រថភ្លើងបុកគ្នាពេញទំហឹងនៅ ឥណ្ឌា ស្លាប់មនុស្ស ២៣៣ នាក់ និង ៩០០ នាក់រងរបួស

យ៉ាងហោចណាស់មនុស្ស ២៣៣ នាក់បានស្លាប់ និងប្រហែល ៩០០ នាក់បានរងរបួស បន្ទាប់ពីរថភ្លើងដឹកអ្នកដំណើរចំនួន ២ គ្រឿងបានបើកបុកគ្នានៅរដ្ឋ Odisha ភាគខាងកើតប្រទេសឥណ្ឌា ។

មន្ត្រីផ្លូវដែកបាននិយាយកាលពីថ្ងៃសុក្រថា រថភ្លើងរបស់ក្រុមមហ៊ុន Coromandel Express ដែលរត់ពីទីក្រុង Kolkata ទៅទីក្រុង Chennai បានបុកយ៉ាងពេញទំហឹងជាមួយរថភ្លើងដឹកអ្នកដំណើរមួយទៀតរបស់ក្រុមហ៊ុន Howrah Superfast Express ។

អាជ្ញាធរផ្លូវដែកភាគអាគ្នេយ៍បាននិយាយនៅក្នុងសេចក្តីថ្លែងការណ៍មួយថា រថភ្លើង Howrah Superfast Express បានរអិលធ្លាក់ផ្លូវ និងធ្វើឲ្យទូររថភ្លើងមួយចំនួនបានក្រឡាប់ ខណៈក្រោយមករថភ្លើង Coromandel Express បានបើកមកបុកទូររថភ្លើងដែលក្រឡាប់នោះ ។

ប្រមុខរដ្ឋលោក Pradeep Jena បាននិយាយនៅក្នុងបណ្ដាញ Twitter ថា ចំនួនអ្នកស្លាប់អាចនឹងកើនឡើង ខណៈរហូតមកដល់ពេលនេះសាកសពចំនួន ២០៧ នាក់ហើយត្រូវបានគេរកឃើញ ។

គួរបញ្ជាក់ថា ឥណ្ឌាតែងតែកើតមានគ្រោះថ្នាក់នៅលើផ្លូវដែកជារៀងរាល់ឆ្នាំ ដោយសារតែបណ្ដាញផ្លូវដែកធំបំផុតរបស់ពិភពលោកមួយនេះ គឺគ្រប់គ្រងដោយអង្គភាពតែមួយ ៕

សូមទស្សនាវីដេអូ

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ លោក ថាក់ស៊ីន បញ្ជាក់ច្បាស់ៗពីពេលវេលាវិលត្រឡប់ចូលស្រុកវិញ