ប្រតិបត្តិការនេះ ធ្វើឡើងនៅថ្ងៃទី០៩ ខែកក្កដា ឆ្នាំ២០២៦ ក្រោមការដឹកនាំផ្ទាល់របស់ លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌ ដោយអនុវត្តតាមបទបញ្ជារបស់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ។

អាជ្ញាធរខណ្ឌបានឱ្យដឹងថា មុនឈានដល់ការចុះបង្ក្រាប កម្លាំងសមត្ថកិច្ចបានធ្វើការតាមដាន និងឃ្លាំមើលទីតាំងសង្ស័យនេះអស់រយៈពេលជាច្រើនថ្ងៃ។ លុះទទួលបានព័ត៌មាន និងភស្តុតាងគ្រប់គ្រាន់ ទើបកម្លាំងចម្រុះចុះត្រួតពិនិត្យជាក់ស្តែងលើផ្ទះចំនួន ៥ខ្នង នៅក្នុងបុរីវិមានភ្នំពេញ។

ជាលទ្ធផល កម្លាំងសមត្ថកិច្ចបានរកឃើញជនបរទេសស្នាក់នៅសរុបចំនួន ១៣នាក់ ក្នុងនោះមានស្ត្រី ១នាក់ ហើយបន្ទាប់ពីការសាកសួរ និងពិនិត្យសម្ភារៈពាក់ព័ន្ធ កម្លាំងជំនាញបានបញ្ជាក់ថា ទីតាំងខាងលើពាក់ព័ន្ធនឹងសកម្មភាពឆបោកតាមប្រព័ន្ធអនឡាញ (SCAM ONLINE)។

ក្រោយបញ្ចប់ប្រតិបត្តិការ ជនបរទេសពាក់ព័ន្ធ រួមទាំងសម្ភារៈ និងវត្ថុតាងដែលដកហូតបាន ត្រូវបានប្រគល់ជូនកម្លាំងជំនាញនៃស្នងការដ្ឋាននគរបាលរាជធានីភ្នំពេញ ដើម្បីបន្តស្រាវជ្រាវ និងអនុវត្តនីតិវិធីតាមផ្លូវច្បាប់ ៕ 

អត្ថបទ ៖ សំណាង

The post អាជ្ញាធរខណ្ឌឫស្សីកែវ បង្ក្រាបទីតាំងសង្ស័យ SCAM ONLINE នៅបុរីវិមានភ្នំពេញ ឃាត់ជនបរទេស ១៣នាក់ appeared first on Kampuchea Thmey Daily.

ការកោតសរសើរបែបនេះបានធ្វើឡើងនាព្រឹកថ្ងៃទី០៩ កក្កដាឆ្នាំ២០២៦នេះ នៅក្នុងកិច្ចប្រជុំសាមញ្ញលើកទី២៦របស់ក្រុមប្រឹក្សារាជធានីភ្នំពេញ អាណត្តិទី៤ក្រោមអធិបតីភាពលោក ជួប ខុន សមាជិកក្រុមប្រឹក្សារាជធានីតំណាង លោកម៉ប់ សារិន ប្រធានក្រុមប្រឹក្សារាជធានីភ្នំពេញ និងលោក ឆាយ វីរៈ អភិបាលរងរាជធានីភ្នំពេញ តំណាងលោក ឃួង ស្រេង អភិបាលរាជធានីភ្នំពេញ នៅសាលារាជធានីភ្នំពេញ។

លោក ជួប ខុន បានលើកឡើថា៖ រដ្ឋបាលរាជធានីភ្នំពេញ ក្នុងខែមិថុនាកន្លងមកនេះបានអនុវត្តការងារបានយ៉ាងល្អ ដូចជា ការរក្សាសន្តិសុខ សណ្តាប់ធ្នាប់ ការបង្ក្រាបបទល្មើសឆបោកតាមប្រព័ន្ធបច្ចេកវិទ្យា(ONLINE SCAMS) ការបង្រ្កាបគ្រឿងញៀន ល្បែងស៊ីសង ការទុកដាក់ប្រមូលសំរាម ការស្តារលូ ប្រឡាយនិង ពិសេសការផ្តល់សេវាជូនប្រជាពលរដ្ឋ តាមរយៈច្រក ចេញ ចូលតែមួយ រាជធានីភ្នំពេញ បានយ៉ាងល្អប្រសើរ ។ នេះពិតជាបង្ហាញឱ្យឃើញច្បាស់ពីការយកចិត្តទុកដាក់ខ្ពស់របស់រដ្ឋបាលរាជធានីភ្នំពេញ។

លោល ឆាយ វីរៈ បានមានប្រសាសន៍លើកឡើងថា ការកោតសរសើរ របស់សមាជិកក្រុមប្រឹក្សារាជធានីភ្នំពេញខាងលើនេះ គឺការលើកទឹកចិត្តឱ្យរដ្ឋបាលរាជធានីភ្នំពេញ ពុះពារបន្ថែមទៀត ដើម្បីធ្វើឱ្យរាជធានីភ្នំពេញ មានសន្តិសុខ សុវត្ថិភាព កាន់តែល្អប្រសើរជាមួយនិងការអភិវឌ្ឍរីកចំរើនមួយកម្រិតបន្ថែមទៀត។

លោក ឆាយ វីរៈ បានបន្តថា ពាក់ព័ន្ធនឹងការបង្ក្រាបបទល្មើសឆបោកតាមប្រព័ន្ធបច្ចេកវិទ្យា(ONLINE SCAMS)  គណៈបញ្ជាការឯកភាពរដ្ឋបាលរាជធានីភ្នំពេញដឹកនាំដោយអភិបាលរងមួយរូប បានចុះពិនិត្យទីតាំងសង្ស័យ មិនថាពេលយប់ឬថ្ងៃឡើយ គឺដើម្បីឈានទៅលុបបំបាត់បទល្មើសទាំងនេះឱ្យអស់ពីមូលដ្ឋានរាជធានីភ្នំពេញ។ ចំពោះការផ្តល់សេវា ជូនប្រជាពលរដ្ឋលោក ឃួង ស្រេង អភិបាលរាជធានីភ្នំពេញ បានដាក់បទបញ្ជាយ៉ាងម៉ឺងម៉ាត់ ក្នុងការផ្តល់សេវាឱ្យបានលឿន និងទាន់ពេល។

លោក ឆាយ វីរៈ បានបន្តទៀតថា ចំពោះការងារគ្រប់គ្រងសំណល់រឹង យើងបានដឹកសំរាមទៅទីលានចាក់សំរាមនៅខណ្ឌដង្កោប្រមាណ៤០០០តោន ក្នុង១ថ្ងៃ ហើយចាប់ពីឆ្នាំ២០២៧តទៅ យើងនឹងបង្វែលទៅសំរាមនៅទួលព្រិច ខេត្តកណ្តាលវិញ។ដោយឡែកចំពោះការស្តារលូ ប្រឡាយវិញលោក ឃួង ស្រេង ជារាល់ឆ្នាំ នៅមុនរដូវវស្សាមកដល់ គឺបានបញ្ជាឱ្យមន្ទីរសាធារណការនិងដឹកជញ្ជូនរាជធានីភ្នំពេញនិងអាជ្ញាធរខណ្ឌទាំង១៤ស្តារលូ និងប្រឡាយនៅក្នុងមូលដ្ឋានរបស់ខ្លួន ក្នុង៥ខណ្ឌកណ្តាលក្រុងស្តារលូ និង៩ខណ្ឌទៀតស្តារប្រឡាយ ដើម្បីត្រៀមរំដោះជំនន់ទឹកភ្លៀងបញ្ចៀសការជន់លិចផ្ទះសម្បែងប្រជាពលរដ្ឋ និងហេដ្ឋារចនាសម្ព័ន្ធនានាក្នុងរដូវវស្សានេះ៕

ដោយ ៖ ស្រីរ័ត្ន

The post រដ្ឋបាលរាជធានីភ្នំពេញ បង្កើនប្រសិទ្ធភាពការងារ ទាំងសន្តិសុខ ការបង្ក្រាប Online Scams និងសេវាសាធារណៈ appeared first on Kampuchea Thmey Daily.

ការណែនាំបែបនេះរបស់ លោកឃួង ស្រេង បានធ្វើឡើង ពិធីសំណេះសំណាលជាមួយសមាជិក សមាជិកា គណៈកម្មាធិការគណបក្ស សង្កាត់បឹងកេងកង៣ អូឡាំពិក និងទំនប់ទឹក ខណ្ឌបឹងកេងកង នៅសាលាប៊ែលធី ខណ្ឌបឹងកេងកង ក្រោយបញ្ចប់ម៉ោងរដ្ឋបាល នាល្ងាចថ្ងៃទី០៨ កក្កដាឆ្នាំ២០២៦នេះ។

លោកឃួង ស្រេង បានមានប្រសាសន៍ថា អាជ្ញាធរខណ្ឌ សង្កាត់ ត្រូវពិនិត្យមើលជាប្រចាំ ចំពោះប្រព័ន្ធលូ ផ្លូវ និងសណ្តាប់ធ្នាប់សាធារណៈនៅក្នុងមូលដ្ឋានរបស់ខ្លួន មិនអាចឱ្យរាជធានីភ្នំពេញបាត់បង់សោភណ្ឌភាពនោះទេ។

ក្នុងនាមអាជ្ញាធរ ត្រូវដឹងថា ការរៀបចំសណ្តាប់ធ្នាប់សាធារណៈ គឺជាឧត្ដមភាពនៃសន្លឹកឆ្នោត។ ការរៀបចំសណ្តាប់ធ្នាប់ឱ្យបានល្អ វាមិនធ្វើឱ្យបាត់បង់សន្លឹកឆ្នោតនោះទេ។ មិនអាចឱ្យពលរដ្ឋមួយចំនួនតូចធ្វើឱ្យប៉ះពាល់ដល់ប្រជាពលរដ្ឋមួយក្រុងភ្នំពេញនោះទេ។ប៉ុន្តែទោះបីជាយ៉ាងណាក្តីការងារនេះត្រូវធ្វើ ដោយភាពរលូន ដោយត្រូវផ្សព្វផ្សាយឱ្យបានច្រើន មុនចាប់ផ្តើមអនុវត្ត។

លោកឃួង ស្រេង បានបន្តថា ប្រជាពលរដ្ឋនៅរាជធានីភ្នំពេញ សព្វថ្ងៃនេះបាននិងកំពុងរស់នៅក្នុងភាពស៊ីវិល័យទៅតាមការរីកចំរើនលើគ្រប់វិស័យរបស់ប្រទេសជាតិ ហើយរាជធានីភ្នំពេញក៏បានក្លាយជាទីក្រុងគោលដៅទេសចរណ៍ដ៏ល្អបំផុតផងដែរ។ដូច្នេះយើងត្រូវរួមគ្នាដើម្បីឱ្យរាជធានីភ្នំពេញយើងមានសណ្តាប់ធ្នាប់ អនាម័យ បរិស្ថានល្អ។

លោកឃួង ស្រេង បានបន្តថា សមាជិក សមាជិការបស់យើង ជាឃោសនិកដ៏ឧត្ថុងឧត្ដមរបស់គណបក្សប្រជាជនកម្ពុជា ដូច្នេះត្រូវយកគោលនយោបាយរបស់បក្ស និងអំពើល្អៗរបស់មេដឹកនាំបក្សទៅផ្សព្វផ្សាយឱ្យប្រជាពលរដ្ឋបានយល់ជ្រោតជ្រាបកាន់តែច្បាស់ ត្រូវស៊ូ មតិឱ្យបានខ្លាំងក្លាជាមួយបក្សប្រឆាំង និងសូមឱ្យសមាជិក សមាជិកា គណបក្សប្រជាជនកម្ពុជាម្នាក់ ក្លាយជាសន្លឹកឆ្នោតមួយសន្លឹកនៅថ្ងៃបោះឆ្នោត។

លោកឃួង ស្រេង បានបន្តទៀតថា យើងជឿទុកចិត្តលើការដឹកនាំរបស់សម្តេចតេជោ ហ៊ុន សែន និងសម្ដេចធិបតីហ៊ុន ម៉ាណែត នាយករដ្ឋមន្ត្រីរដ្ឋមន្ត្រី។សម្តេចទាំងទ្វេបានប្តេជ្ញាចិត្តយ៉ាងដាច់ខាតក្នុងកិច្ចការពារបូរណៈភាពទឹកដី មិនឱ្យបាត់បង់។ ដូច្នេះយើងត្រូវយកអ្វីៗទាំងនេះ

ទៅផ្សព្វផ្សាយឱ្យប្រជាពលរដ្ឋ បានយល់ជ្រោតជ្រាបកាន់តែច្បាស់ ពេញចិត្តពេញថ្លើម បន្តគាំទ្រគណបក្សប្រជាជនកម្ពុជាកាន់តែច្រើនថែមទៀត ដើម្បីឈានឆ្ពោះទៅយកជ័យជំនៈក្នុងការឈ្នះឆ្នោតនៅឆ្នាំ២០២៧និងឆ្នាំ២០២៨។

ក្នុងឱកាសនោះដែរ ទាំងចៅសង្កាត់និងមេភូមិនីមួយៗ បានលើកឡើងពី សមិទ្ធផលរបស់បក្សដែលសម្រេចបាន ជាមួយនិងការលើកឡើងពីផែនការសកម្មភាពដែលបាននិងកំពុងអនុវត្ត ដូចជា ការខិតខំកសាងសមាជិកបក្ស ការរក្សាសន្តិសុខសណ្តាប់ធ្នាប់ជូនប្រជាពលរដ្ឋនៅក្នុងមូលដ្ឋាន ការបន្តបង្ក្រាបបទល្មើសឆបោកតាមប្រព័ន្ធបច្ចេកវិទ្យា(ONLINES CAMS) ជាដើម។ បន្ថែមពីនេះក៏បានលើកឡើងពីការ ធ្វើពហិការមិនប្រើប្រាស់ទំនិញរបស់ថៃពីសំណាក់ប្រជាពលរដ្ឋនៅក្នុងមូលដ្ឋានផងដែរ៕

ដោយ ៖ ស្រីរ័ត្ន

The post លោកឃួង ស្រេង ណែនាំឱ្យ អាជ្ញាធរខណ្ឌ រៀបចំសណ្តាប់ធ្នាប់ ពិសេសអ្នកលក់ដូរអាណាធិបតេយ្យលើចិញ្ចើមផ្លូវ appeared first on Kampuchea Thmey Daily.

ទីភ្នាក់ងារ បារាំងសម្រាប់អភិវឌ្ឍន៍ AFD ប្រចាំប្រទេសកម្ពុជានឹងផ្តល់ឥណទាន ជួយរាជធានីភ្នំពេញបន្ថែមទៀត នោះគឺ ការជួយលើគម្រោងសាងសង់ អាងប្រព្រឹត្តកម្មទឹកកខ្វក់ នៅភាគខាងជើងរាជធានីភ្នំពេញ ខណៈដែល AFDបានជួយរាជធានីភ្នំពេញ ប្រមាណ៣០ឆ្នាំហើយ ទាំងហេដ្ឋារចនាសម្ព័ន្ធនិងនវានុវត្តន៍ជាដើម។

នេះជាការបង្ហាញឱ្យដឹងក្នុងក្នុងជំនួបសំដែងការគួសមរវាង លោកឃួង ស្រេង អភិបាលនៃគណៈអភិបាលរាជធានីភ្នំពេញនិងលោកស្រី សាន់ឌ្រីន ប៊ូឆ័រ (Sandrine BOUCHER) នាយិកាទីភ្នាក់ងារ បារាំងសម្រាប់អភិវឌ្ឍន៍ AFD ប្រចាំប្រទេសកម្ពុជា នារសៀលថ្ងៃទី០៦កក្កដាឆ្នាំ២០២៦នេះ នៅសាលារាជធានីភ្នំពេញ។

លោក ឃួង ស្រេង ក្នុងឱកាសនោះបានលើកឡើងពីភូមិសាស្ត្ររាជធានីភ្នំពេញ ដែលមានប្រជាពលរដ្ឋរស់នៅចេញចូលទាំងការស្នាក់នៅប្រមាណជា៣លាននាក់។ ទន្ទឹមនិងកំណើតប្រជាពលរដ្ឋនិងលំនៅដ្ឋានកើនឡើងបានធ្វើឱ្យរាជធានីភ្នំពេញប្រឈមនឹងបញ្ហាសំណល់រាវដែលទៀមទាឱ្យមានការដោះស្រាយ។ពាក់ព័ន្ធនឹងបញ្ហានេះ AFD ប្រចាំប្រទេសកម្ពុជាបានជួយរាជធានីភ្នំពេញជាច្រើន ទាំងអគ្គិសនី ទឹកស្អាតផងដែរ។ 

លោក ឃួង ស្រេង បានបន្តថា នៅរាជធានីភ្នំពេញ ប្រជាពលរដ្ឋមានទឹកស្អាតប្រើប្រាស់ប្រមាណ៩០%ហើយ។ ដោយមានកម្ចីពី AFDយើងបានពង្រីកស្ថានីយ៍ផលិតទឹកស្អាតប្រើប្រាស់ជាបន្តបន្ទាប់ យើងសង្ឃឹមថានៅឆ្នាំ២០៣០ នៅរាជធានីភ្នំពេញ នឹងទទួលមានទឹកស្អាតប្រើប្រាស់គ្រប់គ្រាន់។ ក្រោមជំនួយពីទីក្រុងប៉ារីសនិងចៃការបស់ជប៉ុន រាជធានីភ្នំពេញបានដោះស្រាយបញ្ហាប្រឈមនិងសំណល់រាវ បានល្អប្រសើរ។ ជាងនេះទៅទៀតសម្ដេចបវរធិបតីហ៊ុនម៉ាណែតបានបង្កើតនូវគម្រោងឥណទានមួយ ដោយប្រើប្រាស់ថវិកាប្រមាណជាង១០០លានដុល្លារ ដើម្បីដោះស្រាយបញ្ជៀសនូវការលិចលង់ទៀតផង។

 លោក ឃួង ស្រេង ក្នុងឱកាសនោះ ក៏បានថ្លែងនូវការអរគុណចំពោះ AFD ដែលមានគម្រោងជួយកសាងអាងប្រព្រឹត្តកម្មទឹកកខ្វក់មួយនៅខាងជើងរាជធានីភ្នំពេញ។

លោកស្រី សាន់ឌ្រីន ប៊ូឆ័រ បានមានប្រសាសន៍លើកឡើងថា៖ AFD បានជួយរាជធានីភ្នំពេញ ប្រមាណ៣០ឆ្នាំហើយ ទាំងហេដ្ឋារចនាសម្ព័ន្ធនិងនវានុវត្តន៍ ដោយការផ្តល់សេវាតំបូងគេនៅរាជធានីភ្នំពេញ គឺទឹកស្អាតនិងអគ្គិសនី។ បន្ថែមពីនេះ AFDនឹងជួយកសាងសមត្ថិភាពក្មេងជំនន់ក្រោយបន្ថែមទៀត ដូចជាការកសាងសាលាបណ្តុះបណ្តាលវិជ្ជាជីវៈ ជួយបណ្តុះបណ្តាលជំនាញទឹកស្អាត ការជួយរៀបចំហេដ្ឋារចនាសម្ព័ន្ធនិងនវានុវត្តន៍ក្នុងកម្រិតខ្ពស់។

លោកស្រី សាន់ឌ្រីន ប៊ូឆ័រ បានបញ្ជាក់ថា អ្វីដែល AFDនិងរដ្ឋបាលរាជធានីភ្នំពេញ កំពុងធ្វើនៅពេលនេះគឺការសិក្សា លើគម្រោងសាងសង់ អាងប្រព្រឹត្តកម្មទឹកកខ្វក់ នៅភាគខាងជើងរាជធានីភ្នំពេញ គម្រោងនេះនឹងឃើញពន្លឺថ្ងៃនៅពេលឆាប់ៗនេះ៕

ដោយ ៖ ស្រីរ័ត្ន

The post AFD នឹងផ្តល់ឥណទាន ជួយរាជធានី លើការជួយសាងសង់ គម្រោងអាងប្រព្រឹត្តកម្មទឹកកខ្វក់ នៅភាគខាងជើងរាជធានី appeared first on Kampuchea Thmey Daily.

ស្ថានទូតសហរដ្ឋអាមេរិក ប្រចាំព្រះរាជាណាចក្រកម្ពុជាបានជ្រើសរើសយកផ្លូវថ្មើរជើងចតុមុខ ក្នុងខណ្ឌដូនពេញ ដើម្បីរៀបចំពិធីអបអរសាទរ រំលឹកខួបលើកទី ២៥០ នៃទិវាឯករាជ្យជាតិសហរដ្ឋអាមេរិក ជាមួយនិងការរៀបចំតាំងពិព័រណ៍ម្ហូបអាហារ និងផលិតផលអាមេរិក ដែលបើកជាសាធារណៈនាល្ងាចថ្ងៃទី៤ ខែកក្កដា ឆ្នាំ២០២៦នេះ។

ពិធីនេះ បានធ្វើឡើងក្រោមវត្តមានលោក ឃួង ស្រេង អភិបាលរាជធានីភ្នំពេញនិងលោកស្រី Aleksandra Zittle ភារធារីនៃស្ថានទូតសហរដ្ឋអាមេរិក ប្រចាំព្រះរាជាណាចក្រកម្ពុជា ដោយមានការដើរទស្សនាស្តង់និងភ្លក់អាហាររបស់អាមេរិកផងដែរ។

ព្រឹត្តិការណ៍នេះបានគូសបញ្ជាក់អំពីស្មារតីយូរអង្វែងរបស់អាមេរិក លើភាពច្នៃប្រឌិត និងនយោបាយការទូត ដើម្បីបន្តពង្រឹងទំនាក់ទំនងរវាងសហរដ្ឋអាមេរិក និងកម្ពុជាកាន់តែល្អបករសើរថែមទៀត។

លោក ឃួង ស្រេង បានមានប្រសាសន៍លើកឡើងថា ការរៀបចំពិធីដើម្បីអបអរសាទរ រំលឹកខួបលើកទី ២៥០ នៃទិវាឯករាជ្យជាតិសហរដ្ឋអាមេរិកនៅពេលនេះ គឺក្រោយពេល៥ថ្ងៃនៃខួបទំនាក់ទំនងការទូតរវាងកម្ពុជានិងសហរដ្ឋអាមេរិកគម្រប់៧៦ឆ្នាំ នាថ្ងៃទី២៩មិថុនា១៩៥០។ កិច្ចសហប្រតិបត្តិការណ៍រវាងកម្ពុជានិងសហរដ្ឋអាមេរិកបាននិងកំពុងឈានទៅរកភាពល្អប្រសើរ ខណៈដែលប្រទេសកម្ពុជាមានសន្តិភាពពេញលេញ ក្រោមការដឹកនាំរបស់សម្ដេចអគ្គមហាសេនាបតីតេជោហ៊ុនសែន អតីតនាយករដ្ឋមន្ត្រីនៃព្រះរាជាណាចក្រកម្ពុជានិងបន្តដឹកនាំដោយសម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី ហើយ ក៏បានធ្វើឱ្យទំនាក់ទំនងការទូតនៃប្រទេសទាំងពីរកាន់តែល្អប្រសើរថែមមួយកម្រិតថែមទៀត។

លោក ឃួង ស្រេង បានបន្តថា តាមរយៈទំនាក់ទំនងការទូតនៃប្រទេសទាំងពីរនេះ បានធ្វើឱ្យវិស័យពានិជ្ជកម្ម វិនិយោគ អប់រំនិងការដោះមីននៅកម្ពុជាកាន់តែល្អប្រសើរ ជាមួយនិងការប្តេជ្ញាចិត្តរួមគ្នា ក្នុងការថែរក្សាសន្តិសុខជាសកល។

លោក ឃួង ស្រេង បានបន្តថា រដ្ឋបាលរាជធានីភ្នំពេញបានចូលរួមជាមួយស្ថានទូតសហរដ្ឋអាមេរិក ដោយបានផ្តល់ទីតាំង ផ្លូវថ្មើរជើងចតុមុខ ខណៈដែលទីតាំងនេះជាទីតាំងផ្សព្វផ្សាយពាណិជ្ជកម្ម ទាំងរដ្ឋនិងឯកជនដ៏ធំមួយនៅភ្នំពេញ ជាតំបន់ទេសចរណ៍ដែលទទួលបានការសាទរ និងគាំទ្រយ៉ាងផុសផុលពីសំណាក់បងប្អូនភ្ញៀវទេសចរណ៍ជាតិ និងអន្តរជាតិ។

លោកស្រី Aleksandra Zittle ក្នុងឱកាសនោះក៏បានមានប្រសាសន៍លើកឡើងថា ឆ្នាំ២០២៦ នេះ គឺជាខួបអនុស្សាវរីយ៍លើកទី ២៥០ នៃការកកើតសហរដ្ឋអាមេរិក ដែលជាសមិទ្ធផលដ៏សំខាន់មួយ ដែលយើងមិនត្រឹមតែអបអរសាទរ ក្នុងនាមជាប្រជាជនអាមេរិកប៉ុណ្ណោះទេ ប៉ុន្តែយើងក៏បានអបអរសាទររួមគ្នា ជាមួយមិត្តភក្តិខ្មែររបស់យើងពេញមួយឆ្នាំនេះផងដែរ។

លោកស្រី បានបន្តថា តន្ត្រី Pacific Brass ដែលមានវត្តមាននៅពេលនេះ គឺជាភាសាសកល ដែលមិនត្រូវការការបកប្រែនោះឡើយ។ វាអាចឆ្លងកាត់ព្រំដែន ផ្សារភ្ជាប់វប្បធម៌ និងជះឥទ្ធិពលផ្ទាល់ទៅកាន់បេះដូងមនុស្សគ្រប់រូប ហើយនៅរាត្រីនេះ តន្ត្រីបាននាំពួកយើងមកជួបជុំគ្នា នៅលើវិថីថ្មើរជើងនេះ ដើម្បីអបអរសាទរខួបកំណើតលើកទី ២៥០ របស់សហរដ្ឋអាមេរិក។

វង់តន្ត្រី Pacific Brass ពិតជាបានឆ្លងកាត់មួយសប្តាហ៍ដ៏អស្ចារ្យ និងគួរឱ្យចងចាំនៅទីនេះ ក្នុងប្រទេសកម្ពុជា។ គំនិតផ្តួចផ្តើមកម្មវិធីនេះ បានស្តែងឱ្យឃើញពីទំនាក់ទំនង និងចំណងមិត្តភាពដ៏រឹងមាំ រវាងប្រជាជន និងប្រជាជន នៃប្រទេសទាំងពីររបស់យើង។ ខណៈពេលដែលយើងកំពុងប្រារព្ធពិធីអបអរសាទរព្រឹត្តិការណ៍ដ៏វិសេសវិសាល និងជាប្រវត្តិសាស្ត្ររបស់សហរដ្ឋអាមេរិកនេះ សូមយើងរួមគ្នាអបអរសាទរផងដែរ នូវអ្វីដែលយើងបានកសាងរួមគ្នាកន្លងមក ដែលជាចំណងមិត្តភាពផ្អែកលើការគោរពគ្នាទៅវិញទៅមក ទំនាក់ទំនងដ៏យូរអង្វែង និងចក្ខុវិស័យរួមគ្នាមួយ សម្រាប់អនាគតដ៏មានសន្តិភាព និងវិបុលភាព៕

ដោយ ៖ ស្រីរ័ត្ន

The post ស្ថានទូតសហរដ្ឋអាមេរិក ជ្រើសរើសយកផ្លូវថ្មើរជើងចតុមុខ រៀបចំពិធីអបអរសាទរ រំលឹកខួបលើកទី ២៥០ នៃទិវាឯករាជ្យជាតិសហរដ្ឋអាមេរិក appeared first on Kampuchea Thmey Daily.

លោកស្រី ដោ សម្ផស្ស នាយករងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ បានឱ្យដឹងនាថ្ងៃទី២៥មិថុនានេះថា ក្រោមការដឹកនាំ និងបញ្ជាផ្ទាល់របស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ និងជាប្រធានគណៈបញ្ជាការឯកភាពរដ្ឋបាលរាជធានីភ្នំពេញ កាលពីថ្ងៃទី២៤ ខែមិថុនា ឆ្នាំ២០២៦ម្សិលមិញនេះ គណៈបញ្ជាការឯកភាពរដ្ឋបាលខណ្ឌទាំង១៤ បានចុះត្រួតពិនិត្យ និងផ្សព្វផ្សាយអនុក្រឹត្យលេខ ០៣ នៅតាមទីតាំងអគារខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួន ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងភូមិសាស្ដ្ររាជធានីភ្នំពេញ បានចំនួន ១០១ទីតាំង រកឃើញជនបរទេសស្នាក់នៅសរុបចំនួន ៣៤១នាក់ (ស្រី ១១៨នាក់) គ្មានលិខិតឆ្លងដែន ២០នាក់។

លោកស្រី ដោ សម្ផស្ស បានបញ្ជាក់ថា ក្នុងចំណោមទីតាំងទាំង ១០១នេះ ក្រុមការងារបានរកឃើញបទល្មើសឆបោកតាមប្រព័ន្ធបច្ចេកវិទ្យា ១ករណី ស្ថិតនៅបុរីជីបម៉ុង ៥០ម៉ែត្រ ភូមិគ្រឹះលេខ១១ ផ្លូវP០៤ ភូមិថ្មី សង្កាត់ដង្កោ ខណ្ឌដង្កោ ដោយបានឃាត់ខ្លួនជនសង្ស័យចំនួន ២៤នាក់ (ស្រី ១នាក់) ក្នុងនោះមានជនជាតិចិន ២៣នាក់ និងជនជាតិម៉ាឡេស៊ី ១នាក់ (ស្រី) ព្រមទាំងដកហូតសម្ភារមួយចំនួនរួមមាន៖ ម៉ូនីទ័រ ២គ្រឿង ធុងCPU ១គ្រឿង កុំព្យូទ័រយួរដៃ ២២គ្រឿង ទូរស័ព្ទ ៦៩១គ្រឿង Router WiFi ១គ្រឿង ដុំបំបែកអ៊ីនធឺណែត (Wireless Access Point) ១០គ្រឿង ដុំសាកទូរស័ព្ទ ១០គ្រឿង និងម៉ាស៊ីន DVR ១គ្រឿង។

តាមការធ្វើកោសល្យវិច័យរបស់ការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ បានត្រួតពិនិត្យឃើញថាជាប់ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្រោមរូបភាពបញ្ចុះបញ្ចូលអូសទាញជនរងគ្រោះឱ្យចូលរួមវិនិយោគភាគហ៊ុនតាមប្រព័ន្ធបច្ចេកវិទ្យា និងមានគោលដៅទៅប្រទេសម៉ាឡេស៊ី។

លោកស្រី ដោ សម្ផស្ស បន្តថា ដោយឡែកក្នុងប្រតិបត្តិការនេះដែរ រដ្ឋបាលខណ្ឌសែនសុខបានចុះត្រួតពិនិត្យរកឃើញទីតាំងប្រព្រឹត្តបទល្មើសប្រើប្រាស់ និងជួញដូរគ្រឿងញៀនខុសច្បាប់ចំនួន ១ករណី ស្ថិតនៅខុនដូរ អេចសែនសុខ ជាន់ទី២៥ បន្ទប់A២ ស្ថិតនៅភូមិទំនប់ សង្កាត់ភ្នំពេញថ្មី ខណ្ឌសែនសុខ ដោយបានឃាត់ខ្លួនជនសង្ស័យជនជាតិចិនចំនួន ២នាក់ (ប្រុស) ព្រមទាំងដកហូតសម្ភាររួមមាន៖ គ្រឿងញៀន ៥កញ្ចប់ និងដបទឹកកែច្នៃសម្រាប់ប្រើប្រាស់គ្រឿង ៤ដប។

បច្ចុប្បន្នជនសង្ស័យ និងសម្ភារទាំងអស់ដែលពាក់ព័ន្ធនឹងបទល្មើសទាំងពីរត្រូវបានបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីបន្ដនីតិវិធី៕

អត្ថបទ៖ ស្រីរ័ត្ន

The post ថ្ងៃទី២៤មិថុនា កម្លាំងជំនាញរកឃើញបទល្មើស​ONLINE SCAMS ១ករណី និងបទល្មើសគ្រឿងញៀន១ករណី appeared first on Kampuchea Thmey Daily.

ជាក់ស្តែងគិតត្រឹមថ្ងៃទី ២៥ ខែមិថុនា ឆ្នាំ ២០២៦ នេះ គម្រោងស្ថាបនាផ្លូវបេតុងឆ្អឹងដែក ១ ខ្សែ ស្ថិតក្នុងសង្កាត់ស្វាយប៉ាក ខណ្ឌឫស្សីកែវ ត្រូវបានដំណើរការចាក់បេតុងជាបន្តបន្ទាប់ ជិតរួចរាល់ហើយ ប្រកបដោយសុវត្ថិភាពការដ្ឋានខ្ពស់។

លោក ផាត ជាពលរដ្ឋ លើកឡើងថា គម្រោងនេះ បានជួយសម្រួល និង លើកកម្ពស់សេដ្ឋកិច្ចរស់នៅរបស់ប្រជាពលរដ្ឋក្នុងភូមិទាំងពីរ ក៏ដូចជាតំបន់សង្កាត់ស្វាយប៉ាកទាំងមូល។ ក្នុងនោះ ថែមទាំងផ្តល់ភាពងាយស្រួលដល់សិស្សានុសិស្ស និង លោកគ្រូ-អ្នកគ្រូ ក្នុងតំបន់ វិទ្យាល័យ ជា ស៊ីម ចំរើនរដ្ឋ ដោយជួយរំដោះចរាចរណ៍ ព្រមទាំងកាត់បន្ថយការកកស្ទះក្នុងភូមិសាស្ត្រសហគមន៍តូចៗ ក្នុងខណ្ឌឫស្សីកែវ បានយ៉ាងប្រសើរ។

លោក គន់ សោភា ប្រធានសាធារណការខណ្ឌឫស្សីកែវ បានឲ្យដឹងថា គម្រោងហេដ្ឋារចនាសម្ព័ន្ធនេះ ស្ថិតក្រោមការដឹកនាំរបស់រដ្ឋបាលរាជធានីភ្នំពេញ។ ចំពោះផ្លូវបេតុងដែកនេះ មានប្រវែងសរុបជាង ១,០០០ ម៉ែត្រ ទទឹងផ្លូវ ៨ ម៉ែត្រ កម្រាស់ ១,៥ តឹក (១៥ សង់ទីម៉ែត្រ) ប្រើប្រាស់បេតុងឆ្អឹងដែកទំហំ ១០ លី ចាប់ផ្តើមពីចំណុចកែងផ្លូវបុរីវិមានភ្នំពេញ ភ្ជាប់ទៅកាន់ផ្លូវបេតុងតំបន់ក្រសួងរៀបចំដែនដី នគរូបនីយកម្ម និង សំណង់ ដើម្បីឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋនៅមូលដ្ឋាន។

បច្ចុប្បន្ន ក្រុមការងារបច្ចេកទេស កំពុងជំរុញការងារនេះយ៉ាងសកម្ម ដើម្បីបញ្ចប់គម្រោងឲ្យបានឆាប់រហ័ស ធានាបាននូវគុណភាពរឹងមាំ សម្រាប់ជាប្រយោជន៍ទូទៅរបស់សាធារណជនក្នុងការធ្វើដំណើរ៕
អត្ថបទ ៖ រដ្ឋា

The post រដ្ឋបាលរាជធានីភ្នំពេញ ចាក់ផ្លូវបេតុងឆ្អឹងដែកប្រវែងជាង ១ ពាន់ម៉ែត្រ ក្នុងសង្កាត់ស្វាយប៉ាក សម្រួលការធ្វើដំណើរជូនពលរដ្ឋ appeared first on Kampuchea Thmey Daily.

លោក ឯក ឃុនដឿន បានមានប្រសាសន៍ថា ការដេញថ្លៃគម្រោង គឺជាការប្រកួតប្រជែងប្រកបដោយយុត្តិធម៌ តម្លាភាព គណនេយ្យភាព និងអាចជឿទុកចិត្តបាន។ លោកស្នើឱ្យអ្នកពាក់ព័ន្ធក្នុងការដេញថ្លៃគម្រោងទាំងអស់មិនត្រូវគប់គិតគ្នាធ្វើឱ្យប៉ះពាល់គុណភាពនៃគម្រោងដាច់ខាត។ គណៈកម្មការគ្រប់គ្រងគម្រោងសង្កាត់ ត្រូវគោរពតាមគោលការណ៍របស់លទ្ធកម្ម តាមដានត្រួតពិនិត្យការអនុវត្តគម្រោងជាប្រចាំ ដោយសរសេរចូលក្នុងសៀវភៅការដ្ឋានជាប្រចាំ។ បន្ថែមពីនេះទៀត គណៈកម្មការគ្រប់គ្រងគម្រោងសង្កាត់ ក៏ត្រូវតាមដានការរីកចំរើននៃគម្រោងជាប្រចាំ និងផ្តល់ការកែលម្អ នៅពេលចុះពិនិត្យ ការដ្ឋានជាក់ស្តែង។ ជៀសវាងឱ្យបាននូវការជីកផ្លូវដាក់លូ ទុកចោលធ្វើឱ្យប៉ះពាល់ដល់ការធ្វើចរាចររបស់ប្រជាពលរដ្ឋ។

បន្ថែមពីនេះ លោក ឯក ឃុនដឿន ក៏បានណែនាំអោយក្រុមហ៊ុន អ្នកទទួលការ ត្រូវគោរពឱ្យបានត្រឹមត្រូវតាមក្រមសីលធម៌របស់ក្រុមហ៊ុន អ្នកទទួលការ ត្រូវស្គាល់ទីតាំង និងដឹងច្បាស់អំពីទំហំការងាររបស់គម្រោង ពិចារណាឱ្យបានច្បាស់លាស់មុននឹងដាក់តម្លៃដេញថ្លៃ។ ក្រោយពីការដេញថ្លៃបាន ត្រូវគោរពនីតិវិធីនៃកិច្ចសន្យា និងរយៈពេលកំណត់ក្នុងការអនុវត្តគម្រោង មានសៀវភៅការដ្ឋានតាមការណែនាំរបស់ក្រុមគាំទ្របច្ចេកទេសខណ្ឌ និងសង្កាត់ធានាសុវត្ថិភាពការដ្ឋាន និងសុវត្ថិភាពសាធារណៈ ចាប់ពីពេលបើកការដ្ឋានអនុវត្តគម្រោងរហូតដល់ពេលបិទការដ្ឋាន។ រាល់ការសាងសង់ ត្រូវធ្វើឱ្យមានគុណភាព ស្របតាមបទដ្ឋានបច្ចេកទេស មានសោភ័ណភាព និងមានតម្លៃសមស្របមិនប៉ះពាល់បរិស្ថានសង្គម ធានាបានសុវត្ថិភាពសាធារណៈ និងប្រើប្រាស់បានយូរអង្វែង។

លោក ចាន់ គន្ថេត អភិបាលរងខណ្ឌទួលគោក បានមានឱ្យដឹងផងដែរថា គម្រោងប្រើប្រាស់មូលនិធិអភិវឌ្ឍន៍សង្កាត់ទាំង១០ ដែលបានដាក់ឱ្យដេញថ្លៃនាពេលនេះមានចំនួន១២គម្រោង ដែលមានតម្លៃប៉ាន់ស្មានចំនួន ១.៧៧៤.២៧៩.១០០រៀល ក្នុងនោះរួមមាន៖
១ សង្កាត់ផ្សារដេប៉ូទី១ មាន ១គម្រោង
-ជួសជុលផ្លូវអ៊ុតកៅស៊ូ ប្រវែង ២២០ម៉ែត្រ ទទឹង ៨ម៉ែត្រ តម្លៃប៉ាន់ស្មាន: ១៥៧.៣០០.១០០រៀល
២ សង្កាត់ផ្សារដេប៉ូទី២ មាន១គម្រោង
-ជួសជុលផ្លូវអ៊ុតកៅស៊ូ ប្រវែង ២០០ម៉ែត្រ ទទឹង ៧,៥ម៉ែត្រ តម្លៃប៉ាន់ស្មាន: ១៣៤.០១៤.៧០០រៀល
៣ សង្កាត់ផ្សារដេប៉ូទី៣ មាន១គម្រោង
-ជួសជុលផ្លូវអ៊ុតកៅស៊ូ ប្រវែង១៨៧ម៉ែត្រ ទទឹង ៨ម៉ែត្រ តម្លៃប៉ាន់ស្មាន១៣៣.៦៩៥.៤០០រៀល
៤ សង្កាត់ទឹកល្អក់ទី១ មាន ២គម្រោង
-ដាក់អំពូលគោមភ្លើងអគ្គិសនីសាធារណៈចំនួន៤៥កប្លែនិងដាក់លូ ទំហំ០,៦ម៉ែត្រ ប្រវែង ២០៩ម៉ែត្រ
តម្លៃប៉ាន់ស្មាន: ១៤០.១៩២.៧០០រៀល
៥ សង្កាត់ទឹកល្អក់ទី២ មាន ១គម្រោង
-ជួសជុលផ្លូវអ៊ុតកៅស៊ូ ប្រវែង២៣៧ម៉ែត្រ ទទឹង ៨ម៉ែត្រ តម្លៃប៉ាន់ស្មាន ១៦៩.៤៥៨.៨០០រៀល
៦ សង្កាត់ទឹកល្អក់ទី៣ មាន ២គម្រោង
-ជួសជុលផ្លូវបេតុងគ្មានសរសៃដែក ប្រវែង៧៥ម៉ែត្រ ទទឹង៤,៣ម៉ែត្រនិងដាក់លូ ទំហំ០,៦ម៉ែត្រ ប្រវែង ៥៧៧ម៉ែត្រ តម្លៃប៉ាន់ស្មាន: ១៩៩.០៤៧.៩០០រៀល
៧ សង្កាត់បឹងកក់ទី១ មាន ១គម្រោង
-ដាក់លូជ្រុង ទំហំ០,៦៥ម៉ែត្រx ០,៧៥ម៉ែត្រ ប្រវែង ៣៥២ម៉ែត្រ តម្លៃប៉ាន់ស្មាន: ២០៤.៣៥៦.៨០០រៀល
៨ សង្កាត់បឹងកក់ទី២ មាន ១គម្រោង
-ជួសជុលផ្លូវអ៊ុតកៅស៊ូ ប្រវែង ៣១០ម៉ែត្រ ទទឹង ៨ម៉ែត្រ តម្លៃប៉ាន់ស្មាន: ២៤៩.០៣៦.៣០០រៀល
៩ សង្កាត់ផ្សារដើមគរ មាន១គម្រោង
-ជួសជុលផ្លូវអ៊ុតកៅស៊ូ ប្រវែង២២៤ម៉ែត្រ ទទឹង ៧,៥ម៉ែត្រ តម្លៃប៉ាន់ស្មាន: ១៨២.០០១.៤០០រៀល
១០ សង្កាត់បឹងសាឡាង មាន១គម្រោង
-ជួសជុលផ្លូវអ៊ុតកៅស៊ូ ប្រវែង ៣៤២ម៉ែត្រ ទទឹង ៦,៦៨ម៉ែត្រតម្លៃប៉ាន់ស្មាន: ២០៥.១៧៥.០០០រៀល៕

អត្ថបទ៖ ស្រីរ័ត្ន

The post គម្រោងមូលនិធិអភិវឌ្ឍន៍សង្កាត់ទាំង១០ នៅខណ្ឌទទួលគោក ឆ្នាំ២០២៦ មាន១២គម្រោង តម្លៃប៉ាន់ស្មានជាង ១.៧៧៤លានរៀល appeared first on Kampuchea Thmey Daily.