ព័ត៌មានអន្ដរជាតិ

តម្លៃភាគហ៊ុនរបស់ Boeing ធ្លាក់ដាំក្បាលមួយរំពេច ក្រោយយន្តហោះខ្លួនធ្លាក់នៅឥណ្ឌា

បានផុស

១ year មុន

នៅ

ថ្ងៃព្រហស្បតិ៍ ១២ មិថុនា ២០២៥

ដោយ

តម្លៃភាគហ៊ុនរបស់ក្រុមហ៊ុន Boeing បានធ្លាក់ចុះជាង៨ភាគរយនៅក្នុងការបើកការជួញដូរដំបូងក្នុងទីផ្សារហ៊ុននៅនៅថ្ងៃព្រហស្បតិ៍ ក្នុងសហរដ្ឋអាមេរិក បន្ទាប់ពីជើងហោះហើរ Air India បានធ្លាក់នៅទីក្រុង Ahmedabad ប្រទេសឥណ្ឌា។ យោងសេចក្តីរាយការណ៍ របស់សារព័ត៌មាន The National។

អ្នកជួញដូរផ្សារហ៊ុនកំពុងគណនាតម្លៃហាងឆេងផ្សារហ៊ុនក្នុងការជួញដូរកាលពីខែឧសភា។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្តហោះប្រភេទ Boeing 787-Dreamliner របស់ក្រុមហ៊ុនអាកាសចរណ៍ Air India ដែល មានអ្នកដំណើរ និងបុគ្គលិកអាកាសចរណ៍នៅលើយន្តហោះចំនួន២៤២នាក់ ហើយត្រូវធ្វើដំណើរចេញពីទីក្រុង Ahmedabad ភាគខាងលិចប្រទេសឥណ្ឌា ទៅកាន់អាកាសយានដ្ឋាន Gatwick របស់ទីក្រុងឡុងដ៍ បានធ្លាក់ភ្លាមៗបន្ទាប់ពីហោះឡើង។

ការធ្លាក់ចុះតម្លៃភាគហ៊ុនរបស់ក្រុមហ៊ុន Boeing ប្រហែល៨ភាគរយក្នុងការបើកការជួញដូរដំបូងនោះ គឹនៅត្រឹម ១៩៥,៥២ដុល្លារក្នុងមួយហ៊ុន។

ក្រុមហ៊ុនអាកាសចរណ៍ Air India បានបញ្ជាក់ថា ជើងហោះហើរលេខ 171 ពី Ahmedabad ទៅកាន់ទីក្រុងឡុងដ៍ Gatwick បានជាប់ពាក់ព័ន្ធនៅក្នុង «គ្រោះថ្នាក់ដ៏សោកនាដកម្ម»៕

រ៉ាន់ រើយ