តាមការផ្សាយរបស់ BBC, ហេតុការណ៍ដ៏រន្ធត់នេះកើតឡើង នៅក្បែរតំបន់ Adamuz នៃទីក្រុង Cordoba ភាគខាងត្បូងប្រទេសអេស្ប៉ាញ។

ក្រុមហ៊ុនគ្រប់គ្រងផ្លូវដែក Adif បានឲ្យដឹងថា រថភ្លើងមួយគ្រឿងជារបស់ក្រុមហ៊ុន Iryo បានធ្វើដំណើរចេញពីទីក្រុង Málaga ឆ្ពោះទៅ Madrid បានបើកធ្លាក់ផ្លូវ រួចក៏ចូលទៅគន្លងរបស់រថភ្លើងមួយទៀត ​ជារបស់ក្រុមហ៊ុន Renfe ដែលបើកមកក្នុងទិសដៅបញ្ច្រាស់គ្នា បណ្តាលឲ្យបុកគ្នាពេញទំហឹងតែម្តង។

ក្រុមមន្ត្រីបានឲ្យដឹងថា​ ក្រៅពីមនុស្សស្លាប់ នៅមានមនុស្ស១០០នាក់ទៀតត្រូវរងរបួសក្នុងហេតុការណ៍នេះ ក្នុងនោះមាន៧៥នាក់ ត្រូវបញ្ជូនទៅកាន់មន្ទីរពេទ្យ។

ក្រុមសង្គ្រោះបានជួបឧបសគ្គក្នុងការទាញយកអ្នកជាប់ក្នុងទូរថភ្លើងចេញមកក្រៅ ព្រោះតែបំណែករថភ្លើង ខណៈអាជ្ញាធរនៅតែកំពុងធ្វើការស៊ើបអង្កេតជាបន្តទៀត ដើម្បីរកព័ត៌មានបន្ថែមអំពីសោកនាដកម្មនេះ៕

អត្ថបទ៖ សុខ សុវណ្ណ

The post មនុស្សស្លាប់កើនដល់ ៣៩នាក់ ក្នុងសោកនាដកម្ម រថភ្លើងបុកគ្នានៅអេស្ប៉ាញ appeared first on Kampuchea Thmey Daily.

តាមការផ្សាយរបស់ BBC, ហេតុការណ៍ដ៏រន្ធត់នេះកើតឡើងនៅម៉ោង ៦:៥០នាទីល្ងាចថ្ងៃអាទិត្យទី១៨ខែមករាឆ្នាំ២០២៦ ក្បែរតំបន់ Adamuz នៃទីក្រុង Cordoba ភាគខាងត្បូងប្រទេសអេស្ប៉ាញ។

ក្រុមហ៊ុនគ្រប់គ្រងផ្លូវដែក Adif បានឲ្យដឹងថា រថភ្លើងមួយគ្រឿងជារបស់ក្រុមហ៊ុន Iryo បានធ្វើដំណើរចេញពីទីក្រុង Málaga ឆ្ពោះទៅ Madrid បានបើកធ្លាក់ផ្លូវ រួចក៏ចូលទៅគន្លងរបស់រថភ្លើងមួយទៀត ​ជារបស់ក្រុមហ៊ុន Renfe ដែលបើកមកក្នុងទិសដៅបញ្ច្រាស់គ្នា បណ្តាលឲ្យបុកគ្នាពេញទំហឹងតែម្តង។

ក្រុមហ៊ុន Iryo បញ្ជាក់ថា ពេលកើតហេតុ មានមនុស្សប្រមាណ៣០០នាក់ ជិះក្នុងរថភ្លើងរបស់ខ្លួន។

ជុំវិញសោកនាដកម្មនេះ នាយករដ្ឋមន្ត្រីអេស្ប៉ាញ Pedro Sánchez និយាយថា រដ្ឋាភិបាលកំពុងសហការជាមួយក្រុមសង្គ្រោះបន្ទាន់ ដើម្បីជួយដល់ជនរងគ្រោះ។

ទន្ទឹមនោះ អាជ្ញាធរអេស្ប៉ាញ ក៏កំពុងបើកការស៊ើបអង្កេតផងដែរ ដើម្បីរកមូលហេតុពិតនៃសោកនាដកម្មនេះ ខណៈមានក្តីបារម្ភថា តួលេខមនុស្សស្លាប់ប្រហែលកើនឡើង ព្រោះនៅមានអ្នករបួសធ្ងន់ច្រើន៕

អត្ថបទ៖ សុខ សុវណ្ណ

The post រថភ្លើងបុកគ្នានៅអេស្ប៉ាញ ស្លាប់មនុស្ស២១នាក់ និងជាង១០០នាក់ រងរបួស appeared first on Kampuchea Thmey Daily.

សាក្សីម្នាក់ឈ្មោះ Johan បានប្រាប់ទីភ្នាក់ងារសារព័ត៌មាន AFP ថា គាត់បានឃើញរថភ្លើងមួយក្នុងចំណោមរថភ្លើងដែលបើកបញ្ច្រាស់ទិសគ្នា បានបុកគ្នាជាមួយរថភ្លើងមួយដែលចត​ស្ងៀមបង្កជាសម្លេងផ្ទុះយ៉ាងខ្លាំង។ ចំណែកសាក្សីម្នាក់ទៀតបានប្រាប់ទូរទស្សន៍ BFM ថាទ្វាររបស់រថភ្លើងបានខ្ទាតចេញ​ព្រោះ​ការបុកនេះ។

វីដេអូ និងរូបថតដែលបានបង្ហោះនៅលើប្រព័ន្ធផ្សព្វផ្សាយសង្គមបានបង្ហាញពីរថភ្លើងពីរដែលមានមនុស្សរាប់សិបនាក់នៅខាងក្នុង ខណៈផ្សែង​ហុយ​ឡើង​និង​ទិដ្ឋភាព​វឹកវរ​ជា​មួយនឹងសំឡេង​រោទិ៍។

នាយក​ទីភ្នាក់ងារ​ពន្លត់អគ្គិភ័យ និងជួយសង្គ្រោះក្នុងតំបន់ Bas-Rhin បានបង្ហោះនៅលើ​បណ្ដាញ​សង្គម​ X ដោយបានជំរុញឱ្យប្រជាជនជៀសវាងការទៅតំបន់នេះ ដើម្បីអនុញ្ញាតឱ្យ​ភ្នាក់ងារ​សង្គ្រោះបន្ទាន់ងាយស្រួល​ចូលទៅកាន់​កន្លែង​កើត​ហេតុ។ អ្នករងរបួសធ្ងន់មួយចំនួនរួមមាន របួសក្បាល បាក់ឆ្អឹងភ្លៅ និងរបួសជង្គង់ និងក៏មានមនុស្សប្រហែល ១០០នាក់ផ្សេងទៀតរងរបួសតិចតួច ខណៈអ្នកបើកបររថភ្លើងទាំងពីរមិនមានរបួសនោះទេ។

ឆ្លើតតបទៅនឹងគ្រោះថ្នាក់នេះមាន រថយន្តប្រហែល ៥០ គ្រឿង និងរថយន្តពន្លត់អគ្គីភ័យចំនួន ១៣០ គ្រឿងត្រូវបានបញ្ជូនទៅកាន់កន្លែងកើតហេតុ។ ទោះយ៉ាងណាមិន​មាន​អ្នក​ស្លាប់នៅ​ក្នុងហេតុការណ៍នេះឡើយ ខណៈការស៉ើបអង្កេតលើមូលហេតុនេះកំពុងដំណើរការ​ បើទោះបីអាជ្ញាធរថាការ​ប៉ះ​ទង្គិច​គ្នា​នេះ​មិន​មាន​ចេតនាក៏ដោយ៕

អត្ថបទ៖ ប៊ុន សុភាព

The post មនុស្សជាង​៦០​នាក់រងរបួសក្នុងហេតុការណ៏រថភ្លើងបុកគ្នានៅ​បារាំង appeared first on Kampuchea Thmey Daily.

ប៉ូលីសឆេកបាននិយាយនៅលើប្រព័ន្ធផ្សព្វផ្សាយសង្គម X ថា រថភ្លើងពីរគ្រឿង​​​បានបុកគ្នានៅក្នុងសង្កាត់ Prague 8 នៅលើផ្លូវក្បែរស្ពានប្រសព្វជាមួយផ្លូវ Cuprova ដោយបានធ្វើឱ្យមនុស្សជាច្រើននាក់រងរបួសនៅកន្លែងកើតហេតុ។បើយោងតាមសេវាសង្គ្រោះវេជ្ជសាស្ត្រនៅទីក្រុង Prague មានមនុស្ស២៥នាក់រងរបួស ដែលភាគច្រើនមានរបួសត្រង់​អវៈយវៈ​​ដៃជើង​ ឬក្បាល និងបានជម្លៀសអ្នកដំណើរប្រហែល២០០នាក់តាមរយៈរថភ្លើងជម្លៀសពិសេសមួយ​​ទៀត​។

ប្រព័ន្ធផ្សព្វផ្សាយក្នុងស្រុកបានរាយការណ៍ថា រថភ្លើងដឹកអ្នកដំណើរមួយបានបុកជាមួយរថភ្លើងមួយទៀតដែលបានកំពុងឈប់បង្កឲ្យមានគ្រោះថ្នាក់ដល់អ្នកដំណើរ។ ជាមួយគ្នានេះប៉ូលិសកំពុងស៊ើបអង្កេតគ្រោះថ្នាក់នេះ ខណៈការសន្និដ្ឋានដំបូងថាជា «ការធ្វេសប្រហែស» ហើយប៉ូលិសថែមទាំងបានធ្វើតេស្តដង្ហើមរបស់អ្នកបើកបររថភ្លើងម្នាក់គឺវិជ្ជមានជាតិអាល់កុល៕

អត្ថបទ៖ ប៊ុន សុភាព

The post រថភ្លើងបុកគ្នា​បណ្តាលឱ្យ​មនុស្ស​យ៉ាងហោច​២៥​នាក់​រងរបួស​នៅ​សាធារណរដ្ឋឆេក appeared first on Kampuchea Thmey Daily.

សោកនាដកម្មផ្លូវដែក ដែលជារឿងដ៏អាក្រក់បំផុតរបស់ឥណ្ឌាក្នុងរយៈពេលប៉ុន្មានទសវត្សរ៍មកនេះ បានកើតឡើងកាលពីល្ងាចថ្ងៃសុក្រទី២ខែមិថុនា នៅស្ថានីយ៍មួយក្នុងរដ្ឋ Odisha ភាគខាងកើត នៅពេលរថភ្លើងដឹកអ្នកដំណើរល្បឿនលឿន Coromandel Express បានបុកជាមួយរថភ្លើងដឹកទំនិញដែលផ្ទុកដោយរ៉ែដែក។

ហេតុការណ៍បុកគ្នា​នេះ ​បណ្តាលឲ្យទូ​រថភ្លើង​មួយ​ចំនួន​ ធ្លាក់ទៅលើ​ផ្លូវ​ផ្ទុយ​គ្នា ហើយប៉ុន្មាននាទីក្រោយមក រថភ្លើងដឹកអ្នកដំណើរទីពីរ បានមកបុកទូរថភ្លើងទាំងនោះ។

ថ្លែងទៅកាន់ទីភ្នាក់ងារព័ត៌មាន ANI លោក Vaishnaw បាននិយាយថា ឧបទ្ទវហេតុនេះបានកើតឡើងដោយសារតែកំហុសនៃការផ្លាស់ប្តូរប្រព័ន្ធគ្រប់គ្រងចលនារថភ្លើង។

ទន្ទឹមនឹងនេះ លោក Jaya Verma Sinha មន្ត្រីផ្លូវដែកជាន់ខ្ពស់ បានអះអាងថា ទិន្នន័យបឋមបង្ហាញថា រថភ្លើង Coromandel Express បានទទួលសញ្ញាដើម្បីប្រើប្រាស់ផ្លូវដែក ប៉ុន្តែក្រោយមកវាបានផ្លាស់ប្តូរវិញ។ ហេតុនេះបណ្តាលឲ្យ​រថភ្លើង ​ចូលខុសគន្លងនៅ​ជាប់​គ្នា ហើយបណ្តាលឲ្យ​បុកជាមួយរថភ្លើង​ដឹកទំនិញតែម្តង។

លើសពីនេះ​ លោក Vaishnaw និយាយថា អាជ្ញាធរបានកំណត់អត្តសញ្ញាណមនុស្សជាច្រើននាក់ ដែលទទួលខុសត្រូវចំពោះឧបទ្ទវហេតុនេះ ប៉ុន្តែមិនផ្តល់ព័ត៌មានលម្អិតបន្ថែមទៀត ដោយលើកហេតុផលថា ការស៊ើបអង្កេតកំពុងបន្ត។

ថ្វីបើដំបូង តួលេខមនុស្សស្លាប់ត្រូវបានគេប៉ាន់ស្មានថាមានចំនួន២៨៨នាក់ និងអ្នករបួសជាង ១០០០នាក់ក៏ដោយ ប៉ុន្តែក្រោយមកប្រធានរដ្ឋ Odisha លោក Pradeep Jena បានកែប្រែតួលេខ ចុះមកនៅត្រឹម២៧៥នាក់វិញ ដោយអះអាងថា អាជ្ញាធរច្រឡំរាប់សាកសពខ្លះដល់ទៅពីរដង។

លោក​ក៏​បាន​កត់​សម្គាល់​ផង​ដែរ​ថា សាកសព​ចំនួន ៨៨ នាក់ ត្រូវ​បាន​កំណត់​អត្តសញ្ញាណ៕

ប្រែសម្រួល៖ Vann Vann

ប្រភព៖ RT

ចុចអាន៖ រថភ្លើងបុកគ្នានៅឥណ្ឌា ក្លាយជាគ្រោះមហន្តរាយផ្លូវដែក សម្លាប់មនុស្សច្រើនបំផុតក្នុងរយៈពេល ២៥ឆ្នាំចុងក្រោយ

The post ដឹងមូលហេតុ ដែលបណ្តាលឲ្យរថភ្លើងបុកគ្នា ស្លាប់មនុស្សជិត ៣០០នាក់ នៅ ឥណ្ឌា appeared first on Kampuchea Thmey Daily.

ឧបទ្ទវហេតុផ្លូវដែកដ៏សាហាវបំផុតរបស់ប្រទេសឥណ្ឌា កាលពីយប់ថ្ងៃសុក្រកន្លងទៅ បានបន្សល់ទុកនូវសាកសពយ៉ាងរណូករណែល ស្របពេលដែលសាកសពមួយចំនួនមានតែបំណែកមិនអាចកំណត់អត្តសញ្ញាណបាន និងមានបន្ទប់ជាច្រើនត្រូវបានកម្ទេច ហើយទូរថភ្លើងមួយចំនួនបានហោះចេញពីផ្លូវដែក។

ចំពោះមូលហេតុពិតប្រាកដនៃហេតុការណ៍ដ៏សោកសៅនេះនៅមិនទាន់កំណត់ច្បាស់លាស់នោះទេ ប៉ុន្តែបើតាមរបាយការណ៍ពីមន្ត្រីផ្លូវដែកបានឱ្យដឹងថា វាជាកំហុសនៃការបញ្ជូនសញ្ញា។

ដោយឡែក សេចក្តីថ្លែងការណ៍បឋម អាជ្ញាធរផ្លូវដែកភាគអាគ្នេយ៍បាននិយាយថា រថភ្លើង Howrah Superfast Express បានរអិលធ្លាក់ផ្លូវ និងធ្វើឲ្យទូររថភ្លើងមួយចំនួនបានក្រឡាប់ ខណៈក្រោយមករថភ្លើង Coromandel Express បានបើកមកបុកទូររថភ្លើងដែលក្រឡាប់នោះ៕

ប្រែសម្រួល៖ សន្យា

ប្រភព៖ CNA

ចុចអាន៖ រថភ្លើងបុកគ្នាពេញទំហឹងនៅ ឥណ្ឌា ស្លាប់មនុស្ស ២៣៣ នាក់ និង ៩០០ នាក់រងរបួស

ចុចអាន៖ រថភ្លើងបុកគ្នានៅឥណ្ឌា ក្លាយជាគ្រោះមហន្តរាយផ្លូវដែក សម្លាប់មនុស្សច្រើនបំផុតក្នុងរយៈពេល ២៥ឆ្នាំចុងក្រោយ

The post មនុស្សស្លាប់កើនឡើង សាកសពមួយចំនួនមិនទាន់រកឃើញ ក្នុងហេតុកាណ៍រថភ្លើងបុកគ្នានៅឥណ្ឌា appeared first on Kampuchea Thmey Daily.

ស្របពេលជាមួយគ្នានោះ រដ្ឋមន្ត្រីក្រសួងផ្លូវដែក Ashwini Vaishnaw បាននិយាយថា ក្រុមជួយសង្គ្រោះមកពីរដ្ឋផ្សេងទៀតនៃប្រទេសឥណ្ឌា ត្រូវបានដាក់ពង្រាយទៅកាន់រដ្ឋ Odisha ដើម្បីជួយអ្នកឆ្លើយតបដំបូងក្នុងតំបន់។ រថយន្តសង្គ្រោះជាង ១១០គ្រឿង ក៏ត្រូវបានបញ្ជូនទៅជម្លៀសអ្នកនៅរស់រានមានជីវិតផងដែរ។

លើសពីនេះ អាជ្ញាធររដ្ឋ Odisha បានប្រកាសយកថ្ងៃអាទិត្យទី៤ខែមិថុនាជាថ្ងៃកាន់ទុក្ខ។

គួរបញ្ជាក់ថា ឧបទ្ទវហេតុនេះគឺជាគ្រោះមហន្តរាយផ្លូវដែកដែលបណ្តាលឲ្យមនុស្សស្លាប់បំផុតនៅប្រទេសឥណ្ឌា ក្នុងរយៈពេល២៥ឆ្នាំចុងក្រោយ។

ក្នុងឆ្នាំ១៩៩៩ រថភ្លើងពីរគ្រឿងបានបុកគ្នានៅរដ្ឋ West Bengal ដែលបណ្តាលឲ្យមនុស្សយ៉ាងតិច២៨៥នាក់បាត់បង់ជីវិត៕

ប្រែសម្រួល៖ Vann Vann

ប្រភព៖ RT

ចុចអាន៖ រថភ្លើងបុកគ្នាពេញទំហឹងនៅ ឥណ្ឌា ស្លាប់មនុស្ស ២៣៣ នាក់ និង ៩០០ នាក់រងរបួស

The post រថភ្លើងបុកគ្នានៅឥណ្ឌា ក្លាយជាគ្រោះមហន្តរាយផ្លូវដែក សម្លាប់មនុស្សច្រើនបំផុតក្នុងរយៈពេល ២៥ឆ្នាំចុងក្រោយ appeared first on Kampuchea Thmey Daily.

លោក Konstantinos Agorastos អភិបាលតំបន់ Thessaly បាននិយាយប្រាប់ទូរទស្សន៍ SKAI ថា រថភ្លើងទាំងពីរ ដែលមួយជារថភ្លើងដឹកអ្នកដំណើរ ធ្វើដំណើរចេញពីទីក្រុង អាថែន ទៅកាន់ទីក្រុង Thessaloniki ភាគខាងជើង និងមួយគ្រឿងទៀតជារថភ្លើងដឹកទំនិញចេញពីទីក្រុង Thessaloniki ទៅទីក្រុង Larissa បានបុកគ្នានៅខាងក្រៅទីក្រុង Larissa កណ្តាលប្រទេសក្រិក។

លោក​​និយាយ​ថា​ អ្នកដំណើរប្រហែល២៥០នាក់ ត្រូវបានជម្លៀសដោយសុវត្ថិភាពទៅកាន់ទីក្រុង Thessaloniki។

Angelos Tsiamouras អ្នកដំណើរម្នាក់បានប្រាប់ ERT ថា “វាដូចជាការរញ្ជួយដី។ អ្នកទាំងអស់គ្នាភ័យខ្លាំង ហើយនាំគ្នាស្រែក”។

ប្រព័ន្ធផ្សព្វផ្សាយក្នុងស្រុករាយការណ៍ថា មានមនុស្សប្រហែល ៣៥០នាក់កំពុងធ្វើដំណើរនៅលើរថភ្លើងដឹកអ្នកដំណើរ។

អ្នកពន្លត់អគ្គិភ័យប្រហែល១៥០នាក់, រថយន្តសង្គ្រោះ៤០គ្រឿង និងប៉ូលិសរាប់សិបនាក់កំពុងស្ថិតនៅកន្លែងកើតហេតុ។

ទោះបីជាយ៉ាងណាក៏ដោយ ភ្លាមៗ មូលហេតុនៃគ្រោះថ្នាក់នេះ មិនទាន់ត្រូវបានគេដឹងច្បាស់នៅឡើយទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ គ្រោះថ្នាក់ចរាចរណ៍ រថភ្លើង បុកយន្តហោះ នៅអាមេរិក

The post រថភ្លើងបុកគ្នា ស្លាប់និងរបួសមនុស្សជាង ១០០នាក់ នៅ ក្រិក (មានវីដេអូ) appeared first on Kampuchea Thmey Daily.