សុខភាព

អត្ថប្រយោជន៍ ៥ យ៉ាង របស់ផ្លែប៉ោម យើងភាគច្រើនមិនសូវដឹង

បានផុស

៤ ខែ មុន

នៅ

ថ្ងៃព្រហស្បតិ៍ ៥ ឧសភា ២០២២

ដោយ

« An apple a day keeps the doctor away » មានន័យថា ញ៉ាំផ្លែប៉ោមមួយថ្ងៃមួយផ្លែ ជួយឲ្យសុខភាពល្អ មិនចាំបាច់ជួបពេទ្យ។ ធ្លាប់ឮឃ្លានេះ ជាភាសាអង់គ្លេស ពីផ្លែប៉ោមអត់?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ផ្លែប៉ោមល្បីក្នុងការថែរក្សាសុខភាព ព្រមទាំងរសជាតិដំណើរគ្នា។ វាមានដល់ទៅ ៧៥០០ពូជឯណោះ ប៉ុន្តែយើងបានញ៉ាំតែប៉ុន្មានប្រភេទ ដែលមាននៅក្នុងទីផ្សារទេ ទោះបីជាយ៉ាងណា ឲ្យតែវាជាផ្លែប៉ោមគឺល្អសម្រាប់សុខភាពហើយ។

ខាងក្រោមនេះ ជាអត្ថប្រយោជន៍របស់ផ្លែប៉ោម ដែលអ្នកបានដឹង ហើយនិងមិនបានដឹង៖

១. មានសារធាតិចិញ្ចឹមខ្ពស់ ផ្លែប៉ោមដែលមានទំហំមួយខាំផ្ទុកសារធាតុចិញ្ចឹមដូចជា៖

-ថាមពល ៥២កាឡូរី

-ទឹក ៨៦ភាគរយ

-ប្រូតេអ៊ីន ០.៣ ក្រាម

-កាបូអ៊ីដ្រាត ១៣.៨ ក្រាម

-ស្ករ ១០.៤ ក្រាម

-ជាតិកាកសរសៃ ២.៤ក្រាម

-ខ្លាញ់ ០.២ ក្រាម។

២.ជួយសម្រកទម្ងន់បាន

ការស្រាវជ្រាវមួយបានបញ្ចាក់ថា ផ្លែប៉ោម អាចជួយសម្រកទម្ងន់បាន ដោយការផ្ដល់ថាមពលទាប ហើយមានកាកសរសៃខ្ពស់ ជាជំនួយក្នុងការរំលាយអាហារ និងបញ្ចេញជាតិពុល។

៣.ល្អសម្រាប់បេះដូង

លើសពីនេះទៀត ប៉ោមអាចជួយកាត់បន្ថយកូលេស្តេរ៉ុល កាត់បន្ថយសំពាធឈាម និងការពារជំងឺគាំងបេះដូងបានយ៉ាងពិសេស។ ពូជប៉ោមហ្គាឡាជាពូជមួយ ដែលមានឥទ្ធិពលបំប៉នសុខភាពបេះដូង បានយ៉ាងមានប្រសិទ្ធិភាព។

៤.ការពារខួរក្បាល

យើងបានដឹងហើយថា សំបកផ្លែប៉ោម អាចប្រឆាំងអុកស៊ីតកម្មបានល្អបំផុតសម្រាប់ខួរក្បាល។ វាជួយឲ្យការចងចាំបានល្អ ការពារជំងឺដាច់សរសៃឈាមខួរក្បាលបានទៀតផង។

៥.ប្រឆាំងជំងឺហឺត

ផ្លែប៉ោមហាក់មានឥទ្ធិពលប្រឆាំងនឹងជំងឺហឺតខ្លាំងជាងអាហារផ្សេងទៀត។ មកពីកម្រិតខ្ពស់នៃសារធាតុប្រឆាំងអុកស៊ីតកម្មរបស់ពួកគេ ដែលមានអត្ថប្រយោជន៍ប្រឆាំងនឹងការរលាក។ ប៉ោម១០០ក្រាម មានផ្ទុកសារធាតុប្រឆាំងអុកស៊ីតកម្មច្រើនជាងផ្លែក្រូចបីដង និងផ្លែចេក៨ដង។

ទោះជាល្អយ៉ាងណាក៏ដោយ ក៏យើងមិនគួរបរិភោគវាច្រើនពេកដែរ។ ការសិក្សាមួយបានបង្ហាញថា ប៉ោមអាចបំផ្លាញធ្មេញរបស់អ្នកខ្លាំងជាងភេសជ្ជៈមានហ្គាសដល់ទៅបួនដង។ ដូច្នេះហើយ យើងនៅតែអាចនិយាយបានថាប៉ោមជាផ្លែឈើសម្រាប់សុខភាព គ្រាន់តែកុំទទួលទានច្រើនពេកទៅបានហើយ៕

ប្រែសម្រួល៖ ស្រីខួច

ចុចអាន៖ផ្លែសារី មិនត្រឹមផ្អែមឆ្ងាញ់ តែអត្ថប្រយោជន៍ ចំពោះសុខភាពវិញ ពិតជានឹកស្មានមិនដល់

ចុចអាន៖អត្ថប្រយោជន៍ ៦ យ៉ាង ពីដំណាប់ល្ហុង គ្រប់គ្នាតែងមើលរំលង