចប់​អំឡុង​ខែ​មិថុនា ឆ្នាំ​២០២៥​ ខាងមុខ។

ផ្លូវ​ជាតិ​លេខ ៤៨

គម្រោងលើកកម្រិតគុណភាពផ្លូវជាតិលេខ ៤៨ ប្រវែង​ជាង ១៤៨ គីឡូម៉ែត្រ នៅសល់ផ្លូវដីតែ​ប្រមាណ ១០ គីឡូម៉ែត្រ​ប៉ុណ្ណោះនិង​ត្រៀមក្រាលថ្មអ៊ុតកៅស៊ូ AC បញ្ចប់​គម្រោង​។

បើ​តាម​មន្រ្តី​អ្នក​នាំពាក្យ​ក្រសួង​សាធារណការ​និង​ដឹកជញ្ជូន ផ្លូវដី​ដែល​នៅ​សេសសល់តិចតួចនេះ ត្រូវ​រក្សាទុក​​ឲ្យ​មាន​រយៈ​ពេល​កំណត់​តាម​បច្ចេកទេស ដោយសារ​ទីតាំងសាងសង់​ត្រូវ​កាត់​ពុះ​ជ្រៀក​ជម្រាល​ភ្នំ ដើម្បីធានាការធ្វើដំណើរ និង​ការដឹកជញ្ជូន​ឲ្យ​មាន​សុវត្ថិភាព​ នៅ​ពេល​ផ្លូវ​ស្ថាបនា​រួចរាល់។

គិតត្រឹមថ្ងៃទី៥ ខែមីនា ឆ្នាំ២០២៥ គម្រោងលើកកម្រិតគុណភាពផ្លូវជាតិលេខ ៤៨ សម្រេចលទ្ធផល​វឌ្ឍនភាព​បានប្រមាណ ៨៩%។

ផ្លូវ​ខេត្ត​លេខ ៣៧៧ និង ៣៧៧ A

ផ្លូវខេត្តលេខ ៣៧៧ ស្ថិតនៅតាមបណ្តោយដងទន្លេមេគង្គ តភ្ជាប់ពីរង្វង់មូលព្រាបស ក្នុង​ក្រុង​ក្រចេះ ឆ្ពោះ​ទៅទីរួមស្រុកសំបូរ ប្រវែង ៣៥.៥ គីឡូម៉ែត្រ និងផ្លូវខេត្តលេខ ៣៧៧A តភ្ជាប់​ពី​សណ្តាន់​ទៅ​សង្គម ប្រវែង ១៣.៦ គីឡូម៉ែត្រ គ្រោង​នឹងបញ្ចប់ការស្ថាបនាជាស្ថាពរនាខែមេសា ឆ្នាំ​២០២៥ មុន​ពិធីបុណ្យចូលឆ្នាំថ្មីប្រពៃណីខ្មែរ​ចូលមកដល់។

​ប្រធាន​មន្ទីរ​សាធារណៈការ និង​ដឹកជញ្ជូន​ខេត្តក្រចេះ លោក សាំង ប៊ុនថេន បានឲ្យកម្ពុជាថ្មី​ដឹង​កន្លង​ទៅ​ថា យោងតាមកិច្ច​សន្យា គឺគម្រោងស្តារ ជួសជុល និងថែទាំផ្លូវខេត្តលេខ ៣៧៧ និង ៣៧៧A ដោយ​ក្រាលកៅស៊ូ AC គ្រោង​បញ្ចប់ការ​ស្ថាបនាជាស្ថាពរនៅក្នុងខែធ្នូ ឆ្នាំ២០២៤ ប៉ុន្តែ​ត្រូវ​បាន​ពន្យាពេល។

ផ្លូវខេត្តលេខ ៣៧៧ និង ៣៧៧A បានសម្ពោធបើកការដ្ឋានកាលពីថ្ងៃទី ៤ ខែមេសា ឆ្នាំ២០២៣ ដោយ​ប្រើប្រាស់​ថវិកា​ពី​ធនាគារ​ពិភពលោក (World Bank) ប្រចាំកម្ពុជា។

បើ​តាម​ក្រុម​ការងារ​សាងសង់​ ផ្លូវខេត្តលេខ ៣៧៧ និង ៣៧៧A កំពុង​សរម្រុក​បញ្ចប់​ឲ្យ​មុនពិធីបុណ្យប្រពៃណីជាតិខ្មែរចូលមកដល់ ខណៈ​ដែល​បច្ចុប្បន្ន​ក្រុមការងារបាននឹង​កំពុងស្ថាបនាជួសជុលផ្លូវ និងស្ពាននៅសង្កាត់ក្រគរ និងនៅទីរួមស្រុកសំបូរតែប៉ុណ្ណោះ ដែល​នឹង​អាច​បើកឲ្យប្រជាពលរដ្ឋធ្វើដំណើរនៅពេលដ៏ខ្លី​ខាងមុខ​នេះ។

ផ្លូវជាតិ​លេខ ២៣

ផ្លូវជាតិលេខ ២៣ ជា​ផ្លូវប្រវត្តិសាស្រ្ត​ថ្មី​ តភ្ជាប់ពីស្រុកកោះធំ​ដល់ស្រុកលើក​ដែក​ កំពុង​ឈានទៅ​ចាក់កៅស៊ូ​គ្រោង​បញ្ចប់​ក្នុង​ពេល​ឆាប់ៗ​នេះ។

ផ្លូវជាតិលេខ ២៣ (NR23) មាន​ប្រវែង ១៩,៨ គីឡូម៉ែត្រ ទទឹង ១១ ម៉ែត្រ ចាប់​ពី​គល់​ស្ពាន​កោះធំ ត្រើយខាងកើត ក្នុងឃុំជ្រោយតាកែវ ស្រុកកោះធំ ដល់ផ្លូវជាតិលេខ ១៤ ឃុំពាមរាំង ស្រុក​លើកដែក ខេត្តកណ្តាល ឆ្លងកាត់ឃុំចំនួន ៤ គឺឃុំជ្រោយតាកែវ ឃុំកំពង់កុង ឃុំលើកដែក និង​ឃុំ​ពាមរាំង។

ខ្សែផ្លូវនេះជាផ្នែកចម្បង និងយុទ្ធសាស្ត្ររបស់រាជរដ្ឋាភិបាល តភ្ជាប់នៅក្នុងតំបន់ដ៏ប្រទាក់ក្រឡា ព្រម​ទាំងផ្តល់អាទិភាពសម្រាប់សម្រួលដល់ការធ្វើចរាចរណ៍របស់ពលរដ្ឋ។

តាម​រយៈ​ផ្លូវ​មួយ​ខ្សែ​ថ្មីនេះ អាច​ឲ្យ​ប្រជាពលរដ្ឋធ្វើដំណើរបានដោយងាយស្រួលពីស្រុកកោះធំ ទៅ​ស្រុក​លើកដែកខេត្តកណ្តាល ដោយមិនចាំបាច់ធ្វើដំណើរ​វាង​ចូលរាជធានី​ភ្នំពេញ ហើយ​បើតាម​មន្រ្តី​ក្រសួង​សាធារណគារ​និង​ដឹកជញ្ជូន ចូលឆ្នាំខ្មែរខាងមុខនេះ ពលរដ្ឋ​អាច​ជិះកាត់ពីកោះធំទៅលើកដែក លែង​លំបាក​ទៀតហើយ។

ផ្លូវ​ខេត្ត​លេខ ៣១២

ផ្លូវខេត្តលេខ ៣១២ មាន​ប្រវែង ២៨,៣៧ គ.ម ចាប់​ផ្តើមពីភូមិសំរោង ឃុំល្វា (ត្រង់​បំបែកផ្លូវជាតិ​លេខ១ គីឡូម៉ែត្រលេខ ៧៧+០៨២) រហូត​ដល់ភូមិករគោ ឃុំបន្ទាយចក្រី (ព្រំប្រទល់កម្ពុជា-វៀតណាម) ក្នុងភូមិសាស្រ្តស្រុកព្រះស្តេច នៃខេត្តព្រៃវែង។

ផ្លូវ​ខេត្ត​លេខ ៣១២ ត្រូវស្តារពង្រីកទទឹងតួផ្លូវរហូតដល់ ១២ ម៉ែត្រ និងលើកកម្រិតគុណភាព ពីប្រភេទ​ផ្លូវក្រាលកៅស៊ូពីរស្រទាប់ (DBST) ទៅជាប្រភេទផ្លូវក្រាលបេតុងកៅស៊ូ (AC) និង​ផ្នែកខ្លះ​ក្រាលបេតុងសរសៃដែកកម្រាស់ ២៥ ស.ម ដែល​​មានទទឹងរួម ១១ ម៉ែត្រ និងមាន ២ គន្លងទៅ-មក។

ផ្លូវ​នេះ​ជា​ខ្សែ​ផ្លូវយុទ្ធសាស្រ្តដ៏សំខាន់មួយ មានភាពប្រទាក់ក្រឡាគ្នាជាមួយនឹងផ្លូវជាតិលេខ១ ផ្លូវខេត្តលេខ ៣១២A និងផ្លូវក្រវាត់ព្រំដែនដែលបានតភ្ជាប់តំបន់​ទីប្រជុំជន ទៅកាន់តំបន់​ព្រំដែន ​(កម្ពុជា-វៀតណាម)។

ផ្លូវខេត្តលេខ៣១២ បាន​បើកការដ្ឋានកាលពីថ្ងៃទី៩ ខែមិថុនា ឆ្នាំ២០២៣ ដែល​អនុវត្តការ​សាងសង់​ដោយក្រុមហ៊ុន ILSUNG-KR JOINT VENTURE ប្រើប្រាស់​ថវិកា​ឥណទានសម្បទាន​ពី​ធនាគារអភិវឌ្ឍន៍អាស៊ី សរុបប្រមាណ ២៥ លានដុល្លារអាមេរិក។

គិត​ត្រឹម​ដើម​ខែ​មីនា ឆ្នាំ ២០២៥ ការ​សាងសង់​ស្ទើរ​រួចរាល់ ១០០%៕

កំណាត់​ផ្លូវ​ជាតិលេខ ៧

កំណាត់​ផ្លូវ​ជាតិ​លេខ ៧ ពី​ស្ពាន​សេកុង​ដល់​ច្រក​ទ្វារ​អន្តរជាតិ​ត្រពាំង​ក្រៀល​ក្នុង​ខេត្ត​ស្ទឹងត្រែង​ មាន​ប្រវែង ៥៨ គីឡូម៉ែត្រ បាន​បញ្ចប់ការ​សាងសង់​ ១០០%។

លោក សរ គឹមណាត ប្រធាន​មន្ទីរ​សាធារណការ​និង​ដឹក​ជញ្ជូន​ខេត្ត​ស្ទឹងត្រែង​បាន​ឲ្យ​កម្ពុជា​ថ្មី​ដឹង​ថា កំណាត់​ផ្លូវ​នេះ​កន្លង​មក​​​រង​ការ​ខូចខាត​ជា​ខ្លាំង ​ពិបាក​សម្រាប់​ការ​ធ្វើ​ដំណើរ​និង​ការ​ដឹកជញ្ជូន​ទំនិញ​ផ្សេងៗ។

លោក សរ គឹមណាត បាន​គូស​បញ្ជាក់ថា ​ដំបូង​ឡើង ការ​សាងសង់​កំណាត់​ផ្លូវ​នេះគ្រោង​ប្រើប្រាស់​ថវិកា​របស់​រដ្ឋាភិបាល​​ចិន​ ដោយ​លើក​កម្រិត​ទៅ​ជា​បេតុង​កៅស៊ូ (AC) ចាប់​ពី​ព្រំ​ប្រទល់​ខេត្ត​ក្រចេះ​រហូត​ដល់​ច្រក​ត្រពាំង​ក្រៀល​ជាមួយ​ឡាវ ប៉ុន្តែ​ដោយ​មិនចង់​រង់ចាំ​យូរ​ រដ្ឋាភិបាល​បាន​ទម្លាក់​ថវិកា​ដើម្បី​ជួសជុល​បណ្ដោះ​អាសន្ន ដើម្បី​សម្រួល​ការ​ធ្វើ​ដំណើរ​របស់​ពលរដ្ឋ។ សម្តេច​ធិបតី​នាយករដ្ឋមន្ត្រី​បាន​ទម្លាក់​ថវិកា​ជួសជុល​ឡើងវិញ​ ដោយ​ក្រាល​កៅស៊ូ​ពីរ​ស្រទាប់ DBST និង​ពង្រីក​ទទឹង​រហូត​ដល់ ១០ ម៉ែត្រ។

ក្រោយ​លើក​កម្ពស់​គុណភាព​បាន​ល្អ​ប្រសើរ​ឡើង​វិញ​ បើ​តាម​លោក សរ គឹមណាត ចរាចរណ៍​ដឹក​ទំនិញ​និង​ការ​ធ្វើ​ដំណើរ​មាន​កំណើន​ជាង ៦០% មិនដូច​ប៉ុន្មានឆ្នាំ​មុន​ស្ទើរ​តែ​​គ្មាន​ចរាចរណ៍​​ធ្វើ​ដំណើរ​ទាល់​​តែ​សោះ។

ផ្លូវជាតិលេខ ៧៣

គម្រោងកែលម្អ ជួសជុល និងការថែទាំផ្លូវជាតិ ៧៣ ប្រវែង ៤៩,៨១២ គីឡូម៉ែត្រ លាត​សន្ធឹង​ពី​ខេត្ត​ត្បូងឃ្មុំ-ខេត្ត​ក្រចេះ សម្រេច​វឌ្ឍនភាព​បាន​ប្រមាណ ៩៣.០៦% គិតត្រឹមដើមខែកុម្ភៈ ឆ្នាំ២០២៥។

បើគ្មានការ​ប្រែប្រួល គម្រោងការកែលម្អ ជួសជុល និងការថែទាំ ផ្លូវជាតិ ៧៣ នឹង​ត្រូវ​បញ្ចប់​នៅចុង​ខែមីនា ឆ្នាំ២០២៥ ខាងមុខនេះ។ នេះ​បើតាមលោក ផន រឹម មន្រ្តី​អ្នក​នាំពាក្យ​ក្រសួង​សាធារណការ និង​ដឹកជញ្ជូន​ ដែល​បង្ហាញ​ពី​វឌ្ឍនភាព​នៃ​ដំណើរការ​ការ​ស្ថាបនា​ផ្លូវ​ជាតិលេខ ៧៣ ដែលកំពុង​អ៊ុតកៅស៊ូ​ឈាន​ទៅ​បញ្ចប់​ឆាប់ៗ​នេះ។

ការ​​ស្ថាបនាផ្លូវជាតិលេខ ៧៣ ត្រូវ​​​ពង្រីកទទឹងផ្លូវ​ពី ៨-៩ ម៉ែត្រ ដល់ ១១ ម៉ែត្រ ដោយ​អ៊ុត​ក្រាល​កៅស៊ូ (AC) និង​នៅ​តំបន់ផ្សារចាក់បេតុងបន្ថែម។

តាមរយៈផ្លូវជាតិ​លេខ ៧៣ នឹង​នាំមកអត្ថប្រយោជន៍យ៉ាងសម្បើម​ដល់ប្រជាពលរដ្ឋក្នុងស្រុក និង​ធានា​អត្ថប្រយោជន៍​ដល់សហគមន៍មូលដ្ឋាន និង​ក្នុងខេត្តចំនួន ៦ របស់កម្ពុជាគឺ កំពង់ចាម ត្បូងឃ្មុំ ខេត្តក្រចេះ មណ្ឌលគិរី រតនគិរី និងខេត្តស្ទឹងត្រែង ដោយកាត់បន្ថយពេលវេលាធ្វើដំណើរ ចំណាយពេល​តិច ភាពងាយស្រួល និងការតភ្ជាប់កាន់តែល្អតាមបណ្តាញផ្លូវជាតិនានា។

ស្ពាន​ឆ្លង​ទន្លេ​មេគង្គ​ក្រចេះ

គិតត្រឹម​ពាក់កណ្តាល​ខែមីនា ឆ្នាំ២០២៥ ដំណើរការ​សាងសង់​ស្ពានឆ្លងកាត់​ទន្លេមេគង្គ​ខេត្តក្រចេះ វឌ្ឍនភាព​សម្រេច​បាន​ប្រមាណ ៩០%។

ស្ពានឆ្លងកាត់ទន្លេមេគង្គខេត្តក្រចេះ ប្រវែង ១ ៧៦១ ម៉ែត្រ។ បើ​តាម​ការ​គ្រោងទុក ស្ពានឆ្លងកាត់​ទន្លេ​មេគង្គ​ខេត្តក្រចេះ អាច​នឹងបើកឱ្យប្រជាពលរដ្ឋធ្វើដំណើរឆ្លងកាត់បណ្តោះអាសន្ន នៅ​អំឡុង​ខែ​កញ្ញា ឆ្នាំ២០២៥ ខាងមុខនេះ៕

បន្ត​ចុចអាន៖ ផ្លូវ​ជាតិ​សំខាន់ៗ ៣ ខ្សែ បញ្ចប់​ការ​សាងសង់​១០០% ​តភ្ជាប់​គ្នា​យ៉ាង​ប្រទាក់ក្រឡា
បន្តចុចអាន៖ ៥ សមិទ្ធផលធំៗ បាន​ផ្លាស់ប្តូរ​មុខមាត់​​ថ្មី​ខេត្ត​កែបកាន់តែ​ស្រស់បំព្រង និង​រីកចម្រើន

The post ​ផ្លូវ​ស្ពាន​ធំៗចំនួន ៩ គ្រោង​បញ្ចប់​ការ​សាង​សង់​នៅ​ឆ្នាំ ២០២៥ appeared first on Kampuchea Thmey Daily.

ផ្លូវជាតិ​លេខ ៤៨ ចាប់ចេញពី​ផ្លូវ​បំបែក​​ស្រែអំបិល​មក​ដល់​ទីរួម​ក្រុង​ខេមរភូមិន្ទ​ខេត្ត​កោះកុង គិត​មកត្រឹមថ្ងៃទី ៥ ខែមីនា ឆ្នាំ ២០២៥ វឌ្ឍនភាព​សម្រេច​បាន​ប្រមាណ ៨៩%។

ផ្លូវ​ជាតិលេខ៤៨ គឺជាខ្សែផ្លូវដ៏សំខាន់ និង​បណ្តាញ​ផ្លូវ​យុទ្ធសាស្ត្រ​តភ្ជាប់​ប្រកប​ដោយសក្តានុពលសេដ្ឋកិច្ច ពាណិជ្ជកម្ម ដឹកជញ្ជូន ភស្តុភារកម្ម និង​ទេសចរណ៍។

ខ្សែផ្លូវនេះ​ជាសរសៃឈាមសេដ្ឋកិច្ចដ៏មានសក្តានុពលរបស់កម្ពុជា ក៏ដូចជាខេត្តកោះកុង ក្នុងការ​ជួយ​សម្រួល​ដល់ការតភ្ជាប់ទំនាក់ទំនងគមនាគមន៍ ការធ្វើសមាហរណកម្មតភ្ជាប់ផ្ទៃក្នុងប្រទេស ជាពិសេសកំពង់ផែទឹកជ្រៅក្រុងព្រះសីហនុ​។

បច្ចុប្បន្ននេះ ការដ្ឋានលើកកម្រិតគុណភាពផ្លូវជាតិលេខ ៤៨ កំពុងសម្រុកសាងសង់​ ដើម្បីធានាសម្រេចវឌ្ឍនភាពតាមការគ្រោងទុកនៅបំណាច់រដូវប្រាំងឆ្នាំ ២០២៥ ខាងមុខ។

លោក ផន រឹម មន្រ្តីអ្នកនាំពាក្យក្រសួងសាធារណការនិងដឹកជញ្ជូន​បាន​គូស​បញ្ជាក់ថា គម្រោង​លើកកម្រិត​គុណភាព​ផ្លូវជាតិលេខ ៤៨ ប្រវែង ១៤៨,០៣៨ គីឡូម៉ែត្រ (ចាប់ពី PK0+000-១៤៨+០៣៨ ភូមិអូរជ្រៅ ឃុំបឹងព្រាវ ស្រុកស្រែអំបិល ដល់​ក្រុងខេមរភូមិន្ទ ខេត្តកោះកុង) នៅសល់ផ្លូវដីមិនដល់ ២០ គីឡូម៉ែត្រ​​ទៀត​នោះ​ទេ និង​កំពុង​ត្រៀមចាក់ក្រាល​កៅស៊ូ AC ជា​បន្តបន្តាប់។

ផ្លូវ​ដីដែល​នៅសេសសល់ ជា​កន្លែងដែល​ត្រូវ​កាត់​ពុះជ្រៀក​ជម្រាលភ្នំ ដើម្បី​ធានា​ការធ្វើ​ដំណើរនិង​ការ​ដឹក​ជញ្ជូន​ប្រកប​ដោយ​​សុវត្ថិភាព ពេល​ស្ថាបនារួចរាល់។ លោក ផន រឹម បន្ថែម។

ដោយ​ឡែក​ផ្លូវ​មួយ​ខ្សែ​ទៀត​ ដែល​កំពុងដំណើរក​សាងសង់​តភ្ជាប់​មក​ខេត្ត​កោះកុង​ដែរ​នោះ​គឺ​ផ្លូវ​ជាតិ​លេខ ១០ ដែលមាន​ប្រវែង​ជាង ១៩៨ គីឡូម៉ែត្រ ដែល​​ជា​ខ្សែ​ផ្លូវ​ថ្មី​សាងសង់​កាត់ ៣ ខេត្ត គឺ​ពី​​ស្រុក​សំឡូត (ខេត្ត​បាត់ដំបង) កាត់វាលវែង (ពោធិ៍សាត់) ដល់​ក្រុង​ខេមរភូមិន្ទ (​ខេត្ត​កោះកុង) ដែល​វឌ្ឍនភាពសម្រាប់ដំណើរការសាងសង់​សម្រេចបានប្រមាណ​ ៩៧​%​។

នៅ​លើ​កំណាត់​​​ផ្លូវ​ជាតិ​មួយ​ខ្សែនេះ ក៏​មានការ​សាងសង់​ស្ពាន​កម្ពស់​​ជាង ៩០ ម៉ែត្រ ដែល​នឹង​បើក​ឱ្យ​ពលរដ្ឋ​អាច​ធ្វើដំណើរ​ឆ្លងកាត់​បណ្តោះ​អាសន្ន​រយៈពេល ៧ ថ្ងៃ គឺមុន​និងអំឡុងបុណ្យចូលឆ្នាំខ្មែរ។

តាម​រយៈ​ផ្លូវជាតិ​លេខ ១០ ​ប្រជាពលរដ្ឋ​នៅ​ខេត្ត​បាត់ដំបង ពោធិ៍សាត់ នឹង​អាច​ធ្វើ​ដំណើរ​មក​លេង​សមុទ្រ​ក្នុង​ខេត្ត​កោះកុង​​​កាន់​តែ​ងាយស្រួល ខណៈ​ផ្លូវ​ជាតិថ្មីមួយខ្សែ​នេះ​ក៏​​នឹង​ក្លាយ​ជា​ផ្លូវ​សេដ្ឋកិច្ច​ដ៏​មាន​សក្តានុពល​របស់​កម្ពុជា ក្នុង​ការ​រួមចំណែក​បង្ក​លក្ខណៈ​ងាយស្រួល​នៃ​ការដោះដូរ​ពាណិជ្ជកម្ម ការ​វិនិយោគ និង​ការ​ធ្វើ​ដំណើរ​បាន​ឆាប់រហ័ស និង​ចំណាយ​​តិច​។

អ្នក​ឧកញ៉ា សួរ វិរៈ​ ដែល​គេ​ដឹងថា​ជា​អ្នក​ជំនួញ​លើ​វិស័យ​ដឹកជញ្ជូន និង​ទេសចរណ៍ ​ដែល​បាន​សាង​ជំនួញ​ល្បីល្បាញ​​ចេញ​ពី​ខេត្ត​កោះកុង ក៏​មើល​ឃើញ​ពី​តម្លៃ​នៃ​​ផល​សេដ្ឋកិច្ច​តាមរយៈ​ផ្លូវ​ជាតិ​ជាច្រើន​ខ្សែ ដែល​កំពុង​​សាងសង់​ឆ្ពោះមកខេត្ត​កោះកុង ខណៈ​​អ្នក​ឧកញ៉ា​ក៏​កំពុង​ពង្រីក​ការ​វិនិយោគ​នៅ​ខេត្ត​ជាប់​ព្រំដែន​សមុទ្រ​ជាមួយ​ថៃ​នេះ។

នៅ​លើ​បណ្តាញ​សង្គម អ្នក​ឧកញ៉ា​បាន​លើក​ពី​គម្រោងវិនិយោគ​ជាច្រើន រួមទាំងកំពុង​​អភិវឌ្ឍ​​រីសត​​មួយ​កន្លែង​នៅ​តាម​បណ្តោយ​​ឆ្នេរ​នៅ​​ក្រុង​ខេមរភូមិន្ទ ដែលនឹង​ត្រៀម​ទទួល​ភ្ញៀវ​មក​កម្សាន្ត​នៅ​ចុង​ឆ្នាំ​ ២០២៥ ស្រប​ការ​បញ្ចប់​ការ​ស្ថាបនា​​ផ្លូវ​ជាតិ​លេខ ៤៨ និង​ផ្លូវជាតិលេខ ១០៕

The post ផ្លូវ​ជាតិ​ពីរ​ខ្សែ​នឹង​ជំរុញ​​ការអភិវឌ្ឍ​សេដ្ឋកិច្ច​ និង​ផ្លាស់ប្តូរ​មុខមាត់​ថ្មី​ខេត្ត​កោះកុង appeared first on Kampuchea Thmey Daily.