ការអំពាវនាវនេះ គឺបន្ទាប់ពីកាលពីថ្ងៃទី៣០ ខែមករា ឆ្នាំ២០២៦ វេលាម៉ោងប្រមាណ ១១យប់ មានករណីបាក់ស្រុតប្រាំងទន្លេ នៅចំណុចភូមិ ទី១៥ សង្កាត់កំពង់ចាម ក្រុងកំពង់ចាម ខេត្តកំពង់ចាម ដែលចំណុចបាក់ស្រុកនេះ បានបណ្តាលឱ្យមានការប៉ះពាល់ដូចជា ផ្នែកខាងលើ បាក់ស្រុតសំណង់ច្រាំង និងសំណង់សួនទាំងស្រុង រួមនឹងសំណង់ផ្លូវកៅស៊ូ មួយផ្នែកធំ ដែលមានបណ្តោយប្រវែងប្រមាណ ៧០ម៉ែត្រ។ រីឯផ្នែកខាងក្រោម បាក់ស្រុតសំណង់បេតុងទប់ច្រាំង បណ្តោយប្រវែងប្រមាណ ៧០ម៉ែត្រ ទទឹង ៣២ម៉ែត្រ ចូលទឹកទន្លេទាំងស្រុង។

ជាការវាយតម្លៃបឋម មូលហេតុនៃការបាក់ស្រុតច្រាំងទន្លេ ករណីខាងលើនេះ គឺបណ្ដាល មកពីទីតាំងនោះ ស្ថិតនៅខាងមុខអន្លង់ទឹកកួច ដែលមានជម្រៅចាប់ពី ១,២ ម៉ែត្រ ទៅ ៦ ម៉ែត្រ និង ម្យ៉ាងទៀត សំណង់ច្រាំងទន្លេត្រូវបានសាងសង់តាំងពីឆ្នាំ២០១២ ដែលមកដល់ពេលនេះបានតស៊ូការពារ ការបាក់ស្រុតច្រាំងទន្លេងជាង ១៤ឆ្នាំហើយ។

ជាការឆ្លើយតបនឹងករណីនេះ រដ្ឋបាលខេត្តកំពង់ចាម បានដាក់ចេញជាវីធានការ ២ចំណុចភ្លាមៗដូចខាងក្រោម ៖

១.រដ្ឋបាលខេត្ត បានប្រើប្រាស់កម្លាំងសមត្ថកិច្ចហាមឃាត់ការធ្វើចរាចរណ៍ និងធ្វើដំណើចេញចូល តំបន់បាក់ស្រុតច្រាំងទន្លេ ជាបណ្តោះអាសន្ន ដើម្បីការពារសុវត្ថិភាពដល់ប្រជាពលរដ្ឋទូទៅ។ ជាមួយគ្នានោះ អ្នកប្រកបរបររកស៊ីក្នុងទីតាំង ឬជាប់នឹងទីតាំងកើតហេតុដែលប្រឈម ក៏ត្រូវបានណែនាំឱ្យធ្វើការផ្លាស់ប្ដូរទៅ ទីតាំងមានសុវត្ថិភាពដូចគ្នា។

២.រដ្ឋបាលខេត្ត បានធ្វើរបាយការណ៍ជូនរាជរដ្ឋាភិបាល និងស្នើសុំអន្តរាគមន៍ទៅគណៈកម្មាធិការ ជាតិគ្រប់គ្រងគ្រោះមហន្ត និងក្រសួងធនធានទឹក និងឧតុនិយម ដើម្បីស្នើសុំការចុះពិនិត្យ វាយតម្លៃលក្ខណៈ បច្ចេកទេស និងពិនិត្យលទ្ធភាពក្នុងការស្តារ និងសាងសង់សំណង់ច្រាំងទន្លេឡើងវិញ។ ជាក់ស្ដែង នៅព្រឹក ថ្ងៃទី៣១ ខែមករា ឆ្នាំ២០០៦ នេះ ក្រុមការងារបច្ចេកទេសរបស់ក្រសួងធនធានទឹក និងឧតុនិយម សហការ ជាមួយនឹងរដ្ឋបាលខេត្ត បានចុះមកដល់ទីតាំងកើតហេតុរួចហើយ។

សូមជម្រាបដែរថា នាព្រឹកថ្ងៃទី៣១ ខែមករា ឆ្នាំ២០២៦ នេះ លោក សា ស៊ីថា អភិបាលរងខេត្ត តំណាង លោក អ៊ុន ចាន់ដា អភិបាលខេត្តកំពង់ចាម បានដឹកនាំក្រុមការងារបច្ចេកទេសខេត្ត សហការជាមួយ នាយកដ្ឋានជលសាស្រ្ត និងការងារទន្លេ នៃក្រសួងធនធានទឹក និងឧតុនិយម បានចុះពិនិត្យ និងសិក្សាលើការបាក់ស្រុតច្រាំងទន្លេមេគង្គ ស្ថិតនៅសង្កាត់កំពង់ចាម ក្រុងកំពង់ចាម។

បើតាមរបាយការរបស់ មន្ទីរធនធានទឹក និងឧតុនិយមខេត្តកំពង់ចាម បានឱ្យដឹថា មូលហេតុនៃការបាក់ស្រុតច្រាំងទន្លេនេះ តាមស្ថានភាពជាក់ស្តែងបណ្តាលមកពីចរន្តទឹកទីតាំងនោះ មានអន្លង់ទឹកគួច ហើយមុខទឹកនៃទន្លេមេគង្គហូរមកបុកចំតែម្តង ទើបធ្វើឱ្យមានបម្រែបម្រួលចរន្តទឹក នាំឱ្យប៉ះពាល់ដល់សំណង់ច្រាំងទន្លេ បូករួមទាំង សំណង់នេះសាងសងមានអាយុកាលយូរ ប្រហែល១៤ឆ្នាំហើយដែរ៕

The post រដ្ឋបាលខេត្តកំពង់ចាម ស្នើពលរដ្ឋរស់នៅតំបន់បាក់ស្រុតច្រាំងទន្លេ បង្កើនការប្រុងប្រយ័ត្ន និងសហការជាមួយសមត្ថកិច្ច appeared first on Kampuchea Thmey Daily.

លោក​អភិបាលខេត្ត បាន​ណែនាំ​ដល់​ក្រុម​ការងារជាង​ ធ្វេី​យ៉ាង​ណា​ត្រូវ​សាងសង់​អគារ​រដ្ឋបាល​ថ្មី​ ប្រកប​ដោយ​ស្តង់ដារ​បច្ចេកទេស ជាពិសេស​ត្រូវ​រៀបចំ​រចនាបថ និងសោភ័ណភាព ព្រមទាំងការកែលម្អនៅចំណុចខ្វះខាតមួយចំនួន ឱ្យ​បាន​ឆាប់​រួចរាល់​​ ដើម្បី​ប្រារព្ធ​ពិធី​សម្ពោធ​ដាក់​ឱ្យ​ប្រើប្រាស់​ជា​ផ្លូវការ ​នៅ​មុន​ពេល​ចូលឆ្នាំ​ថ្មី​ ប្រពៃណី​ជាតិ​ខ្មែរ ឆ្នាំ២០២៦ ខាងមុខ។

គួរ​បញ្ជាក់​ផងដែរថា អគារ​រដ្ឋបាលសាលាខេត្តកំពង់ចាមថ្មី ត្រូវ​បាន​សាងសង់ឡើង​អំពី​បេតុង​អាមេ​ ជញ្ជាំងរៀបឥដ្ឋ និងតំបូលប្រក់ក្បឿង ដែលមានទំហំបណ្តាយជាង​ ៥៣ម៉ែត្រ ទទឹង២៤ម៉ែត្រ និងកម្ពស់៣ជាន់​ ស្ថិតនៅក្នុងក្នុងបរិវេណសាលាខេត្ត ក្នុង​ភូមិទី៧ សង្កាត់កំពង់ចាម ក្រុងកំពង់ចាម។

បន្ទាប់មក លោកអភិបាលខេត្ត និង លោក​ប្រធានក្រុមប្រឹក្សាខេត្ត បន្តដឹកនាំក្រុមការងារ អញ្ជើញចុះពិនិត្យ ការងារជួសជុល កែលំអ ហេដ្ឋារចនាសម្ព័ន្ធមួយចំនួន នៅអង្គភាព​ច្រកចេញចូលតែមួយខេត្ត និងការិយាល័យប្រជាពលរដ្ឋខេត្ត ព្រម​ទាំង​ចុះសួរសុខទុក្ខមន្ត្រីកំពុងបំពេញការងារនៅទីនោះ ប្រកប​ដោយភាព​ស្និទ្ធស្នាល និងកក់ក្តៅក្រៃលែង៕

អត្ថបទ​និង​រូបភាព​ ៖ ​ឡេក​ ចាន់ពេជ្រ​

The post អគាររដ្ឋបាលសាលាខេត្តកំពង់ចាមថ្មី សម្រេចបាន៨០% នឹងស្ថាបនា​រួចរាល់ នៅមុនចូលឆ្នាំខ្មែរ ឆ្នាំ​២០២៦ appeared first on Kampuchea Thmey Daily.

នាឱកាសនោះ លោក អ៊ុន ចាន់ដា អភិបាលខេត្តកំពង់ចាម បានបញ្ជាក់ថា ការរៀបចំតុបតែង កែលម្អសួនច្បារខាងលើ គឺជាជ្រុងមួយដែលធ្វើឲ្យក្រុងកំពង់ចាម កាន់តែមានសោភ័ណភាពស្រស់បំព្រង ទ្វេឡើង និងមានសុវត្ថិភាពខ្ពស់ សម្រាប់បងប្អូនប្រជាពលរដ្ឋ និងភ្ញៀវទេសចរ មកលំហែកំសាន្ត ប្រកបដោយផាសុកភាព និងសាកសមជាក្រុង ដែលទទួលបានជ័យលាភី ២អាណត្តិជាប់គ្នា “ទីក្រុងស្អាត រំដួល ៣ទង”៕

អត្ថបទ​និង​រូបភាព ​៖ ​ឡេក​ ចាន់ពេជ្រ​

The post អភិបាលខេត្តកំពង់ចាម អញ្ជើញ​ចុះពិនិត្យ​គម្រោងកែលម្អសួនច្បារ ក្នុងក្រុងកំពង់ចាម appeared first on Kampuchea Thmey Daily.

នេះបើយោងតាមកិច្ចប្រជុំពិនិត្យ​វឌ្ឍនភាព ការងារស្ថាបនាផ្លូវជាតិលេខ​៧​ និងរៀបចំប្រព័ន្ធសុវត្ថិភាព នៅព្រឹកថ្ងៃទី៤ ខែកញ្ញា ឆ្នាំ២០២៥ នេះ របស់រដ្ឋបាលខេត្តកំពង់ចាម ដែលដឹកនាំដោយ លោក អ៊ុន ចាន់ដា អភិបាលខេត្តកំពង់ចាម សហការជាមួយ ក្រសួងសាធារណការ និងដឹកជញ្ជូន ដឹកនាំដោយ លោក លឹម ស៊ីដេនីន រដ្ឋលេខាធិការ និងជាប្រធានគម្រោងសាងសង់ផ្លូវជាតិលេខ៧។

នាឱកាសនោះ លោកអភិបាលខេត្ត បានគូសបញ្ជាក់ថា គម្រោងដាក់ដាំដើមឈើផ្កា យ៉ាងច្រើនសន្ធឹកសន្ធាប់ ដែលពុំធ្លាប់មានពីមុនមក គឺបានព្រមព្រៀង និងឯកភាពទាំងស្រុង ពីក្រសួងពាក់ព័ន្ធ រួមមាន ក្រសួងសាធារណការ និងដឹកជញ្ជូន និងក្រសួងបរិស្ថាន។

លោកអភិបាលខេត្តបន្តថា «យើងក៏មានផែនការ រួចហើយដែរ ចំពោះការដាក់ដដើមឈើផ្កាទាំងនេះ ដោយតម្រូវឱ្យក្រសួង និងអង្គភាពពាក់ព័ន្ធ ធ្វើការសហការជាមួយប្រជាពលរដ្ឋ ក្នុងការចលនា ថែរក្សា ការពារ គឺ “មនុស្ស១គ្រួសារ ថែរក្សាដើមឈើផ្កា១ដើម សំដៅធ្វើយ៉ាងណាឱ្យការធ្វើចរាចរណ៍តាមដងផ្លូវនេះមានសុវត្ថិភាពខ្ពស់ និងបង្កើនសោភ័ណភាពបរិស្ថានតាមដងផ្លូវ»។

ថ្លែងក្នុងឱកាសបិទកិច្ចប្រជុំ លោក លឹម ស៊ីដេនីន រដ្ឋលេខាធិការ និងជាប្រធានគម្រោងសាងសង់ផ្លូវជាតិលេខ៧ បានថ្លែងកោតសរសើរដល់រដ្ឋបាលខេត្តកំពង់ចាម ដែលបានពុះពារ សហការជាមួយក្រសួងពាក់ព័ន្ធ ជំរុញឱ្យការស្ថាបនាផ្លូវជាតិលេខ៧ ទទួលបានជោគជ័យ គួរជាទីមោទនៈ ដែលគិតមកដល់ពេលនេះ ការដ្ឋានសាងសង់ផ្លូវជាតិលេខ៧ សម្រេចបានប្រមាណជាង ៧០%ហើយ៕

The post ដើមឈើផ្កា “ជើងគោ” ១៥ ០០០ដើម នឹងដាំនៅតាមបណ្តោយផ្លូវជាតិលេខ៧ (ស្គន់-ក្រុងកំពង់ចាម) appeared first on Kampuchea Thmey Daily.

កិច្ចប្រជុំនេះមានការអញ្ជើញចូលរួមពីលោក ឡៅ ឈីវអ៊ាវ អនុរដ្ឋលេខាធិការក្រសួងអប់រំយុវជន និងកីឡា និងជាប្រធានគណៈមេប្រយោគទូទាំងប្រទេស ប្រចាំខេត្តកំពង់ចាម, លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈបញ្ជាការឯកភាពខេត្ត និងលោកស្រី វេជ្ជ. ម៉ា សូយ៉ិនដា ឧបការី នៃអង្គភាពប្រឆាំងអំពើពុករលួយ និងជាប្រធានក្រុមការងារ អ.ប.ព.។

កិច្ចប្រជុំបានដាក់ចេញនូវគោលការណ៍សំខាន់ៗចំនួន៥ រួមមាន ទី១-ការផ្អាកជាបណ្ណោះអាសន្នចំពោះទីតាំងអាជីកម្មថតចម្លង ឯកសារអ៊ីនធឺណិត និងអាជីវកម្ម លក់សម្ភារសិក្សាគ្រប់ប្រភេទ។ ទី២-ការផ្អាកជាបណ្តោះអាសន្ននូវអាជីវកម្មនានា ភោជនីយដ្ឋាន អាហារដ្ឋាន ការដ្ឋានសំណង់នានាដែលស្ថិតនៅក្នុង និងជុំវិញបរិវេណមណ្ឌលប្រឡង។ ទី៣-ទីតាំងអាជីវកម្មផ្សេងទៀតដែលស្ថិតនៅជិតបរិវេណមណ្ឌលប្រឡង ហាមបង្កសំឡេងរំខាន ឫសកម្មភាពនានា ដែលធ្វើឱ្យប៉ះពាល់ដល់ដំណើរការនៃការប្រឡងរបស់បេក្ខជន។

ទី៤-មន្ទីរសុខាភិបាល នៃរដ្ឋបាលខេត្ត ត្រូវរៀបចំក្រុមការការ-ក្រុមគ្រូពេទ្យ និងរថយន្តសង្គ្រោះ រួមនឹងការបាញ់ថ្នាំសម្លាប់មូស នៅគ្រប់មណ្ឌលប្រឡង ឱ្យបានមុន។ ទី៥-សម្រាប់ការផ្ញើទោចក្រយានយន្ត កង់-ម៉ូតូ នៅតាមមណ្ឌលប្រឡង សហភាពសហព័ន្ធយុវជនកម្ពុជាខេត្តកំពង់ចាម សម្របសម្រួល ជាកម្លាំងសន្តិសុខ មើលការខុសត្រូវ ទទួលផ្ញើមិនតម្រូវឱ្យបង់ប្រាក់ឡើយ និងចែកជូននូវទឹកបរិសុទ្ធ និងភេសជ្ជៈ ដែលឧបត្ថម្ភដោយក្រុមហ៊ុនវឌ្ឍនៈ តាមរយៈ ឯកឧត្តម អភិបាលខេត្តកំពង់ចាម។

គួរបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិ (BacII) ឆ្នាំសិក្សា២០២៤-២០២៥ ប្រព្រឹត្តទៅរយៈពេល២ថ្ងៃ គឺថ្ងៃទី២៨-២៩ ខែសីហា ឆ្នាំ២០២៥។ សម្រាប់ខេត្តកំពង់ចាមមានមណ្ឌលប្រឡងចំនួន១៥ លើសាលារៀនចំនួន១៣ ដែលស្ថិតនៅក្នុងក្រុងកំពង់ចាម ស្រុកកំពង់សៀម និងស្រុកជើងព្រៃ ក្នុងនោះថ្នាក់វិទ្យាសាស្ត្រចំនួន ០៥មណ្ឌល ស្មើនឹង ១២៧បន្ទប់ មានបេក្ខជនសរុប ៣,១៦៤នាក់ (ស្រី ១,៩៥៧នាក់) និងថ្នាក់វិទ្យាសាស្ត្រសង្គមចំនួន ១០មណ្ឌល ស្មើនឹង២៦០បន្ទប់ មានបេក្ខជនសរុប ៦,៤៧៧នាក់ (ស្រី ៣,៦៤៧នាក់)៕

The post រដ្ឋបាលខេត្តកំពង់ចាម ចេញគោលការណ៍៥ ចំណុចដើម្បីសម្រួលដល់ដំណើរការប្រឡងបាក់ឌុបឆ្នាំនេះ appeared first on Kampuchea Thmey Daily.

បើតាមលោកអភិបាលរងខេត្ត ក្នុងចំណោមសេវាជាង២សែននោះ អង្គភាពច្រកចេញចូលតែមួយខេត្តផ្ដល់បានជាង៤ម៉ឺនសេវា ការិយាល័យច្រកចេញចូលតែមួយក្រុងស្រុកខណ្ឌផ្ដល់បានជាង១សែនសេវា និងយន្តការច្រកចេញចូលតែមួយឃុំ សង្កាត់ផ្ដល់បាន៧ម៉ឺនសេវា។

លោក ស្រី សុភ័ក្ត្រ បានបន្ថែមថា រដ្ឋបាលខេត្ត ក៏បានយកចិត្តទុកដាក់ជំរុញ និងធ្វើទំនើបកម្មសេវាសាធារណៈ ដោយប្រជាពលរដ្ឋអាចស្នើសុំសេវាតាមប្រព័ន្ធអនឡាញ ដែលងាយស្រួលតាមដានការស្នើសុំសេវាពោលគឺត្រូវទទួលបាននៅថ្ងៃណា និងពេលណា ខណៈការបង់សេវា ពលរដ្ឋមានជម្រើសបង់ ដោយអាចបង់ថ្លៃសេវាតាមប្រព័ន្ធដែលស្នើសុំ និងអាចមកបង់ផ្ទាល់នៅកន្លែងតែម្ដក៏បាន។

លោកអភិបាលរងខេត្ត បានអះអាងថា រដ្ឋបាលខេត្តកំពង់ចាម ក៏បានរៀបចំការប្រឡងប្រណាំងការផ្ដល់សេវាសាធារណៈបន្ថែមលើការប្រឡងប្រណាំងថ្នាក់ជាតិ ដើម្បីជំរុញការផ្ដល់សេវានៅតាមច្រកចេញចូលនីមួយៗកាន់តែប្រសើរឡើង និងធ្វើឱ្យប្រជាពលរដ្ឋមានទំនុកចិត្តខ្ពស់ចំពោះមន្ត្រី ពិសេសការបម្រើសេវាបានយ៉ាងល្អនេះក៏បានជួយទាក់ទាញអ្នកវិនិយោគកាន់តែច្រើនឡើងៗផងដែរ៕

The post ៦ខែឆ្នាំនេះ ខេត្តកំពង់ចាមផ្ដល់សេវាច្រកចេញចូលតែមួយជាង២សែនសេវា   appeared first on Kampuchea Thmey Daily.

លោកស្រីបានបញ្ជាក់ថា «អ្នកដឹកនាំល្អ និងមានឥទ្ធិពល គឺមិនត្រឹមតែធ្វើឱ្យអ្នក ក្រោមបង្គាប់ ព្រមនិងអនុវត្តតាមនោះទេ ប៉ុន្តែជាការជំរុញពួកគេឱ្យមានឆន្ទៈ និងការប្តេជ្ញាចិត្ត ក្នុងការបំពេញការងារ ដើម្បីសម្រេចបាននូវគោលដៅរួមរបស់អង្គភាព និងសម្រាប់សង្គមជាតិទាំងមូល»។ លោកស្រីបន្តថា ការដឹកនាំ មិនមែនត្រឹមតែយើងមានសមត្ថភាពបញ្ជា និងគ្រប់គ្រងប៉ុណ្ណោះទេ ប៉ុន្តែត្រូវ ការមានចក្ខុវិស័យវែងឆ្ងាយ ការបង្កើតចិត្តរួបរួម ការបំផុសគំនិតឱ្យអ្នកដទៃ ចេះធ្វើការ សម្រេចចិត្តប្រកបដោយទំនួលខុសត្រូវ។

បើតាមលោកស្រី ប៉ាង ដានី គោលបំណងសំខាន់វគ្គបណ្តុះបណ្តាលនេះ គឺជាការបំប៉ននូវចំណេះដឹង និងការអភិវឌ្ឍជំនាញក្នុងការគ្រប់គ្រងធនធានមនុស្ស ការធ្វើឱ្យប្រសើរឡើងនូវឥទ្ធិពលក្នុងនាមជា អ្នកដឹកនាំ និងបង្កើនភាពអង់អាចក្លាហានបន្ថែមទៀតក្នុងការនិយាយជាសាធារណៈឱ្យកាន់ តែមានប្រសិទ្ធភាព ឆ្លើយតបនឹងតម្រូវការជាក់ស្តែងរបស់មន្ត្រីរាជការនៅមូលដ្ឋានថ្នាក់ក្រោម ជាតិ មន្ទីរ/អង្គភាព និងបណ្តាក្រុង/ស្រុក សង្កាត់/ឃុំ។

វគ្គបណ្តុះបណ្តាលនេះ បានរៀបចំឡើងឆ្លើយតបនឹងអាទិភាពគន្លឹះទី១ នៃយុទ្ធសាស្ត្របញ្ចកោណដំណាក់កាលទី១ គឺមនុស្ស (ក្នុងចំណោមអាទិភាពគន្លឹះទាំង៥ គឺ មនុស្ស ផ្លូវ ទឹក ភ្លើង និងបច្ចេកវិទ្យា) ហើយក៏ស្របនឹងអាទិភាព ដែលមានចែងក្នុងមុំទី១ និងមុំទី២ នៃស្នូលនៃយុទ្ធសាស្ត្របញ្ចកោណ សំដៅដល់ការពង្រឹង និងការកែទម្រង់ស្ថាប័ន តាមរយៈការ ពង្រឹងសមត្ថភាពនៃភាពជាអ្នកដឹកនាំ និងការរៀបចំបណ្តាញអ្នកដឹកនាំ ព្រមទាំងការលើកកម្ពស់សមត្ថភាពធនធានមនុស្សប្រកបដោយភាពជំនាញ ឆន្ទៈ ម្ចាស់ការ និងក្រមសីលធម៌ វិជ្ជាជីវៈស្របតាមតួនាទី និងការទទួលខុសត្រូវផងដែរ។ នេះជាការបញ្ជាក់បន្ថែមរបស់ លោកស្រីអភិបាលរងខេត្ត។

នាឱកាសនោះដែរ លោកស្រីគណៈអធិតី ក៏បានលើកទឹកចិត្តដល់សិក្ខាកាមទាំងអស់ ចូលរួមឱ្យបានសកម្មក្នុងវគ្គបណ្តុះបណ្តាលនេះ ដោយយកចិត្តទុកដាក់ស្តាប់ការចែករំលែកចំណេះដឹងរបស់គ្រូឧទ្ទេស ដើម្បីបានជាពុទ្ធិ និងបទពិសោធន៍ថ្មីៗ ល្អៗ យកទៅដឹកនាំអង្គភាពរបស់ខ្លួន សម្រាប់បម្រើប្រជាពលរដ្ឋ។ ព្រមទាំងជាការចូលរួមចំណែកអនុវត្តកម្មវិធីនយោបាយ និងយុទ្ធសាស្ត្របញ្ចកោណដំណាក់កាល ទី១ របស់រាជរដ្ឋាភិបាលកម្ពុជានីតិកាលទី៧នៃរដ្ឋសភា ក្រោមការដឹកនាំប្រកបដោយគតិបណ្ឌិត របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕

The post លោកស្រី ប៉ាង ដានី៖ អ្នកដឹកនាំល្អ និងមានឥទ្ធិពល ជំរុញឱ្យអ្នកក្រោមបង្គាប់មានការប្តេជ្ញាចិត្តក្នុងការបំពេញការងារ appeared first on Kampuchea Thmey Daily.

លោក អ៊ុន ចាន់ដា អភិបាលខេត្តកំពង់ចាម នៅព្រឹកថ្ងៃទី២០ ខែវិច្ឆិកា ឆ្នាំ២០២៤ នេះ បានអញ្ជើញដឹកនាំក្រុមការងារមន្ត្រីជំនាញពាក់ព័ន្ធចុះពិនិត្យការស្ថាបនាស្តារឡើងវិញនូវហេដ្ឋារចនាសម្ព័ន្ធមួយចំនួន ដែលរងការខូចខាតដោយសារទឹកជំនន់ នៅស្រុកស្ទឹងត្រង់ ស្រុកចំការលើ និងស្រុកព្រៃឈរ ។

ឆ្លៀត​ក្នុងឱកាសនោះ លោក អ៊ុន ចាន់ដា បានមានប្រសាសន៍​ឱ្យដឹងថា ហេដ្ឋារចនាសម្ព័ន្ធមួយចំនួន បានរងខូចខាតក្នុងកំឡុងពេលមានទឹកជំនន់ ដូចជាផ្លូវ ស្ពាន នៅក្នុងស្រុកស្ទឹងត្រង់ ។ ជាមួយគ្នានេះ ខាងស្រុកចំការលើ និងស្រុកព្រៃឈរ ក៏មានផ្លូវមួយចំនួន បានទទួលរងការខូចខាត ផងដែរ ។ មកដល់ពេលនេះ ហេដ្ឋារចនាសម្ព័ន្ធ ដែលរងការខូចខាតទាំងនោះ កំពុងត្រូវបានស្ថាបនា ស្ដារឡើងវិញ ដោយកន្លែងខ្លះ បានស្ថាបនារួចរាល់ និងចំណុចខ្លះទៀត កំពុងតែបន្តស្ថាបនាឡើងវិញ ។ លោកអភិបាលខេត្ត បានបញ្ជាក់ផងដែរថា នៅចំណុចស្ពាន ១កន្លែង ហៅវាលត្រដក់ពង ស្ថិតក្នុងឃុំទួលសំបួរ ស្រុកស្ទឹងត្រង់ ដោយស្ពាននោះ កំពុងស្ថាបនា បានសសរស្ទើរួចទាំងស្រុង និងគ្រឹះក្រោមមួយចំនួនទៀត ដែលគម្រោងស្ពាន ១កន្លែង នេះ នឹងអាចសាងសង់រួចរាល់ នាបំណាច់ឆ្នាំ២០២៤ ខាងមុខនេះ ។

ដោយឡែក ក្រៅ​ពី​សមិទ្ធផល ជាគម្រោងហេដ្ឋារចនាសម្ព័ន្ធ ខាងលើ អាជ្ញាធរខេត្ត និងមន្ត្រីពាក់ព័ន្ធ ក៏បានចុះទៅពិនិត្យដំណាំស្រូវ របស់ប្រជាកសិករ នៅស្រុកស្ទឹងត្រង់ ដែលពួកគាត់ ទទួលបានពូជស្រូវពីរាជរដ្ឋាភិបាល ឃើញថា ការដាំដុះរបស់កសិករយើង មានការលូតលាស់ល្អ ដែលយើងរំពឹងទុកថា អនាគតកសិករយើង និងទទួលបានទិន្នផលខ្ពស់ ពីស្រូវពូជ ដែលរដ្ឋាភិបាល បានផ្ដល់ជូននោះ ផងដែរ៕

អត្ថបទ​និង​រូបភាព ​៖ ​ឡេក​ ចាន់ពេជ្រ​

The post អភិបាលខេត្ត​កំពង់ចាម​ ដឹក​នាំមន្ត្រីជំនាញ​ពិនិត្យ​ការ​ស្តារឡើងវិញ នូវហេដ្ឋារចនាសម្ពន្ធ័ ដែលរងការខូចខាតដោយទឹកជំនន់កន្លងមក appeared first on Kampuchea Thmey Daily.