Dembele បានក្លាយជាម្ចាស់ពាន Ballon d’Or ឆ្នាំ ២០២៥ បន្ទាប់ពីរូបគេបង្ហាញសមត្ថភាពយ៉ាងលេចធ្លោ​ជាមួយក្រុមអ្នកមាន Paris Sain-Germain នៅ​រដូវកាល ២០២៤-២០២៥ ។ ពេលនោះរូបគេបានជួយឱ្យ PSG ឈ្នះពាន UCL, Ligue1, French Cup និង French Super Cup។ ចំណែកស្ថិតិផ្ទាល់ខ្លួនវិញ គឺ Dembele បានស៊ុតបញ្ចូលទីចំនួន ៣៥ គ្រាប់ និង ១៦ បញ្ជូន (assist) ក្នុងចំណោមការលេង ៥៣ ប្រកួត។

ការឈ្នះពាន Ballon d’Or លើកដំបូងនៅក្នុងអាជីពរបស់ខ្សែប្រយុទ្ធសញ្ជាតិ បារាំង វ័យ ២៨ ឆ្នាំរូបនេះ បានធ្វើឱ្យរូបគេក្លាយជាកីឡាករទី ១០ ក្នុងប្រវត្តិសាស្ត្របាល់ទាត់ ដែលបានឈ្នះទាំងពានបាល់មាសនេះ, ពាន UCL និង ពាន World Cup។

កីឡាករ ៩ នាក់ទៀត ដែលបានឈ្នះពានទាំង ៣ នេះដែរ រួមមាន Lionel Messi, Ronaldinho, Kaka, Rivaldo, Zinedine Zidane, Bobby Charlton, Paolo Rossi, Gerd Muller និង Franz Beckenbauer៕

ប្រែសម្រួល៖ សេម កុសល
ប្រភព៖ ONE Football

The post លើលោកមានកីឡាករ ១០ នាក់គត់ បានឈ្នះទាំង World Cup, UCL និង Ballon d’Or appeared first on Kampuchea Thmey Daily.

ដកស្រង់ចេញពី GOAL ខាងក្រោមនេះ ជាបេក្ខភាពកីឡាករលំដាប់កំពូលទាំង ៥ ដែលមានភាគរយអាចឈ្នះពានបាល់មាសខ្ពស់ជាងគេបំផុត៖

៥. Mohamed Salah (Liverpool)៖
កាលពីរដូវកាល ២០២៤-២០២៥ កន្លងទៅ Salah បានបង្ហាញសមត្ថភាពយ៉ាងលេចធ្លោរ ដោយរូបគេរកបានគ្រាប់បាល់ចំនួន ៣៦ គ្រាប់ និង ២៤ បញ្ជូន (assist)។ ចំពោះសមិទ្ធផលជាមួយក្លិប រូបគេបានរួមចំណែកយ៉ាងធំធេងជួយឱ្យ Liverpool ឈ្នះពាន Premier League ចំនួន ១។

៤. Raphinha (Barcelona)៖
Raphinha បានដើរតួជាកម្លាំងស្នូលដ៏សំខាន់របស់ Barcelona កាលពីរដូវកាលមុន ២០២៤-២០២៥។ រូបគេរកបាន ៣៩ គ្រាប់ និង ២៥ បញ្ជូន (assist)។ ខ្សែប្រយុទ្ធសញ្ជាតិ ប្រេស៊ីល វ័យ ២៨ ឆ្នាំបានជួយឱ្យ Barcelona ឈ្នះពាន ៣ ក្នុង ១ រដូវកាលដូចជា La Liga, Copa del Rey និងពាន Supercopa de Espana។

៣. Vitinha (Paris Saint-Germain)៖
Vitinha ក្នុងនាមជាខ្សែបម្រើ រូបគេក៏បានស្ថិតនៅក្នុងបេក្ខភាពមួយរូប ដែលអាចឈ្នះពានបាល់មាសឆ្នាំនេះផងដែរ។ ខ្សែបម្រើសញ្ជាតិ ព័រទុយហ្គាល់ វ័យ ២៥ ឆ្នាំ បានបង្ហាញសមត្ថភាពល្អគួរឱ្យកត់សម្គាល់កាលពីរដូវកាលមុន ២០២៤-២០២៥។ រូបគេជាកម្លាំងស្នូលដ៏សំខាន់ ដែលបានជួយឱ្យ PSG ឈ្នះពាន Champions League, Lige1, Coupe de France, Trophee des Champions និងចុងក្រោយនេះទើបបានឈ្នះពាន UEFA Super Cup។ ជាមួយគ្នានេះ នៅក្នុងក្រុមជម្រើសជាតិ ព័រទុយហ្គាល់ រូបគេបានឈ្នះពាន UEFA Nations League ១ ទៀតផង។ ចំណែកស្ថិតិផ្ទាល់ខ្លួនវិញ Vitinha បានស៊ុតបញ្ចូលទី ៨ គ្រាប់ និង ៨ បញ្ជូន (assist)។

២. Lamine Yamal (Barcelona)៖
កាលពីរដូវកាល ២០២៤-២០២៥ យុវជនដ៏មានទេពកោសល្យ Lamine Yamal បានធ្វើឱ្យអ្នកគាំទ្របាល់ទាត់ទូទាំងពិភពលោក មានការភ្ញាក់ផ្អើលជាខ្លាំងអំពីទម្រង់លេងរបស់គេ ដោយពេលនោះគេមានវ័យទើប ១៧ ឆ្នាំប៉ុណ្ណោះ។ Yamal បានក្លាយជាខ្សែប្រយុទ្ធដ៏សំខាន់របស់ Barcelona ដោយរូបគេស៊ុតបញ្ចូលទីបាន ២១ គ្រាប់ និង ២៦ បញ្ជូន (assist) និងបានរួមចំណែកជួយឱ្យក្រុមអ្នកមានបុណ្យឈ្នះពាន La Liga, Copa dey Rey និង Supercopa de Espana។

១. Ousmane Dembele (Paris Saint-Germain)៖
កាលពីរដូវកាល ២០២៤-២០២៥ រាប់បានជារដូវកាលដ៏ជោគជ័យបំផុតនៅសម្រាប់អាជីពរបស់ Dembele តាំងពីគេក្លាយខ្លួនជាកីឡាករបាល់ទាត់អាជីពមក។ ខ្សែប្រយុទ្ធសញ្ជតិ បារាំង រូបនេះ ត្រូវបានគេមើលឃើញជាបេក្ខភាពធំជាងគេបំផុត ដែលអាចឈ្នះពាន Ballon d’Or ឆ្នាំនេះ។ ក្នុងនោះរូបគេរកបាន ៣៧ គ្រាប់ និង ១៦ បញ្ជូន (assist) ហើយបានជួយឱ្យក្រុមអ្នកមាន បារាំង ឈ្នះពាន Champions League, Ligue1, Coupe de France, Trophee des Champions និង UEFA Super Cup៕

គួរឱ្យដឹងថា បញ្ជូីឈ្មោះកីឡាករទាំង ៣០ នាក់ ដែលត្រូវប្រជែងពាន Ballon d’Or ២០២៥ បានប្រកាសជាផ្លូវការហើយ កាលពីថ្ងៃទី ៧ ខែ សីហា ឆ្នាំ ២០២៥ កន្លងទៅ ខណៈអ្នកឈ្នះពានបាល់មាសឆ្នាំនេះ នឹងត្រូវប្រកាសជាផ្លូវការនៅថ្ងៃទី ២២ ខែ កញ្ញា ឆ្នាំ ២០២៥៕

ប្រែសម្រួល៖ សេម កុសល
ប្រភព៖ GOAL

The post បេក្ខភាពកីឡាករកំពូលទាំង ៥ មានភាគរយខ្ពស់ឈ្នះពាន Ballon d’Or ឆ្នាំនេះ appeared first on Kampuchea Thmey Daily.

កីឡាករទាំង ៣០ នាក់ ដែលមានឈ្មោះប្រជែងពាន Ballon d’Or ២០២៥ នេះរួមមាន៖

• Ousmane Dembélé (PSG និង បារាំង)
• Gianluigi Donnarumma (PSG និង អ៊ីតាលី)
• Jude Bellingham (Real Madrid និង អង់គ្លេស)
• Désiré Doué (PSG និង បារាំង)
• Denzel Dumfries (Inter Milan និង ហូល្លង់)
• Serhou Guirassy (Borussia Dortmund និង ហ្គីណេ)
• Erling Haaland (Manchester City និង ន័រវែស)
• Viktor Gyökeres (Arsenal និង ស៊ុយអែត)
• Achraf Hakimi (PSG និង ម៉ារ៉ុក)
• Harry Kane (Bayern Munich និង អង់គ្លេស)
• Khvicha Kvaratskhelia (PSG និង ហ្ស៊កហ្ស៊ី)
• Robert Lewandowski (Barcelona និង ប៉ូឡូញ)
• Alexis Mac Allister (Liverpool និង អាហ្សង់ទីន)
• Lautaro Martinez (Inter Milan និង អាហ្សង់ទីន)
• Scott McTominay (Napoli និង ស្កុតលែនដ៍)
• Kylian Mbappé (Real Madrid និង បារាំង)
• Nuno Mendes (PSG និង ព័រទុយហ្គាល់)
• João Neves (PSG និង ព័រទុយហ្គាល់)
• Pedri (FC Barcelona និង អេស្ប៉ាញ)
• Cole Palmer (Chelsea និង អង់គ្លេស)
• Michael Olise (Bayern Munich និង បារាំង)
• Raphinha (Barcelona និង ប្រេស៊ីល)
• Declan Rice (Arsenal និង អង់គ្លេស)
• Fabián Ruiz (PSG និង អេស្ប៉ាញ)
• Lamine Yamal (Barcelona និង អេស្ប៉ាញ)
• Florian Wirtz (Liverpool និង អេស្ប៉ាញ)
• Vitinha (PSG និង ព័រទុយហ្គាល់)
• Vinicius Júnior (Real Madrid និង ប្រេស៊ីល)
• Virgil van Dijk (Liverpool និង ហូល្លង់)
• Mohamed Salah (Liverpool និង អេហ្ស៊ីប)។

គួរបញ្ជាក់ថា ការប្រកាសអ្នកឈ្នះពាន Ballon d’Or ២០២៥ នឹងធ្វើឡើងនៅថ្ងៃ ចន្ទ ទី ២២ ខែ កញ្ញា ឆ្នាំ ២០២៥ នៅទីក្រុង ប៉ារីស ប្រទេស បារាំង៕

អត្ថបទ៖ សេម កុសល

The post ចេញហើយបញ្ជីឈ្មោះបេក្ខភាព ៣០ នាក់ ត្រៀមប្រជែងពាន Ballon d’Or ២០២៥ appeared first on Kampuchea Thmey Daily.

Ronaldo បានសង្កត់ធ្ងន់អំពីបេក្ខភាព ដែលសក្តិសមឈ្នះពានឯកត្តជនកំពូលមួយនេះ គឺទាល់តែជាអ្នកបានឈ្នះពាន Champions League ប៉ុន្តែយ៉ាងណា រូប​គេ​បានជ្រើសរើសយក Lamine Yamal ម្នាក់ បើ​ទោះ​ជា​កីឡាករ​វ័យ​ក្មេង​រូប​នេះ​មិន​បាន​​​ឈ្នះពាន UCL ក៏ដោយ។ ចំណែក ២ នាក់ទៀត គឺជាកីឡាករ Paris Saint-Germain ដែលទើបឈ្នះពាន UCL ថ្មីៗរួមមាន Ousmane Dembele និង Vitinha។

ថ្លែងនៅក្នុងសន្និសីទកាសែត មុនការប្រកួតវគ្គផ្តាច់ព្រ័ត្រពាន Nations League រវាងព័រទុយហ្គាល់ និង អេស្ប៉ាញ កាលពីថ្ងៃ សៅរិ៍ ទី ៧ ខែ មិថុនា កន្លងទៅ Ronaldo បានបង្ហាញទស្សនៈរបស់ខ្លួនយ៉ាងដូច្នេះថា៖ «នៅក្នុងគំនិតរបស់ខ្ញុំ អ្នកដែលបានឈ្នះពាន Champions League គឺគួរតែឈ្នះ»។

ខ្សែប្រយុទ្ធ Al-Nassr វ័យ ៤០ ឆ្នាំបានបន្ថែមទៀតថា៖ «ប៉ុន្តែវាមានការមិនឯកភាព។ ខ្ញុំមិនជឿជាក់ពេកទេលើពានបុគ្គល ដោយសារខ្ញុំបានដឹងអំពីអាថ៍កំបាំងនៅពីខាងក្រោយ។ Lamine អាចឈ្នះ ជាមួយនឹង Dembele និង Vitinha…»។

ទោះបីជាយ៉ាងណា នៅឆ្នាំ ២០២៥ នេះ គឺ Dembele និង Lamine Yamal ត្រូវបានគេលើកយកមកជជែកច្រើនជាងគេអំពីបេក្ខភាព ដែលសក្តិសមឈ្នះពានបាល់មាស ដោយសារអ្នកទាំង ២ បានបង្ហាញសមត្ថភាពយ៉ាងល្អ និងបានជួយក្រុមរៀងៗខ្លួនឱ្យឈ្នះពានជាច្រើននៅរដូវកាល ២០២៤-២០២៥៕

ប្រែសម្រួល៖ សេម កុសល
ប្រភព៖ Sportbible

The post Ronaldo ចុចឈ្មោះកីឡាករឆ្នើម ៣ នាក់ ជាបេក្ខភាពអាចឈ្នះ Ballon d’Or ឆ្នាំនេះ appeared first on Kampuchea Thmey Daily.

ជាការពិត ការប្រជែងពាន Ballon d’Or ដែលជាពានឯកត្តជនកំពូលឆ្នាំ ២០២៥ នេះ កំពុងត្រូវបានគេវែកញែកខ្លាំងមែនទែន ដោយសារមានបេក្ខភាព ដែលសក្តិសមក្នុងការឈ្នះពាននេះច្រើន។ ទោះ​បី​ជា​យ៉ាង​ណា​ យុវជន​ Yamal និង កីឡាករ Dembele ត្រូវបានគេលើកយកមកដេញដោលច្រើនជាងគេ ក្រោយ Yamal បង្ហាញសមត្ថភាពល្អខ្លាំងសឹងមិនគួរឱ្យជឿជាមួយ Barcelona ខណៈ​ Dembele វិញ ទើបតែជួយឱ្យ Paris Saint-Germain ឈ្នះពាន Champions League ថ្មីៗ។

Yamal បានឆ្លើយតបចំពោះសំណួររបស់អ្នកសារព័ត៌មាន ដែលបានសួរអំពីការប្រជែងពានបាល់មាសរវាងគាត់ និង Dembele មុនការប្រកួតរវាង អេស្ប៉ាញ និង បារាំង យ៉ាងដូច្នេះថា៖ «សម្រាប់ខ្ញុំ កីឡាករល្អបំផុត គឺត្រូវតែបង្ហាញសមត្ថភាពល្អពេញមួយឆ្នាំ ប៉ុន្តែគ្រប់គ្នា អាចយល់ឃើញទៅតាមគំនិតរៀងៗខ្លួន។ ខ្ញុំជឿជាក់ ថា ពួកយើងនឹងឈ្នះនៅថ្ងៃ ព្រហស្បតិ៍ នេះ ប៉ុន្តែមិនថា ពួកយើងឈ្នះ ឬក៏អត់ទេ គឺខ្ញុំនឹងបោះឆ្នោតឱ្យកីឡាករ ដែលលេងល្អពេញមួយឆ្នាំ»។

យុវជនសញ្ជាតិ អេស្ប៉ាញ វ័យ ១៧ ឆ្នាំរូបនេះបានបន្តទៀតថា៖ «ប្រសិនបើថ្ងៃ ព្រហស្បតិ៍ វាមិនមែនសម្រាប់ខ្ញុំ ឬ Dembele ទេ តើនរណា ដែលអ្នកនឹងបោះឆ្នោតឱ្យ? អ្នកបោះឆ្នោតឱ្យនរណាម្នាក់ ដែលលេងល្អកាលពីវគ្គផ្តាច់ព្រ័ត្រ UCL? សម្រាប់ខ្ញុំ វាគឺអាស្រ័យលើកីឡាករណា ដែលល្អពេញមួយឆ្នាំ ប៉ុន្តែប្រសិនបើអ្នកទាំងអស់គ្នាចង់ឱ្យសម្រេចគ្រប់យ៉ាងនៅថ្ងៃ ព្រហស្បតិ៍នេះ តោះលេងអ៊ីចឹងទៅ»។

គួរបញ្ជាក់ថា ការប្រកាសអ្នកឈ្នះពាន Ballon d’Or ឆ្នាំ ២០២៥ នឹងធ្វើឡើងនៅទីក្រុង ប៉ារីស ប្រទេស បារាំង ថ្ងៃទី ២២ ខែ កញ្ញា៕

ប្រែសម្រួល៖ សេម កុសល
ប្រភព៖ ESPN

The post យុវជន​ឆ្នើម Yamal ថា ជំនួបអេស្ប៉ាញ និងបារាំង ជាពេលកាត់ក្តីអ្នកឈ្នះ Ballon d’Or appeared first on Kampuchea Thmey Daily.

នៅរដូវកាល ២០២៤-២០២៥ ខ្សែប្រយុទ្ធស្លាបសញ្ជាតិ អេហ្ស៊ីប វ័យ ៣២ ឆ្នាំបានបង្ហាញសមត្ថភាពយ៉ាងអស្ចារ្យជាមួយ Liverpool ដោយរូបគេរកបាន ៣៣ គ្រាប់ និង ២៣ បញ្ជូន (assist) គ្រប់កម្មវិធី ព្រម​ទាំង​បានជួយឱ្យក្រុមហង្សក្រហមឈ្នះពានលីគ​កំពូល​អង់គ្លេស Premier League ។

Salah បានបង្ហើបថា រូបគេចង់ឈ្នះពាន Ballon d’Or ហើយរូបគេក៏រំពឹងថា ខ្លួននឹងអាចអាចឈ្នះពានបាល់មាសនេះនៅឆ្នាំនេះផងដែរ។ ដកស្រង់ពាក្យសម្តីដើម Salah បាននិយាយថា៖ «ខ្ញុំសង្ឃឹម ហើយចង់ឈ្នះពាន Ballon d’Or»។

គួរដឹងថា នៅឆ្នាំ ២០២៥នេះ មានបេក្ខភាពកីឡាករឆ្នើមៗជាច្រើន ដែលកំពុងត្រូវបានគេកត់សម្គាល់ នឹងអាចឈ្នះពានឯកត្តជនកំពូលរបស់ អឺរ៉ុប មួយនេះ ក្នុងនោះក្រៅពី Salah មាន Lamine Yamal, Raphinha និងកីឡាករមួយចំនួនទៀត។ អ្នកឈ្នះពាន Ballon d’Or ឆ្នាំនេះ នឹងត្រូវប្រកាសនៅថ្ងៃទី ២២ ខែ កញ្ញា នៅទីក្រុង ប៉ារីស ប្រទេស បារាំង៕

ប្រែសម្រួល៖ សេម កុសល
ប្រភព៖ Fabrizio Romano

The post ខ្សែប្រយុទ្ធឆ្នើម អង់គ្លេស ម្នាក់ រំពឹងខ្លួននឹងឈ្នះពាន Ballon d’Or ឆ្នាំនេះ appeared first on Kampuchea Thmey Daily.

កីឡាករ ដែលអ្នកគាំទ្រ និងអ្នកជំនាញផ្នែកបាល់ទាត់ តែងតែលើកមកវែកញែកនិយាយភាគច្រើន​អំពី​លទ្ធភាព អាចឈ្នះពានបាល់មាសឆ្នាំនេះរួមមាន Mohamed Salah, Raphinha, Lamine Yamal, Kylian Mbappe, Vinicius Jr. និង Ousmane Dembele ជាដើម។

ប៉ុន្តែក្រឡេកមកកាន់ GOAL ដែលជាស្ថាប័នសារព័ត៌មានកីឡា​ដ៏ធំមួយរបស់ពិភពលោកវិញ បានបញ្ចេញចំណាត់ថ្នាក់កីឡាករទាំង ២០ ដែល​មានភាគរយឈ្នះពាន Ballon d’Or នៅឆ្នាំ ២០២៥។ អ្វីដែល​អ្នក​គាំទ្រ​ចាប់អារម្មណ៍សម្រាប់ចំណាត់ថ្នាក់កំពូល​ទាំង​៣ (Top​ 3) គឺ Raphinha ឈរនៅលេខរៀងទី ១, Mbappe ឈរនៅលេខរៀងទី ២ និង Lamine Yamal ឈរនៅលេខរៀងទី ៣។

ខាងក្រោមនេះគឺជាកីឡាករទាំង ២០ ស្ថិតនៅក្នុងការចាត់ចំណាត់ថ្នាក់របស់ GOAL៖

២០. Serhou Guirassy (Borussia Dortmund)

១៩. Viktor Gyokeres (Sporting CP)

១៨. Erling Haaland (Manchester City)

១៧. Virgil van Dijk (Liverpool)

១៦. Michael Olise (Bayern Munich)

១៥. Alexander Isak (Newcastle)

១៤. Vitinha (Paris Saint-Germain)

១៣. Lautaro Martinez (Inter Milan)

១២. Julian Alvarez (Atletico Madrid)

១១. Jamal Musiala (Bayern Munich)

១០. Jude Bellingham (Real Madrid)

៩. Vinicius Jr. (Real Madrid)

៨. Robert Lewandowski (Barcelona)

៧. Pedri (Barcelona)

៦. Mohamed Salah (Liverpool)

៥. Ousmane Dembele (PSG)

៤. Harry Kane (Bayern Munich)

៣. Lamine Yamal (Barcelona)

២. Kylian Mbappe (Real Madrid)

១. Raphinha (Barcelona)

ប្រែសម្រួលអត្ថបទ៖ សេម កុសល
ប្រភព៖ GOAL

The post GOAL ដាក់​ចំណាត់​ថ្នាក់​កីឡាករ២០នាក់ អាចឈ្នះ Ballon d’Or ខណៈ Mbappe ឈរលេខ ២ appeared first on Kampuchea Thmey Daily.

លោក Florentino Perez បាននិយាយនៅក្នុងកិច្ចប្រជុំទូទៅប្រចាំឆ្នាំរបស់ក្លិប​ Real Madrid ថា ៖«Rodri សមនឹងទទួលបាន Ballon d’Or ប៉ុន្តែមិនមែនឆ្នាំនេះទេ។ ឆ្នាំនេះ វាគួរ​បាន​ទៅ​កីឡាករ Real Madrid។ ដូចជា Vinicius ​ដែល​មាន​អ្នកគាំទ្រទូទាំងពិភពលោកចាប់អារម្មណ៍ខ្លាំង សូម្បីប្រធានក្រុមរបស់យើង Dani Carvajal។ ​បើសង្កត់ធ្ងន់លើការបង្ហាញខ្លួន Euro របស់គាត់ សូម្បីតែ Jude Bellingham ក៏ស័ក្តិ​សមដែរ។ វាពិបាកក្នុងការពន្យល់ថាហេតុអ្វីបានជាគ្មានកីឡាករយើងឈ្នះ»។

ឆ្នាំ​២០២៤នេះ សហព័ន្ធបាល់ទាត់ទ្វីបអឺរ៉ុប (UEFA) បាន​ចុះកិច្ចព្រមព្រៀងជាមួយក្រុមហ៊ុន Group Amaury ជាម្ចាស់ក្រុមហ៊ុនប្រព័ន្ធផ្សព្វផ្សាយ France Football និងកាសែតបារាំង L’Équipe ដើម្បីសហការរៀបចំពានរង្វាន់នេះ ក្នុងគោលបំណងបង្កើនភាពរឹងមាំ និងការឈានទៅដល់ការទទួលស្គាល់ពានរង្វាន់នេះជាសកល។

Rodri បានឈ្នះពានរង្វាន់ជាមួយពិន្ទុចំនួន១,១៧០ពិន្ទុ ច្រើនជាង Vinicius ចំនួន៤១ពិន្ទុ ហើយមានគម្លាតពីគ្នាត្រឹមតែ៣.៦%ប៉ុណ្ណោះ។ ចំណាត់ថ្នាក់លេខ៣ បានទៅលើ Jude Bellingham ទទួនបាន​៩១៧ពិន្ទុ​ ខណៈ Carvajal ឈរនៅលេខ៤ ទទួល​បាន​៥៥០ពិន្ទុ។

កាសែតអេស្ប៉ាញ Marca កាល​ពី​ចុងខែកញ្ញា បាន​ផ្សាយថា កីឡាករ Vinicius នឹងឈ្នះ Ballon d’Or ឆ្នាំ២០២៤ ប៉ុន្តែមុនពេលពិធីប្រគល់ពានរង្វាន់នៅទីក្រុងប៉ារីស ថ្ងៃទី២៨ ខែតុលា ចាប់ផ្ដើម ក្លិប Real Madrid បានទទួលដំណឹងថា ខ្សែប្រយុទ្ធប្រេស៊ីល​មិនមែនជា​អ្នក​ឈ្នះទេ។ ភ្លាមៗ​នោះ​ថ្នាក់ដឹកនាំរបស់ក្លិប​បាន​ខឹងសម្បារយ៉ាងខ្លាំង។ ពួកគេបានលុបចោលការធ្វើដំណើរទៅកាន់ទីក្រុងប៉ារីស​ទាំង​អស់​គ្នា​ដែល​មាន​​ប្រតិភូ​៥០នាក់ រួមទាំងអ្នកដឹកនាំ គ្រូបង្វឹក ក្រុមគ្រួសារ និងមិត្តភក្តិរបស់កីឡាករ។

លោក Perez បានបន្ថែមថា ៖«ពួកគេបានផ្លាស់ប្តូរប្រព័ន្ធបោះឆ្នោត។ វាគួរឲ្យភ្ញាក់ផ្អើល អ្នកសារព័ត៌មានមកពីប្រទេសមានប្រជាជនតិចជាងមួយលាននាក់អាចបោះឆ្នោតបាន។ អ្នកសារព័ត៌មានដែលគ្មានអ្នកស្គាល់ ហើយពួកគេបានទៅបោះឆ្នោតនៅឆ្នាំនេះ។ ហើយបែរជាគ្មានអ្នកសារព័ត៌មានមកពីប្រទេសទាំង៤នេះដូចជា អ៊ូហ្គង់ដា ណាមីប៊ី អាល់បានី និងហ្វាំងឡង់ ចូលរួមបោះឆ្នោតទៅវិញ។ ប្រសិនបើ​​មាន​​ពួក​គេ​ចូលរួម នោះ Vinicius នឹងឈ្នះ Ballon d’Or»៕

ប្រែសម្រួល៖ ផា រតនា

The post ប្រធាន​ក្លិប Real Madrid ថា Rodri សម​ឈ្នះ​ពាន​ Ballon d’Or ប៉ុន្តែមិនមែនឆ្នាំនេះ appeared first on Kampuchea Thmey Daily.