ជីវិតកម្សាន្ដ

ពិធីការិនី គង់ សុជាតិ ប្រកាសឈប់គិតរឿងអតីតកាល ដោយងាកមកសាងភាពផ្អែមល្ហែមជាមួយស្វាមី

បានផុស

៤ years មុន

នៅ

ថ្ងៃព្រហស្បតិ៍ ២៧ មករា ២០២២

ដោយ

គិតមកទល់ពេលនេះ ចំណងស្នេហាខុសវ័យរវាងពិធីការិនី គង់ សុជាតិ និងស្វាមីលោក ជា វិបុល មានរយៈពេលប្រមាណ ៩ ឆ្នាំហើយ ដែលពួកគេដើរលើផ្លូវសាងគ្រួសារតែមួយ ដោយសុភមង្គល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា គ្រួសាររបស់អ្នកសិល្បៈទាំងពីរដួងនេះ តែងតែទទួលបានការសរសើរពីមហាជនចំពោះការសាងសេចក្តីសុខក្នុងគ្រួសារ។ ដោយឡែកគេនៅចំបានថា កាលពីគ្រាកន្លងទៅអ្នកនាងគង់សុ ជាតិ និងលោក ជា វិបុល ក៏ធ្លាប់លេចឮដំណឹងនៃរឿងរ៉ាវរកាំរកូសនឹងគ្នាម្ដងផងដែរ ប៉ុន្តែក្រោយមកក៏បានរសាត់បាត់ទៅវិញ។ បន្ទាប់ពីរឿងរ៉ាវនេះ ត្រូវបានរសាយទៅវិញអ្នកនាង គង់ សុជាតិ និងស្វាមីលោក ជា វិបុល ក៏ចាប់ផ្តើមមានភាពផ្អែមល្ហែមស្នេហ៍ជាមួយគ្នាដូចគ្រាដើមវិញ។ខណៈថ្មីៗនេះអ្នកនាង គង់ សុជាតិ បានបង្ហោះថា ខ្លួនឈប់គិតរឿងអតីតកាលដោយងាកមកសាងភាពផ្អែមល្ហែមជាមួយស្វាមីជាធម្មតាវិញ។

អ្នកនាង គង់ សុជាតិ បានលើកឡើងថា«ល្មមហើយ វាសមគួរដែលអ្នកឈប់គិត និងរំឭកដល់អតីត កាលដែលកន្លងហួសឈប់សម្លឹងរបស់ដែលនៅឆ្ងាយហួសដៃ ហើយចាប់ផ្តើមរស់នៅជីវិតបច្ចុប្បន្នឱ្យបានប្រសើរ ហើយរៀនទទួលស្គាល់ការពិតនូវអ្វីដែលខ្លួនកំពុងតែមាននៅពេលនេះ»។

អ្នកនាង គង់ សុជាតិ ត្រូវបានគេចាត់ទុកជាពិធីការិនីមួយរូប ដែលមានវោហារសព្ទមិនចេះរីងស្ងួត និងសម្រស់មិនចេះចាស់ ហើយក៏អាចចាត់ទុកជាពិធីការិនីក្នុងប្រទេសលំដាប់ជួរមុខ។ ទាំងអស់នេះហើយ ដែលធ្វើឲ្យ អ្នកស្រី គង់ សុជាតិ ក្លាយជាតារាមួយដួងផ្នែកពិធីការិនីក្នុងដួងចិត្តប្រជាជនកម្ពុជា។ ពិធីការិនីអ្នកនាង គង់ សុជាតិ និងស្វាមីក្មេងលោក ជា វិបុល បានដឹកដៃគ្នាចូលរោងនាអំឡុងចុងឆ្នាំ ២០១៣ ហើយបើគិតរហូតមកដល់ពេលបច្ចុប្បន្ននេះ ពួកគេបានរស់នៅដោយការចុះសម្រុងគ្នា និងមានសុភមង្គល ខណៈដែលក្នុងឆ្នាំ ២០១៩ អ្នកទាំងពីរក៏ បានបង្កើតកូនស្រីម្នាក់ដ៏ស្រស់ស្អាតបានដាក់ ឈ្មោះថា ជា សុជាតិនារី ជាចំណងដៃអាពាហ៍ពិពាហ៍៕