តាមការផ្សាយរបស់ Bangkok Post ដោយដកស្រង់ទិន្នន័យពីទីភ្នាក់ងារអភិវឌ្ឍន៍បច្ចេកវិទ្យាភូមិសាស្ត្រព័ត៌មាន និងលំហ (Gistda) កាលពីថ្ងៃពុធទី២១ខែមករាឆ្នាំ២០២៦, តាមពិតទៅព្យុះនេះ វាយប្រ​ហារខ្លាំងលើថៃ តាំងតែពីថ្ងៃចន្ទមកម្ល៉េះ ហើយឥទ្ធិពលរបស់វាក៏បន្តមកដល់ពាក់កណ្តាលសប្តាហ៍នេះ។

ព្យុះនេះបានបញ្ចេញប្លាស្មា និងដែនម៉ាញ៉េទិចពីព្រះអាទិត្យឆ្ពោះមកកាន់ភពផែនដី ហើយការបញ្ចេញម៉ាស់កូរ៉ូណា រួមផ្សំជាមួយនឹងខ្យល់ព្រះអាទិត្យដែលបក់ចេញពីរណ្តៅកូរ៉ូណា បានបណ្តាលឲ្យកើតមាននូវអ្វីដែលក្រុមអ្នកវិទ្យាសាស្ត្រចាត់ថ្នាក់ជា «ព្យុះម៉ាញ៉េទិចកម្រិត G4»។

G4 គឺជាព្យុះម៉ាញ៉េទិចកម្រិតធ្ងន់ធ្ងរ ក្នុងចំណោមកម្រិតទាំង ៥ (G1 ដល់ G5)។ វាអាចបង្កឲ្យមានបាតុភូតពន្លឺអូរ៉ូរ៉ា នៅតំបន់ប៉ូល ហើយក្នុងករណីខ្លះអាចប៉ះពាល់ដល់ប្រព័ន្ធបញ្ជូនចរន្តអគ្គិសនី។

នៅថៃ ព្យុះនេះធ្វើឲ្យរំខានដល់ផ្កាយរណប ដែលស្ថិតក្នុងគន្លងទាបនៃភពផែនដី។ ផ្កាយរណបអាចនឹងជួបប្រទះការធ្លាក់ចុះកម្ពស់លឿនជាងធម្មតា ដោយសារការកើនឡើងនៃកម្លាំងទប់ពីបរិយាកាស។

មិនត្រឹមប៉ុណ្ណឹង វានឹងធ្វើឲ្យប្រព័ន្ធ GPS រងផលប៉ះពាល់ជាបណ្ដោះអាសន្ន ដែលជះឥទ្ធិពលដល់ប្រព័ន្ធនាំផ្លូវ។ លើសពីនេះ ទំនាក់ទំនងតាមវិទ្យុហ្វ្រេកង់ខ្ពស់ (HF) ដែលប្រើប្រាស់ក្នុងវិស័យអាកាសចរណ៍ ក៏អាចនឹងជួបប្រទះការដាច់រអាក់រអួលផងដែរ ដែលតម្រូវឲ្យមានការប្រុងប្រយ័ត្នខ្ពស់ពីសំណាក់អាកាសយានិក និងអ្នកគ្រប់គ្រងចរាចរណ៍ផ្លូវអាកាស។

ទោះបីជាយ៉ាងណាក៏ដោយ ព្យុះនេះមិនបង្កគ្រោះថ្នាក់ដល់មនុស្សទេ ប៉ុន្តែក្រុមការងារតាមដានរបស់ Gistda បញ្ជាក់ថា ពួកគេនឹងបន្តផ្តល់ព័ត៌មានថ្មីៗនៅពេលស្ថានភាពប្រែប្រួល៕

អត្ថបទ៖ សុខ សុវណ្ណ

The post ថៃ ត្រូវវាយប្រហារដោយព្យុះព្រះអាទិត្យដ៏ខ្លាំងក្លា បណ្តាលឲ្យប៉ះពាល់ធ្ងន់ធ្ងរដល់ផ្កាយរណបនិងប្រព័ន្ធ GPS appeared first on Kampuchea Thmey Daily.

ណាសាបានចេញការព្រមាននេះ បន្ទាប់ពីសង្កេតឃើញព្រះអាទិត្យមានលេចចេញនូវតំបន់ខ្មៅ ដែលជាធម្មតាតំបន់បែបនេះគឺជាកន្លែងប្រមូលផ្តុំកម្លាំងមុនពេលបញ្ចេញជាព្យុះកម្តៅម៉ាញ៉េទិច ជះឥទ្ធិពលមកលើផែនដី បង្កផលប៉ះពាល់ចាប់ពីច្រើននាទីរហូតដល់ទៅរាប់ម៉ោងឯណោះ។

កាលពីសប្តាហ៍មុន ព្រះអាទិត្យបានលេចចេញចំណុចខ្មៅជាមួយការផ្ទុះអណ្តាតភ្លើងដែលគេហៅថា X2.7 ក្នុងកម្រិតខ្ពស់រួចទៅហើយ ដោយកាលនោះវាបានជះឥទ្ធិពលដល់តំបន់នានាចាប់ពីអឺរ៉ុប អាស៊ី និងមជ្ឈិមបូព៌ា ព្រមទាំងភាគខាងកើតសហរដ្ឋអាមេរិក ផងដែរ។

យ៉ាងណា សកម្មភាពរបស់ព្រះអាទិត្យមិនថមថយឡើយ ដោយវានៅតែកញ្ជ្រោលខ្លាំង ដូច្នេះទើបអង្គការណាសា ព្រមានឲ្យមានការប្រុងប្រយ័ត្ន ទោះមិនបញ្ជាក់ពេលវេលាច្បាស់លាស់ក៏ដោយ។

ទន្ទឹមនឹងការវាយប្រហារនេះ ព្យុះអាទិត្យក៏នឹងបង្កើតឲ្យមានបាតុភូតពន្លឺពណ៌បៃតង «Northern Lights» នៅរដ្ឋមួយចំនួនរបស់អាមេរិកផងដែរ ដូចជា Alaska, Washington, Idaho, Montana, North Dakota, South Dakota, Minnesota, Michigan, Wisconsin, Maine និង New York។ 

សូមជម្រាបថា រាល់ឆ្នាំ ព្យុះកម្តៅតែងវាយប្រហារភពផែនដីជានិច្ច ជាពិសេសនៅខែមេសាដល់ខែឧសភា ជាពេលវដ្តព្រះអាទិត្យ ឈានដល់ចំណុចកំពូល។

ឥទ្ធិភពរបស់វាតែងរំខានដល់ប្រព័ន្ធទំនាក់ទំនង ក៏ដូចជា GPS ហើយក៏បណ្តាលឲ្យសីតុណ្ហភាពភពផែនដី ហក់ឡើងខ្ពស់ផងដែរ៕

អត្ថបទ៖ សុខ សុវណ្ណ

ចុចអាន៖ ព្យុះព្រះអាទិត្យជះឥទ្ធិពលមកផែនដី, ទ្វីបអាហ្វ្រិក រងគ្រោះខ្លាំងជាងគេ

The post ណាសា ព្រមានពីព្យុះព្រះអាទិត្យ ដែលនឹងជះឥទ្ធិពលមកផែនដី ប៉ុន្មានថ្ងៃទៀត appeared first on Kampuchea Thmey Daily.

តាមការចុះផ្សាយរបស់ Daily Mail, ព្យុះព្រះអាទិត្យបានជះឥទ្ធិពលមកផែនដីនៅថ្ងៃពុធទី១១ខែធ្នូឆ្នាំ២០២៤ ដោយកាត់ផ្តាច់ចរន្តវិទ្យុទាក់ទងនៅទ្វីបអាហ្វ្រិក អូសបន្លាយដល់ថ្ងៃព្រហស្បតិ៍។

តាមពិតទៅព្យុះនេះកកើតឡើងតាំងតែពីថ្ងៃអាទិត្យមកម្ល៉េះ ប៉ុន្តែកម្លាំងរបស់វា បានឈានដល់កម្រិតកំពូលនៅថ្ងៃពុធ ព្រោះគេឃើញដែនពណ៌ខ្មៅឈ្មោះ 3912 កំពុងកញ្ជ្រោលខ្លាំងលើផ្ទៃព្រះអាទិត្យ ហើយបញ្ចេញជាតិវិទ្យុសកម្ម ម៉ាញេទិចនិងប្លាស្មា មកកាន់ភពផែនដី។

ជាតិវិទ្យុសកម្មចេញពីអណ្តាតភ្លើងព្រះអាទិត្យ បានបោះពួយមកដល់ផែនដីក្នុងល្បឿននៃពន្លឺ ធ្វើឲ្យបុកនិងបង្កផលប៉ះពាល់ខ្លាំងដល់ស្រទាប់ខាងលើនៃបរិយាកាស កាត់ផ្តាច់ចរន្តវិទ្យុទាក់ទង។

មិនត្រឹមប៉ុណ្ណឹង ព្យុះព្រះអាទិត្យ ក៏បណ្តាលឲ្យមានឲ្យពន្លឺពណ៌បៃតង «Northern Light» បង្ហាញខ្លួននៅភាគខាងជើង Montana, North Dakota និង Minnesota នៃសហរដ្ឋអាមេរិក ផងដែរ។

បាតុភូតថ្មីនេះ ធ្វើឲ្យគេនឹកឃើញដល់កាលពីខែមិថុនា ដែលអ្នកជំនាញខាងតារាសាស្រ្តនៅសាកលវិទ្យាល័យ Harvard លោកសាស្រ្តាចារ្យ Jonathan McDowell ព្រមានថា នៅឆ្នាំក្រោយ វដ្តព្រះអាទិត្យនឹងឈានដល់ចំណុចកំពូល ហើយជះកម្តៅក្នុងកម្រិតខ្លាំងបំផុត បង្កជាព្យុះភូមិសាស្រ្តម៉ាញេទិច ឬគេអាចហៅបានថាជាព្យុះព្រះអាទិត្យ មកវាយប្រហារភពផែនដី ជាមួយកម្លាំងធ្ងន់ធ្ងរបំផុតមិនធ្លាប់មានសោះ នារយៈពេល១៦៥ឆ្នាំមកនេះ។

ត្បិតឆ្នាំ២០២៤ ព្យុះព្រះអាទិត្យបានវាយប្រហារភពផែនដី ជាច្រើនលើកច្រើនសារួចហើយក៏ដោយ ប៉ុន្តែក្រុមអ្នកវិទ្យាសាស្រ្តអះអាងថា ឥទ្ធិពលរបស់វានឹងមិនខ្លាំងដូចនៅឆ្នាំក្រោយទេ ហើយថែមទាំងបញ្ជាក់ពេលវេលាច្បាស់ៗទៀតផងថា គឺវានឹងកើតឡើងក្នុងខែកក្កដា៕

អត្ថបទ៖ សុខ សុវណ្ណ

ចុចអាន៖ ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត

The post ព្យុះព្រះអាទិត្យជះឥទ្ធិពលមកផែនដី, ទ្វីបអាហ្វ្រិក រងគ្រោះខ្លាំងជាងគេ appeared first on Kampuchea Thmey Daily.

អ្វីដែលគួរឲ្យកត់សម្គាល់គឺថា លើកនេះគឺជាការផ្ទុះអណ្តាតភ្លើងចេញពីព្រះអាទិត្យដែលមានឥទ្ធិពលខ្លាំងបំផុត មិនធ្លាប់មានសោះបើគិតចាប់តាំងពីឆ្នាំ២០១៧មក។

ការព្រមាននេះកើតឡើង បន្ទាប់ពីគេឃើញដែនពណ៌ខ្មៅឈ្មោះ Sunspot AR3842 លេចចេញនៅលើផ្ទៃព្រះអាទិត្យ កាលពីល្ងាចថ្ងៃអង្គារទី១ខែតុលា ហើយគេព្យាករថា វានឹងផ្ទុះចេញអណ្តាតភ្លើង (Solar Flare) ហើយជះកម្តៅមកភពផែនដី នៅរសៀលថ្ងៃសៅរ៍ទី៥ខែតុលានេះតែម្តង ដោយទ្វីបអឺរ៉ុបនឹងជាកន្លែងដែលទទួលឥទ្ធិពលខ្លាំងជាងគេ។

តាមការបញ្ជាក់ពីរដ្ឋបាលមហាសមុទ្រនិងបរិយាកាសជាតិអាមេរិក (NOAA) ព្យុះកម្តៅនេះអាចបណ្តាលឲ្យសីតុណ្ហភាពហក់ឡើងខ្ពស់ កាត់ផ្តាច់រលកធាតុអាកាស ខូចខាតដល់បណ្តាញអគ្គិសនី និងរំខានដល់ទំនាក់ទំនងផ្កាយរណបទៀតផង។

ស្របពេលជាមួយគ្នានោះដែរ ក្រុមអ្នកវិទ្យាសាស្រ្តកំពុងមានក្តីបារម្ភថា ព្រះអាទិត្យហាក់ប្រែប្រួលខុសពីការព្យាករ ព្រោះដំបូងឡើយគេគិតថា ការជះកម្តៅបែបនេះទំនងជាងនឹងកើតឡើងក្នុងរង្វង់ខែកក្កដាឆ្នាំ២០២៥ឯណោះទេ ប៉ុន្តែស្រាប់តែវាកើតឡើងលឿនជាងការរំពឹងទុកទៅវិញ។

ដូច្នេះហើយ ទើបក្រុមអ្នកវិទ្យាសស្រ្តចាប់ផ្តើមធ្វើការវាយប្រហារនិងសិក្សាជាថ្មីទៅលើព្រះអាទិត្យ ហើយវិភាគអំពីបាតុភូតនានាដែលអាចកើតឡើងនាពេលខាងមុខឲ្យកាន់តែល្អិនល្អន់៕

អត្ថបទ៖ សុខ សុវណ្ណ

ចុចអាន៖ ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត

The post ព្រះអាទិត្យផ្ទុះអណ្តាតភ្លើង ជះព្យុះកម្តៅមកផែនដីនៅចុងសប្តាហ៍នេះ appeared first on Kampuchea Thmey Daily.

ត្បិតតែឆ្នាំ២០២៤ ព្យុះព្រះអាទិត្យបានវាយប្រហារភពផែនដី ជាច្រើនលើកច្រើនសារួចហើយក៏ដោយ ប៉ុន្តែក្រុមអ្នកវិទ្យាសាស្រ្តអះអាងថា ឥទ្ធិពលរបស់វានឹងមិនខ្លាំងដូចនៅឆ្នាំក្រោយទេ ហើយលោក McDowell ថែមទាំងបញ្ជាក់ពេលវេលាច្បាស់ៗទៀតផង គឺវានឹងកើតឡើងក្នុងខែកក្កដា ឆ្នាំ២០២៥។

កាលពីសប្តាហ៍មុន គេដឹងថា ព្រះអាទិត្យបានចេញលេចនូវតំបន់ខ្មៅដ៏ធំគួរឲ្យខ្លាច ហើយបង្កជាព្យុះភូមិសាស្រ្តម៉ាញេទិចក្នុងកម្រិតធ្ងន់ធ្ងរ (G5) ពោលគឺវាដូចទៅនឹងព្រឹត្តិការណ៍ Carrington ដ៏ល្បីល្បាញកាលពីឆ្នាំ១៨៥៩ ដែលកាលឆ្នាំនោះ ព្យុះព្រះអាទិត្យ Carrington បានដុតកម្ទេចខ្សែកាប កាត់ផ្តាច់ទំនាក់ទំនងជុំវិញពិភពលោក និងថែមទាំងរំខានដល់ត្រីវិស័យរបស់កប៉ាល់នានាទៀតផង។

ដោយឡែក នៅចុងសប្តាហ៍នេះ តាមការព្យាកររបស់រដ្ឋបាលមហាសមុទ្រនិងបរិយាកាសជាតិអាមេរិក ហៅកាត់ NOAA, ផែនដី នឹងរងការវាយប្រហារដោយព្យុះព្រះអាទិត្យដ៏មានឥទ្ធិពលមួយទៀត ដែលឥទ្ធិពលរបស់វាអាចបណ្តាលឲ្យដាច់ប្រព័ន្ធទំនាក់ទំនងតាមរលកធាតុអាកាស និងបង្កការលំបាកផ្សេងៗ។

យ៉ាងណាមិញ កាលពីដើមខែឧសភា ព្រះអាទិត្យ ក៏បានបញ្ចេញប្លាស្មាដ៏មានឥទ្ធិពលបំផុតក្នុងរយៈពេល២០ឆ្នាំរួចទៅហើយដែរ ដោយជាលទ្ធផល បង្កការរំខានដល់ខ្សែទំនាក់ទំនងទូទាំងពិភពលោក។

តាមពិតទៅ NOAA បានដាក់ការឃ្លាំមើលព្យុះភូមិសាស្រ្តម៉ាញេទិចធ្ងន់ធ្ងរ ចាប់តាំងពីថ្ងៃទី១១ខែឧសភាមកម្ល៉េះ នៅពេលដែលចំណុចខ្មៅលើផ្ទៃព្រះអាទិត្យដដែលនេះ បានលេចឡើង ហើយជះប្លាស្មាដ៏មានថាមពលយ៉ាងគំហុក មកលើភពផែនដី។

ទោះបីជាយ៉ាងណាក៏ដោយ ព្រឹត្តិការណ៍ទាំងនេះនឹងមិនចោទជាបញ្ហាធំដុំដល់អ្នកវិទ្យាសាស្រ្តឡើយ ព្រោះថា ពួកគេទទួលបានមេរៀននិងបទពិសោធន៍ពីព្រឹត្តិការណ៍មុនៗរួចទៅហើយ ទើបធ្វើឲ្យពួកគេត្រៀមខ្លួនបានល្អដើម្បីទប់ទល់៕

អត្ថបទ៖ សុខ សុវណ្ណ

ចុចអាន៖ ព្យុះព្រះអាទិត្យដ៏ធំមួយទៀត នឹងវាយប្រហារចំផែនដីពេញទំហឹង នៅសប្តាហ៍នេះ

The post ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត appeared first on Kampuchea Thmey Daily.

កាលពីដើមខែនេះ ព្រះអាទិត្យ បានបញ្ចេញប្លាស្មាដ៏មានឥទ្ធិពលបំផុតក្នុងរយៈពេល២០ឆ្នាំរួចទៅហើយ ដែលជាលទ្ធផល បង្កការរំខានដល់ខ្សែទំនាក់ទំនងទូទាំងពិភពលោក។

ទោះបីជាយ៉ាងណាក៏ដោយ ចំណុចខ្មៅបានលេចឡើងលើផ្ទៃព្រះអាទិត្យសាជាថ្មី ហើយវាបញ្ចេញអណ្តាតភ្លើងដ៏ខ្លាំងក្លា បង្កជាព្យុះកម្តៅនិងព្យុះភូមិសាស្រ្តម៉ាញេទិច (Geomagnetic) ជះមកផែនដី។

តាមពិតទៅ NOAA បានដាក់ការឃ្លាំមើលព្យុះភូមិសាស្រ្តម៉ាញេទិចធ្ងន់ធ្ងរ ចាប់តាំងពីថ្ងៃទី១១ខែឧសភាមកម្ល៉េះ នៅពេលដែលចំណុចខ្មៅលើផ្ទៃព្រះអាទិត្យដដែលនេះ បានលេចឡើង ហើយជះប្លាស្មាដ៏មានថាមពលយ៉ាងគំហុក មកលើភពផែនដី។

ព្រោះតែព្រឹត្តិការណ៍ខុសធម្មតាកាលពីដើមខែនេះហើយ ទើបវាបង្កជាការរំខានដល់ប្រព័ន្ធ GPS, បណ្តាញអគ្គិសនី, ឧបករណ៍កសិកម្ម និងផ្កាយរណបនៅក្នុងគន្លងអវកាស ហើយអ្នកជំ​នាញកំពុងតាមដានការឆាបឆេះថ្មីនេះ ដើម្បីត្រៀមខ្លួនទប់ទល់នឹងបញ្ហាដែលធ្លាប់កើតមាន។

ចំណុចផ្ទុះអណ្តាតភ្លើងលើព្រះអាទិត្យដែលគេឲ្យឈ្មោះកូដ AR3664 នឹងបញ្ចេញព្យុះកម្តៅចំនួន១៧លើកក្នុងសប្តាហ៍នេះ ប៉ុន្តែបើយោងតាម NOAA, ព្រឹត្តិការណ៍នេះនឹងមិនចោទជាបញ្ហាធំដល់ពួកគេឡើយ ព្រោះថា ពួកគេទទួលបានមេរៀននិងបទពិសោធន៍ពីព្រឹត្តិការណ៍មុនៗរួចទៅហើយ ទើបធ្វើឲ្យពួកគេត្រៀមខ្លួនបានល្អដើម្បីទប់ទល់។

លោក Michael Karrer តារាវិទូមកពីប្រទេសអូទ្រីសបានប្រាប់គេហទំព័រ SpaceWeather ថា “សម្រាប់ខ្ញុំ ខ្ញុំមិនដែលឃើញការផ្ទុះបែបនេះទេ អំឡុងការអង្កេតព្រះអាទិត្យរយៈពេល៤០ឆ្នាំរបស់ខ្ញុំ។ វាពិតជាធំមហិមាមែន!”។

សូមបញ្ជាក់ថា បច្ចុប្បន្ន AR3664 មិនទាន់បែរមុខមកចំផែនដីដោយផ្ទាល់នៅឡើយទេ ប៉ុន្តែបើយោងតាមទិន្នន័យ នៅចុងសប្តាហ៍នេះ វានឹងបម្លាស់ទីមកចំផែនដី ហើយអាចបញ្ចេញព្យុះព្រះអាទិត្យបាញ់មកចំពិភពលោកពេញទំហឹងតែម្តង៕

អត្ថបទ៖ សុខ សុវណ្ណ

ចុចអាន៖ ព្យុះព្រះអាទិត្យ ដ៏កាចសាហាវ វាយប្រហារភពផែនដី 

The post ព្យុះព្រះអាទិត្យដ៏ធំមួយទៀត នឹងវាយប្រហារចំផែនដីពេញទំហឹង នៅសប្តាហ៍នេះ appeared first on Kampuchea Thmey Daily.

តាមការចុះផ្សាយរបស់គេហទំព័រ Space.com កាលពីថ្ងៃសៅរ៍ទី១១ខែឧសភា, ក្រុមអ្នកវិទ្យាសាស្រ្តបាននិងកំពុងតាមដានបាតុភូតព្រះអាទិត្យ ចាប់តាំងពីការបញ្ចេញ Coronal Mass (CME) ទ្រង់ទ្រាយធំកាលពីថ្ងៃសុក្រនិងថ្ងៃសៅរ៍ ហើយវាបានកើតឡើង ៦ឬ៧ ដងរួចទៅហើយ ដែលបណ្តាលឲ្យចំហាយព្រះអាទិត្យ ជះមកផែនដីក្នុងល្បឿនរហូតដល់ ៨៣៥គីឡូម៉ែត្រក្នុងមួយវិនាទី។

ដោយឡែក ងាកទៅប្រទេសថៃ នៅក្បែរខាងកម្ពុជាវិញ, ទីភ្នាក់ងារអភិវឌ្ឍបច្ចេកវិជ្ជាអវកាស និងព័ត៌មានវិទ្យា ហៅកាត់ GISTDA បានឲ្យដឹងថា ព្យុះភូមិសាស្រ្តម៉ាញេទិច បានឡើងដល់កម្រិតខ្ពស់បំផុត (G5) នៅលើមាត្រដ្ឋាន NOAA ប៉ុន្តែនៅថៃ រងគ្រោះត្រឹមកម្រិត G3 ប៉ុណ្ណោះ។

នៅកម្រិតនេះ សេវា GPS និងទំនាក់ទំនងផ្កាយរណប អាចរងការរំខាន ហើយវិទ្យុទាក់ទងដែលប្រើប្រេកង់ HF/VHF/UHF និងប្រព័ន្ធបណ្តាញថាមពល ក៏អាចរងផលប៉ះពាល់ផងដែរ។

ទោះបីជាយ៉ាងណាក៏ដោយ បច្ចុប្បន្ន មិនទាន់មានផលប៉ះពាល់ធ្ងន់ធ្ងរណាមួយ ដែលបណ្តាលមកពីព្យុះព្រះអាទិត្យ ត្រូវបានគេរាយការណ៍នៅឡើយទេ ប៉ុន្តែក្រុមអ្នកជំនាញជាពិសេសអង្គការណាសា តែម្តង កំពុងតាមមើលយ៉ាងយកចិត្តទុកដាក់ជាទីបំផុតចំពោះព្រឹត្តិការណ៍នេះ។

តាមពិតទៅ កាលពីឆ្នាំមុន ក្រុមអ្នកវិទ្យាសាស្រ្តក៏បានទស្សន៍ទាយអំពីព្យុះនេះដែរ ដោយនិយាយថា ព្រះអាទិត្យ ត្រូវឆ្លងកាត់នូវអ្វីដែលគេហៅថា “អតិបរមានៃព្រះអាទិត្យ” ពេលចំណុចងងឹតដ៏ចម្លែកជាច្រើន បានលេចឡើងនៅលើផ្ទៃរបស់ខ្លួន។

ចំណុចព្រះអាទិត្យទាំងនេះ មើលទៅដូចជាប្រជុំកោះ។ វាបាញ់ចេញនូវថាមពលផ្ទុះដ៏ខ្លាំងក្លាសំដៅមកផែនដី ដែលបណ្តាលឲ្យមាន “ព្យុះព្រះអាទិត្យ” អាចបំផ្លាញផ្កាយរណប និងរំខានដល់ប្រព័ន្ធអ៊ីនធឺណិតរាប់សប្តាហ៍។

សូមបញ្ជាក់ ក្រុមអ្នកវិទ្យាសាស្ត្រ បាននិងកំពុងតាមដានអាកាសធាតុក្នុងលំហ ចាប់តាំងពីព្យុះព្រះអាទិត្យដ៏ធំដំបូង កើតឡើងក្នុងឆ្នាំ១៨៥៩ ហើយព្រឹត្តិការណ៍នេះកើតឡើងចុងក្រោយបំផុតនៅចុងខែតុលាឆ្នាំ២០០៣ ដោយពេលនោះ ត្រូវបានគេហៅថាព្យុះ ព្រះអាទិត្យ Halloween៕

អត្ថបទ៖ សុខ សុវណ្ណ

ចុចអាន៖ អ្នកវិទ្យាសាស្រ្ត៖ ឆ្នាំក្រោយព្យុះព្រះអាទិត្យដ៏ខ្លាំងមួយទៀត អាចជះឥទ្ធិពលដល់ផែនដី 

The post ព្យុះព្រះអាទិត្យ ដ៏កាចសាហាវ វាយប្រហារភពផែនដី  appeared first on Kampuchea Thmey Daily.

ចំណុចព្រះអាទិត្យទាំងនេះ មើលទៅដូចជាប្រជុំកោះ។ វាបាញ់ចេញនូវថាមពលផ្ទុះដ៏ខ្លាំងក្លាសំដៅមកផែនដី ដែលបណ្តាលឲ្យមាន “ព្យុះព្រះអាទិត្យ” អាចបំផ្លាញផ្កាយរណប និងរំខានដល់ប្រព័ន្ធអ៊ីនធឺណិតរាប់សប្តាហ៍។

យ៉ាងណាក្តី ការសិក្សាថ្មីមួយបានបង្ហាញថា ព្យុះព្រះអាទិត្យនេះ នឹងកើតឡើងលឿនជាងការរំពឹងទុក ពោលគឺទំនងជាកើតឡើងនៅដើមឆ្នាំ២០២៤។

ការព្យាករថ្មីនេះ គឺបានមកពីក្រុមអ្នកស្រាវជ្រាវឥណ្ឌា ហើយផ្ទុយទៅនឹងការព្យាករចុងក្រោយបង្អស់របស់អង្គការណាសា ដែលថា ព្យុះព្រះអាទិត្យនឹងវាយប្រហារនៅចុងឆ្នាំ២០២៥។

ការសិក្សាថ្មីនេះ ត្រូវបានដឹកនាំដោយសាស្ត្រាចារ្យ Dibyendu Nandi ដែលជារូបវិទូ មកពីមជ្ឈមណ្ឌលឧត្តមភាពវិទ្យាសាស្ត្រអវកាស IISER Kolkata ក្នុងប្រទេសឥណ្ឌា។

លោក​​និយាយ​ថា យើងមិន​អាច​ទស្សន៍ទាយ​ពី​កម្រិត​ខ្លាំង និង​ផលវិបាក​នៃ​ព្យុះ​ព្រះអាទិត្យ​នៅ​ដើម​ឆ្នាំ​នេះ​ទេ ប៉ុន្តែ​យើង​គួរ​សិក្សា​បន្ថែម​ទៀត ​ខណៈ​ឆ្នាំ​ថ្មី​កាន់តែខិត​ចូល​មក​ដល់។

លោកបានប្រាប់ MailOnline ថា “ជួនកាលព្យុះខ្លាំងបំផុត អាចបង្កជាគ្រោះមហន្តរាយដល់គន្លងគោចរនៃផ្កាយរណបជុំវិញផែនដី និងរំខានដល់សេវាកម្មដែលមានមូលដ្ឋានលើផ្កាយរណប ដូចជាទំនាក់ទំនង និងបណ្តាញរុករកជាដើម។ វាក៏អាចបង្កការរំខានខ្លាំង ដល់បណ្តាញអគ្គិសនីផងដែរ”៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ មិនធ្លាប់មានក្នុងប្រវត្តិសាស្រ្ត! ព្យុះព្រះអាទិត្យ វាយប្រហារភព៣ ក្នុងពេលតែមួយ

The post អ្នកវិទ្យាសាស្រ្ត៖ ឆ្នាំក្រោយព្យុះព្រះអាទិត្យដ៏ខ្លាំងមួយទៀត អាចជះឥទ្ធិពលដល់ផែនដី  appeared first on Kampuchea Thmey Daily.