លើលោកមានកីឡាករ ១០ នាក់គត់ បានឈ្នះទាំង World Cup, UCL និង Ballon d’Or

នៅក្នុងពិភពកីឡាបាល់ទាត់ មានតែកីឡាករ ១០ នាក់ប៉ុណ្ណោះ ដែលបានឈ្នះពានកំពូលទាំង FIFA World Cup, Champions League និង Ballon d’Or ខណៈខ្សែប្រយុទ្ធជម្រើសជាតិ បារាំង Ousmane Dembele គឺជាកីឡាករទី ១០ ដែលធ្វើបានកំណត់ត្រានេះ។

Dembele បានក្លាយជាម្ចាស់ពាន Ballon d’Or ឆ្នាំ ២០២៥ បន្ទាប់ពីរូបគេបង្ហាញសមត្ថភាពយ៉ាងលេចធ្លោ​ជាមួយក្រុមអ្នកមាន Paris Sain-Germain នៅ​រដូវកាល ២០២៤-២០២៥ ។ ពេលនោះរូបគេបានជួយឱ្យ PSG ឈ្នះពាន UCL, Ligue1, French Cup និង French Super Cup។ ចំណែកស្ថិតិផ្ទាល់ខ្លួនវិញ គឺ Dembele បានស៊ុតបញ្ចូលទីចំនួន ៣៥ គ្រាប់ និង ១៦ បញ្ជូន (assist) ក្នុងចំណោមការលេង ៥៣ ប្រកួត។

ការឈ្នះពាន Ballon d’Or លើកដំបូងនៅក្នុងអាជីពរបស់ខ្សែប្រយុទ្ធសញ្ជាតិ បារាំង វ័យ ២៨ ឆ្នាំរូបនេះ បានធ្វើឱ្យរូបគេក្លាយជាកីឡាករទី ១០ ក្នុងប្រវត្តិសាស្ត្របាល់ទាត់ ដែលបានឈ្នះទាំងពានបាល់មាសនេះ, ពាន UCL និង ពាន World Cup។

កីឡាករ ៩ នាក់ទៀត ដែលបានឈ្នះពានទាំង ៣ នេះដែរ រួមមាន Lionel Messi, Ronaldinho, Kaka, Rivaldo, Zinedine Zidane, Bobby Charlton, Paolo Rossi, Gerd Muller និង Franz Beckenbauer៕

ប្រែសម្រួល៖ សេម កុសល
ប្រភព៖ ONE Football