ដើម្បីចូលរួមទប់ស្កាត់​បង្ក្រាបបទល្មើសនេសាទ​ នារដូវត្រីពងកូន​ នៅព្រឹក​ថ្ងៃទី០៤ ខែសីហា ឆ្នាំ២០២៤​ ខណ្ឌរដ្ឋបាលជលផលកំពង់ចាម សហការជាមួយ អាជ្ញាធរស្រុកកងមាស បន្តចុះប្រតិបត្តិការត្រួតពិនិត្យ និងបង្រ្កាបបទល្មើសជលផលបានចំនួន ៣ករណី ដោយកសាងសំណុំរឿងតាមនិតិវិធីច្បាប់ស្តីពីជលផល និងរុះរើកាប់បំផ្លាញចោលវត្ថុតាងនៃបទល្មើសជលផលនៅនឹងកន្លែងកើតហេតុ​នៅចំណុចព្រែកក្នុងឃុំព្រែកកុយ ស្រុកកងមាស​ ខេត្តកំពង់ចាម​។

ជាលទ្ធផល​ មន្ត្រី​ជំនាញ​ជលផល​កំពង់ចាម​ រុះរើកាប់បំផ្លាញចោលវត្ថុតាងនៃបទល្មើសជលផល រួមមាន ឧបករណ៍ដាយស្បៃមុងទំហំចំនួន ២២មាត់,​ របាំងស្បៃមុងប្រវែង ១ ៧០០ម៉ែត្រ, បង្គោលចម្រឹងចំនួន ៣២៥ដើម​ និងចាក់លែងកូនត្រីចម្រុះទម្ងន់ ២០គីឡូក្រាម៕

អត្ថបទ​និង​រូបភាព​៖​ ឡេក​ ចាន់ពេជ្រ

The post មន្ត្រី​ជលផលកំពង់ចាម​ បន្តចុះបង្រ្កាបបទល្មើសជលផលក្នុងស្រុកកងមាស បានចំនួន ៣ករណី appeared first on Kampuchea Thmey Daily.

ការឲ្យដឹងនេះ គឺនៅក្នុងសិក្ខាសាលា ស្ដីពី ការប្រកាសជាសាធារណៈ នៅរបាយការណ៍ជំនួញ និងហិរញ្ញវត្ថុក្នុងការអភិវឌ្ឍវារីវប្បកម្ម ដោយបង្ហាញពីតថភាពជំនួញ លទ្ធភាពរីកចំរើនបន្ថែម និងឱកាសទីផ្សារវារីវប្បកម្ម ដោយរួមទាំងអនុសាសន៍ សម្រាប់ស្ថាប័នហិរញ្ញវត្ថុ ក្នុងការអភិវឌ្ឍផលិតផលរបស់ខ្លួន និងជាការចែករំលែកព័ត៌មានដល់ស្ថាប័នពាក់ព័ន្ធផ្សេងៗ។ សិក្ខាសាលានេះ រៀបចំដោយអង្គការទស្សនៈពិភពលោក និងសមា គមសណ្តែកសៀងអាមេរិក ព្រមទាំងក្រុមហ៊ុន អ៊ីអឹមស៊ី នៅព្រឹកថ្ងៃទី១៦ ខែកញ្ញា ឆ្នាំ២០២១នេះ។

លោក ហាវ វិសិដ្ឋ អនុប្រធានរដ្ឋបាលជលផល បានលើកឡើងថា វិស័យជលផល បានដើរតួនាទីសំខាន់ណាស់ ស​ម្រាប់ប្រជាជនកម្ពុជា ហើយក៏ជាប្រភពដ៏ចម្បងចាំបាច់ សម្រាប់ម្ហូបអាហារប្រចាំថ្ងៃ និងក៏ជាប្រភពប្រាក់ចំណូលដ៏​មាន​សារៈ សម្រាប់ប្រជាជនកម្ពុជាយើង។

លោក ហាវ វិសិដ្ឋ បានមានប្រសាសន៍បន្តថា ប្រជាជនកម្ពុជា ជិត៦លាននាក់ មានជាប់ទាក់ទងនឹងវិស័យជលផល ហើយអ្នកដែលយកវិស័យជលផល ជាមុខរបរអាជីពតែម្ដងមានប្រមាណ ១លាន ៥សែននាក់ ហើយប្រមាណ ៤​លាន ៥សែននាក់ទៀត មានជាប់ទាក់ទងដោយប្រយោល។

មន្ត្រីជាន់ខ្ពស់រដ្ឋបាលជលផលរូបនេះ បានលើកឡើងទៀតថា «ទោះបីជាប្រទេសកម្ពុជា ជាប្រទេស​មានភាព​អំ​ណោ​​​យផល លើវារីវប្បកម្មយ៉ាងណាក៏ដោយ តែវារីវប្បករយើងកំពុងជួបបញ្ហាប្រឈមជាច្រើន ដែលត្រូវចូលរួមគ្នា​ដើម្បីដោះស្រាយ ពីគ្រប់ភាគីពាក់ព័ន្ធទាំងអស់»។

តាមលោក អនុប្រធានរដ្ឋបាលជលផល បញ្ហាប្រឈម ដែលវារីវប្បករជួបប្រទះនោះ រួមមាន៖ បញ្ហាចំណេះដឹង ការ​គ្រប់កសិដ្ឋានឲ្យបានត្រឹមត្រូវ កង្វះខាតទីផ្សារ មានការប្រកួតប្រជែងខ្ពស់ជាមួយប្រទេសជិតខាង ហើយបញ្ហា​ប្រឈ​ម​សំខាន់នោះ ដើមទុននេះតែម្ដង។

លោក ហាវ វិសិដ្ឋ អនុប្រធានរដ្ឋបាលជលផល សង្ឃឹមថា តាមរយៈការរៀបចំសិក្ខាសាលានៅថ្ងៃនេះ នឹងផ្ដល់ព័ត៌​មាន​បន្ថែម និងអាចគន្លឹះសម្រាប់បងប្អូនវារីវប្បករ ដែលកំពុងប្រកបមុខរបរវារីវប្បកម្ម និងអ្នកពាក់ព័ន្ធទាំងឡាយ អាចយកមកអភិវឌ្ឍន៍វារីវប្បកម្ម នៅក្នុងប្រទេសកម្ពុជាផងដែរ៕

អត្ថបទ៖ ឃួន សុភ័ក្រ

The post ប្រជាជនកម្ពុជា ប្រមាណជា ១លាន ៥សែននាក់ កំពុងប្រកបមុខរបរ ក្នុងវិស័យជលផល appeared first on Kampuchea Thmey Daily.

​ជនរងគ្រោះ​រស់នៅ​ភូមិ​ព្រៃ​ផ្គាំ​(​គ​) ស្រុក​អង្គរបុរី ខេត្តតាកែវ ត្រូវ​បាន​ក្រុម​មន្ត្រីជលផល​ដឹកយក​ទៅកាន់​មន្ទីរពេទ្យបង្អែក​ខេត្តតាកែវ ក្រោយពី​រងរបួស​យ៉ាងធ្ងន់ធ្ងរ ដោយ​ក្រុម​មន្ត្រីជលផល ​ដែល​ដឹកនាំ​ដោយ​លោក គឹម សារិទ្ធ និយាយ​ថា ជនរងគ្រោះ​បាន​ជួប​គ្រោះថ្នាក់​ចរាចរណ៍ ដោយ​ទូក​ជនរងគ្រោះ​បាន​បុក​ជាមួយ​ទូក​មន្ត្រីជលផល នៅ​ចំណុច​កោះ​អញ្ចាញ ស្ថិតក្នុង​ឃុំ​ទ្រា ស្រុក​សំរោង កាលពី​យប់​ថ្ងៃទី​៦ ខែមករា ឆ្នាំ​២០២១​។ លុះ​បញ្ជូន​ទៅដល់​មន្ទីរពេទ្យ​បង្អែក​ខេត្តតាកែវ ក៏បាន​ទូរសព្ទ​ឲ្យ​ក្រុម​គ្រួសារ​ទៅ​មើល​ជនរងគ្រោះ​ នៅ​មន្ទីរពេទ្យ តែ​ដោយ​ស្ថានភាព​ជនរងគ្រោះ​ធ្ងន់ធ្ងរ​ពេក ទើប​ក្រុម​គ្រួសារ​បញ្ជូន​ជនរងគ្រោះ​បន្ត​មកកាន់​មន្ទីរពេទ្យ​កាល់​ម៉ែត្រ​រាជធានី​ភ្នំពេញ​។

ក្រោយ​ការព្យាយាម​ជួយសង្គ្រោះ​ពី​សំណាក់​ក្រុមគ្រូពេទ្យ​មួយរយៈ គ្រូពេទ្យ​ក៏បាន​ឲ្យ​ក្រុម​គ្រួសារ​យក​ជនរងគ្រោះ​ត្រឡប់​មកផ្ទះ​វិញ ព្រោះតែ​អស់​លទ្ធភាព​ព្យាបាល ដោយសារ​ជនរងគ្រោះ​មាន​ឈាមកក​ក្នុង​ខួ​រក្បាល និង​បាន​ស្លាប់​បាត់​បង់ជីវិត​ពេល​ដឹក​មកដល់​ផ្ទះ​។

ចំពោះ​ករណីនេះ លោក ជីវ ចាន់​តារា ព្រះរាជអាជ្ញា​អម​សាលាដំបូង​ខេត្តតាកែវបាន​បញ្ជាក់​ថា លោក​បានស្នើ​ដល់​ស្នង​ការរង​ទទួល​ផែន​ព្រហ្មទណ្ឌ នៃ​ស្នងការ​នគរបាល​ខេត្ត​តាកែវ បើក​ការស៊ើបអង្កេត​បឋម ចំពោះ​ករណី​នេះ​ហើយ​៕

អត្ថបទ៖ វីរៈ

សូមចុចអាន៖ ​សំណុំរឿង​មន្ត្រី​ជលផល​ប្រើ​ហិង្សា​លើ​ពលរដ្ឋ ពេលនេះ​ធ្លាក់​ដល់ដៃ​តុលាការ​ហើយ

The post ជនរងគ្រោះ​រងហិង្សា​ពី​មន្ត្រីជលផល​ បាន​​​ស្លាប់​ទៅ​ហើយ ក្រោយ​ត្រឡប់​មកពី​មន្ទីរពេទ្យ appeared first on Kampuchea Thmey Daily.

​សំណុំរឿង​មួយ​នេះ គ្រួសារ​ជនរងគ្រោះ​បាន​ប្តឹង​លោក គឹម សារិទ្ធ នាយរង​អធិការកិច្ច​ចតុមុខ និង​បក្ខពួក​ចំនួន​៩​នាក់​ផ្សេងទៀត ថា​បាន​ប្រើ​ហិង្សា​ដោយ​វាយដំ​ជនរងគ្រោះ នៅ​ពេល​ក្រុម​មន្ត្រី​ជលផល​ទាំងនេះ​បាន​បើក​ប្រតិបត្តិ​ការ​បង្ក្រាប​បទល្មើស​នេសាទ កាលពី​យប់​ថ្ងៃទី​៦ ខែ​មករា ឆ្នាំ​២០២១ នៅ​ចំណុច​កោះ​អញ្ចាញ ក្នុង​ឃុំ​ទ្រា ស្រុក​សំរោង ខេត្ត​តាកែវ​។

​តាម​ការ​រៀប​រាប់​រប​ស់បង​ថ្លៃ​ជនរងគ្រោះ​ថា នៅ​យប់​កើតហេតុ​នោះ ជនរងគ្រោះ​ឈ្មោះ ភឹម វី អាយុ​៤០​ឆ្នាំ រស់នៅ​ភូមិ​ព្រៃ​ផ្គាំ​(​គ​) ស្រុក​អង្គរបុរី ខេត្តតាកែវ និង​អ្នកភូមិ​ចំនួន​២​នាក់​ទៀត បានចេញ​ទូក​ទៅ​ឆក់​ត្រី​នៅ​ចំណុច​កោះ​អញ្ចាញ ស្ថិតនៅក្នុង​ឃុំ​ទ្រា ស្រុក​សំរោង ហើយ​នៅពេលនោះ ក៏មាន​ទូក​របស់​មន្ត្រីជលផល មាន​មនុស្ស​ចំនួន​១០​នាក់ ដឹកនាំ​ដោយ​លោក គឹម សារិទ្ធ នាយរង​អធិការកិច្ច​ចតុមុខ បាន​មក​ដល់​ពេលនោះ អ្នកភូមិ​២​នាក់​ដែល​ទៅជា​មួយ​ក៏បាន​លោត​ចូល​ទឹក ហើយក៏​រត់​រួច ដោយ​នៅសល់តែ​ជនរងគ្រោះ​ត្រូវបាន​មន្ត្រីជលផល និង​បក្ខពួក​វាយ​បណ្តាល​ឲ្យ​រងរបួស​ធ្ងន់ ទើប​គេ​ក៏​បញ្ជូន​ទៅកាន់​មន្ទីរពេទ្យបង្អែក​ខេត្តតាកែវ និង​បាន​ទូរស័ព្ទ​ឲ្យ​ក្រុមគ្រួសារ​ទៅ​មើល​ជនរងគ្រោះ​នៅ​មន្ទីរពេទ្យ ហើយដោយ​ស្ថានភាព​ជនរងគ្រោះ​ធ្ងន់ធ្ងរ​ពេក ទើប​ក្រុមគ្រួសារ​បញ្ជូន​ជនរងគ្រោះ​បន្ត​មកកាន់​មន្ទីរពេទ្យ​កាល់​ម៉ែត្រ​ក្នុង​រាជធានី​ភ្នំពេញ​។​ រហូតមកដល់​ពេលនេះ ជនរងគ្រោះ​នៅ​មិនទាន់​ដឹងខ្លួន​នៅឡើយ​ទេ ហើយ​ក្រុមគ្រូពេទ្យ​ក៏​អស់​លទ្ធភាព​ព្យាបាល​ដែរ ដោយ​ឲ្យ​ក្រុមគ្រួសារ​យក​ជនរងគ្រោះ​មក​ផ្ទះ​វិញ ព្រោះតែ​ជនរងគ្រោះ​មាន​ឈាមកក​នៅ​ក្នុង​ខួរក្បាល​។ តែ​យ៉ាងណាក៏ដោយ ចំពោះ​ករណី​នេះ លោក គឹម សារិទ្ធ បានធ្វើ​ការបដិសេធ ដោយ​ថា ករណី​នេះ គឺជា​ករណី​គ្រោះថ្នាក់​ចរាចរណ៍ ទូក​បុក​គ្នា​នោះ​ទេ​៕

អត្ថបទ៖ វីរៈ

សូមចុចអាន៖ ​ជនរងគ្រោះ​ត្រូវពឹង​អ្វី​? បើ​នគរបាល​មិនអាច​បើក​ការស៊ើបអង្កេត​បាន​ ករណី​មន្ត្រី​ជលផល វាយ​ពលរដ្ឋ​របួសធ្ងន់​

The post សំណុំរឿង​មន្ត្រី​ជលផល​ប្រើ​ហិង្សា​លើ​ពលរដ្ឋ ពេលនេះ​ធ្លាក់​ដល់ដៃ​តុលាការ​ហើយ appeared first on Kampuchea Thmey Daily.

​តាម​លោក ភី ឆុន ថា ករណីនេះ​លោកបានសុំយោបល់ទៅកាន់​ថ្នាក់លើ​របស់​លោក គឺ​លោក ហ៊ិ​ន សុខ​ផេង ដែល​ជាស្នងការរងទទួល​ផែន​ព្រហ្មទណ្ឌ ហើយ​ថ្នាក់លើបានបញ្ជាក់មកលោក​ថា សំណុំ​រឿង​នេះ គឺ​មន្ត្រី​ជលផល​ជាអ្នកកសាងសំណុំរឿងខ្លួនគេ ព្រោះថា មន្ត្រីជលផល ក៏ជា មន្ត្រីនគរបាលយុត្តិធម៌​ដែរ ដូច្នេះសមត្ថកិច្ចរបស់លោកមិនអាចលូកដៃ​ចូល​បានទេ​។ ចំពោះការ លើកឡើង​នេះ បានធ្វើឲ្យក្រុមគ្រួសារជនរងគ្រោះ បង្ហាញអារម្មណ៍​អស់សង្ឃឹមយ៉ាង​ខ្លាំង ព្រោះ ថា ករណីនេះ​បាន​បង្ក​ឡើង​ ដោយមន្ត្រីជលផល ហើយឥឡូវមន្ត្រីជលផលបែរជា​ធ្វើការ​ស៊ើបអង្កេត​ខ្លួនឯង​ទៅវិញ តើនឹងមានយុត្តិធម៌​ដែរឬទេ​?

​សូមបញ្ជាក់ថា ករណី​ហិង្សា ដែលត្រូវចោទប្រកាន់ថា បាន​ប្រព្រឹត្តដោយមន្ត្រីជលផល​នេះ បាន កើតឡើង​កាលពី​យប់​ថ្ងៃទី​៦ ខែមករា ដោយមាន នរងគ្រោះ​ឈ្មោះ ភឹម វី អាយុ៤០​ឆ្នាំ រស់នៅ ភូមិ​ព្រៃ​ផ្គាំ​(​គ​) ស្រុក​អង្គរបុរី ខេត្ត​តាកែវ​។​

អត្ថបទ៖ វីរៈ

សូមចុចអាន៖ ​មិន​ចប់ត្រឹមហ្នឹង​ទេ! អធិការ​​រង់ចាំពាក្យ​បណ្តឹង​ ករណី​ហិង្សា​លើ​ជនរងគ្រោះរហូត​ដល់​ដេកពេទ្យ

The post ជនរងគ្រោះ​ត្រូវពឹង​អ្វី​? បើ​នគរបាល​មិនអាច​បើក​ការស៊ើបអង្កេត​បាន​ ករណី​មន្ត្រី​ជលផល វាយ​ពលរដ្ឋ​របួសធ្ងន់​ appeared first on Kampuchea Thmey Daily.