ព័ត៌មានអន្ដរជាតិ
ដាក់ទណ្ឌកម្មលើ រុស្ស៊ី តែលោកខាងលិចកំពុងលួចទិញប្រេងពីប្រទេសនេះ
ទោះបីជាមានការគម្រាមកំហែងដាក់ទណ្ឌកម្មជាបន្តបន្ទាប់លើរុស្ស៊ីក៏ដោយ ក៏កប៉ាល់ដឹកប្រេងរុស្ស៊ីនៅតែដឹកជញ្ជូនប្រេងទៅកាន់ទីផ្សារអន្តរជាតិ ហើយពាណិជ្ជករប្រេងនៅអឺរ៉ុប និងលោកខាងលិចបាននឹងកំពុងលួចទិញវាផងដែរ ។
ទន្ទឹមនោះសារព័ត៌មាន TankerTrackers.com បានរកឃើញថា ក្នុងអំឡុងខែមេសា ជាមធ្យមប្រេង ១.៦ លានបារ៉ែលបានចាកចេញពីប្រទេសរុស្ស៊ីជារៀងរាល់ថ្ងៃដោយធ្វើដំណើរទៅកាន់គោលដៅដែលតែត្រូវបានគេដឹងថាទៅកាន់ទីផ្សារលោកខាងលិច ។
ចំណែកយោងតាមរបាយការណ៍ថ្មីរបស់សារព័ត៌មាន Wall Street Journal បានឲ្យដឹងថា ជិត ២ ខែ ចាប់តាំងពីរុស្ស៊ីបានឈ្លានពានអ៊ុយក្រែន តម្លៃប្រេងថោករបស់រុស្ស៊ីកំពុងបង្ហាញពីភាពទាក់ទាញខ្លាំងសម្រាប់ពាណិជ្ជករប្រេងនៅអឺរ៉ុប និងប្រទេសលោកខាងលិច ។
សហរដ្ឋអាមេរិក កាណាដា ចក្រភពអង់គ្លេស និងអូស្ត្រាលីបានហាមប្រាមប្រេងរុស្ស៊ីទាំងស្រុង ប៉ុន្តែសហភាពអឺរ៉ុប ដែលពឹងផ្អែកខ្លាំងលើថាមពលរបស់រុស្ស៊ី ដោយបាននាំចូលប្រេងចំនួន ២៧ ភាគរយពីប្រទេសនេះ មិនទាន់សម្រេចចិត្តថាតើត្រូវដាក់ទណ្ឌកម្មលើរុស្ស៊ីឬយ៉ាងណានោះទេ ។
ទោះជាយ៉ាងណាក៏ដោយ EU បានប្តេជ្ញាកាត់បន្ថយការនាំចូលឧស្ម័នរបស់រុស្ស៊ីចំនួន ២ ភាគ ៣ ក្នុងរយៈពេលមួយឆ្នាំ បើទោះបីជាតម្លៃថាមពលកើនឡើងនៅទូទាំងប្លុកនេះក៏ដោយ ។ ប្រទេសជាសមាជិកចំនួន ២៧ របស់ខ្លួនគ្រោងនឹងបញ្ចេញសំណើមួយនៅពាក់កណ្តាលខែឧសភាដែលនឹងបង្ហាញពីផែនការកាត់បន្ថយប្រេង ឧស្ម័ន និងធ្យូងថ្មរបស់រុស្ស៊ីទាំងស្រុងនៅឆ្នាំ ២០២៧ ។
គួរបញ្ជាក់ថា ប្រាក់ចំណូលពីប្រេង និងឧស្ម័នរបស់រុស្ស៊ីកាលពីឆ្នាំមុនគឺទទួលបាន ១១៩ ពាន់លានដុល្លារសម្រាប់វិមានក្រឹមឡាំង ដោយជួយផ្តល់មូលនិធិដល់ការចំណាយយោធារបស់ប្រទេសប្រហែល ៦២ ពាន់លានដុល្លារក្នុងមួយឆ្នាំ ៕
ប្រែសម្រួលដោយ ៖ ជីវ័ន្ត
ប្រភព ៖ Gravitas
ចុចអាន ៖ UN បញ្ចេញចំនួនជនស៊ីវិលស្លាប់ក្នុងការលុកលុយរបស់ រុស្ស៊ី លើ អ៊ុយក្រែន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ