ព័ត៌មានជាតិ

មន្ទីរសាធារណការរាជធានីភ្នំពេញ ជួសជុលសម្ភារៈហាត់ប្រាណតាមសួនសាធារណៈដែលខូចខាត ឲ្យមានលក្ខណៈល្អប្រសើរវិញ

បានផុស

២ years មុន

នៅ

ថ្ងៃពុធ ២៣ តុលា ២០២៤

ដោយ

មន្ទីរសាធារណការរាជធានីភ្នំពេញ បានជួសជុលថែទាំសម្ភារៈហាត់ប្រាណតាមសួនច្បារសាធារណៈដែលខូចខាតឲ្យមានលក្ខណៈល្អប្រសើរវិញ ក្រោយមានការសំណូមពរពីប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅថ្ងៃទី ២៣ ខែតុលា ឆ្នាំ ២០២៤ នេះ មន្ត្រីជំនាញមន្ទីរសាធារណការរាជធានីភ្នំពេញ បាននិងកំពុងធ្វើការផ្លាស់ប្ដូរ ជួសជុល ថែទាំសម្ភារៈហាត់ប្រាណតាមសួនច្បារឲ្យមានសភាពល្អប្រសើរវិញ។

អាណាព្យាបាលកុមារដែលតែងឧស្សាហ៍នាំកូនៗ តូច ទៅដើរលេង និងធ្វើលំហាត់ប្រាណលេងកម្សាន្តនៅសួនមាត់ទន្លេ បានប្រាប់ថា ទីតាំងសួនច្បារមានលក្ខណៈធំទូលាយល្អសម្រាប់ឱ្យពលរដ្ឋមកលេងកម្សាន្ត ទេសភាពស្រស់ស្អាត ហើយមានសម្ភារៈជាច្រើនប្រភេទសម្រាប់ក្មេងជិះ និងមនុស្សចាស់ហាត់ប្រាណ ដូច្នោះហើយ សូមឱ្យអាជ្ញាធរមានការគិតគូរ និងតាមដានពិនិត្យជាប្រចាំផង លើផ្នែកដែលខូចខាត ព្រោះសម្ភារៈទាំងអស់សង់ឡើងពីដែក ប្រសិនបាក់ប្រេះបែក គឺវាងាយ ក្នុងការបង្កជាគ្រោះដល់កុមារពេលជិះលេងកម្សាន្ត ព្រោះតែការមិនបានចាប់អារម្មណ៍ ឬមើលឃើញ។

សូមបញ្ជាក់ថា សួនច្បារមាត់ទន្លេខាងលើនេះ ស្ថិតក្នុងមូលដ្ឋានខណ្ឌដូនពេញ ពេលនេះមន្ទីរសាធារណការរាជធានីភ្នំពេញ បានចាត់ឲ្យមន្ត្រីជំនាញចុះត្រួតពិនិត្យមើលចំពោះសម្ភារៈទាំងនោះ តែចាស់ខូចខាត ប្រើប្រាស់មិនកើត ឱ្យជួសជុលឡើងវិញជូនពលរដ្ឋដើម្បីមកលេងកម្សាន្ត៕

អត្ថបទ ៖ សុភា