នៅថ្ងៃ​ទី​១១ ខែមីនា ឆ្នាំ​២០២៥ដែលជាចម្រើនព្រះជន្ម ព្រះ​នាង​តូច ជេន​ណា បានបង្ហោះរូបភាពជាច្រើនសន្លឹករចនាម៉ូដរ៉ូបរំលេចជាមួយរូបផ្ការំដួលដែលតំណាងនៅប្រទេសកម្ពុជា។ តាមរយៈសំណេរលើហ្វេសប៊ុកផេកផ្លូវការផ្ទាល់ខ្លួន ព្រះ​នាង នរោត្តម ជេន​ណា បានរៀបរាប់ថា “ថ្ងៃទី១១ខែមីនា​ ឆ្នាំ២០២៥​ ជាថ្ងៃរំលឹកកំណេីត១៣ឆ្នាំនៃខ្ញុំ ថ្ងៃដ៏ពិសេសនេះ​គឺ ខ្ញុំរីករាយណាស់គ្មានអ្វីក្រៅពីអរព្រះគុណ​ព្រះមាតាខ្ញុំ ដែលបានបង្កើតនិងថែរក្សាការពារខ្ញុំពិសេសសម្តេចតាក្រុមព្រះ​ដែលតែងតែអប់រំទូន្មានចៅគ្រប់នាទី។

ព្រះនាង​តូច ជេន​ណា បានមានព្រះរាជបន្ទូលថា ទន្ទឹមនេះ​ការចម្រេីនវ័យក៏ជាពេលដ៏រីករាយដោយ ខ្ញុំមានសេចក្តីសុខ​ប្រកបដោយស្នាមញញឹមកេីតឡេីងពីការគាំទ្រពីសំណាក់ពុកម៉ែបងប្អូនដែលស្រឡាញ់រាប់អាន​និងគាំទ្រកិច្ចការងារសិល្បៈរបស់ខ្ញុំ។

ព្រះនាងជេន​ណា បញ្ជាក់ទៀតថាខ្ញុំនឹងធ្វេីដំណេីរលេី វិថីសិល្បៈដែលខ្ញុំស្រឡាញ់​ដេីម្បីបំរេីឧត្តមប្រយោជន៍ ជាតិនិងពុកម៉ែបងប្អូនទាំងអស់គ្នាជាបន្តទៀត​។ ជាចុងក្រោយសូមអរគុណបងស្រីហង្ស ALmée Couture ដែលគាត់បានរចនាម៉ូដរ៉ូបជាមួយរូបផ្ការំដួលដែ លតំណាងនៅប្រទេសកម្ពុជាក្នុងថ្ងៃពិសេសរបស់ខ្ញុំ គាត់បានដាក់កម្លាំងកាយកម្លាំងចិត្តក្នុងកាបង្កើតនៅម៉ូដនេះឡើងមក។

សូមជម្រាបថាព្រះ​នាង​តូច ជេន​ណា នរោត្ដមប្រសូត​នៅ​ថ្ងៃ​ទី​១១ខែមីនា ឆ្នាំ២០១២ គឺជា​សមាជិក​នៃព្រះ រាជ​វង្សានុវង្ស​កម្ពុជាដោយ​ព្រះ​នាង​ជា​បុត្រី​ទី​ពីរ​របស់​ព្រះបាទ​នរោត្តម បុប្ផា​រី និង​ជា​ចៅស្រី​របស់​អតីត​ព្រះ មហាក្សត្រនរោត្តម សីហ​នុ ព្រះ​បរម​រតនៈ​កោដ្ឋ៕ អត្ថបទ៖ ចាន់រ៉ា

The post ឱកាសថ្ងៃចម្រើនព្រះជន្ម ព្រះនាងតូច ជេន​ណា បង្ហាញឆន្ទៈបន្តដំណេីរលេីវិថីសិល្បៈ បម្រើឧត្តមប្រយោជន៍ជាតិ appeared first on Kampuchea Thmey Daily.

ព្រះនាងតូច ជេនណា គឺ​ជា​តារា​ល្បី​ម្នាក់​ក្នុង​វិស័យ​កម្សាន្ត​របស់​ប្រទេស​កម្ពុជា។ យ៉ាងណា នៅអាយុប្រាំបីឆ្នាំ ទ្រង់ត្រូវបានជ្រើសរើសជាតារាម៉ូដែលសម្រាប់ក្រុមហ៊ុនទូរគមនាគមន៍ដ៏ធំមួយ ហើយឥឡូវនេះទ្រង់មានអ្នកតាមដាននៅលើគណនី Instagram ជាង១២ម៉ឺននាក់។ ទ្រង់​ក៏​ទទួល​បាន​ការ​ទទួល​ស្គាល់​ក្នុង​ឧស្សាហកម្ម​កម្សាន្ត​ក្នុងប្រទេសចិន​ តាម​រយៈ​ការ​បង្ហាញ​ព្រះកាយ​ក្នុង​កម្មវិធី​បង្ហាញ​ម៉ូដ និង​កម្មវិធី​ចិនល្បីៗដូចជាស្ថានីយទូរទស្សន៍ចិនដ៏ធំ CCTV1 ។

ប្រព័ន្ធផ្សព្វផ្សាយដដែលបានកត់សម្គាល់ថា «​ជាមួយនឹងរូបរាងពិសេសរបស់សែរាជវង្សកម្ពុជា និងជំនាញសម្តែងដ៏ល្អឥតខ្ចោះ មនុស្សជាច្រើនរំពឹងថាទ្រង់នឹងក្លាយជា Lisa បន្ទាប់។ សមត្ថភាព​ច្រៀង​និង​រាំ​ដ៏​គួរ​ឲ្យចាប់​អារម្មណ៍​របស់​ព្រះនាងតូច​ក៏​បាន​ទទួល​ការ​ចាប់​អារម្មណ៍យ៉ាងខ្លាំងពីមហាជន ហើយទ្រង់ក៏មាន​គម្រោង​ផ្លាស់​ទៅ​ប្រទេស​កូរ៉េ​ខាងត្បូងដើម្បី​ក្លាយ​ជា​តារា​ហ្វឹកហាត់»។

មិនត្រឹមតែប៉ុណ្ណឹងនោះទេ ងាកទៅកាន់សារព័ត៌មាន Allkpop ដែលមាននៅក្នុងប្រទេសកូរ៉េខាងត្បូងបានផ្សាយបន្ថែមដែរថា ​នៅព្រះជន្ម១២ព្រះវស្សា ព្រះនាងតូចត្រូវបានគេរាយការណ៍ថា ទ្រង់មានអាចទំនាកទំនងដោយស្ទាត់ជំនាញ ដល់ទៅ៥ភាសា ដែលរួមទាំងភាសាកំណើតរបស់ទ្រង់ (ខ្មែរ) ថៃ ចិន អង់គ្លេស និងបារាំង។​ ទ្រង់ក៏​ត្រូវ​បាន​គេ​ស្គាល់​ផង​ដែរ​ថា ជា​សែរាជវង្សគាំទ្រវិស័យ K-pop ដ៏​ធំម្នាក់ផងដែរ។

លើសពីនេះទៀត ក្នុង​ដំណើរ​ទស្សនកិច្ច​ទៅ​ប្រទេស​កូរ៉េ​កាលពី​ឆ្នាំ ២០២០ ក្នុង​នាម​ជា​ផ្នែក​មួយ​នៃ​គណៈប្រតិភូ​វប្បធម៌ និង​សេដ្ឋកិច្ច​កម្ពុជា ព្រះនាងជេនណា​បានមានព្រះរាជបន្ទូលថា ទ្រង់ជា​អ្នក​គាំទ្រ​ក្រុម BLACKPINK, TWICE, និង MOMOLAND ។ នៅក្នុងបទសម្ភាសន៍ជាមួយ Global Korean របស់ YTN កាលពីឆ្នាំមុន ព្រះនាងបានបង្ហាញពីក្តីស្រលាញ់របស់ទ្រង់ចំពោះតន្ត្រី K-pop និងការរាំលើឆាក។

គួរបញ្ចាក់ដែរថា ព្រះនាងតូចនរោត្តម ជេនណា​ ធ្លាប់លេចព្រះភ័ក្រក្នុងកម្មវិធីទូរទស្សន៍ខ្មែរជាច្រើន ហើយនៅឆ្នាំ២០២២ ទ្រង់បានចេញបទចម្រៀងមួយបទដែលមានចំណងជើងថា «You Da One»។ កាលពីដើមឆ្នាំនេះ ព្រះនាងតូចក៏បានសម្តែងក្នុងភាពយន្តបែបភ័យរន្ធត់របស់កម្ពុជាក្នុងរឿង​ បណ្ដាសានាងរាត្រី ដែលទ្រង់បានឈ្នះពានរង្វាន់តារាសម្តែងថ្មីល្អបំផុតនៅក្នុងមហោស្រពភាពយន្តអាស៊ីលើកទី២។ ជាពិសេសមួយរយៈមកនេះ ព្រះកិត្តិនាមរបស់ទ្រង់ហាក់ល្បីល្បាញនៅឯទឹកដីនៃប្រទេសចិន​ ដោយទ្រង់បានលេចព្រះភ័ក្រជាបន្តបន្ទាប់លើឆាកអន្តរជាតិបកស្រាយនូវបទចម្រៀងរួមគ្នាជាមួយជាតិសាស៍ដទៃបានយ៉ាងពិរោះរណ្ដុំ៕

អត្ថបទ៖ សាង ស្រីល័ក្ខ

ចុចអាន៖Jessi ​ត្រូវប៉ូលិសដោះលែង​មកវិញ ក្រោយ​​សួរ​ចម្លើយអស់ ៦ ម៉ោង ពាក់ព័ន្ធនឹងហិង្សា

The post សារព័ត៌មានតៃវ៉ាន់ផ្សាយថា ព្រះនាង ជេនណា គ្រោងយាងទៅកូរ៉េបង្ហាញព្រះកាយជាតារា K-pop appeared first on Kampuchea Thmey Daily.

គួរជម្រាបថា ទស្សនីយភាពនៃការបកស្រាយចម្រៀងដ៏មានអត្ថន័យ និងរបាំបុរាណខ្មែរ ដែលរាំដោយនាដកាមកពីសាលារបាំនរោត្តមបុប្ផាទេវីយ៉ាងសមសួននេះ ជាការសម្តែងក្នុងឱកាសព្រះនាងយាងចូលរួមក្នុងកម្មវិធី «ភាពស្រស់ស្អាតនៃការចុះសម្រុងគ្នា» របស់ប៉ុស្តិ៍ទូរទស្សន៍ CCTV1 នៅសាធារណរដ្ឋប្រជាមានិតចិន កាលពីប៉ុន្មានខែមុន។

បើទោះទិដ្ឋភាពដ៏អស្ចារ្យនេះ កន្លងផុតប៉ុន្មានខែក៏ដោយ ប៉ុន្តែធ្វើឱ្យពលរដ្ឋខ្មែរចាប់អារម្មណ៍ខ្លាំង បន្ទាប់ពីផេកហ្វេសប៊ុកផ្លូវការរបស់ព្រះនាងតូច នរោត្តម ជេនណា ទើបតែបានផុសផ្សាយរំលឹកពីព្រឹត្តិការណ៍នោះម្តងទៀត ម្សិលមិញនេះ ដោយបង្ហាញព្រះទ័យថា “ខ្ញុំមានមោទកភាពណាស់ ដែលបានបង្ហាញវត្តមានក្នុងឆាកទូរទស្សន៍ CCTV 1 ដ៏ធំ នៅសាធារណរដ្ឋប្រជាមានិតចិន ក្នុងសម្លៀកបំពាក់ប្រពៃណីខ្មែរ និងបកស្រាយចម្រៀងខ្មែរបទ មាគ៌ាអង្គរ ដោយមានការរាំរបាំដ៏ពិសេសអស្ចារ្យ ពីសាលារបាំនរោត្តមបុប្ផាទេវី ក្រោមព្រះកិច្ចដឹកនាំរបស់ព្រះអង្គម្ចាស់ ស៊ីសុវត្ថិ តេសូ។ ទន្ទឹមនេះ ខ្ញុំក៏បាន​បកស្រាយចម្រៀងជាភាសាចិន​ជាមួយកុមារាកុមារីជនជាតិចិនដ៏ឆ្លាតវៃ និងស្អាតៗផងដែរ។” ។

តាមរយៈទស្សនីយភាពនេះ មិនត្រឹមតែជាការចូលរួមបង្ហាញនូវអត្តសញ្ញាណខ្មែរប៉ុណ្ណោះទេ ថែមទាំងបានបង្ហាញពីចំណងមិត្តភាពរវាងកម្ពុជា-ចិន កាន់តែប្រសើរឡើងថែមទៀត។ ស្របពេលជាមួយគ្នានោះ ព្រះនាងតូច ជេនណា ក៏បាន​បកស្រាយចម្រៀងរួមគ្នាជាភាសាចិន ជាមួយកុមារាកុមារី ជនជាតិចិនជាច្រើននាក់ផងដែរ នូវចម្រៀងមួយបទដែលមានចំណងថា «ផឹកទឹកទន្លេប្រភពតែមួយ» ។

គួររំលឹកថា កាលពីថ្ងៃទី២៨ ខែសីហា ឆ្នាំ២០២៣ ព្រះនាងតូចនរោត្តម ជេនណា ក៏ធ្លាប់យាងចូលរួមបកស្រាយចម្រៀង ក្នុងពិធីអបអរសាទរខួបអនុស្សាវរីយ៍លើកទី៦៥ នៃការបង្កើតទំនាក់ទំនងការទូតចិន-កម្ពុជា ឆ្នាំមិត្តភាពចិន-កម្ពុជា និងខួបអនុស្សាវរីយ៍លើកទី៧៤ នៃការបង្កើតសាធារណរដ្ឋប្រជាមានិតចិន ដោយការអញ្ជើញពីស្ថានទូតសាធារណរដ្ឋប្រជាមានិតចិន ប្រចាំកម្ពុជាតែម្តង។ គ្រានោះ ព្រះនាងតូច បានលើកយកបទ “ស្រណោះប្រទេស​ចិន” របស់ព្រះករុណាព្រះបាទ​ នរោត្ដម សីហនុ មកបកស្រាយក្នុងពិធី ដែលប្រារព្ធធ្វើឡើងនា SUN&MOON Riverside Hotel រាជធានីភ្នំពេញ៕

The post មហាជនចាប់អារម្មណ៍ជាថ្មី លើ​ព្រះនាង ជេនណា គ្រងឈុតបុរាណខ្មែរ បកស្រាយចម្រៀង នៅចិន appeared first on Kampuchea Thmey Daily.

កាន់​​តែ​រំភើប​ថែម​ទៀត​ នា​ឱកាស​នោះ​ដែរ​ ព្រះ​នាង​តូច ជេន​ណា នរោត្តម បាន​ផ្តល់​កិត្តិយស​ក្នុង​ការ​ឡើង​ច្រៀង-សម្តែង​ជា​មួយ​តារា​ចម្រៀង​រ៉េប​ល្បី​របស់​ប្រទេស​ប៊ុលហ្គារី​លោក Papi Hansនៅ​ក្នុងRunway Reels fashion on film យ៉ាង​ពីរោះ​នឹង​ទទួល​បាន​ការ​គាំ ទ្រ​ខ្លាំង​ពី​អ្នក​ទស្សនា​នៅ​ទី​នោះ​។

សម្រាប់​ការ​សម្ដែង​ និង​ច្រៀង​ព្រះនាង​តូច ជេន​ណា នរោត្តម បាន​លើក​​យក​បទOriginal songរបស់​ទ្រង់​មាន​ចំណង​ជើង​ថា ”117” ដោយ​ច្រៀង​ជា​មួយ​តារា​ចម្រៀង​រ៉េប​ដ៏​ល្បី Papi Hans ។ព្រះ​នាង​តូច ជេន​ណា នរោត្តម មាន​ព្រះរាជ​បន្ទូល​ថា “ខ្ញុំ​ពិត​ជា​មាន​សេចក្ដី​ត្រេក អរ​ជា​ខ្លាំង​បាន​ចូលរួម​ក្នុង​កម្មវិធី Runway Reels fashion on film in Bulgariaហើយ​ក៏​បាន​ច្រៀង​ចម្រៀងoriginal song ជា​មួយ​តារា​ចម្រៀង​ដ៏​ល្បី​មួយ​រូប @Papi Hans មាន​ចំណង​ជើង​ថា ”117” “។

ព្រះ​នាង​តូច ជេន​ណា មាន​បន្ទូល​ទៀត​ថា «ហើយ​ក៏​សូម​អរគុណ​ទៅ​ដល់​បង​ស្រី Chanda Moriarty Tailor បាន​ធ្វើ​ឈុត​មួយ​នេះ​ឡើង​ដែល​មាន​រូប​ជា​ទង់​ជាតិ​ខ្មែរ​ហើយ​រាង​ជា​ផែនទី​តំណាង​ឲ្យ​ប្រទេស​ជាតិ​របស់​យើង​»៕

អត្ថបទ៖ ចាន់រ៉ា

The post ព្រះនាងតូច ជេនណា លេចធ្លោក្នុងឈុតរំលេចទង់ជាតិខ្មែររាងជាផែនទីលើឆាកអន្តរជាតិ appeared first on Kampuchea Thmey Daily.

ព្រះនាង​តូច នរោត្តម ជេនណា អ្នកគាំទ្រ​បាន​ស្គាល់ និង​ដឹង​ជាក់ច្បាស់​ចំពោះ​សមត្ថភាព​ទេពកោសល្យ​ល្អ​របស់​ទ្រង់​នៅ​ក្នុង​ទម្រង់​សិល្បៈ មិន​ថា​សមត្ថភាព​សម្ដែង ការ​ច្រៀង​ទម្រង់​សម័យ និង​មរតក​ដើម ក៏​ដូចជា​ការ​បញ្ចេញ​ក្បាច់​រាំ។ អ្នកគាំទ្រ​យល់​ថា វត្តមាន​របស់​ព្រះនាង​តូច នរោត្តម ជេនណា នៅ​ថ្ងៃ​ប្រឡង​ផ្ដាច់ព្រ័ត្រ Miss Preteen International Cambodia នឹង​កាន់តែ​ធ្វើ​ឲ្យ​កម្មវិធី​មួយ​នេះ​កក្រើក​ខ្លាំង។

មជ្ឈដ្ឋាន​អ្នកគាំទ្រ និង​អ្នក​សិល្បៈ បាន​និយាយ​ថា ជា​មហា​កិត្តិយស​ដ៏​ធំ​ក្រៃលែង​ដែល​ព្រះនាង​តូច នរោត្តម ជេនណា បាន​ផ្ដល់​វត្តមាន​ជា​ភ្ញៀវកិត្តិយស និង​ចូលរួម​ច្រៀង​ចម្រៀង​នៅ​ក្នុង​កម្មវិធី Miss Preteen Cambodia នា​ថ្ងៃ​ទី ០៥ ខែ​សីហា ដែល​កម្មវិធី​នេះ​ធ្វើឡើង​នៅ​ផ្សា​ទំនើប​អ៊ីអនម៉ល​មាន​ជ័យ។

ព្រះ​នាង​តូច នរោត្តម ជេនណា គឺជា​សែស្រឡាយ​រាជវង្ស​ដែល​មាន​រូប​សម្ផស្ស​ស្រស់​ស្អាត​តាំងពី​ក្មេង​វ័យ ពិសេស​នោះ​មាន​ទេពកោសល្យ​សិល្បៈ​គួរ​ឲ្យ​ស្ញប់ស្ញែង។ លើស​ពី​នេះ ព្រះ​នាង​តូច ក៏​ឧស្សាហ៍​បង្ហោះ​រូបថត​គ្រង​ឈុត​ប្រពៃណី​ដ៏​ស្រស់​ស្អាត អម​ដោយ​សារ​ជូនពរ​ចំពោះ​ជនរួមជាតិ​ជា​បន្តបន្ទាប់​ផង​ដែរ៕

អត្ថបទ ៖ ចាន់រ៉ា

The post ព្រះនាងតូច នរោត្តម ជេនណា ផ្ដល់កិត្តិយសចូលរួមកម្មវិធី Miss Preteen Cambodia appeared first on Kampuchea Thmey Daily.

ស្ថិត​ក្នុង​ព្រះជន្ម ១០ វស្សា ព្រះនាង​តូច នរោត្តម ជេនណា អាច​ប្រើប្រាស់​បាន ៥ ភាសា និង​មាន​ទេពកោសល្យ​ខាង​ច្រៀង រាំ និង​សម្ដែង យ៉ាង​ពិសេស ហើយ​ស្ទាត់ជំនាញ​ទៀត​ផង។ ចំពោះ​ភាសា​ទាំង ៥ ដែល​ព្រះនាង​តូច ជេនណា អាច​ប្រើ​បាន​នោះ​រួមមាន ភាសា​ខ្មែរ, អង់គ្លេស ,ចិន ,ថៃ ,បារាំង ​នេះ​គឺជា​សមត្ថភាព​ដ៏​ពិសេស ដែល​មនុស្ស​ភាគ​ច្រើន​ពិបាក​ធ្វើ​បាន។

ដោយឡែក​ចាប់អារម្មណ៍​មក​មើល​ពី​រូបភាព​ដែល​ទ្រង់​គ្រង​នូវ​ឈុត​បែប​ប្រពៃណី​បុរាណ និង​ត្រូវ​បាន​បង្ហោះ​នោះ ព្រះនាង​តូច ជេនណា បាន​មាន​ព្រះបន្ទូល​ថា «គ្រឿងអលង្ការ​ជា​ផ្នែក​មួយ​ដ៏​សំខាន់​ដែល​ជួយ​បង្កើន​ភាព​ស្រស់​ស្អាត និង​ភាព​ជឿជាក់​សម្រាប់​ខ្លួនឯង»។

តាមរយៈ​នេះ​គេ​ឃើញ​មាន​ការ​លើក​សរសើរ​ព្រះនាង​តូច​ថា «ស្អាត​ណាស់ ព្រះនាង​ម្ចាស់​ខ្ញុំ, គោរព​ស្រឡាញ់​ព្រះនាង​ម្ចាស់​តូច​ខ្លាំងៗ ក្រាបទូល​,ស្រស់​ស្អាត​ណាស់​ព្រះនាង​, ស្អាត​ឆ្លាត​លេចធ្លោ​ក្នុង​ខ្សែ​រាជវង្ស, ស្អាត​ណាស់​ព្រះនាង​តូច​របស់ខ្ញុំ ពិតជា​ស្អាត​ខ្លាំង​ណាស់, ព្រះ​អើយ​ទ្រង់​ពិតជា​ស្អាត​ខ្លាំង​ណាស់ ,ស្អាត​ណាស់​ព្រះនាង​តូច​របស់ខ្ញុំ​ស្លៀក​អ្វី​ក៏​ស្អាត​ដែរ សមជា​នារី​ខ្មែរ​ខ្លាំង​ណាស់ ,ចិត្ត​ក៏​ល្អ សម្រស់​ក៏​ស្អាត ព្រះនាង​តូច​ដ៏​សែន​គោរព ព្រះនាង​គួរ​ឲ្យ​ស្រឡាញ់​ខ្លាំង​ណាស់, ព្រះនាង​តូច​ទាំង​ស្អាត ហើយ​ឆ្លាត​ណាស់»។

សូម​ជម្រាប​ដែរ​ថា ព្រះនាង​តូច នរោត្តម ជេនណា គឺជា​សែស្រឡាយ​រាជវង្ស ដែល​មាន​សម្ផស្ស​ស្រស់​ស្អាត​តាំងពី​ក្មេង​វ័យ ពិសេស​នោះ​គឺ​មាន​ទេពកោសល្យ​សិល្បៈ​គួរ​ឲ្យ​ស្ញប់ស្ញែង។ លើស​ពី​នេះ​ព្រះនាង​តូច ក៏​ឧស្សាហ៍​បង្ហោះ​រូបថត​គ្រង​ឈុត​ប្រពៃណី​ដ៏​ស្រស់​ស្អាត អម​ដោយ​សារ​ជូនពរ​ចំពោះ​ជន​រួមជាតិ​ជា​បន្តបន្ទាប់​ផង​ដែរ៕

អត្ថបទ ៖ ចាន់រ៉ា

The post ស្អាតខ្លាំងណាស់ ! ព្រះនាងតូច នរោត្តម ជេនណា គ្រងឈុតបែបបុរាណ លំអដោយគ្រឿងអលង្ការ ភ្លឺចែងចាំង​ appeared first on Kampuchea Thmey Daily.