ពិធីករ Archives - Kampuchea Thmey Daily

សុខ រ៉ាស៊ី៖ អ្នកបោកខ្ញុំមិនសងលុយនៅតែដើរបោកអ្នកថ្មីបាន ខណៈជនរងគ្រោះក៏កាន់តែច្រើន

Din Thary — Fri, 10 Nov 2023 08:09:40 +0000

លោក សុខ រ៉ាស៊ី ពិធីករសម្បូរវោហារសព្ទបានបញ្ជាក់ជាថ្មីថា រហូតមកដល់ពេលនេះករណីបណ្ដឹងរបស់លោកពាក់ព័ន្ធរឿងលុយជាង ១ម៉ឺនដុល្លារទៅលើអ្នករៀបចំកម្មវិធី និងជាថៅកែផលិតកម្មមួយ គឺនៅមិនទាន់មានដំណោះស្រាយនៅឡើយទេ ខណៈដែលពាក្យបណ្ដឹងលោក សុខ រ៉ាស៊ី បានដាក់ចូលទៅតុលាការរយៈពេលប្រមាណជិត ២ឆ្នាំមកហើយ។

ពិធីករប្រុសលោក សុខ រ៉ាស៊ី បានបញ្ជាក់ខ្លឹមសារនៅព្រឹកថ្ងៃទី១០ ខែវិច្ឆិកា ឆ្នាំ២០២៣ នេះថា“នេះមុខរបរ រកស៊ីដែលត្រូវគេបោកញឹក អ្នកបោកខ្ញុំមិនសងលុយ នៅតែដើរបោកអ្នកថ្មីបានជនរងគ្រោះកាន់តែច្រើនអាណិតតែកម្មករដាច់បាយ“។

ដោយឡែកកាលពីប៉ុន្មានខែមុនលោក សុខ រ៉ាស៊ី ធ្លាប់បានឲ្យដឹងដោយក្តីសង្ឃឹមថារឿងក្តីលុយជាង ១ម៉ឺនដុល្លាររបស់លោកអាចនឹងមានសង្ឃឹមនៃពន្លឺយុត្តិធម៌ឆាប់ៗ ក្រោយលោកបានជួបមេធាវីម្នាក់ គឺលោកមេធា វី អាំង សុវណ្ណារ៉ា។ លោក សុខ រ៉ាស៊ី បានបញ្ជាក់ខ្លីដែរថា ” ឥឡូវមានពន្លឺហើយសង្ឃឹមថាយុត្តិធម៌អាចមានចំពោះខ្ញុំ និងជនរងគ្រោះជាច្រើន“។

សូមរម្លឹកដែរថា ដោយសារតែរឿងក្តីលោកហាក់ស្ងប់ស្ងាត់ជារឿយៗលោក សុខ រ៉ាស៊ី បានបានចេញមុខស្នើ និងអំពាវនាវយ៉ាងទទូចដល់ប្រព័ន្ធច្បាប់ឲ្យជួយរកយុត្តិធម៌ និងពន្លឿនរឿងក្តីនេះ ដើម្បីស្វែងរកយុត្តិធម៌ចំពោះជនរងគ្រោះដូចជារូបលោកផ្ទាល់។ លោក សុខ រ៉ាស៊ី បានថ្លែងប្រាប់តាមសារអេឡិចត្រូនិកថា “ចំពោះរឿងក្តីរបស់ខ្ញុំ គឺពុំ ទាន់មានដំណោះស្រាយសមស្របណាមួយនៅឡើយទេ ដូច្នេះសូមឲ្យតុលាការជួយពន្លឿនរឿងក្តីផង”។

លោក សុខ រ៉ាស៊ី បាននិយាយទៀតថា ចំណែកឯសំណងក៏លោកនៅមិនទាន់ទទួលបានសូម្បីតែ ១០០លុយខ្មែរដែរ ព្រោះកន្លងមកខាងតុលាការបានទុកពេលឲ្យសម្រុះសម្រួលគ្នាក្រៅផ្លូវច្បាប់សិន ហើយមេធាវីរបស់ភាគីម្ខាងទៀតក៏ព្យាយាមចរចាដែរ ប៉ុន្តែក្រោយការចរចាហើយនៅតែមិនព្រមផ្តល់សំណង ឬសង់លុយឲ្យលោកទេ៕

អត្ថបទ៖ ចាន់រ៉ា

The post សុខ រ៉ាស៊ី៖ អ្នកបោកខ្ញុំមិនសងលុយនៅតែដើរបោកអ្នកថ្មីបាន ខណៈជនរងគ្រោះក៏កាន់តែច្រើន appeared first on Kampuchea Thmey Daily.

ពិធីករ សុខ រ៉ាស៊ី ពោលពាក្យអាណិត ក្រោយឃើញស្ថានភាពលំបាករបស់អតីតឌីជេ ឡាយអ៊ិន

sopheak khoun — Tue, 16 Aug 2022 03:22:07 +0000

លោក ហែម បូរិទ្ធ ហៅឌីជេឡាយអ៊ិន កន្លងមក ធ្លាប់ជាពិធីករដ៏មានប្រជាប្រិយភាព និងទទួលបានការគាំទ្រពីទស្សនិកជនគ្រប់មជ្ឈដ្ឋាន ហើយបន្ទាប់ពីរួចទោសកាលពីអំឡុងចុងខែមិថុនាមក លោកក៏បានចេញមុខសុំទោស និងសន្យាសាងឈ្មោះឡើងវិញជាថ្មីលើវិស័យសិល្ប:។

ប៉ុន្តែបើតាមការកត់សម្គាល់ រហូតមកទល់ពេលនេះ សម្រាប់ទីផ្សាសិល្ប:របស់លោក ឡាយអ៊ិន ហាក់មិនទាន់កម្រើកឡើងវិញទេ ដែលធ្វើឲ្យជីវភាពអតីតពិធីកររូបនេះ កំពុងជួបការលំបាក និងខ្វះខាតខ្លាំង។ ខណ:ដែលមិត្តភក្តិធ្លាប់រួមអាជីពមួយចំនួន ទទូចស្នើរសុំដល់បណ្តាម្ចាស់កម្មវិធី ផលិតករ និងស្ថានី យ៍ទូរទស្សន៍ ផ្តល់ឱកាសឲ្យលោក ឡាយ អ៊ិន បង្ហាញវត្តមានជាថ្មីឡើងវិញផង។

ដោយសារតែឃើញពីស្ថានភាពលំបាករបស់លោក ឡាយអ៊ិន គ្រាទៅសួរសុខទុក្ខពិធីករល្បីឈ្មោះលោក សុខ រ៉ាស៊ី បានសម្តែងក្តីអាណិត បន្ទាប់ពីជួបជាក់ស្តែង ខណ:ឌីជេ ឡាយអ៊ិន បច្ចុប្បន្នបានត្រឹមជួយរៀបចំបាយទឹកឲ្យប្អូន ដែលជាជាងអ៊ុតសក់ដើម្បីចិញ្ចឹមក្រពះ។ លោក សុខ រ៉ាស៊ី បានរៀបរាប់ថាពេលជួបបងប្អូនទប់ទឹកភ្នែកមិនចង់បានទេ បើចង់ឲ្យស្រុកខ្មែរយើងសំបូរមនុស្សល្អ ទាល់តែបងប្អូនលើកលែងឲ្យអ្នកដែលដឹងខ្លួនខុសចេះកែខ្លួន។

ពិធីករលោក សុខ រ៉ាស៊ី បាននិយាយទៀតថា «ឥឡូវគាត់ចេញមកវិញហើយ បងឡាយអែនDJ LIO N ចេញមកវិញគាត់អត់មានការងារទាល់តែសោះ រាល់ថ្ងៃជួយរៀបចំបាយទឹកអោយប្អូនគាត់ជាជាងអ៊ុតសក់ នៅតូបគួរអោយអាណិតណាស់។ បើបងប្អូន ឬagency មានការងារជួយហៅគាត់ផង។ លោកបន្ថែមថា ប្រសិនបើបងប្អូនចង់ហៅគាត់ធ្វើការ ងារ អាចទាក់ទងតាមរយ:លេខ 096 500 27 38 រីឯអ្នកដែលចង់ជួយជាថវិការដល់គាត់ កំពុងជួបការលំបាកនេះជាគណនេយ្យរបស់គាត់ ,ABA: 004 351 768 (Name: HEM BORITH)»៕

អត្ថបទ៖ ចាន់រ៉ា

The post ពិធីករ សុខ រ៉ាស៊ី ពោលពាក្យអាណិត ក្រោយឃើញស្ថានភាពលំបាករបស់អតីតឌីជេ ឡាយអ៊ិន appeared first on Kampuchea Thmey Daily.

ពិធីករល្បី ជា វណ្ណារិទ្ធ បានចូលខ្លួនធ្វើជាអ្នកដឹកជញ្ជូនមួយថ្ងៃ ដើម្បីចូលរួមក្នុងយុទ្ធនាការជាមួយ ក្រុមហ៊ុនសាប៊ូកក់សក់ Head & Shoulders

Sorn Phanith — Tue, 07 Jun 2022 07:24:07 +0000

លោក ជា វណ្ណារិទ្ធ បានឱ្យដឹងថា ធ្វើជាអ្នកដឹកជញ្ជូនពិតជាមិនស្រណុកឡើយ ជាពិសេសអ្នកដឹកជញ្ជូន ដែលត្រូវបើកបរនៅលើដងផ្លូវជាច្រើនម៉ោងមិនថា ក្រោមកម្តៅថ្ងៃ ឬមេឃភ្លៀង ដែលតម្រូវឱ្យអ្នកដឹកជញ្ជូនច្រើន តែងប៉ះពាល់ផ្ទាល់នឹងធូលីដី កម្ដៅថ្ងៃ ឬ ផ្សែងពុល។ ការពាក់មួកសុវត្ថិភាពហប់រាប់ម៉ោង នៅក្រោមពន្លឺថ្ងៃក្តៅខ្លាំង នឹងបណ្តាលឲ្យកើតជាបញ្ហាស្បែកក្បាល ឬឈានទៅដល់បញ្ហាអង្គែ។

ចង់ដឹងថា តើលោកជា វណ្ណារិទ្ធ នឹងប្រឈមមុខឧបសគ្គអ្វីខ្លះ សូមតាមដានទស្សនាវីដេអូខាងក្រោមដូចតទៅ…

ព័ត៌មានបន្ថែម សូមចុចតាមតំណភ្ជាប់

https://www.facebook.com/HeadandShouldersShampooCambodia

The post ពិធីករល្បី ជា វណ្ណារិទ្ធ បានចូលខ្លួនធ្វើជាអ្នកដឹកជញ្ជូនមួយថ្ងៃ ដើម្បីចូលរួមក្នុងយុទ្ធនាការជាមួយ ក្រុមហ៊ុនសាប៊ូកក់សក់ Head & Shoulders appeared first on Kampuchea Thmey Daily.

បាត់មុខមួយរយៈតាមពិត សាយ រតនៈ បានឈប់ពី CTNជិត ១ ឆ្នាំហើយ

Sorn Phanith — Fri, 03 Jun 2022 03:46:06 +0000

ថ្មីៗនេះមហាជន និងអ្នកគាំទ្រលើបណ្តាញសង្គមជាច្រើន មានការភ្ញាក់ផ្អើលហើយចាប់អារម្មណ៍គ្រប់គ្នាបន្ទាប់ពីលេចឮដំណឹងថា កំពុងមានតារាកំប្លែងក៏ដូចជាពិធីករព័ត៌មានកីឡាមួយចំនួន បានប្រកាសត្រៀមខ្លួនលាឈប់ពីស្ថានីយទូរទស្សន៍CTNក្រោមហេតុផលស្រដៀងៗគ្នា។

ដំណឹងនេះ បានធ្វើឲ្យអ្នកគាំទ្រមួយចំនួនកើតជាមន្ទិលស្ទើរគ្រប់គ្នាពីបំណងនៃការចង់ចាកចេញរបស់បុគ្គលិកនៃស្ថានីយទូរទស្សន៍មួយនេះ។ ខណៈមានការបង្ហើបដែរថា ការសម្រេចចិត្តរបស់ពួកគេកើតចេញពីការមិនពេញចិត្តសម្រាប់អ្នកទើបចូលគ្រប់គ្រងថ្មី។ ស្របពេលជាមួយគ្នានេះដែរ ស្រាប់តែពិធីកររូបសង្ហាលោក សាយ រតនៈ ក៏បានចេញមុខបញ្ជាក់ក្រោយមានការសួរនាំក្រោយលោកបាត់វត្តមានពីCTNមួយរយៈនេះផងដែរ។

ស្រាយចម្ងល់មហាជនក៏ដូចអ្នកគាំទ្រលោក សាយ រតនៈ បានចេញមកបញ្ជាក់កាលពីរសៀលថ្ងៃទី ០២ ខែមិថុនា ឆ្នាំ ២០២២ អំពីមូលហេតុដែលលោកបាត់មុខពីប៉ុស្តិ៍ទូរទស្សន៍នេះថា «មានបងប្អូនមិត្តភក្តិ និងទស្សនិកជនមួយចំនួនសួរថា ហេតុអ្វីមួយរយៈនេះ មិនសូវឃើញខ្ញុំឡើងធ្វើពិធីករនៅCTN? ការពិតខ្ញុំ និង CTN បានបញ្ចប់កិច្ចសន្យាការងារតាំងពីថ្ងៃទី ០៧ ខែកញ្ញា ឆ្នាំ ២០២១ មកម្ល៉េះ។ សូមអរគុណ សម្រាប់រយៈពេលជាង ១០ ឆ្នាំជាមួយអ្នកCTN »។

ថ្វីត្បិតតែពិធីករលោក សាយ រតន: បានបញ្ជាក់ពីការបញ្ចប់កុងត្រា(កិច្ចសន្យា)ជាមួយកន្លែងចាស់ដែលធ្លាប់ផ្តល់ការងាររាប់ឆ្នាំCTNក៏ពិតមែន ប៉ុន្តែលោកមិនទាន់បង្ហើបប្រាប់ទេថា បច្ចុប្បន្នខ្លួនកំពុងមានវត្តមាននៅទូរទស្សន៍មួយ ឬបំពេញការងារផ្ទាល់ខ្លួនអ្វីឡើយ ខណ:អ្នកគាំទ្របានសម្តែងការសោកស្តាយចំពោះសមត្ថភាពលោកផងដែរ៕

អត្ថបទ៖ ចាន់រ៉ា

The post បាត់មុខមួយរយៈតាមពិត សាយ រតនៈ បានឈប់ពី CTNជិត ១ ឆ្នាំហើយ appeared first on Kampuchea Thmey Daily.

ពិធីការិនី គង់ សុជាតិ ប្រកាសឈប់គិតរឿងអតីតកាល ដោយងាកមកសាងភាពផ្អែមល្ហែមជាមួយស្វាមី

Sorn Phanith — Thu, 27 Jan 2022 06:57:59 +0000

គិតមកទល់ពេលនេះ ចំណងស្នេហាខុសវ័យរវាងពិធីការិនី គង់ សុជាតិ និងស្វាមីលោក ជា វិបុល មានរយៈពេលប្រមាណ ៩ ឆ្នាំហើយ ដែលពួកគេដើរលើផ្លូវសាងគ្រួសារតែមួយ ដោយសុភមង្គល។

ទោះបីជាយ៉ាងណា គ្រួសាររបស់អ្នកសិល្បៈទាំងពីរដួងនេះ តែងតែទទួលបានការសរសើរពីមហាជនចំពោះការសាងសេចក្តីសុខក្នុងគ្រួសារ។ ដោយឡែកគេនៅចំបានថា កាលពីគ្រាកន្លងទៅអ្នកនាងគង់សុ ជាតិ និងលោក ជា វិបុល ក៏ធ្លាប់លេចឮដំណឹងនៃរឿងរ៉ាវរកាំរកូសនឹងគ្នាម្ដងផងដែរ ប៉ុន្តែក្រោយមកក៏បានរសាត់បាត់ទៅវិញ។ បន្ទាប់ពីរឿងរ៉ាវនេះ ត្រូវបានរសាយទៅវិញអ្នកនាង គង់ សុជាតិ និងស្វាមីលោក ជា វិបុល ក៏ចាប់ផ្តើមមានភាពផ្អែមល្ហែមស្នេហ៍ជាមួយគ្នាដូចគ្រាដើមវិញ។ខណៈថ្មីៗនេះអ្នកនាង គង់ សុជាតិ បានបង្ហោះថា ខ្លួនឈប់គិតរឿងអតីតកាលដោយងាកមកសាងភាពផ្អែមល្ហែមជាមួយស្វាមីជាធម្មតាវិញ។

អ្នកនាង គង់ សុជាតិ បានលើកឡើងថា«ល្មមហើយ វាសមគួរដែលអ្នកឈប់គិត និងរំឭកដល់អតីត កាលដែលកន្លងហួសឈប់សម្លឹងរបស់ដែលនៅឆ្ងាយហួសដៃ ហើយចាប់ផ្តើមរស់នៅជីវិតបច្ចុប្បន្នឱ្យបានប្រសើរ ហើយរៀនទទួលស្គាល់ការពិតនូវអ្វីដែលខ្លួនកំពុងតែមាននៅពេលនេះ»។

អ្នកនាង គង់ សុជាតិ ត្រូវបានគេចាត់ទុកជាពិធីការិនីមួយរូប ដែលមានវោហារសព្ទមិនចេះរីងស្ងួត និងសម្រស់មិនចេះចាស់ ហើយក៏អាចចាត់ទុកជាពិធីការិនីក្នុងប្រទេសលំដាប់ជួរមុខ។ ទាំងអស់នេះហើយ ដែលធ្វើឲ្យ អ្នកស្រី គង់ សុជាតិ ក្លាយជាតារាមួយដួងផ្នែកពិធីការិនីក្នុងដួងចិត្តប្រជាជនកម្ពុជា។ ពិធីការិនីអ្នកនាង គង់ សុជាតិ និងស្វាមីក្មេងលោក ជា វិបុល បានដឹកដៃគ្នាចូលរោងនាអំឡុងចុងឆ្នាំ ២០១៣ ហើយបើគិតរហូតមកដល់ពេលបច្ចុប្បន្ននេះ ពួកគេបានរស់នៅដោយការចុះសម្រុងគ្នា និងមានសុភមង្គល ខណៈដែលក្នុងឆ្នាំ ២០១៩ អ្នកទាំងពីរក៏ បានបង្កើតកូនស្រីម្នាក់ដ៏ស្រស់ស្អាតបានដាក់ ឈ្មោះថា ជា សុជាតិនារី ជាចំណងដៃអាពាហ៍ពិពាហ៍៕

អត្ថបទ៖ ចាន់រ៉ា

The post ពិធីការិនី គង់ សុជាតិ ប្រកាសឈប់គិតរឿងអតីតកាល ដោយងាកមកសាងភាពផ្អែមល្ហែមជាមួយស្វាមី appeared first on Kampuchea Thmey Daily.

ទ្រាំលែងបាន សុខ រ៉ាស៊ី លែងចង់បានលុយ ឲ្យច្បាប់អនុវត្តលើបុគ្គលម្នាក់

Sokhom Khon — Mon, 05 Jul 2021 03:35:03 +0000

ទោះបីមានការសុំទោសយ៉ាងណាក្ដី ពិធីករប្រុសលោក សុខ រ៉ាស៊ី បានប្រកាសជំហរនៅព្រឹកថ្ងៃទី០៥ ខែកក្កដា ឆ្នាំ២០២១នេះថា ករណីអ្នករៀបចំកម្មវិធីប្រកួតកញ្ញាឯកម្នាក់ជំពាក់លុយមិនព្រមសង និងថែមទាំងព្យាយាមគេចវេសពុំមានដំណោះស្រាយនោះ គឺលោកបានសម្រេចធ្វើតាមផ្លូវច្បាប់។

លោក សុខ រ៉ាស៊ី បានថ្លែងប្រាប់នៅមុននេះបន្តិចដោយជំហរម៉ឺងមាត់ថា “ថ្ងៃនេះខ្ញុំសូមបញ្ចាក់ថា រឿងនេះលុយខ្ញុំលែងចង់បានហើយ ខ្ញុំសុខចិត្តអោយច្បាប់ចាប់បុគ្គលនេះដាក់គុកចុះ កុំអោយដើរបោកបញ្ឆោតលួងលោមសិល្បៈករដ៏ទៃទៀតអោយដូចខ្ញុំ ហើយកុំអោយខូចឈ្មោះអ្នកដឹកនាំម្ចាស់ផលិតកម្ម ម្ចាស់កម្មវិធីគេល្អៗ”។

ពិធីករលោក សុខ រ៉ាស៊ី បានបន្ថែមថា បើតាមលោកដឹង បុគ្គលនេះធ្លាប់មានរឿងរ៉ាវច្រើនណាស់ជាមួយតួសម្តែងពេលថតរឿងទៀត។ ពេលអានឆាតទៅគេថា គេសុំាហ្នឹងរឿងហ្នឹងហើយព្រោះគេធ្លាប់មានរឿងអញ្ចឹងរហូត។

សូមជម្រាបថា ចំពោះរឿងរ៉ាវរវាងពិធីករលោក សុខ រ៉ាស៊ី និងអ្នករៀបចំកម្មវិធីប្រលងបវរកញ្ញាខាងលើនេះអំឡុងពេលប៉ុន្មានថ្ងៃនេះ កាន់តែធ្វើឲ្យមហាជនមានការភ្ញាក់ផ្អើល និងចាប់អារម្មណ៍ខ្លាំង ខណ:ដែលលោកប្រកាសថា ប្តឹងពីបទឆបោក និងអាចប្រឈមការចាប់ខ្លួនផងនោះ៕

អត្ថបទ ៖ ចាន់រ៉ា

The post ទ្រាំលែងបាន សុខ រ៉ាស៊ី លែងចង់បានលុយ ឲ្យច្បាប់អនុវត្តលើបុគ្គលម្នាក់ appeared first on Kampuchea Thmey Daily.

ក្តៅៗ! រឿងរ៉ាវ សុខ រ៉ាស៊ី និងម្ចាស់កម្មវិធីប្រលងបវរកញ្ញា ប្រឈមឡើងតុលាការពាក់ព័ន្ធលុយ

Sorn Phanith — Sun, 04 Jul 2021 08:08:47 +0000

កាន់តែធ្វើឲ្យមហាជនមានការភ្ញាក់ផ្អើល និងចាប់អារម្មណ៍ខ្លាំង ចំពោះរឿងរ៉ាវរវាងពិធីករលោក សុខ រ៉ាស៊ី និងអ្នករៀបចំកម្មវិធីប្រលងបវរកញ្ញាមួយ ខណៈដែលលោកប្រកាសថាអាចឈានដល់ការប្តឹងផ្តល់ឡើងតុលាការ។

ពិធីករលោក សុខ រ៉ាស៊ី នៅថ្ងៃទី០៤ ខែកក្កដានេះ បានបញ្ចេញសារដោយព្រមានថា បងប្អូនអាចជឿទេថា បើមានរៀបចំកម្មវិធីប្រលងបវរកញ្ញាកម្មវិធីកំពុងដំណើរការស្រាប់តែប៉ូលិសមកចាប់អ្នករៀបចំកម្មវិធីដាក់គុក ដោយសារបទឆបោក តើបងប្អូនយល់យ៉ាងណាដែរ? ។ លោកបានបន្តថា យើងយោគយល់គេ១ឆ្នាំហើយ គេថាយើងមិនយោគយល់មានលុយមានផ្ទះមានក្រុមហ៊ុនរាប់លាន តែមិនស្រលាញ់កិត្តិយស។ ដោយឡែកនៅក្នុងសំណេរឆ្លងឆ្លើយតាមឆាតលោក សុខ រ៉ាស៊ី ក៏បានបញ្ជាក់ដូច្នេះថា ចាំជួបគ្នានៅតុលាការចុះ។

សូមជម្រាបដែរថា ពិធីករលោក សុខ រ៉ាស៊ី កាលពី២ថ្ងៃមុននេះ ក៏បានទម្លាយរឿងអន់ចិត្តចំពោះថៅកែមហាហង្សលោក អ៊ិន សុភិន ផងដែរ។ តាមរយៈខ្លឹមសាររបស់លោកសុខ រ៉ាស៊ី បាននិយាយថា តេទៅមិនលើកសោះមួយថ្ងៃពេញទៅហើយ ប្រហែលម្ចាស់Accountរវល់ហើយជួយShared ឲ្យគាត់បានឃើញផង។ ដោយឡែកនៅក្នុងខ្លឹម សារមួយទៀត សុខ រ៉ាស៊ី ក៏បានលើកឡើងថា លុយមិនអាចទិញកិត្តិយសមកវិញទេបង។

ជុំវិញរឿងរ៉ាវខាងលើនេះ កម្ពុជាថ្មីនៅរសៀលថ្ងៃទី០៤ ខែកក្កដា ឆ្នាំ២០២១នេះ មិនអាចទាក់ទងដើម្បីសូមការសួរនាំពីលោក សុខ រ៉ាស៊ី ចំពោះបញ្ហានេះបាននៅឡើយទេ៕

អត្ថបទ៖ ចាន់រ៉ា

The post ក្តៅៗ! រឿងរ៉ាវ សុខ រ៉ាស៊ី និងម្ចាស់កម្មវិធីប្រលងបវរកញ្ញា ប្រឈមឡើងតុលាការពាក់ព័ន្ធលុយ appeared first on Kampuchea Thmey Daily.

ពិធីករ សុខ រ៉ាស៊ី បង្ហាញអារម្មណ៍បែបនេះ ក្រោយទទួលបានការចាក់វ៉ាក់សាំងការពារកូវីដ-១៩

Sorn Phanith — Thu, 15 Apr 2021 08:27:07 +0000

បន្ទាប់ពីទទួលបានការចាក់វ៉ាក់សាំងការពារជំងឺកូវីដ-១៩ ពិធីករប្រុសលោក សុខ រ៉ាស៊ី បានបង្ហាញអារម្មណ៍ត្រេកអរ ដែលមានឱកាសដើម្បីចូលរួមចាក់ការពារជំងឺដ៏កាចសាហាវមួយនេះ។

បើតាមការរៀបរាប់របស់លោក សុខ រ៉ាស៊ី បានលើកឡើងថា ប្រជាជនប្រទេសគេខ្លះ គ្មានវាសនានឹងចាក់វ៉ាក់សាំងផង ប្រទេសយើងមានវ៉ាក់សាំងចាក់ហើយ គឺជាសំណាងរបស់យើង!។លោកថាអត្ថប្រយោជន៍នៃវ៉ាក់សាំង៖

– ជំពោះបុគ្គល៖ មានខែលការពារខ្លួនពីគ្រោះថ្នាក់ នៃអនុភាព វីរុស កូវីដ១៩ ពេលគេមកចម្លងយើង ហើយអាចមានភាគរយតិចតួចគ្រោះថ្នាក់!។

– ចំពោះគ្រួសារ៖ អាចចូលរួមការពារគ្រួសារយើង ដោយមិនមែនជាអ្នកនាំកូវីដចូលទៅគ្រួសារយើង ម្តាយឪពុកចាស់ជរា កូនកុមារតូចៗទារកទារិកាជាដើម !។

– ចំពោះសហគមន៍៖ ជាបុគ្គលល្អ ដែលស្រលាញ់សហគមន៍ មានគំនិត បញ្ឈប់ការឆ្លងរីករាលដា ល នៃជំងឺកូវីដ-១៩ ការពារបងប្អូនអ្នកជិតខាងភូមិផងរបងជាមួយយើងនិងអ្នករួមការងារជាមួយយើង!

លោកបានបន្ថែមថា ចំពោះប្រទេសជាតិ គឺយើងជាពលរដ្ឋល្អ ដែលមានចេតនាបញ្ឈប់ការឆ្លងរីករាលដាល នៃជំងឺសកលកូវីដ-១៩ ប្រសិនបើប្រជាជនកម្ពុជា បានចាក់វ៉ាក់សាំងភាគច្រើនយើងនឹង មានភ្ញៀវទេសចរឡើងវិញ ហ៊ានមកទេសចរនិង អ្នកវិនិយោគិនជាច្រើន មករកស៊ីបណ្ដាក់ទុន ទៅប្រទេសយើង ដោយស្ងប់ចិត្តនិងទំនុកចិត្ត ធ្វើ អោយប្រទេសយើងមានកំនើនសេដ្ឋកិច្ចឆាប់រហ័ស។ អរគុណសន្តិភាព អរគុណសម្តេចតេជោ ហ៊ុន សែន ដែលនាំឲ្យយើងមានវ៉ាក់សាំងចាក់ទាន់ពេលវេលា៕

អត្ថបទ៖ ចាន់រ៉ា

សូមចុចអាន៖ បវរកញ្ញាចក្រវាលកម្ពុជា រ៉េត សារីតា បង្ហាញខ្លួនក្នុងឈុតតំណាងជាតិជាផ្លូវការ យ៉ាងមោះមុត

The post ពិធីករ សុខ រ៉ាស៊ី បង្ហាញអារម្មណ៍បែបនេះ ក្រោយទទួលបានការចាក់វ៉ាក់សាំងការពារកូវីដ-១៩ appeared first on Kampuchea Thmey Daily.

ពិធីករ Archives - Kampuchea Thmey Daily

សុខ រ៉ាស៊ី៖ អ្នកបោកខ្ញុំមិនសងលុយនៅតែដើរបោកអ្នកថ្មីបាន ខណៈជនរងគ្រោះក៏កាន់តែច្រើន

ពិធីករ សុខ រ៉ាស៊ី ពោលពាក្យអាណិត ក្រោយឃើញស្ថានភាពលំបាករបស់អតីតឌីជេ ឡាយអ៊ិន

បាត់មុខមួយរយៈតាមពិត សាយ រតនៈ បានឈប់ពី CTNជិត ១ ឆ្នាំហើយ

ពិធីការិនី គង់ សុជាតិ ប្រកាសឈប់គិតរឿងអតីតកាល ដោយងាកមកសាងភាពផ្អែមល្ហែមជាមួយស្វាមី

ទ្រាំលែងបាន សុខ រ៉ាស៊ី លែងចង់បានលុយ ឲ្យច្បាប់អនុវត្តលើបុគ្គលម្នាក់

ក្តៅៗ! រឿងរ៉ាវ សុខ រ៉ាស៊ី និង​ម្ចាស់​កម្មវិធី​ប្រលង​បវរកញ្ញា ​ប្រឈម​ឡើង​តុលាការ​ពាក់ព័ន្ធ​លុយ​

ពិធីករ សុខ រ៉ាស៊ី បង្ហាញ​អារម្មណ៍​បែបនេះ ​ក្រោយ​ទទួល​បាន​ការ​ចាក់​វ៉ាក់សាំង​ការពារ​កូ​វីដ​-១៩

ក្តៅៗ! រឿងរ៉ាវ សុខ រ៉ាស៊ី និងម្ចាស់កម្មវិធីប្រលងបវរកញ្ញា ប្រឈមឡើងតុលាការពាក់ព័ន្ធលុយ

ពិធីករ សុខ រ៉ាស៊ី បង្ហាញអារម្មណ៍បែបនេះ ក្រោយទទួលបានការចាក់វ៉ាក់សាំងការពារកូវីដ-១៩