ប្រធានកិត្តិយស នៃមូលនិធិគន្ធបុប្ផាកម្ពុជា លោកជំទាវបណ្ឌិត ពេជ ចន្ទមុន្នី ហ៊ុន​ម៉ាណែត ឱ្យដឹងតាមរយៈបណ្ដាញសង្គម នាថ្ងៃទី១ ខែកក្កដា​ នេះ ថា ៖«គិតត្រឹមថ្ងៃទី៣០ ខែមិថុនា ដែលជាថ្ងៃបិទបញ្ចប់យុទ្ធនាការ, មូលនិធិគន្ធបុប្ផាកម្ពុជាទទួលបានថវិកាបរិច្ចាគសរុបសមមូលនឹងប្រមាណ ៦ ៣៨២ ០០០ ដុល្លារអាម៉េរិក ពីសប្បុរសជនចំនួនជាង ៣៥ ម៉ឺននាក់ ដែលបានបរិច្ចាគក្នុង យុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦។ »។

ប្រធានកិត្តិយសមូលនិធិគន្ធបុប្ផា បានថ្លែងអំណរគុណចំពោះសប្បុរសជនចំពោះការចូលរួមបរិច្ចាគក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ របស់មូលនិធិគន្ធបុប្ផាកម្ពុជា ក្នុងគោលដៅរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធគន្ធបុប្ផា ដើម្បីបន្តបេសកកម្មសង្គ្រោះជិវិតទារក និងកុមារ ក៏ដូចជាស្ត្រីមានផ្ទៃពោះនៅកម្ពុជា។

លោកជំទាវបណ្ឌិត ពេជ ចន្ទមុន្នី គូសបញ្ជាក់ថា ថ្វីត្បិតតែយុទ្ធនាការ«១ម៉ឺនរៀល១ម៉ឺននាក់»បិទបញ្ចប់ក៏ដោយ ប៉ុន្តែសប្បុរសជននៅតែអាចបន្តបរិច្ចាគជូនមូលនិធិគន្ធបុប្ផាកម្ពុជារៀងរាល់ថ្ងៃ ពីព្រោះមន្ទីរពេទ្យគន្ធបុប្ផាកម្ពុជា ត្រូវការថវិកាសម្រាប់ទ្រទ្រង់​បេសកម្មសង្គ្រោះជីវិតកុមារកម្ពុជា បន្តនាំភាពញញឹម និងក្ដីសង្ឃឹមដល់ទារក និងកុមារនៅកម្ពុជា។

គួរឱ្យដឹងថា ចាប់តាំងពីឆ្នាំ១៩៩២ មក មន្ទីរពេទ្យគន្ធបុប្ផា បានពិនិត្យ និងព្យាបាលទារក កុមារ និងស្ត្រីមានផ្ទៃពោះ ជាង ២៧,៥ លាននាក់ ដោយឥតគិតថ្លៃ ប្រកបដោយគុណភាព និងមិនមានការរើសអើង។ តាមរយៈនេះ  មន្ទីរពេទ្យគន្ធបុប្ផា បានក្លាយជាទីកន្លែងនៃក្តីសង្ឃឹម សម្រាប់ទារក កុមារ និងស្ត្រីមានផ្ទៃពោះជាច្រើនលាននាក់នៅកម្ពុជា។

របាយការណ៍ផ្លូវការបានឱ្យដឹងថា ក្នុងមួយឆ្នាំមន្ទីរពេទ្យគន្ធបុប្ផា ទាំងនៅខេត្តសៀមរាប និងនៅរាជធានីភ្នំពេញ ត្រូវចំណាយថវិកាជាង៤៥លានដុល្លារ ឬក៏១២ម៉ឺនដុល្លារក្នុង១ថ្ងៃៗ ដើម្បីបន្តកិច្ចការសង្គ្រោះជីវិត កុមារ និងស្ត្រីកម្ពុជា។

កាលពីដើមខែមិថុនា  ឆ្នាំ២០២៦ លោកជំទាវ ពេជ ចន្ទមុន្នី ហ៊ុនម៉ាណែត គូសបញ្ជាក់ថា ការបរិច្ចាគជូនមូលនិធិគន្ធបុប្ផាកម្ពុជា មិនមែនគ្រាន់តែជាការបរិច្ចាគថវិកាប៉ុណ្ណោះទេ ប៉ុន្តែគឺជាការចូលរួមសង្គ្រោះជីវិតកុមារ, ជាការចូលរួមជួយដល់ម្តាយឪពុកមួយគ្រួសារ ហើយក៏ជាការចូលរួមវិនិយោគលើអនាគតរបស់ប្រទេសជាតិផងដែរ៕

ដោយ៖ ង៉ិល ណារ៉ាត់

The post យុទ្ធនាការ“១ម៉ឺនរៀល ១ម៉ឺននាក់”២០២៦ ទទួលបានថវិកាបរិច្ចាគជិត៦លាន ៤សែនដុល្លារ កើនឡើងជាងឆ្នាំមុន appeared first on Kampuchea Thmey Daily.

ថ្លែងក្នុងពិធីប្រគល់-ទទួលថវិកា លោកជំទាវបណ្ឌិត ពេជ ចន្ទមុន្ទី សូមអរព្រះគុណ «សម្តេចព្រះមហាសុមេធាធិបតី អំ លីមហេង សម្តេចព្រះសង្ឃនាយកគណៈមហានិកាយ នៃព្រះរាជាណាចក្រកម្ពុជា» ព្រមទាំងសម្តេច ព្រះរាជាគណៈ ព្រះមេគណ ព្រះអនុគណ ព្រះមន្ត្រីសង្ឃ ព្រះចៅអធិការ ព្រះថេរានុត្ថេរៈគ្រប់ព្រះអង្គ នៃគណៈសង្ឃនាយកនៃព្រះរាជាណាចក្រកម្ពុជា ចំពោះព្រះរាជអំណោយដ៏ខ្ពង់ខ្ពស់ជាបច្ច័យចំនួន ១៦០លានរៀល ប្រគល់ជូនមូលនិធិគន្ធបុប្ផាកម្ពុជា ដើម្បីឱ្យមន្ទីរពេទ្យគន្ធបុប្ផាបន្តបេសកកម្មជួយសង្គ្រោះអាយុជីវិត រួមទាំងផ្តល់នូវក្តីសង្ឃឹមវិជ្ជមាន ស្នាមញញឹម និងអនាគតយ៉ាងត្រចះត្រចង់ដល់កុមារកម្ពុជា ព្រមទាំងមហាគ្រួសារខ្មែរទាំងអស់។

បន្ថែមពីនេះ លោកជំទាវបណ្ឌិត ក៏បានអំពាវនាវដល់សប្បុរសជនទាំងអស់មេត្តាបន្តគាំទ្រ ចូលរួម និងបរិច្ចាគដល់មូលនិធិគន្ធបុប្ផាកម្ពុជា ពិសេស យុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៦ ដែលជាចលនាកៀរគរមូលនិធិដើម្បីទ្រទ្រង់ដល់បេសកកម្មពិនិត្យព្យាបាលរបស់មន្ទីរពេទ្យគន្ធបុប្ផាភ្នំពេញ និងមន្ទីរពេទ្យគន្ធបុប្ផាសៀមរាប ជូនដល់ទារក កុមារ ស្ត្រីមានផ្ទៃពោះ ហើយក៏ជាព្រឹត្តិការណ៍ប្រចាំឆ្នាំដ៏ធំមួយ ក្នុងចំណោមព្រឹត្តិការណ៍សំខាន់ៗដទៃទៀត ក្នុងស្មារតីខ្មែរជួយខ្មែរដើម្បីអនាគតប្រទេសកម្ពុជាទាំងមូលផងដែរ។​

គូរគូសបញ្ជាក់ថា ក្នុងមួយឆ្នាំៗ មន្ទីរពេទ្យគន្ធបុប្ផា ទាំងនៅរាជធានីភ្នំពេញ និងនៅខេត្តសៀមរាប ត្រូវការថវិកាចំនួនប្រមាណ ៤៥ លានដុល្លារអាម៉េរិក ឬ ជាង ១២ ម៉ឺនដុល្លារអារម៉េរិក ក្នុងមួយថ្ងៃៗ ដើម្បីបំពេញបេសកកម្មសង្រ្គោះជីវិតទារក និងកុមារ ក៏ដូចជាការផ្ដល់សេវាសម្ភពជាង១លានករណីក្នុង១ឆ្នាំ៕

The post លោកជំទាវ ពេជ ចន្ទមុន្នី អញ្ជើញទទួលបច្ច័យបរិច្ចាគចំនួន១៦០លានរៀលពីគណៈសង្ឃនាយកនៃកម្ពុជាជូនមូលនិធិគន្ធបុប្ផាកម្ពុជា appeared first on Kampuchea Thmey Daily.

លោក ចន ណារិទ្ធ រាយការណ៍ដូច្នេះ៖«លទ្ធផលនៃ “យុទ្ធនាការ ១ម៉ឺនរៀល ១ម៉ឺននាក់” ឆ្នាំ២០២៦ ដោយគិតត្រឹមព្រឹកថ្ងៃទី៤ ខែមិថុនា ឆ្នាំ២០២៦ នេះ មានអ្នកចូលរួមបរិច្ចាគចំនួនជាង ៧ម៉ឺននាក់ ដោយទទួលបានថវិកាបរិច្ចាគសរុបសមមូលជាដុល្លារអាម៉េរិកចំនួនប្រមាណ ៣,៥ លានដុល្លារ ដោយមិនទាត់គិតបញ្ចូលនូវថវិកាបរិច្ចាគក្នុង “ដើរ ២ ៧០០ ជំហាន ដើម្បីទារក និងកុមារកម្ពុជា” ចំនួនប្រមាណជាង ២ ១០០ លានរៀល ពីសប្បុរសជនចំនួនជាង ១០ ០០០ នាក់ នៅឡើយ។»។

គូរគូសបញ្ជាក់ថា ក្នុងមួយឆ្នាំៗ មន្ទីរពេទ្យគន្ធបុប្ផា ទាំងនៅរាជធានីភ្នំពេញ និងនៅខេត្តសៀមរាប ត្រូវការថវិកាចំនួនប្រមាណ ៤៥​ លានដុល្លារអាម៉េរិក ឬ ជាង ១២ ម៉ឺនដុល្លារអារម៉េរិក ក្នុងមួយថ្ងៃៗ ដើម្បីបំពេញបេសកកម្មសង្រ្គោះជីវិតទារក និងកុមារ​ ក៏ដូចជាការផ្ដល់សេវាសម្ភពនេះ។

លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ប្រធានកិត្តិយសមូលនិធិគន្ធបុប្ផាកម្ពុជា ធ្លាប់បានថ្លែងថា ១ម៉ឺនរៀល អាចមើលទៅជាចំនួនតូចមួយ ប៉ុន្តែសម្រាប់កុមារ ដែលកំពុងស្រែកហៅរកការសង្គ្រោះ ១ម៉ឺនរៀលនេះ អាចក្លាយជាក្តីសង្ឃឹមមួយ អាចក្លាយជាឱសថ ជាឈាម ជាឧបករណ៍ពេទ្យ ឬជាកម្លាំងមួយ ដែលជួយឱ្យក្រុមគ្រូពេទ្យបន្តសង្គ្រោះជីវិតកុមារបានទាន់ពេលវេលា។ លោកជំទាវបន្ថែមថា នៅពេលការចូលរួមរបស់ពលរដ្ឋខ្មែរម្នាក់ៗរួបរួមគ្នា ១ម៉ឺនរៀល នឹងក្លាយជាកម្លាំងដ៏ធំមួយ សម្រាប់បន្តនាំស្នាមញញឹម ក្តីសង្ឃឹម និងជីវិតថ្មីដល់កុមារកម្ពុជា។

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អំពាវនាវដល់សប្បុរសជនទាំងអស់ បន្តចូលរួមគាំទ្រយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ ទៅតាមលទ្ធភាពរៀងៗខ្លួន ដើម្បីកុមារម្នាក់អាចមានឱកាសរស់រានមានជីវិត ដើម្បីម្តាយឪពុកមួយគ្រួសារអាចមានស្នាមញញឹមវិញ និងដើម្បីបន្តនិរន្តរភាពនៃមន្ទីរពេទ្យគន្ធបុប្ផា ដែលជាដង្ហើមនៃក្តីសង្ឃឹមរបស់កុមារកម្ពុជា។ 

លោកជំទាវ ពេជ ចន្ទមុន្នី ហ៊ុនម៉ាណែត គូសបញ្ជាក់ថា ការបរិច្ចាគជូនមូលនិធិគន្ធបុប្ផាកម្ពុជា មិនមែនគ្រាន់តែជាការបរិច្ចាគថវិកាប៉ុណ្ណោះទេ ប៉ុន្តែគឺជាការចូលរួមសង្គ្រោះជីវិតកុមារ, ជាការចូលរួមជួយដល់ម្តាយឪពុកមួយគ្រួសារ ហើយក៏ជាការចូលរួមវិនិយោគលើអនាគតរបស់ប្រទេសជាតិផងដែរ។

ជាង៣០ឆ្នាំមកហើយ មន្ទីរពេទ្យគន្ធបុប្ផា បានក្លាយជាទីកន្លែងនៃក្តីសង្ឃឹម សម្រាប់ទារក កុមារ និងស្ត្រីមានផ្ទៃពោះជាច្រើនលាននាក់នៅកម្ពុជា។ ចាប់តាំងពីឆ្នាំ១៩៩២ មក មន្ទីរពេទ្យគន្ធបុប្ផា បានពិនិត្យ និងព្យាបាលទារក កុមារ និងស្ត្រីមានផ្ទៃពោះ ជាង ២៧,៥ លាននាក់ ដោយឥតគិតថ្លៃ ប្រកបដោយគុណភាព និងមិនមានការរើសអើង៕

ដោយ៖ ង៉ិល ណារ៉ាត់

The post ត្រឹមព្រឹកថ្ងៃទី៤ ខែមិថុនា “យុទ្ធនាការ ១ម៉ឺនរៀល ១ម៉ឺននាក់” ទទួលបានថវិកាបរិច្ចាគប្រមាណ៣,៥ លានដុល្លារ appeared first on Kampuchea Thmey Daily.

នាយកប្រតិបត្តិនៃមូលនិធិគន្ធបុប្ផាកម្ពុជា លោក ចន ណារិទ្ធ គូសបញ្ជាក់ថា ការរៀបចំពិធី “ដើរ ២៧០០ ជំហាន ដើម្បីទារក និងកុមារកម្ពុជា” នៅថ្ងៃទី៤ ខែមិថុនា  ដើម្បីឆ្លើយតបនឹងការអំពាវនាវរបស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា ក្នុងអំឡុងពិធីសំណេះសំណាលជាមួយគណៈកម្មការទ្រទ្រង់មូលនិធិគន្ធបុប្ផាកម្ពុជា ប្រចាំក្រសួង-ស្ថាប័ន និងរដ្ឋបាលរាជធានី-ខេត្ត ក៏ដូចជាពិធីបើក “យុទ្ធនាការ ១ម៉ឺនរៀល ១ម៉ឺននាក់”  ឆ្នាំ២០២៦ កាលពីថ្ងៃទី២៨ ខែឧសភា ឆ្នាំ២០២៦ កន្លងទៅថ្មីៗនេះ។

លោក ចន ណារិទ្ធ បន្ថែមថា ការបរិច្ចាគថវិកាក្នុងពិធី “ដើរ ២ ៧០០ ជំហាន ដើម្បីទារក និងកុមារកម្ពុជា” គឺជាការបរិច្ចាគដើម្បីគាំទ្រ “យុទ្ធនាការ ១ម៉ឺនរៀល ១ម៉ឺននាក់” ឆ្នាំ២០២៦ របស់មូលនិធិគន្ធបុប្ផាកម្ពុជា ដែលដឹកនាំដោយ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា ហើយរាល់ការបរិច្ចាគអ្នកចូលរួម ទោះតិចក្ដី ច្រើនក្ដី សុទ្ធតែមានតម្លៃដ៏ធំធេង ក្នុងការចូលរួមសង្គ្រោះជីវិតទារក និងកុមារនៅកម្ពុជា ដែលទទួលបានការពិនិត្យ​ និងព្យាបាលនៅមន្ទីពេទ្យគន្ធបុប្ផា និងសេវាសម្ភព ដោយឥតគិតថ្លៃ ប្រកបដោយគុណភាព និងមិនមានការរើសអើង ចំនួនប្រមាណជាង ១ លានករណី ក្នុងមួយឆ្នាំៗ។

បើតាមនាយកប្រតិបត្តិមូលនិធិគន្ធបុប្ផាកម្ពុជា ពិធី “ដើរ ២ ៧០០ ជំហាន ដើម្បីទារក និងកុមារកម្ពុជា” ប្រមូលបានថវិកាបរិច្ចាគប្រមាណជាង ២ ១០០ លានរៀល ពីសប្បុរសជនចំនួនជាង ១០ ០០០ នាក់ នៅឡើយ។

 ឧបនាយករដ្ឋមន្ត្រី អូន ព័ន្ធមុនីរ័ត្ន ចាត់ទុកព្រឹត្តិការណ៍នេះ ថាធ្វើឡើងដើម្បីកីឡា ផ្សាភ្ជាប់នឹងសកម្មភាពមនុស្សធម៌ ជាពិសេសដើម្បីបំផុស «ស្មារតីខ្មែរ ជួយខ្មែរ» ឱ្យកាន់តែទូលំទូលាយ ដែលជាផ្នែកមួយនៃយុទ្ធនាការ «យុទ្ធនាការ ១ម៉ឺនរៀល ១ម៉ឺននាក់» ឆ្នាំ២០២៦ មូលនិធិគន្ធបុប្ផាកម្ពុជាផងដែរ។ ម្យ៉ាងវិញទៀតបង្កើន និងពង្រឹងសាមគ្គីភាពរវាងថ្នាក់ដឹកនាំ, មន្ត្រីរាជការ, និងបុគ្គលិកនៃបណ្តាអង្គភាពខាងលើ ក៏ដូចជាដើម្បីផ្សារភ្ជាប់កីឡា និងសកម្មភាពមនុស្សធម៌។

គួរកត់សម្គាល់ថា នេះជាព្រឹត្តិការណ៍លើកទី១ របស់គណៈកម្មការទ្រទ្រង់មូលនិធិគន្ធបុប្ផាកម្ពុជាប្រចាំអគ្គនាយកដ្ឋាន និងអង្គភាពនានា នៃក្រសួងសេដ្ឋកិច្ច និងហិរញ្ញវត្ថុ ព្រមទាំងស្ថាប័នមួយចំនួនទៀតក្រោមឱវាទរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ក្នុងគោលបំណងគាំទ្រ «យុទ្ធនាការ ១ម៉ឺនរៀល ១ម៉ឺននាក់» ដែលជាយុទ្ធនាការប្រចាំឆ្នាំដ៏ធំ និងសំខាន់មួយរបស់មូលនិធិគន្ធបុប្ផាកម្ពុជា៕

The post ពិធី«ដើរ២៧០០ជំហាន ដើម្បីទារក និងកុមារកម្ពុជា»ប្រមូលបានថវិកា២ ១០០ លានរៀលពីសប្បុរសជន appeared first on Kampuchea Thmey Daily.

ក្នុងសារវីដេអូលោកជំទាវប្រធានកិត្តិយសមូលនិធិគន្ធបុប្ផាកម្ពុជា រម្លឹកថា រយៈពេលជាង ៣០ឆ្នាំមកហើយ មន្ទីរពេទ្យគន្ធបុប្ផា បានក្លាយជាទីកន្លែងនៃក្តីសង្ឃឹម សម្រាប់ទារក កុមារ និងស្ត្រីមានផ្ទៃពោះជាច្រើនលាននាក់នៅកម្ពុជា។ ចាប់តាំងពីឆ្នាំ១៩៩២ មក មន្ទីរពេទ្យគន្ធបុប្ផា បានពិនិត្យ និងព្យាបាលទារក កុមារ និងស្ត្រីមានផ្ទៃពោះ ជាង ២៧,៥ លាននាក់ ដោយឥតគិតថ្លៃ ប្រកបដោយគុណភាព និងមិនមានការរើសអើង។

លោកជំទាវបណ្ឌិត សង្កត់ធ្ងន់ថា៖«សម្រាប់ម្តាយឪពុកជាច្រើន គន្ធបុប្ផា មិនមែនគ្រាន់តែជាមន្ទីរពេទ្យទេ។ គន្ធបុប្ផា គឺជា “កន្លែងដែលទឹកភ្នែកនៃការព្រួយបារម្ភ អាចប្រែក្លាយជាស្នាមញញឹម”។ គឺជាកន្លែងដែលកូនតូចម្នាក់ អាចទទួលបានឱកាសរស់រានមានជីវិត និងត្រឡប់ទៅកាន់រង្វង់ដៃម្តាយឪពុកវិញដោយសុវត្ថិភាព។ ប៉ុន្តែ ដើម្បីឱ្យបេសកកម្មដ៏ថ្លៃថ្លានេះ អាចបន្តទៅមុខបាន មន្ទីរពេទ្យគន្ធបុប្ផា ត្រូវការថវិកាប្រមាណ ៤៥ លានដុល្លារអាម៉េរិកក្នុងមួយឆ្នាំ សម្រាប់បន្តផ្តល់សេវាពិនិត្យ ព្យាបាល និងសង្គ្រោះជីវិតកុមារកម្ពុជា។ ហេតុនេះហើយ ទើបមូលនិធិគន្ធបុប្ផាកម្ពុជា បានបន្តរៀបចំយុទ្ធនាការ “១ម៉ឺនរៀល ១ម៉ឺននាក់”ដើម្បីអំពាវនាវដល់សប្បុរសជន ពុកម៉ែ បងប្អូន ប្រជាពលរដ្ឋខ្មែរទាំងក្នុង និងក្រៅប្រទេស ចូលរួមបរិច្ចាគតាមលទ្ធភាពរៀងៗខ្លួន ក្នុងស្មារតី “ខ្មែរជួយខ្មែរ”។ »។

លោកជំទាវ ពេជ ចន្ទមុន្នី ហ៊ុនម៉ាណែត គូសបញ្ជាក់ថា ការបរិច្ចាគជូនមូលនិធិគន្ធបុប្ផាកម្ពុជា មិនមែនគ្រាន់តែជាការបរិច្ចាគថវិកាប៉ុណ្ណោះទេ ប៉ុន្តែគឺជាការចូលរួមសង្គ្រោះជីវិតកុមារ, ជាការចូលរួមជួយដល់ម្តាយឪពុកមួយគ្រួសារ ហើយក៏ជាការចូលរួមវិនិយោគលើអនាគតរបស់ប្រទេសជាតិផងដែរ។

ក្នុងនាម សម្តេចបវរធិបតី នាយករដ្ឋមន្ត្រី និងក្នុងនាមជាសហប្រធានកិត្តិយសនៃមូលនិធិគន្ធបុប្ផាកម្ពុជា លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អំពាវនាវដល់សប្បុរសជនទាំងអស់ បន្តចូលរួមគាំទ្រយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ ទៅតាមលទ្ធភាពរៀងៗខ្លួន។

« សូមចូលរួមបរិច្ចាគថ្ងៃនេះ ដើម្បីកុមារម្នាក់អាចមានឱកាសរស់រានមានជីវិត! សូមចូលរួមបរិច្ចាគថ្ងៃនេះ ដើម្បីម្តាយឪពុកមួយគ្រួសារអាចមានស្នាមញញឹមវិញ! សូមចូលរួមបរិច្ចាគថ្ងៃនេះ ដើម្បីបន្តនិរន្តរភាពនៃមន្ទីរពេទ្យគន្ធបុប្ផា ដែលជាដង្ហើមនៃក្តីសង្ឃឹមរបស់កុមារកម្ពុជា! »។ ទាំងនេះ គឺជាសាររបស់លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អំពាវនាវឱ្យមានការចូលរួមបរិច្ចាគចូលមូលនិធិគន្ធបុប្ផា ដើម្បីបន្តសង្គ្រោះជីវិតកុមារ និងស្ត្រីកម្ពុជា៕

The post ស្ត្រីទីមួយ៖ ១ម៉ឺនរៀលមើលទៅតិច ប៉ុន្តែវាអាចជាថ្នាំ ឈាម បរិក្ខាពេទ្យជួយឱ្យសង្គ្រោះជីវិតកុមារទាន់ពេល,សូមបន្តគាំទ្រយុទ្ធនាការ«១ម៉ឺនរៀល ១ម៉ឺននាក់» appeared first on Kampuchea Thmey Daily.

លោកជំទាវបណ្ឌិត ថែមទាំងកោតសរសើរ និងថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំក្រសួង-ស្ថាប័ន បណ្តាវិស័យឯកជន ដៃគូពាក់ព័ន្ធ និងប្រជាពលរដ្ឋ ដែលមានទឹកចិត្តសប្បុរសយ៉ាងធំធេង ចូលរួមគាំទ្រ មូលនិធិគន្ធបុប្ផា ទាំងកម្លាំងកាយចិត្ត និងធនធាន នាពេលកន្លងមក ដែលជាការបង្ហាញយ៉ាងច្បាស់ថា មិនថានៅទីកន្លែងណា មិនថាពេលវេលាណា ខ្មែរតែងតែបារម្ភ ស្រឡាញ់ និងយកចិត្តទុកដាក់គ្នាទៅវិញទៅមក ហើយតែងតែជួយគ្នាទៅតាមគ្រប់មធ្យោបាយ។

លោកជំទាវបណ្ឌិត បានបញ្ជាក់ថា ការរៀបចំយុទ្ធនាការនេះគឺដើម្បីចូលរួមអបអរសាទរទិវាកុមារអន្តរជាតិ ១ មិថុនា ការបំផុសសកម្មភាពកៀរគរមូលនិធិសប្បុរសធម៌ ជាសំខាន់គឺការបំផុសស្មារតី ខ្មែរជួយខ្មែរដល់ប្រជាពលរដ្ឋខ្មែរគ្រប់ស្រទាប់វណ្ណៈមាន សិស្ស និស្សិត មន្ត្រីរាជការគ្រប់ក្រសួង-ស្ថាប័ន គ្រឹះស្ថានឯកជន និងសាធារណៈទាំងក្នុង និងក្រៅប្រទេស ក្រោមមូលបទ “ទោះក្នុងកាលៈទេសៈណាក៏ដោយ ខ្មែរនៅតែជួយខ្មែរ” ។

លោកជំទាវបណ្ឌិត បានបង្ហាញក្តីសង្ឃឹមយ៉ាងមុតមាំបន្ថែមទៀតថា យុទ្ធនាការ “១ម៉ឺនរៀល ១ម៉ឺននាក់” របស់មូលនិធិគន្ធបុប្ផាកម្ពុជា នឹងក្លាយជាព្រឹត្តិការណ៍ប្រចាំឆ្នាំដ៏ធំមួយ ក្នុងចំណោមព្រឹត្តិការណ៍សំខាន់ៗដទៃទៀត ដើម្បីរម្លឹក និងបំផុសចលនាចូលរួមបរិច្ចាគពីគ្រប់មជ្ឈដ្ឋាន ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ដែលកំពុងមានបេសកកម្មសង្រ្គោះជីវិតមាតា ទារក និងកុមារនៅកម្ពុជា ប្រកបដោយគុណភាព មិនរើសអើង និងដោយមិនគិតថ្លៃ ជាពិសេសកុមារដែលមកពីគ្រួសារក្រីក្រ និងងាយរងគ្រោះ ក៏អាចទទួលបានសេវាពិនិត្យ និងព្យាបាលប្រកបដោយគុណភាពផងដែរ។

គួររម្លឹកថា យុទ្ធនាការ “១ម៉ឺនរៀល ១ម៉ឺននាក់” កាលពីឆ្នាំ២០២៥ ដែលផ្តួចផ្តើម និងដឹកនាំដោយផ្ទាល់ ដោយលោកជំទាវ បណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃ មូលនិធិគន្ធបុប្ផាកម្ពុជា ទទួលជោគជ័យគួរជាទីមោទន ជាមួយនឹងការទទួលបានសប្បុរសជនចូលរួមបរិច្ចាគ ប្រមាណ ៣០ម៉ឺននាក់ និង ថវិកាប្រមាណ ៥,៥ លាន ដុល្លារអាម៉េរិក។


របាយការណ៍របស់មន្ទីរពេទ្យគន្ធបុប្ផាឱ្យដឹងថា រយៈពេល១២ខែពេញ ក្នុងឆ្នាំ២០២៥  មន្ទីរពេទ្យគន្ធបុប្ផាទាំងនៅរាជធានីភ្នំពេញ និងនៅសៀមរាប បានផ្ដល់សេវា ពិនិត្យ ពិគ្រោះ និងព្យាបាលដល់កុមារចំនួន១ ០៧៨ ៦៣៧ករណី, ព្យាបាលកុមារដែលសម្រាកព្យាបាលជំងឺក្នុងមន្ទីរពេទ្យចំនួន២៣៣២៤៣នាក់ និងព្យាបាលអ្នកជំងឺគ្រុនឈាមដែលសម្រាកក្នុងមន្ទីរពេទ្យចំនួន២២ ៩៨២ករណី, ពិនិត្យ និងផ្ដល់សេវាតាមដានផ្ទៃពោះ និងដល់ស្រីមានផ្ទៃពោះចំនួន១០៨ ១៣៤ករណី, ផ្ដល់សេវាសម្រាលកូនដល់ស្រ្តីចំនួន២៥ ៧៣៦នាក់ ផ្ដល់សេវាវះកាត់ទូទៅចំនួន៣៤ ៨៨៩នាក់ និងវះកាត់ជំងឺបេះដូងពីកំណើតចំនួន១១៦៣នាក់ ក្នុងនោះចំណាយថវិកាអស់ដល់ទៅ៤៦ ១៨១ ៥២៣ ដុល្លារអាម៉េរិក (មិនគិតថវិកាវិភាជពីក្រសួងសុខាភិបាល)៕

ដោយ៖ ង៉ិល ណារ៉ាត់

The post យុទ្ធនាការ«១ម៉ឺនរៀល ១ម៉ឺននាក់» របស់មូលនិធិគន្ធបុប្ផាកម្ពុជា ចាប់ផ្ដើមចេញដំណើរជាផ្លូវការ appeared first on Kampuchea Thmey Daily.

តាមរយៈសេក្តីជូនដំណឹង មូលនិធិគន្ធបុប្ផាកម្ពុជា បានអំពាវនាវដល់សាធារណជន, សប្បុរសជន, ក្រសួង-ស្ថាប័ន, ក្រុមហ៊ុន-សហគ្រាស, គ្រឹះស្ថានហិរញ្ញវត្ថុដៃគូ ចូលរួមបរិច្ចាគក្នុងយុទ្ធនាការនេះ ដើម្បីរួមគ្នារក្សានិរន្តរភាពនៃកិច្ចដំណើការរបស់មន្ទីរពេទ្យគន្ធបុប្ផា ក្នុងការបន្តបេសកកម្មសង្រ្គោះជីវិតទារក និងកុមារនៅកម្ពុជា។

ជាមួយគ្នានេះ មូលនិធិគន្ធបុប្ផាកម្ពុជា ក៏បានអំពាវនាវដល់សិល្បករ សិល្បការិនី តារាសម្ដែង បុគ្គលមានប្រជាប្រិយ អង្គភាពសារព័ត៌មានជាតិ-អន្ដរជាតិ និងភាគីពាក់ព័ន្ធ ចូលរួមផ្សព្វផ្សាយអំពីយុទ្ធនាការនេះ ឱ្យបានកាន់តែសកម្ម កាន់តែទូលំទូលាយ និងកាន់តែផុសផុលបន្ថែមទៀត តាមមធ្យោបាយរៀងៗខ្លួន។

“យុទ្ធនាការ ១ម៉ឺនរៀល ១ម៉ឺននាក់” ជាយុទ្ធនាការប្រចាំឆ្នាំដ៏ធំ និងសំខាន់មួយរបស់មូលនិធិគន្ធបុប្ផាកម្ពុជាដែលត្រូវបានរៀបចំឡើង ដើម្បីចូលរួមអបអរសាទរ ទិវាកុមារអន្តរជាតិ ១ មិថុនា និងបំផុសចលនាសប្បុរសធម៌ ក៏ដូចជាដើម្បីរម្លឹកឱ្យមានការចូលរួមបរិច្ចាគ ក្នុងស្មារតី “ខ្មែរជួយខ្មែរ” ក្នុងគោលបំណងរួមគ្នានាំក្ដីសង្ឃឹម និងភាពញញឹមដល់ទារក និងកុមារ ព្រមទាំងស្ត្រីមានផ្ទៃពោះ ដែលត្រូវការសេវាពិនិត្យ ព្យាបាល និងសម្ភព ដោយឥតគិតថ្លៃ ប្រកបដោយគុណភាព និងមិនមានការរើសអើង នៅមន្ទីរពេទ្យគនុ្ធបុប្ផា ទាំងនៅរាជធានីភ្នំពេញ និងនៅខេត្តសៀមរាប។

ដើម្បីចូលរួមក្នុងយុទ្ធនាការ “យុទ្ធនាការ ១ម៉ឺនរៀល ១ម៉ឺននាក់”, សូមបរិច្ចាគតាមរយៈលេខគណនីរបស់មូលនិធិគន្ធបុប្ផាកម្ពុជា នៅតាមបណ្ដាគ្រឹះស្ថានហិរញ្ញវត្ថុជាដៃគូរបស់មូលនិធិ (ដូចមានក្នុងរូបភាពជូនភ្ជាប់) ឬធ្វើការទំនាក់ទំនង តាមរយៈលេខទូរសព្ទ៖ ០១២ ២៣៥ ៥៨២, ០៩៩ ៣៣៣ ១៣៣, ០១២ ៩២៩ ៧២៧, ០១៦ ៨០៨ ៩០៥, ឬ ០៧០ ២០៦ ៧៤៦៕

The post មូលនិធិគន្ធបុប្ផាកម្ពុជា អំពាវនាវដល់សប្បុរសជន ចូលរួមបរិច្ចាគក្នុង “យុទ្ធនាការ ១ម៉ឺនរៀល ១ម៉ឺននាក់” នៅខែមិថុនា ខាងមុខ appeared first on Kampuchea Thmey Daily.

«ចាប់តាំងពីការប្រកាសបើកជាផ្លូវការ កាលពីថ្ងៃទី១ ដល់ថ្ងៃទី៣០ ខែមិថុនា ឆ្នាំ២០២៥, យុទ្ធនាការ “១ម៉ឺនរៀល ១ម៉ឺននាក់ ឆ្នាំ២០២៥ របស់មូលនិធិគន្ធបុប្ផាកម្ពុជា ក្រោមដឹកនាំដ៏ខ្ពង់ខ្ពស់របស់ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា មានការចូលរួមយ៉ាងផុសផុល ទាំងក្នុងទិដ្ឋភាពថវិកា និងចំនួនសប្បុរសជន ដោយទទួលបានថវិកាបរិច្ចាគសរុបសមមូលនឹងប្រាក់ដុល្លារប្រមាណ ៥,៥ លានដុល្លារអាម៉េរិក ពីសំណាក់សប្បុរសជនជិត ៣០ម៉ឺននាក់»។ នេះបើតាមសេចក្ដីប្រកាសព័ត៌មានរបស់មូលនិធិគន្ធបុប្ផាកម្ពុជា ចេញនៅថ្ងៃទី១ ខែកក្កដា នេះ។

មូលនិធិគន្ធបុប្ផាកម្ពុជា វាយតម្លៃថា ការចូលរួមបរិច្ចាគដើម្បីគាំទ្រយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៥ បង្ហាញថា សាធារណជន មានទឹកចិត្តសប្បុរសយ៉ាងផុសផុល និងបានចូលរួមយ៉ាងសកម្មក្នុងស្មារតី “ខ្មែរជួយខ្មែរ” ដើម្បីរួមគ្នានាំក្តីសង្ឃឹម និងភាពញញឹមដល់ទារក កុមារ និងស្ត្រីមានផ្ទៃពោះ នៅកម្ពុជា។

បើតាមមូលនិធិគន្ធបុប្ផាកម្ពុជា  បើទោះបីជាយុទ្ធនាការ១ម៉ឺនរៀល ១ម៉ឺននាក់ ដល់ថ្ងៃបញ្ចប់ក៏ដោយ, ក៏សាធារណជនដែលមានទឹកចិត្ត សប្បុរស នៅតែអាចចូលរួមបរិច្ចាគ ដើម្បីរួមគ្នារក្សានិរន្តរភាពនៃកិច្ចដំណើរការរបស់មន្ទីរពេទ្យគន្ធបុប្ផា ទាំងនៅ រាជធានីភ្នំពេញ និងនៅខេត្តសៀមរាប ក្នុងការបន្តបេសកកម្មពិនិត្យ និងព្យាបាលជំងឺដល់ទារក និងកុមារ ព្រមទាំង សេវាសម្ភពដល់ស្ត្រីមានផ្ទៃពោះ ផងដែរ។ ការបរិច្ចាគ ១ម៉ឺនរៀលម្នាក់ ជឿជាក់ថា ពលរដ្ឋកម្ពុជាយើង ប្រាកដជា អាចបន្តធ្វើបាន ក្នុងស្មារតី “ខ្មែរជួយខ្មែរ” ដោយហេតុថារាល់ការបរិច្ចាគ ទោះតិចក្តីច្រើនក្តី សុទ្ធតែមានតម្លៃក្នុងការ ចូលរួមសង្គ្រោះជីវិតទារក និងកុមារ ព្រមទាំងស្ត្រីមានផ្ទៃពោះ ដោយឥតគិតថ្លៃ ប្រកបដោយគុណភាព និងមិនមាន ការរើសអើង នៅមន្ទីរពេទ្យគន្ធបុប្ផា។

មូលនិធិគន្ធបុប្ផាកម្ពុជា គោរពថ្លែងអំណរគុណដ៏ខ្ពង់ខ្ពស់ជូន លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសនៃមូលនិធិគន្ធបុប្ផាកម្ពុជា ចំពោះការចំណាយពេលដ៏មានតម្លៃ និងមមាញឹក ដើម្បីដឹកនាំយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៥ ក៏ដូចជាចំពោះការផ្តល់ការណែនាំ និងតម្រង់ទិស ជាប្រចាំដល់ក្រុមការងាររបស់មូលនិធិគន្ធបុប្ផាកម្ពុជា។

មូលនិធិគន្ធបុប្ផាកម្ពុជា ក៏សូមថ្លែងអំណរគុណយ៉ាងជ្រាលជ្រៅ ជូនសប្បុរសជនទាំងអស់ ដែលបាន ចូលរួមបរិច្ចាគគាំទ្រយុទ្ធនាការដ៏មានសារៈសំខាន់នេះ និងសូមថ្លែងអំណរគុណផងដែរ ដល់ក្រសួង-ស្ថាប័ន, រដ្ឋបាលរាជធានី-ខេត្ត, ក្រុមហ៊ុន-សហគ្រាស និងដៃគូនានា ដែលបានផ្តល់កិច្ចសហការ និងការគាំទ្រពាក់ព័ន្ធនឹងការ រៀបចំយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៥ របស់មូលនិធិគន្ធបុប្ផាកម្ពុជា តាំងពីដើមទី ក្នុងទិដ្ឋភាព ផ្សេងៗគ្នា ដែលជាការរួមចំណែកដ៏សំខាន់ ក្នុងការធ្វើឱ្យយុទ្ធនាការប្រចាំឆ្នាំដ៏សំខាន់មួយនេះ បានប្រព្រឹត្តទៅ ដោយរលូន និងសម្រេចបានជោគជ័យគួរជាទីមោទនៈ។

គួរឱ្យដឹងថា  តាំងតែពីមន្ទីរពេទ្យគន្ធបុប្ផា ចាប់ផ្តើមដំណើរការឡើងវិញនៅឆ្នាំ១៩៩២, មន្ទីរពេទ្យនេះបានទទួលការពិនិត្យ និងព្យាបាលនៅផ្នែកពិគ្រោះជំងឺក្រៅ កុមារ និងស្រ្តីមានផ្ទៃពោះចំនួនប្រមាណ ២៣ លានករណី, បានទទួលកុមារមកសម្រាកព្យាបាលធ្ងន់ធ្ងរប្រមាណ ២,៨ លាននាក់ និងសម្រាលកូនជូនស្រ្តីមានផ្ទៃពោះចំនួនប្រមាណ ៤១ម៉ឺននាក់។ មន្ទីរពេទ្យគន្ធបុប្ផាទាំងនៅភ្នំពេញ និងនៅខេត្តសៀមរាប ត្រូវចំណាយថវិកាជាង១២ម៉ឺនដុល្លារក្នុង១ថ្ងៃ ឬក៏៤៣លានដុល្លារអាមេរិកក្នុង១ឆ្នាំ ដើម្បីធានារក្សានិរន្តភាពមន្ទីរពេទ្យក្នុងការជួយព្យាបាលជំងឺ ដើម្បីពិនិត្យព្យាបាលជំងឺកុមារ និងពិនិត្យលើស្ត្រីមានផ្ទៃពោះដោយឥតគិតថ្លៃ ប្រកបដោយស្មើភាព គ្មានការរើសអើង។

នៅក្នុងពិធីបើកយុទ្ធនាការ កាលពីថ្ងៃទី០១ ខែមិថុនា លោកជំទាវបណ្ឌិត ពេជ ចន្ទមុន្នី ហ៊ុន​ម៉ាណែត ប្រធានកិត្តិយសមូលនិធិគន្ធបុប្ផាកម្ពុជា មើលឃើញថា មន្ទីរពេទ្យគន្ធបុប្ផា គឺជាមន្ទីរពេទ្យមួយបានជួយព្យាបាលជំងឺរបស់កុមារមកពីគ្រប់រាជធានី ខេត្តក្នុងប្រទេសកម្ពុជា ព្រោះនៅពេលកូន ចៅ ឈឺមានជំងឺធ្ងន់ស្រាល ឳពុកម្ដាយ ជីដូនជីតា ដែលរស់នៅតាមខេត្តបានបញ្ជូនកូនចៅខ្លួន មកព្យាបាលនៅមន្ទីរពេទ្យគន្ធបុប្ផាភ្លាម៕

The post ១ខែ យុទ្ធនាការ១ម៉ឺនរៀល ១ម៉ឺននាក់ ទទួលបានថវិកាបរិច្ចាគប្រមាណ៥,៥លានដុល្លារ ពីសប្បុរសជនជិត៣០ម៉ឺននាក់ appeared first on Kampuchea Thmey Daily.