ពានរង្វាន់ស្វាយរៀងខាប់នារី Archives - Kampuchea Thmey Daily

ក្រុមនារី U16 ព្រះខ័នរាជស្វាយរៀង និង ស្រុករមាសហែក ប៉ះគ្នា រក្សាភាពមិនចាញ់ក្នុងពាន ស្វាយរៀងខាប់នារី

chean virakbot — Mon, 06 Jul 2026 02:06:41 +0000

ក្រុមបាល់ទាត់នារី ព្រះខ័នរាជស្វាយរៀងអាយុ ១៦ឆ្នាំ និង ក្រុមនារី សសយក ស្រុករមាសហែក បានរក្សាភាពមិនចាញ់ នៅពេលប៉ះគ្នាក្នុងពានរង្វាន់ ស្វាយរៀងខាប់ នារី លើកទី២ ក្នុងសប្តាហ៍ទី៦ កាលពីថ្ងៃទី២ ខែកក្កដា ឆ្នាំ ២០២៦។

នេះជាការប្រកួតវគ្គសន្សំពិន្ទុលើកទី ៥ សម្រាប់ក្រុមទាំងពីរ។ ការប្រកួត ៤ លើកកន្លងមក ពួកគេសុទ្ធតែឈ្នះទាំងអស់ ហើយសម្រាប់ការប្រកួតសប្តាហ៍ទី៦ ក្រុមទាំងពីរបានជួបគ្នា និងបញ្ចប់ដោយលទ្ធផលស្មើគ្នា ២-២។

តាមរយៈលទ្ធផលស្មើគ្នានេះ ក្រុមនារី ស្រុករមាសហែក នៅតែរក្សាខ្លួនឈរលើកំពូលតារាង បើទោះបីជាមានពិន្ទុ ១៣ ស្មើគ្នា ដោយសារតែពួកគេមានគ្រាប់បាល់ចំណេញច្រើនជាង។

សប្តាហ៍ទី ១

ព្រះខ័នរាជស្វាយរៀង ៤-១ ស្រុកកំពង់រោទ៍
ស្រុករមាសហែក ៣-១ ស្រុកស្វាយទាប
វិទ្យាល័យព្រះពន្លា ១-៣ CRS Sports

សប្តាហ៍ទី ២

ស្រុករមាសហែក ១៣-១ 2 Brother
វិទ្យាល័យព្រះពន្លា ១-១ ស្រុកកំពង់រោទិ៍
ស្រុកស្វាយទាប ១-២ ព្រះខ័នរាជស្វាយរៀង

សប្តាហ៍ទី ៣

វិទ្យាល័យព្រះពន្លា ០-៤ ព្រះខ័នរាជស្វាយរៀង
CRS Sport ១-០ 2 Brother
ស្រុកស្វាយទាប ៣-០ ស្រុកកំពង់រោទិ៍

សប្តាហ៍ទី ៤

CRS Sport ១-០ ស្រុកស្វាយទាប
CRS Sport ២-៦ ស្រុករមាសហែក
ស្រុកកំពង់រោទិ៍ ០-០ 2 Brother

សប្តាហ៍ទី ៥

ព្រះខ័នរាជស្វាយរៀង ៤-០ CRS Sport
2 Brother ១-៣ ស្រុកស្វាយទាប
ស្រុករមាសហែក ៧-០ វិទ្យាល័យព្រះពន្លា

សប្តាហ៍ទី ៦

U16 ព្រះខ័នរាជស្វាយរៀង ២-២ សសយក ស្រុករមាសហែក
2 Brottherr ១-២ វិទ្យាល័យព្រះពន្លា
សសយក ស្រុកកំពង់រោទិ៍ ១-៦ CRS Sport

អត្ថបទ៖ វិរបុត្រ

The post ក្រុមនារី U16 ព្រះខ័នរាជស្វាយរៀង និង ស្រុករមាសហែក ប៉ះគ្នា រក្សាភាពមិនចាញ់ក្នុងពាន ស្វាយរៀងខាប់នារី appeared first on Kampuchea Thmey Daily.

ក្រុមនារីស្រុករមាសហែក និង ព្រះខ័នរាជស្វាយរៀង ជាក្រុមមិនទាន់ចាញ់ដូចគ្នា ក្នុងពានស្វាយរៀងខាប់នារី ត្រឹមសប្តាហ៍ទី៥

chean virakbot — Mon, 29 Jun 2026 05:50:00 +0000

ក្រុមបាល់ទាត់នារី សសយក ស្រុករមាសហែក និងក្រុមនារីព្រះខ័នរាជស្វាយរៀងអាយុ ១៦ ឆ្នាំ កំពុងប្រជែងគ្នាខ្លាំងទាំងចំនួនគ្រាប់បាល់ និងចំណាត់ថ្នាក់ក្នុងពានរង្វាន់ ស្វាយរៀងខាប់ នារី លើកទី២ គិតត្រឹមសប្តាហ៍ទី៥ កាលពីចុងសប្តាហ៍កន្លងទៅនេះ។

កាលពីសប្តាហ៍ទី ១ ក្រុមនារី ស្រុករមាសហែក បានយកឈ្នះ ក្រុមនារី ស្រុកស្វាយទាប ៣-១ និងសប្តាហ៍ទី២ ពួកគេបានយកឈ្នះក្រុមនារី 2 Brother ១៣-១។ នៅសប្តាហ៍ទី៤ ពួកគេបានឈ្នះក្រុម CRS Sport ៦-២ និងសប្តាហ៍ទី ៥ បានយកឈ្នះក្រុមនារីវិទ្យាល័យព្រះពន្លា ៧-០។

ចំណែក ក្រុមនារី ព្រះខ័នរាជស្វាយរៀង បានឈ្នះ ក្រុមសសយក ស្រុកកំពង់រោទិ៍ ៤-១ ក្នុងសប្តាហ៍ទី១, ឈ្នះក្រុមស្រុកស្វាយទាប ២-១ ក្នុងសប្តាហ៍ទី២, ឈ្នះក្រុមវិទ្យាល័យព្រះពន្លា ៤-០ ក្នុងសប្តាហ៍ទី៣ និងឈ្នះ ក្រុម CRS Sport ៤-០ ក្នុងសប្តាហ៍ទី៥។

គិតត្រឹមសប្តាហ៍ទី៥ ក្រុមនារី ព្រះខ័នរាជស្វាយរៀងអាយុ ១៦ឆ្នាំ និងក្រុមនារីស្រុករមាសហែក មាន ១២ ពិន្ទុ ស្មើគ្នា បន្ទាប់ពីឈ្នះទាំង ៤ ប្រកួតដូចគ្នា ប៉ុន្តែក្រុមស្រុករមាសហែក ឈរលេខ ១ ដោយសារចំណេញគ្រាប់បាល់ច្រើនជាង ខណៈក្រុមនារីព្រះខ័នរាជស្វាយរៀង ឈរលេខ ២។

សប្តាហ៍ទី ១

ព្រះខ័នរាជស្វាយរៀង ៤-១ ស្រុកកំពង់រោទ៍
ស្រុករមាសហែក ៣-១ ស្រុកស្វាយទាប
វិទ្យាល័យព្រះពន្លា ១-៣ CRS Sports

សប្តាហ៍ទី ២

ស្រុករមាសហែក ១៣-១ 2 Brother
វិទ្យាល័យព្រះពន្លា ១-១ ស្រុកកំពង់រោទិ៍
ស្រុកស្វាយទាប ១-២ ព្រះខ័នរាជស្វាយរៀង

សប្តាហ៍ទី ៣

វិទ្យាល័យព្រះពន្លា ០-៤ ព្រះខ័នរាជស្វាយរៀង
CRS Sport ១-០ 2 Brother
ស្រុកស្វាយទាប ៣-០ ស្រុកកំពង់រោទិ៍

សប្តាហ៍ទី ៤

CRS Sport ១-០ ស្រុកស្វាយទាប
CRS Sport ២-៦ ស្រុករមាសហែក
ស្រុកកំពង់រោទិ៍ ០-០ 2 Brother

សប្តាហ៍ទី ៥

ព្រះខ័នរាជស្វាយរៀង ៤-០ CRS Sport
2 Brother ១-៣ ស្រុកស្វាយទាប
ស្រុករមាសហែក ៧-០ វិទ្យាល័យព្រះពន្លា

អត្ថបទ៖ វិរបុត្រ

The post ក្រុមនារីស្រុករមាសហែក និង ព្រះខ័នរាជស្វាយរៀង ជាក្រុមមិនទាន់ចាញ់ដូចគ្នា ក្នុងពានស្វាយរៀងខាប់នារី ត្រឹមសប្តាហ៍ទី៥ appeared first on Kampuchea Thmey Daily.

ស្វាយរៀងខាប់នារី សប្តាហ៍ទី៣ បញ្ចប់ដោយលទ្ធផល Clean Sheet ទាំង ៣ គូ

chean virakbot — Mon, 15 Jun 2026 01:55:27 +0000

ការប្រកួតបាល់ទាត់ពានរង្វាន់ ស្វាយរៀងខាប់នារី លើកទី២ សប្តាហ៍ទី៣ កាលពីចុងសប្តាហ៍កន្លងទៅនេះបានបញ្ចប់ដោយលទ្ធផល Clean Sheet ទាំង ៣ គូតែម្តង។

ការប្រកួតគូទី១ ក្រុមនារីព្រះខ័នរាជស្វាយរៀង បានយកឈ្នះ ក្រុមនារី វិទ្យាល័យព្រះពន្លា ដោយលទ្ធផល ៤-០ កាលពីថ្ងៃ ទី១១ ខែមិថុនា ហើយនៅថ្ងៃទី១៤ ខែមិថុនា ក្រុមនារី CRS Sport បានយកឈ្នះក្រុមនារី 2 Brother ដោយលទ្ធផល ១-០ និងចុងក្រោយ ក្រុមនារី សសយក ស្រុកស្វាយទាប បានយកឈ្នះ ក្រុមនារី សសយក ស្រុកកំពង់រោទិ៍ ដោយលទ្ធផល ៣-០។

នេះជាលើកដំបូងដែល ៣ ក្រុមទទួលបានជ័យជម្នះដោយដៃគូមិនអាចស៊ុតចូលទាល់តែសោះក្នុងពានរង្វាន់ស្វាយរៀងខាប់នារី។ រម្លឹកដល់ការប្រកូត កាលពីសប្តាហ៍ទី២ ក្រុមនារីស្រុករមាសហែក ឈ្នះ 2 Brother ១៣-១, ក្រុមនារី វិទ្យាល័យព្រះពន្លា និង ក្រុមនារីស្រុកកំពង់រោទិ៍ បានមើគ្នា ១-១ ហើយ ក្រុមនារីស្រុកស្វាយទាប ចាញ់ ក្រុមនារីព្រះខ័នរាជស្វាយរៀង ១-២។

សម្រាប់លទ្ធផលសប្តាហ៍ទី១ ក្រុមនារី ព្រះខ័នរាជស្វាយរៀង បានឈ្នះ ក្រុមនារីស្រុកកំពង់រោទិ៍ ៤-១, ក្រុមនារីស្រុករមាសហែក បានឈ្នះក្រុមនារីស្រុកស្វាយទាប ៣-១ និង ក្រុមនារី CRS Sport ឈ្នះ ក្រុមនារីវិទ្យាល័យព្រះពន្លា ដោយលទ្ធផល ២-១៕

អត្ថបទ៖ វិរបុត្រ

The post ស្វាយរៀងខាប់នារី សប្តាហ៍ទី៣ បញ្ចប់ដោយលទ្ធផល Clean Sheet ទាំង ៣ គូ appeared first on Kampuchea Thmey Daily.

ក្រុមនារីព្រះខ័នរាជស្វាយរៀង ប៉ះ ក្រុមនារីស្រុកស្វាយទាប ពានស្វាយរៀងខាប់នារី សប្តាហ៍ទី២

chean virakbot — Thu, 04 Jun 2026 08:20:53 +0000

ក្រុមនារីព្រះខ័នរាជស្វាយរៀង បន្តស្វែងរកជ័យជម្នះលើកទី២ នៅពេលត្រូវជួប ក្រុមនារី សសយក ស្រុកស្វាយទាប វេលាម៉ោង ៣:៣០ នាទីរសៀល នៅថ្ងៃអាទិត្យ ទី៧ ខែមិថុនា ឆ្នាំ ២០២៦ សម្រាប់ការប្រកួតសប្តាហ៍ទី២ ពានរង្វាន់ស្វាយរៀងខាប់នារី រដូវកាលទី២។

កាលពីសប្តាហ៍ទី១ ក្រុមនារី ព្រះខ័នរាជស្វាយរៀង បានយកឈ្នះ ក្រុមនារី សសយក ស្រុកកំពង់រោទិ៍ ដោយលទ្ធផល ៤-១។ ចំណែកក្រុមនារី សសយក ស្រុកស្វាយទាប មិនទាន់មានពិន្ទុរាប់ទេ បន្ទាប់ពីចាញ់ក្រុម សសយក ស្រុករមាសហែក ១-៣។

ម៉ោង៨ព្រឹក ថ្ងៃអាទិត្យ ទី៧ នេះ ក្រុម សសយក ស្រុករមាសហែក ក៏ត្រូវស្វែងជ័យជម្នះលើកទី២ដែរ ដោយត្រូវជួបក្រុម 2 Brothers។ នៅសប្តាហ៍ទី១ ក្រុម សសយក ស្រុករមាសហែក បានឈ្នះ ក្រុមសសយក ស្រុកស្វាយទាប ដោយលទ្ធផល ៣-១។ ចំពោះក្រុម 2 Brothers ទើបចាប់ផ្តើមប្រកួតលើកទី១។

នៅវេលាម៉ោង ១:៣០នាទីរសៀល ថ្ងៃដដែល ក្រុមវិទ្យាល័យព្រះពន្លា ត្រូវប្រកួតជាមួយក្រុមនារី សសយក ស្រុកកំពង់រោទិ៍។ កាលសប្តាហ៍ទី១ ក្រុម វិទ្យាល័យព្រះពន្លា បានចាញ់ក្រុម CRS Sports ដោយលទ្ធផល ៣-១ ដែរ ហើយក្រុម សសយក ស្រុកកំពង់រោទិ៍ បានចាញ់ក្រុម ព្រះខ័នរាជស្វាយរៀង ១-៤៕

អត្ថបទ៖ វិរបុត្រ

The post ក្រុមនារីព្រះខ័នរាជស្វាយរៀង ប៉ះ ក្រុមនារីស្រុកស្វាយទាប ពានស្វាយរៀងខាប់នារី សប្តាហ៍ទី២ appeared first on Kampuchea Thmey Daily.

ជើងឯកស្វាយរៀងខាប់នារី លើកទី២ ចាប់ផ្តើមចុងខែឧសភានេះ

chean virakbot — Wed, 27 May 2026 02:29:17 +0000

គណៈកម្មការរៀបចំការប្រកួតស្វាយរៀងខាប់ នឹងចាប់ផ្តើមដំណើការប្រកួតកីឡាបាល់ទាត់ ពានរង្វាន់ស្វាយរៀងខាប់នារី រដូវកាលទី២ នាថ្ងៃទី៣១ ខែឧសភា ឆ្នាំ ២០២៦ ដោយមានក្រុមចំនួន ៧ ចូលរួមប្រកួត។

យោងតាមកិច្ចប្រជុំបច្ចេកទេស និងចាប់ឆ្នោតរបស់គណៈកម្មការរៀបចំការប្រកួតស្វាយរៀង ខាប់ កាលពីថ្ងៃទី២៤ ខែឧសភា ឆ្នាំ ២០២៦ បានបង្ហាញថា ពានរង្វាន់បាល់ទាត់ ស្វាយរៀង ខាប់ ផ្នែកនារី លើកទី២ មានក្រុមបាល់ទាត់នារីចំនួន ៧ មកពីទូទាំងខេត្តស្វាយរៀងចូលរួមប្រកួត។

ក្រុមបាល់ទាត់នារីទាំង ៧ រួមមាន១. សសយក ស្រុករមាសហែក, ២. CRS SPORT, ៣. សសយក ស្រុកកំពង់រោទិ៍, ៤. សសយក ស្រុកស្វាយទាប, ៥. ព្រះខ័នរាជស្វាយរៀង, ៦. ធូប្រាឌឺ បាវិត, និង ៧. វិទ្យាល័យព្រះពន្លា។

ការប្រកួតនឹងធ្វើឡើងនៅទីលានវិទ្យាល័យហ៊ុន សែន ស្វាយរំពារ ចាប់ពីថ្ងៃទី៣១ ខែឧសភា ឆ្នាំ២០២៦ នេះតទៅ។

កាលពីរដូវកាលទី១ ឆ្នាំ ២០២៤ ក្រុមបាល់ទាត់នារី សសយក ស្រុករំដួល បានគ្រងជើងឯកស្វាយរៀងខាប់ បន្ទាប់ពីបានយកឈ្នះលើក្រុមបាល់ទាត់នារី សសយក ស្រុកស្វាយទាប ដោយការទាត់ប៉េណាល់ទីកាត់សេចក្តី ៦-៥ បន្ទាប់ពីស្មើគ្នា ២-២។

គណៈកម្មការរៀបចំការប្រកួតស្វាយរៀងខាប់ បាននិងកំពុងរៀបចំកម្មវិធីបាល់ទាត់ជាច្រើននៅក្នុងខេត្តស្វាយរៀង ដើម្បីផ្តល់ឱកាសឲ្យយុវជន យុវនារីបង្ហាញសមត្ថភាព និងចាប់យកក្តីស្រមៃក្លាយជាកីឡាករ កីឡាការិនីអាជីពនាពេលអនាគត។ កម្មវិធីប្រកួតជាច្រើនមានដូចជា ស្វាយរៀងខាប់ ស្វាយរៀងខាប់អាយុ១៣ឆ្នាំ ស្វាយរៀងខាប់អាយុ១៥ឆ្នាំ ស្វាយរៀងខាប់អាយុ១៨ឆ្នាំ ស្វាយរៀងខាប់ស៊ុបភើខាប់ និងស្វាយរៀងខាប់ផ្នែកនារី៕

អត្ថបទ៖ វិរបុត្រ

The post ជើងឯកស្វាយរៀងខាប់នារី លើកទី២ ចាប់ផ្តើមចុងខែឧសភានេះ appeared first on Kampuchea Thmey Daily.

ពានរង្វាន់ស្វាយរៀងខាប់ ផ្នែកនារី បានត្រឡប់មកវិញជាលើកទី ២ នៅឆ្នាំ ២០២៦ នេះ

Kosal Sem — Tue, 17 Mar 2026 10:33:15 +0000

គណៈកម្មការប្រកួតបាល់ទាត់ខេត្តស្វាយរៀង បានប្រកាសជាផ្លូវការ នឹងរៀបចំព្រឹត្តិការណ៍ប្រកួតបាល់ទាត់ «ពានរង្វាន់ ខេត្តស្វាយរៀង ផ្នែកនារី» លើកទី២ ឆ្នាំ២០២៦ នេះ។

យោងតាមការប្រកាសរបស់គណៈកម្មការប្រកួតបាល់ទាត់ខេត្តស្វាយរៀង បានឱ្យដឹង ថា ការលក់ពាក្យចូលរួមប្រកួតនឹងចាប់ផ្តើមពីថ្ងៃជូនដំណឹងនេះតទៅ ខណៈការដាក់ពាក្យនឹងចាប់ផ្តើមពីខែ មីនា ឆ្នាំ ២០២៦ នេះតទៅ។ កាលបរិច្ឆេទប្រកួតនឹងចាប់ផ្តើមពីខែ មេសា ឆ្នាំ ២០២៦ តទៅ។

លក្ខខណ្ឌក្រុមអាចចូលរួមបាន គឺកីឡាការិនីត្រូវមានសញ្ជាតិខ្មែរ និងកើតនៅក្នុងខេត្តស្វាយរៀង ហើយមានអាយុចាប់ពីអាយុ ១៤ ឆ្នាំឡើងទៅ។ ក្នុងមួយក្រុមត្រូវមានកីឡាការិនីច្រើនបំផុត ២០ នាក់ និងមន្ត្រីក្រុមចំនួន ៨ នាក់។ ជាមួយគ្នានេះ កីឡាការិនីអាជីពមិនត្រូវបានអនុញ្ញាតឱ្យចូលរួមឡើយ។

ប្រាក់រង្វាន់ ក្រុមលេខ ១ ទទួលបានពាន ១ មេដាយមាស និងថវិការ ៨ លានរៀល។ ក្រុមលេខ ២ ទទួលបានមេដាយប្រាក់ និងថវិការ ៤ លានរៀល។ ក្រុមចំណាត់ថ្នាក់លេខ ៣ ទទួលបានមេដាយសំរឹទ្ធ និងថវិការ ២ លានរៀល និងចំណាត់ថ្នាក់លេខ ៤ ទទួលបានថវិការ ១ លានរៀល។

គួរបញ្ជាក់ ថា ការប្រកួតនឹងប្រព្រឹត្តិឡើងនៅទីលានកីឡដ្ឋានខេត្តស្វាយរៀង ទីលានវិទ្យាល័យហ៊ុន សែន ស្វាយរំពារ និងទីលានសាលាបឋមសិក្សា កន្ទុយរៃ៕

អត្ថបទ៖ សេម កុសល

The post ពានរង្វាន់ស្វាយរៀងខាប់ ផ្នែកនារី បានត្រឡប់មកវិញជាលើកទី ២ នៅឆ្នាំ ២០២៦ នេះ appeared first on Kampuchea Thmey Daily.

អបអរសាទរ! ក្រុមនារី សសយក ស្រុករំដួល គ្រងជើងឯកស្វាយរៀងខាប់ រដូវកាលទី១

chean virakbot — Sun, 02 Jun 2024 12:00:28 +0000

អបអរសាទរ! ក្រុមបាល់ទាត់នារី សសយក ស្រុករំដួល គ្រងជើងឯកស្វាយរៀងខាប់ រដូវកាលទី១ ឆ្នាំ២០២៤ បន្ទាប់ពីបានយកឈ្នះលើក្រុមបាល់ទាត់នារី សសយក ស្រុកស្វាយទាប ដោយការទាត់ប៉េណាល់ទីកាត់សេចក្តី ៦-៥ បន្ទាប់ពីស្មើគ្នា ២-២ នៅល្ងាចថ្ងៃអាទិត្យ ទី២ ខែមុថុនា ឆ្នាំ២០២៤ នៅកីឡដ្ឋានខេត្តស្វាយរៀង។

ជ័យលាភី និងប្រាក់រង្វាន់ ស្វាយរៀងខាប់នារី រួមមាន៖

ម្ចាស់ជើងឯក៖ ក្រុមបាល់ទាត់ សសយក ស្រុករំដួល ទទួលបានពាន១ មេដាយមាស៣៣គ្រឿង និងថវិកា៦លានរៀល
ជើងឯករង៖ ក្រុមបាល់ទាត់ សសយក ស្វាយទាប ទទួលបានមេដាយប្រាក់២៨គ្រឿង និងថវិកា៤លានរៀល
ចំណាត់ថ្នាក់លេខ៣៖ ក្រុមបាល់ទាត់ ស្រុកកំពង់រោទិ៍ ទទួលបានមេដាយសំរិទ្ធ២៨គ្រឿង និងថវិកា២លានរៀល
ក្រុមគោរពវិន័យបានល្អ៖ ក្រុមបាល់ទាត់ វិទ្យាល័យព្រះពន្លា ទទួលបានពាន Fair Play និងថវិកា១លានរៀល
គ្រូបង្វឹកល្អ៖ លោក ពោជ វុទ្ធី ទទួលបានពានគ្រូបង្វឹកល្អ និងថវិកា៨០ម៉ឺនរៀល
កីឡាករទាត់បាល់បញ្ចូលទីច្រើនជាងគេ៖ កីឡាការិនី ឈាង ភាព ទទួលបានពានស្បែកជើងមាស និងថវិកា៨០ម៉ឺនរៀល
អ្នកចាំទីល្អជាងគេ៖ កីឡាការីនី សារុំ មករា ទទួលបានពាន និងថវិកា៨០ម៉ឺនរៀល

អត្ថបទ៖ វីរបុត្រ

The post អបអរសាទរ! ក្រុមនារី សសយក ស្រុករំដួល គ្រងជើងឯកស្វាយរៀងខាប់ រដូវកាលទី១ appeared first on Kampuchea Thmey Daily.

ស្វាយរៀងខាប់ទាំងនារីនិងបុរសរកឃើញក្រុមឡើងវគ្គផ្ដាច់ព្រ័ត្រ

Pha Rothana — Wed, 15 May 2024 10:27:26 +0000

កាប្រកួតពានរង្វាន់ស្វាយរៀខាប់ឆ្នាំ២០២៤ ទាំងបុរស និងនារី បានរកឃើញក្រុមឡើងទៅវគ្គផ្ដាច់ព្រ័ត្រហើយ ក្រោយឆ្លងកាត់ការប្រកួតវគ្គពាក់កណ្ដាលផ្ដាច់ព្រ័ត្រដោយទទួលបានជ័យម្នះរៀងៗខ្លួន។

ក្នុងការប្រកួតពានរង្វាន់ស្វាយរៀងផ្នែកបុរស បន្ទាប់ពីឆ្លងកាត់ការប្រកួតយ៉ាងស្វិតស្វាញនៅវគ្គពាក់កណ្តាលផ្តាច់ព្រ័ត្រ ពេលនេះរកឃើញក្រុមខ្លាំង២បានឡើងទៅវគ្គផ្ដាច់ព្រ័ត្រ។ ក្នុងជំនួបវគ្គផ្ដាច់ព្រ័ត្រក្រុមសសយក ក្រុងបាវិត ត្រូវជួបជាមួយក្រុមស្នងការដ្ឋាននគរបាលខេត្តស្វាយរៀង។

សម្រាប់ការប្រកួតវគ្គពាក់កណ្ដាលផ្ដាច់ព្រ័ត្រក្រុមទាំង២ពិតជាធ្វើបានល្អ ក្នុងនោះក្រុមសសយក ក្រុងបាវិត បានទម្លាក់ក្រុមយុវជនសាមគ្គី ក្នុងលទ្ធផល ៣-១ ខណៈក្រុមស្នងការដ្ឋាននគរបាលខេត្តស្វាយរៀង បានយកឈ្នះក្រុមងហៃរីស្សត FC ៣-១ ដូចគ្នា។

ចំពោះការប្រកួតស្វាយរៀងខាប់ផ្នែកនារីវិញ នៅវគ្គផ្ដាច់ព្រ័ត្រ ក្រុមសសយក ស្រុកស្វាយទាប ត្រូវជួបជាមួយក្រុមសសយក ស្រុករំដួល។ ក្រុមទាំង២សុទ្ធតែជាក្រុមខ្លាំង ដោយវគ្គពាក់កណ្ដាលផ្ដាច់ព្រ័ត្រ ក្រុមសសយក ស្រុកស្វាយទាប បានទម្លាក់ក្រុមសសយក ស្រុកកំពង់រោទិ៍ យ៉ាងចាស់ដៃ ក្នុងលទ្ធផល ៥-០។ ចំណែកក្រុមសសយក ស្រុករំដួល បានយកឈ្នះក្រុមវិទ្យាល័យព្រះពន្លា យ៉ាងចាស់ដៃដូចគ្នា ៦-០៕

អត្ថបទ៖ ផា រតនា

The post ស្វាយរៀងខាប់ទាំងនារីនិងបុរសរកឃើញក្រុមឡើងវគ្គផ្ដាច់ព្រ័ត្រ appeared first on Kampuchea Thmey Daily.

ពានរង្វាន់ស្វាយរៀងខាប់នារី Archives - Kampuchea Thmey Daily

ស្វាយរៀងខាប់​នារី សប្តាហ៍ទី៣ បញ្ចប់​ដោយ​លទ្ធផល Clean Sheet ទាំង​ ៣ ​គូ

ក្រុម​នារីព្រះ​ខ័ន​រាជ​ស្វាយរៀង ប៉ះ ក្រុម​នារីស្រុក​ស្វាយទាប ពាន​ស្វាយរៀងខាប់​នារី សប្តាហ៍​ទី​២

ជើង​ឯក​ស្វាយរៀង​ខាប់នារី លើក​ទី២ ចាប់​ផ្តើម​ចុង​ខែឧសភា​នេះ

ពានរង្វាន់ស្វាយរៀងខាប់ ផ្នែកនារី បានត្រឡប់មកវិញជាលើកទី ២ នៅឆ្នាំ ២០២៦ នេះ

អបអរសាទរ! ក្រុម​នារី សសយក ស្រុក​រំដួល គ្រង​ជើង​ឯក​ស្វាយរៀង​ខាប់ រដូវ​កាល​ទី​១

ស្វាយរៀងខាប់ទាំងនារីនិងបុរសរកឃើញក្រុមឡើងវគ្គផ្ដាច់ព្រ័ត្រ

ស្វាយរៀងខាប់នារី សប្តាហ៍ទី៣ បញ្ចប់ដោយលទ្ធផល Clean Sheet ទាំង ៣ គូ

ក្រុមនារីព្រះខ័នរាជស្វាយរៀង ប៉ះ ក្រុមនារីស្រុកស្វាយទាប ពានស្វាយរៀងខាប់នារី សប្តាហ៍ទី២

ជើងឯកស្វាយរៀងខាប់នារី លើកទី២ ចាប់ផ្តើមចុងខែឧសភានេះ

អបអរសាទរ! ក្រុមនារី សសយក ស្រុករំដួល គ្រងជើងឯកស្វាយរៀងខាប់ រដូវកាលទី១