ប្អូនប្រុស ពេជ្រ សុភាព ដែលជាអ្នកធើ្វដំណើរបានលើកឡើងថា នៅពេលដែលអាជ្ញាធរ លោកបានធ្វើការគូសគំនូសលាបថ្នាំពណ៌ឡើងវិញដូច្នេះ គឺជួយលើកសម្រស់ដងផ្លូវថ្មី អមដោយសុវត្ថិភាពខ្ពស់ផងដែរ ។

ប្អូនប្រុសបន្តបន្ថែមថា សូមគោរពអរគុណអាជ្ញាធរពាក់ព័ន្ធ ដែលបានចុះលាបថ្នាំរបាំងថ្មជួយ សម្រួលការធ្វើដំណើរ ក៏ដូចជាដោះស្រាយការលំបាករបស់ប្រជាពលរដ្ឋ ។

ពាក់ព័ន្ធបញ្ហានេះ មន្រី្ដជំនាញបានឲ្យដឹងថា កន្លងមក របាំងពុះចែកទ្រូងផ្លូវ ត្រូវបានលាបពណ៌ចំណាំងផ្លាតឡើងវិញ  ដោយឃើញថារបាំងថ្ម បណ្តោយផ្លូវម៉ៅសេទុង រលប់បាត់មើលមិនច្បាស់ បង្កឲ្យប្រជាពលរដ្ឋ ធ្វើដំណើរឆ្លងកាត់ពិបាកធ្វើដំណើរ ជាពិសេសនៅពេលយប់តែម្តង ។

ជាចុងក្រោយ មន្ទីរសាធារណការ រាជធានីភ្នំពេញ បានបញ្ជាក់ថា ការលាបពណ៌ចំណាំងផ្លាត ជូនប្រជាពលរដ្ឋធ្វើដំណើរងាយស្រួល បង្ការគ្រោះថ្នាក់ចរាចរណ៍នាពេលយប់ ក៏ដូចជាដើម្បីអោយមានសោភ័ណ្ឌភាពផ្លូវផង និងជួយសម្រួលនូវការធ្វើដំណើរផងដែរ ៕ អត្ថបទ ៖ រដ្ឋា

The post របាំងថ្មពុះចែកទ្រូងផ្លូវ ត្រូវបានលាបថ្នាំថ្មី ដើម្បីបង្កើនសុវត្ថិភាពធ្វើដំណើរពេលរាត្រី appeared first on Kampuchea Thmey Daily.

ជាក់ស្តែងការស្ថាបនាផ្លូវបេតុងលេខ ៧៧បេតេ ប្រវែងជាង៧៦០ម៉ែត្រ ក្នុងភូមិចំរើនផលទី៣ ស្ថិតនៅសង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ អាជ្ញាធរកំពុងពន្លឿនការចាក់បេតុង ឲ្យបានទាន់ពេលវេលាតាមការកំណត់។

លោក សុន រ័ត្ន ជាអ្នកដំណើរឆ្លងកាត់កំណាត់ផ្លូវ ៧៧បេតេ ជាប្រចាំ បានលើកឡើងថា មុនមានអាជ្ញាធរចុះស្ថាបនាកំណាត់ផ្លូវខាងលើនេះ រៀងរាល់ព្រឹកគាត់ឧស្សាហ៍ជិះតាមបណ្តោយផ្លូវបេតុងនេះ មានជង្ហុកតូចច្រើនគួរសម ដែលបង្កការលំបាករាល់ពេលឆ្លងកាត់ចំណុចផ្លូវនេះ។ ក្រោយមានអាជ្ញាធរចុះស្ថាបនាកំណាត់ផ្លូវបេតុងនេះ គឺបង្កើនភាពងាយស្រួល កាន់តែប្រសើរជាងមុន ព្រោះនៅពេលផ្លូវ ២៧១ ស្ទះចរាចរណ៍ ហើយប្រសិនពលរដ្ឋចង់ឡើងទៅកាន់ចំណុចផ្លូវ ៣៧១ ពួកគាត់អាចជិះតាមផ្លូវបេតុងនេះបាន ដែលចំណេញពេលវេលាច្រើនផងដែរ។

កញ្ញា ហ័ង ពលរដ្ឋរស់នៅភូមិចំរើនផល បានប្រាប់ឲ្យដឹងថា ពេលអាជ្ញាធរចុះអភិវឌ្ឍន៍ផ្លូវបេតុងនេះ បានផ្តល់ងាយស្រួលជូនពលរដ្ឋក្នុងមូលដ្ឋាន ក៏ដូចជាគាត់ផ្ទាល់ ព្រោះថាផ្លូវមួយខ្សែនេះ មានចរាចរណ៍មមាញឹកគួរសម ដែលអាចបង្កើនចំណូលដល់រូបគាត់ជាអ្នកលក់ដូរអីវ៉ាន់បន្ថែមកាន់តែច្រើនផងដែរ។

លោក សួស សារិន ចៅសង្កាត់បឹងទំពន់ទី១ បានឲ្យដឹងថា គិតត្រឹមថ្ងៃទី២៧ ខែវិច្ឆិកា ឆ្នាំ២០២៥នេះ មន្ទីរសាធារណការ និងដឹកជញ្ជូនរាជធានីភ្នំពេញ កំពុងស្ថាបនាចាក់បេតុងឆ្អឹងដែក១២លី ទទឹង៧ម៉ែត្រ កម្រាស់២តឹក ប្រវែងបណ្តាយជាង ៧៦០ម៉ែត្រ និងចិញ្ចើមផ្លូវ គឺជាយុទ្ធសាស្រ្តសំខាន់ក្នុងការជួយទាញរំដោះចរាចរណ៍ផ្លូវ២៧១ និងផ្លូវ ៧៧បេតេ ឲ្យកាន់តែប្រសើរថែមទៀត ពីតំបន់អធិការដ្ឋាននគរបាល តំបន់ភូមិចំរើនផល៣ ជាពិសេសនោះលំហូរចរាចរណ៍កំណាត់ផ្លូវ២៧១ ប្រកបដោយគុណភាព និងសុវត្ថិភាពការងារ។

ជាចុងក្រោយ ចៅសង្កាត់បឹងទំពន់ទី១ បានសំណូមពរដល់ប្រជាពលរដ្ឋ និងអ្នកធ្វើដំណើរនៅលើដងផ្លូវនេះ សូមមេត្តា គោរពច្បាប់ចរាចរណ៍ និងចូលរួមថែរក្សាអនាម័យបរិស្ថាន តាមផ្លូវនានា ជាពិសេសចូលរួមទុកដាក់សំរាមឲ្យបានត្រឹមត្រូវ ដើម្បីពលរដ្ឋធ្វើដំណើរបានស្រួល និងមានសុវត្ថិភាពខ្ពស់៕

អត្ថបទ ៖ រដ្ឋា

The post អាជ្ញាធរជំនាញ ស្ថាបនាផ្លូវបេតុង ៧៧បេតេ ឡើងវិញ ដែលអាចបញ្ចៀសចរាចរណ៍ផ្លូវ២៧១ ឆ្ពោះទៅកាន់ផ្លូវ៣៧១ appeared first on Kampuchea Thmey Daily.

ដើម្បីឱ្យ​គម្រោង​នេះ​បញ្ចប់​ទៅ​បាន​លឿន ត្រឹមត្រូវ​តាម​លក្ខណៈ​បច្ចេកទេស កាត់បន្ថយ​បាន​គ្រោះថ្នាក់​ចរាចរណ៍ នា​ព្រឹក​ថ្ងៃទី​ ០៧ កុម្ភៈ​នេះ លោក​ ឃួ​ង ស្រេង អភិបាល​រាជធានី​ភ្នំពេញ បាន​ដឹកនាំ​មន្ត្រី​ជំនាញ​ និង​អាជ្ញាធរ​ដែនដី ចុះ​ពិនិត្យ​កំណាត់​ផ្លូវ​នេះ ខណៈ​ក្រុមការងារ​ នៃ​មន្ទីរ​សាធារណការ ​និង​ដឹកជញ្ជូន​រាជធានី​ភ្នំពេញ បាននិងកំពុង​ដំឡើង​របាំង​ពុះ​ចែក​ទ្រូងផ្ផ្លូវ ជាមួយ​ការ​ដាក់​ស្លាក​សញ្ញា​កំណត់​ល្បឿន​ និង​ស្លាក​សញ្ញា​ផ្សេងៗ ទៀត។

លោក​ សាំ ពិសិដ្ឋ នាយក​មន្ទីរ​សាធារណការ និង​ដឹកជញ្ជូន​រាជធានី​ភ្នំពេញ​ បានឱ្យដឹងថា ក្រោយពី​មានការ​ណែនាំ​ពី​ លោក​ ឃួ​ង ស្រេង អភិបាល​រាជធានី​ភ្នំពេញ មន្ទីរ​សាធារណការ​ និង​ដឹកជញ្ជូន​រាជធានី​ភ្នំពេញ​ បាន​ផ្តើម​ដំឡើង​របាំង​ពុះ​ចែក​ទ្រូងផ្លូវ ​សម្តេច​តេ​ជោ ​ហ៊ុន សែន ​(​ផ្លូវ​ ៦០ ​ម៉ែត្រ​) ដោយ​អនុវត្ត​ចាប់តាំងពី​ព្រឹក​ថ្ងៃទី​ ០៦​ ខែកុម្ភៈ​ ម្សិលមិញ។

លោក​ សាំ ពិសិដ្ឋ បាន​បញ្ជាក់​ថា ការដាក់​របាំង​ពុះ​ចែក​ទ្រូងផ្លូវ​នេះ ត្រូវ​ចែកចេញជា​ ២ ប្រភេទ។ ប្រភេទ​ទី ​១ ដាក់​របាំង​ដែក​ពុះ​ចែក​ទ្រូងផ្លូវ ចាប់ផ្ដើម​ពី ស្ពាន​អាកាស​មរតក​តេ​ជោ រហូត​ទៅដល់​ស្តុ​ប​ក្បែរ​ក្រុមហ៊ុន​រថយន្ត mercedes ដោយ​កំណត់​នូវ​ល្បឿន​ ៤០ ​គីឡូម៉ែត្រ ​ក្នុង ​១​ ម៉ោង។ ប្រភេទ​ទី​ ២ ដាក់​របាំង​ថ្ម​ពុះ​ចែក​ទ្រូង​ចាប់ពី​ចំណុច​ស្តុ​ប mercedes រហូត​ទៅដល់​ផ្លូវជាតិ​លេខ​ ២ កំណត់​ល្បឿន ៦០ គីឡូម៉ែត្រ​ ក្នុង ​១​ ម៉ោង​។ ក្រៅពី​ការ​របាំង​ដែក​ និង​របាំង​ថ្ម​ពុះ​ចែក​ទ្រូងផ្លូវ​នេះ​ហើយ មន្ទីរ​ត្រូវ​បំពេញ​បន្ថែម​ការងារ​មួយចំនួនទៀត ដូចជា ដាក់​ស្លាក​សញ្ញា​ចរាចរណ៍​បន្ថែម អ៊ុត​គំនូស​ចរាចរណ៍ ដាក់​ចំណាំងផ្លាត ដាក់​គោម​ភ្លើង​ពញ្ញាក់​អារម្មណ៍​ជាដើម។

លោក​ សាំ ពិសិដ្ឋ បាន​បញ្ជាក់​ទៀត​ថា ការងារ​នេះ ត្រូវ​ប្រើ​រយៈពេល​ប្រមាណ ​១​ ខែ​កន្លះ​ ទើប​បញ្ចប់ ដោយសារ ផ្លូវ​ សម្តេច​តេ​ជោ​ ហ៊ុន សែន ​(​ផ្លូវ​ ៦០ ​ម៉ែត្រ​)​ មាន​ប្រវែង​វែង​រហូតដល់​ ៩ គីឡូម៉ែត្រ។

បន្ថែម​ពី​នេះ លោកនាយក​មន្ទីរ ក៏បាន​ធ្វើការ​អំពាវនាវ​ឲ្យ​ប្រជាពលរដ្ឋ​ទាំងអស់ បើកបរ​ទៅតាម​ល្បឿន​ដែល​បានកំណត់​ និង​សូម​គោរព​ច្បាប់​ចរាចរណ៍​ទាំងអស់គ្នា ដើម្បី​កាត់បន្ថយ​គ្រោះថ្នាក់​ចរាចរណ៍​លើ​កំណាត់​ផ្លូវ​នេះ៕

អត្ថបទ ៖ ស្រីរ័ត្ន

The post គម្រោងដំឡើងរបាំងពុះចែកទ្រូង លើផ្លូវ ៦០ ម៉ែត្រ ប្រើប្រាស់ពេលប្រមាណ ១ ខែកន្លះ ទើបបញ្ចប់ appeared first on Kampuchea Thmey Daily.

ដើម្បីដោះស្រាយបញ្ហាទឹកលិចខាងលើ ផ្លូវលេខ ១០៥ ជាប់ប្រឡាយ​បឹងត្របែក ចាំបាច់ត្រូវពង្រីកពីទទឹង ៦ ម ទៅទទឹង ១២ ម ដើម្បីអាច​បង្កើនការបង្ហូរទឹកប្រឡាយនេះពី ១២ ម៉ែត្រគូបក្នុង ១ វិនាទី កើនដល់ ២៤ ម៉ែត្រគូបក្នុងវិនាទី ទើបបង្ហូរ​​ទឹកហូរទាន់។ ក្នុងករណីនេះ ក្រោមផ្លូវលេខ ១០៥ ជាប់ប្រឡាយនេះត្រូវដាក់លូប្រអប់ខ្នាតធំទទឹង ៦ម ជម្រៅ ៣ម ឯខាងលើត្រូវស្ថាបនាផ្លូវដដែល។

បើ​តាម​មន្រ្តី​មន្ទីរសាធារណការ​និងដឹកជញ្ជូន​រាជធានី​ភ្នំពេញ ការងារនៅ​ការដ្ឋានបានសាងសង់ជាង ៤ខែ គិតត្រឹមថ្ងៃនេះ សម្រេចបានជាង ៦០% ហើយនឹងបញ្ចប់នៅខែឧសភាឆ្នាំ​២០២៥ ដែលតាមមន្រ្តីជំនាញ​សង្ឃឹមថា លូប្រអប់ខ្នាតធំនេះនឹង​រួមចំណែកជួយកាត់បន្ថយការលិចលង់ភូមិសាស្ត្រខាង​លើ​បាន៕

The post ការដ្ឋាន​​ពង្រីក​ប្រឡាយបឹងត្របែក រំដោះទឹកលិច​ ៤ ខណ្ឌ​ កណ្តាល​ក្រុង គ្រោង​បញ្ចប់នៅខែឧសភាឆ្នាំ​​២០២៥​ appeared first on Kampuchea Thmey Daily.

ជាក់ស្ដែង​នៅ​ថ្ងៃ​ទី ២៣ ខែ​តុលា ឆ្នាំ ២០២៤ នេះ មន្ត្រី​ជំនាញ​មន្ទីរ​សាធារណការ​រាជធានី​ភ្នំពេញ បាន​និង​កំពុង​ធ្វើការ​ផ្លាស់ប្ដូរ ជួសជុល ថែទាំ​សម្ភារៈ​ហាត់ប្រាណ​តាម​សួនច្បារ​ឲ្យ​មាន​សភាព​ល្អ​ប្រសើរ​វិញ។

អាណាព្យាបាល​កុមារ​ដែល​តែង​ឧស្សាហ៍​នាំ​កូនៗ តូច ទៅ​ដើរលេង និង​ធ្វើ​លំហាត់​ប្រាណ​លេង​កម្សាន្ត​នៅ​សួន​មាត់ទន្លេ បាន​ប្រាប់​ថា ទីតាំង​សួនច្បារ​មាន​លក្ខណៈ​ធំ​ទូលាយ​ល្អ​សម្រាប់​ឱ្យ​ពលរដ្ឋ​មក​លេង​កម្សាន្ត ទេសភាព​ស្រស់​ស្អាត ហើយ​មាន​សម្ភារៈ​ជាច្រើន​ប្រភេទ​សម្រាប់​ក្មេង​ជិះ និង​មនុស្ស​ចាស់​ហាត់ប្រាណ ដូច្នោះ​ហើយ សូម​ឱ្យ​អាជ្ញាធរ​មាន​ការ​គិតគូរ និង​តាមដាន​ពិនិត្យ​ជាប្រចាំ​ផង លើ​ផ្នែក​ដែល​ខូចខាត ព្រោះ​សម្ភារៈ​ទាំងអស់​សង់​ឡើង​ពី​ដែក ប្រសិន​បាក់​ប្រេះ​បែក គឺ​វា​ងាយ ក្នុង​ការ​បង្ក​ជា​គ្រោះ​ដល់​កុមារ​ពេល​ជិះ​លេង​កម្សាន្ត ព្រោះតែ​ការ​មិន​បាន​ចាប់អារម្មណ៍ ឬ​មើល​ឃើញ។

សូម​បញ្ជាក់​ថា សួនច្បារ​មាត់ទន្លេ​ខាង​លើ​នេះ ស្ថិត​ក្នុង​មូលដ្ឋាន​ខណ្ឌ​ដូនពេញ ពេលនេះ​មន្ទីរ​សាធារណការ​រាជធានី​ភ្នំពេញ បាន​ចាត់​ឲ្យ​មន្ត្រី​ជំនាញ​ចុះ​ត្រួតពិនិត្យ​មើល​ចំពោះ​សម្ភារៈ​ទាំងនោះ តែ​ចាស់​ខូចខាត ប្រើប្រាស់​មិនកើត ឱ្យ​ជួសជុល​ឡើងវិញ​ជូន​ពលរដ្ឋ​ដើម្បី​មក​លេង​កម្សាន្ត៕

អត្ថបទ ៖ សុភា

The post មន្ទីរសាធារណការរាជធានីភ្នំពេញ ជួសជុលសម្ភារៈហាត់ប្រាណតាមសួនសាធារណៈដែលខូចខាត ឲ្យមានលក្ខណៈល្អប្រសើរវិញ appeared first on Kampuchea Thmey Daily.

​

មន្ទីរ​សាធារណការ និង​ដឹក​ជញ្ជូន​រាជ​ធានី​ ភ្នំពេញ បាន​លើក​ឡើង​ថា៖«សកម្មភាព​ដាក់​លូ​ប្រអប់​ខ្នាត​ធំ​​ទំហំ ៤មx២ម ​ នៅ​ផ្លូវ​លេខ ២៣០ ចាប់​ពី​មហា​វិធី ម៉ៅ សេទុង ​ដល់​ប្រឡាយ​បឹង​សាឡាង ខណ្ឌទួលគោក នៃ​​គម្រោង​ផែនការ​វិនិយោគ​ហេដ្ឋារចនាសម្ព័ន្ធ ប្រព័ន្ធ​លូ និង​ប្រព័ន្ធ​រំដោះ​​ទឹក​សម្រាប់​​បញ្ចៀស​ការ​ជន់​លិច​ក្នុង​ភូមិ​សាស្ត្រ​រាជធានី​ភ្នំពេញ គិត​ត្រឹម​ថ្ងៃ​ទី​១៦ តុលា នេះ ការដ្ឋានសម្រេចលទ្ឋផលបានប្រវែង ១០៩ម ត្រូវជា ៦១%នៃគម្រោង​»។

ក្រោយ​ពេល​សម្រេច​ជា​ស្ថាពរ គម្រោង​នេះ នឹង​ជួយ​កាត់បន្ថយ​បញ្ហា​ទឹក​លិច​ដោយ​ទឹក​ភ្លៀង​នៅ​ទីតាំង​ស្តុប​​ម៉ុងឌីយ៉ាល់ មហាវិថីម៉ៅ សេទុង មហាវិថី​កម្ពុជាក្រោម មហាវិថីនេរុហ៍ និងផ្លូវលេខ ២៣០ នៃ​ភូមិសាស្ត្រ​ខណ្ឌ​ទួលគោក៕

The post គម្រោងដាក់​ប្រព័ន្ធ​លូ និង​ប្រព័ន្ធ​រំដោះទឹក មហាវិថី ម៉ៅ សេទុង សម្រេចបានជាង ៦០% appeared first on Kampuchea Thmey Daily.

មន្ត្រីជំនាញនៃមន្ទីរសាធារណៈ និងដឹកជញ្ជូនរាជធានីភ្នំពេញ នៅថ្ងៃទី៣០ ខែសីហា ឆ្នាំ២០២៤នេះ ចុះពិនិត្យវឌ្ឍនភាពនៃការដ្ឋានដាក់លូ បុកស៊ីផាយ និងការស្តារប្រឡាយមេ ដែលស្ថិតក្នុងគម្រោងរំដោះទឹកលិចដោយជំនន់ទឹកភ្លៀង។

លោក សាំ ពិសិដ្ឋ ប្រធានមន្ទីរសាធារណការរាជធានីភ្នំពេញ បានបញ្ជាក់ថា ក្នុងគម្រោងទាំង១៣ដែលបាននិងកំពុងអនុវត្តនេះ ក៏មានគម្រោងពង្រីកស្ថានីយ៍បូមទឹកឲ្យបានធំជាងមុន ដូចជានៅស្ថានីយ៍លូប្រាំ និងស្ថានីយ៍កប់ស្រូវ គម្រោងសាងសង់ សម្រង់កាយសម្រាមនៅបឹងត្របែក អាចរំដោះទឹកចេញពីតំបន់បឹងត្របែក បឹងកេងកង ម៉ុងឌីយ៉ាល់ ព្រលានយន្តហោះ បឹងទំពុន និងតំបន់ផ្សារដើមគរ។

គួរបញ្ជាក់ថា រាជរដ្ឋាភិបាលនីតិកាលទី៧ នៃរដ្ឋសភា បានដាក់ចេញនូវគោលបំណងប្រកបដោយការប្ដេជ្ញាចិត្តខ្ពស់ សំដៅបញ្ចប់បញ្ហាទឹកជន់លិចរាជធានីភ្នំពេញក្នុងរយៈពេល៥ឆ្នាំ ក្រោយបញ្ចប់គម្រោងនេះរាជធានីភ្នំពេញនឹងលែងលិចលង់ ជាមួយនិងការសាទរពីប្រជាពលរដ្ឋ៕

អត្ថបទ៖ ម៉េង

The post មន្ទីរសាធារណការរាជធានីភ្នំពេញ ស្ថាបនាជញ្ជាំងប្រឡាយបេតុងចាប់ពីស្ថានីយ៍បូមទឹកលូ៥ ដល់ស្ថានីយ៍បូមទឹកបឹងទំពុន appeared first on Kampuchea Thmey Daily.

លោក វ៉ា សាវឿន ចៅសង្កាត់ចោមចៅទី៣ បានឱ្យដឹងថា ដោយមានការរាយការណ៍ពីប្រជាពលរដ្ឋថា ទីតាំងខាងលេីស្ទះប្រព័ន្ធលូពិបាកក្នុងការស់នៅទេីបអាជ្ញាធរស្នេីទៅលោក សាំ ពិសិដ្ឋ ប្រធានមន្ទីរសារណៈការនិងដឹកជញ្ជូន សុំរថយន្តបូមលូដេីម្បីសម្រួលដល់បងប្អូនប្រជាពលរដ្ឋ។

លោក វ៉ា សាវឿន តំណាងឱ្យរដ្ឋបាលសង្កាត់ចោមចៅទី៣ សូមថ្លែងអំណរគុណដល់លោក សាំ ពិសិដ្ឋ ប្រធានមន្ទីរ​សាធារណៈកានិងដឹងជញ្ជូន រួមទាំងក្រុមការងារ រាជធានីភ្នំពេញដែលបានផ្តល់រថយន្តសម្រាប់បូមលូដេីម្បីបញ្ចៀសការកកស្ទះប្រព័ន្ធលូទាន់ពេលវេលា៕

អត្ថបទ៖ សុខា

The post អាជ្ញាធរសង្កាត់ចោមចៅទី៣ សហការជាមួយមន្ទីរសាធារណការរាជធានីភ្នំពេញ ចុះបូមលូបញ្ចៀស​ការស្ទះចរន្តទឹកហូរជូនប្រជាពលរដ្ឋ appeared first on Kampuchea Thmey Daily.