​ការប្រកាស​ចុះកិច្ចព្រមព្រៀង​បញ្ជាទិញយន្តហោះអាមេរិក ​Boeing បានធ្វើឡើង​នៅ​ក្នុងព្រឹត្តិការណ៍ Singapore Airshow ​នៅថ្ងៃទី ០៤ ​ខែកុម្ភៈ ​ឆ្នាំ ២០២៦​។ ​នេះគឺជាការបញ្ជាទិញយន្តហោះពីក្រុមហ៊ុន Boeing ​ជាលើកដំបូងបំផុតក្នុងប្រវត្តិសាស្ត្រមិនធ្លាប់មាន។

​លោកបណ្ឌិត David Zhan នាយកប្រតិបត្តិនៃក្រុមហ៊ុនអាកាសចរណ៍ជាតិកម្ពុជា​មានប្រសាសន៍ថា ការវិនិយោគដ៏ធំធេងនេះ មិនត្រឹមតែជាការបង្កើនចំនួនយន្តហោះប៉ុណ្ណោះទេ ប៉ុន្តែគឺជាមហិច្ឆតាក្នុង​ការតភ្ជាប់កម្ពុជាទៅកាន់ពិភព​លោក។

​លោកបណ្ឌិត David Zhan យល់ឃើញថា​៖ «យន្តហោះប្រភេទ 737-8 ផ្តល់នូវតុល្យភាពដ៏ប្រសើរ​រវាង​ចម្ងាយ​ហោះ​ហើរ សមត្ថភាពការដឹកជញ្ជូន និងប្រសិទ្ធភាពនៃការប្រើប្រាស់ប្រេង ដែលនឹងក្លាយជា​កម្លាំងចលករយ៉ាងសំខាន់​សម្រាប់ដំណាក់កាលនៃកំណើនបន្តបន្ទាប់របស់យើង»។

​លោកបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល កាលពីដើម​ ខែមករា ឆ្នាំ ២០២៦ ​បានធ្វើទស្សនកិច្ចជាផ្លូវការ​ និងស្វែងយល់ពីក្រុមហ៊ុនផលិតយន្ត​ហោះប៊ូអ៊ីង (Boeing) នៅ​ទីក្រុង Seattle សហរដ្ឋអាម៉េរិក ដែលជាក្រុមហ៊ុនផលិតយន្តហោះ​លំដាប់​ពិភពលោក។

ដំណើរទស្សនកិច្ចនោះ គឺជាជំហានដ៏សំខាន់មួយក្នុងការពង្រឹង និងពង្រីកកិច្ចសហប្រតិបត្តិការ​រវាងវិស័យអាកាសចរណ៍ស៊ីវិលកម្ពុជា និងក្រុមហ៊ុនប៊ូអ៊ីង ជាពិសេសគាំទ្រដល់ការសម្របសម្រួល ក៏ដូចជាការពង្រឹង និងធ្វើឱ្យប្រសើរឡើងនូវវិធាន និងបទប្បញ្ញត្តិបច្ចេកទេស ដោយធានាបានថា​ប្រតិបត្តិការយន្តហោះប្រភេទនេះនាពេលអនាគតត្រូវអនុវត្តតាមស្តង់ដាសុវត្ថិភាពអន្តរជាតិ និងស្តង់​ដាលទ្ធភាពហោះហើរយ៉ាងពេញលេញ។

ការដាក់ឱ្យប្រើប្រាស់យន្តហោះ Boeing 737 MAX នៅកម្ពុជានឹងនាំមកនូវសារៈ​ប្រយោជន៍ដូចជា​ រួម​ចំណែកដល់ការពង្រឹងចក្ខុវិស័យដល់វិស័យអាកាសចរណ៍កម្ពុជាដែលកំពុងដើរតួនាទីយ៉ាងសំខាន់​ក្នុងការជំរុញសេដ្ឋកិច្ចទេសចរណ៍ សង្គម និងវប្បធម៌ឱ្យមានការរីកចម្រើន​ប្រកបដោយចីរភាព​នៅកម្ពុជា និងឆ្លើយតបទៅនឹងការរីកចម្រើននូវហេដ្ឋារចនាសម្ព័ន្ធអាកាសយានដ្ឋានអន្តរជាតិ និងជួយបំពេញនូវតម្រូវការអ្នកដំណើរតាមផ្លូវអាកាសអន្តរជាតិ នៅកម្ពុជា ដែលមានកំណើនជាមធ្យមដល់ ១៤% ជារៀងរាល់ឆ្នាំ។

យោងតាមអាកាសចរស៊ីវិល នៅក្នុងឆ្នាំ ២០២៥ កម្ពុជា​ទទួល​បាន​អ្នក​ដំណើរ​ចេញ-ចូល ​តាម​ផ្លូវ​អាកាស​ជិត ៧ ​លាន​នាក់ កើនឡើង ១២% ធៀបនឹងឆ្នាំ ២០២៤ ដែលមាន​ជើង​ហោះហើរចេញ-ចូល (ទ្វេទិស) ​ចំនួន ​៦៤ ៨២១ជើង កើនឡើង ១១% និងទំនិញតាមផ្លូវអាកាសមានចំនួន ​៩៣ ៨៨៩ តោន ​កើន ២១%៕

The post កម្ពុជា ចុះកិច្ចព្រមព្រៀង​ទិញ​យន្តហោះ ​Boeing ចំនួន ២០ ​គ្រឿងពីអាមេរិក​ appeared first on Kampuchea Thmey Daily.

យន្តហោះប្រភេទ Boeing 787-Dreamliner របស់​ក្រុមហ៊ុនអាកាសចរណ៍ Air India ដែល មាន​អ្នក​ដំណើរ​ និង​​បុគ្គលិក​អាកាសចរណ៍​នៅ​លើ​យន្តហោះ​ចំនួន​២៤២​នាក់ ហើយត្រូវធ្វើដំណើរចេញ​ពី​ទីក្រុង Ahmedabad ​ភាគខាង​លិច​​ប្រទេសឥណ្ឌា ទៅកាន់អាកាសយានដ្ឋាន Gatwick របស់ទីក្រុងឡុងដ៍ បានធ្លាក់ភ្លាមៗបន្ទាប់ពីហោះឡើង។

​ការ​ធ្លាក់​ចុះ​តម្លៃ​​ភាគហ៊ុនរបស់ក្រុមហ៊ុន Boeing ប្រហែល៨​ភាគរយ​ក្នុង​ការ​បើក​ការ​ជួញដូរ​ដំបូង​នោះ​ គឹ​នៅត្រឹម ​១៩៥,៥២ដុល្លារ​ក្នុង​មួយហ៊ុន​។

ក្រុមហ៊ុនអាកាសចរណ៍ Air India បានបញ្ជាក់ថា ជើងហោះហើរលេខ 171 ពី Ahmedabad ទៅកាន់ទីក្រុងឡុងដ៍ Gatwick បានជាប់ពាក់ព័ន្ធនៅក្នុង «គ្រោះថ្នាក់ដ៏សោកនាដកម្ម»​៕​

រ៉ាន់ រើយ​

The post តម្លៃ​​ភាគហ៊ុន​របស់​ Boeing ធ្លាក់​ដាំក្បាល​មួយរំពេច ក្រោយ​យន្តហោះ​ខ្លួន​ធ្លាក់​នៅឥណ្ឌា​ appeared first on Kampuchea Thmey Daily.

យន្តហោះនេះកំពុងធ្វើដំណើរចេញពីទីក្រុង New Delhi ឆ្ពោះទៅកាន់ទីក្រុង Birmingham នៅចក្រភពអង់គ្លេស ប៉ុន្តែដោយសារជួបបញ្ហា យន្តហោះត្រូវចុះចតជាបន្ទាន់នៅឯអាកាសយានដ្ឋាន Sheremetyevo នាវេលាម៉ោង៦:៣៦នាទីល្ងាច (ម៉ោងនៅមូស្គូ)។

ទោះបីជាយ៉ាងណាក៏ដោយ មនុស្សទាំង២៧៥នាក់ជិះក្នុងយន្តហោះនោះ គ្មាននរណាម្នាក់រងរបួសទេ។

នេះមិនមែនទើបលើកដំបូងឡើយ ដែលយន្តហោះរបស់ក្រុមហ៊ុនអាកាសចរណ៍ឥណ្ឌា ត្រូវបង្ខំចិត្តចុះចតជាបន្ទាន់នៅប្រទេសរុស្ស៊ី ដោយសារមានបញ្ហា។

ជាក់ស្តែង កាលពីខែកក្កដា យន្តហោះ Boeing 777 របស់ក្រុមហ៊ុននេះដែលចេញដំណើរពីទីក្រុង New Delhi ទៅ San Francisco ក៏ត្រូវចុះចតជាបន្ទាន់ដែរនៅទីក្រុង Krasnoyarsk ដោយសារតែមានភ្លើងឆេះនៅលើយន្តហោះ។

ដោយឡែក កាលពីខែមិថុនាឆ្នាំមុន ជើងហោះហើរ AI-173 ដែលធ្វើដំណើរក្នុងទិសដៅដូចគ្នានេះ ត្រូវប្តូរផ្លូវហោះទៅទីក្រុង Magadan ក្នុងតំបន់ចុងបូព៌ា របស់រុស្ស៊ីវិញ ដោយសារបញ្ហាម៉ាស៊ីន៕

អត្ថបទ៖ សុខ សុវណ្ណ

ចុចអាន៖ យន្តហោះ Boeing ផ្ទុះកង់ ស្លាប់មនុស្ស២នាក់

The post យន្តហោះ Boeing ដឹកមនុស្ស ២៧៥នាក់ ចុះចតជាបន្ទាន់នៅ រុស្ស៊ី appeared first on Kampuchea Thmey Daily.

ភ្លាមៗមិនទាន់មានការបញ្ជាក់ច្បាស់ឡើយថាតើកង់យន្តហោះនេះផ្ទុះដោយសារអ្វី គ្រាន់តែគេដឹងថា យន្តហោះបានទុកជួសជុលនៅអាកាសយានដ្ឋាននោះ តាំងតែពីថ្ងៃអាទិត្យមកម្ល៉េះ។

សាក្សីឃើញផ្ទាល់ភ្នែកបានប្រាប់ទូរទស្សន៍ WSB ថា «ការផ្ទុះលាន់ឮដូចគ្រាប់បែក ហើយដែកនិងរបស់របរផ្សេងៗ ហោះដូចមីស៊ីលអ៊ីចឹង ដោយបណ្តាលឲ្យកម្មករ២នាក់បាត់បង់ជីវិតភ្លាមៗ ខណៈអ្នកផ្សេងទៀតរងរបួសធ្ងន់ ត្រូវបញ្ជូនទៅមន្ទីរពេទ្យជាបន្ទាន់»។

សូមបញ្ជាក់ថា ប៉ុន្មានឆ្នាំមកនេះ អ្នកឯកទេស បានតាមដាននិងពិនិត្យក្រុមហ៊ុន Boeing ខ្លាំងមែនទែន ពាក់ព័ន្ធចន្លោះប្រហោងក្នុងយន្តហោះនិងបញ្ហាផ្សេងៗ ក្រោយមានក្តីបារម្ភអំពីសុវត្ថិភាពរបស់អ្នកដំណើរ។

ជាក់ស្តែងរឿងចុងក្រោយបំផុតគឺ ក្រុមហ៊ុន Boeing បានផ្អាកការហោះហើរសាកល្បងនៃយន្តហោះស៊េរី 777X របស់ខ្លួន បន្ទាប់ពីរកឃើញថា គ្រាន់តែស៊េរីនេះ៤គ្រឿង មាន៣គ្រឿងទៅហើយ ដែលមានបញ្ហា៕

អត្ថបទ៖ សុខ សុវណ្ណ

ចុចអាន៖ យន្តហោះ Boeing ដឹកមនុស្ស១៨១នាក់ ដាច់កង់ ពេលហោះឡើង

The post យន្តហោះ Boeing ផ្ទុះកង់ ស្លាប់មនុស្ស២នាក់ appeared first on Kampuchea Thmey Daily.

ទោះបីជាយ៉ាងណាក៏ដោយ បើតាមសេចក្តីរាយការណ៍របស់ NBC News នៅថ្ងៃអង្គារទី៩ខែកក្កដា, ជើងហោះហើរ United Flight 1001 ដែលដឹកអ្នកដំណើរ១៧៤នាក់ និងសមាជិកអាកាសយានិក៧នាក់មួយនេះ បានចុះចតនៅគោលដៅក្នុងទីក្រុង Denver នៃរដ្ឋ Colorado ដោយសុវត្ថិភាព គ្មាននរណាម្នាក់រងរបួសឡើយ។

ត្បិតតែចុះចតដោយសុវត្ថិភាពមែន ប៉ុន្តែអ្នកដំណើរបានប្រាប់ទៅប្រព័ន្ធផ្សព្វផ្សាយថា យន្តហោះចុះចតដោយរដិបរដុប ហើយគ្រប់គ្នាភ័យព្រលឹងចុងសក់។

យ៉ាងណាក្តី ក្រុមហ៊ុន United Airlines បានអំពាវនាវឲ្យមានភាពស្ងប់ស្ងាត់សិន ខណៈខ្លួនកំពុងបើកការស៊ើបអង្កេតជាបន្ទាន់លើបញ្ហានេះ។

សូមបញ្ជាក់ថា បើយោងតាមទិន្នន័យរបស់ FlightRadar24, យន្តហោះ Boeing 757-200 នេះមានអាយុកាលជិត៣០ឆ្នាំមកហើយ ហើយក្រុមហ៊ុន Boeing បានបញ្ឈប់ការផលិតម៉ូដែលនេះ តាំងតែពីឆ្នាំ២០០៤មកម្ល៉េះ។

នេះមិនមែនទើបលើកដំបូងឡើយដែល United Airlines ជួបបញ្ហា ពោលគឺកាលពីខែមីនា យន្តហោះ Boeing 777-200 របស់ក្រុមហ៊ុននេះ បានជួបឧប្បត្តិហេតុស្រដៀងគ្នា ក្រោយពេលហោះចេញពីទីក្រុង San Francisco។

កាលនោះ កង់​យន្តហោះបាន​ធ្លាក់​​ចំ​រថយន្ត​មួយគ្រឿង ដែលកំពុងចតនៅព្រលាន ដោយបង្កការខូចខាតដល់​រថយន្ត​ជាច្រើន​គ្រឿង​នៅ​ក្បែរ​នោះទៀតផង។ យ៉ាងណា ក្រោយ​មក​យន្តហោះ​បាន​ចុះ​ចត​នៅ​អាកាសយានដ្ឋាន​អន្តរជាតិ Los Angeles ដោយ​មិន​មាន​អ្នក​រង​របួស​ឡើយ៕

អត្ថបទ៖ សុខ សុវណ្ណ

ចុចអាន៖ របាយការណ៍រកឃើញថា យន្តហោះ Boeing ៣០០គ្រឿង មានបញ្ហាអាចផ្ទុះឆេះនៅលើអាកាស

The post យន្តហោះ Boeing ដឹកមនុស្ស១៨១នាក់ ដាច់កង់ ពេលហោះឡើង appeared first on Kampuchea Thmey Daily.

របាយការណ៍ខាងលើបន្តថា បញ្ហានេះត្រូវបានរកឃើញតាំងពីដើមឆ្នាំមកម្ល៉េះ។ វាជាប់ពាក់ព័ន្ធនឹងបញ្ហាអគ្គិសនី នៅលើយន្តហោះប្រភេទ 777 ដែលអាចបណ្តាលឲ្យធុងសាំងនៅស្លាបយន្តហោះ​ ឆេះនិងផ្ទុះពេលកំពុងហោះហើរ ហើយបើតាមការបញ្ជាក់ពីរដ្ឋបាលអាកាសចរណ៍សហព័ន្ធ អាមេរិក (FFA), យន្តហោះទាំងនោះគឺកំពុងប្រើប្រាស់ដោយក្រុមហ៊ុនអាកាសចរណ៍ United និង American Airlines។

FAA ក៏បានព្រមានក្រុមហ៊ុន Boeing អំពីបញ្ហាអគ្គិសនីនេះរួចហើយដែរ ដោយនិយាយថា បើមិនដោះស្រាយទាន់ពេលទេ ប្រភពបញ្ឆេះនៅខាងក្នុងធុងប្រេង នឹងបង្កជាអគ្គិភ័យហើយផ្ទុះតែម្តង។

ទន្ទឹមនោះ FAA ព្យាករថា ការជួសជុលប្រព័ន្ធសុវត្ថិភាពទៅលើយន្តហោះប្រភេទ 777 នឹងធ្វើឲ្យ Boeing ខាតបង់ជាង ៦៩៨ ០០០ដុល្លារ ឯណោះ។

ទោះបីជាយ៉ាងណាក៏ដោយ ពាក់ព័ន្ធរឿងនេះ ក្រុមហ៊ុន Boeing ក៏បានចេញមុខបដិសេធភ្លាមៗផងដែរថា ការដែលចោទប្រកាន់លើបញ្ហាទាំងនេះគឺជាការបំភាន់សុទ្ធសាធ ហើយជះឥទ្ធិពលអាក្រក់ ដល់ការធ្វើដំណើរដែនអាកាស ដែលជាមធ្យោបាយដឹកជញ្ជូនដ៏មានសុវត្ថិភាពបំផុតមួយ។

អ្នកនាំពាក្យក្រុមហ៊ុន Boeing បន្តថា “មានការគិគូរខ្លាំងណាស់ ចំពោះការរចនានៅក្នុងយន្តហោះពាណិជ្ជកម្មសម័យទំនើប ដើម្បីធានាការទប់ស្កាត់ផលប៉ះពាល់អេឡិចត្រូម៉ាញ៉េទិច។ ក្រុមយន្តហោះប្រភេទ 777 បានដំណើរការអស់រយៈពេលជិត៣០ឆ្នាំមកហើយ ហើយបានហោះហើរដោយសុវត្ថិភាពសម្រាប់មនុស្សជាង ៣.៩ពាន់លាននាក់”។

យ៉ាងណា បើរបាយការណ៍នេះគឺជាការពិតមែននោះ វានឹងក្លាយជាបញ្ហាសុវត្ថិភាពគួរឲ្យព្រួយបារម្ភចុងក្រោយបង្អស់ ដែលញាំញីក្រុមហ៊ុន Boeing ព្រោះថា មុននេះ យន្តហោះដឹកអ្នកដំណើររបស់ខ្លួនជាច្រើនម៉ូដែល បានជួបប្រទះបញ្ហារបើកទ្វារ ឆេះម៉ាស៊ីននៅលើអាកាស និងការធ្លាក់យន្តហោះចំនួនពីរគ្រឿង ដែលសម្លាប់មនុស្សចំនួន៣៤៦នាក់៕

អត្ថបទ៖ សុខ សុវណ្ណ

ចុចអាន៖ នាយកប្រតិបត្តិក្រុមហ៊ុន Boeing ប្រកាសលាលែងពីតំណែង

The post របាយការណ៍រកឃើញថា យន្តហោះ Boeing ៣០០គ្រឿង មានបញ្ហាអាចផ្ទុះឆេះនៅលើអាកាស appeared first on Kampuchea Thmey Daily.

ប្រភពបានឱ្យដឹងថា កាលពីថ្ងៃច័ន្ទ លោក Dave Calhoun បាននិយាយថាលោកមានបំណងចាកចេញពីក្រុមហ៊ុននៅចុងឆ្នាំនេះ ខណ:ដែលក្រុមហ៊ុនកំពុងជាប់គាំង។ ជាងនេះទៅទៀតនោះ សម្រាប់ប្រធានក្រុមហ៊ុន និងជាប្រធានអង្គភាពយន្តហោះពាណិជ្ជកម្មខាងលើ ក៏កំពុងចាកចេញដូចគ្នាដែរ។

ប្រភពបន្តថា ចំពោះប្រធានក្រុមហ៊ុន Boeing លោក Larry Kellner នឹងមិនឈរឈ្មោះសម្រាប់ការបោះឆ្នោតឡើងវិញជានាយកក្រុមប្រឹក្សាភិបាលទេ ខណ:ដែលក្រុមប្រឹក្សាភិបាលបានជ្រើសរើសអតីតនាយកប្រតិបត្តិក្រុមហ៊ុន Qualcomm លោក Steve Mollenkopf ដើម្បីស្នងតំណែងរបស់គាត់ជំនួសវិញ។

ក្រុមហ៊ុន Boeing ត្រូវបានទទួលរងនូវបញ្ហាជាង ៥ ឆ្នាំជាមួយនឹងយន្តហោះរបស់ខ្លួន រួមទាំងការធ្លាក់យន្តហោះ 737 Max ចំនួន ២ ដងក្នុងឆ្នាំ ២០១៨ និង ២០១៩ ដែលបានសម្លាប់មនុស្សចំនួន ៣៤៦ នាក់ ហើយស្រាប់តែមួយរយៈចុងក្រោយនៃយន្តហោះរបស់ក្រុមហ៊ុន Boeing ជាច្រើនបានជួបបញ្ហាដូចជារបូតទ្វារ នៃយន្តហោះ Alaska Airlines 737 Max ជាដើម។

បញ្ហាទាំងនេះបាននាំឱ្យមានមូលដ្ឋានជាច្រើនចំពោះបញ្ហាសុវត្ថិភាព និងការខាតបង់ច្រើនជាង ៣១ ពាន់លានដុល្លារ។ដោយសារតែបញ្ហាទាំងនេះ ទំនងធ្វើឱ្យលោក Dave Calhoun សម្រេចចិត្តលាលែងពីដំណែងជា នាយកប្រតិបត្តិនៅចុងឆ្នាំនេះ ។ ហើយនៅក្នុងសន្ទរកថារបស់គាត់កាលពីថ្ងៃច័ន្ទបាននិយាយយ៉ាងដូច្នេះថា “យើងនឹងជួសជុលអ្វីដែលមិនដំណើរការឱ្យដំណើរការ ហើយយើងនឹងធ្វើឱ្យក្រុមហ៊ុនរបស់យើងវិលទៅរកការស្ទុះងើបឡើងវិញ និងស្ថិរភាព” ៕

ប្រែសម្រួលដោយ÷ ប៉ោ កុសល

The post នាយកប្រតិបត្តិក្រុមហ៊ុន Boeing ប្រកាសលាលែងពីតំណែង appeared first on Kampuchea Thmey Daily.

យោងតាមទូរទស្សន៍រដ្ឋចិនបានឲ្យដឹងថា មានមនុស្ស ១៣៣ នាក់នៅលើយន្តហោះរបស់ក្រុមហ៊ុនអាកាសចរណ៍ China Eastern Airlines ប៉ុន្តែមិនទាន់ដឹងពីជោគវាសនារបស់ពួកគេនៅឡើយទេ ។

ព័ត៌មានបឋមបង្ហាញថា វាជាជើងហោះហើរ MU5735 ធ្វើដំណើរពីទីក្រុង Kunming ទៅកាន់ទីក្រុង Guangzhou ។

សម្រាប់ព័ត៌មានលម្អិតបន្ថែម កម្ពុជាថ្មី នឹងបន្តផ្សាយជូនលោកអ្នកនាពេលក្រោយទៀត ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ចិន កំពុងផលិតយន្តហោះល្បឿនលឿនជាងសំឡេង ធ្វើដំណើរទៅ ទីក្រុងញូវយ៉ក ប្រើពេលត្រឹម ១ ម៉ោង

The post Breaking News! ធ្លាក់យន្តហោះដឹកអ្នកដំណើរ ១៣៣ នាក់នៅ ចិន ពេលនេះមិនទាន់ដឹងជោគវាសនា appeared first on Kampuchea Thmey Daily.