ជីវិតកម្សាន្ដ

ពិធីករ សុខ រ៉ាស៊ី បង្ហាញអារម្មណ៍បែបនេះ ក្រោយទទួលបានការចាក់វ៉ាក់សាំងការពារកូវីដ-១៩

បានផុស

៥ years មុន

នៅ

ថ្ងៃព្រហស្បតិ៍ ១៥ មេសា ២០២១

ដោយ

បន្ទាប់ពីទទួលបានការចាក់វ៉ាក់សាំងការពារជំងឺកូវីដ-១៩ ពិធីករប្រុសលោក សុខ រ៉ាស៊ី បានបង្ហាញអារម្មណ៍ត្រេកអរ ដែលមានឱកាសដើម្បីចូលរួមចាក់ការពារជំងឺដ៏កាចសាហាវមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការរៀបរាប់របស់លោក សុខ រ៉ាស៊ី បានលើកឡើងថា ប្រជាជនប្រទេសគេខ្លះ គ្មានវាសនានឹងចាក់វ៉ាក់សាំងផង ប្រទេសយើងមានវ៉ាក់សាំងចាក់ហើយ គឺជាសំណាងរបស់យើង!។លោកថាអត្ថប្រយោជន៍នៃវ៉ាក់សាំង៖

– ជំពោះបុគ្គល៖ មានខែលការពារខ្លួនពីគ្រោះថ្នាក់ នៃអនុភាព វីរុស កូវីដ១៩ ពេលគេមកចម្លងយើង ហើយអាចមានភាគរយតិចតួចគ្រោះថ្នាក់!។

– ចំពោះគ្រួសារ៖ អាចចូលរួមការពារគ្រួសារយើង ដោយមិនមែនជាអ្នកនាំកូវីដចូលទៅគ្រួសារយើង ម្តាយឪពុកចាស់ជរា កូនកុមារតូចៗទារកទារិកាជាដើម !។

– ចំពោះសហគមន៍៖ ជាបុគ្គលល្អ ដែលស្រលាញ់សហគមន៍ មានគំនិត បញ្ឈប់ការឆ្លងរីករាលដា ល នៃជំងឺកូវីដ-១៩ ការពារបងប្អូនអ្នកជិតខាងភូមិផងរបងជាមួយយើងនិងអ្នករួមការងារជាមួយយើង!

លោកបានបន្ថែមថា ចំពោះប្រទេសជាតិ គឺយើងជាពលរដ្ឋល្អ ដែលមានចេតនាបញ្ឈប់ការឆ្លងរីករាលដាល នៃជំងឺសកលកូវីដ-១៩ ប្រសិនបើប្រជាជនកម្ពុជា បានចាក់វ៉ាក់សាំងភាគច្រើនយើងនឹង មានភ្ញៀវទេសចរឡើងវិញ ហ៊ានមកទេសចរនិង អ្នកវិនិយោគិនជាច្រើន មករកស៊ីបណ្ដាក់ទុន ទៅប្រទេសយើង ដោយស្ងប់ចិត្តនិងទំនុកចិត្ត ធ្វើ អោយប្រទេសយើងមានកំនើនសេដ្ឋកិច្ចឆាប់រហ័ស។ អរគុណសន្តិភាព អរគុណសម្តេចតេជោ ហ៊ុន សែន ដែលនាំឲ្យយើងមានវ៉ាក់សាំងចាក់ទាន់ពេលវេលា៕

អត្ថបទ៖ ចាន់រ៉ា

សូមចុចអាន៖ បវរកញ្ញាចក្រវាលកម្ពុជា រ៉េត សារីតា បង្ហាញខ្លួនក្នុងឈុតតំណាងជាតិជាផ្លូវការ យ៉ាងមោះមុត