មេដឹកនាំកូរ់េខាងជើងលោក គីម ជុងអ៊ុន បានធ្វើជាអធិបតីក្នុងព្រឹត្តិការណ៍នៅទីក្រុងព្យុងយ៉ាង ដោយមានការចូលរួមពីភ្ញៀវបរទេសសំខាន់ៗ រួមមាននាយករដ្ឋមន្ត្រីចិនលោក Li Qiang អនុប្រធាន​ក្រុមប្រឹក្សា​សន្តិសុខ​រុស្ស៊ី លោក Dmitry Medvedev និងប្រធានបក្សកុម្មុយនិស្តវៀតណាម To Lam ។ ព្យុះយាត្រានេះមានការចូលរួមពីកងទ័ពរាប់ពាន់នាក់ និងសព្វាវុធទំនើបៗ ដែលបញ្ជាក់ពីភាពជាដៃគូយោធាដែលកំពុងកើនឡើងរបស់កូរ៉េខាងជើងជាមួយចិន និងរុស្ស៊ី។

បើទោះបីមិនទាន់មានព័ត៌មានលម្អិតអំពីមីស៊ីល Hwasong-20 ដែលជាផ្នែកមួយនៃអាវុធចម្ងាយឆ្ងាយរបស់កូរ៉េខាងជើង តែមីស៊ីលត្រូវបានគេជឿថា អាចទៅដល់ដីគោករបស់សហរដ្ឋអាមេរិកឯណោះ។

នៅក្នុងសុន្ទរកថារបស់លោក គីម បានសរសើរទាហានរបស់ប្រទេសចំពោះ «វីរភាព» របស់ពួកគេទាំងក្នុងប្រទេស និងក្រៅប្រទេស ដោយបង្ហាញពីការគាំទ្រជាបន្តបន្ទាប់របស់កូរ៉េខាងជើងដល់កងកម្លាំងរុស្ស៊ី។ ក្នុងអំឡុងពេលពិភាក្សាជាមួយលោក Medvedev លោក គីមបានបង្ហាញក្តីសង្ឃឹមក្នុងការពង្រឹងកិច្ចសហប្រតិបត្តិការជាយុទ្ធសាស្រ្តជាមួយទីក្រុងមូស្គូ ដោយគូសបញ្ជាក់ពី «ការជឿទុកចិត្ត និងការលះបង់» ទៅវិញទៅមករវាងប្រទេសទាំងពីរ។

ព្រឹត្តិការណ៍នេះបានបង្ហាញពីសារយ៉ាងច្បាស់ពីកូរ៉េខាងជើង ថាកូរ៉េខាងជើងចង់នៅជិតសម្ព័ន្ធមិត្តសង្គមនិយមរបស់ខ្លួនដូចជាចិន និងរុស្ស៊ី ហើយខ្លួនចង់បង្ហាញពីអំណាចយោធារបស់ខ្លួនទៅកាន់ពិភពលោក ទោះបីជាកំពុងប្រឈមមុខនឹងទណ្ឌកម្មអន្តរជាតិខ្លាំង និងភាពឯកោក៏ដោយ៕

អត្ថបទ៖ ប៊ុន សុភាព

The post កូរ៉េ​ខាងជើង​ បង្ហាញ​មីស៊ីលផ្លោងអន្តរទ្វីប​ថ្មី​ក្នុង​ពិធី​ដង្ហែ​ខួប​៨០​ឆ្នាំរបស់បក្សកាន់អំណាច appeared first on Kampuchea Thmey Daily.

ការបាញ់សាកល្បងមីស៊ីលអន្តរទ្វីប Minuteman III បានធ្វើឡើងកាលពីថ្ងៃអង្គារ ចេញពីមូលដ្ឋានកងកម្លាំងដែនអាកាស Vandenberg ក្នុងរដ្ឋកាលីហ្វ័រញ៉ា ។

កាំជ្រួចមីស៊ីល​នេះហោះហើរបាន​រយៈ​ចម្ងាយ​ជាង ៩,០០០ គីឡូម៉ែត្រ និង​មាន​ល្បឿន​ប្រហែល ២៤,០០០ គីឡូម៉ែត្រ​ក្នុង​មួយ​ម៉ោង ខណៈផ្នែកខ្លះនៃមីស៊ីលបានធ្វើដំណើរឆ្លងកាត់មហាសមុទ្រប៉ាស៊ីហ្វិក ហើយបានចុះចតនៅជិតកោះ Marshall ។

មន្ត្រីកងទ័ពអាកាសនិយាយថា ការបាញ់សាកល្បងនេះបង្ហាញពីការត្រៀមខ្លួនរបស់កងកម្លាំងនុយក្លេអ៊ែរសហរដ្ឋអាមេរិក ហើយការធ្វើតេស្តបែបនេះគឺកើតឡើងប្រហែល ៣០០ ដងមកហើយ ហើយវាក៏មិនមែនជាព្រឹត្តិការណ៍ដែលពិភពលោកចាប់អារម្មណ៍មកលើអាមេរិកនោះទេ ។

ចំណែកលោក John Kirby អ្នកនាំពាក្យសេតវិមានបាននិយាយថា ការពន្យារពេលបាញ់សាកល្បងមីស៊ីលនាពេលកន្លងមកគឺដោយសារតែ មេដឹកនាំមន្ទីរបញ្ចកោណមិនចង់បង្កភាពតានតឹងជាមួយរុស្ស៊ី ជុំវិញសង្រ្គាមនៅអ៊ុយក្រែន ។ បន្ទាប់មកអាមេរិកបានពន្យារពេលការបាញ់សាកល្បងម្តងទៀតនៅដើមខែសីហា ដើម្បីបញ្ចៀសការបង្ករឿងដល់មេដឹកនាំចិនពាក់ព័ន្ធនឹងកោះតៃវ៉ាន់ ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ តើពិភពលោកនឹងជួបវិបត្តិអ្វីខ្លះ បើសង្គ្រាមនុយក្លេអ៊ែររវាងមហាអំណាចផ្ទុះ​ឡើង?

The post អាមេរិក តេស្តមីស៊ីលផ្លោងអន្តរទ្វីប ល្បឿន ២៤,០០០ គីឡូម៉ែត្រក្នុងមួយ​ម៉ោង appeared first on Kampuchea Thmey Daily.

នៅក្នុង​បទសម្ភាសន៍​ជាមួយ​ទូរទស្សន៍​រដ្ឋរុស្ស៊ី​ ដែលបានចាក់ផ្សាយកាលពីថ្ងៃសៅរ៍ លោក Dmitry Rogozin អគ្គនាយកនៃ Roscosmos បាននិយាយថា ប្រតិបត្តិការនៃប្រព័ន្ធ Sarmat នឹង​ចាប់ផ្ដើម​ភ្លាមៗ នៅពេលដែលការធ្វើតេស្តអភិវឌ្ឍន៍ការហោះហើរ ត្រូវបានបញ្ចប់។ លោក​បាន​បន្ថែម​ថា ប្រព័ន្ធ​នេះ​ នឹង​ត្រូវ​ដាក់​ឲ្យ​ប្រើ​មិន​លើស​ពី​រដូវ​ស្លឹកឈើ​ជ្រុះ​ឡើយ។

លោក​ក៏​បាន​និយាយ​ថា កាំជ្រួច​ទាំង​នោះ​ ទំនង​ជា​មាន​មូលដ្ឋាន​នៅ Uzhur ក្នុង​តំបន់ Krasnoyarsk តំបន់​ស៊ីបេរី។

ក្រសួងការពារជាតិរុស្ស៊ីបានប្រកាសកាលពីថ្ងៃពុធថា ខ្លួនបានបាញ់សាកល្បងកាំជ្រួច Sarmat ចេញពី Cosmodrome Plesetsk នៅភាគខាងជើងនៃប្រទេសរុស្ស៊ី ហើយវា​បានបាញ់​ដោយ​ជោគជ័យ លើគោលដៅនៅលើឧបទ្វីប Kamchatka ចម្ងាយប្រហែល ៥,៧០០ គីឡូម៉ែត្រ ពីភាគខាងកើត។

រុស្ស៊ីនិយាយថា មីស៊ីលផ្លោងអន្តរទ្វីបថ្មី​ កំពុងជំនួសប្រព័ន្ធកាំជ្រួច Voyevoda សម័យសូវៀត ហើយ​មាន​សមត្ថភាពអាច​ផ្ទុកក្បាលគ្រាប់នុយក្លេអ៊ែរ​បានច្រើន។ ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយ​ថា មីស៊ីលផ្លោងអន្តរទ្វីបថ្មី ដែលទើបនឹងបង្កើត អាចជ្រាបចូលប្រព័ន្ធការពារកាំ​ជ្រួចណាមួយ ហើយនឹងធ្វើឲ្យ​អ្នកដែលគម្រាមរុស្ស៊ី ផ្លាស់ប្ដូរ​ចិត្តបាន៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖ដាក់ទណ្ឌកម្មលើ រុស្ស៊ី តែលោកខាងលិចកំពុងលួចទិញប្រេងពីប្រទេសនេះ

ចុចអាន៖លោក Zelensky ថា អ៊ុយក្រែន នឹងមិនចុះចាញ់សង្គ្រាមលុកលុយរបស់ រុស្ស៊ី ឡើយ

The post រុស្ស៊ី ប្រាប់ពេលវេលាដាក់មីស៊ីលផ្លោងអន្តរទ្វីបថ្មីល្អបំផុតក្នុងលោក appeared first on Kampuchea Thmey Daily.

យោងតាមក្រសួងការពារជាតិរុស្ស៊ីបានឲ្យដឹងថា មីស៊ីល RS-18 Sarmat នឹងមានសមត្ថភាពបញ្ចេញក្បាលគ្រាប់នុយក្លេអ៊ែរធំៗចំនួន១០ឬតូចៗចំនួន១៦ឬអាចបញ្ចេញទាំងពីរដើម្បីវាយសន្ធាប់លើប្រព័ន្ធការពារមីស៊ីលរបស់សត្រូវ។

មីស៊ីលយុទ្ធសាស្ត្រទម្ងន់១០០តោនប្រភេទនេះត្រូវបានគេនិយាយថាអាចធ្វើដំណើរបានចម្ងាយ៩,៩៧៨គីឡូម៉ែត្រនិងមានសមត្ថភាពកម្ទេចតំបន់ដែលមានទំហំប៉ុនរដ្ឋតិចសាស់ឬប្រទេសបារាំង។

ក្បាលគ្រាប់នីមួយៗមានសមត្ថភាពតម្រង់ទៅទិសដៅផ្សេងៗគ្នា។

រឿងនេះបានកើតឡើងចំពេលរដ្ឋមន្ត្រីក្រសួងការពារជាតិរុស្ស៊ីបានរាយការណ៍ទៅលោកប្រធានាធិបតី Vladimir Putin ថា មីស៊ីលអន្តរទ្វីបល្បឿនលឿនជាងសំឡេងប្រភេទថ្មីបានចាប់ផ្តើមដំណើរការកាលពីខែធ្នូបន្ទាប់ពីការធ្វើតេស្តអស់រយៈពេលជាច្រើនឆ្នាំ។

ការសាកល្បងមីស៊ីល Sarmat បានប្រឈមនឹងការពន្យារពេលជាច្រើនលើកប៉ុន្តែឥឡូវនេះក្រុមមន្រ្តីនិយាយថា វានឹងចូលបម្រើការជាមួយកងកម្លាំងមីស៊ីលយុទ្ធសាស្រ្តរបស់រុស្ស៊ីនៅក្នុងឆ្នាំ២០២២ខាងមុខនេះ៕

ប្រែសម្រួលដោយ៖ Vann Vann

ប្រភព៖ Daily Mail

The post រុស្ស៊ី ត្រៀមបង្ហាញសមត្ថភាពមីស៊ីលផ្លោងអន្តរទ្វីបថ្មីដែលអាចកម្ទេចប្រទេសបារាំងទាំងមូល appeared first on Kampuchea Thmey Daily.