មនុស្សស្លាប់កើនឡើង សាកសពមួយចំនួនមិនទាន់រកឃើញ ក្នុងហេតុកាណ៍រថភ្លើងបុកគ្នានៅឥណ្ឌា

រហូតមកដល់ថ្ងៃអាទិត្យនេះ អាជ្ញាធរឥណ្ឌាបានបញ្ជាក់ថា ឧបទ្ទវហេតុរថភ្លើងបុកគ្នា បានសម្លាប់មនុស្សយ៉ាងហោចណាស់ ២៨៨នាក់ និងមនុស្សជាង ១០០០នាក់បានរងរបួស ខណៈសាកសពមួយចំនួននៅមិនទាន់រកឃើញនោះទេ។

ឧបទ្ទវហេតុផ្លូវដែកដ៏សាហាវបំផុតរបស់ប្រទេសឥណ្ឌា កាលពីយប់ថ្ងៃសុក្រកន្លងទៅ បានបន្សល់ទុកនូវសាកសពយ៉ាងរណូករណែល ស្របពេលដែលសាកសពមួយចំនួនមានតែបំណែកមិនអាចកំណត់អត្តសញ្ញាណបាន និងមានបន្ទប់ជាច្រើនត្រូវបានកម្ទេច ហើយទូរថភ្លើងមួយចំនួនបានហោះចេញពីផ្លូវដែក។

ចំពោះមូលហេតុពិតប្រាកដនៃហេតុការណ៍ដ៏សោកសៅនេះនៅមិនទាន់កំណត់ច្បាស់លាស់នោះទេ ប៉ុន្តែបើតាមរបាយការណ៍ពីមន្ត្រីផ្លូវដែកបានឱ្យដឹងថា វាជាកំហុសនៃការបញ្ជូនសញ្ញា។

ដោយឡែក សេចក្តីថ្លែងការណ៍បឋម អាជ្ញាធរផ្លូវដែកភាគអាគ្នេយ៍បាននិយាយថា រថភ្លើង Howrah Superfast Express បានរអិលធ្លាក់ផ្លូវ និងធ្វើឲ្យទូររថភ្លើងមួយចំនួនបានក្រឡាប់ ខណៈក្រោយមករថភ្លើង Coromandel Express បានបើកមកបុកទូររថភ្លើងដែលក្រឡាប់នោះ៕

ប្រែសម្រួល៖ សន្យា

ប្រភព៖ CNA

ចុចអាន៖ រថភ្លើងបុកគ្នាពេញទំហឹងនៅ ឥណ្ឌា ស្លាប់មនុស្ស ២៣៣ នាក់ និង ៩០០ នាក់រងរបួស

ចុចអាន៖ រថភ្លើងបុកគ្នានៅឥណ្ឌា ក្លាយជាគ្រោះមហន្តរាយផ្លូវដែក សម្លាប់មនុស្សច្រើនបំផុតក្នុងរយៈពេល ២៥ឆ្នាំចុងក្រោយ