លោកស្រី ឈី វ៉ា អភិបាលខេត្តកោះកុង បានឱ្យដឹងនៅថ្ងៃទី២០ ខែឧសភា ឆ្នាំ២០២៦ថា ប្រជាពលរដ្ឋ និងអ្នកទេសចរ នឹង ទទួលបានសុវត្ថិភាពខ្ពស់រាល់ការធ្វើដំណើរទៅមកពេលយប់ តាមរយៈការបំពាក់អំពូលភ្លើងសូឡានេះ លោកស្រីអភិបាលខេត្ត ក៏សូមអំពាវនាវដល់ពលរដ្ឋដែលធើ្វដំណើរទាំងអស់ សូមចូលរួមគោរពច្បាប់ចរាចរណ៍ឱ្យបានគ្រប់ៗ កុំបោះចោលសំរាម កុំបើកបរហួសល្បឿនកំណត់ ដើម្បីកាត់បន្ថយគ្រោះថ្នាក់ចរាចរណ៍ និងរក្សាបានអនាម័យបរិស្ថានល្អ។

លោកស្រី ឈី វ៉ា អភិបាលនៃគណៈអភិបាលខេត្តកោះកុង

លោកស្រីអភិបាលខេត្ត ក៏រំលេចដែរថា ការតម្លើងអំពូសូឡាសងខាងផ្លូវជាតិលេខ៤៨នេះជាគម្រោងផ្តួចផ្ដើមរបស់រដ្ឋបាលខេត្តកោះកុង ក្រោមការណែនាំរបស់សម្តេចពិជ័យសេនា ទៀ បាញ់ ប្រធានក្រុមការងារគណបក្សបជាជនកម្ពុជាចុះមូលដ្ឋានខេត្ត ក្នុងគោលបំណងដើម្បីកោះកុងកាន់តែមានសុវត្ថិភាពធ្វើដំណើររបស់ពលរដ្ឋ អ្នកទេសចរ និងលើកកម្ពស់សោភ័ណភាពស្រស់បំព្រងពេលយប់បន្ថែម។

ស្របពេលគ្នានេះ ប្រជាពលរដ្ឋបានគាំទ្រចំពោះរដ្ឋបាលខេត្តដែលមានយកចិត្តទុកដាក់តម្លើងអំពូលសូឡានេះឡើងតាមដងផ្លូវជាតិលេខ៤៨ ព្រោះវាជួយលើកកម្ពស់សោភ័ណ្ឌភាពទីក្រុងបន្ថែមទៀត ពិសេសការផ្តល់សុវត្ថិភាពដល់អ្នកទេសចរ និងពលរដ្ឋងាយស្រួលចរាចរណ៍ពេលយប់។

ប្រជាពលរដ្ឋ ឯកភាពចំពោះសំណើបើកបរកុំហួសល្បឿនកំណត់ កុំដឹកលើសទម្ងន់កំណត់ គ្រាពេលយប់ជ្រៅ មានស្ថានភាពផ្លូវងងឹត បត់បែន និងឡើងចុះចំណោត ដែលងាយបង្កគ្រោះថ្នាក់ចរាចរណ៍ជាយថាហេតុ ដូច្នេះការដាក់តម្លើងអំពូលមានសារៈសំខាន់ខ្លាំង៕អត្តបទៈសិរិវឌ្ឍនៈ

The post ពលរដ្ឋនិងភ្ញៀវទេសចរ ធើ្វដំណើរពេលយប់តាមផ្លូវជាតិលេខ៤៨ កាន់តែមានសុវត្ថិភាព ក្រោយអាជ្ញាធរ តម្លើងបង្គោលអំពូលសូឡាតាមផ្លូវ appeared first on Kampuchea Thmey Daily.

គួររំលឹកថា គណ:បញ្ជាការឯកភាពរដ្ឋបាលខេត្ត បានបន្តផ្សព្វផ្សាយ ខ្លឹមសារអនុក្រឹត្យលេខ០៣  នាថ្ងៃទី២៧ ខែមករា ឆ្នាំ២០២៦ ដើម្បីឲ្យបានជ្រួតជ្រាបដល់សាធារណជន ជាពិសេសម្ចាស់ទីតាំងដែលមានជនបរទេសស្នាក់នៅប្រមូលផ្តុំ ។  សមត្ថកិច្ចយើង បានប្រតិបត្តិការជាបន្តបន្ទាប់ ទទូលបានលទ្ធផលគួរឲ្យកត់សំគាល់។

ជាក់ស្តែង ការចុះប្រតិបត្តិការថ្មីៗនេះ  សមត្ថកិច្ចបានរកឃើញជនបរទេសចំនួន១០៤នាក់ ស្រី១៦នាក់ ស្មើនឹង៧សញ្ជាតិ ដោយពួកគេត្រូវបានចាត់បញ្ចូនចេញទៅអគ្គនាយកដ្ឋានអន្ដោប្រវេសន៍ ដើម្បីបណ្តេញចេញអោយទៅប្រទេសកំណើតវិញតាមនីតិវិធីច្បាប់។

លោកជំទាវ ឈី វ៉ា អភិបាលនៃគណៈអភិបាលខេត្តកោះកុង បានឱ្យដឹងថា ក្រុមជនបរទេសដែលត្រួតពិនិត្យរកឃើញថាគ្មានឯកសារត្រឹមត្រូវច្បាស់លាស់  គឺមាននៅតាមទីតាំងប្រមូលផ្តុំសំខាន់ៗក្នុងភូមិសាស្រ្តខេត្ត និងតាមប៉ុស្តិ៍ត្រួតពិនិត្យលំហូជនបរទេសលើដងផ្លូវជាតិលេខ៤៨។

លោកជំទាវអភិបាលខេត្ត បានអះអាងដែរថា ការអនុវត្តវិធានការរដ្ឋបាលខេត្ត ធ្វើឡើងតាមអនុក្រឹត្យលេខ០៣ ដើម្បីការពារថែរក្សាសន្តិសុខសណ្តាប់ធ្នាប់ជូនប្រជាពលរដ្ឋ និងអ្នកវិនិយោគទុន តាមបទបញ្ជាយ៉ាងម៉ឺងម៉ាត់បំផុតរបស់រាជរដ្ឋាភិបាលកម្ពុជាបានដាក់ចេញអោយអនុវត្តព្រមគ្នា។

លោកឧត្ដមសេនីយ៍ទោ គង់ មនោ ស្នងការនគរបាលខេត្តកោះកុង បង្ហាញថា ជនបរទេសទាំង១០៤នាក់ ខាងលើមានទី១-ជនជាតិចិន ៦១ នាក់ ស្រី ៣នាក់ ទី២-ឡាវ១ នាក់/ស្រី ទី៣-ថៃ ១នាក់/ប្រុស ទី៤-ម៉ាឡេស៊ី ១ នាក់ប្រុស ទី៥-ជប៉ុន ១ នាក់ប្រុស ទី៦-ចិនតៃវ៉ាន់ ១នាក់ប្រុស ទី៧-ឥណ្ឌូនេស៊ី ៣៨ នាក់ ស្រី ១២ នាក់។

លោកស្នងការនគរបាលខេត្ត បានបន្ថែមថា កម្លាំងនគរបាលខេត្ត និងកម្លាំងកងរាជអាវុធហត្ថខេត្ត បានសហការគ្នាយ៉ាងល្អប្រសើរលើចំណាត់ការរដ្ឋបាល និងបង្រ្កាបក្រុមជនសង្ស័យដែលជាបរទេសទាំងនេះកន្លងទៅ៕

អត្ថបទ ៖ សិរីវឌ្ឍន:

The post អាជ្ញាធរខេត្តកោះកុង ចាត់បញ្ជូនជនបរទេសចំនួន១០៤នាក់ខុសច្បាប់ទៅស្រុកកំណើតវិញ appeared first on Kampuchea Thmey Daily.

ក្ដីកោតសរសើរនេះ គឺបានធ្វើឡើងក្នុងពេលដែលលោក ម៉ុង ឬទ្ធី ប្រធានក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជើញជួបជាមួយថ្នាក់ដឹកនាំខេត្តកោះកុង និងឈ្វេងយល់ពីសភាពការណ៍ថ្មីតាមខ្សែបន្ទាត់ព្រំដែន ខណៈមានភាពស្ងប់ស្ងាត់ល្អ ដែលបម្រើដល់កិច្ចការរក្សាសណ្តាប់ធ្នាប់ និងជីវភាពរស់នៅរបស់ប្រជាពលរដ្ឋ។

លោក ម៉ុង ឬទ្ធី បានបន្តថា ខេត្តកោះកុង ជាខេត្តមួយក្នុងចំណោមខេត្តដទៃទៀតដែលជាប់នឹងព្រំដែនថៃ ប៉ុន្តែខេត្តនេះមានភ័ព្វសំណាងពុំមានការផ្ទុះអាវុធជាមួយភាគីថៃនោះទេ ពោលគឺប្រឹងប្រែងរក្សាសភាពការណ៍បានល្អប្រសើរ។ ដូច្នេះលោក ជំរុញដល់អាជ្ញាធរខេត្ត ជាពិសេសកងទ័ពជួរមុខត្រូវបង្កើនការប្រុងប្រយ័ត្នខ្ពស់ និងត្រៀមគ្រប់វិធានការរដ្ឋបាល ព្រោះថា ខ្មាំងសត្រូវនៅតែចិញ្ចឹមចិត្តបង្កជម្លោះឈ្លានពានតាមខ្សែបន្ទាត់ព្រំដែនជាមួយកម្ពុជាគ្រប់រូបភាព។

ទនឹ្ទមនោះដែរ លោក ម៉ុង ឬទ្ធី ក៏សូមថ្លែងអំណអរគុណដល់ប្រជាជន ដែលសាមគ្គីភាពឧបត្ថម្ភគាំទ្រជាស្បៀងអាហារ ថវិកា និងសម្ភារៈផ្សេងៗផ្តល់ជូនជនភៀសសឹក និងវីរកងទ័ពជួរមុខដែលកំពុងការពារអធិបតេយ្យភាពដែនដីដោយឥតរុញរាលជាមួយយោធាថៃ។

លោកស្រី ឈី វ៉ា អភិបាលខេត្តកោះកុង បានលើកឡើងថា អំឡុងផ្ទុះអាវុធជាមួយភាគីថៃនៅភាគឧត្តរនៃប្រទេសកម្ពុជា កាលពីថ្ងៃទី២៤ ខែកក្កដា ខេត្តកោះកុង គឺមិនមានការផ្ទុះអាវុធដាក់គ្នាជាមួយថៃនោះទេ ពោលគឺគ្រាន់តែមានសភាពតានតឹងចំពោះមុខខ្លះប៉ុណ្ណោះ។

បើតាមលោកស្រីអភិបាលខេត្ត រដ្ឋបាលខេត្តក្រុងស្រុក ត្រៀមគ្រប់យន្តការចំពោះជម្លៀសប្រជាពលរដ្ឋ រក្សាសណ្តាប់ធ្នាប់ និងបានផ្សព្វផ្សាយព័ត៌មានអំពីសភាពការណ៍ក្នុងខេត្តទៅកាន់មហាជន និងប្រជាពលរដ្ឋ ដើម្បីជ្រាបជាដំណឹងគ្រប់ពេលវេលាអំពីស្ថានភាពវឌ្ឍន៍ថ្មីៗក្នុងខេត្ត កុំមានការព្រួយបារម្ភ និងរងចាំស្តាប់ព័ត៌មានពិតប្រាកដពីអាជ្ញាធរ។

គួរជម្រាបថា ស្ថានភាពក្នុងខេត្តបច្ចុប្បន្ន មានភាពស្ងប់ស្ងាត់ជាប្រក្រតីល្អប្រសើរ ដោយមន្រ្តីរាជការ ពលរដ្ឋ និងអាជីវករ ធ្វើការប្រកបអាជីវកម្មជាធម្មតា។ រីឯកងទ័ពជួរមុខនៅតែបន្តឈរជើងប្រចាំតាមគោលដៅនីមួយៗ ដើម្បីត្រៀមតទប់នឹងខ្មាំងសត្រូវ ករណីហ៊ានឈ្លានពានមកលើទឹកដីកម្ពុជា៕

(អត្តបទៈសិរីវឌ្ឍនៈ)

The post សមាជិកព្រឹទ្ធសភាកោតសរសើរវីរភាពអង់អាចរបស់កម្លាំងជួរមុខនៅខេត្តកោះកុង appeared first on Kampuchea Thmey Daily.

លោកស្រី មិថុនា ភូថង ដែលទទួលបាននូវការតែងតាំងជាអភិបាលខេត្តកោះកុង កាលពីខែមិថុនា ឆ្នាំ២០១៧ សម្រាប់អាណត្តិទី១ និងបន្តសម្រាប់អាណត្តិទី២ កាលពីខែកុម្ភៈ ឆ្នាំ២០២១ ត្រូវចប់អាណត្តិរបស់ខ្លួនក្នុងខែសីហា ឆ្នាំ២០២៥។ តាមច្បាប់ស្ដីពីការគ្រប់គ្រងរដ្ឋបាលរាជធានីខេត្តក្រុង​ស្រុកខណ្ឌ គឺអភិបាល និងអភិបាលរងទាំងអស់មានអាណត្តិការងារមិនលើសពី៤ឆ្នាំ ក៏ប៉ុន្តែអាចត្រូវបានតែងតាំងបន្ថែម៤ឆ្នាំទៀតសម្រាប់អាណត្តិទី២ របស់ខ្លួនក្នុងដែនសមត្ថកិច្ចដដែល។ ដូច្នេះការផ្លាស់ប្ដូរតំណែងអភិបាលខេត្តរបស់លោកស្រី មិថុនា ភូថង គឺស្របតាមច្បាប់កំណត់។

បើទោះជាត្រូវចប់តួនាទីនៅរដ្ឋបាលថ្នាក់ក្រោមជាតិនេះក៏ពិតមែន ក៏ប៉ុន្តែលោកស្រី មិថុនា ភូថង ក៏ត្រូវបានតែងតាំងនូវតួនាទីថ្មី ជារដ្ឋលេខាធិការនៃក្រសួងកិច្ចការនារី ដែលជាមុខតំណែងនយោបាយនៅរដ្ឋបាលថ្នាក់ជាតិ។

លោកស្រី មិថុនា ភូ​ថង បាន​ក្លាយជា​អភិបាលខេត្ត​ស្ត្រី​ដំបូង​បំផុត​ក្នុង​ប្រវត្តិសាស្ត្រ​របស់​កម្ពុជា ដោយ​លោកស្រី​ត្រូវបាន​ព្រះមហាក្សត្រនៃកម្ពុជា ដំឡើង​តំណែង​ពី​អភិបាលរងខេត្ត មកជំនួសតំណែងរបស់​លោក ប៊ុន លើ​ត ជាអភិបាលខេត្តកោះកុង។

និយាយដល់ឈ្មោះលោក ប៊ុន លើត គឺជាអតីតអភិបាលខេត្តកោះកុងមួយរូប ដែលបានកាន់តំណែងនេះពីឆ្នាំ២០០៩ ដល់ឆ្នាំ២០១៧ ពោលគឺរយៈពេលពីរអាណត្តិ ៨ឆ្នាំដូចគ្នានឹងលោកស្រី មិថុនា ភូថង។ ក្រោយចប់អាណត្តិការងារនេះ លោក ប៊ុន លើត ត្រូវបានព្រះមហាក្សត្រត្រាស់បង្គាប់តែងតាំងជារដ្ឋលេខាធិការក្រសួងការពារជាតិ រហូតដល់បច្ចុប្បន្ននេះ ដែលមានឋានន្តរសក្តិនាយឧត្តមសេនីយ៍។

ក្រៅពីអតីតអភិបាលខេត្តកោះកុងទាំងពីរខាងលើ ក៏មានលោក យុទ្ធ ភូថង ម្នាក់ទៀតក្រោយបញ្ចប់មុខងារជាអភិបាលខេត្តកោះកុង ក៏ត្រូវបានទទួលការតែងតាំង ហើយបច្ចុប្បន្នកំពុងកាន់តួនាទីរដ្ឋលេខាធិការនៃក្រសួងកសិកម្ម រុក្ខាប្រមាញ់ និងនេសាទ ផងដែរ។ លោក យុទ្ធ ភូថង កាន់ជាអភិបាលខេត្តកោះកុង ពីឆ្នាំ១៩៩៨ ដល់ឆ្នាំ២០០៩ បន្ទាប់ពីអភិបាលខេត្តដំបូងគេ រាប់ក្រោយឆ្នាំ១៩៧៩ គឺលោក រុង ផ្លាមកេសន។

លោក យុទ្ធ ​ភូ​ថង និងលោកស្រី មិថុនា ភូថង ត្រូវជាឪពុកកូននឹងគ្នា ហើយលោក គឺជាកូនប្រុសរបស់លោកព្រឹទ្ធាចារ្យ សាយ ភូថង  ដែលជា​អតីត​អនុប្រធាន​ក្រុមប្រឹក្សារដ្ឋ និង​សមាជិក​គណៈអចិន្ត្រៃយ៍​គ​ណ​បក្ស​ប្រជាជន​កម្ពុជា ប៉ុន្តែលោកព្រឹទ្ធាចារ្យ​បានទទួល​មរណភាពទៅហើយ៕

ដោយ៖ ធឿន វ៉ាន់សុង

The post ក្រោយចប់អាណត្តិ អតីតអភិបាលខេត្តកោះកុង៣រូប ទទួលបានតួនាទីជារដ្ឋលេខាធិការ appeared first on Kampuchea Thmey Daily.

ពីវេទិកាអធិបតីនៃពិធីប្រកាសចូលកាន់មុខតំណែងលោកស្រី ឈី វ៉ា ជាអភិបាលខេត្តកោះកុងថ្មី ជំនួសលោកស្រី មិថុនា ភូថង កាលពីព្រឹកថ្ងៃទី៣ ខែកញ្ញា ឆ្នាំ២០២៥ លោកឧបនាយករដ្ឋមន្ត្រី ស សុខា បានបន្តសង្កត់ធ្ងន់ពីសារសំខាន់នៃកិច្ចការពារសុខសន្តិភាព ទន្ទឹមគ្នានឹងការផ្តល់សេវាសាធារណៈជូនប្រជាពលរដ្ឋ ស្របតាមទស្សនៈធ្វើអ្វីគ្រប់បែបយ៉ាង ដើម្បីផ្តល់ភាពកក់ក្តៅជូនប្រជាពលរដ្ឋ។

បើតាមលោកឧបនាយករដ្ឋមន្រ្តី រដ្ឋបាលថ្នាក់ក្រោមជាតិ ក៏មិនខុសគ្នាពីថ្នាក់ជាតិដែរ គឺមានបន្ទាត់គោលនយោបាយមួយដ៏ជាក់លាក់របស់រាជរដ្ឋាភិបាលក្រោមការដឹកនាំរបស់សម្ដេចធិបតី ហ៊ុន ម៉ាណែត គឺអនុវត្តតាមយុទ្ធសាស្ត្របញ្ចកោណ។ ស្របតាមយុទ្ធសាស្ត្រនេះ លោក ស សុខា បានរំលឹកពីភាពចាំបាច់នៃការផ្តល់សេវាសាធារណៈជូនពលរដ្ឋ ពិសេសនៅថ្នាក់ក្រោមជាតិ ដែលរាជរដ្ឋាភិបាលបានផ្ទេរសិទ្ធិអំណាច តួនាទី ភារកិច្ច និងមុខងារជាច្រើន ដើម្បីមានលទ្ធភាពកាន់តែច្រើនក្នុងការផ្តល់សេវាតាមតម្រូវការរបស់ពលរដ្ឋនៅមូលដ្ឋាន។

លោករដ្ឋមន្ត្រីមហាផ្ទៃ បានគូសបញ្ជាក់ថា កិច្ចការដ៏មានសារៈសំខាន់នេះ ត្រូវការជាចាំបាច់នូវកាដឹកនាំប្រកបដោយគុណភាព និងការខិតខំអនុវត្តឱ្យបានសកម្ម ពិសេសការតាមដានត្រួតពិនិត្យ និងវាយតម្លៃនូវរាល់កិច្ចការ ដែលថ្នាក់ខេត្តទទួលខុសត្រូវទាំងចំពោះប្រជាពលរដ្ឋ និងរាជរដ្ឋាភិបាល។ ក្នុងន័យនេះ លោក សង្ឃឹមជឿជាក់ថា លោកស្រី ឈី វ៉ា នឹងខិតខំបន្តទទួលខុសត្រូវលើការងារដឹកនាំក្នុងកិច្ចការបម្រើប្រជាពលរដ្ឋឱ្យបានកាន់តែល្អប្រសើរ។

អភិបាលរងខេត្ត លោកស្រី ឈី វ៉ា ត្រូវបានតែងតាំងជាអភិបាលខេត្តកោះកុងថ្មី ជំនួសលោកស្រី មិថុនា ភូថង ដែលត្រូវបានតែងតាំងតួនាទីថ្មី ជារដ្ឋលេខាធិការក្រសួងកិច្ចការនារី។ លោកស្រី ឈី វ៉ា បានស្នើសុំដល់ថ្នាក់ដឹកនាំចំណុះរដ្ឋបាលខេត្ត និងប្រជាពលរដ្ឋបន្តផ្តល់ការគាំទ្រចូលរួមជាមួយលោកស្រី ដើម្បីរួមគ្នាសម្រេចបាននូវវឌ្ឍនភាពបន្ថែមទៀតជូនខេត្តកោះកុង៕

The post បម្រើពលរដ្ឋឱ្យបានល្អ ជាសាររដ្ឋមន្ត្រីមហាផ្ទៃ ដាក់ក្ដីសង្ឃឹមលើអភិបាលខេត្តកោះកុងថ្មី appeared first on Kampuchea Thmey Daily.

លោកស្រី ស៊ឹម សុជា អនុប្រធាមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកោះកុង បានប្រាប់កម្ពុជាថ្មីថា ការផ្តល់ជាកន្លែងស្នាក់នៅដោយគិតថ្លៃជូនដល់បេក្ខជន និងអាណាព្យាបាលសិស្សានុសិស្សនេះ ដើម្បីសម្រួលការចំណាយនានាអំឡុងពេលដំណើរការប្រឡងរយៈពេល២ថ្ងៃ ចាប់ពីថ្ងៃទី២៨ ដល់២៩ សីហា។ លោកស្រីបញ្ជាក់ថា៖« ឆ្នាំនេះជាឆ្នាំដំបូងហើយដែលមន្ទីរអប់រំ សហការជាមួយរដ្ឋបាលខេត្តកោះកុង ផ្តល់ជាកន្លែងស្នាក់នៅសម្រាប់បេក្ខជនប្រឡង និងអាណាព្យាបាលរបស់ពួកគេ តបនឹងការជូនដំណឹងរបស់លោកស្រី មិថុនា ភូថង (អតីតភិបាលខេត្តកោះកុង)។

លោកស្រីអនុប្រធានមន្ទីរសង្គមកិច្ច ក៏អំពាវនាវដល់អាណាព្យាបាល និងបេក្ខជនប្រឡងក្រីក្រ ខ្វះខាតដែលមានបំណងចង់មកស្នាក់នៅសូមអញ្ជើញទាក់ទងតាមរយៈលេខទូរស័ព្ទ 088 96 48 999/096 95 66 693  ដើម្បីទទួលបានកន្លែងស្នាកនៅទាន់ពេលវេលា។

លោក សេង ធី ជាអាណាព្យាបាល របស់បេក្ខជនត្រៀមប្រឡង ឈ្មោះ ផេង ភិរុន មកពីស្រុកស្រែអំបិល ថ្លែងថា ការផ្តល់កន្លែងស្នាក់នៅនេះ ជាការរួមចំណែកមួយកាត់បន្ថយការចំណាយបានច្រើនអំឡុងពេលមកប្រឡងនៅទីរួមខេត្ត កោះកុង។ ជាមួយគ្នានេះ លោកសូមអរគុណច្រើនដល់រដ្ឋបាលខេត្ត និងមន្ទីរសង្គមកិច្ចដែលបានយកចិត្តទុកដាក់ពីសុខទុក្ខរបស់ពលរដ្ឋ ជាពិសេសបេក្ខជនប្រឡងមកពីបណ្តាស្រុកដទៃទៀត។

ក្នុងនាមអាណាព្យាបាលដែលជូនកូនមកប្រឡង បានលើកឡើងថា៖« អរគុណអាជ្ញាធរដែលបានជួយសម្របសម្រួល ណាមួយដោយសារផ្ទះសំណាក់ មានការកក់ស្នាក់នៅពេញស្ទើរគ្រប់កន្លែងទើបពួកគាត់មកសុំកន្លែងស្នាក់នៅក្នុងមន្ទីរសង្គមកិច្ចតែម្តង៕

អត្ថបទ៖ សិរីវឌ្ឍនៈ

The post រដ្ឋបាលខេត្តកោះកុង រៀបចំកន្លែងស្នាក់នៅឥតគិតថ្លៃជូនបេក្ខជនប្រឡងបាក់ឌុប ដែលខ្វះខាត appeared first on Kampuchea Thmey Daily.

ការជំរុញនេះ គឺដោយសារ វដ្ដជំងឺគ្រុនឈាម ក្នុងឆ្នាំ២០២៥ ត្រូវកើនឡើង ដែលទាមទារឱ្យប្រតិបត្តិការអន្តរាគមន៍បន្ទាន់ និងជាបន្តបន្ទាប់ ក្នុងរដូវវស្សានេះ នូវរាល់វិធានការគ្រប់គ្រងស្ថានភាពជំងឺគ្រុនឈាម រួមទាំងបុរេសកម្មក្នុងផែនការត្រៀមលក្ខណៈ គ្រប់មធ្យោបាយឆ្លើយតប និងតាមដានស្ថានភាពជំងឺគ្រុនឈាម។ ព្រមទាំងប្រភពបង្កមូសឈានទៅគ្រប់គ្រង បានទាន់ពេលដោយប្រសិទ្ធភាព ក្នុងការបង្ការការរាតត្បាតសាយភាយធំធេងនៅតាមភូមិសាស្ត្រ ភូមិ ឃុំ ឬសង្កាត់ ស្រុក ខណ្ឌ ក្នុងរាជធានី ខេត្តនីមួយៗ។ នេះបើយោងតាមសេក្តីជូនដំណឹង របស់រដ្ឋបាលខេត្ត ចុះថ្ងៃទី០១ ខែសីហា ឆ្នាំ២០២៥។

តាមរយៈលិខិតដដែលនេះ រដ្ឋបាលខេត្តកោះកុង បានណែនាំឱ្យអនុវត្តពិសេសក្នុងតំបន់ដែលមានហានិភ័យខ្ពស់ដោយត្រូវត្រៀមការបាញ់ថ្នាំកម្ចាត់មូសខ្លា ធ្វើយុទ្ធនាការដាក់ថ្នាំអាបែត និងការអប់រំផ្សព្វផ្សាយ សារអប់រំសុខភាពដល់ប្រជាជន ដោយត្រៀមលក្ខណៈជាមុនឱ្យបានគ្រប់ជ្រុងជ្រោយ នូវវិធានការដូចជា ការផ្សព្វផ្សាយសារអប់រំសុខភាព និងលើកទឹកចិត្តប្រជាជន បញ្ចូនអ្នកជំងឺគ្រុនក្តៅខ្លាំងភ្លាមៗ ទៅទទួលសេវាសាធារណៈដែលនៅជិតបំផុតមិនលើសពី ៤៨ម៉ោង ពិសេសកុមារតូចៗ ជនចាស់ជរា ឬ អ្នកមានជំងឺរួមផ្សំ។

បន្ថែមពីនេះ ត្រូវបុរេសកម្មក្នុងការងារតាមដានភ្នាក់ងារចម្លង ដោយអនុវត្តចាំបាច់គោលការណ៍គ្រប់គ្រងដល់ ភ្នាក់ងារចម្លងដើម្បីកាត់បន្ថយប្រភពកកើតសត្វមូស ដូចជា សំបកកង់ឡាន ម៉ូតូ កំប៉ុង ចានបាយសម្លរជ័រ ត្រឡោកដូង សំបកដប ដោយត្រូវកប់ ដុត កំទេចចោល ឬទុកដាក់ឱ្យ មានរបៀប ដើម្បីកុំឱ្យមានទឹកដក់ និងដាក់ថ្នាំអាបែតតាមភាជន៍ទឹកដែលប្រើប្រាស់ ឬបាញ់ ថ្នាំសម្លាប់មូស។

ក្នុងនោះ មន្ទីរសុខាភិបាល នៃរដ្ឋបាលខេត្ត ត្រូវពង្រីកការផ្សព្វផ្សាយឱ្យបានទូលំទូលាយបន្ថែមទៀត និងជាប្រចាំនូវកត្តាប្រឈមនឹងការស្លាប់ដោយសារជំងឺគ្រុនឈាមបណ្តាលមកពីអ្នកជំងឺចំណាយពេលវេលាទៅទិញថ្នាំព្យាបាលជំងឺដោយខ្លួនឯងយឺតយ៉ាវរហូតបង្កឱ្យជំងឺវិវត្តទៅជាធ្ងន់ធ្ងរខ្លាំងទើប ស្វែងរកសេវាធ្វើរោគវិនិច្ឆ័យ និងព្យាបាលត្រឹមត្រូវក្នុងសេវាសាធារណៈ ឬមន្ទីរពេទ្យរដ្ឋ។

ត្រូវធ្វើការបណ្តុះបណ្តាលបន្តដល់សេវាឯកជនដែលមិនទាន់មានសមត្ថភាពស្តីពីការងារ ធ្វើរោគវិនិច្ឆ័យ ព្យាបាល និងថែទាំជំងឺគ្រុនឈាម។ ជាពិសេសត្រូវមានផែនការចុះតាមដាន អភិបាលកិច្ច បង្កើត ឬដាក់វិធានការ និងលើកទឹកចិត្តដល់ សេវាឯកជន ដែលមិនទាន់មានសមត្ថភាពវិជ្ជាជីវៈអំពីការងារធ្វើរោគវិនិច្ឆ័យ ព្យាបាលជំងឺ ថែទាំជំងឺគ្រុនឈាមឱ្យបញ្ជូនអ្នកជំងឺគ្រុនឈាមទៅទទួលសេវាសាធារណៈ។ ព្រមទាំងដាក់ផែនការបណ្តុះបណ្តាលបង្កើនចំនួនគ្រូបង្គោល និងពង្រីកការបណ្តុះបណ្តាលសមត្ថភាព បន្តទៅគ្រប់គ្រូពេទ្យសេវាសាធារណៈស្តីពីការងារធ្វើរោគវិនិច្ឆ័យព្យាបាល និងថែទាំជំងឺគ្រុនឈាមរួមទាំងលទ្ធភាពផ្គត់ផ្គង់សម្ភារៈធ្វើរោគវិនិច្ឆ័យដូចជា តើស្ករហ័សសំណាកឈាមសម្រាប់វីរុសសាស្ត្រ។

លើសពីនេះ ត្រូវបញ្ជ្រៀបសារ អំពីវិធានការបង្ការ និងគ្រប់គ្រងជំងឺគ្រុនឈាម តាមរយៈក្រុមការងារនានា ពិសេសលុបបំបាត់ជំងឺគ្រុនចាញ់ និងកៀរគរការគាំទ្រ និងចូលរួមពីគ្រប់ដៃគូរពាក់ព័ន្ធ។ រៀបចំក្រុមការងារចុះធ្វើការងារអប់រំសុខភាព សិក្សាបាណកសាស្ត្រ បាញ់ថ្នាំមូស ជួបជាមួយ គ្រួសារអ្នកស្លាប់ដោយសារជំងឺគ្រុនឈាម និងស្វែងយល់សិក្សាអំពី កត្តាហានិភ័យពាក់ព័ន្ធ ករណីស្លាប់ ព្រមទាំងរាយការណ៍ទៅកម្មវិធីជាតិ៕

The post រដ្ឋបាលខេត្តកោះកុង ជំរុញដល់អភិបាលក្រុង ស្រុក ពង្រឹងការគ្រប់គ្រងជំងឺគ្រុនឈាមនៅតាមភូមិសាស្ត្រនីមួយៗ appeared first on Kampuchea Thmey Daily.

លោក អន ដាវុធ ប្រធានមន្ទីរសាធារណការ និងដឹកជញ្ចូនខេត្តកោះកុង បានប្រាប់ឱ្យកម្ពុជាថ្មីដឹងនៅថ្ងៃទី២៥ ខែមករា ឆ្នាំ២០២៥ ថា ខេត្តកោះកុង នឹងមានភ័ព្វសំណាងមួយទៀត បន្ទាប់ពីគម្រោងលើកកម្ពស់គុណភាពផ្លូវជាតិលេខ៤៨ គឺស្ពានកោះកុងថ្មី។ ក្រុមអ្នកជំនាញការ កំពុងជីកខួងពិនិត្យសណ្ឋានដីនៅបាតក្រោមទឹកសមុទ្រ ដើម្បីវាយតម្លៃផ្នែកបច្ចេកទេស។

លោក អន ដាវុធ គូសបញ្ជាក់ថា នេះជាដំណាក់កាលសិក្សាបច្ចេកទេសដ៏សុក្រិត្យមួយ ដោយអនុវត្តរយៈពេល១ឆ្នាំ រួចហើយរចនាម៉ូតស្ពាន ដែលត្រូវកំណត់សម្រេចយកជារួមទាំងអស់។ ចំពោះពេលវេលាដំណើរសាងសង់ អាចថាដើមឆ្នាំ២០២៦ ឬឆ្នាំ២០២៧ឯណោះ។

លោកប្រធានមន្ទីរសាធារណការ និងដឹកជញ្ជូនខេត្តកោះកុង បង្ហាញថា ស្ពានកោះកុងថ្មី នឹងមានគន្លងផ្លូវ ២ទៅ២មក និងមានផ្លូវសម្រាប់ថ្មើរជើងទទឹងជាង២ម៉ែត្រ បម្រើការដល់សម្រួលចរាចរណ៍ធ្វើដំណើរ ឬដឹកជញ្ជូនទំនិញពាណិជ្ជកម្មបានលឿនឆាប់រហ័សប្រកបដោយសុវត្ថិភាព។

យ៉ាងណានោះ កំណាត់ផ្លូវជាតិលេខ៤៨ ដែលផ្តើមពីខាងលិចស្ពានកោះកុងឆ្ពោះទៅព្រំដែនអន្តរជាតិចាំយាមប្រវែងជិត១០គីឡូម៉ែត្រ ក៏នឹងត្រូវកសាងថ្មីប្រភេទកៅស៊ូ AC ហើយមានសួនច្បារកណ្តាលផ្លូវ។

គម្រោងសិក្សាកសាងស្ពានកោះកុងថ្មីនេះ ត្រូវបានលោក ជួន វស្សា ជាអ្នករត់ម៉ូតូឌុប និងអ្នកស្រី លន់ សុផល ជាអ្នកលក់ដូរនំ បានគាំទ្រ និងសប្បាយរីករាយយ៉ាងខ្លាំង ពេលដឹងថា នឹងមានគម្រោងថ្មីកើតឡើង។ បើតាមពលរដ្ឋ បន្តថា ស្ពានកោះកុង បច្ចុប្បន្ន តូចចង្អៀតមានគន្លងទៅមកតែ២ ងាយប្រឈមនឹងការកក់ស្ទះចរាចរណ៍ គ្រាស្ថានភាពចាស់ទ្រុឌទ្រោមបន្តិច រីឯការដឹកទំនិញធ្ងន់ៗក៏ច្រើន។

តំណាងពលរដ្ឋ ក៏សង្ឃឹមជឿជាក់ថា នៅពេលគម្រោងសាង់ស្ពានកោះកុងថ្មីអនុវត្តជាផ្លូវការមែននោះ ភាគរីកចម្រើនៅក្នុងខេត្តកាន់តែសំបូរសប្បាយអភិវឌ្ឍន៍ទៅអនាគតយ៉ាងឆាប់រហ័សបំផុត ខណៈខេត្តមានសក្តានុពលស្ទើរគ្រប់វិស័យទាំងអស់៕

អត្ថបទៈសិរីវឌ្ឍនៈ

The post ក្រុមអ្នកជំនាញបច្ចេកទេសកំពុងសិក្សាសង់ស្ពានកោះកុងថ្មីបន្ថែមមួយទៀត appeared first on Kampuchea Thmey Daily.