ជីវិតកម្សាន្ដ

ក្តៅៗ! រឿងរ៉ាវ សុខ រ៉ាស៊ី និងម្ចាស់កម្មវិធីប្រលងបវរកញ្ញា ប្រឈមឡើងតុលាការពាក់ព័ន្ធលុយ

បានផុស

៥ years មុន

នៅ

ថ្ងៃអាទិត្យ ៤ កក្កដា ២០២១

ដោយ

កាន់តែធ្វើឲ្យមហាជនមានការភ្ញាក់ផ្អើល និងចាប់អារម្មណ៍ខ្លាំង ចំពោះរឿងរ៉ាវរវាងពិធីករលោក សុខ រ៉ាស៊ី និងអ្នករៀបចំកម្មវិធីប្រលងបវរកញ្ញាមួយ ខណៈដែលលោកប្រកាសថាអាចឈានដល់ការប្តឹងផ្តល់ឡើងតុលាការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីករលោក សុខ រ៉ាស៊ី នៅថ្ងៃទី០៤ ខែកក្កដានេះ បានបញ្ចេញសារដោយព្រមានថា បងប្អូនអាចជឿទេថា បើមានរៀបចំកម្មវិធីប្រលងបវរកញ្ញាកម្មវិធីកំពុងដំណើរការស្រាប់តែប៉ូលិសមកចាប់អ្នករៀបចំកម្មវិធីដាក់គុក ដោយសារបទឆបោក តើបងប្អូនយល់យ៉ាងណាដែរ? ។ លោកបានបន្តថា យើងយោគយល់គេ១ឆ្នាំហើយ គេថាយើងមិនយោគយល់មានលុយមានផ្ទះមានក្រុមហ៊ុនរាប់លាន តែមិនស្រលាញ់កិត្តិយស។ ដោយឡែកនៅក្នុងសំណេរឆ្លងឆ្លើយតាមឆាតលោក សុខ រ៉ាស៊ី ក៏បានបញ្ជាក់ដូច្នេះថា ចាំជួបគ្នានៅតុលាការចុះ។

សូមជម្រាបដែរថា ពិធីករលោក សុខ រ៉ាស៊ី កាលពី២ថ្ងៃមុននេះ ក៏បានទម្លាយរឿងអន់ចិត្តចំពោះថៅកែមហាហង្សលោក អ៊ិន សុភិន ផងដែរ។ តាមរយៈខ្លឹមសាររបស់លោកសុខ រ៉ាស៊ី បាននិយាយថា តេទៅមិនលើកសោះមួយថ្ងៃពេញទៅហើយ ប្រហែលម្ចាស់Accountរវល់ហើយជួយShared ឲ្យគាត់បានឃើញផង។ ដោយឡែកនៅក្នុងខ្លឹម សារមួយទៀត សុខ រ៉ាស៊ី ក៏បានលើកឡើងថា លុយមិនអាចទិញកិត្តិយសមកវិញទេបង។