រដូវវស្សារ Archives - Kampuchea Thmey Daily

ពណ៌សក់ ៥ ប្រភេទ សក្ដិសមបំផុតសម្រាប់លាបក្នុងរដូវវស្សានេះ

សាង ស្រីល័ក្ខ — Fri, 08 Jul 2022 09:40:00 +0000

ភ្លៀងធ្លាក់កាន់តែខ្លាំងជារៀងរាល់ថ្ងៃ រដូវបែបនេះ តើគួរលាបពណ៌សក់អ្វីដែលស័ក្ដិសម ហើយថែមទាំងជួយឲ្យផ្ទៃមុខកាន់តែស្រស់ថ្លា និងក្មេងជាងវ័យ។

ប្រសិនបើអ្នកចង់បានពណ៌ដែលត្រូវនឹងរដូវកាល ប៉ុន្តែមិនដឹងថាគួរលាបពណ៌អ្វីល្អទេ។ ថ្ងៃនេះយើងខ្ញុំបានជ្រើសរើសពណ៌សក់ស្អាតៗ មកជូនលោកអ្នក ហើយធានាថាស្អាត ពេញនិយម លេចធ្លោមិនខាន។

១ ខៀវ

ពណ៌ខៀវគឺជាពណ៌ដ៏ស្រស់ស្អាតមួយទៀត ដែលជួយជំរុញឲ្យស្បែករបស់យើង មើលទៅភ្លឺថ្លាជាងមុន។ ជាពិសេសពណ៌ខៀវតំណាងឲ្យសន្តិភាព ស្ងប់ស្ងាត់ ដែលស័ក្តិសមបំផុតសម្រាប់រដូវវស្សា។ ពណ៌នេះក៏ជាពណ៌មួយទៀត ដែលតារាល្បីៗ និយមនិយមលាបជាច្រើនដូចគ្នា។

២ ពណ៌បៃតងចាស់

និយាយពីរដូវវស្សា យើងនឹងគិតពីភាពសម្បូរបែប នៃខៀវស្រងាត់មិនខាន ដូច្នេះពណ៌បៃតងចាស់ ជាពណ៌សក់មួយទៀត ដែលសក្ដិសមបំផុតសម្រាប់រដូវកាលនេះ។ ពន្លឺពណ៌បៃតងចាស់ មើលទៅភ្លឺពេក ហើយថែមទាំងជួយឲ្យស្បែកភ្លឺថ្លាទៀតផង។ ប៉ុន្តែប្រសិនបើមិនចូលចិត្តពណ៌បៃតងចាស់ អាចលាបពណ៌បៃតងស្រអាប់ក៏បាន។

៣ ពណ៌ប្រផេះងងឹត

សក់ពណ៌ប្រផេះ មិនត្រឹមតែមើលទៅឡូយទេ។ ប៉ុន្តែថែមទាំងផ្តល់នូវរូបរាងដែលមើលទៅថ្លៃថ្នូរ ស្រស់ស្អាត និងទាន់សម័យផងដែរ។ ពណ៌នេះក៏សមស្របគ្រប់រដូវកាល ហើយជាពិសេសសម្រាប់អ្នកមានសក់ស្កូវ អាចលាបពណ៌មួយនេះបន្លំៗ កាន់តែលេចធ្លោខ្លាំង។

៤ ពណ៌ត្នោតចាស់

ពណ៌ត្នោតជាពណ៌មួយផ្សេងទៀត ដែលល្អបំផុតសម្រាប់អ្នកនិយមសុភាពៗ។ ពណ៌មួយនេះ មានមនុស្សជាច្រើន ឈ្លក់វង្វេង ចង់លាប ហើយសម្រាប់អ្នកសក់ខ្លី ឬវែងក៏អាចលាបមិនរើសវា។

៥ ពណ៌ទឹកក្រូច

មនុស្សជាច្រើនអាចយល់ច្រលំ ថាពណ៌ទឹកក្រូចមើលទៅភ្លឺពេក ហើយមិនសមនឹងរដូវវស្សានោះទេ។ បើមិត្តនារីៗអាចស្រមៃបាននោះនឹងយល់។ ថ្ងៃខ្លះមានភ្លៀងធ្លាក់ វាជាកំឡុងពេលដែលមេឃមានជីជាតិ។ មេឃប្រែពណ៌ទឹកក្រូច ក្រហមភ្លឺ ពេលថ្ងៃលិច ដូច្នេះ ពណ៌សក់នេះ គឺល្អឥតខ្ចោះសម្រាប់រដូវវស្សា។ មិនថាស្បែកស ស្បែកខ្មៅ ទឹកឃ្មុំ បៃតងត្នោតទេ អាចធ្វើបានគ្រប់ពណ៌ស្បែក ជាពិសេសស្ត្រីអាស៊ីតែម្តង៕

ប្រែសម្រួល៖ សាង ស្រីល័ក្ខ

ចុចអាន៖តើពិតទេ? លាបពណ៌សក់ញឹកញាប់ ប្រឈមនឹងជំងឺមហារីក ជាពិសេសជាងអ៊ុតសក់

ចុចអាន៖ហេតុផល ៥ យ៉ាង ពីមនុស្សមានទម្លាប់ណាត់ជួបខ្លួនឯង ជាងមានគ្នា

The post ពណ៌សក់ ៥ ប្រភេទ សក្ដិសមបំផុតសម្រាប់លាបក្នុងរដូវវស្សានេះ appeared first on Kampuchea Thmey Daily.

៤ គន្លឹះ ថែរក្សាកាបូបឲ្យនៅតែរលោងស្អាត ក្នុងរដូវវស្សា

សាង ស្រីល័ក្ខ — Tue, 21 Jun 2022 04:10:17 +0000

ខណៈពេលដែលអ្នកទើបតែទិញកាបូបថ្មី ហើយរំភើបក្នុងការប្រើប្រាស់។ ប៉ុន្តែបែរជាមានភ្លៀងធ្លាក់ជាបន្តបន្ទាប់ នៅខាងក្រៅ ច្បាស់ណាស់ថា ទឹកភ្លៀងនឹងធ្វើឲ្យកាបូបសើមខូច ឬដុះផ្សិតមិនខាន។ ប្រសិនបើអ្នកស្រលាញ់កាបូប យើងខ្ញុំមានវិធីថែរក្សាកាបូបទាំងថ្មី និងចាស់ ដើម្បីការពារកុំឲ្យសើម នៅរដូវវស្សានេះ។

១ ស្ព្រាយបាញ់

មុនពេលប្រើកាបូប អ្នកអាចប្រើផលិតផលដើម្បីការពារកាបូបពីការប្រឡាក់ និងជ្រាបទឹក។ មុននឹងបាញ់ស្ព្រាយ ត្រូវប្រាកដថាកាបូបបានសម្អាតស្អាតរួចហើយ។

២ អាវភ្លៀង

មានអាវភ្លៀងតូចមួយទុកក្នុងកាបូបក៏បាន ឬដាក់តាមខ្លួនជាប់ក្នុងរដូវកាលនេះ ពិតជាប្រសើរបំផុត។ អាវភ្លៀងអាចបត់បាន ដោយដាក់ចូលក្នុងកាបូប ដែលអ្នកអាចទុកដាក់បានយ៉ាងងាយស្រួលបំផុត។

៣ ឧបករណ៍បម្លែងសំណើម

អ្នកត្រូវដាក់ឧបករណ៍បម្លែងសំណើមនៅក្នុងទូ ឬថង់ធូលី ដើម្បីការពារកាបូបពីការបង្កើតផ្សិត ដែលបង្កគ្រោះថ្នាក់ពីសំណើមនៅក្នុងខ្យល់។

៤ ពន្លឺព្រះអាទិត្យ

ប្រសិនបើមានពន្លឺព្រះអាទិត្យចូលមក សូមចាប់យកឱកាសនេះ ដើម្បីខ្យល់ចេញចូលក្នុងកាបូប។ កាបូបដែលទុកក្នុងទូយូរពេក អាចបង្កជាផ្សិត ហើយក៏ត្រូវប្រុងប្រយ័ត្នរក្សាវាឲ្យបានល្អ មុនពេលភ្លៀងដែរ។

ប្រសិនបើអ្នកបានអនុវត្តដូចដែលបានរៀបរាប់ខាងលើ យើងខ្ញុំធានាថា កាបូបនោះនឹងប្រើបន្តដល់កូនចៅមិនខានទេ៕

ប្រែសម្រួល៖ សាង ស្រីល័ក្ខ

ចុចអាន៖៥ តិចនិក ថែរក្សាកាបូបប្រណិតឲ្យនៅគង់វង្ស ប្រើដល់កូនចៅជំនាន់ក្រោយ

ចុចអាន៖៤ វិធី ការពារទឹកហូរចូលផ្ទះ ក្នុងរដូវវស្សានេះ

The post ៤ គន្លឹះ ថែរក្សាកាបូបឲ្យនៅតែរលោងស្អាត ក្នុងរដូវវស្សា appeared first on Kampuchea Thmey Daily.

ផ្លែឈើរដូវវស្សា ៥ មុខ ល្អសម្រាប់សុខភាព ប្រឆាំងភាពត្រជាក់ និងអុកស៊ីតកម្ម

សាង ស្រីល័ក្ខ — Mon, 30 May 2022 01:10:00 +0000

ក្នុងរដូវវស្សា មានមនុស្សជាច្រើនតែងតែមានរោគសញ្ញាផ្តាសាយជាញឹកញាប់ ។ ដូច្នេះថ្ងៃនេះ យើងខ្ញុំមានផ្លែឈើ ៥ មុខ ដែលល្អសម្រាប់សុខភាព និងជួយការពារជំងឺផ្ដាសាយ។

លើសពីនេះផ្លែឈើទាំងនេះ ក៏មានសារធាតុប្រឆាំងអុកស៊ីតកម្មផ្សេងៗ ជួយពង្រឹងភាពស៊ាំ ទប់ទល់នឹងជំងឺ កាត់បន្ថយហានិភ័យនៃជំងឺ ហើយក៏ល្អសម្រាប់សុខភាពស្បែកដូចគ្នា

១ មង្ឃុត

វាគឺជាផ្លែឈើដែលមានកាឡូរីទាប ជួយពង្រឹងប្រព័ន្ធភាពស៊ាំ ព្យាបាលរបួស ហើយក៏មានផ្ទុកសារធាតុ folate វីតាមីន C និង xanthones ដែលជួយប្រឆាំងរ៉ាឌីកាល់សេរី រួមទាំងសារជាតិ xanthone។ នៅក្នុងផ្លែមង្ឃុត ក៏មានលក្ខណៈសម្បត្តិប្រឆាំងនឹងការរលាក ប្រឆាំងមហារីក ប្រឆាំងភាពចាស់ និងប្រឆាំងនឹងជំងឺទឹកនោមផ្អែម។ មង្ឃុតក៏មានជាតិសរសៃ ដែលជួយកាត់បន្ថយជាតិស្ករក្នុងឈាម បង្កើនបាក់តេរីល្អនៅក្នុងពោះវៀន លើសពីនេះ មង្ឃុតការពារកោសិកាស្បែកពីការខូចខាតដោយសារពន្លឺព្រះអាទិត្យ និងភាពចាស់។

២ ក្រូចថ្លុង

គឺជាប្រភពដ៏អស្ចារ្យនៃវីតាមីន C ប៉ូតាស្យូម ប្រូតេអ៊ីន និងជាតិសរសៃ។វីតាមីន C ជួយពង្រឹងប្រព័ន្ធការពាររាងកាយ។ សារធាតុប្រឆាំងអុកស៊ីតកម្ម ការពារស្បែកពីសញ្ញាផ្សេងៗនៃភាពចាស់ ខណៈពេលដែលប៉ូតាស្យូមជួយគ្រប់គ្រងសំពាធឈាម។ ជាតិសរសៃនឹងជួយការពារការទល់លាមក និងបង្កើនបាក់តេរីល្អនៅក្នុងពោះវៀន។ ក្រូចថ្លុងជួយរក្សាទម្ងន់ក្នុងរយៈពេលយូរ ល្អសម្រាប់សុខភាពបេះដូង និងខួរក្បាល ជួយកាត់បន្ថយកម្រិតកូឡេស្តេរ៉ុល និងទ្រីគ្លីសេរីត វាក៏កាត់បន្ថយហានិភ័យនៃការវិវត្តទៅជាជំងឺរ៉ាំរ៉ៃផ្សេងៗ ដោយរារាំងការលូតលាស់នៃដុំសាច់ និងប្រឆាំងនឹងកោសិកាមហារីកផងដែរ។

៣ ផ្លែត្របែក

ផ្លែឈើនេះ ជួយគ្រប់គ្រងកម្រិតជាតិស្ករក្នុងឈាម ចំពោះអ្នកជំងឺទឹកនោមផ្អែម ឬអ្នកដែលមានហានិភ័យ។ វាល្អសម្រាប់សុខភាពបេះដូង ដោយកាត់បន្ថយសម្ពាធឈាម កាត់បន្ថយកូលេស្តេរ៉ុលអាក្រក់ និងបង្កើនកូលេស្តេរ៉ុលល្អ។ កាត់បន្ថយការឈឺចាប់ពេលមានរដូវ ល្អសម្រាប់ប្រព័ន្ធរំលាយអាហារ ជួយកាត់បន្ថយការទល់លាមក និងរាគ វាក៏មានសារធាតុប្រឆាំងអុកស៊ីតកម្ម ជួយប្រឆាំងនឹងកោសិកាមហារីក មានវីតាមីន C ជួយពង្រឹងភាពស៊ាំ ប្រឆាំងនឹងជំងឺ និងមានជាតិសរសៃជួយបំពេញក្រពះ និងស្រកទម្ងន់។ វាក៏ជួយពន្យឺតសញ្ញានៃភាពចាស់ និងព្យាបាលមុនបានយ៉ាងល្អ។

៤ ផ្លែល្ហុង

សម្បូរទៅដោយវីតាមីន A ជាតិសរសៃ និងអង់ស៊ីមដូចជា papain កាត់បន្ថយហានិភ័យនៃជំងឺដូចជាមហារីក។ ផ្លែល្ហុងក៏មានផ្ទុកនូវវីតាមីន C និង lycopene (lycopene) ដែលល្អសម្រាប់សុខភាពបេះដូង។ កាត់បន្ថយហានិភ័យនៃការវិវត្តទៅជាជំងឺបេះដូង វាក៏មានសារធាតុ carotenoids ដើម្បីជួយប្រឆាំងនឹងការរលាកជួយស្តារស្បែកពីពន្លឺព្រះអាទិត្យ និងកាត់បន្ថយភាពជ្រីវជ្រួញ នៅលើមុខបានយ៉ាងល្អ។

៥ ម្នាស់

សំបូរទៅដោយវីតាមីន C ម៉ង់កាណែស និងសារធាតុប្រឆាំងអុកស៊ីតកម្មផ្សេងៗ ដែលជួយកាត់បន្ថយហានិភ័យនៃជំងឺបេះដូង និងជំងឺទឹកនោមផ្អែម វាក៏មានអង់ស៊ីម bromelain (bromelain) ដែលល្អសម្រាប់ប្រព័ន្ធរំលាយអាហារ ជួយប្រឆាំងនឹងជំងឺមហារីក លើសពីនេះ ម្នាស់ក៏មានលក្ខណៈសម្បត្តិប្រឆាំងនឹងការរលាកបានដូចគ្នា។ ម៉្យាងទៀតម្នាស់ក៏អាចជួយបំបាត់រោគសញ្ញារលាកសន្លាក់ បង្កើនភាពស៊ាំ វាក៏ជួយកាត់បន្ថយភាពមិនស្រួលផ្សេងៗ ដែលកើតឡើងបន្ទាប់ពីការវះកាត់ ហើយវាក៏នឹងជួយអ្នកជាសះស្បើយបន្ទាប់ពីការធ្វើលំហាត់ប្រាណយ៉ាងខ្លាំងផងដែរ៕

ប្រែសម្រួល៖ សាង ស្រីល័ក្ខ

ចុចអាន៖អត្ថប្រយោជន៍ ៥ យ៉ាង របស់ផ្លែប៉ោម យើងភាគច្រើនមិនសូវដឹង

ចុចអាន៖ផ្លែសារី មិនត្រឹមផ្អែមឆ្ងាញ់ តែអត្ថប្រយោជន៍ ចំពោះសុខភាពវិញ ពិតជានឹកស្មានមិនដល់

The post ផ្លែឈើរដូវវស្សា ៥ មុខ ល្អសម្រាប់សុខភាព ប្រឆាំងភាពត្រជាក់ និងអុកស៊ីតកម្ម appeared first on Kampuchea Thmey Daily.

៤ វិធី ការពារទឹកហូរចូលផ្ទះ ក្នុងរដូវវស្សានេះ

សាង ស្រីល័ក្ខ — Mon, 23 May 2022 04:00:53 +0000

ពេលភ្លៀងម្តងៗ យើងត្រូវប្រឈមនឹងបញ្ហាទឹកហូរចូលផ្ទះ ឬពិបាកបង្ហូរចេញជាដើម។ ដែលទាំងនេះ ធ្វើឲ្យផ្ទះជោរជន់ ទៅដោយទឹក ពិបាករស់នៅ ហើយជាពិសេស ផ្ទះដែលមានទីទួល គឺងាយនឹងមានទឹកហូរចូលណាស់។

យ៉ាងណាមិញ បញ្ហាទឹកជន់លិចមកពីប្រឡាយផ្លូវ ឬលូ ហូរចូលផ្ទះជារឿងមួយទៅហើយ អ្វីដែលសំខាន់ គឺរកវិធីទប់ស្កាត់ ដោះស្រាយបញ្ហា ដើម្បីបញ្ចៀសការខូចខាតផ្ទះ និងទ្រព្យសម្បត្តិជាដើម។

១ បាវខ្សាច់

ប្រើបាវខ្សាច់ដើម្បីផ្លាស់ប្ដូរទិសដៅទឹក។ ដោយការដាក់បាវខ្សាច់ត្រូវដាក់នៅកម្រិតសមស្រប ដែលនឹងធ្វើឲ្យលំហូរទឹកផ្លាស់ប្ដូរទៅទិសផ្សេង។ ជាពិសេស ជួយបញ្ចៀសកុំឲ្យវាហូរចូលផ្ទះបានងាយ។

២ បន្ទះឈើ ឬកម្រាលឈើ

ដូចគ្នាជាមួយបាវខ្សាច់បន្ទះឈើ ឬកម្រាលឈើគឺផ្លាស់ប្ដូរទិសដៅទឹកដែរ ហើយវាផ្តល់លទ្ធផលល្អជាងបាវខ្សាច់ ប៉ុន្តែត្រូវការពេលវេលាដើម្បីរៀបចំ និងដំឡើង។ ប៉ុន្តែវាមានអត្ថប្រយោជន៍ក្នុងការដំឡើង និងដកចេញបានយ៉ាងលឿន ដោយមនុស្សតែម្នាក់ប៉ុណ្ណោះ។

៣ ធ្វើទំនប់ជុំវិញផ្ទះ

វិធីសាស្រ្តនេះ អាចទាមទារការវិនិយោគនិងការរៀបចំរយៈពេលយូរជាមុន ដែលទំនប់នេះ ត្រូវតែពង្រឹងបេតុងតែប៉ុណ្ណោះ។ ជញ្ជាំងកំបោរ ឬជញ្ជាំងធម្មតាមិនទប់ទឹកបានទេ។

៤ កែលម្អតំបន់ជុំវិញផ្ទះ

សង់របាំងនិងជីកអណ្ដូងដើម្បីទប់ទឹក។ បន្ទាប់មកប្រើម៉ាស៊ីនបូមទឹក ដើម្បីបូមទឹកទាំងអស់នៅខាងក្រៅ ប្រសិនបើទឹកហូរចូលទៅក្នុងផ្ទះលឿន។ ជាពិសេសការធ្វើបែបនេះ ដើម្បីគ្របដណ្ដប់មាត់បំពង់ទៅគែមនៃស្នប់ ដើម្បីឲ្យខ្ពស់ជាងនេះ និងដំឡើងម៉ាស៊ីនបូមទឹក ជួយបូមទឹកចេញ ហើយការពារការជន់លិចផ្ទះបានមួយកម្រិត។

ជារួម ទឹកជំនន់ហូរចូលផ្ទះក្នុងពេលភ្លៀងបែបនេះ គឺមិនមែនជារឿងស្រួលទេ។ យើងត្រូវប្រឈមនឹងការខូចខាតទ្រព្យសម្បត្តិ និងរបស់សំខាន់ៗជាច្រើន។ ដូច្នេះ វិធីដ៏ល្អ គឺត្រូវទប់ទល់ និងការពារមុន គឺប្រសើរបំផុត៕

ប្រែសម្រួល៖ សាង ស្រីល័ក្ខ

ចុចអាន៖សញ្ញាទាំង ៥ បង្ហាញថា រុក្ខជាតិត្រូវការទឹកហើយ!

ចុចអាន៖ទម្លាយអាថ៌កំបាំងជនជាតិ ជប៉ុន ពីវិធីរក្សាបន្លែទុកបានរាប់ខែ និងនៅតែឆ្ងាញ់

The post ៤ វិធី ការពារទឹកហូរចូលផ្ទះ ក្នុងរដូវវស្សានេះ appeared first on Kampuchea Thmey Daily.